EDU.DIGITAL.UZ

Raqamli taʼlimni rivojlantirish markazi hamda Mohirdev oʻrtasida hamkorlik memorandumi imzolandi 🗣Memorandum doirasida mohirdev.uz platformasidagi bepul taʼlim kurslarini “Besh million sunʼiy intellekt yetakchilari” loyihasi doirasida tashkil etilgan aileaders.uz platformasiga integratsiya qilish koʻzda tutilgan. ✅Hamkorlikning asosiy maqsadi aholining raqamli va sunʼiy intellekt sohasidagi bilim hamda koʻnikmalarini oshirish, sifatli taʼlim resurslarini yagona milliy platforma orqali keng jamoatchilikka yetkazishdan iborat. 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

🟦🟦🟦 Axborot texnologiyalari yo‘nalishida faoliyat yurituvchi mentorlar diqqatiga! 🗣Joriy yilning 6–10-iyul kunlari Raqamli texnologiyalar vazirligi, Raqamli taʼlimni rivojlantirish markazi hamda Apple kompaniyasi tomonidan “Fergana Digital Hub” majmuasida Oʻzbekistonda ilk bor iOS dasturlash yoʻnalishi boʻyicha mentorlar malakasini oshirish treningi tashkil etiladi. ✅Mazkur trening iOS dasturlash yo‘nalishi bo‘yicha malakali mentorlarni tayyorlash, ularni Apple ekotizimi, Swift dasturlash tili hamda zamonaviy o‘qitish metodikalari bilan yaqindan tanishtirishga qaratilgan. ⬇️Treningda ishtirok etish uchun talabgorlarga quyidagi talablar qo‘yiladi:

➡️Python, Java, JavaScript, C#, Kotlin yoki boshqa dasturlash tillaridan birida 1–3 yillik professional tajribaga ega bo‘lish; ➡️OOP yoki funksional dasturlash, API, ma’lumotlar bazalari hamda Git bilan ishlash ko‘nikmalariga ega bo‘lish; ➡️Flutter, Android yoki Kotlin bo‘yicha amaliy tajribaga ega bo‘lish (qo‘shimcha ustunlik sifatida baholanadi); ➡️Google, Meta, Microsoft, AWS, Oracle, Coursera yoki boshqa tan olingan xalqaro sertifikatlardan kamida bittasiga ega bo‘lish; ➡️axborot texnologiyalari va xorijiy tillar bo‘yicha zamonaviy bilim hamda ko‘nikmalarga ega bo‘lish; ➡️tegishli yo‘nalishda professional va pedagogik tajribaga ega bo‘lish; ➡️murakkab texnik mavzularni yangi boshlovchilarga sodda, tushunarli va qiziqarli tarzda yetkaza olish; ➡️o‘quvchilarning bilim darajasi va ehtiyojidan kelib chiqib, dars jarayonini moslashtira olish; ➡️ingliz tilini kamida B2 darajasida bilish; ➡️ijodkorlik, jamoada ishlash va samarali muloqot ko‘nikmalariga ega bo‘lish.

➡️Talabgorlar quyidagi havola orqali ariza topshirishlari mumkin. 📞Murojaat uchun telefon: +998909849741. 🗺Manzil: havola. ⚡️️Maʼlumot uchun, treningni muvaffaqiyatli yakunlagan ishtirokchilarga Apple kompaniyasining sertifikatlari topshiriladi. Shuningdek, “iOS development center”larda mentor sifatida faoliyat yuritish imkoniyatiga ega bo‘ladilar. 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

Raqamli taʼlimni rivojlantirish markazi va “Korea IT Academy” oʻrtasida hamkorlik memorandumi imzolandi

📖Joriy yilning 29-iyun kuni Raqamli taʼlimni rivojlantirish markazi hamda “Korea IT Academy” vakillari oʻrtasida uchrashuv boʻlib oʻtdi. Uchrashuvda “Uzbekistan Summer Camp 2026” xalqaro yozgi oromgohi doirasida ikki mamlakat yoshlari uchun zamonaviy raqamli taʼlimni rivojlantirish, hamkorlik loyihalarini kengaytirish hamda oʻzaro tajriba almashish masalalari muhokama qilindi.

