The Irrawaddy - Burmese

ခရီးသည်တွေရဲ့ ပစ္စည်းတွေ သိမ်းယူနေတဲ့ ရန်ကုန်လေဆိပ် (ရုပ်/သံ) ဧရာဝတီ၊ ဩဂုတ် ၂၇၊ ၂၀၂၆ ရန်ကုန်အပြည်ပြည်ဆိုင်ရာလေဆိပ်မှာ ဆိုက်ရောက်ခရီးသည်တွေနဲ့အတူ ပါလာတဲ့ ပစ္စည်းတွေကို စစ်ဆေးမှုတွေ တင်းကြပ်လာပြီး တန်ဖိုးကြီးပစ္စည်းတချို့ သိမ်းယူခံနေရတယ်လို့ ခရီးသည်တွေနဲ့ ပစ္စည်းပို့ဆောင်ရေး ဝန်ဆောင်မှု ပေးနေသူတွေက ပြောပါတယ်။ အခုလို ပစ္စည်းသိမ်းယူမှုတွေဟာ အများအပြား သယ်ဆောင်လာသူတွေသာမကဘဲ ကိုယ်တိုင်အသုံးပြုဖို့ ဝယ်ယူလာတဲ့ ခရီးသည်တွေလည်း အမျိုးအစားတခုထက်ပိုနေရင် ဒဏ်ငွေဆောင်နေရတယ်လို့ သိရပါတယ်။ https://youtu.be/Mrcx-WrUHbI

ခရီးသည်တွေရဲ့ ပစ္စည်းတွေ သိမ်းယူနေတဲ့ ရန်ကုန်လေဆိပ် (ရုပ်/သံ) ဧရာဝတီ၊ ဩဂုတ် ၂၇၊ ၂၀၂၆ ရန်ကုန်အပြည်ပြည်ဆိုင်ရာလေဆိပ်မှာ ဆိုက်ရောက်ခရီးသည်တွေနဲ့အတူ ပါလာတဲ့ ပစ္စည်းတွေကို စစ်ဆေးမှုတွေ တင်းကြပ်လာပြီး တန်ဖိုးကြီးပစ္စည်းတချို့ သိမ်းယူခံနေရတယ်လို့ ခရီးသည်တွေနဲ့ ပစ္စည်းပို့ဆောင်ရေး ဝန်ဆောင်မှု ပေးနေသူတွေက ပြောပါတယ်။ အခုလို ပစ္စည်းသိမ်းယူမှုတွေဟာ အများအပြား သယ်ဆောင်လာသူတွေသာမကဘဲ ကိုယ်တိုင်အသုံးပြုဖို့ ဝယ်ယူလာတဲ့ ခရီးသည်တွေလည်း အမျိုးအစားတခုထက်ပိုနေရင် ဒဏ်ငွေဆောင်နေရတယ်လို့ သိရပါတယ်။ https://youtu.be/Mrcx-WrUHbI

• မြန်မာနိုင်ငံကို Pay စနစ်နဲ့ ငွေလွှဲလို့ မရတော့ဘူးလား • ဂျပန်ပို့မယ်ဆိုပြီး သိန်းရာနဲ့ချီလိမ်တဲ့ ပွဲစား ထိုင်းမှာဖမ်းမိ • မြန်မာမှာ လူကုန်ကူးခံရတဲ့ အိန္ဒိယနိုင်ငံသား နှစ်ထောင်ကျော်ကို ကယ်ထုတ်ထား • မြန်မာလိဂ်က ကစားသမားတဦး ပျောက်ဆုံးနေ • ကလေးတွေ ဆိုရှယ်မီဒီယာ စွဲလမ်းစေမှုအတွက် Facebook လျှော်ကြေးပေး နေ့စဉ်သတင်း၊ ဩဂုတ် ၂၇၊ ၂၀၂၆ https://youtu.be/TCs3IJo3ckA #မြန်မာ #ဧရာဝတီ #Pay #ဂျပန် #ပွဲစား #လူကုန်ကူး #ကျားဖြန့် #အိန္ဒိယ #မြန်မာလိဂ် #Facebook #နေ့စဉ်သတင်း #DailyNews #WahtsHappeningInMyanmar

𝐂𝐡𝐢𝐧𝐚 𝐁𝐫𝐢𝐞𝐟𝐢𝐧𝐠 စစ်အစိုးရကုလမှာ တရားဝင်မှုရရေး တရုတ်ကူညီမှာလား https://youtu.be/wKrkDMSW6Qw ဒီတပတ် China Briefing မှာတော့ တရုတ်က မြန်မာအဏာသိမ်းအစိုးရ ကို ကုလသမဂ္ဂမှာ တရားဝင်မှုရအောင်လုပ်ပေးနိုင်မလဲားဆိုတာနဲ့ တရုတ်မင်းသားကို မြဝတီမှာပြန်ပေးဆွဲခဲ့တဲ့ ကျားဖြန့် ဂိုဏ်းကို တရုတ်အစိုးရက တရားစွဲလိုက်တဲ့ အကြောင်းအပါအဝင် တရုတ်မြန်မာ ထူးခြားတဲ့ သတင်းတွေကို တင်ဆက်ထားပါတယ်။

