Աշխատանքի և սոցիալական հարցերի նախարարություն

📌 Հուլիսի 1-ից ընտանիքների անապահովությունը գնահատվում է նոր համակարգով։ Սոցիալական աջակցություն ստանալու համար դիմումներն ընդունվում են միայն առցանց՝ https://id.e-social.am/ հարթակի միջոցով։ Դիմում ներկայացնելու քայլերը ներկայացված են կից։

📢 Ընտանիքների անապահովության գնահատման նոր համակարգը ներդրվել է հանրապետության ամբողջ տարածքում։ Անապահովության գնահատման հիմքով սոցիալական աջակցություն ստանալու համար դիմումներն ընդունվում են https://id.e-social.am/ հարթակում։ ✅ Հարթակում անհատական օգտահաշիվ ստեղծելու և մուտք գործելու վերաբերյալ մանրամասն քայլերը ներկայացված են կից։

📢 Այսօրվանից ընտանիքների անապահովության գնահատման նոր համակարգը ներդրվում է հանրապետության ամբողջ տարածքում։ Ներկայացնում ենք մի շարք կարևոր փաստեր նոր համակարգի մասին։

Հարգելի՛ քաղաքացիներ, 📌 գործարկվել է Աշխատանքի և սոցիալական հարցերի նախարարության պաշտոնական նոր կայքը․ այն հասանելի է social.gov.am հասցեով։ Նոր կայքում քաղաքացիները կարող են առավել պարզ, մատչելի և համակարգված տեղեկատվություն ստանալ աշխատանքի և սոցիալական պաշտպանության ոլորտում իրականացվող պետական քաղաքականության, ծրագրերի ու ծառայությունների վերաբերյալ։ Այն ամբողջությամբ համապատասխանում է ՀՀ հանրային ծառայությունների թվայնացման սկզբունքներին։ Կայքի մշակման աշխատանքներն իրականացվել են ԱՍՀ նախարարության «Բարեկեցության տեղեկատվական համակարգերի ձեռնարկություն» հիմնադրամի կողմից՝ Հայաստանի տեղեկատվական համակարգերի գործակալության հետ համագործակցությամբ։

📢 ԱՍՀ նախարարության ԿՍԱԳՀ խորհրդական Գայանե Ղարագյոզյանը «Արմենպրես»-ում խոսել է Ղարաբաղից տեղահանված ընտանիքների բնակապահովման ծրագրում տեղի ունեցած վերջին փոփոխությունների, ծրագրի իրականացման ընթացքի և արդյունքների մասին։ 📎 Հղում՝ https://www.youtube.com/watch?v=KGyUrRxK1II

📌 Հուլիսի 1-ից ընտանիքների անապահովության գնահատման նոր համակարգը կներդրվի հանրապետության ամբողջ տարածքում. մանրամասները ներկայացնում է ԱՍՀՆ ժողովրդագրության և ընտանիքի սոցիալական երաշխիքների վարչության ընտանիքի սոցիալական գնահատման բաժնի պետ Էդգար Բզնունին:

🏠 Կառավարության այսօրվա նիստում հաստատվել է Ղարաբաղից տեղահանված ընտանիքների բնակարանային ապահովման պետական աջակցության ծրագրում փոփոխություններ և լրացումներ կատարելու վերաբերյալ որոշման նախագիծը։ Փոփոխությունների համաձայն՝ 📌 եթե դիմում-հայտարարության մեջ ներառված ընտանիքի ամուսնալուծված անդամը դիմելու պահին ունի անչափահաս երեխա, ապա նա համարվում է այն ծնողի ընտանիքի պարտադիր անդամը, ում հետ դատարանի որոշմամբ ապրում է։ Եթե նման որոշում չկա, երեխան համարվում է մոր ընտանիքի անդամը, իսկ հայրը կարող է ընդգրկվել դիմում-հայտարարությունում առանց երեխայի, 📌 եթե ընտանիքի բոլոր անդամների տվյալներն առկա են ՀՀ ՆԳՆ միգրացիայի և քաղաքացիության ծառայության կողմից հաշվառված տեղահանված անձանց տվյալների շտեմարանում, ապա այդ ընտանիքի՝ 2023 թ․ սեպտեմբերի 19-ի դրությամբ 6 տարին չլրացած երեխան համարվում է շահառու՝ անկախ նրանից, թե նրա տվյալները առկա են շտեմարանում, թե ոչ, 📌 ծրագրի շրջանակում առկա դրական մնացորդը հնարավոր կլինի օգտագործել ոչ միայն տան վերանորոգման, այլ նաև անհատական բնակելի տների վերակառուցման ու տնամերձ տարածքի կառուցապատման համար, 📌 հավաստագիրն իրացրած ընտանիքի՝ հավաստագրում չներառված մեկ կամ երկու անդամներն իրենց չիրացրած հավաստագրերը կարող են միավորել այդ ընտանիքի հավաստագրի հետ։ Այս դեպքում աջակցության գումարը կարող է օգտագործվել որպես դրական մնացորդ ծրագրով սահմանված ուղղություններով և սահմանաչափերով, 📌 տրամադրվող ֆինանսական աջակցությունը չի կարող արգելադրվել, բռնագանձվել կամ հաշվանցվել շահառուի այլ պարտավորությունների դիմաց։ Նշենք, որ այս պահի դրությամբ Ղարաբաղից տեղահանված ընտանիքների բնակապահովման ծրագրի շրջանակում հավաստագիր է ստացել 6856 ընտանիք (28,187 անձ), որից 3229 ընտանիքն (14,914 անձ) արդեն իսկ իրացրել է հավաստագիրը։

📌 20% հետվճար՝ կենսաթոշակի և նպաստի քարտերով անկանխիկ գնումների դեպքում․ կենսաթոշակառուները պատմում են ծրագրի առավելությունների մասին։

📌 Աշխատանքի և սոցիալական հարցերի նախարար Արսեն Թորոսյանն այսօր նախարարության և Միասնական սոցիալական ծառայության աշխատակազմի մասնակցությամբ անցկացրել է գործակարգավարական խորհրդակցություն։ Նախարար Թորոսյանն անդրադարձել է աշխատանքի և սոցիալական պաշտպանության ոլորտի կիսամյակային առաջնահերթություններին, գնահատել իրականացվող աշխատանքների ընթացքը և նախանշել առաջիկա անելիքները։ ✅ Նախարարը կարևորել է սոցիալական ծառայությունների թվայնացման գործընթացի արդյունավետ իրականացումը՝ շեշտադրելով քաղաքացիների դիմումների ընդունման, մշակման ու սպասարկման առավել պարզ մեխանիզմների ներդրման անհրաժեշտությունը։ Այս համատեքստում ներկայացվել է նաև ԱՍՀ նախարարությունում ներդրված «Spark.work» նորարարական հարթակի կիրառման ընթացքը, ինչպես նաև վերջինիս գործառույթների ընդլայնման ուղղությամբ իրականացվող աշխատանքները։

📢 Աշխատանքի և սոցիալական հարցերի նախարար Արսեն Թորոսյանն այսօր այցելել է Արմավիրի մարզի Արաքս համայնքի Ակնաշեն բնակավայրում վերջերս բնակեցված՝ հաշմանդամություն ունեցող անձանց համար նախատեսված համայնքային փոքր տուն։ Նախարարը շրջել է տարածքում, ծանոթացել բնակիչների կենսապայմաններին, զրուցել նրանց հետ, հետաքրքրվել առօրյայով։ ✅ Արսեն Թորոսյանն ընդգծել է, որ պետության առաջնահերթություններից է հաշմանդամություն ունեցող անձանց համար արժանապատիվ և մատչելի կենսապայմանների ապահովումը, ինչպես նաև նրանց ինքնուրույն կյանքի և համայնքում լիարժեք մասնակցության հնարավորությունների ընդլայնումը։ Նշենք, որ համայնքային փոքր տները նախատեսված են 18 տարին լրացած հաշմանդամություն ունեցող անձանց, այդ թվում՝ մտավոր և հոգեկան առողջության խնդիրներ ունեցող քաղաքացիների համար։ Դրանք միտված են խթանելու անկախ կյանքը, սոցիալական ներառումը և համայնքում ապրելու իրավունքի իրացումը՝ ապահովելով անհրաժեշտ խնամք, աջակցություն և սոցիալական ծառայություններ։ 📌 Ակնաշենի փոքր տանն այս պահին բնակվում է ԱՍՀ նախարարության ենթակայությամբ գործող շուրջօրյա հաստատություններից տեղափոխված 12 բնակիչ։