✅Tomonlar raqamli texnologiyalar sohasida ilgʻor oʻquv dasturlarini joriy etish, qoʻshma seminar va treninglar tashkil etish, shuningdek, yoshlarning global axborot texnologiyalari bozoridagi raqobatbardoshligini oshirish imkoniyatlari yuzasidan fikr almashdilar. ✅Uchrashuv yakunida Raqamli taʼlimni rivojlantirish markazi hamda “Korea IT Academy” oʻrtasida oʻzaro hamkorlikni rivojlantirishga qaratilgan anglashuv memorandumi imzolandi. 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

🇺🇿 2-iyul — O‘zbekiston Respublikasi Davlat gerbi qabul qilingan kun Bugun O‘zbekiston Respublikasi Davlat gerbi qabul qilinganiga 34 yil to‘ldi. 1992-yil 2-iyulda qabul qilingan “O‘zbekiston Respublikasi Davlat gerbi to‘g‘risida”gi Qonun bilan Davlat gerbi mamlakatimizning rasmiy davlat ramzlaridan biri sifatida tasdiqlangan. Davlat gerbi xalqimizning ko‘p asrlik tarixi, milliy qadriyatlari, tinchlik va farovonlikka intilishi, bunyodkorlik ruhi hamda mustaqil O‘zbekistonning buguni va kelajagini o‘zida mujassam etgan muqaddas timsoldir. Gerb tasvirida quyosh nurlari yog‘dusi ostidagi serhosil vodiy, tog‘lar va daryolar, bug‘doy boshoqlari hamda g‘o‘za shoxlari, baxt va erksevarlik ramzi bo‘lgan Humo qushi, shuningdek, sakkiz qirrali yulduz, yarim oy va yulduz tasvirlari aks etgan. Ushbu ramzlar yurtimizning tinchligi, farovonligi, birlik va taraqqiyot sari intilishini ifodalaydi. Davlat gerbiga hurmat bilan munosabatda bo‘lish har bir fuqaroning burchidir. Uni asrab-avaylash va e'zozlash Vatanga, uning tarixi hamda milliy qadriyatlariga bo‘lgan hurmatning muhim ifodasidir. 2-iyul — O‘zbekiston Respublikasi Davlat gerbi qabul qilingan kun muborak bo‘lsin! Telegram | Facebook | Instagram | Youtube | LinkedIn | X

✈️ Harbiy xizmatchilar “Besh million sun’iy intellekt yetakchilari” loyihasi doirasida o‘qitilmoqda Raqamli texnologiyalar vaziri o‘rinbosari R. Karimjonov hamda Mudofaa vaziri o‘rinbosari, polkovnik B. O‘rmonov Axborot-kommunikatsiya texnologiyalari va harbiy aloqa institutiga tashrif buyurdi. 💬Tashrif davomida institutning zamonaviy infratuzilmasi, harbiy texnikalarning o‘quv simulyatsion trenajyorlari, maxsus laboratoriyalar hamda Yoshlar radiosi xonasi bilan yaqindan tanishildi. Shuningdek, harbiy xizmatchilarning kiberxavfsizlik, sun’iy intellekt va robototexnika yo'nalishlarida erishgan yutuqlari namoyish etildi. 🔗Dastur doirasida institutning shaxsiy tarkibi bilan o'tkazilgan davra suhbatida AKT sohasida malakali kadrlar tayyorlash va ta’lim jarayoniga ilg'or raqamli yechimlarni keng joriy etish masalalari atroflicha muhokama qilindi. ▫️Shuningdek, hududdagi harbiy qismga tashrif buyurilib, "Besh million sun'iy intellekt yetakchilari" dasturi doirasida muddatli harbiy xizmatchilarni o‘qitish jarayonlari va ularga yaratilgan shart-sharoitlar bilan tanishildi. 😎 Yakunda tomonlar ta'lim va innovatsiyalar yo'nalishida o‘zaro hamkorlikni yanada mustahkamlash hamda istiqbolli qo‘shma loyihalarni amaliyotga tatbiq etish, 5 ming nafar muddatli harbiy xizmatchilarni o‘qitishni jadallashtirish bo‘yicha amaliy kelishuvlarga erishdilar. Telegram | Facebook | Instagram | Youtube | LinkedIn | X

