الأستاذ لعجال شاهر - علوم فيزيائية

#سلسلة_التعريف_بالتخصصات_الجامعية التخصص رقم 4️⃣1️⃣ تخصص " ✅#مخبري_للصحة_العمومية 💊💉🩺 ⭕ مخبري للصحة العمومية هو الشخص لي يخدم داخل المخابر الطبية، يقوم بتحليل: ✔️ عينات الدم ✔️ البول ✔️ البراز ✔️ سوائل الجسم ✔️ خزعات الخلايا (Biopsie) ✔️ وحتى تحاليل الفيروسات والميكروبات 🎯 دوره أساسي فالتشخيص : الطبيب ما يقدرش يعرف حالة المريض بدون نتائج دقيقة التحاليل الطبية التي يقوم بها المخبري! --- 📚 وين نقدر ندرس التخصص هذا؟ 🔹 تدرسيه في المعاهد الوطنية لتكوين الشبه طبي 🔹 تحت اسم: " مخبري للصحة العمومية " أو " Analyste... " 🔹 مدة الدراسة: 3 سنوات 🔹 الدراسة فيها نظرية + تطبيقية + تربصات في المستشفيات 📍 دخول التخصص يتطلب النجاح في البكالوريا و بمعدل جيد أو جيداً ، معدل القبول في سنة كان المطلوب كان في 2024 حوالي: – 14.70 إلى 15.50 في أغلب الولايات للشعب العلمية (خاصة علوم تجريبية ورياضيات) --- 🧬 واش تقرا فيه؟ – بيولوجيا خلوية – علم الأحياء الدقيقة – الكيمياء الحيوية – التحاليل الطبية – علم المناعة – طرق سحب العينات (sang – urine…) – التعامل مع أجهزة التحاليل الأوتوماتيكية --- 💼 وين يخدم المخبري؟ – مخابر المستشفيات العمومية – العيادات الخاصة – المخابر التحليلية الخاصة – مراكز فحص ما قبل الزواج – مراكز فحص الفيروسات وتحاليل الدم – شركات صناعة الأدوية والبحوث --- 💰 الأجر: – في القطاع العمومي: حوالي 5 – 6 ملايين – في القطاع الخاص: يختلف حسب الخبرة والمخبر، يوصل حتى 10 ملايين للناس لي عندها خبرة – --- ❗واش لازم تعرفي قبل تدخليه: ✅ فيه طلب كبير، لأن كل وصفة طبية تعتمد على نتائج التحاليل ✅ تخصص نظيف ومش مرهق بدنيًا ✅ فيه تقنية ودقة ❌ لازم تكوني صبورة ❌ فيه مسؤولية كبيرة: خطأ بسيط ممكن يضر المريض ❌ فيه تعرّض لبعض العينات (دم – سوائل…) فلازم احترام صارم للنظافة والوقاية --- #اضافة مخبري الصحة العمومية أحد تخصصات الشبه طبي . 🔶️يدرس المخبريون في معاهد التكوين العالي للتكوين شبه طبي 🔶️مدة الدراسة : ثلاث سنوات تخللها جانب نظري و تطبيقي مدة الدراسة : ثلاث سنوات 🔶️الدرجة:11 🔶️الشعب المعنية : علوم تجريبية و رياضيات. 🔶️معدلات القبول: تختلف على حسب عدد المناصب و على حسب الولاية . تفوق 15 المعدل. و في المناطق الصحراوية تكون أقل بقليل 🔶️بعد دراسة لثلاث سنوات تتوج السنة الاخيرة بمذكرة تخرج لينتقل الطالب بعدها للحياة العملية للعمل في المخابر في المستشفى أو أحد فروع قطاع الصحة ⭕مهام مخبري في الصحة العمومية: 🔸️تلقي العينات و التصديق عليها و مراقبة مطابقتها وفق قواعد الممارسة الحسنة و تسجيل طلبات الفحوص البيولوجية 🔸️انجاز التحاليل البيولوجية و معالجة العينات البيولوجية و تطبيق تقنيات التحاليل مع السهر على تدابير ضمان الجودة 🔸️ضمان تتبع التحاليل 🔸️تنفيذ تدابير القضاء على النفايات و ضمان الصيانة الجارية للعتاد 🔸️استقبال الطلبة والمتربصين و ضمان المتابعة البيداغوجية لهم . ⭕الترقيات: يمكن لمخبري في الصحة العمومية أن يصبح: 🔸️مخبري متخصص للصحة العمومية ثم 🔸️مخبري رئيس للصحة العمومية. و ذلك بعد سنوات خبرة + مسابقة التخصص ✅ رأيي طالبة في التخصص: > واحد من أفضل التخصصات شبه الطبية للي تحب الصحة وتكره تشوف عمليات جراحية الخ وفقنا الله وإياكم إلى كل ما يحب و يرضى