အိမ်ခြံမြေ လက်ကြီးဝယ်ရောင်းသမားများအား အခွန်ရှောင်မှုဖြင့် စစ်ဆေးနေ ဧရာဝတီ၊ ဩဂုတ် ၂၇၊ ၂၀၂၆ အာဏာသိမ်းအစိုးရက ရန်ကုန်နှင့် နေပြည်တော်ရှိ အိမ်ခြံမြေ ရောင်းဝယ်နေသူ လက်ကြီးသမားတချို့ကို အခွန်ရှောင် တိမ်းမှု ရှိမရှိ အကြောင်းပြချက်ဖြင့် ယခုရက်ပိုင်း အထူးစုံစမ်းစစ်ဆေးရေးဦးစီးဌာန(စစစ)က ခေါ်ယူ စစ်ဆေးမှုနေသည်။ ထိုသို့ဖြစ်ရခြင်းမှာ ဝယ်သူမှ အခွန်ဆောင်သော်လည်း ရောင်းသူမှ အခွန်တိမ်းရှောင်မှုကြောင့် ဖြစ်ကြောင်း ရန်ကုန်မြို့ရှိ အိမ်ခြံမြေအကျိုးဆောင်လုပ်ငန်းရှင်တဦးက ဧရာဝတီသို့ ပြောသည်။ “အခုအစစ်ခံရတာ ဝယ်/ရောင်းသမားတွေများတယ်။ အိမ်ခြံမြေဈေးကွက်ကလည်း အာဏာသိမ်းပြီးကတည်းက အမှန် အကန်ဝယ်မယ့်သူထက် ငွေရင်းပြီး စီးပွားရေးဝင်လုပ်သူများတယ်၊ ဥပမာ မြောက်ဒဂုံမှာ ပေ ၄၀x ၆၀ လောက်ဝယ်ထား မယ်၊ တလကြာရင် ကျပ်သိန်းတထောင်လောက် တင်ပြီးပြန်ရောင်းမယ်။ ဒီလိုလူတွေပဲ ဖြစ်တယ်။ ဘယ်နှစ်ယောက် လောက် ခေါ်စစ်ဆေးခံနေရတယ်တော့ သေချာမသိဘူး” ဟု ၎င်းက ပြောသည်။ မြို့ပြနှင့် အိမ်ရာဖွံ့ဖြိုးရေးဦးစီးဌာနနှင့် ရန်ကုန်မြို့တော်စည်ပင်သာယာရေးကော်မတီ၌ မှတ်တမ်းတင်ထားသည့် ဝယ်သူ၊ ရောင်းသူ အမည်ပေါက် အမှုတွဲများအလိုက် ခေါ်ယူစစ်ဆေးနေခြင်းဖြစ်ကြောင်း အိမ်ခြံမြေလုပ်ငန်းရှင်များက ပြောသည်။ ထို့ပြင် ရန်ကုန်မြို့ရှိ မြေကွက်တချို့ကို အမှန်တကယ်နေဖို့မဟုတ်ဘဲ အရောင်းအဝယ်လုပ်ရန် ကျပ်သိန်း ထောင်သောင်းချီ ရင်းနှီးဝယ်ယူထားခြင်းများရှိသဖြင့် ထိုအခြေအနေများကိုပါ စစ်ဆေးလာကြောင်း အိမ်ခြံမြေအကျိုးဆောင်များက ပြော သည်။ အိမ်ခြံမြေ အဆောက်အအုံ၊ တိုက်ခန်းများ ဝယ်ယူရောင်းချရာ၌ ဝယ်သူက အမည်ပြောင်းလျှင် ဝင်ငွေခွန်စည်းကြပ် ပြီးစီးကြောင်း အထောက်အထားများ တင်ပြရသလို ရောင်းသူဘက်မှ အခွန်မဆောင်ပါက ဝယ်သူအမည်ပေါက် ပြောင်း မရကြောင်း၊ ရောင်းသူဝယ်သူ နှစ်ဖက်လုံးအခွန်ကင်းရှင်းကြောင်း တင်ပြနိုင်မှသာ အမည်ပေါက် မှတ်ပုံတင်ပေးမည့် လုပ်ငန်းစဉ်ကို လာမည့် စက်တင်ဘာ ၁ရက်က စ၍ လုပ်ဆောင်သွားမည်ဟု ပြည်တွင်းအခွန်များဦးစီး ဌာန၏ ထုတ်ပြန် ချက်အရ သိရသည်။ ယင်းအခြေအနေကြောင့် အိမ်ခြံမြေဈေးကွက်အတွင်း အရောင်းအဝယ် ကျဆင်းနိုင်ပြီး အကျိုးဆောင်များနှင့် ဝယ်ရောင်း သမားများအပေါ်လည်း သက်ရောက်မှုရှိလာနိုင်ကြောင်း ရန်ကုန်မြို့ရှိ နောက်ထပ်အိမ်ခြံမြေလုပ်ငန်း လုပ်ကိုင်သူတဦးက ပြောသည်။ “အိမ်ခြံမြေဈေးကွက်က အေးနေတာတော့ ကြာပြီ အခုရောင်းသူဝယ်သူ နှစ်ဖက်လုံးက အခွန်ဆောင်ရမယ်ဆိုတော့ သိန်းထောင်ချီ သောင်းချီနဲ့ လုပ်တဲ့အပိုင်းတွေကတော့ ငွေကျပ်သွားမှာပေါ့။ ရပ်ကွက်အကျိုးဆောင်တွေ၊ ဝယ်/ရောင်း သမားတွေတော့ အမြတ်နည်းသွားတော့ ထိခိုက်နိုင်တယ်။ ဒါကြောင့် အခုက ဝယ်စရာရှိတာ ဝယ်ရောင်းစရာရှိတာ မြန်မြန်ရောင်း” ဟု ၎င်းက ပြောသည်။ ပြည်တွင်းအခွန်များဦးစီးဌာန၏ ထုတ်ပြန်ချက်အရ အိမ်ခြံမြေများကို တနှစ်အတွင်း ရောင်းချခြင်း၊ အခြားနည်းလမ်းဖြင့် လွှဲပြောင်းခြင်းလုပ်ပြီး ထိုမှရသည့် အမြတ်အစွန်းက ကျပ်သိန်း ၁၀၀ထက်ပိုပါက ရက် ၃၀အတွင်း သက်ဆိုင်ရာအခွန်ရုံး တွင် ဝင်ငွေကြေညာလွှာတင်သွင်း၍ ကျသင့်အခွန်ပေးဆောင်ရမည်ဖြစ်သည်။ ထို့ပြင်ရန်ကုန်တိုင်းအတွင်း အိမ်ခြံမြေ၊ အဆောက်အအုံ ရောင်းဝယ်ဆောက်လုပ်မှုအပေါ် အခွန်စည်းကြပ်ရန် သတ်မှတ် ထားစံနှုန်းများမှာ ယနေ့ခေတ်ပေါက်ဈေးနှင့် များစွာကွာဟနေကြောင်း အာဏာသိမ်းအစိုးရ၏ ရန်ကုန်တိုင်းဒေသကြီး အစိုးရအဖွဲ့က ဩဂုတ် ၄ ရက်က ထုတ်ပြန်ထားသည်။ ထို့အတွက် အိမ်ခြံမြေအရောင်းအဝယ်သမားများသည် အခွန်ဆိုင်ရာစည်းမျဉ်းများကို ထည့်သွင်းတွက်ချက်လာနိုင်ပြီး အရောင်းအဝယ်အေးနေသည့် အိမ်ခြံမြေဈေးကွက်အပေါ် သက်ရောက်နိုင်သော်လည်း မြေဈေးနှုန်းမှမူ သိသိသာသာ ပြန်ကျနိုင်ဖွယ်မရှိကြောင်း အိမ်ခြံမြေလုပ်ငန်းလုပ်ကိုင်သူများက သုံးသပ်သည်။ မြန်မာနိုင်ငံတွင် စစ်တပ် အာဏာသိမ်းပြီးနောက် အိမ်ခြံမြေဈေးကွက်ကို စီးပွားရေးသဖွယ်လုပ်ကိုင်လာသူများနှင့် ငွေကြေး ခဝါချမှုအပေါ် ဝေဖန်မှုများရှိသည့် ခရိုနီလုပ်ငန်းရှင်များကပါ ရင်းနှီးမြှုပ်နှံမှုများ ပြုလုပ်လာခြင်းကြောင့် အိမ်ခြံမြေဈေးနှုန်း များ သိသိသာသာ မြင့်တက်လာခဲ့သည်။ လက်ရှိ ရန်ကုန် မြောက်ဒဂုံမြေဈေးမှာ သိသိသာသာ တက်နေပြီး နေရာနှင့် အကျယ်အဝန်းပေါ်မူတည်၍ ကျပ်သိန်း ရာဂဏန်းမှ သိန်းသောင်းချီရှိနေကြောင်း သိရသည်။ အလားတူ အာဏာသိမ်းအစိုးရ ရုံးစိုက်ရာ နေပြည်တော်တွင်လည်း မြေဂရန်အတုများလုပ်၍ ရောင်းချခြင်းနှင့် အာမခံ ထား ကာ ငွေချေးခြင်း လိမ်လည်မှုတို့ကြောင့် နစ်နာသူအများအပြားရှိနေပြီး စစ်တပ်အရာရှိကြီးအချို့ပင် အလိမ်ခံထားရကြောင်း လူမှုကွန်ရက်တွင် သတင်းများထွက်ပေါ်နေသည်။ အိမ်ခြံမြေ လုပ်ငန်းရှင်တဦးက "မြေဂရန်အတုထွက်တာမျိုးတွေ ရှိတယ်။ ပြဿာနာ ကြီးကြီးမားမား ရှိလာနိုင်တယ်ဆိုရင် တော့ ခေါ်စစ်တာမျိုးတွေ ရှိလာနိုင်တယ်" ဟု ဧရာဝတီသို့ ပြောသည်။ ထိုသို့ အလိမ်ခံရသော်လည်း နစ်နာသူများသည် စစ်ဘက်ရေးရာ လုံခြုံရေးတပ်ဖွဲ့ (စရဖ) ၏ ခေါ်ယူ စစ်ဆေးခြင်းခံရပါက ငွေကြေးရင်းမြစ် စစ်ဆေးခံရမည်ကို စိုးရိမ်သဖြင့် လူသိရှင်ကြား ထုတ်ဖော်ပြောဆိုခြင်းမပြုဘဲ ကြိတ်ခံနေရကြောင်းလည်း ဆိုကြသည်။ Website တွင် ဖတ်ရန်

