📚 تامی کتێب | Tamî kitêb 📚

بۆ پاراستنی فەرهەنگ و گەشەی زانستی پێویستمان بە پاڵپشتی ئێوەی ئازیزە.

بۆ پاراستنی فەرهەنگ و گەشەی زانستی پێویستمان بە پاڵپشتی ئێوەی ئازیزە.

📖 #دێڕێک_لە_کتێب

ئازاد وەڕەزی لەو دنیا مەجازییە کە لە هیچ شتێکی تاسەت ناشکێ و تێر نابی بەڵکوو تەنیا هەستی تێربوون بەدی دێنێ. ئاشقت ناکا، بێ تامانە هەست دەکەی ئاشق بووی. دنیای مەجازی زانیاریت ناداتێ بەڵام هەست دەکەی شتێک دەزانی و خوێندەواری. ناخوێنیەوە، بەڵام ڕستەکان و کورت‌کراوەکان هەستی ئەوەت پێ دەدەن کتێبەکانت خوێندبێتەوە. هیچ چالاکییەک ناکەی بەڵام بە بۆمبارانی خەبەرەکان و ڕووداوەکان پێت وایە زۆر بە هەڵوێست و ڕووناکبیر و سیاسیی. هیچ نابینی بەڵام وێنەکان و گیفەکان و ئیمۆوجی و ستیکێرەکان چاوت تێر دەکەن و هەست دەکەی فیلمی زۆر بەهێزت دیوە. دنیای مەجازی بەهەشتی زەین‌کورتەکانە ئازاد. دروستە زمانت ئاوایە و بۆ تۆش باشە کە پەیوەندی گرتنت بۆ سەختە، بەڵام ڕووحی تۆ بەوانە تێر نابێ و زوو دەبێزرێی چونکوو ڕووحی تۆ ڕۆمان و فیلم و شێعر و گۆرانی داگیریان کردووە.

📚 گۆڕەشار ✍🏻 سەیدقادرهیدایەتی Tamikteb|تامی کتێب

📖 #دێڕێک_لە_کتێب

هەر کاتێک نووسەر بۆ خوێنەرێکی ئاست نزم شتی نووسی، وەک نووسەر کۆتایی پێهاتووە. نووسەر ئەو کەسە نییە کە دادەبەزێت بۆلای خوێنەر، بەڵکو کەسێکە خوێنەر ناچاردەکات سەرکەوێت بۆ لای ئەو.

 ✍🏻 بەختیار عەلی 📚 خوێنەری کوشنده Tamikteb|تامی کتێب

📕هەشت هۆکار بۆ خوێندنەوەی «گابۆڕ» ✍🏻 #شاڵاو_حەبیبە 1⃣ نووسەر توانیویەتی لەو تەکنیکەدا، کە بۆ گێڕانەوەی ڕۆمانەکەی هەڵبژاردووە- شێوازێکی خۆشفۆرم بەڵام ناباو، نەختێک سەخت و دەیشتوانم بڵێم بوێرانە، کە بۆ خوێنەر سەرنجێکی وردتری دەوێت و ناتوانییت سەرپێیی بیخوێنیتەوە؛ سەرکەوتوو بێت. 2⃣ ڕۆمانەکە هەوڵی داوە بە لابردنی هەر جۆرە پێشەکی و پاشەکییەکی گێڕانەوە، زەمینەخۆشکردن بۆ گفتوگۆ یان خوڵقاندنێک، بەوەی هەر کارەکتەرە و ڕاوییەکی سەربەخۆ بێت و ئەم سەربەخۆیییە لە گێڕانەوەدا پێویستی بە هیچ ڕوونکردنەوە یان سادەکردنەوەیەک بۆ خوێنەر نەبێت؛ ڕووداوەکان زۆر خێرا- کە ڕەنگە لەمە خێراتر گێڕانەوە شایەن بە ڕووداو نەبێت- بباتە پێشەوە. 3⃣ #گابۆڕ ڕۆمانێک لە چەشنی ئەو ئەدەبیاتەی دەیەوێت بە تەکنیکێکی ئاڵۆز ناوەڕۆک لە بیر بباتەوە و تەمومژێک بۆ واتا دروست بکات، کە زۆر جار ئەدەبیاتەکە دوورەفام و دوورەچێژ دەبێت، هەندێک جاریش دەبێتە پارچەیەکی ئەدەبی نەک ڕۆمانێک؛ نییە، بەڵکوو تێیدا تەکنیکی گێڕانەوە و ناوەڕۆک هاوئاست و لەگەڵ یەکدا کۆکن، بۆیە هەم دەتوانێت ڕەخنەگر ڕازی بکات، هەم ڕۆمانی خوێنەران بێت. 4⃣ لێرەدا تێکەڵبوونی کوردانی ڕۆژهەڵات بە کاری سیاسەت، نەک لە چیاکان، یان لە گەرمەی چالاکییەکی خوێناوی یاخود کوشتوبڕینەکاندا، بەڵکوو لە ڕێی دەستەیەک منداڵەوە، کە سەرەتا هەر شۆخییەکە و نەختەنەختە وەک ڕێکەوتێک یانژی سەپێنراوێک بەسەریاندا، کە گەلێ شارەزایانە لە ڕووداوگەلی زۆر بچووک و ناچیزەوە «وەها کە ناتوانی پێشبینی بکەیت و سەرسام دەبیت چۆن بەمە گەیشت» بەرەو ڕووداوە مەزنەکان دەڕوات، کە هەڵبەت پێش چوونە چیا کۆتایی دێت؛ دەبینین.  5⃣ سەرەڕای ڕەخنەم لە دایەلۆگەکانی ڕۆمانەکە، کە نزیکەی هەمیشە یەک زمان بۆ زۆربەی کارەکتەرەکان تەرخان کراوە و جیاوازییەک لە کەسێکەوە بۆ کەسێکی دی لە گوتن و هەڵبژاردنی وشەدا- بە دەگمەن نەبێت- دروست نەکراوە؛ هێشتا دەتوانم بڵێم گابۆڕ هونەری دایەلۆگەکانە، بۆیە هاوکات دەبوو هونەری هەڵبژاردنی دوان و پەیڤیش بوایە. 6⃣ بە ئاسانی دەتوانییت لە #گابۆڕدا کەریم و هەژیرت «چونکە خۆی دڵخۆش دەبێت وا بانگی بکرێت» خۆش بوێت، ئەمەیش هەر یەکێکە لە نیشانەکانی باشیی ڕۆمانێک، کاتێک گاڵتەمان بە کارەکتەرەکانی نایەت و هەندێک جار تەنانەت ئەگەر کەسی خراپیش بن، ڕێزیان دەگرین. 7⃣  کەواتە خاڵی حەوت و هەشت لێرەدا مادەم باسی ڕێز هاتە گۆڕێ دەنووسم؛ خوێنەری کورد نابێت لەوە زویر بێت کە ڕۆمانەکە بەو کوردییە نووسراوە کە لای ئێمە بە گشتی «ڕۆژهەڵاتی»ـی پێ دەڵێن، ئێمە دەبێت ڕێز لە هەڵبژاردنی نووسەر بگرین، خودی هەڵبژاردنەکەیش بۆ ڕۆمانێکی لەم چەشنە دروستە، کە هەڵبەت بۆ هەموو گێڕانەوەیەک دەست نادات. 8⃣ خاڵی هەشتەم هەر لە بەر ئەوەی کە دوکتور #هاشم_ئەحمەدزادە بە دڵیەتی، دەتوانیت گابۆڕ بخوێنیتەوە.   🌐 سەرچاوە: ماڵپەڕی ماڵی کتێبی کوردی 📚@Tamikteb