#بالتوفيق_للجميع❤️

السلام عليكم شكون صح راه متهتم ب التخصصات الجامعية و يعرف يبحث و يزودنا باخر المعلومات يحب يدير الخير عندي مجموعة تلغرام نسلمه إدارتها يستفيد من الإطلاع على أكثر من 100 تخصص جامعي و في نفس الوقت يعمل على تحديث محتواها حبذا لو يكون تلميذ درس عندي السنوات الماضية (طالب جامعي)

راتب طبيب عام ولاية شمالية 77 الف ومردودية 40 مية دينار طبيب مختص (ولاية شمالية) 105 الف (10 ملاين ونص) مردودية 52 الف دينار طبيب مقيم (ريزيدون ) تحسب بنسة مؤوية من راتب الطبيب المختص سنة اولى 65% سنة ثانية 75% سنة ثالثة 80% السنتين الرابعة والخامسة 90% ونتوما احسبو ملاحظات ولاية شمالية اي في الهضاب و الصحراء تزيد المردودية تصرف كل 3 أشهر من يملك معلومات إضافية يكتبها في التعليقات عن الأستاذ لعجال شاهر - علوم فيزيائية

#سلسلة_التعريف_بالتخصصات_الجامعية التخصص رقم 3️⃣ #تخصص_طب 🧑‍⚕️🩺💊🧬👪❤️ حلم العديد من طلاب البكالوريا 😊 : #معدل_القبول لسنة2024 حسب #الأولوية : شعبة علوم تجريبية:16.30 (المعدل الموزون+المعدل العام) شعبة رياضيات:16٠30(المعدل الموزون+المعدل العام) شعبة تقني رياضــــــي: 16.73(المعدل الموزون+المعدل العام) معدل القبول يختلف من سنة إلى سنة حسب معدلات البكالوريا #مدة_الدراسة : 6 سنوات + 1 سنة تطبيقي تتخرج بشهادة دكتوراه في الطب العام #نظام_التدريس : الثلاث سنوات الأولى 3️⃣2️⃣1️⃣ تعليم نظري (قبل السريري) 🖊️📑🗒️ الثلاث سنوات الموالية 6️⃣5️⃣4️⃣ تعليم تطبيقي (سريري) 🩺💊🛌🤒 #السنة_الأولى : يدرس طالب الطب مقاييس (مواد علمية) مشابهه لما يدرسه طالب طب الأسنان و الصيدلة أيضا يدرسون فيها (الكيمياء, التشريح, الفيزيولوجي الكيمياء العضوية, بيوفيزياء, رياضيات وإحصاء, هيستيولوجي,...) لكن كل تخصص يدرس لوحده 😊 #السنة_الثانية : تبدأ في دخول الإختصاص نوعاً ما ( اذا تهاونت راح العام 😁) هنا وجب شد الأحزمة 💪 #السنة_الثالثة : تكون من أصعب السنوات وتباشرون الخروج في تربصات في المستشفيات. #السنة_الرابعة__الخامسة_و_السادسة يتغير نظام التدريس ( systém modulaire ) يعني تدرسون مادة واحدة 5 - 6 أسابيع ثم تمتحنون فيها ثم تمرون إلى المادة التي بعدها حيث يكون الضغط في أقصى درجاته 🤒 (يقال أنه تم تغيير هذا النظام system modulaire ننتظر التأكيد ) بعد انتهاء السنة السادسة تتحصل على شهادة دكتوره في الطب البشري لكن #السنة_السابعة طبيب مقيم (تربص في المستشفى) 🙄 بعد تخرجكم يمكنكم المشاركة في مسابقة التخصص (ريزيدانا) فعند نجاحكم تصيرون أطباء متخصصين حسب معدل النجاح و الرغبات تدرسون إختصاص معين لمدة محددة و يمكنك ممارسة المهنة 😊 في باقي التخصصات قد تكون مدة دراسة التخصص 4 سنوات وقد تكون مدة دراسته 5 سنوات (ان وجدت الجراحة ) أثناء دراسة التخصص الطالب يكون يتقضى مالا يقارب 5 ملايين كل شهر (حسب منطقة العمل) و بعد الإنتهاء من دراسة التخصص التوظيف متوفر 😍 مباشرة 💪 و الراتب في حدود 7 مليون (طبعاً حسب منطقة العمل) 🤩 التوظيف لطبيب العام غير مضمون و الراتب بين 7.5 و 11 مليون سنتيم (حسب المنطقة) (انت وشطارتك 😄) #إضافة _ 7 سنوات دراسة ماتغيرش