اکنون در دسترس! پژوهش تلگرام ۲۰۲۵ — مهمترین بینشهای سال 
Літархіў
رفتن به کانال در Telegram
Гісторыя беларускай літаратуры, фотаздымкі, архіўныя дакументы, рарытэтныя выданні, відэа- і аўдыёматэрыялы.
نمایش بیشتر705
مشترکین
-124 ساعت
-67 روز
-630 روز
در حال بارگیری داده...
کانالهای مشابه
ابر برچسبها
هیچ دادهای
مشکلی وجود دارد؟ لطفاً صفحه را تازه کنید یا با مدیر پشتیبانی ما تماس بگیرید.
اشارات ورودی و خروجی
---
---
---
---
---
---
جذب مشترکین
ژوئیه '26
ژوئیه '26
+2
در 0 کانالها
ژوئن '26
+26
در 1 کانالها
Get PRO
مه '26
+85
در 3 کانالها
Get PRO
آوریل '26
+85
در 4 کانالها
Get PRO
مارس '26
+19
در 1 کانالها
Get PRO
فوریه '26
+16
در 1 کانالها
Get PRO
ژانویه '26
+37
در 1 کانالها
Get PRO
دسامبر '25
+25
در 1 کانالها
Get PRO
نوامبر '25
+47
در 1 کانالها
Get PRO
اکتبر '25
+43
در 1 کانالها
Get PRO
سپتامبر '25
+89
در 1 کانالها
Get PRO
اوت '25
+8
در 2 کانالها
Get PRO
ژوئیه '25
+2
در 2 کانالها
Get PRO
ژوئن '25
+15
در 1 کانالها
Get PRO
مه '25
+34
در 3 کانالها
Get PRO
آوریل '25
+42
در 2 کانالها
Get PRO
مارس '25
+25
در 2 کانالها
Get PRO
فوریه '25
+5
در 1 کانالها
Get PRO
ژانویه '25
+45
در 3 کانالها
Get PRO
دسامبر '24
+70
در 5 کانالها
Get PRO
نوامبر '24
+4
در 0 کانالها
Get PRO
اکتبر '24
+9
در 1 کانالها
Get PRO
سپتامبر '24
+3
در 1 کانالها
Get PRO
اوت '24
+2
در 1 کانالها
Get PRO
ژوئیه '24
+5
در 1 کانالها
Get PRO
ژوئن '24
+19
در 1 کانالها
Get PRO
مه '24
+80
در 2 کانالها
Get PRO
آوریل '240
در 3 کانالها
Get PRO
مارس '24
+137
در 3 کانالها
| تاریخ | رشد مشترکین | اشارات | کانالها | |
| 04 ژوئیه | +2 | |||
| 03 ژوئیه | 0 | |||
| 02 ژوئیه | 0 | |||
| 01 ژوئیه | 0 |
پستهای کانال
+2
📅 135 гадоў таму нарадзіўся Пётр Бузук
У пачатку ліпеня 1891 года нарадзіўся Пётр Апанасавіч Бузук, выдатны славіст, заснавальнік беларускай лінгвагеаграфіі і арэальнай лінгвістыкі, стваральнік аднаго з першых у свеце лінгвістычных атласаў славянскай мовы, дырэктар Інстытута мовазнаўства ў 1931-1933 гг.
Нарадзіўся ў в. Шарпены Бесарабскай губ. (цяпер Бендэрскі р-н Малдовы). Меў малдаўска-яўрэйска-ўкраінска-сербскія карані, але стаў класікам беларускага мовазнаўства.
Меў надзвычайныя лінгвістычныя здольнасці - валодаў у рознай ступені 20 мовамі.
Працуючы ў Інбелкульце за 8 гадоў ён надрукаваў больш за 60 грунтоўных даследаванняў, прысвечаных беларускай мове і яе дыялектам.
У 1937-ым арыштаваны па палітычнай справе і загінуў у 1938 г. у турме НКУС.
#гісторыя
| 2 |  📅 "Бура на Нарачы" - страчаная стужка па сцэнары Максіма Танка
85 гадоў таму ў чэрвені 1941-га году "Беларусьфільм" пачаў здымкі мастацкай стужкі пра паўстанне нарачанскіх рыбакоў паводле сцэнара паэта Максіма Танка.
