Ethio Fm 107.8
前往频道在 Telegram
በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!
显示更多📈 Telegram 频道 Ethio Fm 107.8 的分析概览
频道 Ethio Fm 107.8 (@ethiofm107dot8) 阿姆哈拉语 语言赛道中的 是活跃参与者。目前社区聚集了 18 406 名订阅者,在 新闻与媒体 类别中位列第 12 180,并在 埃塞俄比亚 地区排名第 1 963 位。
📊 受众指标与增长动态
自 невідомо 创建以来,项目保持高速增长,吸引了 18 406 名订阅者。
根据 17 十一月, 2026 的最新数据,频道保持稳定运转。过去 30 天订阅人数变化为 -15,过去 24 小时变化为 -8,整体触达仍然可观。
- 认证状态: 未认证
- 互动率 (ER): 平均受众互动率为 8.63%。内容发布后 24 小时内通常能获得 6.64% 的反应,占订阅者总量。
- 帖子覆盖: 每篇帖子平均可获得 1 589 次浏览,首日通常累积 1 223 次浏览。
- 互动与反馈: 受众积极参与,单帖平均反应数为 3。
📝 描述与内容策略
作者将该频道定位为表达主观观点的平台:
“በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!”
凭借高频更新(最新数据采集于 18 十一月, 2026),频道始终保持新鲜度与高覆盖。分析显示受众积极互动,使其成为 新闻与媒体 类别中的关键影响点。
18 406
订阅者
-824 小时
-177 天
-1530 天
帖子存档
18 406
አሜሪካ በተከታታይ የቴክኖሎጂ መቋረጦች ምክንያት ‹‹ስርዓታዊ›› ጥቃት አልደረሰባትም- ሩቢዮ
የአሜሪካ የውጭ ጉዳይ ሚኒስትር ማርኮ ሩቢዮ፤በባለፈው ሳምንት በሀገሪቱ የተከሰቱት ተከታታይ የቴክኖሎጂ መቋረጦች እርስ በርስ የተያያዙ ወይም የተቀናጀ ጥቃት አካል መሆናቸውን የሚያሳይ ‹‹ምንም ማስረጃ የለም›› ሲሉ አስተባብለዋል።
ሩቢዮ ለጋዜጠኞች በሰጡት ማብራሪያ፤በቅርቡ የተከሰቱት የቴክኖሎጂ መቋረጦች በሕዝብ ዘንድ ስጋት መፍጠራቸውን አምነዋል።
ነገር ግን ክስተቶቹ እርስ በርስ የተያያዙ ወይም የተቀናጀ ዕቅድ አካል እንደሆኑ የሚያሳይ ማስረጃ እንደሌለ ገልጸዋል።
‹‹በስርዓታዊ ጥቃት ስር አይደለንም፤ እነዚህ ክስተቶች አንዱ ከሌላው ጋር ምንም ግንኙነት የላቸውም፤ እርስ በርስም አልተያያዙም›› ሲሉ ሩቢዮ ተናግረዋል።
የሳይበር ደህንነት ባለሙያዎችም በተለያዩ የቴክኖሎጂ መቋረጦች መካከል ቀጥተኛ ግንኙነት የሚያሳይ ማስረጃ እንደሌለ ገልጸዋል።
በርካታ ችግሮቹም ከአሮጌ የቴክኖሎጂ መሠረተ ልማቶች ጋር በተያያዙ የማሻሻያ ሂደቶች ምክንያት የተፈጠሩ ሊሆኑ እንደሚችሉ ተጠቁሟል።
ባለፈው ሳምንት በማይክሮሶፍት ላይ ከፍተኛ የአገልግሎት መቋረጥ የተከሰተ ሲሆን፤በሌላ ክስተት የቴክኖሎጂ ችግር በአሜሪካ ያሉ ሁሉንም በረራዎች ለሰዓታት እንዲቆሙ አድርጓል።
በተጨማሪም በብሔራዊ የደህንነት ኤጀንሲ፣ በበርካታ የአሜሪካ ባንኮች እና በአፕል አገልግሎቶች ላይ ችግሮች ተከስተዋል።
ሩቢዮ ግን እነዚህ ክስተቶች አንድ የተቀናጀ ጥቃት አካል እንደሆኑ የሚያሳይ ማስረጃ እስካሁን እንዳልተገኘ አስታውቀዋል።
ሀና ሰይፉ
ህዳር 9 ቀን 2019 ዓ.ም
18 11月, 10:01
18 406
