O'zbekiston Respublikasi Davlat bojxona qo'mitasining rasmiy axborot kanali

#brifing ⚡️ Respublikamiz bojxonachilari tomonidan joriy yilning 6 oyi davomida tamaki mahsulotlarini bojxona chegarasi orqali noqonuniy ravishda olib kirish va ichki hududlarda muomalaga kiritish bilan bog‘liq 759 ta holatga chek qo‘yilgan. Natijada qiymati 48,5 mlrd so‘mlik tamaki mahsulotlari olib qo‘yilgan. 🎤Bu haqida Bojxona qo'mitasi Matbuot xizmati rahbari Husan Tangriyev ishtirokida bo'lib o'tgan brifingda ma'lum qilindi. ❗Aniqlangan holatlarning 185 tasida qiymati 4,2 mlrd so‘mlik 58 ming 403 quti nikotinli snyus mahsulotlarining noqonuniy aylanmasi oldi olindi. 🔵Achinarlisi shundaki, nikotinli snyuslarni olib kirishga uringani fuqarolarning 15 nafari bu qilmishni takroran sodir etgan. Shulardan 7 nafariga nisbatan jinoyat ishlari qo‘zg‘atilgan.

Fursatdan foydalanib, respublikamiz hududida muomalasi taqiqlangan tamaki mahsulotlarini, nikotin yetkazib berishning elektron tizimlarini, shu jumladan elektron sigaretalarni tayyorlash, olish, saqlash, tashish, o‘tkazish, O‘zbekiston Respublikasi hududiga olib kirish yoki O‘zbekiston Respublikasi hududidan olib chiqish taqiqlanganini, buning uchun ma’muriy va jinoiy javobgarlik belgilanganini yana bir karra eslatib o‘tamiz!

https://t.me/Rasmiy_axborot_official

O‘zbekiston Respublikasi Prezidenti Shavkat Mirziyoyev Amerika Qo‘shma Shtatlari Prezidenti Donald Trampga AQSh milliy bayrami – Mustaqillik kuni hamda mamlakat mustaqilligining 250 yilligi munosabati bilan tabrik yo‘lladi.

“Sizga hamda do‘st Amerika xalqiga ko‘p millatli O‘zbekiston xalqi nomidan eng samimiy tabriklar va ezgu tilaklarni yo‘llashdan g‘oyat mamnunman. Sizning dadil va shijoatli rahbarligingiz ostida AQSh iqtisodiy qudrati va ta’sirini yanada oshirib, global taraqqiyot hamda xavfsizlikni ta’minlashda muhim o‘rin tutmoqda, barcha davlatlar bilan amaliy hamkorlik aloqalari jadal rivojlanmoqda”,

– deyiladi maktubda. Prezidentimiz bunday ijobiy jarayonlar O‘zbekiston va AQSh o‘rtasidagi aloqalarni har tomonlama kengaytirish uchun mustahkam zamin yaratayotgani, o‘zaro hurmat, ishonch va mushtarak manfaatlarga asoslangan munosabatlar yangi mazmun bilan boyib borayotganini ta’kidladi. Maktubda o‘zaro savdo hajmini oshirish, qo‘shma investitsiya loyihalarini birgalikda amalga oshirish, muhim mineral resurslar va innovatsion kooperatsiya sohalaridagi hamkorlikni chuqurlashtirish ikki tomonlama munosabatlarning ustuvor yo‘nalishlari hisoblanishi qayd etildi. Shuningdek, xavfsizlik sohasidagi muloqot va amaliy sheriklikni yanada mustahkamlashdan manfaatdorlik bildirildi. Noqonuniy migratsiya, terrorizm, ekstremizm, transmilliy jinoyatchilik, narkotik vositalar noqonuniy aylanishi va boshqa zamonaviy tahdidlarga qarshi kurashishda birgalikdagi sa’y-harakatlarni kengaytirish dolzarb ahamiyat kasb etishi ta’kidlandi. Davlatimiz rahbari mintaqaviy va global formatlar, avvalo, “C5+1” platformasi, BMT hamda boshqa xalqaro institutlar doirasidagi hamkorlik Prezident Donald Trampning faol qo‘llab-quvvatlashi bilan sifat jihatidan yangi bosqichga ko‘tarilishiga ishonch bildirdi. Shu o‘rinda Prezidentimiz joriy yil dekabr oyida Mayami shahrida bo‘lib o‘tadigan “Katta yigirmalik” sammiti doirasidagi uchrashuvni katta qiziqish bilan kutayotganini ta’kidladi. — Президент Республики Узбекистан Шавкат Мирзиёев направил поздравление Президенту Соединенных Штатов Америки Дональду Трампу по случаю национального праздника – Дня независимости США и 250-летия этой даты.