النظام _ سيستام موديلار فسنوات العيادي على حالها ماتغيرش النظام (كاين استثناء فمرحلة العيادة انو النقاط ماتغطيش على بعضاها وانما لازم كل موديل يطلع وحدو ب 10 واللي ماتنجحش فيه تعاودو فالراطراباج مام يكون معدلك 17) _ شهادة دكتوراه في الطب تتحصل عليها في نهاية السنة السابعة وليس السنة السادسة ، في السنة السابعة تكون طبيب داخلي وتتربص لمدة عام في اربع مصالح ، كل مصلحة مدة 3 اشهر منها طب الاطفال و امراض النساء والتوليد مصلحتين اجباريتين على كل طبيب _ نسبة النجاح في مسابقة التخصص في معظم كليات الوطن لا تتجاوز 15% من عدد المترشحين واختيار التخصص يكون حسب ترتيب معدلك فامتحان التخصص وهنا ساع تولي طبيب مقيم فالتخصص هداك (مش فالسنة السابعة) نسميوها دراسات بعد التدرج _ في هذه المدة تاع 4 والا 5 سنوات لا يمكنك ممارسة المهنة في باقي التخصصات وكاين امتحانات سنوية ودراسية عادية كيما سنوات الطب العام يعني (خدمة + قراية) _ نفضل انني مانعلقش على نقطة الراتب لانو لا يساوي شيئا مقابل سنوات الدراسة والاضطهاد وضغط العمل والمناوبات الليلية والدراسة بل بالنسبة لطبيب مقيم مايغطيش حتى اساسيات الحياة من كراء ونقل وغذاء ... _ كاين نقطة اخرى انو بعدما تخلص سنوات الاقامة تعقب امتحان وطني فالدفعة تاعك مع كامل اطباء الجزائر في هداك التخصص ويرتبوكم على حساب نقطة الامتحان من تم تخير مكان العمل تاعك وعدد السنوات (تكون عندك خدمة مدنية لازم تفوتها قبل ماتهز الديبلوم تاعك) مكان ممارسة المهنة وعدد السنوات يعني البوسط تاعك تخيرو على حساب ماهو متوفرلك من نقطة اللي ديتها فالامتحان النهائي تاع التخصص بحيث ينقصو العوام كل ماتهبط للصحراء ويزيدو كل ما تطلع للتل من 1 عام الى 5 سنين _ منصب العمل تاعك اللي يكون مضمون كطبيب مختص هو فالبلاصة اللي عڨبت فيها الخدمة المدنية تاعك وفقط _ عند التخرج من هدا كامل الرجال اصغر واحد فيهم راح يكون في عمرو 33 سنة اذا ماتعطلش خلاص في مسيرتو ولهذا مراحش يلڨى الخدمة العسكرية تسنى فيه _ التوظيف لطبيب عام مش غير مضمون وانما قليييل خلاص _ العام هادا كاين تسقيف لعدد طلبة الطب في الجزائر يعني المعدل راح يطلع بزااف ونورمالمون هادا مكان ، ربي ينجحكم كامل

#رسائلكم خاوتي 🤍 حبيت نمدلكم نصيحة لوجه الله فيما يخص تخصصات راجعوا اختياركم لتخصص مليح خاوتي🎀ابحثوا و اقراو كل معلومات عليه قبل ما تخيروه واش حابين خيروا تخصص تفرحوا كي تقراوه و تقدروا تشوفوا فيه روحكم منا على 10 سنين متنساوش واش حتخيروا دوكا حيكون مستقبلكم حتكملوا حياتكم معاه حتى تدوا تقاعد و  تولوا كباار 60/55 سنة ( كل واحد و مساروا مي بشكل عام راني نتكلم ) اي اعرفوا تخيروا باه متندموش و ثان شوفوا مميزات و سلبيات كل تخصص و اسكوا تقدروا تتحملوا سلبياتو و اذا يلحقكم للحياة لي حابتها ( ارزاق بيد الله و لكن نحن نأخذ باسباب ) و الأسئلة هنا هي  الحلول كل ما سقسيتوا انفوسكم اكثر عرفتوا واش حابين خير و منه اخترتوا التخصص المناسب لكم بشكل افضل♡بالنسبة للي راهم خايفين من معدل نتوما ديروا تخصصين واحد رئيسي و آخر احتياطي ولا و لي فيها خير هاديك هي وفقكم الله🫶🏻🌷

