O'zbekiston Respublikasi Davlat bojxona qo'mitasining rasmiy axborot kanali

#giyohvandlikka_qarshi_kurash UZREPORT TV: Xitoydan yuborilgan kuryerlik jo‘natmasi ichida 25 kg “pregabalin” kuchli ta’sir qiluvchi moddasi borligi aniqlandi

Toshkent viloyatida 15-oktabr – Xalqaro qishloq ayollari kuni ko‘tarinki ruhda nishonlandi Fidoyi ayollarga hurmat va ehtirom ko‘rsatish, ularning mashaqqatli mehnati, jasorati va tashabbuslarini qadrlash maqsadida viloyatda bayram tadbiri tashkil etildi. Unda Toshkent viloyati bojxona boshqarmasi boshlig‘ining birinchi o‘rinbosari G.Xodjibaboyeva ham ishtirok etdi. Dastlab, Nurafshon shahrida sabr va matonat timsoliga aylangan Zulfiya aya Zokirova xotirasiga hurmat bajo keltirilib, opa-singillar hamda keng jamoatchilik vakillari tomonidan uning poyiga gullar qo‘yildi. Shundan so‘ng bayram tadbiri viloyat hokimligida ko‘tarinki ruhda davom etdi. Unda qishloq ayollarining o‘rni, ularning fidokorona mehnati alohida e’tirof etildi. Bugungi kunda Toshkent viloyatida 1 million 574 ming dan ziyod xotin-qizlar istiqomat qiladi. Ularning 1 million 134 ming 678 nafari, ya’ni 73,5 foizi qishloq hududlarida yashaydi.

#bojxona_tadbirkor_tayanchi Bojxona qo‘mitasining Jamoatchilik va OAV bilan aloqalar bo‘limi boshlig‘i H.Tangriyev Navoiy viloyatining olis Tomdi va Konimex tumanlarida bo‘lib, xorijdan zotdor qo‘ylar olib kelgan chorvadorlar bilan muloqot qildi. Zotdor chorva faqat qoramol bilan cheklanmaydi. Aholi dasturxonini sifatli va hamonbop go‘sht-sut mahsulotlari bilan ta’minlash, chorvachilik tarmog‘ida mahsuldorlikni oshirish hamda ichki bozorda narxlar barqarorligini ta’minlashda qo‘ychilik ham alohida ahamiyat kasb etadi. Bunda Davlatimiz Rahbarining joriy yil 12-maydagi “Chorvachilik tarmog‘i va yaylov xo‘jaligini zamonaviy boshqaruv tizimi va yangicha yondashuvlar asosida rivojlantirish chora-tadbirlari to‘g‘risida” PQ-179-son qarori bilan xorijiy davlatlardan nalsdor qoramol, qo‘y va echkilarni O‘zbekistonga olib kirishda 2029-yil 1-yanvarga qadar qo‘shilgan qiymat solig‘idan ozod etilgani hal qiluvchi rol o‘ynamoqda. Raqamlarga ko‘ra, O‘zbekistonga joriy yilning o‘zida 3 ta davlatdan salkam 4 mln dollarlik 18,6 ming boshdan ziyod qo‘ylar olib kelingan. Xususan, Navoiy viloyatidan 100-200 km olisda joylashgan yaylovlarda hozirda Mug‘ulistondan havo yo‘llari orqali keltirilgan “bayan” zotiga mansub minglab qo‘ylar o‘tlab yuribdi. Qo‘shimcha tarzda shu yilning o‘zida Tomdi va Konimex tumanlaridagi 2 ta fermer xo‘jaligining har biri 500 boshdan ushbu qo‘ylardan olib keltirdi. Tabiiyki, bu tashabbus qo‘ychilikda nasl sifatini yaxshilash, chorvachilik salohiyatini oshirish va tarmoqni rivojlantirishga hissa qo‘shmoqda. Ushbu jarayonlarda bojxona organlari ham o‘zining munosib hissasini qo‘shib, tadbirkorlarga amaliy ko‘mak ko‘rsatish, mavjud imtiyozlardan qonuniy va samarali foydalanish hamda rasmiylashtiruv jarayonlarini to‘g‘ri tashkil etishlarida qo‘llab-quvvatlanmoqda.

