Botahtaung Scout Channel

Meteoblue (ICON Model) ၏ ၂၀၂၆ ခုနှစ် စက်တင်ဘာလ ၃၀ ရက်နေ့ နောက်ဆုံးရရှိသော နေ့စဉ်မိုးရေချိန်ပြမြေပုံများ (UPDATE)၊ ထိုင်းမိုးလေဝသဌာန၏ Surface Weather Chart (30 Sep 00 UTC)၊ ဂြိုဟ်တုဓာတ်ပုံ (30 Sep 10.00 am) နှင့် အိန္ဒိယမိုးလေဝသဌာန (IMD) ၏ Tropical Weather Outlook (30th SEP 0000 UTC UPDATE) တို့အရ စက်တင်ဘာလ ၃၀ ရက်မှ အောက်တိုဘာလ ၆ ရက်နေ့အထိ (၇ ရက်အတွင်း) မြန်မာနိုင်ငံအပေါ် သက်ရောက်နိုင်သည့် မိုးလေဝသအခြေအနေ၊ လေဖိအားနည်းရပ်ဝန်းအခြေအနေနှင့် တိုင်းဒေသကြီး/ပြည်နယ်များအလိုက် မိုးရေချိန် ခန့်မှန်းချက်များ - (စက်တင်ဘာ ၃၀ ရက် နံနက် ၁၁ နာရီ UPDATE) ========== ၁။ မြန်မာနိုင်ငံ အနောက်မြောက်ပိုင်းရှိ WELL MARKED LOW PRESSURE AREA အခြေအနေနှင့် လမ်းကြောင်းခန့်မှန်းချက် 📌 WML စနစ်၏ လက်ရှိအခြေအနေနှင့် တည်နေရာ (IMD REPORT) - အိန္ဒိယမိုးလေဝသဌာန (IMD) ၏ စက်တင်ဘာ ၃၀ ရက် 0000 UTC (မြန်မာစံတော်ချိန် နံနက် ၆:၃၀ နာရီ) ထုတ်ပြန်ချက်အရ မြန်မာနိုင်ငံ ကုန်းတွင်းပိုင်းမှ ရွေ့လျားလာသော မုန်တိုင်းငယ်သည် အနောက်မြောက်ဘက်သို့ ဆက်လက်တိုးဝင်ခဲ့ပြီး မြန်မာနိုင်ငံ မြောက်ပိုင်း၊ ဘင်္ဂလားဒေ့ရှ် အရှေ့တောင်ပိုင်း၊ အိန္ဒိယနိုင်ငံ မီဇိုရမ်ပြည်နယ်နှင့် ဘင်္ဂလားပင်လယ်အော် မြောက်ပိုင်း တို့အနီး၌ အားကောင်းသော လေဖိအားနည်းရပ်ဝန်းအဖြစ်သို့ အားလျော့သွားခဲ့ပါသည်။ ဗဟိုအနီး အနည်းဆုံး လေဖိအားမှာ 1006 hPa ရှိပြီး အမြင့်ဆုံး လေတိုက်နှုန်းမှာ တစ်နာရီလျှင်15kt (အရှိန်မြှင့်တိုက်ခတ်ပါက 25kt - တနာရီ ၁၇ မိုင် မှ မိုင် ၃၀ ခန့်) ရှိနေပါသည်။ 📌 ဆက်လက်ရွေ့လျားနိုင်မည့် လမ်းကြောင်း ခန့်မှန်းချက် - အားကောင်းသော လေဖိအားနည်းရပ်ဝန်းသည် မြောက်-အနောက်မြောက်ဘက်သို့ ဆက်လက်ရွေ့လျားပြီး အိန္ဒိယနိုင်ငံ မီဇိုရမ်၊ တြိပူရနှင့် ဘင်္ဂလားဒေ့ရှ် အရှေ့တောင်ပိုင်းဒေသများဆီသို့ ဦးတည်ကာ နောက်ထပ် ၂၄ နာရီအတွင်း လေဖိအားနည်းရပ်ဝန်း LPA အဖြစ်သို့ တဖြည်းဖြည်း အားလျော့ပြီး ပျက်ပြယ်သွားမည် ဖြစ်ပါသည်။   ၂။ ၇ ရက်အတွင်း မြန်မာနိုင်ငံအပေါ် သက်ရောက်နိုင်သည့် မိုးလေဝသ အခြေအနေ (နေ့စဉ် မိုးအား ပြောင်းလဲမှု) 📌 စက်တင်ဘာ ၃၀ ရက် (အနောက်မြောက်ပိုင်း မိုးအရှိန်မြင့်မည့်နေ့): လေဖိအားနည်းစနစ် မြောက်-အနောက်မြောက်ဘက်သို့ ရွေ့လျားသွားသဖြင့် စစ်ကိုင်းတိုင်း အထက်ပိုင်း၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် စစ်ကိုင်းတိုင်း အောက်ပိုင်းတို့တွင် မိုးအတန်အသင့်မှ နေရာကွက်ကျား မိုးကြီးနိုင်ပါသည်။ အောက်မြန်မာနိုင်ငံတွင် မိုးရွာသွန်းမှု သိသိသာသာ လျော့နည်းသွားပါမည်။ 📌 အောက်တိုဘာ ၁ - ၂ ရက် (မိုးအား သိသိသာသာ လျော့နည်းပါးလွှာမည့် ကာလ): လေဖိအားနည်းစနစ် ကုန်းတွင်းပိုင်း၌ ပျက်ပြယ်သွားပြီး မုတ်သုံလေပါ အားလျော့သွားမည်ဖြစ်ရာ မြန်မာနိုင်ငံ တစ်စဉ်လုံးတွင် မိုးရွာသွန်းမှု အလွန်နည်းပါးပြီး လျော့ကျသွားမည် ဖြစ်ပါသည်။ 📌 အောက်တိုဘာ ၃ - ၄ ရက် (မိုးနည်းကာလ ဆက်လက်တည်ရှိခြင်း): စစ်ကိုင်းတိုင်း အထက်ပိုင်းနှင့် ကချင်ပြည်နယ်တို့တွင် မိုးအနည်းငယ်မှ မိုးအသင့်အတင့် ရွာနိုင်သည်မှအပ ကျန်တိုင်းဒေသကြီးနှင့် ပြည်နယ်အများစုတွင် မိုးပြတ်/မိုးပါးနေမည် ဖြစ်ပါသည်။ 📌 အောက်တိုဘာ ၅ - ၆ ရက် (မုတ်သုံဆုတ်ခွာခြင်း မိုးအကူးအပြောင်း): အရှေ့ဘက်မှ လေပွေလှိုင်းတိမ်အချို့ တိုးဝင်လာနိုင်သဖြင့် အထက်မြန်မာနိုင်ငံအရှေ့ပိုင်းနှင့် တောင်ပိုင်းကမ်းရိုးတန်းတို့တွင် နေရာကွက်ကျား မိုးခေတ္တ ပြန်ရနိုင်သော်လည်း မိုးအလွန်ကြီးနိုင်သည့် အခြေအနေ မရှိပါ။ ၄။ တိုင်းဒေသကြီးနှင့် ပြည်နယ်များအလိုက် သဘာဝဘေးအန္တရာယ် သုံးသပ်ချက် ⚠️ စစ်ကိုင်းတိုင်း (အထက်ပိုင်း)၊ ချင်းပြည်နယ် နှင့် ကချင်ပြည်နယ် (အထူးသတိပေးချက်) - စက်တင်ဘာ ၃၀ ရက်နေ့တွင် လေဖိအားနည်းရပ်ဝန်းအရှိန်ကြောင့် စစ်ကိုင်းအထက်ပိုင်း၊ ချင်းနှင့် ကချင်တောင်တန်းများပေါ်၌ မိုးအရှိန်မြင့်မားနေဆဲ ဖြစ်ပါသည်။ တောင်ကျချောင်းရေများ ရုတ်တရက်ကျဆင်းလာနိုင်ခြင်း၊ မြေနိမ့်ပိုင်း စိုက်ပျိုးမြေများ ရေလွှမ်းမိုးခြင်းနှင့် ကုန်းမြင့်လမ်းပိုင်းများတွင် တောင်ပြို/မြေပြိုခြင်းအန္တရာယ်များကို သတိပြုရန် လိုအပ်ပါသည်။ 📌 ဧရာဝတီတိုင်းဒေသကြီး (ငဝန်မြစ်ဝှမ်းနှင့် ရေကြီးရေလွှမ်းဒေသများ): စက်တင်ဘာ ၃၀ ရက်နောက်ပိုင်း မိုးရွာသွန်းမှု သိသိသာသာ ပါးလွှာကျဆင်းသွားမည်ဖြစ်ရာ ငဝန်မြစ်ရေနှင့် စိုက်ပျိုးမြေများ၊ အနိမ့်ပိုင်း ကျေးရွာ/ရပ်ကွက်များအတွင်း ပိတ်မိနေသော ရေများ အရှိန်အဟုန်ဖြင့် ပြန်လည်ကျဆင်းလာမည် ဖြစ်ပါသည်။ 📌 ပဲခူးတိုင်း၊ ရန်ကုန်တိုင်း၊ မွန်/တနင်္သာရီတိုင်း နှင့် ကရင်ပြည်နယ်: အောက်တိုဘာ ၁ ရက်မှစ၍ မုတ်သုံလေရော လေဖိအားနည်းစနစ်ပါ ကွယ်ပျောက်သွားမည်ဖြစ်သဖြင့် မိုးရွာသွန်းမှု ပါးသွားမည်ဖြစ်ပြီး မြို့ပြ ရေဝပ်မှုများနှင့် မြစ်ရေလျံမှု အန္တရာယ်များ လျော့ပါးသွားမည် ဖြစ်ပါသည်။ ပင်လယ်ပြင်တွင်လည်း လှိုင်းအသင့်အတင့်သာ ရှိတော့မည် ဖြစ်ပါသည်။ 📌 ကယားပြည်နယ် မိုးလေဝသအခြေအနေ သုံးသပ်ချက်: အောက်တိုဘာ ၃ ရက်နေ့အထိ မုန်တိုင်းငယ် အားလျော့ ပျက်ပြယ်သွားပြီး မုတ်သုံလေပါ အားလျော့သွားမည်ဖြစ်ရာ ကယားပြည်နယ်အတွင်း မိုးရွာသွန်းမှု ပါးလွှာကျဆင်းပြီး မိုးနည်းနေမည် ဖြစ်ပါသည်။ အောက်တိုဘာ ၄ - ၆ ရက်တွင် အရှေ့ဘက် (ထိုင်းနိုင်ငံ အထက်ပိုင်း) ဘက်မှ အရှေ့လေပွေလှိုင်း အရှိန် တိုးဝင်လာနိုင်သဖြင့် ဖားဆောင်း၊ ဘောလခဲ၊ မဲစဲ့နှင့် ရှားတော အပါအဝင် ကယားပြည်နယ် တောင်ပိုင်းနှင့် အရှေ့ဘက် နယ်စပ်တစ်လျှောက်တွင် နေရာကွက်ကျား မိုးပြန်လည် အသင့်အတင့် ရွာသွန်းနိုင်ပါသည်။