Endilikda AT va sun’iy intellekt sohalari uchun kadr tayyorlaydigan oliygohlarning 3-kurs talabalari AT parkda “dual ta’lim” asosida o‘qishni davom ettiradi. Mazkur yo‘nalishlardagi iqtidorli talabalar uchun “Muhammad al-Xorazmiy” nomidagi davlat stipendiyasi joriy etiladi. Iqtidorli qizlar uchun muhandislik, axborot texnologiyalari va sun’iy intellekt yo‘nalishlari bo‘yicha “Muhandis qizlar” stipendiyasi ta’sis etiladi. Yangi o‘quv yilidan to‘lanadigan ushbu stipendiyalar xususiy oliygoh talabalariga ham beriladi. Bugungi kunda kimyo, biologiya, fizika, matematika va informatika fanlari bo‘yicha nufuzli xalqaro olimpiadalar g‘oliblari 1 milliard so‘m, ustozlari 200 million so‘m mukofot olmoqda. Endi bu rag‘bat sun’iy intellekt bo‘yicha xalqaro olimpiada g‘oliblariga ham tatbiq etiladi. Telegram | Facebook | Instagram | Youtube | LinkedIn | X

Ikki yil avval Xorazmda “Al-Xorazmiy vorislari” loyihasi boshlanib, 4 mingdan ortiq iqtidorli o‘quvchilarni xorijiy til va axborot texnologiyalariga o‘qitish yo‘lga qo‘yilgan edi. Mazkur loyihani joriy yildan viloyat markazlari va Qoraqalpog‘istonning barcha tumanida, keyingi yillardan barcha tuman va shaharlarda ishga tushirib, 50 ming yoshni qamrab olish topshirildi.

“Biz yoshlarimiz qalbida milliy ruhni shakllantirish, Vatanga muhabbat, el-yurtga hurmat hissini singdirish to‘g‘risida ko‘p gapiryapmiz. Bu juda dolzarb masala. Ochiq aytishimiz kerak, bugun yoshlarimiz asosiy vaqtini raqamli makonda o‘tkazyapti”,

– dedi Prezidentimiz. Birgina misol, o‘tgan yili 84 million dollarlik kompyuter va mobil o‘yinlar eksport qilindi. Mutasaddilarga barcha 15 ta AT park hududida kompyuter va mobil o‘yinlar yaratuvchilari uchun inkubatsion markaz ochib, milliy ruhdagi o‘yinlarni ko‘paytirish bo‘yicha yangi tizimni yo‘lga qo‘yish topshirildi. Shu bilan birga, har yili milliy ruhdagi kamida 20 ta kompyuter va mobil o‘yin yaratish bo‘yicha davlat buyurtmasi berib boriladi. Facebook|Instagram|X

Endilikda AT va sun’iy intellekt sohalari uchun kadr tayyorlaydigan oliygohlarning 3-kurs talabalari AT parkda “dual ta’lim” asosida o‘qishni davom ettiradi. Mazkur yo‘nalishlardagi iqtidorli talabalar uchun “Muhammad al-Xorazmiy” nomidagi davlat stipendiyasi joriy etiladi. Iqtidorli qizlar uchun muhandislik, axborot texnologiyalari va sun’iy intellekt yo‘nalishlari bo‘yicha “Muhandis qizlar” stipendiyasi ta’sis etiladi. Yangi o‘quv yilidan to‘lanadigan ushbu stipendiyalar xususiy oliygoh talabalariga ham beriladi. Bugungi kunda kimyo, biologiya, fizika, matematika va informatika fanlari bo‘yicha nufuzli xalqaro olimpiadalar g‘oliblari 1 milliard so‘m, ustozlari 200 million so‘m mukofot olmoqda. Endi bu rag‘bat sun’iy intellekt bo‘yicha xalqaro olimpiada g‘oliblariga ham tatbiq etiladi. Facebook|Instagram|X