"ብሔራዊ ሰንደቅ ዓላማን ወለል ላይ መተው አልችልም" የህንዱ ጠቅላይ ሚኒስትር
የህንዱ ጠቅላይ ሚኒስትር ሰንደቅ ዓላማን ከወለል ላይ በማንሳታቸው ትኩረት ሳቡ
በፊሊፒንስ ዋና ከተማ ማኒላ በተካሄደው 7ኛው የኩዋድ የመሪዎች ጉባኤ ላይ የህንድ ጠቅላይ ሚኒስትር ናሬንድራ ሞዲ የሀገራቸውን ሰንደቅ ዓላማ ከወለል ላይ በማንሳት በፎቶ ሥነ-ሥርዓቱ ላይ ትኩረት ስበዋል።
ሞዲ ከአሜሪካው ፕሬዝዳንት ዶናልድ ትራምፕ፣ ከአውስትራሊያው ጠቅላይ ሚኒስትር አንቶኒ አልባኔዝ እና ከጃፓኗ ጠቅላይ ሚኒስትር ሳናኤ ታካኢቺ ጋር ለፎቶ ሲቆሙ፣ የህንድን ሰንደቅ ዓላማ ከወለል ላይ አንስተው፣ “ብሔራዊ ሰንደቅ ዓላማን ወለል ላይ መተው አልችልም” ብለዋል። በወቅቱ ፕሬዝዳንት ትራምፕም “ጠብቀው” በማለት ምላሽ ሰጥተዋል።
ድርጊቱ በፎቶ ሥነ-ሥርዓቱ ወቅት የተከናወነ ሲሆን፣ ሞዲ በ2023 በደቡብ አፍሪካ በተካሄደው የብሪክስ ጉባኤም ተመሳሳይ ድርጊት ፈጽመው እንደነበር ተዘግቧል።
ከፎቶ ሥነ-ሥርዓቱ በኋላ በተካሄደው የኩዋድ መሪዎች ውይይት፣ ሞዲ ቡድኑን “እምነት የሚጣልበት እና በጎ አጋርነት” ሲሉ ገልጸው፣ በኢንዶ-ፓሲፊክ ቀጠና ትብብርን ለማጠናከር ጥሪ አቅርበዋል።
የሞዲ ድርጊት ሰንደቅ ዓላማ የሀገርን ሉዓላዊነትና ማንነት የሚወክል ብሔራዊ ምልክት መሆኑን በድጋሚ ያስታወሰ ክስተት ሆኗል።
ሐመረ ፍሬው
ኀዳር 9 ቀን 2019 ዓ.ም
18 11月, 08:05
18 406
አውሮፓ በታሪክ ተመዝግቦ የማያውቅ ‹‹እጅግ ከባድ›› የሰደድ እሳት ወቅት እንዳጋጠማት የአዉሮፓ ህብረት ሪፖርት አሳየ
በአውሮፓ ህብረት አገራት ውስጥ እሳት ከ1.07 ሚሊየን ሄክታር በላይ መሬት ያቃጠለ ሲሆን፤ስፔን እና ፖርቹጋል ከጠቅላላው 63 በመቶውን ይይዛሉ፡፡
የአውሮፓ ኮሚሽን የጋራ የምርምር ማዕከል ባወጣው ሪፖርት ፤አውሮፓ በ2025 በታሪክ ተመዝግቦ የማያውቅ ‹‹እጅግ ከባድ››የሰደድ እሳት ወቅት ያሳለፈች ሲሆን፤በዚህም በአውሮፓ ህብረት ከ1 ሚሊየን 79 ሺህ ሄክታር በላይ መሬት በሰደድ እሳት ወድሟል።
በምዕራብ ሜዲትራኒያን የተከሰቱ የሰደድ እሳቶች በአውሮፓ ህብረት ከተቃጠለው መሬት 52 በመቶውን ሲይዙ፤ስፔን እና ፖርቹጋል በጋራ ከጠቅላላው 63 በመቶውን ድርሻ ይዘዋል።
በአውሮፓ፣ ሰሜን አፍሪካና መካከለኛው ምስራቅ በሚገኙ 46 ሀገራትና ግዛቶች በድምሩ 23 ሺህ 1መቶ80 የሰደድ እሳት አደጋዎች ተመዝግበዋል።
በእነዚህም ከ2.24 ሚሊየን ሄክታር በላይ መሬት ተቃጥሏል። ይህ ከ2024 20 በመቶ የበለጠ ሲሆን፤ ከ2023 ጋር ሲነጻጸር ደግሞ ወደ 2.5 እጥፍ ይጠጋል።
ከ35 ሀገራት እና ግዛቶች የተገኘው ብሔራዊ መረጃ እንደሚያሳየው ስፔን፣ ፖርቹጋል፣ ጣሊያን እና ግሪክ ከወትሮው ያነሱ የእሳት አደጋዎችን ቢያስመዘግቡም፤የተቃጠለው መሬት መጠን ግን ከመደበኛው በላይ ነበር፡፡
ጀርመን፣ ኔዘርላንድ እና ኖርዌይን ጨምሮ በዘጠኝ ሀገራት ውስጥ የእሳት አደጋዎቹ ብዛትም ሆነ የተቃጠለው መሬት ስፋት ከ10 ዓመቱ አማካይ በልጧል።
በአንጻሩ መረጃ ካቀረቡት አገራትና ግዛቶች ግማሹ ከአማካይ በታች የእሳት አደጋ መጠን አስመዝግበዋል።
