📚 تامی کتێب | Tamî kitêb 📚

ئەمەوێ ژیان لەبیرکەم، ژیان داهێنانێکی بێسوودە ، نازانم کێ داهێنەرەکەی بووە . نە مانەوەی هەیە نە بایەخ! خەڵک بۆ ژیان ئازار ئەچێژن، دیمەنێکە شتێکی وای تیا نییە. بەختەوەری تابلۆیەکی مێژینەیە: تەنیا لایەکی ڕەنگ کراوە.

🏙 #ڕۆژانی_نوێ                

✍🏻 #سوهەیب_عەلی  🎙 سوهەیب_عەلی

باوکم و مامم هەردوو سەرخۆش بوون و قاقایان لێئەدا. ئایدین گوێی لێگرتبوون و جارجار بزەیەکی ئەکرد. هەستم کرد مرۆڤ کاتێ تەنیا ئەبێ هەموو خەمەکانی گەردوون لە دەروونیا جێ خۆش ئەکەن، هەست ئەکا ئەوندە لەوانی دی دوورکەوتووەتەوە کە ئیدی هیچکات ناتوانێ نزیکیان ببێتەوە. تێئەگا لە نێوان ئەم هەموو مرۆڤەیا بەڕاستی تەنیایە... یانی هیچ کەسێکی نییە!

لە هەندێ قۆناغی مێژووی کۆمەڵایەتیدا شۆڕش ئەبێ بە شتێکی پێویست و فەرمانێکی ناچاری، چونکە بە شۆڕش نەبێ زوڵم و زۆر و چەوسانەوە بنبڕ ناکرێن. لە کوورەی شۆڕشا نەبێ کۆت و زنجیری دەست و مل و مێشکی کۆمەڵانی خەڵک ناکرێنەوە. شۆڕش ژانی گەلە. ژانیش ناوی خۆی بە خۆیەوەیە چ هی ژن بێت چ هی گەل؛ بۆیە شتێکی سەیر نییە کە ژانی گەلێک پڕ دەرد و ئازار و ئارەقە و فرمێسک و خوێن بێت! ئەمە وایە، بەڵام ئایا هیچ گومان لەوەدا هەیە کە هاتنە دونیای نەتەوەیەکی ئازا و سەربەرز، بەختیار، ژانێکی لەوەش پڕ ئازار و ناخۆشتر ئەهێنێت.

من لە بەردەم دەرگاکە هێنکەهێنکم پێ کەوتبوو. سەیرە! سەیرە من لە فلۆرەنساوە (تا ڤیزەی فەرەنسام وەرگرتووە!) بلیتی فڕۆکەم بڕیوە، بە پەلەپەل خۆم گەیاندۆتە پاریس بۆ لای ئەو، کەچی ئەویش کارتۆنێکی لەسەر دەرگاکەی هەڵواسیوە و دەڵێ: "تکایە لە دەرگاکەم مەدە؛ نووستووم!" زۆر سەیرە! ئەم کوردە لە هەموو شوێنێک هەر دەنوێ!