“Raqamli hukumat” markazida birinchi superkompyuter klasteri ishga tushirildi. Keyingi yil klaster quvvati 3 karra oshiriladi. Joriy yilda 20 ta oliygohda sun’iy intellekt laboratoriyasi tashkil etiladi. Yoshlar tarmoq va hududdagi masalalarga sun’iy intellekt orqali yechim topishda ushbu superkompyuter va laboratoriyadan bepul foydalanadi. So‘nggi yillarda Toshkent, Nukus, Qarshi, Termiz, Urganch, Farg‘ona shaharlarida zamonaviy AT parklar ishga tushirildi. O‘tgan hafta Yangi Namanganda yana bir yirik loyihaga start berildi. Andijon, Samarqand, Jizzax, Buxoro, Guliston, Chirchiq, Nurafshon, Navoiy shaharlarida ham umumiy maydoni 100 ming kvadrat metr bo‘lgan yirik AT parklar barpo etish boshlanyapti. Bular hisobiga 20 mingdan ziyod o‘g‘il-qizlar uchun yuqori daromadli ish o‘rni yaratiladi. Shuningdek, “Mening birinchi kompyuterim” dasturi boshlanadi. Ehtiyojmand oiladagi 10 ming yoshga noutbuk olish xarajatining yarmi Raqamli texnologiyalar jamg‘armasidan qoplab beriladi, qolgan qismiga esa uch yilda bo‘lib to‘lash sharti bilan foizsiz ssuda ajratiladi. Facebook|Instagram|X

“Biz 2030-yilgacha iqtisodiyot hajmini 240 milliard dollardan oshirishni reja qilganmiz. Bunga erishish uchun barcha sohalarga yangi g‘oya olib kiradigan innovatsion startaplar kerak”,

– dedi davlatimiz rahbari. So‘nggi to‘qqiz yilda mahalliy startap ekotizimi 15 barobar o‘sib, 4 milliard dollardan oshdi. Venchur jamg‘armalar soni 23 taga, ularning umumiy kapitali 200 million dollarga yetdi. O‘tgan davrda 1 ming 200 dan ziyod istiqbolli startap loyihalar paydo bo‘ldi. Ayni yo‘nalishda 3 mingdan ziyod yoshlar yuqori daromad topyapti. Ushbu yo‘nalishdagi ishlar xalqaro tashkilotlar tomonidan ham e’tirof etilmoqda. “Global startap indeksi”da O‘zbekiston 31 pog‘ona ko‘tarilib, dunyoda eng tez rivojlanayotgan startap ekotizimi, “2026-yil mamlakati” deb e’lon qilingani ham buning yaqqol isbotidir. Hali bu sohada juda katta imkoniyatlar borligi ta’kidlandi. Endi har bir vazir, tarmoq rahbari va hokimlar “1 mingta masalaga – yoshlardan 1 mingta yechim” loyihasini ishga tushiradi. Bunda har bir rahbar o‘z tizimidagi dolzarb muammolarni ochiq platformada joylashtirib, eng yaxshi yechimlar uchun mukofot e’lon qiladi. Buning uchun har bir vazir va hokim kamida 10 milliard so‘mlik venchur jamg‘arma tashkil etadi. Ushbu mablag‘lar g‘oliblarni mukofotlash va 20 tadan eng yaxshi startapni g‘oyadan amaliyotgacha barcha bosqichlarni moliyalashtirishga sarflanadi. 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

Yoshlar uchun kasb va til o‘rganish, ishga joylashish, tadbirkorlik bo‘yicha o‘nlab xizmatlar mavjud. Bu xizmatlardan “yagona darcha” tamoyili asosida foydalanish uchun Yoshlar xablari tashkil etiladi. Ushbu tajriba Surxondaryodan boshlanib, bosqichma-bosqich boshqa hududlarda ham ommalashtiriladi. Hozirda 87 ming davlat xizmatchisidan 16,5 ming nafarini 30 yoshgacha bo‘lganlar tashkil qiladi. Shundan 902 nafari rahbarlik lavozimida ishlamoqda.

