Botahtaung Scout Channel

လှည်းတန်း ခုံးဆင်းမှတ်တိုင်အနီးတွင် စစ်မှုထမ်းပြန်ပေးသမားများ ညဦးပိုင်းအချိန် စောင့်ဖမ်းနေ 27 Oct 2026 By Ko Myo/ MPA ရန်ကုန်မြို့၊ ကမာရွတ်မြို့နယ်အတွင်းရှိ လှည်းတန်းခုံးဆင်းမှတ်တိုင်အနီးတွင် ညဦီးပိုင်းအချိန်၌ အမြဲ မပြတ် စစ်မှုထမ်းအတွက် ပြန်ပေးဆွဲဖမ်းဆီးနေကြောင်း သိရသည်။ လှည်းတန်းမီးရထားခုံးကျော်တံတားအဆင်းရှိ ခုံးဆင်းမှတ်တိုင်၌ ဆင်မလိုက်ရဲစခန်းမှ ရဲများနှင့် ရပ် ကွက်အုပ်ချုပ်ရေးမှူးနှင့် လက်ပါးစေတို့က ညဦးပိုင်း လျှပ်စစ်မီးပြတ်တောက်ချိန်တွင် အလစ်ချောင်း နေကာ ကားစောင့်နေသည့်လူငယ်များအား ပြန်ပေးဆွဲ ဖမ်းဆီးနေခြင်းဖြစ်ကြောင်း ယင်းအနီးနေ အ သက်၅၀ကျော်အရွယ်ရှိ အမျိုးသားတစ်ဦးက ဆိုသည်။ သတင်းအပြည့်အစုံ ဖတ်ရှုရန် >>> https://mpanews.info/headline/13974/

အယ်လ်နီညိုနဲ့အတူ နိုဝင်ဘာလရဲ့ မိုးလေဝသ အခြေအနေ ဘယ်လိုရှိမလဲ နိုဝင်ဘာလအတွက် မိုးလေဝသနဲ့ ရာသီဥတု ခန့်မှန်းချက် CJ Platform လာမယ့် နိုဝင်ဘာလအတွက် တလတာ မိုးလေဝသနဲ့ ရာသီဥတုခန့်မှန်းချက်ကို တင်ဆက်ပေးသွားပါမယ်။နိုဝင်ဘာလမှာ မြန်မာနိုင်ငံတစ်ဝန်း မိုးရွာသွန်းမှု လျော့နည်းလာနိုင်ပြီး ဆောင်းရာသီရဲ့ အအေးဓာတ်ကို ပိုမိုခံစားလာရနိုင်ပါတယ်။ ဒါပေမဲ့ ဒေသအလိုက် မိုးရေချိန်နဲ့ အပူချိန် ကွာခြားနိုင်တာကြောင့် တောင်သူတွေနဲ့ ပြည်သူတွေအနေနဲ့ ရာသီဥတုအခြေအနေတွေကို ဆက်လက်စောင့်ကြည့်ဖို့ လိုအပ်ပါတယ်။ အမေရိကန် အမျိုးသားသမုဒ္ဒရာနဲ့ လေထုစီမံခန့်ခွဲရေးဌာန NOAA ရဲ့ ခန့်မှန်းချက်တွေအရ အီကွေတာပစိဖိတ်သမုဒ္ဒရာမှာ အယ်လ်နီညိုအခြေအနေ ဆက်လက်အားကောင်းနေနိုင်ပြီး ၂၀၂၇ ခုနှစ် မတ်လအထိ ဆက်လက်တည်ရှိနိုင်ခြေ မြင့်မားနေပါတယ်။ အိန္ဒိယသမုဒ္ဒရာရဲ့ အပူချိန်ကွာခြားမှုကို ဖော်ပြတဲ့ Indian Ocean Dipole (IOD) ကတော့ ပုံမှန်အခြေအနေမှာ ရှိနေနိုင်ပါတယ်။မိုးတိမ်ဖြစ်ထွန်းမှုနဲ့ မိုးရွာသွန်းမှုကို သက်ရောက်စေတဲ့ အပူပိုင်းလေထုလှိုင်း MJO ကလည်း နိုဝင်ဘာလဆန်းပိုင်းမှာ အားလျော့လာနိုင်တယ်လို့ NOAA ရဲ့ ခန့်မှန်းချက်တွေမှာ ဖော်ပြထားပါတယ်။ #CJPlatform #နိုဝင်ဘာမိုးလေဝသ #တစ်လတာမိ