«С большим удовольствием направляю Вам и дружественному американскому народу от имени многонационального народа Узбекистана самые искренние поздравления и наилучшие пожелания. Под Вашим смелым и энергичным руководством США, последовательно укрепляя свою экономическую мощь и влияние, играют важную роль в обеспечении глобального развития и безопасности, активно развивают практическое сотрудничество со всеми государствами»

,

– отмечается в поздравлении. Президент нашей страны подчеркнул, что такие позитивные процессы создают прочную основу для всестороннего расширения отношений между Узбекистаном и США, а связи, основанные на взаимном уважении, доверии и общих интересах, наполняются новым содержанием. В письме отмечено, что увеличение объемов взаимной торговли, совместная реализация инвестиционных проектов, углубление сотрудничества в сферах критически важных минеральных ресурсов и инновационной кооперации являются приоритетными направлениями двустороннего партнерства. Также выражена заинтересованность в дальнейшем укреплении диалога и практического партнерства в области безопасности. Особое значение придается расширению совместных усилий в борьбе с незаконной миграцией, терроризмом, экстремизмом, транснациональной преступностью, незаконным оборотом наркотиков и другими современными угрозами. Глава нашего государства выразил уверенность, что сотрудничество в региональных и глобальных форматах, прежде всего в рамках платформы «C5+1», ООН и других международных институтов, при активной поддержке Президента Дональда Трампа будет и впредь подниматься на качественно новый уровень. Президент Узбекистана также отметил, что с большим интересом ожидает встречу с американским коллегой на полях саммита «Группы двадцати», который состоится в Майами в декабре текущего года. Facebook|Instagram|X

Prezidentimiz Sergeli tumanini rivojlantirishning ustuvor vazifalarini belgilab berdi. — Президент нашей страны определили приоритетные задачи развития Сергелийского района. Prezident.uz|Facebook|Instagram|YouTube|X

Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yigʻilishi boʻlib oʻtdi. — Под председательством Президента Шавката Мирзиёева состоялось видеоселекторное совещание по вопросам социально-экономического развития города Ташкента, в том числе Сергелийского района, а также создания безопасной среды в махаллях. #Mirziyoyev #videoselektor #Sergeli #mahalla Prezident.uz|Facebook|Instagram|YouTube|X

#Axborot24 | 04.07.2026 Oʻzbekiston Respublikasi Prezidenti Shavkat Mirziyoyev Toshkent shahrining Sergeli tumaniga tashrif buyurdi mtrk.uz | Instagram | Youtube | Facebook | Telegram