“Salohiyatli yoshlarimiz juda ko‘p. Vazir va hokimlar yoshlarga ishonch bildirib, mas’uliyatli lavozimga qo‘yishdan cho‘chimasligi kerak”,

– dedi Prezidentimiz. Shu maqsadda yosh liderlarni aniqlash bo‘yicha 5 ta yo‘nalishda “TOP-100” dasturi amalga oshiriladi. Dastur doirasida “yangi iqtisodiyot”, AT va sun’iy intellekt, ta’lim, tibbiyot va qishloq xo‘jaligi bo‘yicha yurtimizdagi yoshlar hamda chet eldagi vatandoshlarimiz uchun ochiq tanlov e’lon qilinadi. Har ikki yilda bir marta o‘tadigan mazkur tanlovning 100 nafar g‘olibi 50 million so‘mdan mukofotlanadi va rahbarlik lavozimiga tayinlanadi. Har bir vazirlik va tarmoq o‘z yo‘nalishida “TOP-100” iqtidorli yoshlar” dasturini boshlaydi va o‘z yo‘nalishidagi xalqaro tashkilotlarga stajirovkaga yuboradi. Mutasaddilarga yiliga 2 ming nafar yoshni xalqaro tashkilotlarga stajirovkaga yuborish bo‘yicha rejani tasdiqlash va ijrosini ta’minlash topshirildi. Facebook|Instagram|X

Qo‘lida kasbi bo‘lib, xalqaro talablar asosida yangi ko‘nikmalarni egallamoqchi bo‘lgan yoshlarga “kasb vaucheri”ni berish yo‘lga qo‘yiladi. Ushbu “kasb vaucheri” foizsiz ssuda shaklida bo‘lib, har yili 50 ming nafar yoshning zamonaviy kasblarni o‘rganish xarajatlari qoplab beriladi. Ehtiyojmand oilalardagi 85 ming ishsiz yoshlar xususiy o‘quv markazida kasb egallashi uchun bepul “vaucher” taqdim etiladi. Shu yilning o‘zida “kasb vaucheri” va bepul “vaucher” tizimi uchun 120 milliard so‘m ajratiladi. Talab bo‘lsa, ushbu mablag‘ ko‘paytirib boriladi. Xorijiy tilni puxta o‘rganib, yuqori natija bilan sertifikat olgan yoshlarga bu xarajatini qoplash tizimi o‘zini oqladi. Prezidentimiz buni xalqaro kasb sertifikatini olganlarga ham tatbiq qilishni taklif etdi. Yoshlarga kasb o‘rgatishning eng muhim bo‘g‘ini bo‘lgan texnikumlarda xususiy sektor ishtiroki yanada kengaytiriladi. Buning uchun texnikum ochishdagi litsenziya sharti soddalashtirilib, 20 dan ortiq talab bekor qilinadi. Yangi o‘quv yilidan xususiy texnikumlarga ham kasbga o‘qitish bo‘yicha davlat granti beriladi. Yana bir yangilik – xalqaro kasb tanlovlarida g‘olib bo‘lgan davlat va xususiy texnikum o‘quvchilari 100 million so‘mdan, ularni tayyorlagan ustozlari 50 million so‘mdan mukofot oladi. Facebook|Instagram|X

“Bugungi kunning muvaffaqiyat formulasi, ertangi taraqqiyotning mustahkam zamini uchta eng muhim ustunga tayanadi. Bu – bilim, kasb va texnologiya! Mening niyatim – har bir yigit-qiz ana shunday imkoniyatga ega bo‘lib, hayotda munosib o‘rnini topsin”,