Maktab o‘quvchilari o‘rtasida “Zakovat” intellektual o‘yini o‘tkazildi Yoshlarning bilim olishga bo‘lgan qiziqishini oshirish, mustaqil va mantiqiy fikrlash qobiliyatini rivojlantirish hamda ularda vatanparvarlik va milliy qadriyatlarga hurmat tuyg‘ularini mustahkamlash maqsadida Sergeli tumanidagi 301-sonli maktabda “Zakovat” intellektual o‘yinining saralash bosqichi tashkil etildi. Bojxona instituti o‘qituvchilari A.Salixanov, S.Shakirzyanova va X.Umarovlar tomonidan tashkil etilgan bellashuvda o‘quvchilar o‘z bilim va salohiyatlarini namoyish etib, mantiqiy savollarga javob topish, tezkor fikrlash va jamoaviy hamkorlik borasida o‘zaro bellashdilar. Musobaqada o'quvchilardan tashkil topgan “Boburiylar”, “Yangi avlod” va “Vunderkindlar” jamoalari murosasiz bahs olib bordilar. Yakuniy natijalarga ko‘ra, “Vunderkindlar” jamoasi birinchi o‘rinni egalladi. Barcha ishtirokchi jamoalar esa esdalik sovg‘alari bilan taqdirlandi. Bunday intellektual bellashuvlar yoshlarning bilimini mustahkamlash, tafakkurini rivojlantirish, jamoada ishlash ko‘nikmalarini shakllantirish hamda ularning intellektual salohiyatini ro‘yobga chiqarishda muhim ahamiyat kasb etadi.

#bojxonachi_tadbirkor_tayanchi Navoiyda tadbirkor bilan muloqot: ishlab chiqarish va hamkorlik masalalari muhokama qilindi Bojxona qo‘mitasi Raisi o‘rinbosari O.Choriyev Navoiy shahridagi “NAVPROMLITMASH” MChJ korxonasida bo'lib, uning ishlab chiqarish faoliyati bilan yaqindan tanishdi. Uchrashuv davomida korxonada ishlab chiqarish jarayonlari, sanoat mahsulotlarini tayyorlash imkoniyatlari va faoliyatni kengaytirish istiqbollari ko‘zdan kechirildi. Korxona vakillari bilan suhbatda ishlab chiqarishni yanada rivojlantirish, tashqi iqtisodiy faoliyatni amalga oshirishda uchrashi mumkin bo‘lgan masalalar hamda bojxona rasmiylashtiruvi bilan bog‘liq jarayonlar yuzasidan fikr almashildi. Muloqotda tadbirkorlik subyektlariga ko‘rsatilayotgan bojxona xizmatlarini takomillashtirish va ishlab chiqaruvchilar bilan o‘zaro hamkorlikni mustahkamlash masalalariga alohida e’tibor qaratildi. Bunday uchrashuvlar tadbirkorlarning muammo va takliflarini o‘rganish, shuningdek, bojxona xizmatlarini biznes vakillari uchun yanada qulay va samarali tashkil etishga xizmat qiladi.

#bojxonachi_tadbirkor_tayanchi Sergeli tumanida tadbirkorlik subyektlari vakillari ishtirokida ochiq muloqot tashkil etilib, tashqi iqtisodiy faoliyatni amalga oshirishda yuzaga kelayotgan dolzarb masalalar muhokama qilindi. Unda Toshkent shahar bojxona boshqarmasi boshlig‘i U.Qodirov, O‘zbekiston Respublikasi Biznes-ombudsman devonining Toshkent shahar sho‘basi boshlig‘i F.Ahmedov, “Temiryo‘linfratuzilma” AJ Mintaqaviy temir yo‘l uzeli boshlig‘i G.Mamadaliyev, O‘zbekiston Respublikasi temir yo‘l aksiyadorlik jamiyati Yuk va tijorat boshqarmasi boshlig‘i E.Shamsiyev hamda sohaviy mas’ullar ishtirok etdi.

Ochiq muloqotda 40 nafardan ortiq yirik tadbirkorlik subyekti vakillarining ishtirokida 20 dan ziyod masala ko‘rib chiqildi. Xususan, eksport-import operatsiyalarini amalga oshirish, tovarlarni bojxona rasmiylashtiruvidan o‘tkazish, bojxona to‘lovlari hamda rasmiylashtirish jarayonlariga sarflanadigan vaqt bilan bog‘liq muammolar yuzasidan fikr almashildi. Shuningdek, tez buziladigan oziq-ovqat mahsulotlarini rasmiylashtirishni jadallashtirish hamda qo‘shni davlatlar hududi orqali tranzit yo‘nalishlarda tashilayotgan yuklarni olib kirish jarayonlarini soddalashtirish masalalariga alohida e’tibor qaratildi. Sanitariya talablari, zarur sertifikatlarni olish va elektron tizimlardan foydalanish bilan bog‘liq masalalar ham muhokama markazida bo‘ldi. Muloqot davomida tadbirkorlar o‘z faoliyatida uchrayotgan muammolar va ularni bartaraf etish bo‘yicha takliflarini bildirdilar. Mas’ul idoralar vakillari esa ko‘tarilgan masalalar yuzasidan tushuntirishlar berib, bojxona qonunchiligi talablari, rasmiylashtirish tartib-taomillari hamda mavjud imkoniyatlar haqida ma’lumot taqdim etdilar.