ان شاء الله

3️⃣ كاين 3 معاهد وطنية للقابلات عنابة وتيزي وزو و تلمسان لكن اغلبية المعاهد الشبه طيبة فيها ملحقات يقراو فيها القابلات في ولاياتهم ولا الولايات القريبة عليهم تعمل القابلة بدرجة 13 على سلم العمل (تحدد الراتب 💶) عكس الشبه الطبي درجته 11 القابلة، تقدر تمد ادوية معينة وعندها كاشي تاعها الخاص ولوردونونس تاعها 4️⃣ العمل تاع الساج فام يومين بيومين يعني تخدم يومين وتريح يومين و تاني تقدرو تكتبو وصفة الدواء لكن الدواء لا يشترى ببطاقة الشفاء 💬🏥📄 شكرا لكل من ساهم بهذه المعلومات القيمة و جزاها الله كل خير 5️⃣ كاين معلومات جديدة mis à jour 😁 مثلا الخلصة يسلكو فالتل 4300 و تزداد في الولايات الداخلية بيسك عندهم منحة الجنوب نظام العمل يختلف من مؤسسة لمؤسسة مثلا لي يخدمو في المؤسسات الجوارية يخدمو كل يوم ماعدا الجمعة وسبت و لي يخدمو ف المؤسسات الاستشفائية يخدمو نهار و بعدها ليل ويدو ثلاث أيام ريكيب يعني الامر نسبي معدلات القبول يكونو على حساب المناصب المفتوحةعادة معدل القبول فوق 15 الا في بعض الولايات الصحراوية بعد العمل خمس سنوات تقدر دير تخصص كاين ثلاث تخصصات ولكن إلى حد الان متفتحش هاذ الكونكور بيسك الدفعة الاولى لي قراو خمس سنوات ماكملش على تخرجهم خمس سنين عن 🌼 الأستاذ لعجال شاهر - علوم فيزيائية 🌺 👌 و من تملك معلومات إضافية تكتبها في تعليقات 👇👇👇 وفقنا الله وإياكم إلى كل ما يحب و يرضى

