The Irrawaddy - Burmese

Kanalga Telegram’da o‘tish

The Irrawaddy magazine and its Web site cover Burma and Southeast Asia, providing in-depth news and information to international readers. burma.irrawaddy.com

Ko'proq ko'rsatish

Myanma1 571 Yangiliklar & Media3 325...

📈 Telegram kanali The Irrawaddy - Burmese analitikasi

The Irrawaddy - Burmese (@theirrawaddy) Myanma til segmentidagi kanali faol ishtirokchi. Hozirda hamjamiyat 79 665 obunachidan iborat bo'lib, Yangiliklar & Media toifasida 3 325-o'rinni va Myanma mintaqasida 1 571-o'rinni egallagan.

📊 Auditoriya ko‘rsatkichlari va dinamika

невідомо sanasidan buyon loyiha tez o‘sib, 79 665 obunachiga ega bo‘ldi.

10 Iyun, 2026 dagi oxirgi ma’lumotlarga ko‘ra kanal barqaror faollikka ega. Oxirgi 30 kunda obunachilar soni -932 ga, so‘nggi 24 soatda esa -10 ga o‘zgardi va umumiy qamrov yuqori darajada qolmoqda.

Tasdiqlash holati: Tasdiqlangan (Telegram tomonidan rasmiy tasdiq)
Jalb etish (ER): Auditoriya o‘rtacha 5.36% darajada jalb etiladi. Nashrdan keyingi dastlabki 24 soatda kontent odatda umumiy obunachilar sonining 4.25% ini tashkil etuvchi reaksiyalarni to‘playdi.
Post qamrovi: Har bir post o‘rtacha 4 274 marta ko‘riladi; birinchi sutkada odatda 3 390 ta ko‘rish yig‘iladi.
Reaksiyalar va o‘zaro ta’sir: Auditoriya faol: har bir postga o‘rtacha 46 ta reaksiya keladi.

📝 Tavsif va kontent siyosati

Muallif resursni shaxsiy fikrni ifoda etish maydoni sifatida ta’riflaydi:
“The Irrawaddy magazine and its Web site cover Burma and Southeast Asia, providing in-depth news and information to international readers. burma.irrawaddy.com”

Yuqori yangilanish chastotasi (oxirgi ma’lumot 11 Iyun, 2026 da olingan) sababli kanal doimo dolzarb va katta qamrovli bo‘lib qoladi. Analitika auditoriya kontent bilan faol hamkorlik qilishini, uni Yangiliklar & Media toifasidagi muhim ta’sir nuqtasiga aylantirishini ko‘rsatadi.

79 665

Obunachilar

-1024 soatlar

-1727 kunlar

-93230 kunlar

4 274

Post ko'rishlar

~ 3 39024 soatlar

~ 3 76748 soatlar

5.36%

Muloqot nisbati

~ 36

Kuniga postlar

Ads index

beta

Postlar arxiv

79 651

ဒီဇယ်၊ ဓာတ်မြေဩဇာနှင့် LNG ကြိုတင်ဝင်ငွေခွန် ကင်းလွတ်ခွင့် တလ တိုးမြှင့် ဧရာဝတီ၊ ဇွန် ၁၂၊ ၂၀၂၆ အရှေ့အလယ်ပိုင်းဒေသ ပဋိပက္ခများကြောင့် ဒီဇယ်ဆီအသုံးပြု၍ မောင်းနှင်ရသည့် မော်တော်ယာဉ်များနှင့် အခြေခံ စားသောက်ကုန်၊ ကုန်စည်ဈေးနှုန်းများကို ထိန်းညှိပေးရန်အတွက် ရိုးရိုးဒီဇယ်ဆီ တင်သွင်းမှုအပေါ် အကောက်ခွန်၊ အထူးကုန်စည်ခွန်၊ ကုန်သွယ်လုပ်ငန်းခွန်နှင့် ကြိုတင်ကောက်ခံသော ဝင်ငွေခွန် ၂ ရာခိုင်နှုန်းကို ဇွန်လ ၃၀ ရက်အထိ ကင်းလွတ်ခွင့် တိုးမြှင့်လိုက်ကြောင်း အာဏာသိမ်းအစိုးရ လက်အောက်ခံ ဘဏ္ဍာရေးနှင့် အခွန်ဝန်ကြီးဌာနက ထုတ်ပြန်သည်။ အဆိုပါ အခွန်များကို ပြီးခဲ့သည့် မေလ ၁ ရက်မှ ၃၁ ရက်အထိ ကင်းလွတ်ခွင့်ပြုခဲ့ပြီး ယခု ဇွန်လ ၃၀ ရက်အထိ တိုးမြှင့်လိုက်ခြင်းဖြစ်သည်။ ထို့ပြင် ဓာတ်မြေဩဇာ တင်သွင်းမှုအပေါ် ကောက်ခံသည့် ကြိုတင်ဝင်ငွေခွန် ၂ ရာခိုင်နှုန်း ကင်းလွတ်ခွင့်ကိုလည်း ယခု ဇွန်လ ၃၀ ရက်အထိ တိုးမြှင့်ခွင့်ပြုလိုက်ကြောင်းနှင့် ဓာတ်အားခဈေးနှုန်းများ သက်သာစေရန်အတွက် LNG တင်သွင်းမှုအပေါ် ကောက်ခံသည့် အကောက်ခွန်၊ ကုန်သွယ်လုပ်ငန်းခွန်နှင့် ကြိုတင်ဝင်ငွေခွန်တို့ကို ဇွန်လ ၁ ရက်မှ ၃၀ ရက်အထိ ကင်းလွတ်ခွင့်ပြုသွားမည်ဖြစ်ကြောင်း သိရသည်။ ထိုသို့ အခွန်ကင်းလွတ်ခွင့်တိုးမြှင့်ပေးသော်လည်း ကိုယ်ပိုင်ယာဉ် အသုံးပြုသူများကို စုံ/မစနစ်ကို မပယ်ဖျက် ပေးသည့်အတွက် မြေပြင်၌ သွားလာရာတွင် အခက်အခဲဖြစ်ပေါ်နေရကြောင်း ပြည်သူများက ပြောသည်။ ပုံစာ-၂၀၂၄ က သီလဝါတွင် ဆီဘောက်ဆာကားများ တန်းစီနေစဉ်/RFA #WhatsHappeningInMyanmar #RejectMilitaryCoup