በብሪታንያ በመጋቢት ወር 2መቶ20 የሰደድ እሳት አደጋዎች ሲመዘገቡ፤ ኔዘርላንድ በሚያዝያ 5 ከፍተኛው የእሳት አደጋ ስጋት ደረጃ ላይ ደርሳ ነበር።
ስዊድንም ከዚያ ቀደም ብሎ በሚያዝያ 3 ከፍተኛ የእሳት አደጋ ስጋት ደረጃ አስመዝግባለች።
ቢፋን የኋላሸት
ህዳር 9 ቀን 2019 ዓ.ም
18 11月, 08:04
18 406
የፓንዴሚክ ፈንድ የመጀመሪያው ዓለም አቀፍ ጉባኤ በአዲስ አበባ መካሄድ ጀመረ
የፓንዴሚክ ፈንድ ቦርድ የመጀመሪያውን ዓለም አቀፍ ጉባኤ በአዲስ አበባ ከተማ እያካሄደ ይገኛል
ከህዳር 9 እስከ 11 ቀን በሚካሄደው በዚህ ጉባኤ ላይ የቦርዱ አባላት በኢትዮጵያ በፈንዱ ድጋፍ እየተተገበረ የሚገኘውን የወረርሽኝ መከላከል እና ዝግጁነትን በአካል ተገኝተዉ ተመልክተዋል።
የኢትዮጵያ የወረርሽኝ መከላከል፣ ዝግጁነትና ምላሽ ፕሮጀክት በድምሩ ከ1መቶ13 ሚሊየን ዶላር በላይ በሆነ የፋይናንስ ድጋፍ የሚንቀሳቀስ ሲሆን፤ከፓንዴሚክ ፈንድ በተገኘ የ50 ሚሊየን የአሜሪካ ዶላር ድጋፍ፣ ከኢትዮጵያ መንግሥት በተመደበ የ1.6 ሚሊየን ዶላር የጋራ ኢንቨስትመንት እንዲሁም ከዓለም አቀፍ አጋር አካላት በተሰበሰበ የ61.4 ሚሊየን ዶላር የጋራ ፋይናንስ የሚደገፍ ሀገራዊ ፕሮጀክት ነው።
በጥር ወር የተጀመረው ይህ ፕሮጀክት የሰው፣ የእንስሳትና የአካባቢ ጤናን በአንድነት በሚያስተሳስረው የ«አንድ ጤና» አቀራረብ ላይ ተመስርቶ የሚተገበር ነው ተብሏል።
ፕሮጀክቱን በበላይነት የሚመሩት የጤና ሚኒስቴር እና የግብርና ሚኒስቴር ሲሆኑ፤ ሁለቱ ተቋማት የአመራር ኮሚቴውን በጋራ በመምራት ስራዎችን እያስተባበሩ ይገኛሉ።
የጤና ሚኒስትር እና የፓንዴሚክ ፈንድ ቦርድ ተባባሪ ሰብሳቢ ዶ/ር መቅደስ ዳባ በጉባኤው ላይ ባደረጉት ንግግር፤ በደቡብ ኢትዮጵያ የማርበርግ ቫይረስ በተከሰተበት ወቅት ፕሮጀክቱ ፈጣን ምርመራ ለማድረግና ምላሽ ሰጪዎችን ለማሰማራት ከፍተኛ አቅም መፍጠሩን አስታውቀዋል።
ሚኒስትሯ አክለውም በዝግጁነት ላይ አስቀድሞ የሚደረግ ኢንቨስትመንት ወረርሽኞች በሚከሰቱበት ጊዜ የሰዎችን ሕይወት ለመታደግ ወሳኝ ውጤት እንደሚያስገኝ አጽንኦት ሰጥተዋል።
በሌላ በኩል የፓንዴሚክ ፈንድ አስተዳደር ቦርድ ተባባሪ ሰብሳቢ እና የኢንዶኔዥያ የቀድሞ የፋይናንስ ሚኒስትር ዶ/ር ቻቲብ ባስሪ በበኩላቸው፤ በኢትዮጵያ የታየው ለውጥ ቀውስ ከመከሰቱ በፊት በቅድመ ዝግጁነት ላይ ኢንቨስት ማድረግ ያለውን ለዉጥ በተግባር ያሳየ መሆኑን ገልጸዋል።
የፕሮጀክቱን አፈጻጸም በውጤታማነት ለመምራት የጤና እና የግብርና ሚኒስቴሮች ከኢትዮጵያ የሕብረተሰብ ጤና ኢንስቲትዩት፣ከኢትዮጵያ ምግብና መድኃኒት ባለሥልጣን፣ ከአርማወር ሃንሰን የምርምር ኢንስቲትዩት፣ ከኢትዮጵያ መድኃኒት አቅርቦት አገልግሎት እና ከክልል ጤና ቢሮዎች ጋር በቅንጅት እየሰሩ እንደሚገኙ ተገልጿል።
በቀጣይም ፕሮጀክቱ በማኅበረሰብ ደረጃ የአደጋ ጊዜ አስተዳደርን፣የኤሌክትሮኒክ የበሽታ ክትትልን እና የላቦራቶሪ መረጃ ሥርዓቶችን ለማስፋፋት መታቀዱ ተገልጿል።
ሊዲያ ደሳለኝ
ህዳር 9 ቀን 2019 ዓ.ም