Выступленне нарачанскіх сялян-рыбакоў пачалося ўлетку 1935 года. Прычынай стала забарона ўладамі Польшчы свабоднай лоўлі рыбы на возеры Нарач. У выступленні ўдзельнічала каля 5 тысяч беларускіх сялян. Кіравала выступленнямі КПЗБ. Барацьба цягнулася да 1939 года.
Вядома, такая падзея не магла не зацікавіць улады БССР, асабліва на тле ўз'яднання 1939 г.
Стужка абяцала быць эпічнай і маштабнай, але вайна з Нямеччынай перапыніла працэс, а потым у куламесе знік і сам сцэнар. Да здымак пасля вайны не вярталіся і тэкст сцэнару лічыўся страчаным.
Толькі ў 2000-ыя гг. ён адшукаўся ў архіве.
Цікавай гісторыяй падзяліўся тг-канал "Нарачанскі край"
#гісторыя | 197 |
| 3 |  📅 130 гадоў таму нарадзіўся Уладзіслаў Казлоўскі
Літаратар і грамадскі дзеяч Уладзіслаў Казлоўскі нарадзіўся 29 чэрвеня 1896, у в. Залессе Саколкаўскага пав. Гродзенскай губ.
Вучыўся ў Віленскай каталіцкай духоўнай семінарыі. У час вучобы (1916-19) далучыўся да беларускага нацыянальнага руху. Скончыў Віленскія беларускія настаўніцкія курсы. У 1930-х актыўна працаваў у Вільні ў беларускіх нацыянальных арганізацыях і ўстановах. Быў рэдактарам газеты «Новы шлях» і "Беларускай газеты".
Аўтар кніг: "Путы кахання" (1932), "Шляхам змагання" (1935), шэрагу выданняў па фізкультуры і фізвыхаванні: "Фізічнае выхаванне грамадзянства" (1927),
"Аб фізічным выхаванні ў беларусаў" (1928).
Забіты падпольшчыкамі 13 лістапада 1943 г. у Мінску. Пахаваны на Кальварыі.
#гісторыя | 223 |
| 4 |  📅 35 гадоў “Беларускай хатцы”
«Беларуская хатка», што стаіць на вуліцы Рабкораўскай у Мінску гэта своеасаблівы працяг экспазіцыі Літаратурнага музея Максіма Багдановіча, што прысвечана мінскаму перыяду жыцця класіка, а таксама літаратурна-грамадскаму руху пачатку ХХ ст. у сталіцы.
Мастацкая канцэпцыя экспазіцыі належыць Эдуарду Агуновічу. Афармленне інтэр’ера стылізавана пад «мадэрн». Філіял знаходзіцца ў доме, пабудаваным у 1904 г. на вул. Мала-Георгіеўскай (сучасная вул. Талстога). Гэта адзіны ацалелы будынак у Мінску, па-сапраўднаму звязаны з М.Багдановічам.
У 80-х гадах ХХ ст. уратаваны ад зносу дом быў зняты са свайго гістарычнага падмурка і перанесены на вуліцу Рабкораўскую (прыкладна на сто метраў ад свайго колішняга месца). У той жа час распачалася праца па стварэнні экспазіцыі філіяла. Пасля рэстаўрацыі дому вярнулі першапачатковы выгляд і 25 чэрвеня 1991 года адбылося яго ўрачыстае адкрыццё.
#гісторыя | 306 |
| 5 |  Еўдакія Лось
На здымку 1960-ых гг. паэтка Еўдакія Лось (1929-1977).
Нарадзілася на Ушаччыне, скончыла філфак мінскага педінстытута. Працавала ў "Зорьцы", "Звяздзе", "Вясёлцы", "Работніцы і сялянцы".
Дэбютавала ў 1948 г. Аўтарка зборнікаў «Сакавік» (1958), «Палачанка» (1962), «Людзі добрыя» (1963), «Хараство» (1965), «Яснавокія мальвы» (1967), «Вянцы зруба» (выбранае, 1969), «Перавал» (вершы і паэмы, 1971), «Галінка з яблыкам» (1973), «Лірыка» (1975), «Лірыка ліпеня» (1977) і інш.
Рана пайшла з жыцця праз цяжкую хваробу. Пахаваная ў Мінску на Усходніх могілках.
#гісторыя | 383 |
| 6 |  Партрэт Купалы
Гэты партрэт Янкі Купалы 1923-га году, надрукаваны ў віленскай друкарні Ласкова, атрымаў шырокі распаўсюд у заходнебеларускіх выданьнях і школьных падручніках.
