O'zbekiston Respublikasi Davlat bojxona qo'mitasining rasmiy axborot kanali

#bojxonachi_tadbirkor_tayanchi Qashqadaryo viloyati bojxona boshqarmasi boshlig‘i “Sulton Styles” korxonasi faoliyati bilan tanishdi Qashqadaryo viloyati bojxona boshqarmasi boshlig‘i N.Xashimova Qarshi shahrida faoliyat yuritayotgan “Sulton Styles” korxonasida bo'lib, uning ishlab chiqarish jarayonlari va eksport salohiyati bilan yaqindan tanishdi.

“Sulton Styles” paxta xomashyosidan tayyor trikotaj mahsulotlari ishlab chiqarishga ixtisoslashgan zamonaviy korxona bo‘lib, o‘z faoliyatini to‘liq mahalliy xomashyo — O‘zbekiston paxtasi asosida olib bormoqda. Korxonada paxta tolasidan sifatli tayyor trikotaj mahsulotlari, xususan, ayollar va bolalar kiyimlari, sport liboslari hamda kundalik kiyim-kechaklar ishlab chiqariladi. Bugungi kunda korxonada 680 nafar xotin-qiz doimiy ish bilan ta’minlangan. Bu esa korxonaning nafaqat iqtisodiy, balki ijtimoiy ahamiyatga ham ega ekanini, ayniqsa, xotin-qizlar bandligini ta’minlashdagi o‘rni muhimligini ko‘rsatadi. Korxonaning kunlik ishlab chiqarish quvvati 10 ming donagacha tayyor kiyim-kechak mahsulotlarini tashkil etadi. 2026-yilning bugungi kuniga qadar “Sulton Styles” tomonidan umumiy qiymati 10,8 million AQSH dollariga teng mahsulotlar Turkiya, Litva, Germaniya, Qozog‘iston, Hindiston, Rossiya va Xitoyga eksport qilingan. Mazkur ko‘rsatkich korxonaning eksportga yo‘naltirilgan faoliyati hamda xalqaro bozorlardagi raqobatbardoshligini yaqqol namoyon etadi. Korxona faoliyati boshlanganidan buyon, 2026-yil iyun oyiga qadar uning nomiga umumiy qiymati 222 ming AQSH dollarilik turli xomashyo va uskunalar import qilingan. Shu davr mobaynida korxona tomonidan 592 million so‘m miqdorida bojxona to‘lovlari amalga oshirilgan. Uchrashuv yakunida boshqarma boshlig‘i va korxona vakillari o‘rtasida ochiq muloqot tashkil etilib, korxonaning istiqboldagi rivojlanish rejalari hamda mavjud muammolarni bartaraf etish masalalari muhokama qilindi. Shuningdek, korxona tomonidan import qilinayotgan tovarlarning qizil yoʻlakka tushish holatlari koʻpayib borayotgani, buning natijasida bojxona rasmiylashtiruvi jarayonlariga qoʻshimcha vaqt sarflanayotganini maʼlum qilishdi.

Mazkur masala bojxona organlari masʼullari tomonidan joyida oʻrganilib, amaldagi tartiblar asosida bartaraf etildi va korxona vakillarini qiziqtirgan boshqa masalalar yuzasidan ham mutaxassislar tomonidan atroflicha javoblar berilib, import va eksport amaliyotlari samaradorligini oshirish boʻyicha tavsiyalar bildirildi.

#bojxonachi_tadbirkor_tayanchi “Toshkent-AERO” ixtisoslashtirilgan bojxona kompleksi tomonidan tashqi iqtisodiy faoliyat qatnashchilari uchun sayyor uchrashuv tashkil qilindi. Tadbirda "Toshkent AERO" IBK boshlig‘i D.Mirzahmedova va tegishli mas'ullar ishtirok etishdi. Uchrashuv davomida ishtirokchilar tomonidan tashqi iqtisodiy faoliyat jarayonida uchrayotgan dolzarb masalalar ko‘tarildi. Xususan, bojxona nazorati va rasmiylashtiruvi tartibotlarini soddalashtirish, tovarlarning bojxona qiymatini aniqlash mezonlari, ruxsat etuvchi hujjatlarni rasmiylashtirish tartibi, shuningdek, intellektual mulk huquqlarini himoya qilish bilan bog‘liq masalalar yuzasidan murojaat va takliflar bildirildi. Uchrashuv davomida tadbirkorlar tomonidan ilgari surilgan taklif va muammolar diqqat bilan o‘rganilib, ularning ayrimlari bo‘yicha tegishli chora-tadbirlarni amalga oshirish yuzasidan mas’ullarga topshiriqlar berildi. Shuningdek, qonunchilik doirasida hal etilishi mumkin bo‘lgan masalalar bo‘yicha aniq huquqiy tushuntirishlar taqdim etildi. Bunday ochiq muloqotlar tashqi iqtisodiy faoliyat ishtirokchilari uchun nafaqat mavjud muammolarni muhokama qilish, balki bojxona organlari bilan o‘zaro ishonchli hamkorlikni mustahkamlash, sohadagi yangiliklar va talablar bilan yaqindan tanishish imkoniyatini ham yaratadi.

