Ethio Radar|ኢትዮ ራዳር
رفتن به کانال در Telegram
Welcome to Ethio Radar, a professional news analysis platform brought to you by a dedicated team of experienced journalist. stay informed,stay on radar! እንኳን ወደ ኢትዮ ራዳር ቻናል መጡ,ሀሳብ፣አስተያየት፣ መረጃ ለማጋራት ማስታወቂያ ለማሰራት በ @Ethioradarr01 ያናግሩን
نمایش بیشتر📈 تحلیل کانال تلگرام Ethio Radar|ኢትዮ ራዳር
کانال Ethio Radar|ኢትዮ ራዳር (@ethioradarinfo) در بخش زبانی امهری بازیگری فعال است. در حال حاضر جامعه شامل 49 959 مشترک است و جایگاه 198 را در دسته بازاریابی و PR و رتبه 678 را در منطقه أثيوبيا دارد.
📊 شاخص‌های مخاطب و پویایی
از زمان ایجاد در невідомо، پروژه رشد سریعی داشته و 49 959 مشترک جذب کرده است.
بر اساس آخرین داده‌ها در تاریخ 06 اکتبر, 2026، کانال فعالیت پایداری دارد. در ۳۰ روز گذشته تغییر اعضا برابر -2 375 و در ۲۴ ساعت گذشته برابر -86 بوده و همچنان دسترسی گسترده‌ای حفظ شده است.
- وضعیت تأیید: تأیید نشده
- نرخ تعامل (ER): میانگین تعامل مخاطب 1.19% است و در ۲۴ ساعت نخست پس از انتشار، محتوا معمولاً 0.70% واکنش نسبت به کل مشترکان کسب می‌کند.
- دسترسی پست‌ها: هر پست به طور میانگین 597 بازدید دریافت می‌کند. در اولین روز معمولاً 351 بازدید جمع‌آوری می‌شود.
- واکنش‌ها و تعامل: مخاطبان به‌طور فعال حمایت می‌کنند؛ میانگین واکنش به هر پست 3 است.
📝 توضیح و سیاست محتوایی
نویسنده این فضا را محل بیان دیدگاه‌های شخصی توصیف می‌کند:
“Welcome to Ethio Radar, a professional news analysis platform brought to you by a dedicated team of experienced journalist.
stay informed,stay on radar!
እንኳን ወደ ኢትዮ ራዳር ቻናል መጡ,ሀሳብ፣አስተያየት፣ መረጃ ለማጋራት ማስታወቂያ ለማሰራት በ @Ethioradarr01 ያናግሩን”
به لطف به‌روزرسانی‌های پرتکرار (آخرین داده در تاریخ 07 اکتبر, 2026)، کانال همواره به‌روز و دارای دسترسی بالاست. تحلیل‌ها نشان می‌دهد مخاطبان به‌طور فعال با محتوا تعامل دارند و آن را به نقطه اثرگذاری مهم در دسته بازاریابی و PR تبدیل کرده‌اند.