18 11月, 07:57
18 406
ቱርክ በሶሪያ ጉዳይ እስራኤልን አስጠነቀቀች
የቱርክ የውጭ ጉዳይ ሚኒስትር ሃካን ፊዳን፤ እስራኤል የጎረቤት ሀገራትን በማዳከምና በማተራመስ የራሷን ደህንነት ማረጋገጥ አትችልም ብለዋል፡፡
ፊዳን ይህን ያሉት በቱርክ መዲና አንካራ ከሶሪያ የውጭ ጉዳይ ሚኒስትር አሳድ ሃሰን አል-ሻይባኒ ጋር በጋራ በሰጡት ጋዜጣዊ መግለጫ ነው።
ሚኒስትሩ እስራኤል ጎረቤት ሀገራትን የሚጎዳ ፖሊሲዋን በመተው የክልሉን መረጋጋት እንድታከብርም ጠይቀዋል።
“የአንድ ሀገር ደህንነት በጎረቤቶቿ አለመረጋጋት ላይ ሊገነባ አይችልም” ሲሉም ተናግረዋል።
ፊዳን እስራኤል በክልሉና በሶሪያ ላይ የምታካሂደው አለመረጋጋትን የማስፋፋት እርምጃ ቀጥሏል ብለው፤ ይህም ቱርክና ሌሎች የክልሉ ሀገራት ለመገንባት እየሞከሩ ያሉትን የደህንነትና የክልላዊ ትስስር ሥርዓት እንደሚያሰጋ ገልጸዋል።
በተለይም እስራኤል በደቡባዊ ሶሪያ የምታደርገውን ጥቃት ማቆም እንዳለባት የጠየቁት ፊዳን፤ የደህንነት ስምምነቱም በ1974 የተደረሰውን የኃይል መለያያ ስምምነት መሠረት ሊያደርግ እንደሚገባ ጠቁመዋል።
የሶሪያ የውጭ ጉዳይ ሚኒስትር አል-ሻይባኒ በበኩላቸው፤ የሶሪያ መረጋጋት ለመላው መካከለኛው ምሥራቅ መረጋጋት መሠረት መሆኑን ገልጸው ቱርክም ይህን የክልሉን መዋቅር በመገንባት ረገድ አስፈላጊ አጋር ናት ብለዋል።
ሁለቱ ሀገራት በንግድ፣ በኃይል፣ በትራንስፖርት፣ በደህንነትና በመልሶ ግንባታ ዘርፎች ያላቸውን ትብብር እያስፋፉ መሆኑን አል-ሻይባኒ ገልጸዋል።
ሀና ሰይፉ
ህዳር 9 ቀን 2019 ዓ.ም
18 11月, 07:09
18 406
በኮንጎ የኢቦላ ወረርሽኝ በአሳሳቢ ፍጥነት እየተስፋፋ ነው
በምሥራቃዊ ዲሞክራቲክ ኮንጎ የተከሰተው የኢቦላ ወረርሽኝ ከታወጀ ከስድስት ወራት በኋላም ከቁጥጥር ውጭ መሆኑን ቀጥሏል።
የተጠቂዎችና የሟቾች ቁጥርም በከፍተኛ ፍጥነት እየጨመረ መሆኑ ተገልጿል።
ወረርሽኙን ለመቆጣጠር የተለያዩ የድጋፍ ጥረቶች ቢደረጉም፤የሀብት እና የሕክምና አቅርቦት እጥረት፣ የጸጥታ ችግር እና የተቀናጀ ምላሽ አለመኖር ወረርሽኙን ለመግታት እንቅፋት ሆነዋል ተብሏል።
የወረርሽኙ መንስኤ የሆነው ቡንዲቡግዮ የኢቦላ ቫይረስ ዝርያ ሲሆን፤የሕዝብ ጤና ባለሙያዎች በታሪክ ከተመዘገቡ የኢቦላ ወረርሽኞች ሁሉ በበለጠ ፍጥነት እየተስፋፋ መሆኑን በመግለጽ ስጋታቸውን ገልፀዋል።
በመንግሥት መረጃ መሠረት ወረርሽኙ በግንቦት 15 ከታወጀ ወዲህ ከ11 ሺህ በላይ ሰዎች በቫይረሱ የተያዙ ሲሆን፤ከ5 ሺህ 5መቶ በላይ ሰዎች ሕይወታቸውን አጥተዋል።
ይፋዊ መረጃዎች የተጠቂዎችና የሟቾች ቁጥር በ2014 እስከ 2016 በምዕራብ አፍሪካ ከተከሰተው የኢቦላ ወረርሽኝ የመጀመሪያዎቹ ስድስት ወራት ጋር ሲነጻጸር በእጥፍ ፍጥነት እየጨመረ መሆኑን ያሳያሉ።
የወቅቱ የምዕራብ አፍሪካ ወረርሽኝ በዓለም ላይ በመጠኑ ትልቁ የኢቦላ ወረርሽኝ ሲሆን፤ከ28 ሺህ 6መቶ በላይ ሰዎችን አጥቅቶ ከ11 ሺህ በላይ ሰዎችን ገድሏል።