#bojxonachi_tadbirkor_tayanchi “Toshkent-AERO” ixtisoslashtirilgan bojxona kompleksi tomonidan tashqi iqtisodiy faoliyat qatnashchilari uchun “Bayer Group” MCHJ binosida sayyor uchrashuv tashkil qilindi. Uchrashuv davomida ishtirokchilar tomonidan tashqi iqtisodiy faoliyat jarayonida uchrayotgan qator dolzarb masalalar ko‘tarildi. Xususan, bojxona nazorati va rasmiylashtiruvi tartibotlarini soddalashtirish, tovarlarning bojxona qiymatini aniqlash mezonlari, ruxsat etuvchi hujjatlarni rasmiylashtirish tartibi, shuningdek, intellektual mulk huquqlarini himoya qilish bilan bog‘liq masalalar yuzasidan murojaat va takliflar bildirildi. Uchrashuv davomida tadbirkorlar tomonidan ilgari surilgan taklif va muammolar diqqat bilan o‘rganilib, ularning ayrimlari bo‘yicha tegishli chora-tadbirlarni amalga oshirish yuzasidan mas’ullarga topshiriqlar berildi. Shuningdek, qonunchilik doirasida hal etilishi mumkin bo‘lgan masalalar bo‘yicha aniq huquqiy tushuntirishlar taqdim etildi. Bunday ochiq muloqotlar tashqi iqtisodiy faoliyat ishtirokchilari uchun nafaqat mavjud muammolarni muhokama qilish, balki bojxona organlari bilan o‘zaro ishonchli hamkorlikni mustahkamlash, sohadagi yangiliklar va talablar bilan yaqindan tanishish imkoniyatini ham yaratadi.

#bojxonachi_tadbirkor_tayanchi Tadbirkorlar muammolarini hal etishga qaratilgan navbatdagi muloqot Sirdaryo tumanida oʻtkazildi Sirdaryo viloyati bojxona boshqarmasi boshligʻi N.Salimjonov boshchiligidagi ishchi guruh tomonidan 17 ta korxona vakillari ishtirokida sayyor uchrashuv tashkil etildi. Ochiq muloqot shaklida oʻtgan uchrashuvda tadbirkorlik subyektlari faoliyatida yuzaga kelayotgan muammo va takliflar atroflicha muhokama qilinib, ularning murojaatlari tinglandi.

Xususan, “Peng Sheng Charm”, “Peng Sheng Group Protection” hamda “Chop Chop Foods” korxonalari tomonidan import qilinayotgan tovarlar uchun sertifikat olish jarayonlaridagi masalalar, “Autocenter”, “Luxemotors” va “Toshkent Yuantong Automobile” korxonalari tomonidan bojxona toʻlovlarini amalga oshirish bilan bogʻliq masalalar koʻrib chiqildi. Shuningdek, ayrim korxonalarning kreditor qarzdorligi, bojxona omborlarida saqlanayotgan tovarlarni tegishli bojxona rejimlariga rasmiylashtirish yuzasidan ham amaliy yechimlar muhokama etildi. Uchrashuv davomida boshqarma boshligʻi ishtirokchilarga “Vakolatli iqtisodiy operator” institutining afzalliklari haqida maʼlumot berdi. Shu munosabat bilan mazkur maqomni qoʻlga kiritgan “Sirdaryo Ceramic Production” korxonasiga “Vakolatli iqtisodiy operator” reestriga kiritilganligi toʻgʻrisidagi guvohnoma tantanali ravishda topshirildi.

Yakunda har bir korxona tomonidan koʻtarilgan masalalarning yechimi yuzasidan aniq chora-tadbirlar belgilab olinib, ularning ijrosini taʼminlash uchun masʼul xodimlar biriktirildi.