Qoraqalpog‘istonda bojxona tizimi faoliyati va ijtimoiy loyihalar o‘rganildi Bojxona qo‘mitasi raisi o‘rinbosari O. Ibragimov Qoraqalpog‘iston Respublikasida xizmat safari doirasida ijtimoiy ahamiyatga ega qurilish loyihalari hamda bojxona tizimi faoliyatini o‘rgandi. Dastlab Shumanay tumanidagi “Madaniyat” mahallasida 4-sonli maktabgacha ta’lim tashkiloti binosini qayta qurish ishlari ko‘zdan kechirildi. Qurilish maydonida mas’ul tashkilotlar vakillari bilan o‘tkazilgan uchrashuvda loyihani sifatli va belgilangan muddatlarda amalga oshirish masalalari muhokama qilindi. Navabatdagi manzil - “Nukus” TIF bojxona posti. Ayni paytda post nazoratida 35 ta korxonaga tegishli 414 ta partiyadagi, umumiy qiymati 43,6 million AQSh dollarini tashkil etuvchi tovarlar saqlanmoqda. Joriy yilning o‘tgan davrida bojxona posti tomonidan 1573 ta bojxona ko‘rigi amalga oshirilgan. Natijada umumiy qiymati 7 milliard 115 million so‘mlik huquqbuzarlik holatlariga chek qo‘yilgan. Xizmat safari doirasida “Bojxona-servis” davlat muassasasining Qoraqalpog‘iston Respublikasi bo‘limi faoliyati ham o‘rganildi. Jumladan, bojxona organlari tomonidan olib qo‘yilgan va sud qarorlariga asosan davlat daromadiga o‘tkazilgan tovar-moddiy boyliklarni realizatsiya qilish mexanizmi tahlil qilindi. Shuningdek, uzoq muddat saqlovda qolayotgan tovarlarni realizatsiya qilish bo‘yicha zarur choralarni ko‘rish yuzasidan tegishli topshiriqlar berildi.

Yig‘ilishda mahallalarda xavfsiz muhitni ta’minlash bo‘yicha poytaxt namunasini yaratish masalasi ham ko‘rib chiqildi. Poytaxt tumanlariga respublika rahbarlari biriktirilgani o‘z natijasini berayotgani ta’kidlandi. Olti oyda oldini olish mumkin bo‘lgan jinoyatlar kamaydi. 230 ta mahallada jinoyat sodir etilmadi, 332 ta mahallada jinoyat keskin qisqardi. Kriminogen vaziyati tashvishli mahallalar soni 60 tadan 23 taga tushdi. Bu shaharda jamoat xavfsizligini ta’minlash bo‘yicha yangi yondashuvlar samara berayotganini ko‘rsatmoqda. Sergeli tumanida ham xavfsiz muhit yaratish bo‘yicha ijobiy natijalar qayd etildi. Kriminogen vaziyati og‘ir deb baholangan 29 ta mahalla “yashil” toifaga o‘tdi. 17 ta mahallada jinoyat sodir etilmadi. Sergeli bu borada Toshkent shahri tumanlari orasida eng yaxshi natijalardan birini ko‘rsatdi. Davlatimiz rahbari O‘zgarish mahallasidagi profilaktika ishlari bo‘yicha tajribani ommalashtirish, tumandagi qolgan 46 ta mahallani “yashil” toifaga o‘tkazish, yashirin iqtisodiyotni qisqartirish, yoshlar bilan ishlash bo‘yicha yangi yondashuvlarni joriy etish yuzasidan mutasaddilarga topshiriqlar berdi. Yig‘ilishda hokimlar va mas’ullarning axboroti tinglandi. Facebook|Instagram|X

Sergelidagi ayrim maktablar quvvatidan 1,5-2 karra yuqori yuklamada ishlamoqda. Maktablarda o‘quvchi o‘rnini 2 karra ko‘paytirish imkonini beradigan yangi tipdagi maktablar qurish loyihasi taklif qilinmoqda. Yangi loyihaga ko‘ra, sport zali, oshxona va ustaxona yerto‘lada joylashadi, yuqori qavatlardan esa sinf xonalari sifatida foydalaniladi. Bu yil Toshkent shahrining har bir tumanida bittadan maktab va bog‘chada ushbu yondashuvni joriy etib, “poytaxt tajribasi”ni yaratish topshirildi. Poytaxtda aholi va turistlar uchun salqin mikroiqlim yaratish maqsadida 12 ta sun’iy ko‘l barpo etish ishlari boshlanmoqda. Shundan 3 tasi Sergelida – Qo‘shqo‘rg‘on, Sultonobod va Farog‘atli mahallalarida jami 22 gektar maydonda tashkil etiladi. Ushbu ko‘llarni poytaxt iqlimini mo‘tadil saqlashga, odamlar piyoda sayr qilib, hordiq chiqarishiga xizmat qiladigan maskanlarga aylantirish vazifasi qo‘yildi. Shuningdek, “Jo‘n” kanalining Sergeli va Yangihayot tumanlaridan o‘tgan 5 kilometr qismini betonlashtirish boshlangani qayd etildi. Sergeli va Yangihayot tumanlarining hokimlariga yil yakunigacha kanal bo‘yida sayilgoh va salomatlik yo‘lagini tashkil etish topshirildi. Chirchiq daryosining poytaxt hududidan o‘tgan 16 kilometrida o‘zanni mustahkamlash ishlari boshlanib, qo‘shimcha 300 gektarda “yashil belbog‘”, sayilgohlar, piyodalar va velosiped yo‘laklari tashkil etiladi. Facebook|Instagram|X