79 651

ကရင်နီ၌ ဗုံးသီးဖြုတ်ချိန် ပေါက်ကွဲ၍ အမျိုးသား ၂ဦး သေဆုံး ဧရာဝတီ ၊ ဇွန် ၁၂ ၊ ၂၀၂၆ ကရင်နီပြည်(ကယားပြည်နယ်) ဒီးမော့ဆိုမြို့နယ် အနောက်ဘက်ခြမ်းရှိ ကျေးရွာတခုတွင် ယမန်နေ့ နေ့လယ် ၁ နာရီခွဲခန့်က အမျိုးသား ၂ဦး အာပီဂျီ (RPG) လက်နက်ကြီးဗုံးသီး ဖြုတ်ချိန် ပေါက်ကွဲမှုဖြစ်ပွားပြီး သေဆုံးခဲ့ကြောင်း ဒေသခံများက ပြောသည်။ အဆိုပါ ပေါက်ကွဲမှုကြောင့် အိမ်ပိုင်ရှင်နှင့် အမျိုးသားတဦး ပွဲခြင်းပြီးသေဆုံးပြီး အမျိုးသား ၁ ဦးထိခိုက်ဒဏ်ရာ ရရှိခဲ့သည်။ " အသံ အကျယ်ကြီးကြားတော့ လက်နက်ကြီးကျတယ်ထင်တာ။ အိမ်ရှင်ကတော့ အစိတ်စိတ်အမွှာမွှာ ဖြစ်တယ်" ဟု ဒေသခံတဦးက ပြောသည်။ ဒဏ်ရာရရှိသည့် အမျိုးသားကို ဆေးရုံသို့ပို့ဆောင်ထားပြီး ဆေးကုသမှုပေးနေကြောင်း၊၎င်းတို့ထဲမှ တဦးသည် လက်နက်ခဲယမ်း အရောင်းအဝယ်ပြုလုပ်သူဖြစ်ကြောင်း ဒေသခံများက ဆိုသည်။ ဒီးမော့ဆိုအနောက်ခြမ်း ထိုကျေးရွာ၌ပင် ပြီးခဲ့သည့် ဖေဖော်ဝါရီလ ၂၂ ရက်ကလည်း လက်နက်ကြီးဗုံးသီး ဖြုတ်ရာမှ ပေါက်ကွဲမှုဖြစ်ပွားခဲ့ပြီး အမျိုးသား ၂ ဦး သေဆုံးကာ ၁ ဦး ထိခိုက်ဒဏ်ရာရခဲ့သည်။ “သတင်း-မိုးတိမ်” ဓာတ်ပုံ-CJ #WhatsHappeningInMyanmar #RejectMilitaryCoup

79 651

မင်းအောင်လှိုင်နှင့် ၎င်း၏ မိသားစုဝင်များသည် မည်မျှအထိ ချမ်းသာကြသနည်း ... Website တွင် ဖတ်ရန် https://bit.ly/4voWSAt

79 651

ပေါက်ကြားလာတဲ့ ခြေဥပြင်ဆင်ရေး (ရုပ်/သံ) ဧရာဝတီ၊ ဇွန် ၁၂၊ ၂၀၂၆ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့အတွက် နိုင်ငံရေးပါတီအစုအဖွဲ့တွေနဲ့ သဘောတူညီချက် ၄၃ ချက် ရရှိထားတယ်လို့ အာဏာသိမ်းစစ်ခေါင်းဆောင်က မကြာခဏဆိုသလို ထုတ်ဖော်ပြောဆိုနေပေမယ့် ဒီအချက်အလက်တွေကိုတော့ အများပြည်သူသိရှိအောင် တရားဝင်ထုတ်ပြန်ခြင်းမရှိဘဲ ကန့်သတ်ထားဆဲဖြစ်ပါတယ်။ စစ်တပ်နဲ့ နီးစပ်တဲ့နိုင်ငံရေးသမားတွေကတော့ လက်ရှိ အာဏာသိမ်းခေါင်းဆောင်လက်ထက် လွှတ်တော်ဟာ အခြေခံဥပဒေကို အချက်ပေါင်းအများဆုံး ပြင်ဆင်နိုင်တဲ့ လွှတ်တော်ဖြစ်လာမယ်လို့ ဝါဒဖြန့် ပြောဆိုနေပါတယ်။ ဧရာဝတီက ရရှိထားတဲ့ ပြင်ဆင်ချက် ၄၃ ချက်လုံးမှာတော့ စစ်တပ်က နိုင်ငံရေးကနေ အဆင့်ဆင့်ထွက်ခွာဖို့ ဒါမှမဟုတ် စစ်တပ်ရဲ့ အခန်းကဏ္ဍကို လျှော့ချဖို့ လုံးဝမပါဝင်ဘဲ အာဏာသိမ်းခေါင်းဆောင်ရဲ့ အာဏာစက်ကိုသာ ပိုမိုခိုင်မာလာစေဖို့ ပုံဖော်ထားတာကို တွေ့ရှိရတယ်လို့ ဥပဒေပညာရှင်တွေက ထောက်ပြပါတယ်။ https://youtu.be/oJQYUQ3P-Oc #မြန်မာ #ဧရာဝတီ #၂၀၀၈ဖွဲ့စည်းပုံ #ခြေဥပြင်ဆင်ရေး #၄၃ချက် #WhatsHappensInMyanmar