ኮንጎ በተደጋጋሚ የኢቦላ ወረርሽኝ ያጋጠማት ቢሆንም አሁን ያለው ወረርሽኝ ከዚህ ቀደም በሀገሪቱ ከታዩት ሁሉ የከፋ መሆኑ ተገልጿል።
ይህም የኮንጎ 17ኛው የኢቦላ ወረርሽኝ ሲሆን፤በ2018 እስከ 2020 ከተከሰተውና ቀደም ሲል በኮንጎ ትልቁ ተብሎ ከሚታወቀው ወረርሽኝ በእጅጉ የበለጠ ሆኗል።
በወረርሽኙ ተጎጂ በሆኑ ማህበረሰቦች የጤና ባለሙያዎች፣ ተሽከርካሪዎችና የክትትል ቡድኖች ጥቃት እየደረሰባቸው መሆኑ ተገልጿል።
የዓለም ጤና ድርጅት ዋና ዳይሬክተር ዶክተር ቴድሮስ አድሃኖም፤ የጸጥታ ችግር ለወረርሽኙ ምላሽ ከሚያደርጉ ትልልቅ እንቅፋቶች አንዱ መሆኑን ገልጸዋል።
ሀና ሰይፉ
ህዳር 9 ቀን 2019 ዓ.ም
18 11月, 07:01
18 406
የቼክ የውጭ ጉዳይ ሚኒስትር የአውሮፓ ህብረት ሀገራት ለሩሲያ የሴቶች ሆኪ ቡድን ቪዛ እንዳይሰጡ አሳሰቡ
የቼክ የውጭ ጉዳይ ሚኒስትር ፔትር ማቺንካ በጥር ወር በቼኪያ በሚካሄደው ከ18 ዓመት በታች የዓለም ሻምፒዮና ላይ ለመሳተፍ ለሚፈልጉ የሩሲያ የሴቶች የበረዶ ሆኪ ተጫዋቾች ልዩ የቪዛ ፈቃድ እንዳይሰጡ የአውሮፓ ህብረት አቻዎቻቸውን ማሳሰባቸውን የቼክ ሬዲዮ ዘግቧል።
ማቺንካ የሩሲያ ቡድን በቼኪያ በኩል ወደ ሼንገን ቀጣና እንዲገባ የሚያስፈልገውን ልዩ ፈቃድ ላለመስጠት መወሰናቸውን እና ውሳኔያቸውንም ለቼክ የበረዶ ሆኪ ማህበር ማሳወቃቸውን ገልጸዋል።
አክለውም የሩሲያ ቡድን በሌላ የአውሮፓ ህብረት ወይም የሼንገን ሀገር በኩል ቪዛ ካመለከተ ልዩ ፈቃድ እንዳይሰጡ ለሁሉም የአውሮፓ ህብረት የውጭ ጉዳይ ሚኒስትሮች ደብዳቤ መጻፋቸውን ተናግረዋል።
«የሩሲያ ቡድን በሌላ የአውሮፓ ህብረት ሀገር ቪዛ ካመለከተም ልዩ ፈቃድ እንዳይሰጡ ጠይቄያቸዋለሁ» ሲሉ ማቺንካ ተናግረዋል።
ጉዳዩ ሰኞ ዕለት በተካሄደው የአውሮፓ ህብረት የውጭ ጉዳይ ሚኒስትሮች ስብሰባ ላይ በአጭሩ መነሳቱን እና አቻዎቻቸውም ለጥያቄያቸው ድጋፍ እንዳሳዩ ሚኒስትሩ ገልጸዋል።
እንደ ማቺንካ ገለጻ፤ ባለስልጣናቱ የሩሲያ ተጫዋቾች በሌላ አባል ሀገር በኩል ወደ ቼኪያ እንዲጓዙ የሚያስችል ልዩ ፈቃድ የትኛውም የአውሮፓ ህብረት ሀገር እንደማይሰጥ ተናግረዋል።
ቼኪያ በጥር ወር ከ18 ዓመት በታች የሴቶች የዓለም ሻምፒዮናን ለማስተናገድ ቀጠሮ ተይዞላታል።
እስከዳር ግርማ
ህዳር 9 ቀን 2019 ዓ.ም
18 11月, 06:15
18 406
ሩሲያና ቻይና በእስያ-ፓሲፊክ ክልል ሰላምና ብልጽግናን ማረጋገጥ ‹‹የጋራ›› ዓላማቸው ነው ሲሉ ፑቲን ተናገሩ
ፑቲን ይህን ያሉት በሼንዘን ከቻይና ፕሬዚዳንት ሺ ጂንፒንግ ጋር በተገናኙበት ወቅት ሲሆን፤ ሁለቱ መሪዎች በ33ኛው የኤፒኢሲ የኢኮኖሚ መሪዎች ስብሰባ ጎን ለጎን ውይይት አድርገዋል።
ፑቲን በውይይታቸው ወቅት ሺ ጂንፒንግን በድጋሚ ማግኘታቸው እንዳስደሰታቸው ገልጸው፤በሼንዘን ከደረሱ በኋላ በከተማዋ የተመለከቱትን የልማት ለውጥም አድንቀዋል።
ፑቲን በኤፒኢሲ የንግድ መድረክ ላይ ባደረጉት ንግግር የእስያ-ፓሲፊክ ክልል 36 በመቶ የዓለም ሕዝብን፣ 50 በመቶ የዓለም አቀፍ ንግድን እና 60 በመቶ የዓለም አጠቃላይ የሀገራት የኢኮኖሚ ምርትን እንደሚይዝ ጠቅሰዋል።