Yil boshidan buyon Toshkent shahriga qariyb 3 million xorijlik sayyoh tashrif buyurdi. Ularning ko‘pchiligi tarixiy obidalar, istirohat bog‘lari, bozorlar, kafe-restoranlar va turistik mahallalarga piyoda borib, xotirjam sayr qilishni istaydi. Buning uchun yo‘l ko‘rsatkichlari, qulay marshrutlar va raqamli xaritalar zarurligi qayd etildi. Mutasaddilarga avtobus bekatlari, vokzal, aeroport va metro stansiyalarida sayyohlar uchun shahar marshrutlarini ko‘rsatuvchi, telefonga bepul va oson yuklab olinadigan xaritalarni joriy etish topshirildi. Davlatimiz rahbari Toshkent azaldan toza, ozoda va “yashil” shahar sifatida e’tirof etib kelinganini ta’kidladi. Shu bilan birga, ko‘chalar, xiyobonlar va parklardagi tozalik muhiti aholi va turistlar talabiga qay darajada mos ekani tanqidiy tahlil qilindi. Bu masala oddiy ko‘rinsa-da, aslida, madaniyat va qadriyat ekani qayd etildi. Mahalla raislari, nuroniylar va faollarga aholi bilan birga obodonchilik, daraxt ekish va ularni sug‘orish ishlariga bosh-qosh bo‘lish, yoshlarga “Tozalik ostonadan boshlanadi” degan qadriyatni singdirish zarurligi ta’kidlandi. Shuningdek, poytaxt mehmonlari va sayrga chiqqan aholi uchun hojatxonalar yetishmasligi qayd etildi. Bir oy muddatda alohida dastur ishlab chiqib, shu yilning o‘zida har bir tumanda 15-20 ta zamonaviy hojatxona qurish uchun yerlarni auksionga chiqarish vazifasi qo‘yildi. Chiqindi qutilarini keskin ko‘paytirish bo‘yicha ham choralar ko‘riladi. Facebook|Instagram|X

Sergeli va Yangihayot tumanlarining aholisini qiynab kelayotgan yana bir masala – suv tozalash inshooti atrofidagi badbo‘y hiddir. Mutasaddilarga 1-sentabrgacha oqova suv qabul qilish inshootiga zamonaviy filtrlash uskunalarini o‘rnatib, bu muammoni bartaraf etish topshirildi. Kelasi yildan Birlashgan Arab Amirliklaridagi hamkorlar bilan Quyi Chirchiq tumanida quvvati 300 ming kub metr bo‘lgan zamonaviy suv tozalash inshooti qurilishi boshlanadi. Buning hisobidan Sergelidagi suv tozalash inshootiga yuklama keskin kamayadi. Joriy yil aholiga qulaylik yaratish maqsadida Sergelining asosiy 23 kilometr yo‘lida harakat xavfsizligi qayta ko‘rib chiqilmoqda. Chorrahalarga 455 ta “aqlli” svetofor o‘rnatiladi, 150 ta avtobus bekati yangilanadi, 10 ming o‘rinli avtoturargoh tashkil etiladi. Kelasi yil Yangi Sergeli ko‘chasida avtobus uchun 5,5 kilometrlik BRT yo‘lak qurish rejalashtirilgan. Bu yo‘lak Shota Rustaveli ko‘chasi bilan bog‘lanadi. Sergeli, Bektemir va Yangihayot tumanlarini poytaxtning boshqa hududlari bilan bog‘laydigan Toshkent halqa yo‘lidagi yangi ko‘prik qurilishini tezlashtirish zarurligi qayd etildi. Facebook|Instagram|X