ဗိုလ်တထောင် * ရခ မီးတန်း ၁ စီး မဟာဗန္ဓုလလမ်းအတိုင်း ဆင်းလာကာ ဗိုလ်တထောင်ဘုရားလမ်းမှ ဗိုလ်တထောင် ခွေးစခန်းထဲဝင်သွား * 1:46 PM #RSG သတင်းပေးပို့ရန် @Bo1000_Informer

ဗိုလ်တထောင်၊ ကားဖမ်း * - သိမ်ဖြူလမ်း နဲ့ အနော်ရထာလမ်းထောင့်မီးပွိုင့် - သိမ်ဖြူလမ်း နဲ့ ဗိုလ်ချုပ်လမ်းထောင့်မှာ ခွေးများအစာကောက်နေ * 10:43 AM သတင်းပေးပို့ရန် @Bo1000_Informer

ဗိုလ်တထောင် * စခ DC ၁ စီး ကမ်းနားလမ်းအတိုင်း ဗိုလ်တထောင်ဘုရားလမ်းအတိုင်း ကုန်သည်ဘက် ရှေ့ရှု * 4:50 PM (Delayed) #RSG သတင်းပေးပို့ရန် @Bo1000_Informer

အိန္ဒိယမိုးလေဝသဌာန (IMD) ၏ ၂၀၂၆ ခုနှစ်၊ စက်တင်ဘာလ ၂၉ ရက်၊ UTC 03:00 (မြန်မာစံတော်ချိန် နံနက် ၉:၃၀ နာရီ) ထုတ်ပြန်ချက်နှင့် အောက်ပါ ခန့်မှန်းလမ်းကြောင်းပြမြေပုံအရ မြန်မာနိုင်ငံအတွင်း ဖြတ်သန်းသွားလာနေသည့် လေဖိအားနည်းရပ်ဝန်း (Depression - D) ၏ လမ်းကြောင်းနှင့် ဒေသအလိုက် အခြေအနေ သုံးသပ်ချက် ဖြစ်ပါသည်။ (စက်တင်ဘာ ၂၉ ရက် နေ့လည် ၁၂ နာရီ UPDATE) ======== ၁။ လေဖိအားနည်းရပ်ဝန်း၏ လက်ရှိအခြေအနေနှင့် ရွေ့လျားမှုလမ်းကြောင်း 📌 စက်တင်ဘာ ၂၈ (ညပိုင်း) မှ စက်တင်ဘာ ၂၉ (နံနက်ပိုင်း) - အားကောင်းသော လေဖိအားနည်းရပ်ဝန်း (Deep Depression - DD) အဖြစ် မွန်ပြည်နယ်၊ ကရင်ပြည်နယ်နှင့် ပဲခူးတိုင်းဒေသကြီး (ပဲခူး/တောင်ငူ) ကို ဖြတ်ကျော်ခဲ့ပြီး လေတိုက်နှုန်း ၃၀ နော့ (တစ်နာရီ မိုင် ၃၅ ခန့်) မှ ၂၅ နော့ (တစ်နာရီ ၃၀ မိုင်ခန့်) သို့ လေဖိအားနည်းရပ်ဝန်း (Depression - D) အဖြစ် အားလျော့သွားခဲ့သည်။ 📌 စက်တင်ဘာ ၂၉ (မွန်းလွဲပိုင်းမှ ညပိုင်းအထိ) - လေဖိအားနည်းရပ်ဝန်း (D) သည် အနောက်မြောက်ဘက်သို့ ဆက်လက်ရွေ့လျားကာ မကွေးတိုင်းဒေသကြီး၊ ရခိုင်ပြည်နယ်မြောက်ပိုင်းနှင့် ချင်းပြည်နယ်ဘက်သို့ ဦးတည်နေသည်။ 📌 ၂၉/၁၂ UTC (မြန်မာစံတော်ချိန် ည ၆:၃၀ နာရီ) - လေတိုက်နှုန်း ၁၅ နော့ (တစ်နာရီ ၁၇ မိုင်ခန့်) သို့ ထပ်မံ အားလျော့ကာ လေဖိအားနည်းရပ်ဝန်းကျွင်းကျန် (Well Marked Low Pressure Area - WML) အဖြစ်သို့ အသွင်ပြောင်းသွားမည် ဖြစ်သည်။   ၂။ တိုင်းဒေသကြီး/ပြည်နယ်များအလိုက် သုံးသပ်ချက် (က) စက်တင်ဘာ ၂၉ ရက်နေ့အတွင်း တိုက်ရိုက် သက်ရောက်နိုင်သည့် ဒေသများ (အနောက်မြောက်ဘက် လမ်းကြောင်း) 📌 မကွေးတိုင်းဒေသကြီး နှင့် မန္တလေးတိုင်းဒေသကြီး - ဗဟိုချက်သည် မကွေးတိုင်းဒေသကြီး (ရခိုင်ရိုးမအနီး/စေတုတ္တရာ၊ မင်းဘူး၊ သရက်၊ အောင်လံ မြို့များ ပတ်ဝန်းကျင်) နှင့် မန္တလေးတိုင်းဒေသကြီး (မိတ္ထီလာ၊ မြင်းခြံ၊ ညောင်ဦး) ဘက်သို့ ဆက်လက်ရွေ့လျားနေသည်။ ထို့ကြောင့် မကွေးတိုင်းနှင့် မန္တလေးတိုင်းအတွင်း မိုးကြီးခြင်း၊ မိုးသည်းထန်စွာ ရွာသွန်းခြင်းနှင့် မိုးသက်လေပြင်းတိုက်ခတ်ခြင်း များ ဆက်လက်ဖြစ်ပေါ်နိုင်သည်။ 📌 ရခိုင်ပြည်နယ် (မြောက်ပိုင်း) - လေဖိအားနည်းရပ်ဝန်းသည် မြောက်ပိုင်း/အနောက်မြောက်ဘက်သို့ ရွေ့လျားသဖြင့် စစ်တွေ၊ မောင်တော၊ ဘူးသီးတောင်နှင့် အမ်းမြို့နယ်များတွင် မိုးသည်းထန်စွာ ရွာသွန်းနိုင်ပြီး ရခိုင်ရိုးမတောင်တန်း အရှေ့/အနောက် တောင်ကျရေနှင့် လှိုင်းကြီးနိုင်ခြေကို သတိပြုရန် လိုအပ်သည်။ 📌 ချင်းပြည်နယ် နှင့် စစ်ကိုင်းတိုင်းဒေသကြီး (အောက်ပိုင်း) - မွန်းလွဲပိုင်းနှင့် ညပိုင်းတို့တွင် လေဖိအားနည်းရပ်ဝန်း အကြွင်းအကျန် (WML = WELL-MARKED LPA) အဖြစ် ရောက်ရှိလာမည်ဖြစ်သဖြင့် ချင်းပြည်နယ် (ဖလမ်း၊ ဟားခါး၊ မင်းတပ်) နှင့် စစ်ကိုင်းတိုင်းဒေသကြီး အောက်ပိုင်း (မုံရွာ၊ ယင်းမာပင်၊ ကနီ) တို့တွင် မိုးကြီးခြင်းနှင့် တောင်ပြို/မြေပြိုမှု အန္တရာယ် မြင့်မားပါသည်။   (ခ) လေဖိအားနည်းရပ်ဝန်း ဖြတ်သန်းပြီးသွားသော ဒေသများ (အနောက်တောင်/တောင်ပိုင်း) 📌 ပဲခူးတိုင်းဒေသကြီး၊ ရန်ကုန်တိုင်းဒေသကြီး နှင့် မကွေးတိုင်းဒေသကြီး - စက်တင်ဘာ ၂၈ ရက်မှစ၍ ဗဟိုချက် ဖြတ်သန်းခဲ့ပြီးဖြစ်သော်လည်း လေဖိအားနည်းရပ်ဝန်း၏ အနောက်တောင်ဘက်မှ စိုစွတ်သော မုတ်သုံလေများ ရေပြင်မှ ဆက်လက်ဝင်ရောက်နေသဖြင့် မိုးဆက်လက် ရွာသွန်းနိုင်သည်။ ရေကြီးရေလျှံမှုနှင့် မြို့နယ်အချို့တွင် ရေဝေရေလဲဇုံများမှ ရေဆင်းမှုများကို ဂရုပြုရန် လိုအပ်သည်။ 📌 မွန်ပြည်နယ်၊ ကရင်ပြည်နယ် နှင့် တနင်္သာရီတိုင်းဒေသကြီး - လေတိုက်နှုန်း လျော့နည်းသွားပြီဖြစ်သော်လည်း ပင်လယ်ပြင်မှ တိမ်တိုက်ကြီးများ ဆက်လက်ဝင်ရောက်နေသဖြင့် နေရာကွက်ကျား မိုးကြီးနိုင်ခြေ ရှိနေဆဲ ဖြစ်သည်။   ၃။ သတိပြုရန် မိုးလေဝသ အသိပေးချက် ၁။ ⚠️ တောင်ကျရေနှင့် မြေပြိုမှုအန္တရာယ် - ရခိုင်ရိုးမ၊ ချင်းတောင်တန်းနှင့် ရှမ်းရိုးမတောင်ခြေဒေသများအနီးရှိ မြို့နယ်များ (အထူးသဖြင့် မကွေးတိုင်းအနောက်ဘက်၊ စစ်ကိုင်းတိုင်းအောက်ပိုင်းနှင့် ချင်းပြည်နယ်) တွင် မိုးစွဲရွာသွန်းမှုကြောင့် မြေပြိုမှု နှင့် ချောင်းရေ/တောင်ကျရေ ရုတ်တရက် လျှံတက်မှု များကို အထူးသတိပြုရန် လိုအပ်ပါသည်။ ၂။ ⚠️ ရေကြောင်းနှင့် ငါးဖမ်းလုပ်ငန်း - ရခိုင်ကမ်းလွန်နှင့် မြောက်ပိုင်း ဘင်္ဂလားပင်လယ်အော်အတွင်း စက်တင်ဘာ ၂၉ ရက်နေ့အထိ လှိုင်းကြီးနိုင်သဖြင့် ရေကြောင်းသွားလာရေး သတိထားရန် လိုအပ်ပါသည်။