သီတင်းကျွတ် နရီစည်းဝါး - မြမိုး #အယ်ဒီတာ့အာဘော် #ဗမာသူပုန်

ဒေါပုံနှင့် သာကေတမြို့နယ်အကြား နယ်နိမိတ်မျဉ်းကြောင်းတစ်ခုဖြစ်သည့် မင်းနန္ဒာလမ်း ဘေးဘယ်ညာသည် သာမန် ဒုစရိုက် နယ်မြေတစ်ခု သက်သက်မဟုတ်ဘဲ စစ်တပ်နှင့်ရဲများက နောက်ကွယ်မှ ပံ့ပိုးပေးနေသည့် ဒုစရိုက်နယ်မြေ တစ်ခုသာမက ပြည်သူလူထုကို မထင်ရင် မထင်သလို ပေါ်တာဆွဲရာ စားကျက်တစ်ခု ဖြစ်လာသည်။ ဒေါပုံမြို့နယ်၊ ဗိုလ်ထွန်းစံရပ်ကွက်နှင့် ဝက်စုမှတ်တိုင် ပတ်ဝန်းကျင်တွင်မူ ရဲကို လိုင်းကြေးပေးပြီး ဩဇာတည်ဆောက်ထားသူ လူမိုက်ခေါင်းဆောင် “ဦးကရင်” (ခေါ်) “ကရင်မ” ဆိုသူက အဓိကလွှမ်းမိုး ထားသည်။ ဦးကရင်သည် ရန်ကုန်မြို့နယ်အလိုက် သီးခြားစီ ကွန်ရက်ဖွဲ့ထားသည့် ဒုစရိုက်ဂိုဏ်းများထဲမှ တစ်ခုကို ဦးစီးနေသူဖြစ်ပြီး သာကေတမှ ဝင်းထွဋ်ဝင်းအဖွဲ့အပါအဝင် နယ်မြေခံ လူမိုက်ကွန်ရက်များနှင့်လည်း အချိတ်အဆက်ရှိသူဖြစ်သည်။ ၎င်းသည် ရပ်ကွက်အတွင်း ဒုစရိုက်လုပ်ငန်းမျိုးစုံနှင့် ပတ်သက် ဆက်နွယ်နေပြီး ဖုန်းသူခိုးများ၊ ခါးပိုက်နှိုက် လုယက်သူများနှင့် မူးယစ်ဆေးစွဲနေသည့် ဆေးသမားများကို အုပ်စုဖွဲ့၍ စနစ်တကျ မွေးမြူထားသူ ဖြစ်သည်။ ယင်းအပြင် ဦးကရင်၏ မိသားစုဝင်များကပါ ဒုစရိုက်လုပ်ငန်းများတွင် အလိုတူအလိုပါ ပါဝင်ပတ်သက်နေကြပြီး ၎င်း၏ ညီမဖြစ်သူမှာလည်း ရပ်ကွက်အတွင်း နှစ်လုံး၊ သုံးလုံး တရားမဝင် လောင်းကစားနံပါတ်ပေးပြီး ဘွားတော်၊ မယ်တော်တစ်ဦးကဲ့သို့ ပြုမူနေသူဖြစ်သည်။ ဦးကရင်နှင့် ၎င်း၏ လက်အောက်ခံ ဒုစရိုက်အဖွဲ့သည် ရပ်ကွက်အတွင်း တရားမဝင် လုပ်ငန်းများကို ပေါ်ပေါ်ထင်ထင် ဗဟိုပြုလုပ်ဆောင်နေကြသည်။ ၎င်းတို့၏ ကြက်ဝိုင်းနှင့် ဒုစရိုက်စခန်းသည် ဒေါပုံမြို့နယ်၊ ဗိုလ်ဗထူးလမ်းအဆုံးရှိ ဂိုဒေါင်ဝင်းကြီးအတွင်း ခြင်းဝိုင်းအဖြစ် ကျူးကျော်ဆောက်လုပ်ထားသည့် နေရာတွင် တည်ရှိသည်။ အဆိုပါနေရာသည် လောင်းကစားရုံ ဖြစ်ရုံမျှမက ခိုးရာပါပစ္စည်းများကို ပြန်လည်ဆက်ကြေးတောင်းသည့် နေရာလည်း ဖြစ်သည်။ “ကျွန်တော်တို့ ဖုန်းအခိုးခံရလို့ လိုက်သွားတာကို ဗိုလ်ထွန်းစံမှာ ချိန်းပြီး သိန်းနဲ့ချီပေးပြီး ပြန်ရွေးခဲ့ရတယ်။ မပေးနိုင်ရင် ပြန်လို့ မရဘူးဆိုပြီး အနိုင်ကျင့်တာ” ဟု ကိုယ်တွေ့ကြုံရသူတစ်ဦးက ပြောသ်ည။ ဒုစရိုက်အဖွဲ့များသည် ခိုးယူ၊ လုယက်လာသည့် ဖုန်းများကို လက်ခံဝယ်ယူ၍ အပြင်သို့ ပြန်ရောင်းစားခြင်း သို့မဟုတ် ပိုင်ရှင်များထံမှ ငွေကြေးအမြတ်ထုတ်၍ ပြန်ရွေးခိုင်းခြင်းများကို လုပ်ဆောင်နေကြသည်။ ထို့အပြင် ယင်းနယ်မြေအတွင်း မူးယစ်ဆေးဝါး ရောင်းဝယ်မှုများမှာ အလွန်ကြီးမားနေသော်လည်း ရဲနှင့် ပူးပေါင်း၍ တရားခံအစစ်များကို အကာအကွယ်ပေးထားကြသည်။ မူးယစ်ဆေး ရောင်းသူ အဓိက ဒိုင်ကို ဖမ်းဆီးတော့မည်ဆိုပါက ရဲတပ်ဖွဲ့ထံ လူစားထိုးတစ်ဦးကို ထည့်ပေးကာ ညှိနှိုင်းလွတ်မြောက်စေသည့် နည်းလမ်းများကိုပါ သုံးစွဲနေကြသည်။ မူးယစ်ဆေးဝါး ကြောင့် ဖြစ်ပေါ်လာသည့် ရာဇဝတ်မှုများကြောင့် ပြည်သူများမှာ အသက်အန္တရာယ်ပါ စိုးရိမ်နေကြရသည်။ “လူတိုင်းက ခါးကြားမှာ ဓါးထိုးထားတယ်”ဟု ဒေသခံတစ်ဦးက ဆိုသည်။ ပြီးခဲ့သည့်ရက်ပိုင်းက ဗိုလ်ထွန်းစံရပ်ကွက်အတွင်း မူးယစ်ဆေးကြောင်နေသူ လူမိုက်တစ်ဦးက အိမ်ပေါ်အထိ တက်ရောက်ကာ လူငယ်တစ်ဦးကို ဓားဖြင့် ထိုးနှက်ခဲ့သည့် ဖြစ်စဉ် ဖြစ်ပွားခဲ့သည်။ ယင်းဖြစ်စဉ်အပြီးတွင် ကျူးလွန်သည့် လူမိုက်များ၏ လက်စားချေမှုနှင့် ခြိမ်းခြောက်မှုကို ကြောက်ရွံ့သဖြင့် အဆိုပါ လူငယ်၏ မိသားစုမှာ ရပ်ကွက်အတွင်း မနေရဲတော့ဘဲ အိမ်စွန့်ခွာ ပြောင်းရွှေ့ပြေးခဲ့ကြရသည်။ “သူတို့အကြောင်း ပြောရင် ပြန်သိသွားရင် မနီးမဝေး မိသားစုတွေ မနေရတော့ဘူး။ သူတို့ လူမိုက်ချင်းချင်း ဖုန်းဆက် ချိတ်ဆက်ပြီး လိုက်သတ်တာ” ဟု အန္တရာယ်ကြောင့် အမည်မဖော်လိုသည့် ဒေသခံတစ်ဦးက ရင်ဖွင့်သည်။

ကရင်မကြီး ခြင်းကွင်းကို ဗဟိုပြုနေတဲ့ ဒေါပုံ ဗိုလ်ထွန်းစံက မူးယစ်ဆေး၊ လောင်းကစားနဲ့ ဒုစရိုက်ကွန်ရက် Democratic Press | ၂၀၂၆ အောက်တိုဘာ ၂၅ ရန်ကုန်မြို့၊ ဒေါပုံမြို့နယ် Fortune Plaza အနီးရှိ မင်းနန္ဒာလမ်းမကြီးပေါ်မှ ဝက်စုမှတ်တိုင်။ ယင်းမှတစ်ဆင့် ဗိုလ်ထွန်းစံရပ်ကွက်ထဲဝင်သွားပြီး ပုစွန်တောင်ချောင်း ကမ်းနားတစ်လျှောက်၊ တံတားလေးအနီး အပါအဝင် ရပ်ကွက်အတွင်း လမ်းကြိုလမ်းကြားများကို ဖြတ်သန်းသွားပါက မြို့ပြဥပဒေစိုးမိုးမှု လုံးဝကင်းမဲ့နေသည့် ရုပ်ပုံလွှာတစ်ခုကို ပီပြင်စွာ မြင်တွေ့ရမည်ဖြစ်သည်။ လေ့လာစောင့်ကြည့်မှုများအရ နေဝင်ရီတရောအချိန်များတွင် သာမန်ပြည်သူများ၊ ဈေးသွားဈေးလာများပင် မဖြတ်ရဲသလောက်အထိ အခြေအနေမှာ စိုးရိမ်စရာဖြစ်နေပြီး၊ လမ်းတိုင်းလိုလို၌ တရားမဝင် ဖဲဝိုင်းများ၊ မူးယစ်ဆေးဝါး ရောင်းဝယ်ဖောက်ကားသူများနှင့် ဆေးစွဲနေသူများဖြင့် ပြည့်နှက်နေသည်။ “တစ်ရပ်ကွက်လုံး လမ်းတိုင်းလိုလိုမှာ ဖဲဝိုင်းတွေ၊ မူးယစ်ဆေး ရောင်းတဲ့သူတွေချည်းပဲ။ အခုဆို ကလေးရော လူကြီးရော ဒါတွေချည်းပဲ လုပ်နေကြတာ။ တံတားလေးနားက ပိုဆိုးတယ်။ ဈေးသွားဈေးလာတောင် မဖြတ်ရဲသလောက်ပဲ” ဟု ဒေါပုံမြို့ တစ်ဦးက Democratic Press သို့ ပြောပြသည်။