ကာတွန်းတွေ သရုပ်ဖော်တဲ့ မြန်မာ့အခြေအနေ (ရုပ်/သံ) ဧရာဝတီ၊ ဩဂုတ် ၂၇၊ ၂၀၂၆ မြန်မာနိုင်ငံရေးနဲ့ ပတ်သက်ပြီး ဂျပန်ကာတွန်းဆရာတဦး အပါအ၀င် မြန်မာကာတွန်းဆရာတွေရဲ့လက်ရာတွေကို ပြသတဲ့ ကာတွန်းပြပွဲကို သြဂုတ်လ ၂၂ ရက်နေ့နဲ့ ၂၃ ရက်နေ့တွေက ထိုင်းနိုင်ငံ၊ မဲဆောက်မြို့မှာ ကျင်းပခဲ့ပါတယ်။ ဂျပန်နိုင်ငံအခြေစိုက် ငြိမ်းချမ်းလွတ်လပ်တဲ့ သရုပ်ဖော်လှုပ်ရှားမှုအဖွဲ့ (WART) က ဦးဆောင်ကျင်းပခဲ့တာဖြစ်ပြီး အဲဒီပြပွဲမှာ စစ်ပွဲ၊ ငြိမ်းချမ်းရေး၊ လူ့အခွင့်အရေးနဲ့ လူမှုဘဝဆိုင်ရာ အကြောင်းအရာတွေကို ထင်ဟပ်တဲ့ တကွက် ကာတွန်း၊ ပန်းချီတွေနဲ့ ဖော်ပြထားပါတယ်။ အနုပညာဖန်တီးမှုကနေတစ်ဆင့် စစ်ပွဲဆန့်ကျင်ရေးနဲ့ ငြိမ်းချမ်းရေးဆိုင်ရာ သဘောထားတွေကို ဖော်ပြနိုင်ဖို့ ရည်ရွယ်ပြီး ဒီပြပွဲကို စီစဉ်ကျင်းပခဲ့တာလို့ ဆိုပါတယ်။ https://youtu.be/ByfFyBu4OyA #မြန်မာ #ဧရာဝတီ #ကာတွန်းပြပွဲ #မဲဆောက် #စစ်ပွဲ #ငြိမ်းချမ်းရေး #လူ့အခွင့်အရေး #WART #WhatsHappeningInMyanmar