А вось яго аўтарку надоўга забылі - звалі яе Ніна Сасноўская (1892-1978). У пачатку 1920-х гг. яна працавала настаўніцай маляваньня і каліграфіі ў Віленскай беларускай гімназіі. Была вядомай у міжваеннай Вільні заходнебеларускай мастачкай-графікам і менавіта яна выканала алоўкавы партрэт Янкі Купалы, літаграфаваны на камень мастаком Язэпам Горыдам.
Пра лёс Ніны Сасноўскай у ваенныя і паваенныя гады нічога нажаль невядома.
Памерла і пахаваная яна ў Вільні. Яе магіла на Сьвята-Ефрасіньеўскіх могілках.
#гісторыя | 396 |
| 7 |  +3Іван Ласкоў
85 гадоў таму нарадзіўся пісьменнік і гісторык Іван Ласкоў (1941 — 1994).
Скончыў БДУ і Маскоўскі літінстытут. Працаваў у літаратурных часопісах і ў журналістыцы ў Якутыі, куды паехаў следам за жонкай - якуцкай літаратаркай Валянцінай Гаўрыльевай.
Аўтар зборнікаў паэзіі «Стыхія» (1966), «Белае неба» (1969), «Кружное лета» (1973), паэм «Жывыя галасы» (1964), «Трыццаць» (1973), «Храмец» (1975), «Кульга» (1985); зборнікаў апавяданняў «Івановы» (1979), «Чароўны камень» (1983), аповесці «Вяртанне Адысея» (1973). Дзецям адрасавана апавяданне «Андрэй-Эндэрэй — справядлівы чалавек, або Беларус на полюсе холаду» (1978).
Цікавы факт - Ласкоў стаў аўтарам адной з гіпотэз паходжання беларусаў - распрацаваў і адстойваў г.зв. "фіна-угорскую канцэпцыю", згодна якой "літва" была не балцкім, а фіна-угорскім племем.
Загінуў пры невысветленых абставінах. Пахаваны ў Якуцку.
#гісторыя | 356 |
| 8 |  📅 Іван Сяргейчык
20 гадоў таму памёр літаратар з Гарадзеншчыны Іван Сяргейчык (1949-2006)
Паходзіў з Зэльвеншчыны, з в. Вострава. Вучыўся ў Слоніме, быў прафесійным вайскоўцам - з 1968 па 1990 гг. служыў у савецкім войску, браў удзел у вайне ў Афганістане.
Друкаваўся з 1970-ых гг. Адзін з першых беларускіх аўтараў пачаў пісаць пра афганскую вайну - у 1991 г. выйшла яго першая кніжка прозы – «Горкі пыл Гіндукуша» (Афганскі дзённік). Аўтар кніг: "Сцяжынка першая мая", "Без права на літасць".
Быў кіраўніком слонімскага літаратурнага аб'яднання імя Анатоля Іверса. Яго высілкамі выйшлі літаратурна-публіцыстычны зборнік слонімскага літаб’яднання «Золак над Шчарай» (1994) а таксама літаратурны альманах «Пад гукі паланэза» (2005).
Памёр і пахаваны Іван Сяргейчык ў Слоніме.
#памяць | 345 |
| 9 |  📅 Мікола Панькоў
115 гадоў таму ў Дзвінску нарадзіўся літаратар і журналіст Мікола Панькоў (1911-1995).
Гэта імя сёння мала каму вядомае, апроч, хіба, знаўцаў беларускай эміграцыі. Між тым Мікола Панькоў дэбютаваў у літаратуры яшчэ да вайны - 1930-я гг. выдаў дзве кнігі: «Жывём» (вершы і апавяданьні) і раман «У беларускіх лясах».
Пасля ІІ Сусветнай – на эміграцыі. Выдаваў рукапісныя часопісы. Заснаваў Беларускую бібліяграфічную службу і выдаў «Паказнік беларускіх выданняў на чужыне за 1945-50 гг.» (Нью-Ёрк, 1952). У 2001 г. у Мінску выйшла ягоная «Хроніка беларускага жыцця на чужыне (1945—1984)».
Да сёння засталіся нявыдадзенымі працы «Слоўнік замежных словаў беларускай мовы», «Хто ёсць хто на эміграцыі», «Беларуская прэса на эміграцыі».