Tadbirkorlar bilan ochiq muloqot 🗓 12.06.2026 ⏰ 15:00 📍 Samarqand viloyati 🌐 Telegram | 🌐 Instagram| ⚙️ Joyida murojat bot

Kunning yaxshi xabari: Bojxona qo‘mitasi xodimi Jahon bojxona tashkiloti eksperti sifatida akkreditatsiyadan o‘tdi! Jahon bojxona tashkiloti tomonidan 2026 yil 8–12 iyun kunlari Belgiya Qirolligining Bryussel shahrida Samaradorlikni baholash mexanizmlari (Performance Measurement Mechanisms) yo‘nalishi bo‘yicha dastlabki akkreditatsiya seminari tashkil etildi. Seminarda tashkilotga a’zo 187 ta davlatdan ishtirok etish istagini bildirgan nomzodlar orasidan faqat 12 nafari saralab olindi. Ular orasida Bojxona qo‘mitasining Strategik rejalashtirish va bojxona tartib-taomillarini soddalashtirish boshqarmasi katta inspektori Nurbek Qurbonov ham bor va u seminarni muvaffaqiyatli yakunlab, Jahon bojxona tashkilotining eksperti sifatida akkreditatsiyadan o‘tdi. Ushbu maqom unga JBT tomonidan tashkil etiladigan xalqaro missiyalar, texnik ko‘mak loyihalari va baholash tadbirlarida xalqaro ekspert sifatida ishtirok etish imkonini beradi. Shunday qilib, O‘zbekiston bojxona organlarining Jahon bojxona tashkilotining eksperti maqomini olgan xodimlari soni yana bittaga oshib, xalqaro ekspertlar korpusidagi milliy vakillarimiz salmog‘i yanada mustahkamlandi. Eslatib o‘tamiz, 2025 yilda Bojxona qo‘mitasining yana bir xodimi Sherzod Niyazov ham JBTning Xavflarni boshqarish yo‘nalishi bo‘yicha eksperti sifatida akkreditatsiyadan o‘tgan edi.

#xavfsiz_mahalla Toshkent shahar bojxona boshqarmasi tomonidan Sergeli tumanidagi Jo‘nariq mahallasi nuroniylari uchun ma’naviy-ma’rifiy ekskursiya tashkil etildi. Tadbir davomida nuroniylar avvalo “Shahidlar xotirasi” yodgorlik majmuasida bo‘lib, yurt ozodligi va tinchligi yo‘lida jon fido qilgan ajdodlar xotirasiga hurmat bajo keltirdilar. Shundan so‘ng ekskursiya “G‘alaba bog‘i”da davom ettirildi. Ishtirokchilar bog‘ hududidagi tarixiy ekspozitsiyalar bilan tanishib, Ikkinchi jahon urushi yillarida xalqimizning matonati va fidoyiligi haqida batafsil ma’lumotlarga ega bo‘ldilar. Mazkur tadbir nuroniylarning mazmunli hordiq chiqarishi, tarixiy xotirani mustahkamlash hamda avlodlar o‘rtasidagi ma’naviy bog‘liqlikni yanada kuchaytirishga xizmat qildi.

13:00  10.06.2026 Pnevmatik toʻpponcha olib kirmoqchi boʻlgan yoʻlovchi toʻxtatib qolindi muxbir: Murodjon Ahadov https://t.me/zamon_lavhalar

Andijonda tillalarni turli nayranglar orqali olib kirishga uringan shaxslar toʻxtatib qolindi “Doʻstlik” chegara bojxona posti orqali yurtimizga kirib kelayotgan ikki nafar ayolning yuklari bojxona nazoratidan oʻtkazildi. Ulardan birining oʻzi foydalanishi uchun moʻljallangan kiprik boʻyogʻi (tush) idishi ichiga uch dona quyma oltin yashirincha joylangani aniqlandi. Uning hamrohi esa tilla boʻlaklarini atir idishi hamda ruchka ichiga mohirlik bilan joylashtirgan holda olib oʻtishga urindi. Shuningdek, ushbu post orqali harakatlangan yana bir fuqaro shaxsiy koʻrikdan oʻtkazilganida zargarlik buyumlarini bosh doʻppisining ichiga joylab, olib oʻtmoqchi boʻlgani maʼlum boʻldi.

Eslatib oʻtamiz, Oʻzbekiston Respublikasi Vazirlar Mahkamasining 244-son qaroriga muvofiq, jismoniy shaxslar tomonidan shaxsiy ehtiyojlari uchun notijorat maqsadlarda respublikaga olib kiriladigan tovarlarning bojsiz olib kirish normasi avtomobil va piyoda oʻtkazish punktlari orqali 300 AQSh dollari miqdorida belgilangan. Mazkur talablar zargarlik buyumlariga ham tatbiq etiladi. Bunda buyumlarning tayyor zargarlik mahsuloti boʻlishi hamda notijorat maqsadlarda olib kirilishi muhim ahamiyat kasb etadi.