မြန်မာနေရှင်နယ်လိဂ်မှ ဘောလုံးသမား ၁ ဦး ပျောက်ဆုံးနေ ဧရာဝတီ၊ ဩဂုတ် ၂၇၊ ၂၀၂၆ လူငယ်များ နေ့စဉ်နီးပါး ပေါ်တာဆွဲ ဖမ်းဆီးခံနေရသဖြင့် ပျောက်ဆုံးမှုများ ဖြစ်ပေါ်နေသော ရန်ကုန်မြို့တွင် မြန်မာနေရှင်နယ်လိဂ် ချင်းလန်း (Chinland FC) အသင်းမှ ကစားသမားတဦး ပျောက်ဆုံးနေသည်မှာ ၅ ရက်ရှိပြီဖြစ်ပြီး အဆက်အသွယ် မရသေးကြောင်း အသင်းတာဝန်ရှိသူများထံက သိရသည်။ Chinland FC အသင်းမှ ကျောနံပါတ် ၅ အသက် ၂၂ နှစ်အရွယ် ဆလိုင်း ပါလုံး (Pa Lung) သည် သြဂုတ်၂၂ ရက်က ရန်ကုန်မြို့ သုဝဏ္ဏအားကစားကွင်းတွင် ပြုလုပ်သည့် ဖူဆယ်ပွဲသို့ သွားရောက်ကြည့်ရှုပြီးအပြန်၊ မြောက်ဒဂုံ ၇/၈ လမ်းဆုံ ကားမှတ်တိုင်၌ ပျောက်ဆုံးသွားခဲ့ခြင်း ဖြစ်သည်။ အသင်းတာဝန်ရှိသူတဦးက “စနေည ၉ လောက်က ပျောက်သွားတယ်။ ဘာလို့ပြောနိုင်တာလဲဆိုတော့ အဲဒီနေရာ ရောက်နေတယ်။ လာကြိုပေးလို့ ရမလားဆိုပြီး သူ့ရဲ့သူငယ်ချင်းကို ဖုန်းဆက်တယ်။ သူ့သူငယ်ချင်းက နောက်ကျနေလို့ Grab ထောက်ကြည့်ပြီး ပြန်လာလို့ရမလားဆိုတော့ ကြိုးစားကြည့်မယ်လို့ပြောပြီး နောက်ထပ် ဖုန်းဆက်တာ မရတော့ဘဲ အဆက်အသွယ် ပြတ်သွားတာ” ဟု ပြောသည်။ အဆိုပါ ကစားသမားပျောက်ဆုံးမှုအတွက် အသင်းတာဝန်ရှိသူများက နီးစပ်ရာ ရဲစခန်းကို လူပျောက်တိုင်ကြားထားသော်လည်း တစုံတရာအကြောင်းပြန်ခြင်းမရှိသလို မြန်မာနိုင်ငံဘောလုံးအဖွဲ့ချုပ် မြန်မာနေရှင်နယ်လိဂ်ကော်မတီထံ အကြောင်းထားပြီး ပူးပေါင်းရှာဖွေနေရာ ထူးခြားမှု မရှိသေးပေ။ ထို့ပြင် အသင်း၏ Facebook Page တွင်လည်း လူပျောက်ကြေညာ၍ သတင်းအချက်အလက် တစုံတရာ သိရှိသူများအမြန်ဆုံး အကြောင်း ကြားပေးရန် မေတ္တာရပ်ခံထားသည်။ ထိုခြေအနေနှင့်ပတ်သက်ပြီး မြောက်ဒဂုံမြို့နယ်၌နေထိုင်သူအမျိုးသားတဦးက ကားမှတ်တိုင်အနီးနေရာများတွင် ပေါ်တာဆွဲဖမ်းဆီးသည့် အဖွဲ့များ အမြဲလိုလို စောင့်နေတတ်သောကြောင့် အဆိုပါ ဘောလုံးသမားမှာ စစ်မှုထမ်းရန် ပေါ်တာဆွဲခံလိုက်ရခြင်းဖြစ်နိုင်သည်ဟု မှတ်ချက်ပြုပြောသည်။ ၎င်းက “ဒီမှာက ည ၇ နာရီကျော်ရင်တောင် အဆွဲခံနေရပြီး။ စက်ဘီးနဲ့တယောက်ထဲသွားတာတို့ တယောက်ထဲ လမ်းလျှောက်သွားတာတို့ဆို ပါသွားပြီပဲ။ အသက် ၄၀၊ ၅၀ လောက်လည်း မထားဘူး သန်သန်မာမာရှိနေရင်ကို ဆွဲတယ်” ဟု ပြောသည်။ ရန်ကုန်မြို့တွင် လူငယ်များမကြာခဏပေါ်တာဆွဲ ဖမ်းဆီးခံနေရပြီး ကျပ်သိန်း ၁၀၀ ကျော်၂၀၀ ထိပေး၍ ပြန်ရွေးယူရသည့် ဖြစ်စဉ်များစွာလည်းရှိနေသော်လည်း လက်ရှိ ကစားသမားပျောက်ဆုံးနေမှုအတွက် ငွေကြေးဖြင့် ပြန်ရွေးရန် ဆက်သွယ်လာခြင်းမရှိသေးကြောင်း Chinland FC အသင်း တာဝန်ရှိသူက ပြောသည်။ #WhatsHappeningInMyanmar #RejectMilitaryCoup