79 651

ကမ္ဘာ့ဖလားပွဲဦးထွက် အိမ်ရှင်မက္ကဆီကို တောင်အာဖရိကကို ၂-၀ ဖြင့် အနိုင်ရ ဧရာဝတီ၊ ဇွန် ၁၂၊ ၂၀၂၆ ကြာသပတေးနေ့က အက်ဇ်တီကာ (Azteca) ကွင်းကြီးအတွင်း ကျင်းပခဲ့သည့် ကမ္ဘာ့ဖလားအဖွင့်ပွဲစဉ်တွင် ပူးတွဲအိမ်ရှင် မက္ကဆီကိုအသင်းက တောင်အာဖရိကအသင်းကို ၂-၀ ဖြင့် အနိုင်ရရှိကာ ပြိုင်ပွဲကို အောင်ပွဲဖြင့် စတင်လိုက်ပြီ ဖြစ်သည်။ သို့သော် အဆိုပါပွဲစဉ်သည် ကောင်းမွန်သော ကစားကွက်များထက် အနီကတ် ၃ ကတ်အထိ ထွက်ပေါ်ခဲ့သည့် ကြမ်းတမ်းသော ပွဲစဉ်တပွဲအဖြစ် မှတ်တမ်းဝင်သွားခဲ့သည်။ မက္ကဆီကိုအသင်းအတွက် အဖွင့်ဂိုးကို ပွဲအစပိုင်းတွင် ဂျူလီယန် ကီနွန်နက်စ် (Julian Quinones) က သွင်းယူပေးခဲ့ပြီး၊ ဒုတိယပိုင်းတွင် ရာအူးလ် ဟီမင်နက်စ် (Raul Jimenez) က ခေါင်းတိုက်ကာ ဒုတိယဂိုး သွင်းယူပေးခဲ့သည်။ တောင်အာဖရိကအသင်းသည် ဒုတိယပိုင်းအစောပိုင်းတွင် ကွင်းလယ်လူ စဖီဖီလို စီသိုးလ် (Sphephelo Sithole) အနီကတ်ပြ ထုတ်ပယ်ခံရသဖြင့် တယောက်လျော့ဖြင့် ကစားခဲ့ရပြီး၊ နောက်ပိုင်းတွင် သင်းဘ်ဂါ ဇွာနီ (Themba Zwane) ပါ ထပ်မံထုတ်ပယ်ခံခဲ့ရသည်။ ပွဲပြီးခါနီး မိနစ်ပိုင်းတွင်မူ မက္ကဆီကိုအသင်းမှ ဆီဆာ မွန်တက်စ် (Cesar Montes) လည်း အနီကတ်ပြခံခဲ့ရသည်။ မက္ကဆီကိုအသင်း၏ နည်းပြဖြစ်သူ ဟာဗီယာ အာဂူရီ (Javier Aguirre) ကမူ အသင်း၏ စွမ်းဆောင်ရည်အပေါ် အားရကျေနပ်မှု မရှိဘဲ "ဒီပွဲက ၄-၀ လောက် ဖြစ်သင့်တာ၊ ကျနော်တို့ လုံလောက်အောင် မကစားနိုင်ခဲ့ပေမယ့် ပြည်သူတွေ ပျော်သွားကြလို့ တော်ပါသေးတယ်" ဟု သတင်းထောက်များကို ပြောကြားခဲ့သည်။ ယခုနှစ် ကမ္ဘာ့ဖလားပြိုင်ပွဲသည် အသင်းပေါင်း ၄၈ သင်း ပထမဆုံးအကြိမ် ပါဝင်ခွင့်ရသည့် ပြိုင်ပွဲဖြစ်သလို၊ နိုင်ငံ ၃ နိုင်ငံတွင် ပူးတွဲကျင်းပသည့် ပထမဆုံးပြိုင်ပွဲလည်း ဖြစ်သည်။ ထို့ပြင် အဖွင့်ပွဲစဉ်တွင် အနီကတ် ၃ ကတ်အထိ ထွက်ပေါ်ခဲ့သည့် ပထမဆုံး ကမ္ဘာ့ဖလားအဖွင့်ပွဲလည်း ဖြစ်လာခဲ့သည်။ ပွဲမစမီက မြို့တော်အတွင်း ဆန္ဒပြပွဲများ ရှိနေသော်လည်း ပရိသတ်များသည် ပွဲမစတင်မီ ၇ နာရီအလိုကတည်းက ကွင်းအတွင်း လာရောက်စောင့်ဆိုင်းခဲ့ကြပြီး၊ ကမ္ဘာ့ဖလားအဖွင့်အခမ်းအနားတွင် အနုပညာရှင် Shakira နှင့် Burna Boy တို့က ကမ္ဘာ့ဖလားအထိမ်းအမှတ် သီချင်းများဖြင့် သီဆိုဖျော်ဖြေကာ ပရိသတ်များကို အကြိတ်အနယ် ရှိစေခဲ့သည်။ အုပ်စု (က) တွင် ပါဝင်သည့် မက္ကဆီကိုအသင်းသည် လာမည့် ဇွန်လ ၁၈ ရက်နေ့တွင် ဂွါဒါလဟားရားမြို့၌ တောင်ကိုရီးယားအသင်းနှင့် ဆက်လက်ယှဉ်ပြိုင်ရမည်ဖြစ်ပြီး၊ တောင်အာဖရိကအသင်းသည် အတ္တလန်တာမြို့၌ ချက်သမ္မတနိုင်ငံအသင်းနှင့် ရင်ဆိုင်ရမည် ဖြစ်သည်။ ကိုးကား။ ။ Reuters သတင်း Mexico get World Cup party started with win as South Africa see red ပုံစာ - ယခုနှစ် ကမ္ဘာ့ဖလားပြိုင်ပွဲသည် အသင်းပေါင်း ၄၈ သင်း ပထမဆုံးအကြိမ် ပါဝင်ခွင့်ရသည့် ပြိုင်ပွဲဖြစ်သလို၊ နိုင်ငံ ၃ နိုင်ငံတွင် ပူးတွဲကျင်းပသည့် ပထမဆုံးပြိုင်ပွဲလည်း ဖြစ်သည်/ AFP