📌 Աշխատանքի և սոցիալական հարցերի նախարար Արսեն Թորոսյանն այսօր այցելել է Արմավիրի մարզի Արաքս համայնքի Ակնաշեն բնակավայրում վերջերս բնակեցված՝ հաշմանդամություն ունեցող անձանց համար նախատեսված համայնքային փոքր տուն։ Նախարարը շրջել է տարածքում, ծանոթացել բնակիչների կենսապայմաններին, զրուցել նրանց հետ, հետաքրքրվել առօրյայով։ ✅ Համայնքային փոքր տները նախատեսված են 18 տարին լրացած հաշմանդամություն ունեցող անձանց, այդ թվում՝ մտավոր և հոգեկան առողջության խնդիրներ ունեցող քաղաքացիների համար։ Դրանք միտված են խթանելու անկախ կյանքը, սոցիալական ներառումը և համայնքում ապրելու իրավունքի իրացումը՝ ապահովելով անհրաժեշտ խնամք, աջակցություն և սոցիալական ծառայություններ։ 🔸 Ակնաշենի փոքր տանն այս պահին բնակվում է ԱՍՀ նախարարության ենթակայությամբ գործող շուրջօրյա հաստատություններից տեղափոխված 12 բնակիչ։

📌 Ազգային ժողովի կողմից այսօր երկրորդ ընթերցմամբ և ամբողջությամբ ընդունվել է «ՀՀ աշխատանքային օրենսգրքում փոփոխություն և լրացում կատարելու մասին» օրենքի նախագիծը, որով աշխատող ծնողների համար սահմանվում է ծնողական ժամ։ ⤵️ Ստորև ներկայացնում ենք 7 փաստ ծնողական ժամի մասին։

🤝 Զբաղվածության ապահովման նոր ծրագիր՝ hաշմանդամություն ունեցող անձանց և 63-ից բարձր տարիք ունեցող անձանց համար․ Կառավարության այսօրվա նիստում հաստատվել է ԱՍՀ նախարարության կողմից ներկայացված որոշման նախագիծը։ Ըստ այդմ, աջակցություն կտրամադրվի այն գործատուներին (բացառությամբ հանրային ծառայություն իրականացնող, այսինքն՝ պետական մարմինների), որոնք առնվազն 3-6 ամիս ժամկետով աշխատանքային պայմանագիր կկնքեն ֆունկցիոնալության խորը կամ ծանր աստիճանի սահմանափակում (1-ին կամ 2-րդ խմբի հաշմանդամություն) կամ 63-ից բարձր տարիք ունեցող անձանց հետ։ Ընդ որում, աշխատանքային պայմանագիրը կարող է կնքվել ոչ լրիվ աշխատաժամանակի ռեժիմով։ 📌 Զբաղվածության ծրագիրը կգործի 2027 թվականի հունվարի 1-ից։

📌 Աշխատանքի և սոցիալական հարցերի նախարար Արսեն Թորոսյանն ԱԺ-Կառավարություն հարցուպատասխանի ընթացքում անդրադարձել է անապահովության գնահատման նոր համակարգի և Կոտայքի ու Սյունիքի մարզերում դրա փորձնական կիրառման արդյունքների վերաբերյալ հարցին։ https://youtube.com/watch?v=mM_u2xqjU6I&si=eGK8GEGVhXST2-kf

📌 Աշխատանքի և սոցիալական հարցերի նախարար Արսեն Թորոսյանն ԱԺ-Կառավարություն հարցուպատասխանի ընթացքում անդրադարձել է անապահովության գնահատման նոր համակարգի և Կոտայքի ու Սյունիքի մարզերում դրա փորձնական կիրառման արդյունքների վերաբերյալ հարցին։ https://www.youtube.com/watch?v=47-Prr5nbtw&t=3s