#гісторыя | 348 |
| 10 |  Гарадзенскія пісьменнікі
На фота 2000-ых гадоў цэлае сузор'е таленавітых гарадзенскіх творцаў, многіх з якіх цяпер ужо няма з намі.
Стаяць:
Паэтка Ала Нікіпорчык (1957-2024), пісьменнік і навуковец Юры Пацюпа, пісьменніца Ала Петрушкевіч, паэт Юрка Голуб (1947-2020), патрыярх гарадзенскага ўніверсітэту - прафесар Аляксей Пяткевіч (1931-2022), літаратуразнаўца і крытык Ігар Жук (1957-2017).
Сядзяць: паэт Юры Гумянюк (1969-2013), паэт і выкладчык Анатоль Брусевіч, славутая паэтка Данута Бічэль.
#здымак | 459 |
| 11 |  📅 145 гадоў з дня нараджэння Івана Луцкевіча
9 чэрвеня 1881 году нарадзіўся грамадскі дзеяч і публіцыст Іван Луцкевіч.
Постаць гэтага дзеяча настолькі маштабная, што мы толькі тэзісна нагадаем яго заслугі:
🔹 быў адным заснавальнікаў БСГ;
🔹 быў археолагам і збіральнікам старажытнасцяў, якія сталі асновай першага беларускага музею ў Вільні;
🔹 паўплываў на творчы лёс Купалы, Коласа, Багдановіча, Бядулі і іншых літаратараў;
🔹 спрычыніўся да выдання першых беларускіх кніг і газет;
🔹 арганізоўваў Віленскую беларускую гімназію і Беларускае навуковае таварыства;
🔹 быў адным з аўтараў канцэпцыі дзяржаўнага самавызначэння Беларусі — ад канцэпцыі краёвай аўтаноміі, аднаўлення на канфедэратыўнай аснове дзяржаўнай уніі Беларусі і Літвы да самастойнай рэспублікі.
🔹 аўтар навукова-публіцыстычных прац па гісторыі, мастацтве, кніжнай культуры Беларусі - ў прыватнасці ўвёў у навуковы ўжытак помнікі старабеларускай літаратуры XVI ст., пісаныя арабскай графікай «Аль-Кітаб».
#гісторыя | 400 |
| 12 | +3 Іван Ласкоў
85 гадоў таму нарадзіўся пісьменнік і гісторык Іван Ласкоў (1941 — 1994).
Скончыў БДУ і Маскоўскі літінстытут. Працаваў у літаратурных часопісах і ў журналістыцы ў Якутыі, куды паехаў следам за жонкай - якуцкай літаратаркай Валянцінай Гаўрыльевай.
Аўтар зборнікаў паэзіі «Стыхія» (1966), «Белае неба» (1969), «Кружное лета» (1973), паэм «Жывыя галасы» (1964), «Трыццаць» (1973), «Храмец» (1975), «Кульга» (1985); зборнікаў апавяданняў «Івановы» (1979), «Чароўны камень» (1983), аповесці «Вяртанне Адысея» (1973). Дзецям адрасавана апавяданне «Андрэй-Эндэрэй — справядлівы чалавек, або Беларус на полюсе холаду» (1978).
Цікавы факт - Ласкоў стаў аўтарам адной з гіпотэз паходжання беларусаў - распрацаваў і адстойваў г.зв. "фіна-угорскую канцэпцыю", згодна якой "літва" была не балцкім, а фіна-угорскім племем.
Загінуў пры невысветленых абставінах. Пахаваны ў Якуцку.
#гісторыя | 1 |
| 13 |  📅 185 гадоў з дня нараджэння Элізы Ажэшкі
Славутая беларуская польскамоўная пісьменніца нарадзілася 6 чэрвеня 1841 г. у Мількаўшчыне Гродзенскага павета ў зможнай сям'і Паўлоўскіх.
У 1858 г. пабралася з Пятром Ажэшкам і пачала жыць у Людвінове ў Кобрынскім павеце. Адкрыла школу для сялян, цікавілася эканамічным і грамадскмм рэфармаваннем вёскі. У часе паўстання 1863-64 гг. дапамагала інсургентам, хавала ў сябе аднаго з лідэраў паўстання Рамуальда Траўгута. З 1870 г. жыла ў Горадні.