#سلسلة_التعريف_بالتخصصات_الجامعية التخصص رقم 2️⃣ 🌼 #تخصص_الساج_فام 🤰🧑‍⚕️ #Sage_Femme قابلة للصحة العمومية 🩸💉💊 🔰 #كيفية_الولوج_لهذا_الميدان أصبحت ضمن الخيارات في قائمة التخصصات الجامعية لناجح البكالوريا مثلها مثل كل تخصصات الشبه طبي و عادةً يكون معدل القبول فيها أعلى من التخصصات الأخرى هي التخصص الوحيد الذي يدرسه الإناث فقط 🥰 🧑‍🔬🧑‍⚕️ ❤ #معدل_القبول يختلف من ولاية لاخرى ومن عام لعام مثلا في عام 2020 كانت معلات القبول : بسكرة 13.50 تلمسان 16.24 الوادي 12.80 السنة الماضية كان المعدل أعلى بكثير ...يختلف من منطقة لأخرى و أحيانا يتجاوز معدل القبول في الطب 🙃 و هذا بسبب ضمان الوضيفة 😕 ⏳ #مدة_الدراسة : 5 سنوات ( كانو من قبل يقراو 3 سنوات فقط ) في ثلاث سنوات تقراو عدة مقاييس #العام_الأول 1️⃣ تقراو علم التشريح ( تنقسم جزأين الأول تقراو جسم الانسان بصفة عامة ومن بعد تقراو anatomie obstetricale لي تعرفو فيها كل ما يخص جسم المرأة ، لغة فرنسية، الانتروبولوجيا، الصيدلة (عموميات فقط)، علم الأجنة (أطول مقياس 😴)، fondement de la profession ,terminologie (القاموس الطبي) ، IUC(كيما علم النفس) .... و في هذه السنة رايح تديرو فيها تربص ف ثلاث مصالح أساسية (الجراحة العامة، الطب الداخلي، جناح العمليات) #العام_الثاني 2️⃣ تقراو فيه بشكل أوسع على كل ما يخص المرأة و الجنين تقراو التغذية تقراو كل مايخص الولادة (كيفاش و وينتا والأمراض لي تلحق بالمرأة الحامل ولا عند الولادة وتتعمقو أكثر ف مقياس L'anatomie obstetricale, تقراو مقياس طويل ومهم وهو néonatologie (كل مايخص الجنين من اول مايتكون)، مقياس خاص بالتحاليل الطبية كذلك، مقياس خاص بطريقة انجاز مذكرة ... في هذا العام راح تدخلو تربص ف المستشفى لمصلحة من مصالح التوليد وباه يكون ف علمكم راح يكون لازم عليكم ف التربص تديروه ف الليل بمعنى ( les gardes )يعني ف الأسبوع عندك 1garde #العام_الثالث 3️⃣ راح تعاودو تقراو مقياس الصيدلة (تتعمقو اكثر)، الأمراض التي تصيب الحامل ... و في هذا العام عندكم حاجة اسمها examen finale وراح يكون وطني (كتابي (ف المعهد ) وتطبيقي (ف المستشفى)) و لي تنجح ف هذا الامتحان تطلع للعام 4 و 5 لي راح يكون التركيز فيهم على الايكوغرافي وتبقاو كل مرة تديرو تربص ف المستشفيات كي تكملو 5 سنوات تتخرج على اساس قابلة للصحة العمومية sage femme de santé publique الشهادة تاعك تخليك تخدمي مباشرة لأنو كاين نقص ف القابلات ف الجزائر وتقدري مورا ماتخدمي 5 سنوات ف مستشفى حكومي إنك تفتحي عيادة خاصة (طبعا اذا كان عندك خبرة) مع العلم تقدري تخدمي ف مستشفى حكومي و ف الخاص القابلة قد ما خدمتها مليحة وفيها أجر بصح لازم تستغلي كامل الوقت تاعك ف المستشفى باه تتعلمي أي حاجة حتى و تكون ماشي خدمتك (تعلمي تديري كامل التحاليل الطبية وتقرايها، تعلمي تقراي نتائج الراديو وحتى اذا لقيتي فرصة تعلمي تديريه ولو فكرة بسيطة ... اتعلمو ف السنة الأولى اي شيء يخص جسم الإنسان بالفرنسية لأنو مهم جدا حاولو تدخلو تشوفو العمليات الجراحية باه تكون عندكم نظرة على جسم الإنسان مباشرة ،تعلمو الأساسيات كيما كيفاش تديري لبرة كيفاش تقراي دوسي تاع مريض كيفاش تديري pansement تعرفو على أي دواء وسقسو وقتاش يستعمل وعلاش ... حاولو تشوفو كامل المصالح les services باه تدو نظرة عامة لانو صح نتي راح تتعاملي مع المرأة الحامل والجنين برك لكن يمكن المرأة هذيك تكون عندها مرض من الأمراض لي من المفروض تكون عندك فكرة عليه .... تعلمو تسمعو للناس لي عندها خبرة ف المجال بصح ماشي كلشي يمدوهلكم صح يعني دو المعلومة وسقسو عليها وراهي كاين النت وشوفو الساج فام مرأة حكيمة ماشي accoucheuse برك يعني ماشي تتعلمي كيفاش تولدي برك لازم تتعلمي التوليد و كل مايخص المرأة الحامل والجنين تاعها كيما الحقن لي لازم و لي مالازمش تديهم لازم تعرفي واش لازم تأكل واش ممنوع عليها لازم تعرفي واش لازم يأكل البيبي من أول نهار حتى لعمر 5 سنوات ✅ #معدل_القبول يكون على حسب كل ولاية مثلا ف الجنوب يلحق عندهم ل13 لأنو عندهم نقص ف المقابلات و نقص في الطلب ايضا ولايات الوسط 14،90 أدنى معدل 💰 #راتب_القابلة يختلف من منطقة إلى أخرى (الصحراء و التل) محصور بين 38000 - 42000 دج #اضافات 💐 : 1️⃣ تخصص ساج فام #منفصل_تماما عن التخصصات شبه الطبية 2️⃣ تخصص ممرض يتيح فرصة #إتمام_دراسة تخصص ما حيث بعد العمل مدة معينة ( خبرة ) يتم إجراء مسابقة و الناجحون يحظون بفرصة اتمام التكوين لمدة سنتين في تخصص معين