– dedi Prezidentimiz. Shuning uchun har yili 500 ming o‘g‘il-qizni zamonaviy kasbga ega bo‘lishini ta’minlaydigan “Kelajak bilimlari ekotizimi” yo‘lga qo‘yiladi. Hududlarimizda “O‘quv markazi qurib, yoshlarga kasb va til o‘rgataman” degan o‘g‘il-qizlar ko‘payib bormoqda. Endilikda bu maqsadlar uchun yer va davlat obyektlari imtiyozli narxda auksionga chiqariladi. Yoshlar to‘lovni besh yilda foizsiz bo‘lib to‘laydi. Infratuzilmaga zarurat bo‘lsa, davlat qilib beradi. O‘quv markazini qurish va jihozlash uchun kredit stavkasining 7 foizi kompensatsiya qilinadi. Yoshlar o‘quv markazlariga xorijiy ilg‘or o‘quv dasturlari va o‘qituvchilarni olib kelsa, davlat ushbu xarajatning yarmini qoplashga ham tayyor. Facebook|Instagram|X

Prezidentimiz tashabbuskor yoshlarning loyihalari bilan tanishdi. — Президент нашей страны ознакомился с проектами инициативной молодежи. Telegram | Facebook | Instagram | Youtube | LinkedIn | X

Bayramga munosib tuhfa: Xonobodda IT-shaharcha ish boshladi 🖥 Yoshlar kuni arafasida Xonobod yoshlari uchun quvonchli yangilik bo‘ldi. Andijon viloyati Xonobod shahrida navbatdagi “IT-shaharcha” foydalanishga topshirildi. 📑Bu yerda 5–11-sinf o‘quvchilari kompyuter savodxonligi, dasturlash, sun’iy intellekt, robototexnika, grafik dizayn va ingliz tili bo‘yicha bepul bilim olishlari mumkin. ⚜Oʻz hududingizdagi “IT-shaharcha”da ta’lim olishni istasangiz, ushbu havola orqali ariza qoldiring! 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

⚡️-iyun – Yoshlar kuni Bugun – yurtimizning eng faol, bilimli va fidoyi qatlamiga, ertangi kun poydevorini yaratayotgan yoshlarga bagʻishlangan bayramdir. Yoshlar – bu orzular qanoti va millat kelajagining ishonchli suyanchig‘idir. Sizlarning tashabbuskorligingiz, g‘ayrat va salohiyatingiz, zamonaviy bilimlarga chanqoqligingiz Vatanimizni yuksak cho‘qqilarga olib chiqmoqda. Har bir tashabbusingizga omad, qalbingizga esa doimo yurt sevgisi hamroh bo‘lsin! Yoshlar – kelajak bunyodkorlari, bayramingiz muborak bo‘lsin! 📩Telegram 📱Facebook 📱 Instagram 📺Youtube 🌐 LinkedIn 🐦 X

“Vorislar Parvozi 2026” bitiruv marosimi oʻtkazildi 📖 3 yil avval loyihaga qabul qilingan 984 nafar 9-sinf o‘quvchilardan 298 nafari axborot texnologiyalari va ingliz tili yo‘nalishlari bo‘yicha xalqaro mehnat bozori talablariga mos ravishda ta’lim olib, maxsus o‘quv dasturini muvaffaqiyatli yakunladilar. ⚡Bitiruvchilarimizga kelgusi faoliyatlarida ulkan zafarlar va yangi yutuqlar tilaymiz! 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

UzGeeks IT hamjamiyatining navbatdagi uchrashuvi o‘tkazildi 😎Uchrashuvda startap qurish va uni mahalliy hamda AQSH bozoriga olib chiqish yuzasidan taqdimotlar boʻlib oʻtdi. ➡️ Uchrashuvda quyidagi spikerlar o‘z mavzulari bilan ishtirok etdi:

➡️Orzumurod Parmonov (founder “pDaftar”); ➡️Yashin Boltayev (consultant “Startup Garage”) ➡️Umid Gafurov (founder “tirikchilik.uz, troll.uz”); ➡️Davron Parmonov (partner “AloqaVentures | IT Park Ventures | founder Nexus angel club | M&A advisor”); ➡️Akmal Paiziev (founder “Numeo AI”); ➡️Abdukaxxor Tashmuxamedov (founder “Smartup Holding Limited”); ➡️Makhmudov Mukhammadyusuf (director “Industry Insights”).