79 651

ထိုင်းဘုရင့် သမီးတော်ကြီး မင်းသမီး ပါဂျရကီတီယာဗာ ကံတော်ကုန် ဧရာဝတီ ၊ ဇွန် ၁၂ ၊ ၂၀၂၆ ထိုင်းဘုရင့်သမီးတော်ကြီးဖြစ်သူ မင်းသမီးကြီး ပါဂျရကီတီယာဗာ (Her Royal Highness Princess Bajrakitiyabha Narendiradebyavati Kromluangrajasarinisiribajra Mahavajrarajadhita)သည် ၄၇နှစ်အရွယ် ဇွန်လ ၁၁ ရက် ည ၇ နာရီ၄၈ မိနစ်တွင် ချူလာလောင်ကွန်း ဘုရင်အထိမ်းအမှတ် ဆေးရုံကြီး၌ ကံတော်ကုန်သွားပြီဖြစ်ကြောင်း ထိုင်းနန်းတွင်း ဗျူရိုက ထုတ်ပြန်သည်။ မင်းသမီးကြီးသည် နှလုံးရောဂါအခြေအနေကြောင့် သတိမေ့မြောခဲ့ပြီး ၂၀၂၂ ခုနှစ် ဒီဇင်ဘာလ ၁၅ ရက်ကတည်းက ချူလာလောင်ကွန်း ဘုရင်အထိမ်းအမှတ် ဆေးရုံကြီး၌ ဆေးဝါးကုသမှု ခံယူနေခဲ့ရကြောင်း ထုတ်ပြန်ချက်တွင် ဖော်ပြထားသည်။ ၂၀၂၆ ခုနှစ် မေလ ၂၁ ရက်မှစ၍ မင်းသမီးကြီး၏ အူမကြီးရောင်ရမ်းမှုကြောင့် ဝမ်းဗိုက်အတွင်း ပိုးဝင်ခြင်း၊ သွေးဖိအားကျခြင်း၊ နှလုံးခုန်မမှန်ခြင်းနှင့် သွေးခဲမှု ပုံမှန်မဟုတ်ခြင်းတို့ ဖြစ်ပွားပြီးနောက် အခြေအနေ ပိုမိုဆိုးရွားလာခဲ့ရာ ဆေးဘက်ဆိုင်ရာအဖွဲ့က အစွမ်းကုန် အနီးကပ်ပြုစုစောင့်ရှောက်ပေးခဲ့သော်လည်း အခြေအနေမှာ ဆက်လက် ဆိုးရွားလာခဲ့ပြီး ယမန်နေ့ညပိုင်း၌ ကံတော်ကုန်ခဲ့ကြောင်း သိရသည်။ တော်ဝင်ဓလေ့ထုံးတမ်းစဉ်လာများနှင့်အညီ ဈာပနအခမ်းအနား ကျင်းပရန်နှင့် ရုပ်ကလာပ်ကို မဟာနန်းတော် (Grand Palace) အတွင်းရှိ ခန်းမ၌ ဂူသွင်းထားရှိရန် ထိုင်းဘုရင်က တော်ဝင်အမိန့်တော် ထုတ်ပြန်ထားသည်။ ဓာတ်ပုံ-Khaosod English

79 651

စစ်ဗိုလ်ချုပ်တွေရဲ့ မိတ်ဆွေ ဖြစ်လာတဲ့ အိန္ဒိယ ဧရာဝတီ၊ ဇွန် ၁၂၊ ၂၀၂၆ ကမ္ဘာ့အကြီးဆုံး ဒီမိုကရေစီနိုင်ငံဖြစ်တဲ့ အိန္ဒိယဟာ မြန်မာပြည်သူတွေရဲ့ ဆန္ဒကို မစဥ်းစားဘဲ စစ်ဗိုလ်ချုပ်တွေရဲ့ မိတ်ဆွေ ဘာလို့ဖြစ်လာခဲ့တာလဲ။ ဒီအကြောင်းအပြည့်အစုံကို Comment Link ပါ Opinion Talk Episode "ပထဝီနိုင်ငံရေး - အိန္ဒိယနဲ့ တရုတ်ကြားက မြန်မာ့ဒုက္ခ" မှာ ကြည့်ရှုနိုင်ပါပြီ။ https://youtu.be/31EGDyhiLvA?si=6Ogz08CwpXrO18C9

79 651

• ဆန်ရှင်ချမှတ်ခံထားရတဲ့ စစ်တပ်ပိုင် Mytel ကမ္ဘာ့ဖလား ပြသခွင့်ရ • နိုင်ငံတကာအထည်ချုပ်လုပ်ငန်းတွေ မြန်မာကထွက်ဖို့ တိုက်တွန်း • ကျားဖြန့်က ဘတ်ငွေအတုတွေ ထိုင်းမြန်မာနယ်စပ်မှာ ပျံ့နှံ့နေ • ထိုင်းမှာ ၁၀ နှစ်ကြာ ရောင်းချခဲ့တဲ့ အသားလုံးအတု စက်ရုံ ဖမ်းမိ • ကမ္ဘာ့ဖလား ဘောလုံးပွဲ စပြီ • ကမ္ဘာ့ဖလား ဗိုလ်လုပွဲ လက်မှတ်ဈေး သမိုင်းတလျှောက် အမြင့်ဆုံးဖြစ်နေ နေ့စဉ်သတင်း၊ ဇွန် ၁၁၊ ၂၀၂၆ https://youtu.be/PQr0zuxcjhY #မြန်မာ #ဧရာဝတီ #Mytel #ကမ္ဘာ့ဖလား #ကျားဖြန့် #အထည်ချုပ်လုပ်ငန်း #နေ့စဉ်သတင်း #DailyNews #WhatsHappeningInMyanmar