49 959
مشترکین
-8624 ساعت
-4697 روز
-2 37530 روز
آرشیو پست ها
49 947
ጠቅላይ ሚኒስትር ዐቢይ አሕመድ በሕዝብ ተወካዮች ምክር ቤት ባደረጉት ንግግር በባህር በር፣ በህገ-መንግስት ማሻሻያ እና በጦር ኃይሉ ግንባታ ላይ ወሳኝ ነጥቦችን አንሱ
ጠቅላይ ሚኒስትር ዐቢይ አሕመድ (ዶ/ር) በዛሬው ዕለት በሕዝብ ተወካዮች ምክር ቤት ተገኝተው ባደረጉት ንግግር በህገ-መንግስት መሻሻል፣ በባህር በር እና በመከላከያ ግንባታ ዙሪያ ዋና ዋና ነጥቦችን አንስተዋል።
📌 የባህር በርን በተመለከተ፦
"የኢትዮጵያ ስልጣኔ ያለ ባህር በር እውን ሊሆን አይችልም። ከጎረቤቶቻችን ጋር በሰላምና በትብብር ለመስራት ያለንን መርህ እየገፋንበት፣ በሰጥቶ መቀበል መርህ ኢትዮጵያ ወጥቶ መግቢያ በር (የባህር በር) እንዲኖራት ተግተን እንሰራለን።"📌 የመከላከያ ኃይል ግንባታን በተመለከተ፦
"በቀጣናችን የአየር የበላይነት ለመፍጠር የሚያስችል አቅም እንገነባለን። የሚኖረን መከላከያ ዘመናዊ፣ ፈጣሪ፣ ችግሮች ሳይፈጠሩ አስቀድሞ የሚያውቅና የሚገታ፣ ከመጡም መከላከልና እንደ አባቶቹ ማሸነፍ የሚችል ኃይል ይሆናል።"📌 የህገ-መንግስት ማሻሻያን በተመለከተ፦ በሀገራዊ ምክክሩ ውጤት መሠረት አስፈላጊው የህገ-መንግስት ማሻሻያ እንደሚደረግ ጠቅላይ ሚኒስትሩ አብራርተዋል።
49 947
ህወሓት መቀሌን ለቆ መውጣቱን እና የውጊያው ቀጠና መቀየሩን አስታወቀ
የሀገር መከላከያ ሰራዊት በክልሉ ያካሄደውን የሕግ ማስከበር እርምጃ ተከተሎ መቀሌን ጨምሮ በርካታ አካባቢዎችን በመቆጣጠር ላይ እንደሚገኝ ከፌደራል መንግሥት የተሰጡ መረጃዎች ያመለክታሉ።በሌላ በኩል ሕወሓት ምሽቱን ባወጣው መግለጫ፣ መቀሌን ለቀው መውጣታቸውን አረጋግጧል።
ሰራዊቱ የተቀናጀ እርምጃ እየወሰደ መሆኑንና የውጊያው ቀጠና ከመቀሌ ውጭ ወደሆኑ ሌሎች አካባቢዎች እንዲዛወር መደረጉን ገልጿል። መግለጫው አክሎም የትግራይ ሕዝብን ህልውናና ደህንነት ለማረጋገጥ የሚደረገው ትግል ተጠናክሮ እንደሚቀጥልና ሕዝቡ ለሰራዊቱ የሚያደርገውን ድጋፍ እንዲቀጥል ጥሪ አቅርቧል።
ከነፃ ምንጭ በተገኙ መረጃዎች መሠረት የተወሰኑ የህወሓት ከፍተኛ አመራሮች ከሰንአፈ መስመር አድርገው አስመራ መግባታቸው ተጠቁሟል።
49 947
መከላከያ እና የትግራይ ሰላም ኃይል መቐለ ገቡ
የመቐለ ከተማ ነዋሪዎች ለሀገር መከላከያ ሰራዊት እና ለትግራይ የሰላም ኃይሎች ደማቅ አቀባበል አደረጉ