✅Taqdimotlar bilan quyidagi havola orqali tanishishingiz mumkin. ❕Maʼlumot uchun tadbir UzGeeks hamjamiyati, Raqamli texnologiyalar vazirligi, Raqamli taʼlimni rivojlantirish markazi hamda Thinkland tomonidan tashkillashtirildi. 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

Andijon viloyati Xonobod shahrida “IT-shaharcha” ochildi 🖥 Bugun, 25-iyun kuni Andijon viloyati Xonobod shahrida “IT-shaharcha”ning tantanali ochilish marosimi bo‘lib o‘tdi. ⚜Ushbu “IT-shaharcha”da bir yilda 400 nafardan ortiq yoshlar tahsil oladi. Mazkur loyiha doirasida 5–11-sinf o‘quvchilari raqamli texnologiyalar hamda xorijiy tillar bo‘yicha boshlang‘ich bilimlarni bepul egallash imkoniyatiga ega bo‘ladilar. ⬇“IT-shaharcha”da quyidagi yo‘nalishlarda bepul ta’lim beriladi:

➡Kompyuter savodxonligi; ➡Dasturlash; ➡Sun’iy intellekt; ➡Robototexnika; ➡Grafik dizayn; ➡Ingliz tili

✅Shu bilan birga, “IT-shaharcha”da zamonaviy jihozlangan kutubxona, shaxmat toʻgaragi hamda kovorking zonalari faoliyati yoʻlga qoʻyildi. 🗺Xonobod shahar, Kampirovvot mahallasida mahallasidagi “IT-shaharcha” manzili: havola. ✅Bugungi kunga qadar Qoraqalpog‘iston Respublikasi, Sirdaryo, Samarqand, Farg‘ona, Buxoro, Toshkent, Navoiy, Qashqadaryo va Jizzax viloyatlaridagi “IT shaharcha”larda 2 100 dan ortiq yoshlar zamonaviy axborot texnologiyalari hamda xorijiy tillarga o‘qitilmoqda. ⚜Oʻz hududingizdagi “IT-shaharcha”da ta’lim olishni istasangiz, ushbu havola orqali ariza qoldiring! 🌐Sayt 🚀Telegram 🔵Facebook 📷 Instagram 🎬YouTube 🎰Linkedin

🗓 Hurmatli fuqarolar va tadbirkorlar Joriy yilning 29-iyun kuni soat 10:00 da Toshkent shahar, Mirzo Ulug’bek tumani, Milliy bogʻ koʻchasi 7-uyda joylashgan Toshkent shahar kasaba uyushmalari tashkilotlari birlashmasiga qarashli Mehnat va ijtimoiy munosabatlar akademiyasi binosida Raqamli texnologiyalar vazirining birinchi o‘rinbosari Sultonov Ayubxon Orifxon oʻgʻli boshchiligida raqamli texnologiyalar xizmatlariga oid sayyor qabul yigʻilishi oʻtkaziladi. Sizni mazkur sayyor qabulga taklif etamiz! ️ ⚡️Yig’ilishda quyidagi masalalar yuzasidan oʻz savollaringizga javob olishingiz mumkin: 🫥Internet xizmati; 🫥 Mobil aloqa; 🫥Telekommunikatsiya; 🫥 Pochta xizmati; 🫥AT ta’lim va AT yo‘nalishidagi o’quv markazlari faoliyati; 🫥 IT Park rezidentligi maqomini olish va soliq imtiyozlari; 🫥 AT va logistika kompaniyalari uchun imkoniyatlar; 🫥 Sun’iy intellekt. 🤔 Shu bilan birga, o‘z fikr-mulohaza, takliflaringizni bildirish, mavjud muammolarni vazirlik vakillari bilan bevosita muhokama qilish imkoniyatiga ega bo‘lasiz. 📍 Sayyor qabul manzili Telegram | Facebook | Instagram | Youtube | LinkedIn | X