ကျောက်တံတား * - ဗိုလ်အောင်ကျော်လမ်း One stop mart အတွင်း မီးခိုးများထွက်နေ - ရဲကား ၁ စီး ရောက်နေကာ အတွင်းစည်း ဝါချထား၊ ဝန်ထမ်းများ လမ်းမပေါ်ထွက်ခိုင်းထားခဲ့ * 3:15 PM (Delayed) သတင်းပေးပို့ရန် @Bo1000_Informer

🖥 ရန်ကုန် တပတ်တာ အခြေအနေ •••••••••••••••®••••••••••••••• ပြီးခဲ့သည့် ရက်သတ္တပတ် [Oct 19 - 25, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၁၁ ခု ခွဲ၍ ဖော်ပြထားသည်။ ▪️အဖမ်းအဆီးဖြစ်စဉ်များ

· ပြီးခဲ့သည့် သီတင်းပတ်ထဲ သိရှိခဲ့ရသည့် အဖမ်းအဆီးဖြစ်စဉ်များကို အောက်တွင် ဖော်ပြထားသည်။ · အောက်တိုဘာလ ၂၄ ရက်နေ့ ည ၁၀ နာရီခွဲခန့်တွင် အရှေ့ဒဂုံမြို့နယ် ၄ ရပ်ကွက်ထဲ ဧည့်စစ်ဝင်ပြီး ယောကျ်ားလေး ၂ ဦးကို ကားပေါ်ဆွဲတင်ဖမ်းခေါ်သွားကြောင်း သတင်းရရှိသည်။ (Source: RSN) · အောက်တိုဘာ ၁၈ ရက်နေ့ ည ၈ နာရီခန့်တွင် လှည်းကူးလမ်းဆုံအနီး ကွမ်းယာဆိုင်၌ ကွမ်းယာဝယ်နေသူ အမျိုးသား ၂ ဦး (အသက် ၃၅ နှစ်ခန့်) ကို ဖမ်းခေါ်သွားကြောင်း သိရှိရသည်။ (Source: RSN) · အောက်တိုဘာလ ၁၇ ရက်နေ့တွင် မြောက်ဥက္ကလာမြို့နယ်၊ ရွှေပေါက္ကံ ၁၁ ရပ်ကွက်နေ ယောကျ်ားလေး ၁ ဦးကို မူးပြီး သောင်းကျန်းနေလို့ဆိုကာ အုပ်ကြီးအဖွဲ့က ရဲခေါ်ဖမ်းခိုင်းပြီး စစ်မှုထမ်းခိုင်းလိုက်ကြောင်း သိရှိရသည်။ (Source: RSG) · အောက်တိုဘာလ ၁၅ ရက်နေ့ဝန်းကျင်တွင် တောင်မြောက်လမ်းဆုံအနီး ရှိနေသည့် အသက် ၃၀ ကျော်အရွယ် အမျိုးသား ၁ ဦးကို သိမ်းငှက်အဖွဲ့က လိုက်ထရပ်ကားပေါ် ဆွဲတင်ဖမ်းခေါ်ပြီးနောက် ပိုက်ဆံများ လုယူသည့်အပြင် အိမ်ကိုပါ ပိုက်ဆံတောင်း ရွေးခိုင်းခဲ့ကြောင်း သိရှိရသည်။ ထို့ပြင် တောင်ဒဂုံမြို့နယ် ၈၈ ရပ်ကွက်နေ လူငယ် ၁ ဦးကိုလည်း သိမ်းငှက်အဖွဲ့က ဖမ်းဆီးသွား၍ မိသားစုက ကျပ်သိန်း ၃၀ ဖြင့် ပြန်ရွေးထုတ်ခဲ့ရသည်။ (Source: Ayeyarwaddy Times) · မေလ ၈ ရက်နေ့တွင် ရန်ကုန်မြို့ထဲ ပေါ်တာဆွဲခံရပြီး စစ်မှုထမ်းခဲ့ရသူ လူငယ် ၁ ဦး ပြီးခဲ့သည့်အပတ်ထဲ အာရက္ခတပ်တော် AA ထံ လက်နက်ချ အလင်းဝင်ခဲ့သည်။ (Source: Khit Thit)

———— ▪️စစ်မှုထမ်းသင်တန်းဆင်း

· အောက်တိုဘာ ၂၃ ရက်နေ့တွင် စစ်မှုထမ်းသင်တန်း အမှတ်စဉ် ၂၇ သင်တန်းဆင်းကြောင်း အကြမ်းဖက်စစ်တပ်မှ သတင်းထုတ်ပြန်ထားသည်။ တိုက်ကြီးမြို့နယ်၊ တတက ၁ (ဂျိုးဖြူ) ၌ သင်တန်းသား ၄၀၃ ဦး ဆင်းခဲ့သည်ဟု ဆိုသည်။

———— ▪️ဧည့်စစ်လူရှာဖြစ်စဉ်များ

· ပြီးခဲ့သည့် သီတင်းပတ်အတွင်း ဧည့်စစ်လူရှာဖြစ်စဉ်များအနက် စမ်းချောင်းနှင့် အရှေ့ဒဂုံမြို့နယ်တို့ထဲ ဝင်သွားခဲ့သည်ကို သိရှိခဲ့ရသည်။

———— ▪️စားအုန်းဆီကို ၁ လ ၁ ကြိမ်သာ ပေးဖို့လုပ်

· ရန်ကုန်တွင် စားအုန်းဆီ ထုတ်ပေးမှုကို နိုဝင်ဘာလမှစ၍ ၁ လ ၁ ကြိမ်သာ ပေးတော့မည်ဖြစ်ကြောင်း DVB မှ သိရှိရသည်။ သန်းခေါင်စာရင်းနှင့် ဧည့်စာရင်းပါ လူဦးရေအတိုင်း ပေးမည်ဖြစ်ပြီး တဦးလျှင် ၅၀ ကျပ်သားနှုန်း ပေးမည်ဟုဆိုသည်။

———— ▪️အထည်ချုပ်စက်ရုံများပိတ်

· ယခုလပိုင်းထဲ အထည်ချုပ်စက်ရုံ ၄ ရုံထက်မနည်း ပိတ်သိမ်းဖို့ ရှိနေပြီး အလုပ်အကိုင်နေရာ ၁ သောင်းဝန်းကျင် ဆုံးရှုံးရဖို့ ရှိသည်ဟု MICS-TUsF အဖွဲ့မှ ပြောဆိုထားကြောင်း သိရှိရသည်။ မှော်ဘီ၊ ရွှေပြည်သာ၊ လှိုင်သာယာ နှင့် မင်္ဂလာဒုံမြို့နယ်တို့ရှိ အထည်ချုပ်စက်ရုံ ၄ ရုံနှင့်အထက် အောက်တိုဘာလထဲ ပိတ်သိမ်းဖို့ပြင်နေခြင်းဖြစ်သည်။ ပြည်ပအော်ဒါမရရှိခြင်းကို အဓိကအကြောင်းပြထားကြောင်းလည်း သိရသည်။

———— ▪️ဒေါ်လာငွေလဲကောင်တာအများစု ပိတ်

· အမေရိကန်ဒေါ်လာဈေးများ မြင့်တက်၍ နာမည်ကြီးအရောင်းအဝယ်သမားများကို အကြမ်းဖက်စစ်တပ်က လိုက်လံဖမ်းဆီးပြီးနောက် ဒေါ်လာငွေလဲကောင်တာအများစု အရောင်းအဝယ်ရပ်ထားကြောင်း DVB မှ သိရှိရသည်။ ကွင်းဆင်းစစ်ဆေးမှုများနှင့် အသွင်ယူဖမ်းဆီးမှုများ ရှိနိုင်သောကြောင့် ပိတ်ထားကြခြင်းဖြစ်သည်။