🟨 ပန်းပဲတန်း ဘဲဥ ဆိုင်ကယ် ၁ စီး ရခ ဆလွန်း မီးတန်း ၁ စီး 5S **** Alphard ၁ စီး ရခ ဆလွန်း ၁ စီး ဗိုလ်ချုပ်လမ်းအတိုင်း ဆူးလေပွိုင့်ဘက်ဆင်းလာကာ ဗိုလ်ချုပ်ဈေးရှေ့ ဗိုလ်ဆွန်ပတ်လမ်းနဲ့ ၃၁ လမ်းကြား ညာဘက်အခြမ်းမှာ ရပ်ထား – RSG 1:14 PM – 1:24 PM 📬 @Inform_RSN

ဗိုလ်တထောင် * ရခ မီးတန်း ၁ စီး ဗိုလ်တထောင်ဘုရားလမ်းမှ အနော်ရထာလမ်းဘက်ကွေ့သွား * 12:04 PM #RSG သတင်းပေးပို့ရန် @Bo1000_Informer

▪️PRF Website သို့ ငွေလွှဲထားသူများကို ဖမ်းဆီးဟု ဆို People's Revolution Supply Family – PRF Website သို့ ငွေကြေးထောက်ပံ့သူ ၂၁ ဦးကို ဖမ်းဆီးခဲ့သည်ဟု အကြမ်းဖက်စစ်တပ်က ယနေ့ စက်တင်ဘာလ ၂၈ ရက်နေ့ ညဘက်တွင် သတင်းထုတ်ပြန်ထားသည်။ ရန်ကုန်တိုင်းတွင်းမှ ၉ ဦး (ကျား ၇ ဦး၊ မ ၂ ဦး) ပါဝင်ပြီး ထို ၉ ဦးမှာ လှည်းကူးမြို့နယ်နေ‌ ဦးဇော်ကိုလတ်၊ မြောက်ဒဂုံမြို့နယ်နေ ဦးရန်နိုင်အောင်၊ အရှေ့ဒဂုံမြို့နယ်နေ ဦးမျိုးဇော်၊ တောင်ဒဂုံမြို့နယ်နေ ဦးအောင်ဟိန်း၊ မင်္ဂလာဒုံမြို့နယ်နေ ဦးငြိမ်းဝင်းအောင်နှင့် ဦးကျော်ဝင်းစိုး၊ လှိုင်မြို့နယ်နေ ဒေါ်မြသီတာ၊ ကြည့်မြင်တိုင်မြို့နယ်နေ ဦးသက်နိုင်ထူး၊ ဆိပ်ကြီးခနောင်တိုမြို့နယ်နေ ဒေါ်ညွန့်ရီတို့ဟု သိရသည်။ PRF Website သို့ ငွေကြေးထောက်ပံ့ထားသူ လူ ၂၇၀၀ ဦးကျော်၏ အချက်အလက်များ ဖော်ထုတ်ရရှိထားသည်ဟုလည်း ခြောက်လှန့်ဖော်ပြထားသည်။ Wavepay ဖြင့်ထောက်ပံ့သူ ၇၀၀ ဦးခန့်၊ NUGPay ဖြင့် ထောက်ပံ့သူ ၁၀၀၀ ဦးခန့်၊ SDB ဖြင့် ထောက်ပံ့သူ ၁၀၀၀ ဦးခန့်တို့ဟု ဆိုသည်။ 28 Sep 2026 #RangoonScoutNetwork

မုန်တိုင်းငယ်ကို အနီရောင်အဆင့် သတ်မှတ်၊ ရန်ကုန်တိုင်းထဲသို့ ဖြတ်မည် 28 Sep 2026 By MPA အားကောင်းသည့် မုန်တိုင်းငယ်ကို အနီရောင်အဆင့် သတ်မှတ်ထားပြီး ရန်ကုန်တိုင်းထဲသို့ ဖြတ် မည်ဟု မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်ထားသည်။ အဆိုပါ မုန်တိုင်းငယ်သည် မြောက်-အနောက်မြောက်ဘက်သို့ ရွေ့လျားနိုင်ပြီး နောက် ၁၂ နာရီ အတွင်း အားကောင်းသောမုန်တိုင်းငယ် အဖြစ် ပိုမို အားကောင်းလာကာ ရန်ကုန်တိုင်း၊ သုံးခွမြို့နှင့် မွန်ပြည်နယ်၊ ကျိုက်ထိုမြို့တို့ကြားမှ ဖြတ်ကျော်နိုင်ပြီး ထိုမှတစ်ဆင့် နောက် ၃၆ နာရီအတွင်း မြောက်-အနောက်မြောက်ဘက်သို့ ဆက်လက်ရွေ့လျားနိုင်ကာ ရန်ကုန်တိုင်း၊ ပဲခူး တိုင်းနှင့် မကွေး တိုင်းတို့ကို ဆက်လက်ဖြတ်‌ကျော်နိုင်သည်ဟု ခန့်မှန်းရကြောင်း ယနေ့(စက်တင်ဘာ)၂၈ရက်၊မွန်းလွဲ ၁နာရီ၌ မိုးဇလ ကထုတ်ပြန်ထားသည်။ သတင်းအပြည့်အစုံ ဖတ်ရှုရန် >>> https://mpanews.info/headline/13201/

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Sep 21 - 27, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၈ ခု ခွဲ၍ ဖော်ပြထားသည်။ ▪️အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၃ မြို့နယ် မှ လူ ၆ ဦး၏ ဖြစ်စဉ်ကို သိရှိလိုက်ရသည်။ မြောက်ဥက္ကလာ (၄ ဦး)၊ အင်းစိန် (၁ ဦး) နှင့် သန်လျင် (၁ ဦး) မြို့နယ်တို့၌ ဖြစ်သည်။ · ၆ ဦးလုံး လမ်းပေါ်ရှိနေစဉ် ဆွဲခံခဲ့ကြရခြင်းဖြစ်သည်။ ၂ ဦးမှာ လမ်းပေါ်ရှိနေစဉ် ရမ်းသမ်းဆွဲခံရခြင်းဖြစ်ပြီး နောက် ၂ ဦးမှာ ဘီယာဝယ်ပြီး ပြန်လာစဉ် ဖမ်းခံရခြင်းဖြစ်ကာ ကျန် ၂ ဦးမှာ ဘေးတွဲစီးလာစဉ် တားပြီး ဖမ်းခေါ်ခံရခြင်းဖြစ်သည်။ · ထို့ပြင် အလုံ၊ မြောက်ဒဂုံ၊ သန်လျင်၊ လှိုင်သာယာနှင့် ရန်ကင်းမြို့နယ်တို့တွင်လည်း လူလိုက်ဆွဲသည့်ဖြစ်စဉ်များရှိခဲ့ကြောင်း သိရှိခဲ့ရသည်။ သို့သော် ဖြစ်စဉ်အကြောင်းအရာ အချက်အလက်အသေးစိတ်တို့ကိုမူ မသိရှိရသေးပါ။