ဆန်၊ ဆီ၊ စက်သုံးဆီ၊ ရွှေနှင့် ဒေါ်လာ ယနေ့ ပေါက်ဈေး ဧရာဝတီ၊ ဩဂုတ် ၂၇၊ ၂၀၂၆ ဆန် အာဏာရှင်အစိုးရအဖွဲ့ သတ်မှတ်သည့် ဆန်လက်ကားဈေးမှာ အကြမ်း အနိမ့်ဆုံး ဆန်ကြမ်း ၁ အိတ်(အနိမ့်ဆုံး)- ၇၂၀,၀၀ ကျပ်မှ ၈၅၀,၀၀ ကျပ်၊ အချော အမြင့်ဆုံး ရွှေဘိုပေါ်ဆန်း ၁ အိတ် ၂၀၀,၀၀၀ ကျပ်မှ ၂၃၀,၀၀၀ ကျပ်၊ ဧရာဝတီပေါ်ဆန်း နယ်စုံ ၁၅၅,၀၀၀ ကျပ်မှ ၁၇၈,၀၀၀ ကျပ် ပြင်ပ ဈေးကွက်တွင် ကြိုက်ရောင်းကြိုက်ဝယ် ဈေးဖြင့် အရောင်းအဝယ်ဖြစ်နေပြီး ဆန်၏ အရည်အသွေး၊ ဆန်ကွဲပါဝင်မှု၊ ဆန် သစ်/ဟောင်း၊ ငွေပေးချေမှု၊ အိတ်ခွံ၊ နေရာအလိုက် သယ်ယူပို့ဆောင်မှုပေါ်မူတည်၍ ဈေးနှုန်း အနည်းငယ်ကွာဟမှုရှိနိုင်ကြောင်း ဝါးတန်းလမ်း ဆန်ကုန်စည်ဒိုင်မှ သိရသည်။ စားအုန်းဆီ အာဏာရှင်အစိုးရအဖွဲ့၏ စားအုန်းဆီ ရည်ညွှန်းလက်ကားဈေးမှာ ၁ ပိဿာ ၇,၀၀၀ ကျပ်ကျော်တွင်ရှိနေ၊ လက်လီသတ်မှတ်ဈေးမှာ ၈,၀၀၀ ကျပ်ဝန်းကျင်တွင် ရှိနေ၊ ပြင်ပဈေးမှာ ၁ ပိဿာလျှင် ၁၆,၀၀၀ ကျပ် ဖြစ်ပြီး ယင်းဆီဈေးနှုန်းမှာ ရန်ကုန်မြို့မှ ဈေးနှုန်းများဖြစ်ပြီး မြို့နယ်နှင့် နေရာဒေသအလိုက် ကွာခြားမှု၊ မြင့်တက်မှုများ ရှိနိုင်သည်။ စက်သုံးဆီ ဓာတ်ဆီ ၉၂ တလီတာ ၃,၅၇၅ ကျပ် ဓာတ်ဆီ ၉၅ တလီတာ ၃,၆၉၀ ကျပ် ဒီဇယ် တလီတာ ကျပ် ၄,၀၇၀ ကျပ် ပရီမီယံ ဒီဇယ် တလီတာ ၄,၉၂၅ ကျပ် လက်ရှိတွင် ရန်ကုန်၊ မန္တလေးမြို့ကြီးများတွင် တချို့ ဆိုင်များ စက်သုံးဆီပြတ်လပ်ခြင်းဖြစ်ပေါ်နေသလိုစစ်ဖြစ်ပွားသည့် ဒေသများအပါအဝင် ဝေးလံခေါင်ဖျား ဒေသများ၌ သတ်မှတ်ဈေးထက်ဈေးနှုန်းအဆမတန် မြင့်တက်ခြင်း၊ သယ်ယူပို့ဆောင်မှုများကို အာဏာသိမ်းအစိုးရက ကန့်သတ်ခြင်းများ ရှိနေသည်။ ရွှေနှင့် ဒေါ်လာ ပြင်ပဈေးကွက်အရ အမေရိကန် ၁ ဒေါ်လာလျှင် ၄,၃၀၀ ကျပ်ကျော်တွင်ရှိနေ အကယ်ဒမီ အခေါက်ရွှေ တကျပ်သား (စနစ်ဟောင်း) ကျပ် ၁၀၄ သိန်း ကျော်တွင်ရှိနေ လက်ဝတ်ရတနာ ၁၅ ပဲရည် တကျပ်သား (စနစ်ဟောင်း) ကျပ် ၉၈ သိန်း ကျော်တွင်ရှိနေ အကယ်ဒမီ အခေါက်ရွှေ တကျပ်သား (စနစ်သစ်) ကျပ် ၁၀၂ သိန်း ကျော်တွင်ရှိနေ လက်ဝတ်ရတနာ ၁၅ ပဲရည် တကျပ်သား (စနစ်သစ်) ကျပ် ၉၆ သိန်း ကျော်တွင်ရှိနေ ကမ္ဘာ့ရွှေဈေး တအောင်စ အမေရိကန် ဒေါ်လာ ၄,၆၀၄ ဓာတ်သတ္တု(ရွှေ) ရည်ညွှန်းဈေး သတ်မှတ်ရေးကော်မတီ သတ်မှတ်ဈေး စံချိန်မီ ရွှေ ၁ ကျပ်သား (၁၆.၃၂၉၃၂၅ဂရမ်) ၇,၁၅၀,၀၀၀ အချိန်နှင့်အမျှ ဈေးနှုန်း အပြောင်းအလဲ ရှိနိုင်သည်။ #ဧရာဝတီ #နေ့စဉ်ကုန်ဈေးနှုန်း #ဆန်ဈေး #ဆီဈေး #လောင်စာဆီဈေး #ရွှေဈေး #ဒေါ်လာဈေး