ፕሬዝዳንቱ በተጨማሪም ከሺ ጂንፒንግ ጋር በተደጋጋሚ ያደረጓቸው ስብሰባዎች ‹‹ውጤታማ›› እንደነበሩ ገልጸው፤የሩሲያና የቻይና ትብብር እየተጠናከረ በመሄድ ላይ እንደሚገኝ ተናግረዋል።
ይህ ትብብርም በ2001 በሁለቱ ሀገራት በተፈረመው የወዳጅነት ስምምነት ላይ የተመሠረተ መሆኑን ጠቁመዋል።
በሁለቱ ሀገራት መካከል ያለው የንግድ ልውውጥ ላለፉት ተከታታይ ዓመታት ወደ 200 ቢሊየን ዶላር ከፍ ብሎ መቆየቱን የገለጹት ፑቲን፤ይህ አኃዝ በዚህ ዓመትም መቀጠል ብቻ ሳይሆን በሁለቱ ሀገራት የንግድ ግንኙነት ጠንካራ ዕድገት ይታያል ብለዋል።
በተጨማሪም በሩሲያና ቻይና መካከል ያለው የመጓጓዣ ትስስር እየተስፋፋ መሆኑንና በሰብዓዊ ጉዳዮች ላይ ያለው ትብብርም መጠናከሩን ጠቁመዋል።
ይህም በሺ ጂንፒንግ ተነሳሽነት የተጀመረው የቪዛ ነፃ ጉዞ ሥርዓት እንዳጠናከረው ገልፀዋል።
የሩሲያና ቻይና የውጭ ፖሊሲ አጋርነት በተረጋጋና አዎንታዊ መንገድ እየተመራ እንደሚገኝ የገለጹት ፑቲን፤‹‹በውስብስብ የጂኦፖለቲካ ሁኔታ ውስጥ የበለጠ ፍትሃዊና ብዙ ኃያላን ያሉበት የዓለም ሥርዓት ለመገንባት ያለንን ገንቢ ግንኙነት ለማስቀጠል ቁርጠኛ ነን›› ብለዋል።
መና ጥላሁን
ህዳር 9 ቀን 2019 ዓ.ም
18 11月, 05:51
18 406
አውስትራሊያ በዌስት ባንክ ሕገ-ወጥ ሰፈራ እና የሰብዓዊ መብት ጥሰት ላይ ማዕቀብ ጣለች
አውስትራሊያ በእስራኤል በተያዘው ዌስት ባንክ በፍልስጤማውያን ላይ እየተፈጸመ ነው ባለችው ሕገ-ወጥ የሰፈራ ማስፋፋት እና የሰብዓዊ መብት ጥሰት ምክንያት አዲስ ማዕቀብ መጣሏን አስታወቀች።
የአውስትራሊያ የውጭ ጉዳይ ሚኒስትር ፔኒ ዎንግ ይፋ ያደረጉት ይህ እርምጃ፣ ሦስት ግለሰቦችን እና አራት ድርጅቶችን ዒላማ ያደረገ ነው።
እንደ አናዶሉ የዜና ወኪል ዘገባ፣ በአውስትራሊያ ማዕቀብ ውስጥ የግንባታ ኩባንያ ሲካተት የአሁኑ ለመጀመሪያ ጊዜ ነው።
ማዕቀቡ የተጣለባቸው ግለሰቦች እና ድርጅቶች አዳዲስ ሰፈራዎችን በማቀድ፣ በማስተባበር፣ ገንዘብ በማሰባሰብ እና ለአጥቂ ሰፋሪዎች ድጋፍ በመስጠት ተሳትፈዋል ተብሏል።
በዚሁ መሠረት የአውስትራሊያ ዜጎች እና የንግድ ተቋማት ከተጠቀሱት ግለሰቦችና ድርጅቶች ጋር ማንኛውንም የንግድ ልውውጥ እንዳያደርጉ ወይም የገንዘብ እና ሌሎች ድጋፎችን እንዳይሰጡ እገዳ ተጥሏል። እርምጃው የጉዞ እገዳንም እንደሚያካትት ተገልጿል።
የውጭ ጉዳይ ሚኒስትር ፔኒ ዎንግ በሰጡት መግለጫ፣ የሰፈራዎች በፍጥነት መስፋፋት እና የሰፋሪዎች ጥቃት «የሁለት ሀገራትን መፍትሔ እድል እያጠፋው ነው» ሲሉ ገልጸዋል።
በዌስት ባንክ የሚገኙ የእስራኤል ሰፈራዎች በዓለም አቀፍ ሕግ መሠረት ሕገ-ወጥ መሆናቸውን ያስታወሱት ሚኒስትሯ፣ ውሳኔው ከዓለም አቀፍ አጋሮች ጋር በመቀናጀት የተወሰደ መሆኑን ተናግረዋል።
አውስትራሊያ ለእስራኤላውያንም ሆነ ለፍልስጤማውያን ዘላቂ ሰላምና ደኅንነት ብቸኛው መንገድ የሁለት ሀገራት መፍትሔ መሆኑን በድጋሚ አረጋግጣለች።
ልዑል ወልዴ
ኀዳር 9 ቀን 2019 ዓ.ም
18 11月, 02:45
18 406
+2