Toshkent viloyati hududidan olti yil oldin Sergeliga qo‘shilgan 13 ta mahallada 14,5 ming xonadon bor, ularda 50 mingdan ortiq aholi yashaydi. Lekin bu hududlar aholisi haligacha shahar muhitini to‘liq his qilgani yo‘q. Mazkur mahallalarda yoritish uchun 629 ta temir-beton ustun o‘rnatilib, kabel tortilgan. Ammo tizim hali ishga tushmagani tanqid qilindi. Mutasaddilarga o‘n kun muddatda ushbu masalani hal qilish topshirildi. Shuningdek, yil yakunigacha ushbu mahallalarni kanalizatsiya tarmog‘iga to‘liq ulash vazifasi qo‘yildi. Sergeli tumanida aholi va tadbirkorlarning soni oshgani sababli elektr energiyasiga yillik talab besh yilda 40 foizga ko‘paydi. Ayrim mahallalarda elektr kuchlanishi me’yordan 1,5-2 barobar pastligi qayd etildi. “Shaharoldi”, “O‘zgarish” va “Qumariq” nimstansiyalarini ishga tushirish uchun jami 107 milliard so‘m ajratilgan. Mutasaddilarga ushbu obyektlarni aniq muddatlarda ishga tushirish va aholiga kafolatli elektr ta’minotini yo‘lga qo‘yish vazifasi qo‘yildi. Umuman, poytaxtning Bektemir, Mirzo Ulug‘bek, Sergeli, Yashnobod va Yangihayot tumanlariga o‘tgan 46 ta mahallada elektr, suv, kanalizatsiya va yo‘l bo‘yicha birorta hal etilmagan masala qolmasligi kerakligi ta’kidlandi. Facebook|Instagram|X

Yig‘ilishda yer ustidan o‘tgan metro yo‘nalishi ostida savdo va servis obyektlarini tashkil etish tajribasi ko‘rib chiqildi. Davlat yerdan foydalanish huquqini auksionga chiqarib, loyiha va infratuzilmasini tayyorlab bermoqda, qolganini tadbirkorlar amalga oshirmoqda. Sergelida metro liniyasining yana 8,5 kilometr qismida shunday ishlar yakuniga yetkazilsa, 137 ta savdo-servis obyekti, 1-1,5 mingta ish o‘rni yaratiladi, tuman budjetiga 20-25 milliard so‘m qo‘shimcha tushum tushadi. Umuman, yer usti metro liniyasining Yashnobod, Sergeli va Yangihayot tumanlaridan o‘tgan 23 kilometr hududida bunday loyihalar amalga oshirilsa, yana 400 ta tadbirkor biznes boshlab, 3 mingta ish o‘rni yaratishi mumkin. Yerlarning qurilishga ruxsati, arxitektura-rejalashtirish topshirig‘i va loyihasi bilan birga tayyor paket shaklida auksionga chiqarish bo‘yicha Sergelida yangi tajriba boshlandi. Ilk bor Yangi Bunyodobod mahallasida 70 sotix yer uy-joy qurish uchun yangicha yondashuv asosida auksionga qo‘yildi. Boshlang‘ich narxi 14 milliard so‘m bo‘lgan ushbu yer uchastkasi 40 milliard so‘mga sotildi. Eng muhimi, yerni olgan tadbirkor shu kunning o‘zida qurilishni boshladi. Ilgari hujjatlarni kelishishga bir yilgacha vaqt ketar edi. Davlatimiz rahbari mazkur tajribani nafaqat yer uchastkalari, balki sotuvga qo‘yilayotgan davlat obyektlari va sanoat zonalariga ham tatbiq etish zarurligini ta’kidladi. Facebook|Instagram|X