ရန်ကုန်၌ သေဆုံးခဲ့သည့် အမေရိကန် သံတမန်အမှု သံသယရှိသူ ထိုင်းအမျိုးသမီး လဝကမှုဖြင့် ထောင် ၁နှစ် ချ ဧရာဝတီ၊ ဩဂုတ် ၂၇၊ ၂၀၂၆ ရန်ကုန်တွင် အမေရိကန် သံတမန်ဖြစ်သူ ခင်ပွန်းဟောင်းကို သတ်ဖြတ်မှုဖြင့် စွပ်စွဲခံထားရသည့် ထိုင်းအမျိုးသမီး Mrs. Pavinee Supasirivisan ကို လူဝင်မှုကြီးကြပ်ရေးဆိုင်ရာ ဥပဒေ ချိုးဖောက်မှုဖြင့် ကမာရွတ်မြို့နယ်တရားရုံးက ထောင်ဒဏ် ၁ နှစ် ချမှတ်ခဲ့ကြောင်း နိုင်ငံတကာသတင်းများ၌ ဖော်ပြသည်။ အဆိုပါ အမျိုးသမီးသည် အမေရိကန်သံရုံးအနီးရှိ ဟိုတယ်တခုတွင် မေလအတွင်းက ဖြစ်ပွားခဲ့သော ဓားဖြင့် ထိုးသတ်မှု အတွက် သံသယရှိသူအဖြစ် ဖမ်းဆီးထိန်းသိမ်းခံထားရပြီး သေဒဏ်အထိ ကျခံရနိုင်သည့် ရာဇသတ်ကြီး ဥပဒေဖြင့် တရားရင်ဆိုင်ရဖွယ်လည်း ရှိနေကြောင်း သတင်းက ဆိုသည်။ ထိုအမျိုးသမီးအား တိုင်းပြည်အတွင်း ပြစ်မှုကျူးလွန်သည့် မည်သည့် နိုင်ငံခြားသားကိုမဆို အရေးယူသည့် ပုဒ်မဖြင့် ဩဂုတ်လ ၂၅ ရက်တွင် ပြစ်ဒဏ်ချမှတ်ခဲ့ခြင်းဖြစ်ကြောင်း အဆိုပါအမှုနှင့် နီးစပ်သည့် ရှေ့နေတဦးက ပြောသော်လည်း လဝကဥပဒေကို မည်သို့ ချိုးဖောက်ခြင်းဖြစ်ကြောင်း အသေးစိတ်ထုတ်ဖော်ပြောဆိုခြင်း မရှိပေ။ လဝကဥပဒေချိုးဖောက်သည့်ပြစ်မှုသည် ထောင်ဒဏ် ၆ လမှ ၅ နှစ်အထိ ကျခံရနိုင်သော်လည်း ပါဝိနီကို ထောင် ၁နှစ်သာ ချခဲ့ပြီး လက်ရှိ အင်းစိန်ထောင်၌ ထိန်းသိမ်းထားကြောင်း သိရသည်။ သေဆုံးသူအမေရိကန်သံတမန်မှာ မည်သူမည်ဝါဖြစ်ကြောင်းအပါအဝင် အသေးစိတ်အချက်အလက်များကို ဒေသဆိုင်ရာ အာဏာပိုင်များနှင့် အမေရိကန် တာဝန်ရှိသူများဘက်က သတင်းအနည်းငယ်သာ ထုတ်ပြန်ထားသည်။ #WhatsHappeningInMyanmar #RejectMilitaryCoup

ပြည်ပရောက် PV နိုင်ငံကူးလက်မှတ် သက်တမ်းတိုးဆိုင်းငံ့ စင်္ကာပူ၊ ဩစတြေးလျ၊ နယူးဇီလန်နဲ့ ပါပူဝါနယူး ဂီနီနိုင်ငံတွေက သက်ဆိုင်ရာ မြန်မာသံရုံးတွေမှာ အလည်အပတ် နိုင်ငံကူးလက်မှတ် (PV) သက်တမ်းတိုးပေးတာကို ဆိုင်းငံ့ထားကြောင်း ထုတ်ပြန်လာပါတယ်။ စင်္ကာပူနိုင်ငံဆိုင်ရာမြန်မာသံရုံးရဲ့ မနေ့က ဩဂုတ်လ ၂၅ ရက်နေ့ ထုတ်ပြန်ချက်မှာတော့ PV ကနေ အလုပ်အကိုင် နိုင်ငံကူးလက်မှတ် (PJ) အဖြစ် ပြောင်းလဲပြီး သက်တမ်းတိုးမယ့်သူတွေအနေနဲ့ လက်ရှိမှာ စောင့်ဆိုင်းဖို့ လိုအပ်တယ်လို့ ဖော်ပြထားပါတယ်။ PV ကနေ PV အဖြစ်ပဲ သက်တမ်းတိုးဖို့ သံရုံးကို သွားရောက်သူတွေကိုပါ သက်တမ်းတိုးပေးတာမရှိဘဲ ပြန်လွှတ်နေတယ်လို့ သက်တမ်းတိုးသူတွေက ပြောပါတယ်။ ထိုင်းနိုင်ငံမှာလည်း ဩဂုတ်လ ၁၉ ရက်နေ့က စတင်ပြီး PV နိုင်ငံကူးလက်မှတ်တွေကို သက်တမ်းတိုးပေးတာ မရှိတော့ဘဲ နေပြည်တော်ကို စာတင်ခိုင်းနေတယ်လို့ ကိုယ်တိုင်သက်တမ်းတိုးဖို့ သွားရောက်ခဲ့သူတွေကလည်း ဆိုပါတယ်။ #မြန်မာ #ဧရာဝတီ #နိုင်ငံကူးလက်မှတ် #PV #သက်တမ်းတိုးဆိုင်းငံ့ #စင်္ကာပူ #ဩစတြေးလျ #နယူးဇီလန် #ပါပူဝါနယူးဂီနီ #WhatsHappeningInMyanmar