Uchrashuv yakunida tadbirkorlar tomonidan bildirilgan murojaat va takliflarni belgilangan tartibda ko‘rib chiqish, mavjud muammolarni hal etish hamda mas’ul idoralar o‘rtasidagi hamkorlikni yanada mustahkamlash muhimligi ta’kidlandi.

#giyohvandlikka_qarshi_kurash Vaziyat 24 | Toshkent shahar bojxona boshqarmasi xodimlari tomonidan giyohvandlik vositalari to‘xtatib qolindi

#Yoshlar_kuni   “Sirdaryo” chegara bojxona postida “Ochiq eshiklar kuni” tashkil etildi   Tadbir davomida yoshlar post faoliyati, bojxona nazorati jarayonlari hamda sohada qo‘llanilayotgan zamonaviy texnologiyalar bilan yaqindan tanishish imkoniga ega bo‘ldilar. Xususan, yo‘lovchilar va fuqarolar uchun yaratilgan qulayliklar, nazorat jarayonlarida foydalanilayotgan zamonaviy texnik vositalar va raqamlashtirilgan bojxona tizimlari namoyish etildi.  

Shuningdek, zamonaviy “Z-Portal” inspeksion ko‘rik majmuasining ishlash imkoniyatlari ko‘rsatilib, uning bojxona nazoratida tezkorlik va xavfsizlikni ta’minlashdagi ahamiyati tushuntirildi. Xizmat itlari ishtirokida tashkil etilgan maxsus ko‘rgazmali chiqishlar esa yoshlarning alohida qiziqishiga sabab bo‘ldi.   Muloqot davomida o‘quvchilarga bojxona organlarida xizmatni o‘tash tartibi, sohada mavjud kasbiy imkoniyatlar, xodimlar uchun yaratilgan shart-sharoitlar hamda kelajakda bojxonachi bo‘lish istagidagi yoshlar uchun zarur talablar haqida batafsil ma’lumot berildi. O‘quvchilarni qiziqtirgan savollarga mas’ullar tomonidan atroflicha javob qaytarildi.

  Bunday tadbirlar yoshlarning bojxona haqidagi bilim va tasavvurlarini kengaytirish, ularni vatanparvarlik ruhida tarbiyalash hamda kelajak kasbini tanlashda to‘g‘ri yo‘nalish olishlariga ko‘maklashishga xizmat qiladi.

#yoshlar_kuni Jizzax viloyati bojxona boshqarmasi boshlig‘i F.Artikov yosh xodimlar hamda boshqarmaga biriktirilgan maktab o‘quvchilari ishtirokida ochiq muloqot o'tkazdi Uchrashuvda yoshlar tomonidan kasbiy bilim va ko‘nikmalarni oshirish, ustoz-shogird tizimini samarali yo‘lga qo‘yish, hamda yosh xodimlarning o'qib izlanishlari uchun munosib xizmat sharoitlarini yaratish kabi takliflar bildirildi.

Shuningdek, muloqotda ishtirok etgan maktab o‘quvchilarining ham fikr va qiziqishlariga e’tibor qaratildi. Ularga bojxona organlarining vazifalari, mamlakat iqtisodiy xavfsizligini ta’minlashdagi o‘rni, bojxonachi kasbining mas’uliyati va ushbu sohada faoliyat yuritish uchun zarur bilim hamda fazilatlar haqida tushunchalar berildi. Boshqarma boshlig‘i yosh xodimlarning tashabbuslarini qo‘llab-quvvatlash, shu bilan birga, xizmat intizomini mustahkamlash, faoliyatda shaffoflikni ta’minlash va korrupsiyaga qarshi murosasiz kurashish masalalariga ham alohida to‘xtalib o‘tildi.

Ma’lumot o‘rnida, bugungi kunda Jizzax viloyati bojxona boshqarmasi xodimlarining qariyb 25 foizini yoshlar tashkil etadi. Yosh xodimlarning salohiyatini yuzaga chiqarish va maktab o‘quvchilarini vatanparvarlik ruhida tarbiyalashga qaratilgan bunday uchrashuvlar izchil davom ettiriladi.

#kun_intervyusi KUN INTERVYUSI (122-son) Bojxona sohasida amalga oshirilayotgan islohotlar va o‘zgarishlarning samarasi yuzasidan tashqi iqtisodiy faoliyat ishtirokchilarining o‘zlari so‘z yuritishadi. Loyihaning navbatdagi mehmoni Samarqand viloyatida faoliyat olib boruvchi korxona mas'uli Olmos Botirov

#bojxonachi_tadbirkor_tayanchi Toshkent viloyati bojxona boshqarmasi boshligʻi I.Agzamxodjayev tomonidan tadbirkorlarning muammolarini oʻrganish maqsadida sayyor qabul oʻtkazildi Sayyor qabulda 100 nafarga yaqin tadbirkorlik subyektlari vakillarining faoliyatini yuritish va kengaytirish jarayonida duch kelayotgan muammolari, kredit olish, moliyaviy xizmatlar, bank amaliyotlari, bojxona rasmiylashtiruvi hamda boshqa masalalar yuzasidan murojaatlari tinglandi.