79 651

ထိုကာလအတွင်း မပြီးပြတ်ခဲ့လျှင်လည်း မီးကုန်၊ ယမ်းကုန် ကြိုး စားသွားမည်ဟု AA တပ်မှူးချုပ် ဗိုလ်ချုပ်ထွန်းမြတ်နိုင်က မကြာသေးမီက ပြောထားသည်။ Website တွင် ဖတ်ရန် https://bit.ly/4aHG3rP

79 651

စစ်တွေ ဒကစနှင့် တမိုင်ကျော်အကွာ နာရီကန်ရွာအနီး တိုက်ပွဲ ရောက်လာ လင်းသစ်၊ ဇွန် ၁၁ ၊ ၂၀၂၆ အာရက္ခ တပ်တော်(AA)သည် စစ်တွေမြို့ အရှေ့မြောက်ရှိ ရွှေမင်းဂံရေတပ်စခန်းကိုသာမက မြောက်ဘက်ရှိ ဒေသကွပ်ကဲမှု စစ်ဌာနချုပ် ကာကင်းများကိုပါ တိုက်ခိုက်နေရာ ယခုအခါ စစ်ဦးက ဒကစနှင့် တမိုင်ကျော်ဝေးပြီး ကျားမသောက် တပ်ရင်း နှင့် မိုင်ဝက်ခန့် ဝေးသော နာရီကန်ရွာအနီးသို့ ရောက်ရှိလာပြီး တိုက်ပွဲများ ပြင်းထန်နေကြောင်း ဒေသခံများက ဆိုသည်။ စစ်တွေမြို့ထဲနေ စစ်ရေးနှင့် နီးစပ်သူ သတင်းရင်းမြစ်တဦးက “မြို့နဲ့ တော်တော်ကပ်သွားပြီ။ နာရီကန်နားမှာ ဖြစ်နေတယ်။ အရင်ရက်တွေကဆိုရင် မနက်အစောပိုင်းဆို အသံကြားရပြီ။ ညနေပိုင်း သုံးနာရီလောက်ဆိုလည်း ကြားရတယ်။ နာရီကန် နားက တပ်ရင်းကို တိုက်နေတာလို့ ပြောတယ်။ အဲဒီနားမှာ ဒကစလည်း ရှိတယ်” ဟု ပြောသည်။ လက်ရှိ နာရီကန်၊ ရာတန်၊ တောကန်၊ ကံ့ကော်ကျွန်းကျေးရွာတို့အနီးဝန်းကျင်တွင် မြေပြင်တိုက်ပွဲအပြင်းအထန် ဖြစ်ပွား နေသလို စစ်တွေမြို့ အရှေ့မြောက်ဘက် ရွှေမင်းဂံရေတပ်ကာကင်းများကိုလည်း AA က တပြိုင်တည်း တိုက်ခိုက်နေခြင်း ဖြစ်သည်။ နာရီကန်ရွာအနီးတိုက်ပွဲများကြောင့် စစ်တွေဒေသကွပ်ကဲမှု စစ်ဌာနချုပ်မှ အရာရှိများနှင့် မိသားစုဝင်များအား မြို့ထဲရှိ တပ်ရင်းများဆီ ရွှေ့ပြောင်းထားကာ တပ်မိသားစုဝင်များအတွက် ဖွင့်လှစ်ထားသည့် စာသင်ကျောင်းကိုလည်း ပိတ်ထား ကြောင်း ဒေသခံများက ပြောသည်။ “မိသားစုတွေ မရှိတော့ဘူး။ တိုက်ပွဲနည်းနည်းပြင်းကတည်းက မြို့ထဲပြောင်းထားတယ်။ တခြားအရေးကြီးတဲ့ စာရွက် စာတမ်းတွေကိုလည်း မြို့ထဲရွှေ့တယ်ပြောတယ်။ အရင်လကတည်းက ရွှေ့ထားတာ။ ကားတွေနဲ့ ရွှေ့ကြတာ တွေ့တယ်” ဟု စစ်တွေမြို့ တပ်နယ်နှင့် ကပ်ရပ်တွင် တည်ရှိသော မင်းဂံရပ်ကွက်မှ ဒေသခံအမျိုးသားတဦးက ပြောသည်။ နာရီကန်တိုက်ပွဲအတွင်း AA က ပစ်ခတ်သည့် လက်နက်ကြီးကျည်နှင့် လက်နက်ငယ်ကျည်ထိမှန်မှုကြောင့် စစ်သားများ အထိအခိုက်၊ အကျအဆုံးရှိနေပြီး ယခုရက်ပိုင်းအတွင်း ဆယ်ဂဏန်းခန့် ရှိကြောင်း နောက်ထပ် စစ်ရေး သတင်းရင်းမြစ် တဦးက ပြောသည်။ “အကျအဆုံးရှိတယ်။ အဓိကကတော့ လက်နက်ကြီးနဲ့ ပစ်လို့ ထိတာများတယ်။ မြေပြင်ကတော့ သူ တပြန် ကိုယ် တပြန် အနေအထားပါ” ဟု AA နှင့် နီးစပ်သည့် မြေပြင်သတင်းရင်းမြစ်က ပြောသည်။ စစ်တွေ ဒကစ အနီးဝန်းကျင် တိုက်ပွဲအပြင် ရွှေမင်းဂံရေတပ်နှင့်ကပ်ရပ် ရွှေမင်းဂံရွာကာကင်းစခန်းတိုက်ပွဲသည်လည်း နေ့စဉ်ရက်ဆက်ပြင်းထန်နေပြီး