———— ▪️ရထားဘူတာများအနီး မူးယစ်ဆေးသုံးသူ များပြား

· ရန်ကုန်မြို့ပတ်ရထားဘူတာများနှင့် ရထားသံလမ်းများအနီး မူးယစ်ဆေးသုံးစွဲသူ အများအပြားဖြစ်နေကြောင်း DVB မှ သိရှိရသည်။ ညနေပိုင်းနှင့် ညပိုင်း လူပြတ်ချိန်များတွင် ရန်ကုန်ဘူတာကြီး၊ ကြည့်မြင်တိုင်၊ လှည်းတန်း၊ ကမာရွတ်၊ အင်းစိန် စသည့်ဘူတာများတွင် မူးယစ်ဆေးစွဲနေသူအများအပြား ဆေးလာသုံးလေ့ရှိကြသည်။ WY (ရာဘ) ၊ ဆေးခြောက်၊ ဘိန်း စသဖြင့် အမျိုးအစားအစုံ သုံးစွဲနေကြသည်ဟု ဆိုသည်။ အနီးအနားရှိ လူနေအိမ်များထဲဝင်ပြီး ပစ္စည်းခိုးယူမှုများလည်း ရှိကြောင်း သိရသည်။

———— ▪️စစ်တပ် သားသမီးများကို နိုင်ငံခြားလေ့လာရေးခရီးပို့

· အကြမ်းဖက်စစ်တပ်၏ တပ်မိသားစုနှင့် စစ်မှုထမ်းဟောင်း သားသမီးများထဲမှ ၂၀၂၅-၂၆ တက္ကသိုလ်ဝင်စာမေးပွဲအောင်ခဲ့သူများအနက် ၂၅ ယောက် ကို အောက်တိုဘာလ ၂၀ ရက်နေ့တွင် ဗီယက်နမ်နိုင်ငံသို့ လေ့လာရေးခရီးပို့လိုက်ကြောင်း စစ်တပ်မှ သတင်းထုတ်ပြန်ထားသည်။ ကျောင်းသား/သူ ၁၆ ယောက်၊ လူရည်ချွန် ၇ ယောက်၊ ဂုဏ်ထူးဖြင့် အောင်သည့် စစ်သည် ၂ ယောက်၊ ကျောင်းအုပ်ကြီး ၁ ယောက်၊ အုပ်ချုပ်ရေးအဖွဲ့ဝင် ၄ ယောက်တို့ပါသည်ဟု ဆိုသည်။

———— ▪️လေတပ် သက်ကြီးပူဇော်ပွဲလုပ်

· အကြမ်းဖက်စစ်တပ်၏ ၈ ကြိမ်မြောက် လေတပ်မိသားစု သက်ကြီးပူဇော်ပွဲကို အောက်တိုဘာလ ၂၁ ရက်နေ့တွင် မြဝတီမီဒီယာစင်တာ၌ လုပ်ခဲ့ကြောင်း သတင်းထုတ်ပြန်ထားသည်။ အသက် ၁၀၂ နှစ် ဗိုလ်ချုပ်ဟောင်းအပါအဝင် အခြားအငြိမ်းစား လေတပ်ရာထူးကြီးများလာခဲ့သည်ဟု သိရသည်။

———— ▪️စင်တင်ဖျော်ဖြေရေးလုပ်ငန်းရှင်များကို ခေါ်သတိပေး

· ရန်ကုန်တိုင်းရှိ KTV ၊ စင်တင်ဘား၊ DJ ဘား စသည့် ဖျော်ဖြေရေးလုပ်ငန်း ပိုင်ရှင်များကို စစ်ကောင်စီ ရန်ကုန်ဝန်ကြီးချုပ်က အစည်းအဝေးခေါ်ပြီး သတိပေးခဲ့ကြောင်း BBC မှ သိရှိရသည်။ မူးယစ်ဆေး ရောင်းဝယ် သုံးစွဲမှု မရှိဖို့၊ ည ၁၁ နာရီထိသာဖွင့်ဖို့ စသဖြင့် ပြောဆိုခဲ့သည်ဟု ဆိုသည်။ ရန်ကုန်တိုင်းအတွင်း ၂၀၂၆ ခုနှစ် မေလ ၁ ရက်နေ့မှစပြီး ကာရာအိုကေလုပ်ငန်း လိုင်စင်အသစ်များ ထုတ်မပေးခဲ့တော့ဟု စစ်တပ်က ဆိုထားခဲ့ဖူးကြောင်းလည်း သိရသည်။

———— ▪️စပါးစိုက်ကွင်းများထဲ ကြွက်များကျရောက်ပြီး ဖျက်ဆီးနေ

· တွံတေး၊ ကော့မှူး၊ ကွမ်းခြံကုန်းနှင့် ဒလဘက်ရှိ စပါးစိုက်ကွင်းများတွင် ကြွက်ကျရောက်ဖျက်ဆီးမှုများ စတင်ကြုံတွေ့နေရကြောင်း DVB မှ သိရှိရသည်။ လက်ရှိချိန်ထိ မည်သည့်အကူအညီမှ မရပဲ ကိုယ့်နည်းကိုယ့်ဟန်ဖြင့်သာ ဖြေရှင်းနေကြရသည်ဟု သိရသည်။

26 Oct 2026 #RangoonScoutNetwork #YGN_weekly

၂၆.၁၀.၂၀၂၆ ရက်နေ့၊ ၁၄ ၂၁ အချိန်ခန့်၊ ရန်ကုန်တိုင်းဒေသကြီး၊ ကျောက်တံတားမြို့နယ်၊ ဆိပ်ကမ်းသာလမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် ကျောက်တံတားမြို့နယ်မီးသတ်စခန်းနှင့် ပုဇွန်တောင်မြို့နယ်မီးသတ်စခန်းတို့မှ မီးသတ်ယာဉ်များ ထွက်ခွာငြှိမ်းသတ်လျက်ရှိပါသည်။ MFSD

"သီတင်းကျွတ်လပြည့်နေ့ (အဘိဓမ္မာအခါတော်‌နေ့)" 🙏 မင်္ဂလာပါ အိမ်အိမ်‌‌လေးရဲ့ သူငယ်ချင်းတို့ရေ ဒီကနေ့ဟာဆိုရင် ဗုဒ္ဓဘာသာဝင်တွေက လေးနက်စွာနဲ့ အဘိဓမ္မာအခါတော်နေ့ လို့ သတ်မှတ်ထားတဲ့ "သီတင်းကျွတ်လပြည့်နေ့" ပဲ ဖြစ်ပါတယ်။ မြတ်စွာဘုရားရှင်ဟာ သန္တုသိတ နတ်သား (မယ်တော်မိနတ်သား) ရှိတဲ့ တာဝတိံသာနတ်ပြည်သို့ သွားကာ ဝါတွင်းသုံးလ ကာလပတ်လုံး အဘိဓမ္မာတရားတော်များ ဟောကြားတော်မူပြီး လူ့ပြည်ကို မြတ်စွာဘုရားရှင် ပြန်လည်ဆင်းသက်လာခြင်းကို ကြိုဆိုပူ‌ဇော်တဲ့အနေနဲ့ ဗုဒ္ဓဘာသာဝင်တို့က ဆီမီးထိန်ထိန်ငြီးအောင် ထွန်းညှိပူဇော်ကြိုဆိုကြပါတယ်။ ဒါကြောင့် သီတင်းကျွတ်လပြည့်နေ့ (အဘိဓမ္မာအခါတော်နေ့) ဟာ အလင်းသို့ ရောက်ရှိလာခြင်း၊‌ကျေးဇူးဆပ်ခြင်း၊ကုသိုလ်‌ကောင်းမှုပြုလုပ်ခြင်းနဲ့ ပြန်လည်ဆုံစည်းခြင်း တို့ကို ကိုယ်စားပြုတဲ့ အဓိပ္ပာယ်လည်း သက်ရောက်နေပါတယ်။ အိမ်အိမ်တို့သူငယ်ချင်းတွေလည်း "သီတင်းကျွတ်လပြည့်"နေ့မှာ ဆီမီးထိန်ထိန်လင်းအောင် ပူဇော်ပြီး နွေဦးတော်လှန်ရေးအတွက် ဝေးကွာနေကြရတဲ့ ချစ်ခင်ကြရသူတွေ အမြန်ဆုံး ဆုံစည်းနိုင်ကြပါစေ ၊ အားလုံးရဲ့ အနာဂတ်ဟာ တရားမျှတမှုနဲ့ လူ့ဂုဏ်သိက္ခာ ပြည့်ဝစွာ လင်းလက်တောက်ပနိုင်ပါစေလို့ ဆုတောင်းကြရင်း အတူရုန်းထကြမယ်နော် 🙏🙏🙏