#إضافة أخرى من صديقة لصفحة 🧐😍 ملاحظة بخصوص المناوبات الليلية، في العاصمة غير موجودة لكن في باقي الولايات الله أعلم. - انطلاقا من السنة الرابعة تبدأ الدروس التطبيقية مع المرضى. إضافة أخرى حاليا مع تطور المجال هناك دورات تكوينية عديدة يختلف سعرها من تخصص لآخر لكنها جد مفيدة مثلا زراعة الأسنان l implantologie... الخ #رأي_شخصي 🟩 : تخصص طب الأسنان هو تخصص رائع يحتاج الموهبة العمل و المثابرة، طب الأسنان حرفة و صاحبها يحتاج إلى إتقان عمله و استغلال التكنولوجيا للوصول إلى مستوى يرضي المريض (بالأحرى الزبون) خاصةً منها التدخلات التجميلية 😁🤩 شكراً لصاحب المعلومات القيمة و كل من زودنا بهذه المعلومات جزاهم الله كل خير عن الأستاذ لعجال شاهر - علوم فيزيائية

#سلسلة_التعريف_بالتخصصات_الجامعية التخصص رقم 1️⃣ #تخصص_طب_الأسنان 🦷🧑‍⚕️😁 🔵 #عموميات: يعتبر من أحسن التخصصات الموجودة في الجزائر والتي يقصدها معظم الطلبة أصحاب المعدلات العالية حيث يدرس الطالب 5 سنوات أما السنة السادسة فهي تربص في المستشفيات + إعداد مذكرة التخرج. كما تعتبر السنة الأولى جذع مشترك مع الطب و الصيدلة يحصل الطالب بعد تخرجه على شهادة #دكتور في طب الأسنان و يكون بإستطاعته إجتياز مسابقة ريزيدانا لدراسة التخصص توجد 5 تخصصات مدتها 4 سنوات أو فتح عيادة خاصة به أو الإستخلاف في العيادات #المواد_المدروسة : cycle pré-clinique الطور قبل العيادي #السنة_الأولى 1️⃣ : 1-أناتوميanatomie: علم التشريح 2-هيستيلوجي histologie : علم الأنسجة 3-امبريولوجي embryologie: علم الأجنة 4-كيمياء chimie 5-بيوفيزياء biophysique 6-فيزياء physique 7-بيومات biomath 8-بيولوجيا الخلية cytologie 9-جينيتيك génétique :علم الوراثة 10-بيوكيمياء biochimie 11-ssh أخلاقيات المهنة 12-physiologie فيزيولوجيا 13.لغة فرنسية 14.إنجليزية #السنة_الثانية 2️⃣ : الخمس مقاييس الخاصة بالتخصص التي ستبقى ثابتة بقية الأعوام 1-Pathologie bucco-dentaire. 2-parodontologie 3-prothese (théorie+tp) 4- Orthopédie dento-faciale (odf) 5- odontologie conservatrice endodontique.(théorie+tp) ومقاييس أخرى *Anatomie *histologie *Bactériologie *Physiologie spécial *Anatomie dentaire (théorie+tp) *biomatériaux oce/Prothése *Immunologie *hygiène *anglais *informatique #السنة_الثالثة3️⃣ 3️⃣ : الخمس مقاييس الخاصة بالتخصص التي ستدرس على شكل دروس وأعمال موجهة td 1-Pathologie bucco-dentaire. 2-parodontologie 3-prothese 4- Orthopédie dento-faciale (odf) 5- odontologie conservatrice endodontique. ومقاييس أخرى *Anatomie -pathologie *Pharmacologie *Anésthésiologie *oxyologie *Radiologie *Occlusodontie الطور العيادي cycle clinique #السنة_الرابعة 4️⃣ : الخمس مقاييس الخاصة بالتخصص التي ستدرس على شكل دروس وأعمال تطبيقية في المستشفى مع المرضى 1-Pathologie bucco-dentaire. 2-parodontologie 3-prothese 4- Orthopédie dento-faciale (odf) 5- odontologie conservatrice endodontique. اضافة الى مقاييس أخرى *Pathologie médicale *Déontologie *odontologie pédiatrique (OP) *odontologie gériatrique(OG) *Implantologie. #السنة_الخامسة 5️⃣ : الخمس مقاييس الخاصة بالتخصص التي ستدرس على شكل دروس وأعمال تطبيقية في المستشفى مع المرضى 1-Pathologie bucco-dentaire. 2-parodontologie 3-prothese 4- Orthopédie dento-faciale (odf) 5- odontologie conservatrice endodontique. اضافة الى مقاييس اخرى *odontologie pédiatrique(OP) *Implantologie. *O.P.S *Ergonomie #السنة_السادسة 6️⃣ : تربص + إعداد مذكرة تخرج #الجامعات_التي_تدرس_طب_الاسنان 🏤 : جامعة علوم الصحة -كلية طب الأسنان _ الجزائر جامعة _ قسنطينة 3 جامعة ابو بكر بلڨايد _ تلمسان جامعة _ وهران جامعة برج باجي مختار _ عنابة جامعة سعد دحلب _ البليدة جامعة مولود معمري _ تيزي وزو جامعة فرحات عباس _ سطيف جامعة جيلالي اليابس _ سيدي بلعباس #معدلات_القبول 🧐 بالنسبة لآخر سنة (2022 ) كانت علوم تجريبية : 16.19 معدل موزون رياضيات : 16.67 معدل موزون تقني رياضي : 17.16 معدل بكالوريا ملاحظة: يستعمل المعدل الموزون لشعبتي العلوم التجريبية و الرياضيات فقط. #تخصصات_طب_الأسنان 🦷 : قليلة جدا مقارنة بتخصص الطب و تخصص الصيدلة Odontologie cocervatrice Orthépédie dento-faciale Parodontologie Pathologie bucco-dentaire Prothése #الإيجابيات 🟢 -تخصص يمكن له أن يفتح لك باب من أبواب الثراء 💰💵 -فرص العمل الوفيرة 😍 #السلبيات 🔴 -العمل غير مضمون ( لا يوجد عقد عمل أثناء الدراسة في الجامعة) 🙄 -صعوبة التوجه للقطاع خاص (يحتاج مال كثييير💰) 😴 لغة التدريس هي الفرنسية لكنها لا تشكل عائقا كبيرا #اضافة قيمة 😍 من صديقة للصفحة جزاه الله عنا كل خير سلام استاذ بارك الله فيك لأنك توجه التلاميذ و تساعدهم على الاختيار انا دكتورة في طب الأسنان حبيت نعطيك بعض المعلومات الصحيحة حول طب الأسنان مدة الدراسة 6 سنوات بعدها يوجه المتخرج على الدكتوراه في طب الأسنان الى العمل مباشرة سواء في القطاع العام أو الخاص حسب إمكانياته المادية اما بالنسبة للتخصصات يوجد 7 تخصصات في العالم لكن الجزائر 5 فقط مدة دراسة التخصص 5 سنوات و اغلب الدكاترة المتخصصين يتوجهون للتدريس في الجامعة القليل منهم يعمل في عيادته الخاصة يتكفل بالحالات الصعبة الموجهة اليه من طرف زملائيه أطباء الأسنان العامين العمل متوفر للجميع خاصة بالجنوب اما بالنسبة للمناوبات الليلية فهي إجبارية في كل الولايات