———— ▪️စစ်မှုထမ်းလူစုဆောင်းဖို့ ညွှန်ကြားချက်များ တိုးမြှင့်လာ

· ယခုလာမည့် စစ်မှုထမ်းသင်တန်း အမှတ်စဉ် ၂၉ အတွက် လူစုဆောင်းရာတွင် ရပ်ကွက်တရပ်ကွက်လျှင် လူ ၈ ဦးထိ ရှာပေးဖို့ အကြမ်းဖက်စစ်တပ်၏ ခရိုင်စစ်မှုထမ်းဆင့်ခေါ်ရေးအဖွဲ့များက ညွှန်ကြားချက်ထုတ်ပြန်လာကြောင်း Khit Thit မှ သိရှိရသည်။ ယခင်က တရပ်ကွက်လျှင် လူ ၂ ဦးစီတောင်းခဲ့သော်လည်း ယခုအမှတ်စဉ်မှစ၍ လူ ၈ ဦးထိတိုးတောင်းလာသည်ဟု ဆိုသည်။ ရပ်ကွက်အလိုက် လူငယ်စာရင်းများကိုလည်း အမှတ်စဉ် ၃ ခုစာ ကြိုပြင်ခိုင်းလာသည်ဟု သိရသည်။ · ထို့ပြင် ပြည်ပထွက် အလုပ်လုပ်မည့်သူများကိုလည်း ပုံမှန်စာရွက်စာတမ်းများအပြင် 'စစ်မှုထမ်းဆင့်ခေါ်လျှင် လက်ခံပါမည်'ဟူသည့် ခံဝန်ချက်ပါ လက်မှတ်ထိုးခိုင်းလာကြောင်း DVB မှ သိရှိရသည်။ · ယခုသီတင်းပတ် စက်တင်ဘာလ ၂၁ ရက်နေ့ခန့်မှစ၍ လမ်းပေါ် လူလိုက်ဆွဲသည့်ဖြစ်စဉ်များလည်း တဖြည်းဖြည်း ပြန်များလာသည်။ စစ်မှုထမ်းသင်တန်း အမှတ်စဉ်သစ်ဖွင့်မည့်ရက် နီးကပ်လာ၍ ပြန်လှုပ်ရှားလာကြပုံရသည်။

———— ▪️မင်းအောင်လှိုင် ရန်ကုန်ရောက်

· အကြမ်းဖက်စစ်ခေါင်းဆောင် မင်းအောင်လှိုင် စက်တင်ဘာလ ၂၅ ရက်နေ့တွင် ရန်ကုန်မြို့သို့ ရောက်ရှိလာသည်။ စက်တင်ဘာလ ၂၆ ရက်နေ့တွင် မရမ်းကုန်းမြို့နယ်၊ ချမ်းမြေ့ရိပ်သာကျောင်းတိုက်၊ ချမ်းမြေ့ဆရာတော် အန္တိမဈာပနပူဇော်ပွဲတက်သွားသည်။ ထို့နောက် စက်တင်ဘာလ ၂၇ ရက်နေ့တွင် ဒဂုံတက္ကသိုလ်၊ ဆေးတက္ကသိုလ် ၁ နှင့် ရန်ကုန်တက္ကသိုလ်တို့ထဲ ဝင်လည်ပတ်သွားသည်။ အဆိုပါနေ့များမတိုင်ခင် စက်တင်ဘာလ ၂၀ ရက်နေ့ကလည်း ချမ်းမြေ့ဆရာတော် ပျံလွန်တော်မူပြီးပြီးချင်း လာကြည့်ပြီး ညတွင်းချင်း နေပြည်တော်ပြန်ထွက်သွားခဲ့သည်။

———— ▪️စစ်တပ် ကာချုပ်သစ်များ ရန်ကုန်ထဲ လည်ပတ်ပြ

· စက်တင်ဘာလ ၂၅ ရက်နေ့နှင့် ၂၆ ရက်နေ့တို့တွင် အကြမ်းဖက်စစ်တပ်၏ ကာကွယ်ရေးဦးစီးချုပ်သစ် ရဲဝင်းဦး၊ ရေချုပ် ထိန်ဝင်း နှင့် လေချုပ် ထွန်းဝင်းတို့ ရန်ကုန်မြို့ထဲ လည်ပတ်သွားလာပြခဲ့သည်။ သန်လျင်တပ်နယ်ခန်းမ၊ လေးထောင့်ကန် စစ်မှုထမ်းဟောင်းအိမ်ရာ၊ South Dagon Mall နှင့် မှော်ဘီ ဗိုလ်သင်တန်းကျောင်း (အမျိုးသမီးဗိုလ်လောင်း) တို့၌ လည်ပတ်ခဲ့ခြင်းဖြစ်သည်။ · မရမ်းကုန်းမြို့နယ်ရှိ ရန်ကုန်စစ်ဌာနချုပ်ဝင်းထဲ၌ ရဲဝင်းဦးက ၎င်းလက်အောက်အရာရှိစစ်တပ်မိသားစုများနှင့်တွေ့စဉ် စစ်တပ်အရာရှိကတော်များကို တပ်တွင်းကိစ္စများထဲ ဝင်မစွပ်ဖက်ဖို့ လူကြားသူကြားထဲ သတိပေးပြောသွားခဲ့သည်ဟုလည်း သိရသည်။

———— ▪️တရုတ်စစ်သင်္ဘော ၃ စီး ရန်ကုန်ရောက်

· တရုတ်စစ်သင်္ဘော ၃ စီး စက်တင်ဘာလ ၂၄ ရက်နေ့တွင် ရန်ကုန်တိုင်း၊ သီလဝါဆိပ်ကမ်း MITT တံတားသို့ ရောက်ရှိလာသည်။ တရုတ် အမှတ် ၄၈ ရေတပ်မှ ဖျက်သင်္ဘော ထန်ဆန်း၊ ဖရီးဂိတ်စစ်ရေယာဉ် တာ့ချင့်နှင့် ထောက်ပို့ရေယာဉ် ထိုက်ဟူ ဟုဆိုသည်။ ချစ်ကြည်ရေးခရီးအဖြစ်ရောက်နေခြင်းဖြစ်ပြီး တရုတ်ရေတပ်သားများ နိုင်ငံထဲ ၅ ရက်ကြာ လည်ပတ်မည်ဟု သိရသည်။ အကြမ်းဖက်စစ်တပ်၏ ရေတပ်ချုပ် ထိန်ဝင်းလည်း စက်တင်ဘာလ ၂၅ ရက်နေ့က ၎င်းတရုတ်စစ်သင်္ဘော ၃ စီးကို ဝင်ကြည့်သွားသည်။

———— ▪️ရှေ့တန်းပြန် စစ်သားများကို ကြိုဆိုပွဲလုပ်ပြ

· မှော်ဘီမြို့နယ်နှင့် တိုက်ကြီးမြို့နယ်တို့ရှိ အကြမ်းဖက်စစ်တပ်၏ နယ်မြေခံတပ်ဌာနချုပ်နှင့် တပ်ရင်းများ၌ ရှေ့တန်းစစ်မြေပြင်မှ အသက်ရှင်ကျန်ပြန်ရောက်လာသည့် စစ်သားများကို စက်တင်ဘာလ ၂၅ ရက်နေ့ ညနေဘက်၌ ကြိုဆိုပွဲ လုပ်ပြခဲ့သည်။