ပန်းဘဲတန်း * ရခ DC ၁ စီး နောက်ခန်းအလွတ် ရွှေဘုံသာလမ်းအတိုင်း အနော်ရထာလမ်းပွိုင့်ဘက်မှ မဟာဗန္ဓုလလမ်းပွိုင့်ဘက်ဦးတည်မောင်းသွားခဲ့ * 7:47 AM (Delayed) သတင်းပေးပို့ရန် @Bo1000_Informer

India Meteorological Department (IMD) မှ ၂၀၂၆ အောက်တိုဘာ ၂၅ ရက်၊ အိန္ဒိယစံတော်ချိန် နံနက် ၀၅:၃၀ နာရီ (မြန်မာစံတော်ချိန် နံနက် ၆:၀၀ နာရီ) တိုင်းထွာချက်အရ ထုတ်ပြန်ထားသော ဘင်္ဂလားပင်လယ်အော်အတွင်း ဖြစ်ပေါ်နေသည့် မုန်တိုင်းငယ် (Depression) သတင်းနှင့် ပတ်သက်သည့် အသေးစိတ် အချက်အလက်များမှာ အောက်ပါအတိုင်း ဖြစ်ပါသည် - (အောက်တိုဘာ ၂၅ ရက် နံနက် ၁၁ နာရီတွင် ရေးသားပြီးစီးသည်) ===== ၁။ မုန်တိုင်းငယ်၏ လက်ရှိတည်နေရာ (Current Location) 🌀 ဗဟိုချက် တည်နေရာ - မြောက်လတ္တီတွဒ် ၁၅.၃° နှင့် အရှေ့လောင်ဂျီတွဒ် ၉၁.၂° အနီး (ဘင်္ဂလားပင်လယ်အော် အရှေ့အလယ်ပိုင်းနှင့် ယင်းနှင့်ဆက်စပ်နေသော အရှေ့တောင်ပိုင်း) တွင် တည်ရှိပါသည်။ 🌀 ရွေ့လျားမှု - လွန်ခဲ့သော ၆ နာရီအတွင်း တောင်-အရှေ့တောင်ဘက်သို့ တစ်နာရီလျှင် ၅ ကီလိုမီတာ နှုန်းဖြင့် ဖြည်းညှင်းစွာ ရွေ့လျားခဲ့ပါသည်။ 🌀 အကွာအဝေး အညွှန်းများ - ကပ္ပလီပင်လယ်ကျွန်း (Sri Vijaya Puram) ၏ မြောက်-အနောက်မြောက်ဘက် ၄၄၀ ကီလိုမီတာ ခန့်၊ အိန္ဒိယနိုင်ငံ၊ Visakhapatnam ၏ အရှေ့-အရှေ့တောင်ဘက် ၈၈၀ ကီလိုမီတာ ခန့်၊ Kakinada ၏ အရှေ့-အရှေ့တောင်ဘက် ၉၈၀ ကီလိုမီတာ ခန့်၊ Machilipatnam ၏ အရှေ့ဘက် ၁၀၈၀ ကီလိုမီတာ ခန့်၊ Bapatla ၏ အရှေ့ဘက် ၁၁၅၀ ကီလိုမီတာခန့် အကွာတွင် တည်ရှိပါသည်။   ၂။ လမ်းကြောင်းနှင့် အားကောင်းလာမှု ခန့်မှန်းချက် (Forecast Track & Intensity) 🌀 အောက်တိုဘာ ၂၅ ရက် (ယနေ့) - တောင်ဘက်သို့ နီးပါး ဆက်လက်ရွေ့လျားပြီး အားကောင်းသော မုန်တိုင်းငယ် (Deep Depression) အဖြစ်သို့ ပိုမိုအားကောင်းလာကာ အနောက်-အနောက်မြောက်ဘက်သို့ တဖြည်းဖြည်း ကွေ့ဝိုက်ရွေ့လျားမည်။ 🌀 အောက်တိုဘာ ၂၆ ရက် (နံနက်ပိုင်း) - ဘင်္ဂလားပင်လယ်အော် အရှေ့အလယ်ပိုင်းနှင့် အနောက်အလယ်ပိုင်းတွင် ဆိုင်ကလုန်းမုန်တိုင်း (Cyclonic Storm) အဖြစ်သို့ ရောက်ရှိမည်။ 🌀 အောက်တိုဘာ ၂၇ ရက် (နံနက်ပိုင်း) - ဘင်္ဂလားပင်လယ်အော် အနောက်အလယ်ပိုင်းတွင် အားကောင်းသော ဆိုင်ကလုန်းမုန်တိုင်း (Severe Cyclonic Storm) အဖြစ်သို့ ပိုမိုအားကောင်းလာမည်။ 🌀 အောက်တိုဘာ ၂၈ ရက် (နံနက်ပိုင်း) - အနောက်မြောက်ဘက်သို့ ဆက်လက်ရွေ့လျားပြီး အလွန်အားကောင်းသော ဆိုင်ကလုန်းမုန်တိုင်း (Very Severe Cyclonic Storm) အဖြစ်သို့ ရောက်ရှိကာ အိန္ဒိယနိုင်ငံ၊ အန်ဒရာပရာဒေ့ရှ်ပြည်နယ် (Andhra Pradesh) ကမ်းလွန်သို့ ရောက်ရှိမည်။   ၃။ ကုန်းတွင်းပိုင်း ဖြတ်ကျော်မည့် အခြေအနေ (Landfall Forecast) 🌀 ဖြတ်ကျော်မည့် နေရာ - အန္ဓရဒေသပြည်နယ်နှင့် Yanam ကမ်းရိုးတန်း (Bapatla နှင့် Visakhapatnam မြို့များကြား) ကို ဖြတ်ကျော်မည်ဟု ခန့်မှန်းရပါသည်။ 🌀 ဖြတ်ကျော်မည့် အချိန် - အောက်တိုဘာ ၂၈ ရက်၊ မွန်းလွဲပိုင်းမတိုင်မီ (Forenoon) တွင် ဖြတ်ကျော်မည်ဖြစ်ပါသည်။ 🌀 ဖြတ်ကျော်စဉ် လေတိုက်နှုန်း - အလွန်အားကောင်းသော ဆိုင်ကလုန်းမုန်တိုင်းအဖြစ် တစ်နာရီလျှင် ၁၁၅ - ၁၂၅ ကီလိုမီတာ (တနာရီ မိုင် ၇၀ မှ ၇၈ မိုင်) ရှိနိုင်ပြီး၊ လေပြင်းတိုက်ခတ်စဉ် တစ်နာရီလျှင် ၁၄၀ ကီလိုမီတာ (တနာရီ ၈၇ မိုင်) အထိ တိုက်ခတ်နိုင်ပါသည်။ 💦 အိန္ဒိယမိုးလေဝသဌာန (IMD) ၏ မုန်တိုင်းလမ်းကြောင်းခန့်မှန်းချက်များ နှင့် METEOBLUE ICON Model ၏ နေ့စဉ်မိုးရေချိန်ပြမြေပုံများ (အောက်တိုဘာ ၂၅ ရက် မှ ၃၁ ရက်) ကို အခြေခံ၍ မြန်မာနိုင်ငံ ဒေသအသီးသီးတွင် ရွာသွန်းနိုင်သည့် နေ့စဉ်နှင့် စုစုပေါင်း ခန့်မှန်းမိုးရေချိန် (မီလီမီတာ) များကို ဇယားဖြင့် အသေးစိတ် ဖော်ပြပေးထားပါသည်။ ဇယားပုံတွင်ကြည့်ပါ။ သုံးသပ်ချက်နှင့် အဓိက အချက်အလက်များ ၁။ မုန်တိုင်း၏ လမ်းကြောင်းနှင့် အကျိုးသက်ရောက်မှု - IMD ၏ သတိပေးချက်များအရ မုန်တိုင်းငယ်သည် ဘင်္ဂလားပင်လယ်အော်အတွင်း အနောက်-အနောက်မြောက်ဘက် အိန္ဒိယနိုင်ငံ ကမ်းရိုးတန်း (Andhra Pradesh) ဘက်သို့ ဦးတည်ရွေ့လျားပြီး အလွန်အားကောင်းသော ဆိုင်ကလုန်းမုန်တိုင်း (VSCS) အဖြစ် အိန္ဒိယသို့ ဝင်ရောက်မည်ဖြစ်ပါသည်။ သို့သော် မုန်တိုင်း၏ ပြင်ပတိမ်တိုက်များ (Outer convective bands) နှင့် ဘင်္ဂလားပင်လယ်အော်မှ ဝင်ရောက်လာသည့် ရေငွေ့ပါသော လေပူအစိုဓာတ်များကြောင့် မြန်မာနိုင်ငံအထက်ပိုင်းနှင့် တောင်တန်းဒေသများတွင် မိုးရွာသွန်းမှုများ ဆက်လက်ဖြစ်ပေါ်စေမည်ဖြစ်ပါသည်။   ၂။ မိုးရွာသွန်းမှု ပုံစံ - 🌦⛈ အောက်တိုဘာ ၂၅ - ၂၇ ရက် - ရှမ်းပြည်နယ် (တောင်ပိုင်း/မြောက်ပိုင်း/အရှေ့ပိုင်း)၊ မန္တလေးတိုင်း၊ ပဲခူးတိုင်း၊ ရခိုင်ပြည်နယ် နှင့် မြန်မာနိုင်ငံ အောက်ပိုင်းဒေသများတွင် မိုးအားကောင်းမည်ဖြစ်ပြီး၊ အောက်တိုဘာ ၂၆ ရက်တွင် မိုးအများဆုံး ရွာသွန်းနိုင်ပါသည်။ 🌦⛈ အောက်တိုဘာ ၂၈ - ၃၁ ရက် - မုန်တိုင်း အိန္ဒိယသို့ ကုန်းတွင်းပိုင်းဝင်ရောက်ပြီးနောက် အကြွင်းအကျန် တိမ်တိုက်များသည် မြန်မာနိုင်ငံ မြောက်ပိုင်းနှင့် အနောက်မြောက်ပိုင်း (စစ်ကိုင်းတိုင်း အထက်ပိုင်း၊ ကချင်ပြည်နယ်နှင့် ချင်းပြည်နယ်) ဒေသများသို့ ကွေ့ဝိုက်ဝင်ရောက်မည်ဖြစ်၍ အဆိုပါဒေသများတွင် ရက်သတ္တပတ်ကုန်အထိ မိုးဆက်လက်ရွာသွန်းနိုင်ပါသည်။