စခန်းငယ်များ သိမ်းပိုက်ရရှိထားကြောင်း ၎င်းက ဆိုသည်။ ရွှေမင်းဂံရေတပ်စခန်းသည် စစ်တွေမြို့နှင့် နှစ်မိုင်ကျော်အကွာတွင် တည်ရှိပြီး နာရီကန်ရွာနှင့် လေးမိုင်ကျော်အကွာ၌ တည်ရှိသည်။ ထိုတိုက်ပွဲများအတွင်းမှ ပစ်ခတ်သံများကို စစ်တွေမြို့ ထဲမှ အတိုင်းသား ကြားနေရသည်ဟု မြို့ခံများက ပြောသည်။ “နေ့တိုင်းအသံကြားရတယ်။ ဟိုဘက်က ပစ်လိုက်၊ ဒီဘက်က ပစ်လိုက်နဲ့ အသံတွေ ဆူညံနေတာပဲ။ နား သိပ်မကြားတဲ့ အဘွားတောင် အခု လက်နက်ကြီးသံတွေ ကြားရတယ်ဆိုပြီး ကြောက်နေတယ်” ဟု စစ်တွေမြို့ ဆတ်ရိုး ကျရပ်ကွက်တွင် နေထိုင်သည့် အမျိုးသမီးတဦးက ပြောသည်။ ထို့ပြင် စစ်တွေမြို့ထဲ၌လည်း ညနေဘက်တွင် စစ်ကား ငါးစီးထက်မနည်းနှင့် နေ့စဉ် ကင်းလှည့်၊ ဖမ်းဆီးမှုများ ရှိနေကြောင်း မြို့ခံများက ပြောသည်။ “နေ့တိုင်းအဖမ်းအဆီးရှိတယ်။ ရပ်ကွက်တိုင်းကို လှည့်ပတ်သွားနေတာ။ ကျနော်တို့က ဝရန်တာကနေ ကြည့်နေတော့ နေ့တိုင်းမြင်ရတယ်” ဟု စစ်တွေမြို့ ရွှေပြားရပ်ကွက်မှ လူငယ်တဦးက ပြောသည်။ တိုက်ပွဲများနှင့်အတူ စစ်တပ်က ပစ်ခတ်သည့် လေကြောင်း၊ လက်နက်ကြီးများသည် ပုဏ္ဏားကျွန်းနှင့် ပေါက်တောမြို့နယ် အတွင်းရှိ ကျေးရွာနှင့် အနီးဝန်းကျင်များသို့ပါ ကျရောက် ပေါက်ကွဲမှုများ ရှိကာ ဒေသခံပြည်သူအချို့ တိမ်းရှောင်နေရ ကြောင်း သိရသည်။ ယင်းအပြင် တရုတ်စီမံကိန်းများတည်ရှိသည့် ကျောက်ဖြူမြို့နယ်ရှိ တောင်မော်ဦးရေတပ်စခန်းနှင့် ဧရာဝတီတိုင်း ရေကြည်မြို့နယ်ရှိ မြောက်စမ်းအမြာက်တပ်(အမတ ၃၄၄)တို့ကိုလည်း AA က အရှိန်အဟုန်နှင့် ထိုးစစ်ဆင်နေသလို ပဲခူးတိုင်း ပန်းတောင်မြို့နယ်ရှိ ကပစ ၁၆ ၊ မကွေးတိုင်း နတ်ရေကန် ဗျူဟာကုန်းတို့ကိုလည်း တပြိုင်နက် ထိုးစစ်ဆင်နေသည်။ တိုက်ပွဲဖြစ်ပွားနေသည့် တောင်မော်ဦးရေတပ်စခန်းကို စစ်တပ်က ယခုရက်ပိုင်းအတွင်း စစ်သင်္ဘောများနှင့် လက်နက်၊ အင်အား ထပ်မံဖြည့်တင်းထားသည်။ "အင်အားဖြည့်တာ နှစ်ရာကျော်၊ သုံးရာလောက်ရှိမယ်၊ ဒီမှာ သေတာများတော့ အင်အားဖြည့်နေရတဲ့ အခြေအနေ၊ တင့်ကားတွေရော ပါတယ်"ဟု ဒေသခံသတင်းရင်းမြစ်တဦးက ပြောသည်။ ယင်းအပြင် ကျောက်ဖြူမြို့ပေါ်သို့ အဝင် အထွက် ကားလမ်းနှင့် ရေလမ်းအားလုံးကို ပိတ်ထားပြီး မြို့ပေါ်သို့ ကျောင်းသွား တက်မည့် ကျောင်းသူ၊ ကျောင်းသားများနှင့် ဆေးကုရမည့်လူနာများ အခက်အခဲဖြစ်နေကာ မဒေးကျွန်းမှာလည်း လူ ငါးရာဝန်းကျင် ပိတ်မိနေကြောင်း ဒေသခံသတင်းရင်းမြစ်များက ပြောသည်။ ရခိုင်ပြည်နယ်ရှိ မြို့နယ် ၁၄ ခုနှင့် ချင်းပြည်နယ် ပလက်၀မြို့နယ်တို့ကို သိမ်းပိုက်ထားသည့် AA သည် လက်ကျန် သုံးမြို့ဖြစ်သည့် စစ်တွေ၊ မာန်အောင်နှင့် ကျောက်ဖြူမြို့နယ်ကို ၂၀၂၆ နှင့် ၂၀၂၇ ခုနှစ်အတွင်း အပြီးသတ် သိမ်းပိုက်သွားမည် ဖြစ်ပြီး