Jumladan, “SPEYS S” MCHJ tomonidan olib kirilayotgan liftlarni bojxona rasmiylashtiruvida laboratoriya xulosasini har bir partiya uchun alohida taqdim etish talabi sababli jarayon 2-3 kunga choʻzilayotgani masalasi koʻtarildi. Mazkur murojaat yuzasidan korxona tomonidan taqdim etilgan bojxona yuk deklaratsiyalari oʻrganilib, holatni yengillashtirish choralari belgilandi.

Shuningdek, “POLIMER 111” MCHJ tomonidan Erondan olib kelinayotgan polimer granulalarining kelib chiqish sertifikatini olishda yuzaga kelayotgan muammolar yuzasidan murojaat bildirildi. Mazkur masala boʻyicha tadbirkorga muammoni belgilangan tartibda hal etishning bir nechta qulay usullari tushuntirildi. Jumladan, bojxona toʻlovlarini amalga oshirgan holda tovarni erkin muomalaga chiqarish va belgilangan muddatda kelib chiqish sertifikatini taqdim etish, tovarni uchinchi davlat orqali olib kirish yoki Oʻzbekistonning Erondagi elchixonasi orqali amaliy koʻmak soʻrash imkoniyatlari koʻrib chiqildi.

Qabul davomida qolgan murojaatlar ham masʼullar tomonidan tinglanib, ularni hal etish boʻyicha tegishli chora-tadbirlar belgilandi. Qoʻshimcha oʻrganish talab etiladigan masalalar masʼul rahbar va tashkilotlarga biriktirilib, ularning ijrosi nazoratga olindi.

Milliy kinologiya markazida xalqaro ko'rgazma 12:00 15.10.2026 😎  Telegram 😎 Instagram▶ You Tube

Chet eldan telefon olib kelyapsizmi? ✈️ Aeroportda telefonni bojxona nazoratidan o‘tkazishda nimalarga e’tibor qaratish kerak? Qanday tartiblarga amal qilish lozim? Barcha savollarga javobni ushbu videoda bilib oling!

#Axborot24 | 13.10.2026 Senatda qonunlar muhokamasi mtrk.uz | Instagram | Youtube | Facebook | Telegram | X (twitter)

Dunyo bo'ylab TV | Таможенники раскрыли подпольную нарколабораторию, скрывавшуюся за обычным почтовым отправлением. Точнее, проверка курьерской посылки привела к выявлению преступной деятельности, связанной с изготовлением наркотических средств. Подробности — в нашем следующем репортаже.  

Oddiy joʻnatma ortidagi yashirin narkolaboratoriya 09:00 15.10.2026 😎  Telegram 😎 Instagram▶ You Tube

#donolar_bisotidan #kun_hikmati Donolar bisotidan Yomon xulqli kishi qayerga bormasin, o‘z fe’lining asiridir. Sa’diy Sheroziy

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi. Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi. Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi. Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart. — Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах. Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений. Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет. Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.

#xavfsiz_mahalla Milliy kinologiya markazi direktori F.Qaxxorov Sergeli tumanidagi “Daryo bo‘yi” va “Nilufar” mahallalarida olib borilayotgan ishlar bilan tanishdi Mas'ullar “Daryo bo‘yi” mahallasining Nilufar ko‘chasi, 3 va 4-tor ko‘chalaridagi ko‘p qavatli uylar hamda mahalla binosi atrofida tik quduqlar qazish, sug‘orish tizimini yaratish, hududni obodonlashtirish va ko‘kalamzorlashtirish ishlarini o‘rganishdi. Ishlarni sifatli tashkil etish va sovuq kunlar tushmasdan tezroq yakunlash yuzasidan ko'rsatmalar berildi. “Nilufar” mahallasida esa jinoyatchilikning oldini olish, vaqtincha ro‘yxatda turuvchi fuqarolar bilan xonadonbay ishlash hamda yoshlar o‘rtasida giyohvandlikka qarshi targ‘ibot tadbirlarini kuchaytirish masalalariga e’tibor qaratildi. Shuningdek, kuz-qish mavsumiga tayyorgarlik ko‘rish, aholi murojaatlarini o‘z vaqtida ko‘rib chiqish va mavjud muammolarni bartaraf etish masalalari muhokama qilindi.