ရန်ကုန်မြို့တွင် ပေါ်တာဆွဲဖမ်းဆီးမှုများ များပြားနေချိန် လူငယ်များ ဆက်တိုက် ပျောက်ဆုံးနေ ရန်ကုန်၊ အောက်တိုဘာ ၂၄ ရန်ကုန်မြို့တွင် ပေါ်တာဆွဲဖမ်းဆီးမှုများ များပြားနေချိန် လူငယ်များ ဆက်တိုက် ပျောက်ဆုံးနေပြီး အဆက်အသွယ် ပြတ်တောက်နေကြောင်း ပျောက်ဆုံးသူများ၏ မိသားစုဝင်များနှင့် ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ အောက်တိုဘာလ ၂၁ ရက်နေ့ မွန်းလွဲ ၁ နာရီဝန်းကျင်ခန့်တွင် မင်္ဂလာဒုံမြို့နယ်၊ ပုလဲမြို့သစ်မှ ကိုဝေဇင်အောင် သည် Smart Card နှင့် Passport ပြုလုပ်ရန် စုံစမ်းလို၍ ဗဟန်း ၃ လမ်းဘက်မှ ကန်တော်ကြီးဘက်ခြမ်းရှိ လဝကရုံးသို့ သွားရောက်စုံစမ်းခဲ့ကြောင်း သိရှိရသည်။ ထို့နောက် YBS ယာဉ်လိုင်း ၁၁၆ ဖြင့် မင်္ဂလာဒုံ၊ အမှတ် (၃) လမ်းမ၊ တရားရုံးရှေ့မှတ်တိုင်သို့ ဆင်းကာ အနီးရှိ ရုံးများတွင် Smart Card လုပ်၍ရမရ ဆက်လက်စုံစမ်းမည်ဟု ပြောဆိုပြီးနောက် အဆက်အသွယ်ပြတ်တောက်သွားခဲ့ကြောင်း ၊ လက်ရှိအချိန်အထိလည်း ဖုန်းစက်ပိတ်ထားပြီး ကိုဝေဇင်အောင် နေအိမ်သို့ ပြန်မရောက်သေးကြောင်း သိရှိရသည်။ ပျောက်ဆုံးနေသော ကိုဝေဇင်အောင်သည် ရေစကြိုမြို့နယ်၊ သာစည်ကျေးရွာ ဇာတိဖြစ်ပြီး ရန်ကုန်သို့ ရောက်ရှိလာသည်မှာ ၄ ရက်သာ ရှိသေးပြီး မင်္ဂလာဒုံမြို့နယ်၊ ပုလဲမြို့သစ်၊ ပေါင်းကူးဥာဏရပ်ကွက်တွင် လတ်တလော နေထိုင်နေခြင်းဖြစ်ကြောင်း သိရသည်။ အလားတူ ဒဂုံဆိပ်ကမ်းမြို့နယ်၊ ယုဇနဥယျာဉ်မြို့တော်၊ ၉၄ ရပ်ကွက် တိုက် ၁၁ တွင် နေထိုင်သော ကိုပြည့်ဖြိုးအောင်သည်လည်း ပျောက်ဆုံးနေကြောင်း သိရသည်။ အောက်တိုဘာလ ၁၈ ရက်နေ့ နံနက် ၈ နာရီ ၂၃ မိနစ်ခန့်တွင် ကိုပြည့်ဖြိုးအောင်သည် သူငယ်ချင်းများနှင့် သွားရောက် တွေ့ဆုံမည်ဟုဆိုကာ နေအိမ်မှ ထွက်သွားပြီးနောက် အဆက်အသွယ်ပြတ်တောက်နေခြင်းဖြစ်ကြောင်း၊ ထို့ပြင် လက်ရှိချိန်ထိလည်း အဆက်အသွယ်မရသေးဘဲ ဖုန်းကိုလည်း စက်ပိတ်ထားကြောင်း သိရှိရသည်။ ထို့အတူ အောက်တိုဘာလ ၁၇ ရက်နေ့ ည ၁၂ နာရီခန့်တွင် ကိုဇွန်နိုးသည် ရန်ကုန်မြို့၊ ဗဟန်းမြို့နယ်၊ ရွှေဂုံတိုင် ၃ လမ်းရှိ The Concierge Bar မှ နေအိမ်သို့ ပြန်လာစဉ် ဦးဝိစာရလမ်းရှိ Denko ဓာတ်ဆီဆိုင်ရှေ့မှ ကားလမ်းကူးကာ Probox တက္ကစီတစ်စီးကို ငှားရမ်းစီးနင်းပြီးနောက် ပျောက်ဆုံးသွားခြင်းဖြစ်ကြောင်း သိရသည်။ ပျောက်ဆုံးနေသော ကိုဇွန်နိုးကို မိသားစုဝင်များက ရဲစခန်းတွင် လူပျောက်တိုင်ကြားထားသော်လည်း လက်ရှိချိန်ထိ အဆက်အသွယ်မရသေးဘဲ ပျောက်ဆုံးနေဆဲဖြစ်ကြောင်း သိရှိရသည်။ ရန်ကုန်မြို့တွင် စစ်မှုထမ်း အပတ်စဥ် ၃၀ အတွက် စစ်မှုထမ်းတာဝန်ထမ်းဆောင်ရန် လူငယ်များကို ရပ်ကွက်အုပ်ချုပ်ရေးအဖွဲ့များက ဆင့်ခေါ်မှုများနှင့်အတူ ပေါ်တာဆွဲ ဖမ်းဆီးမှုများလည်း ဆက်တိုက်ဆိုသလို မြင့်တက်နေကြောင်း ရန်ကုန်မြို့မှ တော်လှန်ရေး ကင်းထောက်သတင်းရင်းမြစ်များထံမှ သိရှိရသည်။