የመቐለ ከተማ ነዋሪዎች ወደ ከተማዋ ለገቡት የሀገር መከላከያ ሰራዊት እና የትግራይ የሰላም ኃይሎች አባላት ደማቅ አቀባበል ማድረጋቸው ተገለጸ።
📌 የጀነራል ጻድቃን ንግግር እና የመሬት ላይ እውነታ፦
ጀነራል ጻድቃን ገብረትንሣኤ "ጦርነቱ ከተጀመረ በሁለት ሳምንት ጊዜ ውስጥ መቀሌ እንገባለን" ብለው የተናገሩት ንግግር እንዳሉት ሆኖ በመሬት ላይ መተግበሩ ተመልክቷል።
==========================
ለፈጣን እና ትኩስ መረጃዎች የማህበራዊ ሚዲያ ገፆቻችንን ይቀላቀሉን
👇👇👇👇👇👇👇👇👇
Telegram || Facebook || Tiktok
''አስቀድመው ይወቁ ከራዳር አይራቁ''-ኢትዮ ራዳር
49 947
ታዋቂው የኦሮሚኛ ድምጻዊ አንዷለም ጎሳ ከወጣት ሞዴል ቀነኒ አዱኛ አሳዛኝ ሞት ጋር በተያያዘ ተጠርጥሮ ከታሰረ እና ከሙዚቃው መድረክ ለረጅም ጊዜ ከራቀ በኋላ፣ ትናንት ምሽት በአዲስ አበባ በተካሄደው የእሬቻ በዓል ኮንሰርት ላይ በድጋሚ በመታየት ወደ መድረክ ተመልሷል።
የሞዴል ቀነኒ አዱኛ ህልፈት እና የቤተሰቦቿ የፍትህ ጩኸት፦
የድምጻዊው ከመድረክ መራቅ በዋናነት የተያያዘው ሞዴል ቀነኒ አዱኛ ከአንድ የመኖሪያ አፓርታማ ህንጻ ላይ ወድቃ ህይወቷ ማለፉን ተከትሎ ነበር። ከክስተቱ ጋር ቀጥተኛ ግንኙነት አለው የተባለው ድምጻዊ አንዷለም ጎሳ በፖሊስ ቁጥጥር ስር ውሎ ከባድ ምርመራ ሲካሄድበት መቆየቱ ይታወሳል።
በወቅቱ የቀነኒ ቤተሰቦች በተለያዩ ሚዲያዎች እና የዩቱብ ቻናሎች ላይ ቀርበው ያሰሙት የፍትህ ጩኸት የበርካቶችን ትኩረት ስቦ ነበር። በተለይም የሟች እናት እና እህት በከባድ ሀዘን ተሰብረው በሰጡት መግለጫ፣ ክስተቱ ድንገተኛ አደጋ ወይም ራስን ማጥፋት አለመሆኑን አጥብቀው በመከራከር፤ "ልጃችን በግፍ ተገፍታ ወይም ተገድላ ነው የወደቀችው" በማለት ድምጻዊውን እና አብረው የነበሩ ግለሰቦችን በቀጥታ ተጠያቂ አድርገው ነበር። ይህም በማህበራዊ ሚዲያ ላይ #JusticeForKeneni የተሰኘ ትልቅ የፍትህ ንቅናቄ እንዲፈጠር ምክንያት ሆኗል።
ከእስር መፈታት እና የህዝብ አስተያየት፦
ይህ ከባድ የህግ ውዝግብ እና ማህበራዊ ጫና አጥልቶበት የቆየው አንዷለም ጎሳ፣ የህግ ሂደቱን ተከትሎ ከእስር ከተፈታ በኋላ ከህዝብ እይታ ርቆ የቆየ ቢሆንም፣ ትናንት ምሽት በደማቁ የእሬቻ ኮንሰርት ላይ በመገኘት ታዋቂ የሙዚቃ ስራዎቹን ለታዳሚው አቅርቧል።