———— ▪️ရဟန်းများကိုပါ UID နံပါတ်ထုတ်ပေး

· တနိုင်ငံလုံးရှိ ရဟန်း၊ သာမဏေ၊ သီလရှင်တို့ကို ဂဏန်း ၁၀ လုံးပါ UID နံပါတ်များ ထုတ်ပေးမည်ဟု စစ်ကောင်စီ လဝကမှ ကြေညာထားသည်။ လက်တလောတွင် မန္တလေးတိုင်းထဲ ထုတ်ပေးဖို့ ညွှန်ကြားချက်ထွက်လာပြီဖြစ်ပြီး နောက်ပိုင်းတွင် တနိုင်ငံလုံးအတိုင်းအတာ လုပ်မည်ဟု ဆိုသည်။ ထိုသို့ထုတ်ပေးရန် ရဟန်း၊ သာမဏေ၊ သီလရှင် အားလုံး၏ ကိုယ်ရေးအချက်အလက်၊ မျက်နှာသွင်ပြင်၊ လက်ချောင်းအားလုံး လက်ဗွေ၊ မျက်စိ Biometric များကို ကောက်ယူမည်ဟု ဆိုသည်။

———— ▪️ဘဏ်ဓားပြတိုက်

· စက်တင်ဘာလ ၂၂ ရက်နေ့ နေ့ခင်း ၃ နာရီခန့်တွင် ဗိုလ်တထောင်မြို့နယ်၊ သိမ်ဖြူလမ်းရှိ UAB ဘဏ်ခွဲထဲ လူ ၂ ဦး ဓားပြဝင်တိုက်သွားခဲ့ကြောင်း သိရသည်။ သေနတ်၊ ဓားနှင့် အထုပ်တထုပ်ပါပြီး ပစ်ခတ်မည်၊ အထုပ်ကို ဖောက်ခွဲပစ်မည်ဟုဆိုကာ ခြိမ်းခြောက်ဓားပြတိုက်ခြင်းဖြစ်သည်။ သို့သော် သေနတ်မှာ ကော်သေနတ်ဖြစ်ပြီး အထုပ်ထဲတွင်လည်း ဓာတ်ခဲများသာပါသည်။ ပိုက်ဆံယူပြီး ပြန်ထွက်စဉ် အနီးအနားရှိလူများ ဝိုင်းဖမ်းလိုက်၍ ၁ ဦး ဖမ်းမိပြီး ကျန် ၁ ဦး ထွက်ပြေးလွတ်မြောက်သွားသည်။

28 Sep 2026 #RangoonScoutNetwork #YGN_weekly

လေဖိအားနည်းရပ်ဝန်း အားကောင်းလာပြီး မုန်တိုင်းငယ်ဖြစ်လာ၊ မြန်မာမှာ မိုးဆက်ကြီးနိုင် စက်တင်ဘာ-၂၈၊၂၀၂၆။ရွှေပြည်စိုး/People's Spring ထိုင်းနိုင်ငံဘက်က လေဖိအားနည်းရပ်ဝန်းဟာ မြန်မာနိုင်ငံတောင်ပိုင်း ကမ်းရိုးတန်းအနီးနဲ့ ကပ္ပလီပင်လယ်ပြင်မှာ ပိုမိုအားကောင်းလာပြီး မုန်တိုင်းငယ်အဆင့်ရောက်ရှိလာတယ်လို့ အမျိုးသားညီညွတ်ရေးအစိုးရ၊ လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန (MoSLHA)က ထုတ်ပြန်ထားပါတယ်။ လေဖိအားနည်းရပ်ဝန်းက အားလျော့သွားခြင်းမရှိဘဲ ပင်လယ်ပြင်မှာ ပိုပြီးအားကောင်းလာတဲ့အနေအထားဖြစ်ပါတယ်။ လက်ရှိ ခန့်မှန်းချက်တွေအရ မုန်တိုင်းငယ်ဟာ မြန်မာ–ဘင်္ဂလားဒေ့ရှ် ကမ်းရိုးတန်းအနီးမှတစ်ဆင့် ဘင်္ဂလားပင်လယ်အော်အရှေ့မြောက်ပိုင်းနဲ့ ဘင်္ဂလားဒေ့ရှ်နိုင်ငံဘက်ကို ဆက်လက်ရွေ့လျားနိုင်တယ်လို့ MoSLHA က ထုတ်ပြန်ထားပါတယ်။ မုန်တိုင်းငယ်ရဲ့အရှိန်ကြောင့် မြန်မာနိုင်ငံဒေသအနှံအပြားမှာ မိုးရွာသွန်းနိုင်ပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ကရင်နီပြည်နယ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်၊ မကွေးတိုင်း၊စစ်ကိုင်းတိုင်းနှနဲ့ မန္တလေးတိုင်းမှာ မိုးသည်းထန်နိုင်တယ်လို့သတိပေးထားပါတယ်။ အထူးသဖြင့် မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ဧရာဝတီတိုင်းနဲ့ ရခိုင်ပြည်နယ်မှာ နေရာကွက်၍ မိုးကြီးပြီး လေပြင်းဘေးလည်းသတိပြုဖို့လိုတယ်လို့ ထုတ်ပြန်ထားပါတယ်။ မိုးကြီးတဲ့ ဒေသတွေမှာ သက်ကြီးရွယ်အိုတွေ၊ ကလေးတွေနဲ့ မသန်စွမ်းသူတွေကို ရေဘေးအန္တရာယ်လွတ်ကင်းတဲ့ နေရာတွေဆီ ကြိုတင်ပြောင်းရွှေ့နေရာချထားပေးသင့်တယ်လို့ MoSLHA က တိုက်တွန်းထားပါတယ်။ စက်တင်ဘာ၂၆ရက်က ထိုင်းနိုင်ငံဘက်ကနေရွေ့လျားလာတဲ့ လေဖိအားနည်းရပ်ဝန်းကြောင့် မြန်မာနိုင်ငံဘက်မှာ မိုးကြီးပြီး တနင်္သာရီတိုင်းမှာ ရေဘေးနဲ့ မြေပြိုမှုဘေးရင်ဆိုင်နေရပါတယ်။ လောင်းလုံး၊ ထားဝယ်၊ သရက်ချောင်း၊ ရေဖြူ၊ မြိတ်မြို့နယ်တွေမှာ ရေဘေးကြုံတွေ့နေပြီး လောင်းလုံးနဲ့ သရက်ချောင်းမြို့ဟာ လက်ရှိမှာရေဘေးနဲ့ မြေပြိုမှုအဆိုးဆုံးကြုံတွေ့နေရပါတယ်။ကယ်ဆယ်ရေး အကူအညီတွေ အရေး ပေါ်လိုအပ်နေတယ်လို့ဒေသခံတွေ ပြောပါတယ်။ တနင်္သာရီတိုင်း လောင်းလုံးမြို့နယ်မှာ ရေကြီးပြီး လေပြင်းတိုက်ခတ်နေစဉ်။ ရုပ်သံ - KK Gifts Shop& Group Service-Dawei 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA #မုန်တိုင်းငယ်သတိပေးချက် #လေဖိအားနည်းရပ်ဝန်း #မြန်မာ့မိုးလေဝသ #မိုးကြီးနိုင်မှုသတိပေးချက် #မြန်မာ့သတင်း #DepressionWarning #LowPressureArea #MyanmarWeather #HeavyRainAlert #MyanmarNews

