Աշխատանքի և բարեկեցության նախարարություն

📢 Աշխատանքի և բարեկեցության նախարար Արսեն Թորոսյանը մասնակցում է ԱԺ «Քաղաքացիական պայմանագիր» խմբակցության նախաձեռնությամբ կազմակերպված Ղարաբաղից տեղահանված անձանց խնդիրների վերաբերյալ աշխատանքային քննարկմանը։ https://www.youtube.com/live/CWDuSZY5e-4

📢 Աշխատանքի և բարեկեցության նախարարությունը հայտարարում է մրցույթ՝ հասարակական դիտորդների խմբի կազմում անդամ ընդգրկելու նպատակով։ Հասարակական դիտորդների խումբը մշտադիտարկում է իրականացնում շուրջօրյա խնամք տրամադրող կազմակերպություններում՝ խնամք ստացող անձանց իրավունքների պաշտպանության և դրանց պահպանման նկատմամբ հասարակական վերահսկողություն ապահովելու նպատակով։ 📌 Խմբի անդամներն աշխատում են հասարակական հիմունքներով և ընտրվում են 3 տարի ժամկետով։ Խմբի անդամ կարող են դառնալ 21 տարին լրացած, հայերենին տիրապետող անձինք, որոնք ներկայացվում են երեխաների, տարեցների կամ հաշմանդամություն ունեցող անձանց հիմնահարցերի ոլորտում առնվազն 2 տարվա մասնագիտական փորձ ունեցող հասարակական կազմակերպության կողմից։ Հայտերը կարող են ներկայացվել առձեռն, էլեկտրոնային եղանակով կամ փոստով։ 📎 Մրցույթի ամբողջական պայմաններին, անհրաժեշտ փաստաթղթերի ցանկին և հայտերի ներկայացման կարգին կարող եք ծանոթանալ հետևյալ հղմամբ՝ https://welfare.gov.am/articles/announcements/announcement

👧 ՄԱԿ-ի Գլխավոր ասամբլեայի որոշմամբ հոկտեմբերի 11-ը նշվում է որպես Աղջիկ երեխաների միջազգային օր։ Նպատակն է ուշադրություն հրավիրել աղջիկների իրավունքների պաշտպանությանը, նրանց համար հավասար հնարավորությունների ապահովմանը, խտրականության, բռնության, վաղ ամուսնությունների և սեռով պայմանավորված հղիության արհեստական ընդհատումների կանխարգելմանը։ 🔻 Օրվա շրջանակում մի խումբ երեխաներ այցելել են Աշխատանքի և բարեկեցության նախարարություն, խոսել հավասար հնարավորությունների, իրենց իրավունքների ու երազանքների մասին։ #Աղջկաուժը #Աղջիկերեխաներիմիջազգայինօր #Հավասարհնարավորություններ #InternationalDayOfTheGirlChild #GirlPower #GirlsRights https://youtu.be/MOH8oum8dgg?si=4T_Bxk_lV3ASLnsf

📌ՀՀ աշխատանքի և բարեկեցության նախարարին կից հասարակական խորհրդի նիստ․ ՈՒՂԻՂ https://www.youtube.com/live/Kg_qCK9aHzo

📢 Կառավարության այսօրվա որոշմամբ՝ ևս 500 մլն դրամ կհատկացվի Երեխա ունեցող ընտանիքների բնակապահովման պետական աջակցության ծրագրի իրականացման համար։ 2026 թ. հոկտեմբերի 1-ի դրությամբ ծրագրի շրջանակում արդեն իսկ աջակցություն է ստացել 2425 շահառու, որոնց վճարվել է շուրջ 2,1 մլրդ դրամ։ ℹ️ Հիշեցնենք, որ ծրագրի շրջանակում միանվագ դրամական աջակցություն է տրամադրվում՝ 📌 երեխա ունեցող ընտանիքին մարզային բնակավայրերում բնակարան ձեռք բերելու կամ բնակելի տուն կառուցելու դեպքում, 📌 հիփոթեքային վարկ մարող ընտանիքում երեխա ծնվելու դեպքում։ Միաժամանակ e-draft.am իրավական ակտերի նախագծերի հրապարակման միասնական կայքում հանրային քննարկման է ներկայացվել Կառավարության որոշման նախագիծ, որով առաջարկվում է Երեխա ունեցող ընտանիքների բնակապահովման ծրագրի շրջանակում երեխայի ծննդով պայմանավորված հիփոթեքային վարկի մարման աջակցության բաղադրիչի ժամկետը երկարաձգել մինչև 2031 թ․ դեկտեմբերի 31-ը, իսկ աջակցության չափը սահմանել 1 մլն դրամ՝ անկախ երեխայի կարգաթվից և հիփոթեքային վարկի մնացորդային մայր գումարի չափից։ 📎 Նախագծի վերաբերյալ կարծիքներ և առաջարկներ կարող եք ներկայացնել հետևյալ հղմամբ՝ https://e-draft.am/projects/10679