የእሱ ወደ መድረክ መመለስ በኮንሰርቱ ላይ በነበሩ ደጋፊዎቹ ዘንድ በደስታ እና በጭብጨባ የተቀበለው ቢሆንም፣ በሌላ ወገን ደግሞ አሁንም ድረስ የሞዴል ቀነኒን የፍትህ ጥያቄ በሚያነሱ አካላት ዘንድ የተለያዩ ስሜቶችን እና ክርክሮችን ዳግም ቀስቅሷል። የህግ አካላት ማስረጃን መሰረት አድርገው ተጠርጣሪውን ቢለቁትም፣ የሞዴል ቀነኒ አዱኛ አሳዛኝ ታሪክ ግን ከአርቲስቱ ስምና ዝና ጋር አብሮ የሚነሳ ጥላ ሆኖ ቀጥሏል (ዘገባው የዘ-ሐበሻ ነው)።
49 947
ጀነራል ታደሰ ወረደን ጨምሮ 5 ከፍተኛ አመራሮች በኃይል ወደ አስመራ መወሰዳቸው ተገለፀ
በመቐለ ከተማ ላጪ አካባቢ ከሚገኘው «HZ» ሆቴል ታስረው የነበሩት ጀነራል ታደሰ ወረደን ጨምሮ አምስት ከፍተኛ አመራሮች በኃይል ተወስደው ወደ ኤርትራ (አስመራ) መወሰዳቸው ተገለፀ።
በኃይል ተወስደዋል የተባሉት አመራሮች፦
1,ጀነራል ታደሰ ወረደ
2,ኢሳይያስ ታደሰ
3,ተወልደ ዕምበብ
4,ነጋሽ (ሸኾርተት)
5,ኮሎኔል ገብረእግዚአብሔር (ሓመድ ሸጠ)
እነዚህ ግለሰቦች በላጪ አካባቢ በሚገኘው HZ ሆቴል በአንድ ክፍል ውስጥ ታስረው የቆዩ ሲሆን፣ ግጭቱ ከተቀሰቀሰ በኋላ ለሁለት ቀናት ያህል ዓድዋ ላይ እንዲቆዩ ተደርገው እንደነበር ታውቋል።ከዛ በመቀጠልም ወደ መቐለ HZ ሆቴል እንዲመለሱ የተደረገ ሲሆን፣ በትናንትናው ዕለት በሆቴሉ ዙሪያ ከፍተኛ የጸጥታ ውጥረት ሰፍኖ ውሏል።
በመጨረሻም በለሊቱ 7:30 ገደማ ታጣቂዎች የሆቴሉን በር በኃይል በመስበር፣ የታሰሩትን አመራሮች በዓዲግራት መስመር አድርገው ወደ ኤርትራ ወስደዋቸዋል ተብሏል።
49 947
የመከላከያ እና የትግራይ ሰላም ኃይል ጥምረት የአሉ አባ ነጋ ኤርፖርትን መቆጣጠራቸው ተገለጸ፤ በርካታ ቦታዎች በቁጥጥር ስር ውለዋል
የአየር ወለድ ኮማንዶ እና የትግራይ ሰላም ሰራዊት ኮማንዶ ከመቀሌ በቅርብ እርቀት የሚገኘውን አሉ አባ ነጋ ኤርፖርትን መቆጣጠራቸውን ምንጮች ለአዩዘሀበሻ የገለፁ ሲሆን፣ የመከላከያ ሰራዊት መቀሌን ለመቆጣጠር 20 ኪሎሜትር ርቀት ላይ እንደሚገኝ ሮይተርስ ዘግቧል።
የትግራይ የሰላም ኃይልና የሀገር መከላከያ ሰራዊት ጥምረት ዛሬ መስከረም 22 ቀን 2019 ዓ.ም በቁጥጥር ስር ያዋላቸውን ቦታዎችና የመሬት ላይ ሁኔታዎችን ይፋ አድርጓል፦
1,በዋናው መስመር፦ ክሳድ ጉዶ፣ ተኽኣ፣ ዓዲ ሽሁ፣ ኣላጀ፣ ዓዲ ጉራ፣ ቤትማራ እና ሕዋነ ሙሉ በሙሉ በቁጥጥር ስር የዋሉ ሲሆን፤ ተበትኖ ወደ ዓዲ ጉዶም አቅጣጫ እየሸሸ የሚገኘውን ታጣቂ ኃይል የመክበብና የማፅዳት ስራ እየተሰራ ይገኛል።