إليكم قائمة فيها أفضل برنامج تعليم اللغة الانجليزية بدون نت: تطبيق Hello English. تطبيق Memrise. تطبيق Google Translate. تطبيق Busuu. تطبيق English Listening & Speaking‏ دوولينجو Duolingo. تطبيق Babbel. تطبيق HelloTalk. من يملك تجربة في تطبيقات أخرى يفيدنا في التعليقات 👇👇 وفقنا الله وإياكم إلى كل ما يحب ويرضى

افضل تطبيق لتعلم اللغة الانجليزية 2026 تطبيق Memrise English: واحد من العديد من تطبيقات تعلم اللغة المجانية مع واجهة مستخدم متعددة اللغات سهلة الاستخدام إلى جانب اللغة العربية. لا يقتصر التطبيق على تعلم اللغة الإنجليزية ، ولكنه يحتوي على أكثر من 1000 دورة تعليمية في 100 لغة مختلفة ، بما في ذلك الإنجليزية والفرنسية والإيطالية. يتيح لك التطبيق تطوير قدرتك على التحدث باللغة الإنجليزية ، بينما من خلال التطبيق يمكنك التحدث والاستماع إلى مقاطع الفيديو التي يوفرها التطبيق باللغات التي تريد تعلمها وبالطبع في هذه الحالة تعلم اللغة الإنجليزية. من أبرز ميزات Memrise استخدام تقنيات تعليمية فريدة تتيح لك تعلم أكثر من 44 كلمة جديدة في الساعة. تطبيق Hello English لتعلم اللغة الإنجليزية: أحد التطبيقات المميزة التي تركز فقط على تعلم اللغة الإنجليزية وهو مجاني تمامًا. بخلاف التطبيقات السابقة ، فإن هذا التطبيق مخصص لتعلم اللغة الإنجليزية فقط. بالإضافة إلى أن دراسة التطبيق مقسمة إلى مجموعات من المستويات ، ويشتمل كل مستوى على مجموعة من الدروس ، ويصل إجمالي عدد الدروس في التطبيق إلى 475 درسًا من الصفر إلى الاحتراف. وفي نهاية كل مستوى ، يقدم التطبيق مجموعة من الألعاب التعليمية لمساعدة المستخدم على تطبيق كل ما تعلموه. يمنحك التطبيق أيضًا خيار التواصل مع مدرسي اللغة الإنجليزية من خلال الرسائل. يمكنك أن تطرح عليهم أسئلة حول أي شيء لا تفهمه أثناء دراستك ، وسيقومون بالرد عليك على الفور. يمكنك أيضًا التواصل مع نفس مستخدمي التطبيق من خلال الرسائل ، لأن التطبيق يحتوي على قاموس يزيد عن 10000 كلمة.