🆕 DAILY HIGHLIGHTS (19-23 OCT 2026) •••••••••••••••®••••••••••••••• 💥 စစ်ရေးထူးခြားသတင်းများ

RCSS နှင့် စစ်တပ်အကြား တိုက်ပွဲဖြစ်ပွား – KT

———— 🟢 နိုင်ငံခြားရေးထူးခြားသတင်းများ

မြန်မာ့သဘာ၀ဓာတ်ငွေ့နဲ့ ရေအားလျှပ်စစ်စီမံကိန်းတွေမှာ ရင်းနှီးမြှုပ်နှံမှု တိုးဖို့ ထိုင်းဆွေးနွေး – BBC မြန်မာကနေ တရုတ်ကိုပို့တဲ့မြေရှားပမာဏ တန်ချိန် ထောင်ချီမြင့်တက် – BBC

———— 💵 စီးပွားရေးထူးခြားသတင်းများ

ဈေးနှုန်းမတည်မငြိမ်မှုဖြစ်အောင် သတင်း ဖြန့်ဝေသူများကို အရေးယူမည်ဟု ခြိမ်းခြောက် ကြေညာ – KT

———— ⌛ ရာထူးကြီးအပြောင်းအရွှေ့

ပြစ်ချက်များရှိနေသော တိုင်းနှင့်ပြည်နယ် ၇ ခု၏ လုံ/နယ်ဝန်ကြီးတချို့အပါအဝင် ဗိုလ်မှူးကြီး ၇ ဦးကို အပြောင်းအလဲလုပ် – KT

———— 🚩 စစ်မှုထမ်းသတင်း

ရာပြည့် နေပြည်တော်စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌ ဖြစ်လာပြီး တင်းကြပ် – KT

———— ➕ အခြားထူးခြားသတင်းများ

ဒေါ်အောင်ဆန်းစုကြည်ကို ချားလ်စ်ဘုရင်ပေးတဲ့စာအုပ်တွေ သွားပို့ခဲ့တယ်လို့ ဆို – BBC ငါးနှစ်ကျော်အတွင်း မိခင်ဖြစ်သူ ဒေါ်အောင်ဆန်းစုကြည်နှင့် စကားပြောခွင့်ရဟု ကင်အဲရစ်ဆို – MPA

#RangoonScoutNetwork

မနက်ဖြန် အောက်တိုဘာ ၂၄ ရက် စနေနေ့အတွက် မိုးလေဝသခန့်မှန်းချက် CJ Platform မနက်ဖြန် အောက်တိုဘာ ၂၄ ရက်၊ စနေနေ့အတွက် မြန်မာနိုင်ငံရဲ့ ဒေသအသီးသီးမှာ ဖြစ်ပေါ်လာနိုင်တဲ့ မိုးလေဝသခန့်မှန်းချက်တွေကို ပြောပြသွားပါတော့မယ်။ ဘင်္ဂလားပင်လယ်အော်မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ မုန်တိုင်းငယ်အဖြစ် အားကောင်းလာနိုင်တယ်လို့ မိုးဇလက ခန့်မှန်းထားပါတယ်။ လာမယ့်ရက်ပိုင်းအတွင်း မြန်မာနိုင်ငံရဲ့ အနောက်ပိုင်းဒေသတွေနဲ့ ကမ်းရိုးတန်းတစ်လျှောက်မှာ မိုးရွာသွန်းမှုနဲ့ လေပြင်းတိုက်ခတ်မှုတွေကို သတိပြုဖို့ လိုအပ်ပါတယ်။ မိုးဇလရဲ့ ထုတ်ပြန်ချက်အရ ဘင်္ဂလားပင်လယ်အော် အရှေ့တောင်ပိုင်းနဲ့ အရှေ့အလယ်ပိုင်းတို့မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ အောက်တိုဘာ ၂၄ ရက်မှာ မုန်တိုင်းငယ်အဖြစ် အားကောင်းလာနိုင်ပြီး အနောက်-အနောက်မြောက်ဘက်ကို ရွေ့လျားနိုင်ပါတယ်။ #CJPlatform #မိုးလေဝသခန့်မှန်းချက် #ဘင်္ဂလားပင်လယ်အော် #မုန်တိုင်းသတိပြု #အပူဒဏ်သတိပြု Youtube တွင်ကြည့်ရှုရန်>>https://youtu.be/6EE_M_OgV-0