2,በቀኝ አቅጣጫ፦ ሰራዊቱ ገረብ ኣገው፣ ዓዲ ቀይሕ እና ዓዲ መስኖን አድርጎ ሕዋነ ላይ ከተቀላቀለ በኋላ ማይ ነብሪን በመያዝ፤ ወደ ዓዲ ጉዶም አቅጣጫ እየተበተነ የሚሸሸውን ታጣቂ በመክበብ ላይ ይገኛል።
3,በምስራቅ አቅጣጫ፦ ሰራዊቱ ኣብዓላን አልፎ ምላዛት የደረሰ ሲሆን፤ ኣሸጎዳን በቁጥጥር ስር ለማዋል በሚደረገው ሂደት ላይ ይገኛል።
4,በተምቤን እና ሳምረ አቅጣጫ፦ ሰባት ሕጉምን በቁጥጥር ስር በማዋል ኣግበን በቅርብ ርቀት ክልል ውስጥ ያስገበ ሲሆን፣ በሳምረ አቅጣጫ የተበተነውን ታጣቂ የማፅዳት ስራ እየከናወነ ይገኛል።
5,በሌሎች ግንባሮች፦ ከዴስኣ ወደ ኣፅቢ እና ኣጉላዕ የተበተነውን ኃይል፣ ወደ በረሓለ አቅጣጫ ያፈገፈጉ ኃይሎችን፣ እንዲሁም በፀሊሞይ አቅጣጫ ወደ ደደቢት ያፈገፈገውን ኃይል በከበባ ስር ማዋሉንና ውጊያው አሁንም መቀጠሉን የሰላም ኃይሉ አስታውቋል።
49 947
"የትግራይ ሰላም ኃይል" አብዛኛውን የራያ፣ ጥምቢያ እና እንደርታ አካባቢዎችን መቆጣጠሩን አስታወቀ
ከሀገር መከላከያ ሠራዊት ጋር በመቀናጀት በትግራይ ክልል እየተዋጋ የሚገኘው "የትግራይ ሰላም ኃይል" ዋና አዛዥ ብርጋዴር ጄኔራል ገብረእግዚአብሔር በየነ (ወዲ አንጥሩ)፣ ኃይላቸው አብዛኛውን የራያ፣ የጥምቢያ እና የእንደርታ አካባቢዎች መቆጣጠሩን በአዲስ የቪዲዮ መግለጫ አስታውቀዋል። ከውጊያው መባባስ በኋላ የመጀመሪያውን ይፋዊ መልእክት ያሰሙት አዛዡ፣ በቅርቡ ሙሉ ትግራይን ሊቆጣጠሩ እንደሚችሉም ገልጸዋል።
ብርጋዴር ጄኔራል ገብረእግዚአብሔር በመግለጫቸው የትግራይ ሠራዊት፣ ሚሊሻ እና ፖሊስ አባላት እንደ ጠላት እንደማይታዩ አረጋግጠው፤ አባላቱ በአካባቢያቸው በመቆየት ማህበረሰባቸውን እንዲጠብቁና ትጥቃቸውንም ለጊዜው በእጃቸው እንዲያቆዩ መክረዋል። በሌላ በኩል ለፖለቲካ እና ወታደራዊ አመራሮች ባስተላለፉት መልእክት፣ መሸነፋቸውን አምነው ወደ ኤርትራ እንዳይሸሹ አሳስበዋል። መረብ ወንዝን ተሻግረው ወደ ኤርትራ የሚገቡ አካላት በቀጣይ በኢትዮጵያና ኤርትራ መካከል ለሚደረግ ድርድር መጠቀሚያ ሊሆኑ እንደሚችሉም አስጠንቅቀዋል።
የአዛዡ መግለጫ ዋና መልእክት "በቀል አይኖርም" የሚል ሲሆን፣ ከቀድሞው አመራር ጋር ግንኙነት ባላቸው ግለሰቦች ላይ ምንም ዓይነት የበቀል እርምጃ እንደማይወሰድና ወንጀል የፈጸሙ ካሉም በህግ አግባብ ብቻ እንደሚዳኙ አረጋግጠዋል።