السلام عليكم، نتمنى النجاح لكل مترشحي شهادة البكالوريا وتحقيق أفضل النتائج بإذن الله. كما نعلمكم أننا نعمل حالياً على نشر جميع المعلومات حول التخصصات الجامعية بداية من الغد ان شاء الله كل يوم ننشرلكم تخصصين وراه عندكم groupe استغلوه في المناقشة (طرح الأسئلة و تقديم معلومات إضافية)

❗️ كيفاش تفتح حساب CCP فـ بريد الجزائر ⚡️ 🔘 وين تروح ⚡️ مكتب بريد الجزائر (La Poste) 🔘 الوثائق اللازمة ⚡️ ⭐️ نسخة من بطاقة التعريف. ⭐️ شهادة إقامة (اختياري). ⭐️ شهادة مدرسية أو كشف نقاط الباك. ⭐️ رقم هاتف. ⭐️ بريد إلكتروني (اختياري). 🔘 وش تقولهم ⚡️ حاب نفتح حساب بريدي جاري (CCP)" 🔘 وش يصرا بعد ⚡️ ⭐️ يعطوك رقم CCP ⭐️ تقدر تطلب شاك ⭐️ تقدر تستعمل تطبيق BaridiMob 🔘 واش تستفاد ⚡️ ⭐️ تستقبل المنحة الجامعية ⭐️ تستقبل حوالات ودراهم من أي جهة ⭐️ تشوف حسابك عبر الهاتف أو الإنترنت ولي باغي يفتح وحدو كونت في دار غير اخطيك روح لابوسط احسن (خمس دقايق تفريها) ☑️

طلبة بكالوريا 2026 أنصحكم تفتحوا CCP من الآن ⏰ مهتمين بطريقة إنشاء حساب بريدي CCP ❔🤔

بيان حول نتائج امتحان #شهادة_التعليم_المتوسط دورة 2026

شهادة "البيام"... من غزارة النقاط إلى غربال التخصص 📐🔬 في غمرة الفرحة والاحتفالات بصدور نتائج شهادة التعليم المتوسط اليوم، والزغاريد التي تملأ البيوت، نرى المشهد المعتاد: قوائم الناجحين، ومعدلات تُقارن، وتهانٍ تُتبادل لكن لو وقفنا لحظة وتأملنا في كواليس هذا النجاح... المرحلة الثانوية ليست مجرد امتداد للمتوسط، بل هي انقلاب كامل في قواعد اللعبة، خاصة للمتفوقين الذين يتوجهون بثقة نحو الشعب العلمية. في الطور المتوسط، كان من السهل إحراز معدلات فلكية لأن المواد الأدبية ومواد الحفظ تملك الوزن الأكبر (المعاملات الأعلى) التي ترفع المجموع وتغطي على أي تقصير. أما في الثانوي، فالقناع يسقط؛ ستصبح المواد العلمية الأساسية هي التي تقود وبمعاملات تزن الذهب. النجاح في "البيام" بمعدل ضخم لا يضمن تلقائياً التفوق في الثانوي ما لم يتغير أسلوب الدراسة. من اعتاد على الحفظ السطحي لجمع النقاط، سيصطدم بجدار المواد العلمية التي تتطلب نفَساً طويلاً، وتحليلاً عميقاً، وقدرة على حل المشكلات، وليس مجرد استرجاع للمعلومات ليلة الامتحان فرحة النجاح مشروعة ومطلوبة، لكن الوعي بالقادم هو الأهم. المعدل الحقيقي ليس ما نلناه اليوم، بل هو مدى جاهزيتنا الفكرية للمواجهة في ملعب الكبار. مبارك لكل الناجحين، وبداية رحلة توجّه حقيقي وواعٍ. ❤️

#التلميـذة قية إخلاص من ولاية الوادي الأولى وطـنيًا في شـهادة #التعليم المتوسـط بمعدل 19.80