▪️ရဟန်းများကိုပါ UID နံပါတ်ပေးမည်ဟုဆို တနိုင်ငံလုံးရှိ ရဟန်း၊ သာမဏေ၊ သီလရှင် အပါအဝင် သာသနာနွယ်ဝင်များအားလုံးကို ဂဏန်း ၁၀ လုံးပါ UID (Unique ID) နံပါတ်များ ထုတ်ပေးမည်ဟု စစ်ကောင်စီ လဝကမှ ကြေညာထားသည်။ လက်တလောတွင် မန္တလေးတိုင်းထဲ ထုတ်ပေးဖို့ ညွှန်ကြားချက်ထွက်လာပြီဖြစ်ပြီး နောက်ပိုင်းတွင် တနိုင်ငံလုံးအတိုင်းအတာ လုပ်မည်ဟု ဆိုသည်။ ထိုသို့ထုတ်ပေးရန် ရဟန်း၊ သာမဏေ၊ သီလရှင် အားလုံးတို့၏ ကိုယ်ရေးအချက်အလက်၊ မျက်နှာသွင်ပြင်၊ လက်ချောင်းအားလုံး လက်ဗွေ၊ မျက်စိသူငယ်အိမ် Biometric အချက်အလက်များကို ကောက်ယူမည်ဟု ဆိုသည်။ 28 Sep 2026 #RangoonScoutNetwork

▪️စစ်မှုထမ်းလူစုဆောင်းဖို့ ညွှန်ကြားချက်များ တိုးမြှင့်လာ ယခုလာမည့် စစ်မှုထမ်းသင်တန်း အမှတ်စဉ် ၂၉ အတွက် လူစုဆောင်းရာတွင် ရပ်ကွက်တရပ်ကွက်လျှင် လူ ၈ ဦးထိ ရှာပေးဖို့ အကြမ်းဖက်စစ်တပ်၏ ခရိုင်စစ်မှုထမ်းဆင့်ခေါ်ရေးအဖွဲ့များက ညွှန်ကြားချက်ထုတ်ပြန်လာကြောင်း သိရှိရသည်။ ယခင်က တရပ်ကွက်လျှင် လူ ၂ ဦးစီတောင်းခဲ့သော်လည်း ယခုအမှတ်စဉ်မှစ၍ လူ ၈ ဦးထိတိုးတောင်းလာသည်ဟု ဆိုသည်။ ရပ်ကွက်အလိုက် လူငယ်စာရင်းများကိုလည်း အမှတ်စဉ် ၃ ခုစာ ကြိုပြင်ခိုင်းလာသည်ဟု သိရသည်။ ထို့ပြင် ပြည်ပထွက် အလုပ်လုပ်မည့်သူများကိုလည်း ပုံမှန်စာရွက်စာတမ်းများအပြင် 'စစ်မှုထမ်းဆင့်ခေါ်လျှင် လက်ခံပါမည်'ဟူသည့် ခံဝန်ချက်ပါ လက်မှတ်ထိုးခိုင်းလာကြောင်း သိရှိရသည်။ ယခုသီတင်းပတ် စက်တင်ဘာလ ၂၁ ရက်နေ့ခန့်မှစ၍ လမ်းပေါ် လူလိုက်ဆွဲသည့်ဖြစ်စဉ်များလည်း တဖြည်းဖြည်း ပြန်များလာသည်။ စစ်မှုထမ်းသင်တန်း အမှတ်စဉ်သစ်ဖွင့်မည့်ရက် နီးကပ်လာ၍ ပြန်လှုပ်ရှားလာကြပုံရသည်။ Source: Khit Thit, DVB 28 Sep 2026 #RangoonScoutNetwork

ဗိုလ်တထောင် * အဆိုပါ အိမ်စီး DC ၁ စီး ကုန်သည်လမ်းနဲ့ ကမ်းနားလမ်းကြား သိမ်ဖြူလမ်းမပေါ် မီးရထားရုံ အပြင်ဘက်မှာ ရပ်ထား၊ ရခ ၁ ဂိတ်ဝမှာရှိ၊ နောက်ထပ် ရခ ၁ ကောင် အိမ်စီး DC ပေါ် ထိုင်နေခဲ့ * 10:28 AM (Delayed) #RSG သတင်းပေးပို့ရန် @Bo1000_Informer

ကျောက်တံတား 1C 4253 အိမ်စီး DC ဓါတ်တိုင်ရောင်၊ ခေါင်းခန်း ရခ ၂ ကောင်ပါ၊ နောက်ခန်း ရခ ၃ ကောင်(၁ ကောင် မီးရထားဘတ်တံဆိပ်နဲ့၊ အရပ်ဝတ် ၁) ဆူးလေလမ်းအတိုင်းလာ စတော့အိတ်ချိန်းရှိတဲ့ လမ်းဘက်ကွေ့ – RSG 9:50 AM 📬 @Inform_RSN

ဗိုလ်တထောင် * စခ Faw ၂ တန် အဟောင်း ၁ စီး၊ နောက်ပါအင်အား ၃ ကောင်ဖြင့် ဗိုလ်ချုပ်လမ်းအတိုင်း ဗိုလ်အောင်ကျော်လမ်းပွိုင့်ဘက်ကနေ သိမ်ဖြူမီးပွိုင့်ဘက် ရှေ့ရှု * 8:23 AM (Delayed) #RSG သတင်းပေးပို့ရန် @Bo1000_Informer