“የአብሮነት ተምሳሌት የሆነችው አጋሮ እንግዶቿን ለመቀበል ተዘጋጅታለች” የከተማዋ ነዋሪዎች
“ትንሿ ኢትዮጵያ” በሚል ስያሜ የምትታወቀው አጋሮ ከተማ፣ ለ21ኛው የኢትዮጵያ ብሔር፣ ብሔረሰቦችና ሕዝቦች በዓል እንግዶቿን ለመቀበል መዘጋጀቷን ነዋሪዎቿ ገለጹ።
በፌዴሬሽን ምክር ቤት አስተባባሪነት በደቡብ ምዕራብ ኦሮሚያ ዞን በተካሄደው የሚዲያ ጉብኝት ከኢትዮ ኤፍ ኤም ጋር ቆይታ ያደረጉ ነዋሪዎች፣ አጋሮ የብሔርና የሃይማኖት ልዩነቶችን አክብሮ በፍቅርና በአንድነት የሚኖር ሕዝብ ያለባት ከተማ መሆኗን አስረድተዋል።
የአረቢካ ቡና መገኛ የሆነችው ከተማዋ፣ በኮሪደር ልማት ከፍተኛ የገጽታ ለውጥ ማስመዝገቧንም ነዋሪዎቹ ጠቅሰዋል። በተለይም የእግረኛ፣ የብስክሌትና የተሽከርካሪ መንገዶች መለያየታቸው ለትራፊክ ፍሰትና ለደህንነት ከፍተኛ እፎይታ መፍጠሩን ገልጸዋል።
ነዋሪዎቹ በጅማ ከተማ ለሚከበረው በዓል ከተለያዩ የአገሪቱ ክፍሎችና ከውጭ አገራት የሚመጡ እንግዶችን ለመቀበል ዝግጅታቸውን አጠናቀው ወደ አጋሮ በመምጣት የከተማዋን የልማት ውጤትና የአብሮነት ባህል እንዲጎበኙ ጥሪ አቅርበዋል።
አዲስዓለም አበበ
ኀዳር 9 ቀን 2019 ዓ.ም
18 11月, 02:01
18 406
የአቃቂ ድልድይ ግንባታ 95 በመቶ ተጠናቀቀ
የዚህ ድልድይ ግንባታ መጓተት በአከባቢው ማህበረሰብ ዘንድ ከፍተኛ ቅሬታ ሲቀርብበት ቁይቷል።
በአቃቂ ቃሊቲ ክፍለ ከተማ፣ ጥሩነሽ ቤጂንግ ሆስፒታል አካባቢ እየተገነባ የሚገኘው የአቃቂ ወንዝ መሻገሪያ ድልድይ ግንባታ 95 በመቶ መድረሱን የከተማዋ መንገዶች ባለስልጣን አሳውቋል።
62 ሜትር ርዝመትና 25 ሜትር ስፋት ያለው ድልድዩ የማጠናቀቂያ ሥራዎች እየተከናወኑ ሲሆን፣ 220 ሜትር የሚረዝመው የመቃረቢያ መንገድ ግንባታም በመፋጠን ላይ ይገኛል ተብሏል።
የፕሮጀክቱን ግንባታ ሥራ ብሪጅ ኮንስትራክሽን የተባለ ሀገር በቀል ተቋራጭ እያከናወነ ሲሆን፣ የማማከርና ቁጥጥር ሥራውን ኔት ኮንሰልቲንግ እየተከታተለ ይገኛል።
ድልድዩ ሙሉ በሙሉ ሲጠናቀቅ በቃሊቲ፣ አቃቂና ቱሉ ዲምቱ አቅጣጫዎች ያለውን የትራፊክ ፍሰት ከማቀላጠፉም በላይ ለአካባቢው ኢኮኖሚያዊና ማኅበራዊ እንቅስቃሴ አስተዋጽኦ እንደሚያበረክት ይጠበቃ ሲል የአዲስ አበባ ከተማ መንገዶች ባለሥልጣን በማህበራዊ ትስስ ገጹ አስነብቧል ።
ኀዳር 9 ቀን 2019 ዓ.ም
17 11月, 23:56
18 406
ባህሬን የአሜሪካ ራዳር ላይ ያነጣጠረውን የኢራን የድሮን ጥቃት አከሸፈች
የኢራን እስላማዊ አብዮታዊ ዘብ በርካታ ሰው አልባ አውሮፕላኖችን (ድሮኖችን) ካስወነጨፈ በኋላ የባህሬን የአየር መከላከያ ኃይል ጥቃቱን ማክሸፉን የሀገሪቱ ብሔራዊ ቴሌቪዥን ዘግቧል። አብዮታዊ ዘቡ ማክሰኞ ዕለት እንዳስታወቀው፣ ዘመቻው በባህሬን ኢሳ አየር ማረፊያ የሚገኝን የአሜሪካ ራዳር ሥርዓት ኢላማ ያደረገ ሲሆን፣ ይህም በቀጣናው የሚገኙ የአሜሪካ ኃይሎችን “የጠላትነት እንቅስቃሴ ለመመከት” የተወሰደ እርምጃ ነው።