ဒေါ်အောင်ဆန်းစုကြည်၏ လက်အရွတ်ရောင်ရောဂါ မိသားစုဆရာဝန်ဖြင့် ကုခွင့်ရဖို့ သားဖြစ်သူ မျှော်လင့် ဧရာဝတီ၊ အောက်တိုဘာ ၂၃၊ ၂၀၂၆ ဒေါ်အောင်ဆန်းစုကြည်သည် ကျန်းကျန်းမာမာနှင့် စိတ်ဓာတ်ကြံ့ခိုင်နေဆဲဖြစ်သော်လည်း အသက် ၈၁ နှစ်အရွယ် ရှိနေပြီဖြစ်သလို အရွတ်ရောင်ရမ်းသည့်ရောဂါရှိပြီး တခါတရံလက်တဖက်မှာ အသုံးပြု၍ မရနိုင်သည်အထိ ဖြစ်တတ်၍ ကျန်းမာရေးအတွက် စိုးရိမ်မိကြောင်း၊ စစ်ဆေးဆရာဝန်များထက် မိသားစု ဆရာဝန်ဖြင့် ကျန်းမာရေးစောင့်ရှောက်မှု ရလိုကြောင်းလည်း ကင်မ်အဲရစ်က RFA နှင့် အင်တာဗျူးတွင် ပြောသည်။ ယမန်နေ့က အာဏာသိမ်းအစိုးရက ဒေါ်အောင်ဆန်းစုကြည်နှင့် သားငယ် ကင်မ်အဲရစ်တို့ကို မိနစ် ၂၀ခန့် ဖုန်းဖြင့် စကားပြောခွင့် ပေးခဲ့ပြီးနောက် ဖုန်းပြောခွင့်ရသည့်အခြေအနေများနှင့် ပတ်သက်၍ RFA က ကင်မ်အဲရစ်ထံသို့ ဆက်သွယ် မေးမြန်းခဲ့ခြင်း ဖြစ်သည်။ မြန်မာ့နိုင်ငံရေး ပဋိပက္ခတွင် တဖက်နှင့် တဖက် စကားပြောဆို ဆွေးနွေးရေးအတွက် ကြားဝင်လုပ်ဆောင်ပေးနိုင်သူ လူနည်းစုထဲတွင် ဒေါ်အောင်ဆန်းစုကြည်လည်းပါဝင်သည့်အတွက် မကြာမီ ပြန်လွှတ်ပေးရန် မျှော်လင့်ကြောင်း ၎င်းက ဆိုသည်။ “မြန်မာနိုင်ငံဟာ ဒီနေရာမှာ ရပ်မနေပဲ အခြားနိုင်ငံတွေနည်းတူ ရှေ့ဆက်ချီတက်သွားဖို့ လိုအပ်နေပါတယ်။ ကျနော့်မေမေဟာ လည်း အဲဒီလုပ် ငန်းစဉ်ရဲ့အစိတ်အပိုင်းတခုအဖြစ် ဆက်ပြီးတော့ ရှိနေဆဲပါ၊ လူတွေဟာ တဦးနဲ့ တဦး စကားပြောဆွေးနွေးဖို့ လိုပါတယ်၊ အဲဒီလိုတဖက်နဲ့တဖက် စကားပြောဆွေးနွေးလာအောင် လုပ်ဆောင်ပေးနိုင်တဲ့ လူနည်းစုထဲမှာ ကျနော့်မေမေ လည်း တဦးအပါအဝင်ဖြစ်ပါတယ်”ဟု ဆိုသည်။ ဒေါ်အောင်ဆန်းစုကြည်အနေဖြင့် ပြင်ပမှ သတင်းများ သိခွင့်ရမည်ဟု မထင်ကြောင်း၊ ဖုန်းပြောခွင့်ရချိန်၌ မိသားစု အရေးများသာ အဓိက ပြောဆိုခဲ့ကြောင်း ၎င်းက ပြောသည်။ “ကျနော်သိထားသလောက်တော့ မေမေ့မှာ ရေဒီယိုလည်း မရှိဘူး၊ ရုပ်မြင်သံကြားလည်း မရှိဘူး၊ သတင်းစာတွေလည်း မရပါဘူး၊ ကျနော်တို့ ဖုန်းပြောဆိုတာကို စောင့်ကြည့်ပြီး အသံဖမ်းထားမယ်ဆိုတာကို သိလို့ တချို့အကဲဆက်တဲ့ အကြောင်းအရာတွေကို ပြောလို့မရခဲ့ပါဘူး၊ မိသားစုကိစ္စတွေကိုပဲ ပြောဖြစ်ခဲ့ကြတာပါ” ဟု ၎င်းက ဆိုသည်။ မြန်မာနိုင်ငံ၏အခြေအနေသည် တိုးတက်မှု တစုံတရာမရသေးဘဲ အာဏာသိမ်း သမ္မတ မင်းအောင်လှိုင်ကို တရားဝင်ဖိတ်ခေါ်ကြိုဆိုခြင်းများ ပြုလုပ်ပြီး တရားဝင်မှု အသိအမှတ်ပြုပေးသည့် တဖက်သတ်လုပ်ရပ်မျိုး မလုပ်သင့်ကြောင်းလည်း ၎င်းက ဆိုသည်။ “အပေးအယူကိစ္စတွေအတွက် လူတွေ ညှိနှိုင်းဆွေးနွေးဖို့လိုအပ်တယ်ဆိုတာ ရှင်းပါတယ်၊ ဒါပေမဲ့ တချိန်တည်းမှာပဲ သူ့တို့ ဘက်က လိုက်နာဆောင်ရွက်တာ ဘာမှမရှိဘဲ စစ်တပ်အာဏာပိုင်တွေနဲ့ အခုလို ပွင့်ပွင့်လင်းလင်း ဆွေးနွေးတွေ့ဆုံ ဆက်ဆံတာတွေ၊ တကယ့်တိုးတက်မှု တစုံတရာမရသေးဘဲ ဦးမင်းအောင်လှိုင်ကို တရားဝင်ဖိတ်ခေါ်ကြိုဆိုတာတွေ လုပ်ပြီးတော့ တရားဝင်မှု အသိအမှတ်ပြုပေးတဲ့တဖက်သတ်လုပ်ရပ်မျိုးကိုတော့ မလုပ်သင့်ဘူးလို့ ကျနော်ထင်ပါတယ်”ဟု ကင်အဲရစ်က ပြောသည်။ #WhatsHappeningInMyanmar #RejectMilitaryCoup

ငါးနှစ်ကျော်အတွင်း မိခင်ဖြစ်သူ ဒေါ်အောင်ဆန်းစုကြည်နှင့် စကားပြောခွင့်ရဟု ကင်အဲရစ်ဆို 22 Oct 2026 By MPA ငါးနှစ်ကျော်ကြာပြီးနောက် မိခင်ဖြစ်သူ ဒေါ်အောင်ဆန်းစုကြည်နှင့် စကားပြောခွင့်ရခဲ့ကြောင်း သားဖြစ်သူ ကိုထိန်လင်း(ခ) ကင်အဲရစ်က ၎င်း၏ လူမှုကွန်ရက် စာမျက်နှာတွင် အသိပေးရေးသားထားသည်။ ယနေ့တွင် မိခင်ဖြစ်သူ၏ အသံကို ပြန်လည်ကြားခွင့်ရခြင်းသည် စကားလုံးများဖြင့် ဖော်ပြ၍မရလောက်အောင် အဓိပ္ပာယ်ရှိကြောင်း ကင်အဲရစ်က ပြောဆိုသည်။ သတင်းအပြည့်အစုံ ဖတ်ရှုရန် >>> https://mpanews.info/headline/13860/

ကျောက်တံတား * ဘဲဥ ၁ ကောင်၊ ဆိုင်ကယ် ၁ စီးနဲ့ ဆူးလေဘုရားလမ်း နဲ့ ကမ်းနားလမ်းထောင့် ဘဲဥရုံမှာ ရှိနေ * 2:50 PM (Delayed) သတင်းပေးပို့ရန် @Bo1000_Informer