INVEST 92W ၏ လက်ရှိအခြေအနေနှင့် ဆက်လက်ရွေ့လျားနိုင်သည့် အလားအလာများ (စက်တင်ဘာ ၂၇ ရက် ၊ ည ၉ နာရီ UPDATE) ===== ၁။ 92W မှ 92B သို့ အမည်ပြောင်းလဲနိုင်ခြေ - အမည်ပြောင်းလဲနိုင်ပါသည် (သို့သော် ရွေ့လျားသည့် လမ်းကြောင်းပေါ်တွင် မူတည်ပါသည်)။ ရှင်းလင်းတင်ပြချက် 📌 92W ဆိုသည်မှာ အနောက်ပစိဖိတ်သမုဒ္ဒရာ (Western Pacific) ဒေသအတွက် သတ်မှတ်ပေးထားသော မုန်တိုင်းငယ်စောင့်ကြည့်မှု ကုဒ်အမည် ဖြစ်သည်။ 📌 အကယ်၍ ဤလေဖိအားနည်းရပ်ဝန်းသည် တနင်္သာရီကမ်းရိုးတန်း (ထားဝယ်အနီး) မှတစ်ဆင့် ကုန်းတွင်းပိုင်း သို့မဟုတ် မြောက်-အနောက်မြောက်ဘက်သို့ ဆက်လက်ရွေ့လျားပြီး မုတ္တမကွေ့ (Gulf of Martaban) နှင့် ဘင်္ဂလားပင်လယ်အောက်ခြေ / ကပ္ပလီပင်လယ် (Andaman Sea/Bay of Bengal) နယ်နိမိတ်အတွင်းသို့ အားမလျော့ဘဲ လုံးဝကူးပြောင်းရောက်ရှိသွားပါက India Meteorological Department (IMD) သို့မဟုတ် Regional Specialized Meteorological Center (RSMC New Delhi) မှ ဘင်္ဂလားပင်လယ်ဇုန်စောင့်ကြည့်ကုဒ်ဖြစ်သည့် 92B (သို့မဟုတ် BOB သတ်မှတ်ချက်) သို့ ပြောင်းလဲသတ်မှတ်ပေးမည် ဖြစ်သည်။ 📌 လေဖိအားနည်းရပ်ဝန်းသည် ပင်လယ်ပြင်ထက် ကုန်းတွင်းပိုင်းပေါ်တွင် အချိန်ပိုကြာမြင့်သွားပါက သို့မဟုတ် ကုန်းတွင်းပိုင်းသို့ ရောက်ရှိပြီး အားပျော့ပျက်ပြယ်သွားပါက 92B ဟု ပြောင်းလဲခေါ်ဆိုခြင်းမရှိဘဲ ရိုးရိုး လေဖိအားနည်းရပ်ဝန်း (Low Pressure Area) အဖြစ်သာ ကျန်ရှိပါမည်။   ၂။ လက်ရှိအခြေအနေနှင့် ပတ်ဝန်းကျင်အကြောင်းအရင်းများ (JTWC သုံးသပ်ချက်) 📌 ဗဟိုချက် တည်နေရာနှင့် လေတိုက်နှုန်း - တနင်္သာရီကမ်းရိုးတန်း (ထားဝယ်အနီး) ပင်လယ်ပြင်တွင် တည်ရှိနေပြီး အမြင့်ဆုံးလေတိုက်နှုန်းမှာ ၁ နာရီလျှင် ၂၇ မိုင်ခန့်မှ တနာရီ ၃၃ မိုင်ခန့် (23–28 knots / 45–50 km/h) ဝန်းကျင်နှင့် အနိမ့်ဆုံး ရေမျက်နှာပြင် လေဖိအား 1004 hPa ဝန်းကျင် ရှိနေပါသည်။ 📌 ပင်လယ်ပြင်နှင့် ပတ်ဝန်းကျင်အနေအထား - ပင်လယ်ရေမျက်နှာပြင် အပူချိန် (SST): 28–29°C ခန့်ရှိ၍ မုန်တိုင်းအဖြစ် ဆက်လက်အားကောင်းလာနိုင်ပါသည်။ 📌 Wind Shear - 15–20 knots ခန့် (Low to Moderate) ရှိနေသဖြင့် ဆက်လက်၍ အားကောင်းလာနိုင်သည့် အခြေအနေ ရှိပါသည်။ 📌 Outflow (အထက်လေကြောင်း ထွက်ပေါက်) - အီကွေတာဘက်နှင့် အနောက်ဘက်သို့ လေထွက်ပေါက် ကောင်းမွန်စွာ ရရှိနေပါသည်။ 📌 ကန့်သတ်ချက် - ပင်လယ်ပြင်ပေါ်တွင် ကာလတိုတောင်းစွာသာ ထိတွေ့ခွင့်ရရှိခြင်း (Limited time over water) နှင့် ကမ်းရိုးတန်းမြေပြင်နှင့် နီးကပ်နေခြင်းကြောင့် မုန်တိုင်းအဖြစ် ရုတ်တရက် အားကောင်းလာနိုင်ခြေကို လျော့ကျစေပါသည်။   ၃။ ရှေ့ဆက်ရွေ့လျားနိုင်သည့် လမ်းကြောင်းနှင့် မိုးလေဝသ အလားအလာ 📌 ရွေ့လျားမှု လမ်းကြောင်း - Zoom Earth မှ JTWC ၏ ဒေတာများအရ 92W သည် အနောက်မြောက်ဘက် (Northwestward) သို့မဟုတ် မြောက်-အနောက်မြောက်ဘက်သို့ ကမ်းရိုးတန်းတစ်လျှောက် တဖြည်းဖြည်း ဦးတည်ရွေ့လျားမည်ဟု ခန့်မှန်းထားသည်။ 📌 မိုးသည်းထန်စွာ ရွာသွန်းနိုင်မှု - 92W ၏ အပြင်ဘက် မိုးတိမ်တိုက်များကြောင့် တနင်္သာရီတိုင်းဒေသကြီး၊ မွန်ပြည်နယ်၊ ကရင်ပြည်နယ်၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီး တို့တွင် မိုးကြီးခြင်း၊ မိုးသည်းထန်စွာ ရွာသွန်းခြင်းများနှင့်အတူ ကမ်းရိုးတန်းတစ်လျှောက် လေပြင်းတိုက်ခတ်ခြင်းများ ဆက်လက်ဖြစ်ပေါ်နိုင်ပါသည်။ 📌 လာမည့် ၂၄ နာရီ အလားအလာ - JTWC က မုန်တိုင်းဖြစ်နိုင်ခြေ MEDIUM (အလတ်စား) ဟု သတ်မှတ်ထားသဖြင့် လာမည့် ၂၄ နာရီအတွင်း ပင်လယ်ပြင်ပေါ်တွင် ရှိနေစဉ် အပူပိုင်းမုန်တိုင်းငယ် (Tropical Depression) အဖြစ် သို့မဟုတ် အားကောင်းသော လေဖိအားနည်းရပ်ဝန်းအဖြစ် ပိုမိုအားကောင်းလာနိုင်ပြီး ဆက်လက်ရွေ့လျားနိုင်ခြေ ရှိနေပါသည်။ ကုန်းတွင်းပိုင်းသို့ လုံးဝ ဝင်ရောက်သွားလျှင် အားပြန်လျော့သွားနိုင်ပါသည်။

၂၀၂၆ ခုနှစ် သြဂုတ်လ အတွင်း ဒစ်ဂျစ်တယ်ရပ်ဝန်းဆိုင်ရာ ဖြစ်စဉ်များ ========================================== 🔥မတရားအာဏာသိမ်းတာ (၅)နှစ်ကျော်ရှိခဲ့ပြီပဲဖြစ်ပါတယ်။ ⚠️အဖက်ဖက် ပျက်သုန်းနေတဲ့ကြားထဲက အင်တာနက်ဖြတ် သတင်းတွေရပ်ဖို့ ကို အာဏာသိမ်း စစ်ကောင်စီက တစ်စိုက်မတ်မတ် လုပ်နေခဲ့တာဆိုရင်လည်း မမှားပါဘူး… 🔥 စောင့်ကြည့်နည်းပညာတွေနဲ့ တစ်တိုင်းပြည်လုံးကို စောင့်ကြည့်နေတဲ့ အနေအထားပါ။ နှစ်ဆုံးပိုင်းကို ရောက်လာလေလေ စစ်ကောင်စီရဲ့ ဖိနှိပ်မှုတွေကလည်း သိသာထင်ရှားပြီး အရာရာကို ထိန်းချုပ်ထားနေတဲ့ အနေအထားပါ။ 🔥၂၀၂၆ ခုနှစ်မှာလည်း ဆက်လက်ပြီးတော့ ပိုမိုတင်းကြပ်မှုတွေနဲ့ စောင့်ကြည့်ဖမ်းဆီးမှုတွေရှိနေဆဲဖြစ်ပါတယ်။ 🗣 ဒီလိုမျိုး တစ်စတစ်စ ကြပ်တည်းလာမှုနဲ့အတူ ဒီနေ့မှာတော့ ၂၀၂၆ ခုနှစ်သြဂုတ်လ အတွင်း ဒစ်ဂျစ်တယ်ရပ်ဝန်းဖြစ်ပွားခဲ့သော ဖြစ်စဉ်များကိုဖော်ပြပေးလိုက်ရပါတယ်။ 👉https://telegra.ph/Digital-repression-in-August-09-27