የአሜሪካ ጦር በበኩሉ ድሮኖቹ በመሣሪያዎችም ሆነ በወታደሮች ላይ ምንም ዓይነት ጉዳት ሳያደርሱ በአየር ላይ መመታታቸውን አስታውቋል። በባህሬን ዋና ከተማ ማናማ ነዋሪዎች የስጋት ማስጠንቀቂያ የሞባይል መልዕክት ከደረሳቸው በኋላ የፍንዳታ ድምፆች የተሰሙ ሲሆን፣ የሀገር ውስጥ ጉዳይ ሚኒስቴር ቆይቶ አካባቢው ሰላም መሆኑን ቢያሳውቅም ሕዝቡ ጥንቃቄ እንዲያደርግ አሳስቧል።
የአሜሪካ ባሕር ኃይል አምስተኛው ዕዝ መቀመጫ በሆነችው ባህሬን ላይ ጥቃቶቹ የተፈጸሙት፣ የካቲት 28 የተጀመረውን የአሜሪካና እስራኤል ጦርነት በኢራን ላይ ለማስቆም የሚደረጉ ዲፕሎማሲያዊ ጥረቶች በተስተጓጎሉበት ወቅት ነው። በተመሳሳይ ቀን የኢራን የውጭ ጉዳይ ሚኒስቴር፣ ኢራን በዋሽንግተን ዲሲ “ደርቲ ቦምብ” (dirty bomb) ለማፈንዳት አቅዳለች በሚል ሲኤንኤን ያወጣውን ዘገባ “መሠረተ ቢስ” ሲል አስተባብሏል።
ኢራን ከባለፈው አርብ እና እሁድ ጀምሮ በባህሬን በሚገኙ ሌሎች የአሜሪካ ራዳር ሥርዓቶች ላይ ተመሳሳይ ጥቃቶችን መፈጸሟን ብትገልጽም አሜሪካ ጉዳት አለመድረሱን ገልጻለች። ተንታኞች እንደሚሉት፣ ኢራን ይህንን እርምጃ የወሰደችው አሜሪካ የኢራንን የአየር ክልል መጣሷን በመቀጠሏ ምክንያት የመከላከል አቅሟን መልሳ ለማረጋገጥ ሲሆን፣ ይህም በዋሽንግተን እና በቴህራን መካከል ባለው ውጥረት ባህሬንን ለዳግም የጸጥታ ስጋት ዳርጓታል።
ሳራ ዩሐንስ
ኀዳር 8 ቀን 2019 ዓ.ም
17 11月, 13:44
18 406
+1
የጥራጥሬ እና ቅባት እህሎችን የገበያ አማራጮች ማስፋት እንደሚያስፈልግ ተነገረ
ምርቱ በዉጭ ገበያ ተፈላጊነቱን ለመጨመር አስፈላጊውን መስፈርት ማማሏት እና እሴት በመጨመር ገበያዉን ማስፋት እንደሚያስፈልግ ተጠቁሟል።
15ተኛዉ አለምአቀፍ የጥራጥሬ እና ቅባት እህሎች ኮንፈረንስ ለሁለት ቀናት በሳይንስ ሙዚየም እንደሚካሄድ የንግድ እና ቀጣናዊ ትስስር ሚኒስቴር ከኢትዮጵያ ጥራጥሬ እና ቅባት እህል ላኪዎች ማህበር ጋር በሰጠዉ ጋዜጣዊ መግለጫ ተናግሯል።
ህዳር 15 እና 16 ለማካሄድ በታቀደዉ ኮንፈረንስ የጥናት ወረቀቶች የሚቀርብበት እና የንግድ ትስስር መድረኮች እንደሚኖር ዛሬ በተሰጠዉ መግለጫ ላይ ተጠቅሷል።
በባለፈዉ በጀት አመት ከ5መቶ 55 ሺህ ሜትሪክ ቶን ቅባት እና ጥራጥሬ እህሎች ለዉጭ ንግድ መላኩን የንግድ እና ቀጣናዊ ትስስር ሚኒስቴር ገልጿል።
የንግድ እና ቀጣናዊ ትስስር ሚኒስቴር ሚኒስትር ያስሚን ወሃብረቢ፥ይህ የንግድ ኮንፈረንስ የገበያ አማራጮችን እና የንግድ መድረኮችን ለመፍጠር ያግዛል ተብሎ እንደሚታመን በተሰጠዉ መግለጫ ተናግረዋል።
በዚህ ኮንፈረንስ ከሀያ በላይ ሀገራት የተዉጣጡ ከ6መቶ በላይ ተሳታፊዎች ይገኙበታል ተብሏል።
የሎጀስቲክስ መሠረተ ልማቶችን ማስተካከል እና በጥራጥሬና ቅባት እህሎች እሴት ጨምሮ ለገበያ ማቅረብ እንደሚያስፈልግ የኢትዮጵያ ጥራጥሬ እና ቅባት እህል ላኪዎች ማህበር ተናግሯል።
በምርቱ ላይ የሚታየዉ ህገወጥ የንግድ እንቅስቃሴ በባለፉት ሁለት አመታት መቀነስ ቢታይበትም ችግሩ አሁንም እንደሚስተዋል የማህበሩ ቦርድ ሊቀመንበር አቶ ኤድዋ አብዲ ተናግረዋል።
እስከዳር ግርማ
ህዳር 8 ቀን 2019 ዓ.ም
17 11月, 08:13