Пачала пісаць у 1860-ых гг. Першым надрукаваным творам было апавяданне «Малюнак з галодных гадоў» (1866). Аўтарка раманаў "Над Нёманам", "Пампалінскія", аповесцяў "Хам", "Дзюрдзі", "Пан Граба", апвяданняў "Рэха", "Тадэвуш" і іншых.
Адметнасццю яе твораў была гуманістычная і сацыяльная скіраванасць, адстойванне правоў сялян, тэма раўнапраўя жанчын і інш.
Творы Э. Ажэшкі ў розны час перакладалі Янка Брыль, Анатоль Бутэвіч, Ядвіга Бяганская, Галіна Тычка.
Здымак 1870-х, зроблены ў фотамайстэрні Садоўскага (Гродна).
#гісторыя | 409 |
| 14 |  Ніна Мацяш
На здымку - Ніна Мацяш (1943-2008).
Бальшыні яна памятаецца ўжо ў вазку, у якім паэтка апынулася пасля цяжкой хваробы, але на гэтым фота 1981 года яна яшчэ маладая прыгожая пані...
#здымак | 450 |
| 15 |  "Узвышшу" 100 гадоў
26 траўня споўнілася 100 гадоў з дня заснавання знакамітага літаратурнага аб'ядання беларускіх пісьменнікаў "Узвышша".
Сябрамі суполкі былі: К. Чорны (старшыня), К. Крапіва (намеснік старшыні), А. Бабарэка (сакратар), З. Бядуля, П. Глебка, С. Дарожны, У. Дубоўка, М. Лужанін, Я. Пушча, В. Шашалевіч, Т. Кляшторны, Ф. Купцэвіч, Л. Калюга, А. Мрый (А. Шашалевіч), К. Кундзіш (К. М. Якаўчык), А. Адамовіч, Ю. Віцьбіч.
Можна шмат распавядаць пра ролю аб'яднання і лёсы яго чальцоў, але сёньня мы дамо вам спасылачку на аўдыёрэсурс, дзе можна пачуць вядомыя і не дужа творы многіх "узвышаўцаў". Гэта будзе найлепшым успамінам пра творцаў таго знакамітага пакалення.
👉 Завітвайце на старонку праекта "Непаслухмяныя дзеці кастрычніка" і слухайце - вас чакаюць прыемныя сустрэчы і новыя адкрыцці.
#гісторыя#аўдыё | 549 |
| 16 |  Раіса Баравікова
26 траўня на 79-ым годзе пайшла з жыцця Раіса Баравікова (1947-2026).
Яна мела доўгі чалавечы і пісьменніцкі шлях, пакінула таленавітыя творы і добрыя кнігі, упадабаныя чытачамі.
Першай з іх быў зборнік вершаў "Рамонкавы бераг" (1974). Вось яго вокладка.
А вось і верш з яго:
Адраджэнне
Дзе зубры ў цёмных пушчах хадзілі,
самы ціхі прамежак зямлі
нашы продкі назвалі радзімай
і яе ў нашы душы ўвялі.
І хто можа пасля выціскалі
хто пятлёю, хто моцай свінца,
усё, што Бацькаўшчынай называлі,
і не выціснулі да канца...
#памяць | 494 |
| 17 |  +3"Загляне сонца і ў наша ваконца"
Споўнілася 120 гадоў з дня заснавання легендарнай першай беларускай выдавецкай суполкі, што існавала ў Санкт-Пецярбургу ў 1906-1914 (1916?) гг. Створаная была Вацлавам Іваноўскім.
У чым яе значнасць? Яна была першай легальнай і вельмі прадуктыўнай: выдавала кнігі кірыліцай і лацінкай, (агульны наклад 100 тыс.). Сярод выданняў творы класікаў Ф. Багушэвіча, В. Дуніна-Марцінкевіча, А. Міцкевіча, Э. Ажэшкі, маладых аўтараў Я. Купалы, Я. Коласа, Цёткі, З. Бядулі, Ц. Гартнага, першыя беларускія падручнікі, дапаможнікі, паштоўкі.
Выдавецтва мела шырокі распаўсюд. Яно было створанае не партыяй, не ўстановай, а групай энтузіястаў, якія згуртаваліся на глебе патрыятызму:
"Ўсім, хто хоць крышку знаець беларускі народ, (а яго блізка васьмі з палавінай міліёнаў), вядома, як патрэбна для яго друкаванае слова ў яго роднай мові..." (Пачатак ліста-зварота ад выдавецтва).