Aholini xatlovdan o‘tkazish bo‘yicha dastlabki natijalar Sergeli tumanida real vaziyatni aniq ko‘rsatdi. Ilgari tuman aholisi 181 ming nafar deb yuritilgan bo‘lsa, xatlov natijasiga ko‘ra, hududda aslida 236 mingga yaqin aholi yashayotgani ma’lum bo‘ldi. Yaqin yillarda Sergeli aholisi 300 ming nafardan ortishi kutilmoqda. Shu bois, rahbarlarda uy-joy, bog‘cha, maktab, poliklinika va ish o‘rinlarini aholi o‘sishiga mos ravishda ko‘paytirish bo‘yicha hozirdan aniq reja va dastur bo‘lishi zarurligi ta’kidlandi. Bu yil Sergelini rivojlantirish uchun budjetdan 173 milliard so‘m, banklar orqali 2 trillion 200 milliard so‘m resurs ajratilgan. Tuman hokimi va mutasaddilarga ushbu mablag‘larni samarali ishlatib, qo‘shilgan qiymatni 2-3 karra oshirish bo‘yicha rejalarni amalga oshirish vazifasi qo‘yildi. Joriy yil tuman hokimlari jami 9 milliard dollarlik investitsiyaviy loyihalarni amalga oshirishi belgilangan. Sergelining o‘ziga o‘tgan besh oyda 236 million dollar investitsiya kiritildi. Yil yakunigacha 60 ta loyihani boshlash hisobidan yana 750 million dollar investitsiya jalb qilish rejalashtirilgan. Poytaxt sharoitida sanoat loyihalarini joylashtirishda yer masalasi eng katta muammo ekani ko‘rsatib o‘tildi. Shu bois, “Yangi avlod” sanoat zonasidan poytaxtning 12 ta tumaniga joy ajratish va investitsiya, sanoat, ish o‘rni, eksport hamda budjet tushumi ko‘rsatkichlarini loyiha qilgan tumanning o‘ziga yoziladigan tizimni joriy etish topshirildi. Facebook|Instagram|X

Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yig‘ilishi boshlandi. Davlatimiz rahbari so‘nggi yillarda Sergeli tumanida katta o‘zgarishlar bo‘lganini ta’kidladi. Yaqin-yaqingacha poytaxtning chekka hududi hisoblangan Sergelida aholi ishlash, daromad topish, dam olish va tibbiy xizmatlardan foydalanish uchun asosan shahar markaziga borishga majbur edi. Bugun esa tumanda muhit va odamlarning yashash tarzi tubdan o‘zgardi. Sergelida “hayot qaynayapti”. So‘nggi o‘n yilda bu yerda 30 ming xonadonli yangi uy-joylar, umumiy maydoni 2 million kvadrat metr bo‘lgan sanoat, savdo va servis obyektlari barpo etildi. Tadbirkorlar soni 2,5 mingtadan 6 ming 200 taga ko‘paydi. Tumanda shakllangan budjet tushumlari 382 milliard so‘mdan 2 trillion 200 milliard so‘mga, ya’ni 5,5 barobar oshdi. Aholi uchun 5 ta yirik dam olish maskani va istirohat bog‘lari ishga tushirildi. Toshkent viloyatidan o‘tgan 13 ta mahallaning hisobiga Sergeli tumani hududi 1 ming 800 gektarga kengayib, jami 5,6 ming gektarga yetdi. Sergelini boshqa tumanlar va shahar markazi bilan bog‘laydigan 9 kilometrlik yo‘l, 8 ta stansiyadan iborat yangi metro liniyasi bunyod etildi. Maktab o‘rinlari 25 mingdan 38,5 mingga, bog‘cha o‘rinlari 7,5 mingdan 15,5 mingga ko‘paydi. 50 ta davlat va xususiy klinika tashkil etildi. Shu bilan birga, transport, yo‘l, elektr, suv va kanalizatsiya kabi infratuzilma tarmoqlarini yaxshilash bo‘yicha yechimini kutayotgan masalalar hali ko‘pligi qayd etildi. Facebook|Instagram|X