79 651

CDF- ဇိုဖေး ဌာနချုပ်ကို ဗုံးကြဲ၊ ကျန်းမာရေးအတွင်းရေးမှူး သေဆုံး ဧရာဝတီ၊ ဇွန် ၁၁၊ ၂၀၂၆ ချင်းပြည်နယ်၊ ထန်တလန်မြို့နယ်၊ ဇိုဖေး (Zophei) ဒေသ အခြေစိုက် ချင်းကာကွယ်ရေးတပ်ဖွဲ့ (CDF-Zophei) ဌာနချုပ်နှင့် အနီးဝန်းကျင်ကို ယနေ့နံနက်ပိုင်းတွင် လေကြောင်းအင်အား အလုံးအရင်းဖြင့် ဗုံးကြဲခဲ့ကြောင်း စစ်ရေးသတင်းရင်းမြစ်များနှင့် ဒေသခံများထံမှ သိရသည်။ အဆိုပါ တိုက်ခိုက်မှုကြောင့် ဇိုဖေရမ်ကောင်စီ ကျန်းမာရေးဌာန အတွင်းရေးမှူးဖြစ်သူ အသက် ၂၈ နှစ် အရွယ် ဆရာမ Van Dawt Chin (ခ) ချင်းချင်းနေရာ၌ပင် သေဆုံးခဲ့ပြီး ၄ ဦးထက်မနည်း ဒဏ်ရာရရှိခဲ့ကြောင်း စစ်ရေးအရင်းအမြစ်တဦးက ဧရာဝတီကို ပြောသည်။ သေဆုံးသွားသည့် Van Dawt Chin သည် မုံရွာတက္ကသိုလ်မှ ဥပဒေကျောင်းဆင်းတဦးဖြစ်ပြီး ဒေသတွင်း တရားရေးကဏ္ဍ၌ အဓိကအားကိုးရသူတဦး ဖြစ်ကြောင်း သိရသည်။ ၎င်းသည် ထန်တလန်မြို့ပေါ် TABC ရပ်ကွက်တွင် နေထိုင်ခဲ့သူဖြစ်ကာ စစ်တပ်က မြို့ကို မီးရှို့ဖျက်ဆီးပြီးနောက် စစ်ဘေးရှောင်နေရသူလည်း ဖြစ်သည်။ ပြီးခဲ့သည့် ညီလာခံအပြီးတွင် ဇိုဖေရမ်ကောင်စီ၏ ကျန်းမာရေးဌာန အတွင်းရေးမှူးအဖြစ် ရွေးချယ်ခံရပြီး တာဝန် ထမ်းဆောင်နေစဉ် ယခုကဲ့သို့ ကျဆုံးခဲ့ခြင်းဖြစ်ကြောင်း သိရသည်။ မြေပြင်စစ်ရေး စောင့်ကြည့်ချက်များအရ စစ်တပ်သည် နံနက် ၈ နာရီခွဲမှ ၉ နာရီခွဲအတွင်း တံတားဦးလေတပ်မှ Yak-130 ၂ စီးဖြင့် ၄ ကြိမ်၊ နေပြည်တော်လေတပ်မှ Yak-130 ၂ စီးဖြင့် ၃ ကြိမ်၊ မကွေးလေတပ်မှ JF-17M Thunder ၂ စီးဖြင့် ၂ ကြိမ်နှင့် ရှမ်းတဲလေတပ်မှ MiG-29 ၁ စီးဖြင့် ၂ ကြိမ်၊ စုစုပေါင်း ဂျက်တိုက်လေယာဉ် ၇ စီးဖြင့် ၁၁ ကြိမ်ထက်မနည်း ဗုံးအလုံးရေ ၃၀ ကျော်ကြဲခဲ့ခြင်း ဖြစ်သည်။ လက်ရှိတွင် ထပ်မံ ဗုံးကြဲတိုက်ခိုက်မည်ကို စိုးရိမ်သဖြင့် CDF-Zophei ဌာနချုပ်နှင့် အနီးတဝိုက်ရှိ ကျေးရွာဒေသ ခံများ စစ်ဘေးရှောင်နေကြရပြီး အချို့မှာ မိုးရွာသွန်းမှုကြောင့် စစ်ရှောင်ရန် အခက်အခဲကြုံနေရကြောင်း သိရသည်။ စစ်တပ်သည် ဇွန်လ ၄ ရက်ကစ၍ ဟားခါးမြို့မှ အင်အားရာချီဖြင့် စစ်ကြောင်းထိုးတိုက်ခိုက်ကာ ဇွန်လ ၉ ရက်တွင် ထန်တလန်မြို့သို့ ဝင်ရောက်ခဲ့ခြင်းဖြစ်သလို ထိုသို့ ရောက်ရှိပြီး၂ ရက်အကြာ ဇိုဖေးဒေသအတွင်း ယခုကဲ့သို့ ဗုံးကြဲခဲ့ခြင်း ဖြစ်သည်။ ဇွန်လ ၁၀ ရက်ကလည်း CDF-Thantlang တပ်ဖွဲ့၏ စခန်းတခုကို အသေခံဒရုန်းများဖြင့် တိုက်ခိုက်ခဲ့သေးသည်။ လက်ရှိတွင် ချင်းပြည်နယ်မြောက်ပိုင်းနှင့် တောင်ပိုင်းဒေသများကို လေကြောင်းတိုက်ခိုက်မှုများ အပြင်းအထန်ပြုလုပ်၍ ထိုးစစ်ဆင်လျက်ရှိကြောင်း စစ်ရေးသတင်းရင်းမြစ်များထံမှ သိရသည်။ သတင်း- မေရီခိုင် #WhatsHappeningInMyanmar #RejectMilitaryCoup