📌 Ի՞նչ փոփոխություններ և հնարավորություններ են նախատեսվում 2027թ․ հունվարի 1-ից` սոցփաթեթի ծրագրի ավարտից հետո. Աշխատանքի և բարեկեցության նախարարության աշխատանքային իրավունքի քաղաքականության վարչության պետի պարտականությունները կատարող Լուսինե Հարությունյանը, Առողջության ապահովագրության հիմնադրամի տնօրենի ԺՊ Հայկ Բաբայանը և ԿԳՄՍ նախարարության հանրակրթության և արտադպրոցական ծրագրերի մշակման և իրականացման բաժնի պետ Սուսաննա Ազատյանն Արմենպրեսում կազմակերպված մամուլի ասուլիսի ընթացքում խոսել են նախատեսվող փոփոխությունների մասին։ 📎 Հղում՝ https://www.youtube.com/watch?v=8VAA64SsgCY&t=1s

📢 ԶԼՄ-ների հարգելի՛ գործընկերներ, Աշխատանքի և բարեկեցության նախարարության նախաձեռնությամբ և ՄԱԿ-ի մանկական հիմնադրամի (ՅՈՒՆԻՍԵՖ) աջակցությամբ՝ հոկտեմբերի 12-14-ը կանցկացվի վերապատրաստման եռօրյա դասընթաց։ Դասընթացի շրջանակում կներկայացվեն սոցիալական պաշտպանության ոլորտում իրականացվող և նախատեսվող բարեփոխումները, այդ թվում՝ ժողովրդագրական իրավիճակի բարելավման, աղքատության հաղթահարման, զբաղվածության ապահովման ուղղություններով սահմանված առաջնահերթություններն ու իրականացվող աշխատանքները։ Անդրադարձ կկատարվի նաև խոցելի խմբերի հիմնահարցերին առնչվող լուսաբանման էթիկական սկզբունքներին և առանձնահատկություններին: 🔻 Դասընթացը տեղի կունենա «Բարեկեցության տեղեկատվական համակարգերի ձեռնարկություն» հիմնադրամի գրասենյակում՝ ք. Երևան, Կարապետ Ուլնեցի 68։ 📅 Դասընթացի մասնակիցների թիվը սահմանափակ է․ խնդրում ենք գրանցվել մինչև հոկտեմբերի 9-ը ներառյալ՝ հետևյալ հղմամբ՝ https://docs.google.com/forms/d/e/1FAIpQLScZvw96MbZXIgsyAdGaT0Iktl8HNxMdbbra775dXgI5IKxD7A/viewform ✅ Դասընթացը հաջողությամբ ավարտած մասնակիցներին կտրամադրվեն հավաստագրեր։ Դասընթացին գրանցված մասնակիցները կստանան վերապատրաստման օրակարգը և բանախոսների մասին հավելյալ տեղեկատվություն։ Վերապատրաստումն իրականացվում է Եվրոպական միության ֆինանսական աջակցությամբ:

🇦🇲 Նախագահական նստավայրում նախագահ Վահագն Խաչատուրյանի և վարչապետ Նիկոլ Փաշինյանի ներկայությամբ տեղի է ունեցել ՀՀ Կառավարության անդամների երդմնակալության արարողությունը:

🎭 Տարեցների միջազգային օրը բեմում. Երևանի տարեցների և հաշմանդամություն ունեցող անձանց շուրջօրյա խնամքի կենտրոնի «Տարմանի» թատերախմբի մասնակցությամբ կայացավ «Թումանյանին սպասելիս» կատակերգությունը 📎 Հղում https://youtu.be/L7SPyGm6d28?si=h2FU9IJMWScYF-Bu