Выдаўшы каля 40 тытулаў, яно заклала падмурак выдавецкай справы і дало штуршок развіццю нацыянальнага друку.
#гісторыя | 761 |
| 18 |  Галоўны дзіцячы паэт
Такім, для некалькіх пакаленьняў беларускіх дзетак, стаў пісьменнік Васіль Вітка (Крысько) (1911-1996). Яго 115-годдзе адзначалася надоечы ў траўні. Першая яго кніга для дзяцей "Вавёрчына гара" выйшла ў 1948 г. за ёй - многія і многія іншыя. Творчы век аўтара быў доўгім - амаль пяць дзесяцігоддзяў.
У 1972 г. зa кнiгi для дзяцeй “Бeлapycкaя кaлыxaнкa”, “Kaзкi” i “Чытaнкa-мaлявaнкa” Biтка атрымаў Дзяpжпpэмiю iмя Янкi Kyпaлы.
Aпoшняй кнiгaй cтaў cвoeacaблiвы вepшaвaны cлoўнiк “Дoм, дзe жывyць cлoвы” (1995). “Cлoўнiк нapoднaй мoвы для дзяцeй”, – як вызнaчыў жaнp сам aўтap.
На цудоўным (традыцыйна непастановачным) савецкім фота - Вітка з чытачамі.😊
❓А які ваш галоўны дзіцячы паэт?
#гісторыя | 496 |
| 19 |  +1Барыс Сачанка
Днямі споўнілася 90 гадоў з дня нараджэння пісьменніка Барыса Сачанкі (15.05.1936-5.07.1995)
Нарадзіўся ў весцы Вялікі бор Хойніцкага р-ну на Гомельшчыне, скончыў журналісцкае аддзяленне філфака БДУ. Працаваў у "Вожыку", "Полымі", "Мастацкай літаратуры", галоўным рэдактарам "Беларускай энцыклапедыі".
Меў імклівы творчы старт - выдаў першы зборнік апавяданняў «Дарога ішла празь лес» (1960) і быў прыняты ў СП БССР. Выдаў больш дзясятка кніг прозы, трылогію "Вялікі лес", раман "Чужое неба", зборнікі сатыры і гумару, кнігі для дзяцей. Займаўся перакладамі.
Апублікаваў (з прадмовамі і камэнтарыямі) забытыя ці невядомыя творы Я. Купалы, Я. Коласа, В. Ластоўскага, К. Сваяка, Л. Геніюш, У. Жылкі і інш.
Цікавы факт: Барыс Сачанка не адзіны пісьменнік з Вялікага Бору - гэта радзіма таксама Пятра Бяспалага, Алеся Шлега і Барыса Пятровіча (Сачанкі).
Часам да пачэснай кампаніі хойніцкіх "вялікаборцаў" памылкова далучаюць таксама і Івана Чыгрынава, але ён - з Вялікага Бору Касцюковіцкага раёну.
#памяць | 487 |
| 20 |  Анатоль Сербантовіч
У гэтыя травеньскія дні спаўняецца 85 гадоў з дня нараджэння таленавітага і на сёння добра забытага паэта з Магілёўшчыны Анатоля Сербантовіча (1941-1970). Ён нарадзіўся на Шклоўчыне, скончыў журфак БДУ, працаваў у "Бярозцы" і "Піянеры Беларусі".
Аўтар зборнікаў паэзіі «Азбука» (1966), «Міннае поле» (1968), «Пярсьцёнак» (1971). Быў надзелены адметным паэтычным талентам і яго хутка заўважылі і чытачы і калегі літаратары.
Нажаль Анатоль Сербантовіч вельмі рана і надзвычай трагічна пайшоў з жыцця і прычынай гэтаму стала жорсткая вулічная бойка, а па сутнасці наўмыснае збіццё, пасля якога ён неўзабаве памёр. Верагодна - прычынай стала беларуская мова, якая раз'юшыла невядомых. Вінаватых тады так і не знайшлі і справа заглухла.
Пахаваны ў Мінску на Паўночных могілках.
***
Няма ні тут, ні там, за дымкай,
Няма ў дзьвярах, няма ў акне,
Няма мяне ў тваіх абдымках,
Няма мяне, няма мяне...
А. Сербантовіч
#гісторыя | 440 |