Սիրելի՛ քաղաքացիներ, արդեն երկրորդ տարին է, ինչ Հայաստանում հունիսի 17-ը պաշտոնապես նշում ենք որպես Հայրերի օր։ Շնորհավորում եմ բոլոր հայրերին տոնի առթիվ և ցանկանում հիշեցնել հենց նրանց վերաբերող որոշ օրենսդրական կարգավորումների և երաշխիքների մասին, որոնք կարևոր է իմանալ և կիրառել։ Առաջինը հայրության արձակուրդն է։ Աշխատող հայրերը երեխայի ծնվելուց հետո՝ 30 օրվա ընթացքում, իրավունք ունեն օգտվելու 5 աշխատանքային օր տևողությամբ արձակուրդից։ Բացի այդ, մինչև երեք տարեկան երեխայի խնամքի կազմակերպման հարցում կարգավորումներ են նախատեսված նաև հայրերի համար։ Այո՛, ոչ միայն մայրը կարող է օգտվել երեխայի խնամքի արձակուրդից, այլև հայրը՝ խնամքի արձակուրդը վերցնելով ամբողջությամբ կամ մաս առ մաս։ Այսօր նաև Ազգային ժողովի կողմից 1-ին ընթերցմամբ ընդունվեց Աշխատանքային օրենսգրքում փոփոխությունների նախագիծը, որով կսահմանվի «ծնողական ժամ» եզրույթը։ Այն աշխատող ծնողներին հնարավորություն կտա օրական մինչև 30 րոպե կամ 1 ժամ (կախված երեխաների քանակից) բացակայել աշխատանքից՝ պահպանելով աշխատավարձը։ Սիրելի՛ հայրեր, ևս մեկ անգամ շնորհավորում եմ ձեր օրը՝ մաղթելով առողջություն և ամենայն բարիք։

📢 Հունիսի 17-ին Հայաստանում նշվում է Հայրերի օրը։ ✅ ԱՍՀ նախարարության աշխատանքի և զբաղվածության վարչության պետ Ժորա Սարգսյանը «Արմենպրես»-ում կազմակերպված մամուլի ասուլիսի ընթացքում խոսել է հայրության արձակուրդից օգտվելու ընթացակարգի, օրենսդրական կարգավորումների և առկա վիճակագրական պատկերի մասին։ 📌 Հղում՝ https://www.youtube.com/watch?v=NEy1KCxpqms

📌 Ավելի շատ կանայք՝ այն սեղանի շուրջ, որտեղ կայացվում են որոշումներ. Վերջին տարիներին աճել է կանանց ներգրավվածությունը պետական կառավարման, խորհրդարանական և տեղական ինքնակառավարման մարմիններում։ 🔻 Այս փոփոխությանն էականորեն նպաստել է ՀՀ Կառավարության գենդերային հավասարության երաշխավորման քաղաքականությունը, որը միտված է հանրային կյանքում իրավունքների և հնարավորությունների հավասար իրացմանը։ Թվերն ու փաստերը՝ գրաֆիկական պատկերներում:

📢 Հուլիսի 1-ից ընտանիքների անապահովության գնահատման նոր համակարգը կներդրվի հանրապետության ամբողջ տարածքում․ ԱՍՀ նախարարի տեղակալ Լուսինե Քոչարյանն «Արմենպրես»-ում կազմակերպված մամուլի ասուլիսի ընթացքում խոսել է Կոտայքի և Սյունիքի մարզերում համակարգի փորձնական կիրառման արդյունքների, գնահատման նոր չափորոշիչների և այլ մանրամասների մասին։ 📌 Հղում՝ https://www.youtube.com/watch?v=feLvbX7wm0c

🏡 «Կարևոր է, որ հավաստագրով կարողացել ենք տուն ձեռք բերել, ծրագիրն իր արդյունքը տվել է»,- Ղարաբաղից տեղահանված ընտանիքները պատմում են ՀՀ քաղաքացիություն ստանալու, բնակապահովման ծրագրի շրջանակում հավաստագիր ստանալու և տուն ընտրելու գործընթացի մասին: https://www.youtube.com/watch?v=hVz24-H_92s