ဦးမင်းဇင်ကို တရုတ်အာဏာပိုင်တို့ နေ့စဉ် နာရီပေါင်းများစွာ စစ်နေဟု ညီဖြစ်သူ ပြော သတင်း | ဧရာဝတီ၊ ဩဂုတ် ၂၇၊ ၂၀၂၆ တရုတ်အာဏာပိုင်တို့ ဖမ်းထားသည့် မြန်မာပြည်ဖွား အမေရိကန်နိုင်ငံသား ဦးမင်းဇင်မှာ နေ့စဉ် ၄ နာရီမှ ၆ နာရီအထိ စစ်ဆေးမေးမြန်းခံနေရပြီး အချို့နေ့ရက်များတွင် ၁၆ နာရီအထိပင် ကြာမြင့်ကြောင်း သြဂုတ် ၂၄ ရက်တွင် VOA နှင့် ညီဖြစ်သူ ဦးအောင်မော်ဇင်တို့ တွေ့ဆုံစဉ် ပထမဆုံးအကြိမ် ထုတ်ဖော်ပြောကြားသည်။ ဦးအောင်မော်ဇင်က "သူ့မှာ ကျန်းမာရေးပြဿနာအချို့ ရှိနေပေမယ့် ရုပ်ပိုင်းဆိုင်ရာရော စိတ်ပိုင်းဆိုင်ရာပါ ကြံ့ခိုင်နေ တာ တွေ့ရတယ်။ သို့သော်လည်း ကန့်သတ်ချုပ်ချယ်မှုတွေ ပိုများလာပြီး တွေ့ဆုံခွင့်တွေကိုလည်း နည်းမျိုးစုံနဲ့ အဟန့် အတား လုပ်လာကြတယ်။ ဒါဟာ ကျနော်တို့ စိုးရိမ်နေတဲ့ အချက်ပါပဲ" ဟု ပြောသည်။ Website တွင် ဖတ်ရန် https://burma.irrawaddy.com/news/2026/08/27/415814.html #WhatsHappeningInMyanmar --------------------- စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation

အာဏာသိမ်းသမ္မတ ဗီယက်နမ် သွားမည် ဧရာဝတီ၊ ဩဂုတ် ၂၇၊ ၂၀၂၆ အရပ်သားပြည်သူများကို လေကြောင်းမှ ဗုံးကြဲမှုများအပါအဝင် အကြမ်းဖက်သတ်ဖြတ်မှုများပြုလုပ်နေသည့် အာဏာသိမ်း အစိုးရကို တရားဝင် အသိအမှတ်မပြုရေး နိုင်ငံတကာ ကန့်ကွက်ပြောဆိုမှုများရှိနေသော်လည်း အာဆီယံအဖွဲ့ဝင် ဗီယမ်နမ်နိုင်ငံက ဦးမင်းအောင်လှိုင်အား တရားဝင်ခရီးစဉ် လာရောက်ရန် ဖိတ်ကြားလာခဲ့ပြီး လာမည့် နိုဝင်ဘာလအတွင်း သွားရောက်ရန် ရှိနေသည်။ ဗီယက်နမ်နိုင်ငံ နိုင်ငံခြားရေးဝန်ကြီး H.E. Le Hoai Trung ဦးဆောင်သော ကိုယ်စားလှယ်အဖွဲ့နေပြည်တော်သို့ ရောက်ရှိနေစဉ် ဩဂုတ် ၂၆ ရက်က ဦးမင်းအောင်လှိုင်နှင့်တွေ့ဆုံချိန် ဖိတ်ကြားခဲ့ခြင်းဖြစ်ကြောင်း အာဏာသိမ်းသတင်းစာတွင် ဖော်ပြသည်။ ထို့ပြင် ဗီယက်နမ်နိုင်ငံသို့ လာရောက်မည့် တရားဝင်ချစ်ကြည်ရေးခရီးစဉ်အတွင်း နှစ်နိုင်ငံ ဘုံအကျိုးစီးပွားအတွက် စာမျက်နှာသစ်၊ ကဏ္ဍသစ်ကို ချစ်ကြည်ရင်းနှီးမှု၊ ပူးပေါင်းဆောင်ရွက်မှုများဖြင့် ပိုမိုတိုးတက်ခိုင်မာအောင် မြှင့်တင် ဆောင်ရွက်သွားနိုင်မည်ဟု ယုံကြည်ကြောင်း၊ နိုင်ငံတကာမျက်နှာစာတွင် အပြန်အလှန်ထောက်ခံ အားပေးသွားမည် ဖြစ်ကြောင်း ဗီယက်နမ်နိုင်ငံခြားရေးဝန်ကြီးက ပြောသည်။ ဦးမင်းအောင်လှိုင်က ဗီယက်နမ်နိုင်ငံတွင် ကျင်းပမည့် ကမ္ဘောဒီးယား-လာအို-မြန်မာ-ဗီယက်နမ် ပူးပေါင်းဆောင်ရွက်မှု (CLMV) ထိပ်သီးအစည်းအဝေးနှင့် ဧရာဝတီ-ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ (ACMECS) ထိပ်သီးအစည်းအဝေးတို့၌ မြန်မာနိုင်ငံမှ ပါဝင်တက်ရောက်သွားမည့်အခြေအနေများ ဆွေးနွေးခဲ့သည်ဟု သိရသည်။ ဗီယက်နမ်နိုင်ငံခြားရေးဝန်ကြီး၏ ခရီးစဉ်သည် မြန်မာနိုင်ငံတွင် ဆက်သွယ်ရေးကဏ္ဍ အပါအဝင် ကြီးမားသော စီးပွားရေး ရင်းနှီးမြှုပ်နှံမှုများ ရှိနေသည့်အတွက် အကျိုးစီးပွားရင်းနှီးမြှုပ်နှံမှုများ ကာကွယ်ရန်နှင့် နှစ်နိုင်ငံကြား သံအမတ်အသစ်များ လဲလှယ်မှုအပြီး ဆက်ဆံရေး ပိုမိုခိုင်မာစေရန် လာရောက်ခြင်းဖြစ်ကြောင်း ရိုက်တာသတင်းက ဆိုသည်။ ဦးမင်းအောင်လှိုင်သည် ဧပြီလတွင် သမ္မတရာထူး ရယူပြီးနောက်အိမ်နီးချင်း အင်အားကြီး အိန္ဒိယ၊ တရုတ်အပါအဝင် အာဆီယံအဖွဲ့ဝင် လာအို နှင့် ထိုင်းနိုင်ငံတို့သို့ တရားဝင်ခရီးများ သွားရောက်ခဲ့ပြီး လာမည့် စက်တင်ဘာလအတွင်း ကမ္ဘောဒီးယားနိုင်ငံသို့ သွားရန်ရှိကြောင်း သိရသည်။ ပုံစာ-ယမန်နေ့က နေပြည်တော်တွင် ဗီယက်နမ် နိုင်ငံခြားရေးဝန်ကြီး H.E. Le Hoai Trungနှင့် မင်းအောင်လှိုင်တို့ တွေ့ဆုံစဉ်/MOI #WhatsHappeningInMyanmar #RejectMilitaryCoup

