ፍኖተ-አማራ ሚዲያ (Finote Amhara Media)

ዳግማዊ ቴዎድሮስ 5ኛ ኮር ጎንደሬ በጋሻው ክፍለ ጦር ጥልቅ ግምገማውን በስኬት አጠናቀቀ! ​ጥቅምት 11/2019 ዓ.ም ​የአፋብን ጎንደር ጠቅላይ ግዛት በላይ ዘለቀ 3ኛ ዕዝ ዳግማዊ ቴዎድሮስ 5ኛ ኮር አካል የሆነው ጎንደሬ በጋሻው ክፍለ ጦር፣ የነበሩበትን ክፍተቶች በማስተካከል ይበልጥ ጥንክሮ ለመቀጠል ያስችለው ዘንድ የዕዝ፣ የክፍለ ጦር፣ የኮር እና የብርጌድ አመራሮች በተገኙበት ለሶስት ቀናት ሲያካሂደው የቆየውን ጥልቅ ውይይትና ግምገማ በስኬት አጠናቋል። ​በዚሁ መድረክ የክፍለ ጦሩ አመራሮች በትግል ሂደቱ ላይ ያሳዩት ቁርጠኝነት፣ ጽናትና ተጋድሎ በታላቅ ጥንካሬ ተነስተዋል። በተጨማሪም ክፍለ ጦሩ አሁን ላይ ያለበትን ቁመና እና በስራ አፈጻጸም ላይ የተስተዋሉ ችግሮች መታረም በሚቻልባቸው ጉዳዮች ላይ ሰፊና ጥልቅ ውይይት ተደርጎባቸዋል። ​ያለፉ የአመራር ስልቶችን ይበልጥ ለማስተካከል ያለመ የሂስና ግለ-ሂስ መድረኮች ተፈጥረው፤ ካለፉ ስልቶች የመማር እና የወደፊት ግልጽ አቅጣጫዎችን በማስቀመጥ ክፍለ ጦሩ ይበልጥ ጠንክሮ እንዲወጣ ማድረግ ላይ ትኩረት ያደረገ ነበር። ​በመጨረሻም የክፍለ ጦሩ አመራሮች ላለፉት ጊዜያት የተነሱባቸውን ድክመቶችና ትችቶች እንደ መልካም አጋጣሚ በመውሰድ፤ በነፍስ፣ በደም እና በአጥንት የተገነባውን የአማራ ህዝብ ትግል ማስቀጠልና የትግሉ አልፋና ኦሜጋ አንድነት መሆኑን በመገንዘብ ቃል የገቡ ሲሆን ክፍለ ጦሩን ለቀጣይ ግዳጅ ሙሉ በሙሉ ዝግጁ የማድረግ ስራም መጠናቀቁን አስገንዝበዋል። ህልውናችን በተባበረ ክንዳችን! አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!