Yashirin tarzda olib oʻtilayotgan mazkur nostandart quyma oltin boʻlaklari belgilangan tartibda vaqtincha saqlovga olinib, mazkur holat yuzasidan surishtiruv harakatlari olib borilmoqda.

13:00  12.06.2026 Sergeli avtomobil bozorida qulay shart-sharoitlar yaratilmoqda #Toshkent muxbir: Sohiba Akromova https://t.me/zamon_lavhalar

TUFLIGA BERKITILGAN PULLAR

Bojxona brokerlari bilan ochiq muloqot o‘tkazildi 🗓 11.06.2026 ⏰ 18:00 📍 Toshkent shahri 🌐 Telegram | 🌐 Instagram| ⚙️ Joyida murojat bot

#bojxonachi_tadbirkor_tayanchi Andijon viloyati bojxona boshqarmasi boshligʻi Q.Umarov yirik investitsiyaviy loyihalar tashabbuskorlari hamda investorlar bilan uchrashdi Xonobod shahrida turizm zonasini tashkil etish doirasida 115 gektar hududda barpo etilayotgan sunʼiy koʻl loyihasi bilan yaqindan tanishildi. Qiymati 12 mln. AQSh dollarini tashkil etuvchi mazkur loyiha toʻgʻridan-toʻgʻri xorijiy investitsiyalar hisobidan amalga oshirilmoqda.

Loyiha investorlari bilan oʻtkazilgan muloqot davomida tadbirkor duch kelayotgan muammolar va takliflar oʻrganildi. 2027-yilda foydalanishga topshirilishi rejalashtirilgan sunʼiy koʻl qurilishi uchun xorijdan olib kelinayotgan maxsus texnikalarni bojxona rasmiylashtiruvidan tezkor oʻtkazish masalasi ham muhokama qilindi. Investorlar tomonidan ushbu yoʻnalishda amaliy koʻmak soʻraldi. Uchrashuv davomida boshqarma boshligʻi tomonidan Oʻzbekiston Respublikasi Prezidentining 104-son qarori talablari, shuningdek, investor va tadbirkorlar uchun yaratilgan bojxona imtiyozlari hamda mavjud imkoniyatlar yuzasidan batafsil tushuntirishlar berildi.

Shu bilan birga, masʼul xodimlarga loyiha tashabbuskorlariga amaliy yordam koʻrsatish, yuzaga kelayotgan masalalarga tezkor yechim topish hamda investitsiya loyihasining oʻz vaqtida amalga oshirilishiga koʻmaklashish boʻyicha topshiriqlar berildi.

🟦🟦🟦 Sergeli Avtomobil bozori uchun alohida lokal yo'l tashkil etimlmoqda⚡️ 13:00 11.06.2026 Rasmiy sahifalarimiz🌐 📱Telegram | :📱Instagram | 📱YouTube |

#kun_intervyusi KUN INTERVYUSI (77-son) Bojxona sohasida amalga oshirilayotgan islohotlar va o‘zgarishlarning samarasi yuzasidan tashqi iqtisodiy faoliyat ishtirokchilarining o‘zlari so‘z yuritishadi. Loyihaning navbatdagi mehmoni Sirdaryo viloyatida faoliyat olib boruvchi korxona rahbari Kamol Karimov.

#Axborot24 | 12.06.2026 Развитие шелководства в Хорезмской области mtrk.uz| Instagram | Youtube | Facebook | Telegram

#Axborot24 | 11.06.2026 Xorazmda pillachilik va ipakchilik sohasidagi yutuqlar mtrk.uz| Instagram | Youtube | Facebook | Telegram

#donolar_bisotidan #kun_hikmati Donolar bisotidan O‘zini boshqara olgan odam eng katta g‘alabani qo‘lga kiritgan odamdir. Plato

Prezident Shavkat Mirziyoyev aholi salomatligi va millat genofondini giyohvandlikdan himoya qilishga qaratilgan qonunchilikni takomillashtirish yuzasidan taqdimot bilan tanishdi. — Президент Шавкат Мирзиёев ознакомился с презентацией по совершенствованию законодательства, направленного на защиту здоровья населения и генофонда нации от наркомании. #Mirziyoyev #taqdimot #giyohvandlik #qonunchilik Prezident.uz|Facebook|Instagram|YouTube|X

#Axborot24 | 11.06.2026 Xavfsiz hudud: bozorlarni raqamlashtirish ishlari mtrk.uz| Instagram | Youtube | Facebook | Telegram