79 651

မြန်မာရှိ တိုင်ချန်းကျားဖြန့် FBI ပစ်မှတ်ထား နှိမ်နင်း၊ ဒေါ်လာ သန်း ၃၀ ခရစ်တိုငွေများ သိမ်းဆည်း ဧရာဝတီ၊ ဇွန် ၁၁၊ ၂၀၂၆ အမေရိကန် ဖက်ဒရယ် စုံစမ်းစစ်ဆေးရေးဗျူရို (FBI)သည် ထိုင်း-မြန်မာနယ်စပ် ဒီမိုကရေစီအကျိုးပြုကရင့်တပ်မတော်( (DKBA)ထိန်းချုပ်ရာ ကရင်ပြည်နယ် ကျောက်ခက်ဒေသ တိုင်ချန်း ငွေလိမ်ဂိုဏ်း (ကျားဖြန့်)ကို ပစ်မှတ်ထား နှိမ်နင်းရန် အထူးတပ်ဖွဲ့နှင့် ပူးပေါင်းလုပ်ဆောင်နေပြီး မကြာသေးမီက ၎င်းတို့နှင့်ဆက်စပ်နေသည့် ရာဇဝတ်ဂိုဏ်းများထံမှ အမေရိကန်ဒေါ်လာ သန်း ၃၀ ခန့် တန်ဖိုးရှိ ခရစ်တိုငွေကြေးများ သိမ်းဆည်းရမိခဲ့ကြောင်း FBI ဒုတိယညွှန်ကြားရေးမှူးချုပ် အင်ဒရူးဘေလီက ဇွန်လ ၁၀ ရက် ဘန်ကောက်မြို့ အမေရိကန်နိုင်ငံခြားရေးဝန်ကြီးဌာန သတင်းစာရှင်းလင်းပွဲ၌ ပြောသည်။ ကျားဖြန့်နှိမ်နင်းရေး အထူးတပ်ဖွဲ့ (Scam Center Strike Force) ၌ FBI၏ အခန်းကဏ္ဍနှင့် နယ်စပ်တလျောက်ရှိ မြန်မာတိုင်းရင်းသားလက်နက်ကိုင်အဖွဲ့အစည်းများနှင့် ပူးပေါင်းဆောင်ရွက်မှုအခြေအနေများကို DVB သတင်းထောက်က မေးမြန်းရာ၌ ထည့်သွင်းဖြေဆိုခဲ့ခြင်း ဖြစ်သည်။ FBI အနေဖြင့် ကျားဖြန့် နှိမ်နင်းရေး အထူးတပ်ဖွဲ့တွင် ထောက်လှမ်းရေးသတင်း အရင်းအမြစ်တခုသာမက ငွေလိမ်ဂိုဏ်း လည်ပတ်သူနှင့် ကူညီပံ့ပိုးပေးသူများကို အရေးယူဆောင်ရွက်မည့် အဓိက အကောင်အထည်ဖော်သူအဖြစ် ပါဝင်ပံ့ပိုးပေးနေကြောင်း အင်ဒရူးဘေလီက ဆိုသည်။ ၎င်းတို့သည် ဘန်ကောက်မြို့၌ ရုံးထိုင်ကာ ထိုင်းတော်ဝင်ရဲတပ်ဖွဲ့ ဆိုက်ဘာငွေလိမ်ဂိုဏ်း တိုက်ဖျက်ရေးစခန်းနှင့် အနီးကပ်ပူးပေါင်းပြီး မြန်မာ၊ ကမ္ဘောဒီးယား၊ လာအိုနှင့် ဗီယက်နမ်နိုင်ငံရှိ ငွေလိမ်ဂိုဏ်းစခန်းများ ဖော်ထုတ် ဖြိုခွဲရန် လုပ်ဆောင်နေကြောင်းလည်း ၎င်းက ပြောသည်။ တိုင်ချန်းကျားဖြန့်လုပ်ငန်းစုကို တရုတ်နိုင်ငံသား နှစ်ဦး ဖြစ်သော ဟွန် ရှင်းစန်းနှင့် ကျန်း ဝန်ကျီတို့က စီမံခန့်ခွဲနေကြောင်း၊ ထိုငွေလိမ်ဂိုဏ်းနှင့် ပတ်သက်၍ သတင်းပေးသူကို ဒေါ်လာ ၁၀ သန်း ချီးမြှင့်မည်ဟု အမေရိကန် နိုင်ငံခြားရေးဝန်ကြီးဌာနလက်အောက်ခံ နိုင်ငံတကာမူးယစ်ဆေးဝါးနှင့်တရားဥပဒေစိုးမိုးရေးဆိုင်ရာဗျူရိုက ဧပြီလ ၂၃ ရက်တွင် ကြေညာပြီးနောက် ထိုကျားဖြန့်လုပ်ငန်း အသုံးပြုနေသည့် ဝဘ်ဆိုက်တခုကို သိမ်းဆည်းနိုင်ခဲ့သလို ငွေကြေးများကိုလည်း ထိန်းချုပ်နိုင်ခဲ့ခြင်း ဖြစ်သည်။ ထို့ပြင် ပြီးခဲ့သည့်လက ထိုင်းမိတ်ဖက်အဖွဲ့သည် အမေရိကန်နိုင်ငံသားများကို လိမ်လည်မှုအတွက် FBI က အလိုရှိနေသည့် ဝရမ်းပြေးတဦးကို ဖမ်းဆီးနိုင်ရန် ကူညီပေးခဲ့ကာ၊ ပြီးခဲ့သည့်အပတ်၌ ငွေလိမ်ဂိုဏ်းစခန်းများနှင့် ပတ်သက်ဆက်နွှယ်နေသူ ၆၃ ဦးကို ထပ်မံဖမ်းဆီးနိုင်ခဲ့ကြောင်း အင်ဒရူးဘေလီက သတင်းစာရှင်းလင်းပွဲ၌ ပြောသည်။ ကျားဖြန့်လုပ်ငန်းများသည် စနစ်တကျ ဖွဲ့စည်းထားသော ရာဇဝတ်ဂိုဏ်းများဖြစ်ပြီး ကမ္ဘာတဝန်း စက်မှုလုပ်ငန်းပမာဏ အတိုင်းအတာအထိ ကြီးမားသည့် လိမ်လည်မှုများ လုပ်ကိုင်နေကြကြောင်း၊ လုပ်ငန်းအများစုမှာ အရှေ့တောင်အာရှတလွှား လှုပ်ရှားနေပြီး တရုတ်နိုင်ငံနှင့် ဆက်နွှယ်မှုရှိသော အဆင့်မြင့် ရာဇဝတ်မှုအဖွဲ့အစည်းများက ထိန်းချုပ်ထားကြောင်း ၎င်းက ပြောသည်။ ပုံစာ- FBI ဒုတိယညွှန်ကြားရေးမှူးချုပ် အင်ဒရူးဘေလီ(FBI) ၊ ကျောက်ခက်ဒေသရှိ အဆောက်အဦများ/ ဧရာဝတီ #WhatsHappeningInMyanmar #RejectMilitaryCoup

79 651