📢 2027 թ․ հունվարի 1-ից նախատեսվում է թաղման նպաստ տրամադրել միայն սոցիալապես անապահով ընտանիքներին՝ ընտանիքի անդամի մահվան կապակցությամբ․ նախատեսվում է բարձրացնել նաև կենսաթոշակների չափերն՝ ըստ տեսակների։ Աշխատանքի և բարեկեցության նախարարության կենսաթոշակային ապահովության և այլ վճարների քաղաքականության վարչության պետ Անահիտ Գալստյանը «Արմենպրես»-ում կազմակերպված մամուլի ասուլիսի ընթացքում խոսել է նախատեսվող փոփոխությունների մասին։ 📌 Ասուլիսի հղումը՝ https://www.youtube.com/watch?v=s-QJ9n43iTI 📎 Նախագծերը հանրային քննարկման են ներկայացվել իրավական ակտերի նախագծերի հրապարակման միասնական՝ e-draft.am հարթակում․ կարծիքներ ու առաջարկներ կարող եք ներկայացնել հետևյալ հղումներով՝ https://e-draft.am/projects/10697 և https://e-draft.am/projects/10699

😊 Առողջ ժպիտ՝ ցանկացած տարիքում․ Աշխատանքի և բարեկեցության նախարարության ենթակայությամբ գործող խնամքի հաստատությունների բնակիչներին հասանելի են նաև ատամնաբուժական անվճար ծառայություններ։ https://www.youtube.com/watch?v=0SawzcTL_Ng

📌 Աշխատանքի և բարեկեցության նախարար Արսեն Թորոսյանի ճեպազրույցը․ ՈՒՂԻՂ https://youtu.be/kSNVQ2Qf-Kk

📌 Հոկտեմբերի 1-ը Հայաստանում ընտանեկան բռնության դեմ պայքարի օրն է: Աշխատանքի և բարեկեցության նախարարությունը կարևորում է քաղհասարակության հետ շարունակական և ամուր համագործակցությունը ընտանեկան բռնության դեմ պայքարի օրենսդրության բարելավման, բռնության ենթարկված անձանց անհրաժեշտ ծառայությունների ընդլայնման և խնդրի վերաբերյալ հանրության իրազեկվածության բարձրացման ուղղություններով։ https://youtu.be/ODNXn7CWd-Q

📢 Աշխատանքի և բարեկեցության նախարարության կողմից e-draft.am իրավական ակտերի նախագծերի հրապարակման միասնական կայքում հանրային քննարկման է ներկայացվել Կառավարության որոշման նախագիծ, որով առաջարկվում է Երեխա ունեցող ընտանիքների բնակապահովման ծրագրի շրջանակում երեխայի ծննդով պայմանավորված հիփոթեքային վարկի մարման աջակցության բաղադրիչի ժամկետը երկարաձգել մինչև 2031 թ․ դեկտեմբերի 31-ը։ Միաժամանակ, նախատեսվում է ծրագրում կատարել որոշակի փոփոխություններ՝ ✅ աջակցության չափը սահմանել 1 մլն դրամ՝ անկախ երեխայի կարգաթվից և հիփոթեքային վարկի մնացորդային մայր գումարի չափից, ✅ ընտանիքի՝ այլ գույք չունենալու պայմանն առավել նպատակային կիրառելու համար, պայմանի ստուգումն իրականացնել դիմելու օրվա դրությամբ վերջին 12 ամիսների կտրվածքով, որպեսզի բացառվեն գույքի պայմանական օտարումները, ✅ անշարժ գույքի արժեքի սահմանաչափն անկախ երեխայի կարգաթվից սահմանել 40 մլն դրամ՝ հաշվի առնելով անշարժ գույքի շուկայում տեղի ունեցած գնաճը, ✅ հաշվի չառնել դիմելու օրվա դրությամբ 12 ամիս մարումների առկայությունը և հնարավորություն տալ շահառուներին երեխայի ծնվելուց հետո՝ մինչև նրա 1 տարին լրանալը դիմել և ստանալ աջակցությունը։ 📎 Նախագծի վերաբերյալ կարծիքներ և առաջարկներ կարող եք ներկայացնել հետևյալ հղմամբ՝ https://e-draft.am/projects/10679

📌 Ինչպե՞ս դիմել երեխայի ծննդյան 500,000 դրամ միանվագ նպաստը ստանալու համար. քայլերը` կից ներկայացվող տեսանյութում:

🇦🇲 🇬🇪 Աշխատանքի և բարեկեցության նախարար Արսեն Թորոսյանը հանդիպում է ունեցել աշխատանքային այցով Հայաստանում գտնվող Վրաստանի օկուպացված տարածքներից ներքին տեղահանված անձանց, աշխատանքի, առողջապահության և սոցիալական հարցերի նախարար Միխեիլ Սարջվելաձեի հետ։ Հանդիպման ընթացքում քննարկվել են երկկողմ հետաքրքրություն ներկայացնող մի շարք հարցեր, այդ թվում՝ կենսաթոշակային ապահովության, անձի ֆունկցիոնալության գնահատման և սոցիալական ծառայությունների թվայնացման ուղղություններով համագործակցության զարգացման վերաբերյալ: Ընդգծվել է երկու երկրների միջև հաստատված բարեկամական հարաբերությունների և արդյունավետ երկխոսության կարևորությունը․ դիտարկվել են նաև փոխադարձ այցերի կազմակերպման և լավագույն փորձի փոխանակման հնարավորությունները։

📢 Կառավարությունն այսօրվա նիստում հաստատել է «Որդեգրման և որդեգրման վերահսկողության իրականացման կարգերը» հաստատելու մասին որոշման նախագիծը, համաձայն որի՝ Հայաստանում երեխաների որդեգրման գործընթացն այսուհետ կիրականացվի միջազգային չափորոշիչներին համապատասխան և կբխի երեխայի լավագույն շահերից։ Ըստ այդմ, կստեղծվի մեկ միասնական շտեմարան, որտեղ կներառվեն ինչպես որդեգրման ենթակա երեխաների, այնպես էլ երեխա որդեգրել ցանկացող անձանց տվյալները։ 📌 Երեխայի և որդեգրել ցանկացող անձի համադրման գործընթացը կիրականացվի երկու փուլով։ Համադրման տեխնիկական փուլը կկազմակերպվի մարզպետերի աշխատակազմերի կամ Երևանի քաղաքապետարանի կողմից՝ որդեգրման ենթակա երեխայի և որդեգրել ցանկացող անձի միջև: Մասնագիտական փուլը կիրականացնի աշխատակազմին կից գործող երեխայի պաշտպանության բազմամասնագիտական խորհուրդը։ Որոշմամբ կվերանայվի նաև որդեգրման համար ներկայացվող փաստաթղթերի շրջանակը, ինչպես նաև կսահմանվեն գործընթացի գաղտնիքի վերաբերյալ կարգավորումներ։ Կամրագրվի նաև որդեգրման վերահսկողության կարգը, որը կիրականացվի մասնագիտացված սոցիալական աշխատողի կողմից։ 📅 Որոշումը ուժի մեջ կմտնի 2028 թ․ հունվարի 1-ից Արարատի մարզում, իսկ 2029 թ․ հունվարի 1-ից՝ ՀՀ ամբողջ տարածքում։

📌 Աշխատանքի և բարեկեցության նախարար Արսեն Թորոսյանն այսօր մասնակցել է Երևանի պետական համալսարանի նախաձեռնությամբ կազմակերպված «ԲանՈՒԳործ. ԵՊՀ էքսպո-2026» ամենամյա միջոցառմանը։ ԵՊՀ ռեկտոր Հովհաննես Հովհաննիսյանի ուղեկցությամբ նախարար Թորոսյանը շրջայց է կատարել տաղավարներում, զրուցել ուսանողների, աշխատանք փնտրող անձանց և գործատուների հետ, հետաքրքրվել ներկայացված ծրագրերով և նախաձեռնություններով։ ✅ Իր ելույթում նախարար Թորոսյանը կարևորել է նման նախաձեռնությունների անցկացումը՝ ընդգծելով կրթության դերը անձի զբաղվածության և բարեկեցության ապահովման գործում։

📢 Հարգելի՛ քաղաքացիներ, եթե փնտրում եք աշխատանք, ապա կարող եք ծանոթանալ Երևանում և մարզերում առկա թափուր աշխատատեղերին՝ առցանց եղանակով՝ e-work.am հարթակի միջոցով։ Գործատուները ևս կարող են հրապարակել իրենց կազմակերպություններում առկա թափուր հաստիքների վերաբերյալ հայտարարություններ և գտնել պահանջվող մասնագիտական որակներին համապատասխան աշխատակից։ 📌 Հարթակում գրանցման ուղեցույցներին կարող եք ծանոթանալ հետևյալ հղումներով՝ ✅ Աշխատանք փնտրողների համար՝ https://www.youtube.com/watch?v=WbXVSjiX9Tg&t=6s ✅ Գործատուների համար՝ https://www.youtube.com/watch?v=g2TgAWKvchY

🇦🇲 Հայաստան, իմ չքնաղ․ ՀՀ անկախության 35-րդ ամյակի առթիվ կատարում են Խարբերդի մասնագիտացված խնամքի տան բնակիչները ❤️ https://youtu.be/IeE_-p2Ht5w?si=hFuQG2ZbozPn0pMb