دەنگی مورغی دڵ دەیێ هەردەم لە داوی زولفی ئەو وەک لە تاری عەنکەبووتا زیڕەیی باڵی مەگەس #حاجی_قادری_کۆیی #شابەیت 📚@Tamikteb

📖 #دێڕێک_لە_کتێب

گەلی ئێمە لەبەردەم هەڕەشەی مەزندایە. زمانەکەی لێ قەدەغە کراوە، کولتوورەکەی شێوێنراوە، مێژووەکەی شاراوەتەوە، زێهنی داگیرکراوە، ئەرکی زۆر سەخت لەبەردەم نەوەی ئێمەدایە، پێویستە سەرەتا پرسەکان زیندوو بکەینەوە، پاشان شرۆڤەیان بکەین و سەرلەنوێ بونیادیان بنێینەوە. داگیرکردنی خاک بۆ من هێندەی داگیرکردنی  کولتوور مەترسیدار نییە. دوژمنەکانمان بە هونەر و مۆسیقا ، بە زمان و کولتوور، بە سەرباز و سیستەم، بە تەواوی کەرەستەکان هاتوونەتە ناومان، لەکوێوە دەست پێبکەین؟

✍🏻 نەبەز گۆران 📚 شازادەکەی ئورفا 📚@Tamikteb

🏙 #ڕۆژانی_نوێ                

📃 سەربازی ون کە وەفدێ دەچێتە شوێنێ بۆ سەر گۆڕی سەربازی ون تاجە گوڵینەیەک دێنێ...

✍🏻 #عەبدوڵڵا_پەشێو 🎙 عەبدوڵڵا پەشێو

  📚@Tamikteb

بۆ پاراستنی فەرهەنگ و گەشەی زانستی پێویستمان بە پاڵپشتی ئێوەی ئازیزە.

📖 #دێڕێک_لە_کتێب

دەرکی یەخچاڵەکەی کردەوە و لە شتێک گەڕا کە بیخوا. بە درێژایی ئەم هەموو ساڵە لە شتێک گەڕابوو بیخوا. لە هەرکوێ بوو، لە شاخ، لە عێراق، لە تورکیا... تەنانەت لە ئوروپاش... مونیرە دەیگوت: «خوشکت بمرێ، کەواتە لەم هەموو ساڵە کەس نەبووە پیاڵەیەک چاییت بۆ دەم کا و پاروویەک نانت بۆ ساز کا؟» لەبیری چووبووەوە، لێرە هەموو پیاوێک کەسێکی بوو چاو و نانی بۆ ئامادە بکا. هەموو پیاوێک جگە لە ئەو.

✍🏻 عەتا نەهایی 📚 باڵندەکانی دەم با 📚@Tamikteb