Sergeli tumani hokimligining vaziyatlar markazi davlatimiz rahbariga taqdimot qilindi. — Главе нашего государства представлена работа ситуационного центра хокимията Сергелийского района. Prezident.uz|Facebook|Instagram|YouTube|X

Prezident Shavkat Mirziyoyev Sergeli tumani hokimligiga tashrif buyurib, boshqaruvni raqamlashtirish borasida amalga oshirilayotgan ishlar bilan tanishdi. — Президент Шавкат Мирзиёев посетил хокимият Сергелийского района, где ознакомился с проводимой работой по цифровизации управления. #Mirziyoyev #tanishuv #Sergeli #raqamlashtirish Prezident.uz|Facebook|Instagram|YouTube|X

#brifing Республикамиз божхоначилари томонидан жорий йилнинг 6 ойи давомида тамаки маҳсулотларини божхона чегараси орқали ноқонуний равишда олиб кириш ва ички ҳудудларда муомалага киритиш билан боғлиқ 759 та ҳолатга чек қўйилган. Натижада қиймати 48,5 млрд сўмлик тамаки махсулотлари олиб қўйилган. Бу ҳақида Божхона қўмитаси Матбуот хизмати раҳбари Ҳусан Тангриев иштирокидаги навбатдаги брифингда маълум қилинди. Аниқланган ҳолатларнинг 185 тасида қиймати 4,2 млрд сўмлик 58 минг 403 қути никотинли снюс маҳсулотларининг ноқонуний айланмаси олди олинди. Ачинарлиси шундаки, никотинли снюсларни олиб киришга уринган фуқароларнинг 15 нафари бу қилмишни такроран содир этган. Шулардан 7 нафарига нисбатан жиноят ишлари қўзғатилган. Каналга қўшилиш 👈 Facebook | Instagram | Медиабанк

Prezidentimiz Sergelidagi O‘zgarish mahallasining hayoti bilan tanishdi. — Президент нашей страны ознакомился с жизнью махалли Узгариш в Сергели. Prezident.uz|Facebook|Instagram|YouTube|X

#gender_tenglik Bojxona qoʻmitasi xodimlari huquqni muhofaza qiluvchi va sud organlarida faoliyat yuritayotgan ayol xodimlar uchun liderlik koʻnikmalarini rivojlantirish boʻyicha treningda ishtirok etishdi Oʻzbekiston Respublikasi Inson huquqlari boʻyicha milliy markazi hamda Yevropada Xavfsizlik va hamkorlik tashkilotining (YXHT) Oʻzbekistondagi Loyihalari koordinatori tomonidan tashkil etilgan trening davomida ishtirokchilar boshqaruv va muloqot koʻnikmalarini rivojlantirishning zamonaviy yondashuvlari, qaror qabul qilishning samarali usullari, jamoani shakllantirish hamda shaxsiy samaradorlikni oshirish masalalari bilan tanishdilar. Shuningdek, ayollarning liderlik salohiyatini mustahkamlash va ularning kasbiy rivojlanishi uchun qulay shart-sharoitlar yaratish masalalariga alohida eʼtibor qaratildi. Mazkur trening YXHTning Oʻzbekistondagi 2025–2026-yillarga moʻljallangan loyihalarini amalga oshirish boʻyicha “Yoʻl xaritasi”, shuningdek, BMT Xavfsizlik Kengashining “Ayollar, tinchlik va xavfsizlik” rezolyutsiyasini amalga oshirishda ayollarning rolini kuchaytirishga qaratilgan loyiha doirasida tashkil etildi.

Prezident Shavkat Mirziyoyev Sergeli tumanidagi Oʻzgarish mahallasida amalga oshirilgan bunyodkorlik ishlari bilan tanishdi. — Президент Шавкат Мирзиёев ознакомился с созидательной работой в махалле Узгариш Сергелийского района. #Mirziyoyev #tanishuv #Sergeli #mahalla Prezident.uz|Facebook|Instagram|YouTube|X