49 947
"የትግራይ ሰላም ኃይል" አብዛኛውን የራያ፣ ጥምቢያ እና እንደርታ አካባቢዎችን መቆጣጠሩን አስታወቀ
ከሀገር መከላከያ ሠራዊት ጋር በመቀናጀት በትግራይ ክልል እየተዋጋ የሚገኘው "የትግራይ ሰላም ኃይል" ዋና አዛዥ ብርጋዴር ጄኔራል ገብረእግዚአብሔር በየነ (ወዲ አንጥሩ)፣ ኃይላቸው አብዛኛውን የራያ፣ የጥምቢያ እና የእንደርታ አካባቢዎች መቆጣጠሩን በአዲስ የቪዲዮ መግለጫ አስታውቀዋል። ከውጊያው መባባስ በኋላ የመጀመሪያውን ይፋዊ መልእክት ያሰሙት አዛዡ፣ በቅርቡ ሙሉ ትግራይን ሊቆጣጠሩ እንደሚችሉም ገልጸዋል።
ብርጋዴር ጄኔራል ገብረእግዚአብሔር በመግለጫቸው የትግራይ ሠራዊት፣ ሚሊሻ እና ፖሊስ አባላት እንደ ጠላት እንደማይታዩ አረጋግጠው፤ አባላቱ በአካባቢያቸው በመቆየት ማህበረሰባቸውን እንዲጠብቁና ትጥቃቸውንም ለጊዜው በእጃቸው እንዲያቆዩ መክረዋል። በሌላ በኩል ለፖለቲካ እና ወታደራዊ አመራሮች ባስተላለፉት መልእክት፣ መሸነፋቸውን አምነው ወደ ኤርትራ እንዳይሸሹ አሳስበዋል።
መረብ ወንዝን ተሻግረው ወደ ኤርትራ የሚገቡ አካላት በቀጣይ በኢትዮጵያና ኤርትራ መካከል ለሚደረግ ድርድር መጠቀሚያ ሊሆኑ እንደሚችሉም አስጠንቅቀዋል።
የአዛዡ መግለጫ ዋና መልእክት "በቀል አይኖርም" የሚል ሲሆን፣ ከቀድሞው አመራር ጋር ግንኙነት ባላቸው ግለሰቦች ላይ ምንም ዓይነት የበቀል እርምጃ እንደማይወሰድና ወንጀል የፈጸሙ ካሉም በህግ አግባብ ብቻ እንደሚዳኙ አረጋግጠዋል።
49 947
ህወሓት በኃይል የወሰዳቸው ከ500 በላይ አህዮች በመከላከያ ሠራዊት እጅ ገቡ
ህወሓት ጦርነት ከመጀመሩ ቀደም ብሎ ተተኳሽ እና ስንቅ ለማጓጓዝ በኃይል ከአርሶ አደሮች ላይ የወሰዳቸው ከ500 በላይ አህዮች በሀገር መከላከያ ሠራዊት እጅ መግባታቸው ተጠቁሟል።
በአሁኑ ወቅት እነዚህ አህዮች በየከተማው ተከማችተው የሚገኙ ሲሆን፣ እውነተኛ አርሶ አደር ባለቤቶቻቸውን በመጠበቅ ላይ እንደሚገኙ ተገልጿል። አዲስ ሪፖርተር እንዳመለከተው አርሶ አደሮች ንብረቶቻቸውን (አህዮቻቸውን) እንዲወስዱ በአካባቢው ጥሪና መልዕክት ተላልፏል።
49 947
የሀገር መከላከያ ሰራዊት መቀሌ ከተማን በተለያዩ አቅጣጫዎች በከበባ ስር አዋለ
የሀገር መከላከያ ሰራዊት በትግራይ ክልል እያካሄደ ባለው ህግ የማስከበር ተግባር ወደ መቀሌ ከተማ በከፍተኛ ሁኔታ መጠጋቱ ተገለጸ። ከስፍራው የወጡ መረጃዎች እንደሚጠቁሙት፣ አሁን ላይ ከአፋር አቅጣጫ የተንቀሳቀሰው ኃይል ከመቀሌ በ20 ኪሎ ሜትር ርቀት ላይ ይገኛል።
በተመሳሳይ መልኩ ከጨርጨርና ከማይጨው አቅጣጫ የተንቀሳቀሰው ሰራዊት ወደ አድጉዶም መጠጋቱ የተሰማ ሲሆን፣ ይህም መቀሌ ከተማን በተለያዩ አቅጣጫዎች በከበባ ስር እንድትገኝ አድርጓታል።
የሕወሓት ኃይሎች የሰሜኑን ጦርነት በድጋሚ መቀስቀሳቸውን ተከትሎ፣ የመከላከያ ሰራዊት በአማራና በአፋር ክልል አዋሳኝ ቦታዎች ላይ ከአጋዥ የፀጥታ ኃይሎች ጋር በመሆን የተከፈቱትን ጥቃቶች በመቀልበስና ፈጣን ህግ የማስከበር እርምጃ በመውሰድ አሁን ላይ ወደ መቀሌ ከተማ ለመድረስ ጥቂት ኪሎ ሜትሮች ብቻ ቀርተውታል።
==========================
ለፈጣን እና ትኩስ መረጃዎች የማህበራዊ ሚዲያ ገፆቻችንን ይቀላቀሉን
👇👇👇👇👇👇👇👇👇
Telegram || Facebook || Tiktok
''አስቀድመው ይወቁ ከራዳር አይራቁ''-ኢትዮ ራዳር
49 947
የዶ/ር ደብረፅዮን ገብረሚካኤል መግለጫ ከአስመራ መሰጠቱ ተረጋገጠ
ትላንት ተላልፎ ብዙዎችን ሲያነጋግር የቆየው የሕወሓት መሪ የዶ/ር ደብረፅዮን ገብረሚካኤል መግለጫ የተሰጠው ከኤርትራ መዲና አስመራ መሆኑ ተረጋግጧል።
ዶ/ር ደብረፅዮን በመግለጫቸው የትግራይን ህዝብ ፖለቲካዊ ፈተናዎች፣ የህልውና ትግል፣ እውነተኛ ሰላም እና የፍትህ ጥያቄዎችን በማንሳት ህዝቡ ለደህንነቱ ደጀን ሆኖ እንዲቀጥል ጥሪ አቅርበዋል። ይሁን እንጂ የትግራይን ደህንነት እና የትግል ፅናት በተመለከተ አበክረው የገለፁበት ይህ ያልተጠበቀ ንግግር በቀጥታ ከአስመራ መተላለፉ የፖለቲካውን ድባብ እጅግ አነጋጋሪ እና አስገራሚ አድርጎታል።
49 947
በሆራ ፊንፊኔ እና ሆራ አረሰዲ የሚከበረውን የኢሬቻ በዓል ምክንያት በማድረግ፣ ታዳሚዎች በዓሉን ያለ ምንም የፀጥታ ስጋትና የትራፊክ አደጋ በሰላም እንዲያከብሩ የኦሮሚያ ፖሊስ ኮሚሽን ዝግጅት ማጠናቀቁን አስታውቋል።
በበዓሉ ወቅት የትራፊክ መጨናነቅንና አደጋን ለመከላከል ሲባል ከመስከረም 22 ቀን 2019 ዓ.ም ከቀኑ 10፡00 ሰዓት ጀምሮ እስከ መስከረም 24 ቀን 2019 ዓ.ም ከቀኑ 6፡30 ሰዓት ድረስ በማንኛውም የጭነት ተሽከርካሪዎች ላይ የጉዞ ገደብ ተጥሏል።
1,ተሽከርካሪዎች ጊዜያዊ ማቆሚያ ቦታዎች፦
በሱሉልታ በኩል፦ ወደ አዲስ አበባ የሚገቡ በጫንጮ እና ፍቼ ከተሞች እንዲቆሙ፤
2,በገላን ገበያ በኩል፦ ወደ አዲስ አበባ የሚመጡ በሽኖ እና ሰንዳፋ ከተሞች እንዲቆሙ፤
3,በቡራዩ በኩል፦ ወደ አዲስ አበባ የሚገቡ በሆለታ ከተማ እንዲቆሙ፤
4,በሰበታ በኩል፦ ወደ አዲስ አበባ የሚገቡ በወሊሶ ከተማ እንዲቆሙ ተወስኗል።
5,በአዳማ በኩል፦ ወደ አዲስ አበባ የሚገቡ እና ከአዲስ አበባ የሚወጡ ተሽከርካሪዎች በፍጥነት መንገድ (Expressway) ብቻ መጠቀም ይኖርባቸዋል።
በተጨማሪም በቢሾፍቱ ከተማ የሚገኙ የህዝብ ትራንስፖርቶች፣ ታክሲዎች፣ አውቶብሶች እና የቤት ተሽከርካሪዎች ከመስከረም 23 ቀን 2019 ዓ.ም ከጠዋቱ 12:00 ሰዓት ጀምሮ በተዘጋጁላቸው የፓርኪንግ ቦታዎች ብቻ እንዲቆሙ የተገለጸ ሲሆን፣ ከማቆሚያ ውጭ መንገድ ላይና በሆቴሎች ስር ማቆም በጥብቅ የተከለከለ መሆኑ ተመልክቷል።
49 947
አቶ አሻድሊ ሀሰን የቤኒሻንጉል ጉሙዝ ክልል ርዕሰ መስተዳድር ሆነው በድጋሚ ተሰየሙ
የቤኒሻንጉል ጉሙዝ ክልል ምክር ቤት አቶ አሻድሊ ሀሰንን በድጋሚ የክልሉ ርዕሰ መስተዳድር አድርጎ በሰፊ ድምፅ ሾሟቸዋል።
ርዕሰ መስተዳድር አቶ አሻድሊ ሀሰን በምክር ቤቱ ጉባዔ ፊት ቀርበው ቃለ መሐላ በመፈጸም የሥራ ኃላፊነታቸውን በይፋ ተረክበዋል። ክልሉን በቀጣይ የትግበራ ዘመናት ለመምራትና የልማት ሥራዎችን አጠናክሮ ለመቀጠል በአዲሱ ተሿሚ ላይ ከፍተኛ እምነት መጣሉ ተገልጿል።
49 947
🚨 ሰበር ዜና | ካይሮ በአጸፋው የኢትዮጵያን ዲፕሎማት በ48 ሰዓታት ውስጥ ከሀገር እንዲወጡ አዘዘች
የኢትዮጵያ መንግስት በአዲስ አበባ የሚገኙትን አንድ የግብፅ ዲፕሎማት ማባረሩን ተከትሎ፣ ካይሮ በአጸፋ እርምጃ በግብፅ የኢትዮጵያ ኤምባሲ አማካሪ የሆኑትን ዲፕሎማት ሀገር ለቀው እንዲወጡ አዝዛለች።
ዲፕሎማቱ በተሰጣቸው ገደብ መሠረት በአርባ ስምንት (48) ሰዓታት ውስጥ የግብፅ መዲና ካይሮን ለቀው እንዲወጡ የተነገራቸው ሲሆን፣ ይህም በሁለቱ ሀገራት መካከል ያለውን ዲፕሎማሲያዊ ውጥረት ወደ አዲስ ደረጃ አሸጋግሮታል።
49 947
ሰበር ዜና‼️
የግብፅ አምባሳደር እና የዲፖሎማቲክ ማህበረሰቡ በ48 ሰዓታት ውስጥ ኢትዮጵያን ለቀው እንዲወጡ የኢፌዴሪ መንግስት አሳወቀ።
=====================
💎⬇👇👇👇👇👇👇👇👇
የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇
https://t.me/+Vl6V8k9V3YNEOp2s
https://t.me/+Vl6V8k9V3YNEOp2s