ကမ္ဘောဇဘဏ် အချက်အလက်တွေ ခိုးယူထားတယ်လို့ ဟက်ကာတွေကြေညာ မြန်မာနိုင်ငံမှာ လူသုံးအများဆုံးဘဏ်တွေထဲက တခုဖြစ်တဲ့ ကမ္ဘောဇဘဏ် (KBZ) သုံးစွဲသူတွေရဲ့ အချက်အလက် ကို ဟက်ကာတွေက ခိုးယူထားကြောင်း ဆိုက်ဘာရာဇဝတ်မှုတွေနဲ့ပတ်သက်လို့ လေ့လာစောင့်ကြည့်နေတဲ့ Ransom DB က သူတို့ ရဲ့ X လူမှုကွန်ရက်စာမျက်နှာကနေ ဩဂုတ်လ ၂၄ ရက်နေ့မှာထုတ်ပြန်ခဲ့ပါတယ်။ The Crew ဆိုတဲ့ အဖွဲ့က သူတို့ခိုးယူထားကြောင်း ကြေညာခဲ့တာကို Ransom DB က သတိပေးပြောဆိုလာ တာပါ။ Ransom DB ကဖော်ပြထားတဲ့ အချက်အလက်တွေအရ The Crew အဖွဲ့က KBZ ဘဏ် အကောင့် အသုံးပြုသူ တချို့ရဲ့ နာမည်နဲ့ အသုံးပြုတဲ့ လျှို့ဝှက်ကုတ်တွေကို ဖော်ပြထားသလို သူတို့အဖွဲ့အနေနဲ့ AYA ဘဏ်၊ Htoo Hospital နဲ့ အခြားကုမ္ပဏီတွေကို ခိုးယူထားတယ်လို့ လည်း တွေ့ရပါတယ်။ ကမ္ဘောဇဘဏ်ကတော့ ဘဏ်ရဲ့ စနစ်တွေ လုံခြုံရေးကျိုးပေါက်တာ၊ ထိုးဖောက်ဝင်ရောက်ခံရတာမျိုး လုံးဝမရှိဘူးလို့ ဩဂုတ်လ ၂၇ ရက်နေ့ ညနေပိုင်းမှာ ထုတ်ပြန်ပြောဆိုထားပါတယ်။ #မြန်မာ #ဧရာဝတီ #ကမ္ဘောဇဘဏ် #KBZ #TheCrew #RansomDB #ဟက်ကာ #WhatsHappeningInMyanmar

ရေခဲမြစ်ပြိုကျရာကနေ ဖြစ်ပွားခဲ့တဲ့ ရေကြီးရေလျှံမှုများကြောင့် နီပေါ-တရုတ် နယ်စပ်မှာ အနည်းဆုံး လူ ၁၆၀ သေဆုံး ဩဂုတ် ၂၇၊ ၂၀၂၆ နီပေါနဲ့ တရုတ်နိုင်ငံနယ်စပ်ဒေသမှာ ဗုဒ္ဓဟူးနေ့ကဖြစ်ပွားခဲ့တဲ့ ရေခဲမြစ်ပြိုကျရာက‌နေဖြစ်ပေါ်လာတဲ့ ရုတ်တရက်ရေကြီးမှုကြီးကြောင့် အနည်းဆုံးလူပေါင်း ၁၆၀ သေဆုံးခဲ့ပြီး ကမ္ဘာလှည့်ခရီးသွားတွေ၊ အလုပ်သမားတွေအပါအ၀င် လူပေါင်းရာနဲ့ချီပြီးပျောက်ဆုံးနေပါတယ်။ #မြန်မာ #ဧရာဝတီ #တရုတ် #နီပေါ #သဘာဝဘေး

ရုရှားနှင့် လုပ်မည့် ထားဝယ်ရေနက်ဆိပ်ကမ်းအတွက် နယ်မြေရှင်းလင်းမှု ပိုပြင်းထန်လာ သတင်း | ဧရာဝတီ၊ ဩဂုတ် ၂၇၊ ၂၀၂၆ ရုရှားနှင့်ပူးပေါင်း အကောင်အထည်ဖော်မည်ဆိုသော ထားဝယ်ရေနက်ဆိပ်ကမ်း စီမံကိန်းနှင့် စီးပွားရေးဇုန်တဝိုက် ပြီးခဲ့သည့် ဇူလိုင်လကတည်းက နယ်မြေရှင်းလင်းရေးလုပ်နေရာ အာဏာသိမ်းသမ္မတ ဦးမင်းအောင်လှိုင်၏ ရုရှားခရီစဉ်အပြီး ပိုမိုပြင်းထန်လာကြောင်း ဒေသခံသတင်းရင်းမြစ်များထံမှ သိရသည်။ တနင်္သာရီတိုင်း ရေဖြူနှင့် လောင်းလုံးမြို့နယ်အစပ် ပင်လယ်ကမ်းရိုးတန်းရှိ ထားဝယ်အထူးစီးပွားရေးဇုန်နှင့် ရေနက်ဆိပ်ကမ်းစီမံကိန်း အကောင်အထည်ဖော်နိုင်ရေး လောင်းလုံး၊ အထက်ရေဖြူ၊ အောက်ရေဖြူ၊ သရက်ချောင်းမြို့နယ် များ၌ အင်အားထောင်ချီသုံးကာ ထိုးစစ်ဆင်နေခြင်း ဖြစ်သည်။ Website တွင် ဖတ်ရန် https://burma.irrawaddy.com/news/2026/08/27/415805.html #WhatsHappeningInMyanmar --------------------- စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation