Eshet Pre-Primary,Primary and Middle school

ከሰልን ሲጠቀሙ መወሰድ ያለባቸው ጥንቃቄዎች በተለይም ቀዝቃዛ የአየር ሁኔታ ሲኖር ከሰልን በአማራጭ የኃይል ምንጭነት መጠቀም የተለመደ ተግባር ነው። በመሆኑም ከሰልን ሰዎች ለተለያየ አገልግሎት ሲጠቀሙ ተገቢውን ጥንቃቄ ማድረግ እንዳለባቸው ባለሙያዎች ይመክራሉ፡፡ ምክንያቱም አስፈላጊው ጥንቃቄ ካልተደረገ የከሰሉ ጭስ ሞትን ጨምሮ የዕድሜ ልክ ህመም ለሆኑት የአዕምሮ ጉዳትና የልብ በሽታ ስለሚያጋልጥ ነው ይላሉ፡፡ በጉዳዩ ላይ የተካሄዱ ጥናቶች እንደሚያመላክቱትም÷ የከሰል ጭስ በዓይን የማይታይና ሽታ አልባ መርዛማ ጋዝ አለው፡፡ ይህ ጋዝ የሚፈጠረውም ጋዝ፣ ዘይት፣ ከሰል ወይም እንጨት ሙሉ በሙሉ ተቃጥለው ባለማለቃቸው መሆኑ ይጠቀሳል፡፡ የከሰል ጭስ ባለበት አካባቢ አየር ወደ ውስጥ በሚሳብበት ጊዜ÷ በደም ውስጥ በመግባት የቀይ የደም ህዋስ አካል የሆነውና ኦክስጅን ተሸክሞ ለተለያዩ የሰውነት ክፍሎች ከሚያደርሰው ሄሞግሎቢን ጋር በመቀላቀል ጉዳት ያስከትላል፡፡ ይህን ተከትሎም ደም ኦክስጅን መሸከሙን ያቆማል፤ በዚህ የተነሳ የህዋሶቹ አነስተኛ ክፍሎች ይጎዳሉ፤ ብሎም ይሞታሉ፡፡ # በከሰል ጭስ (በካርበን ሞኖክሳይድ) የተጠቃ ሰው የሚያሳያቸው ምልክቶች የሚከተሉት ናቸው። የራስ ምታት፣ ራስ ማዞርና መታመም፣ የድካም ስሜትና ግራ መጋባት፣ ሚዛንን ለመጠበቅ መቸገር፣ የዕይታና የትውስታ ማጣት፣ ራስን መሳት፣ በአንድ ነገር ላይ አትኩሮት ማጣት፣ የሆድ ህመም እንዲሁም ለመተንፈስ መቸገር ምልክቶች ሊታዩበት እንደሚችሉ ባለሙያዎች ያስረዳሉ፡፡ #የከሰል ጭስን እንዴት መከላከል ይቻላል? በከሰል ምግብ ማብሰል ሲያስፈልግ በቂ አየር እንዲያገኝ ከተቻለ ከቤት ውጭ ማብሰል፤ ከቤት ውጭ ማብሰል ካልተቻለ ደግሞ ሙሉ በመሉ ከተቀጣጠለና ጭሱ መጥፋቱ ሲረጋገጥ ወደ ቤት ማስገባት ይመከራል፡፡ በተጨማሪም የከሰል ምድጃ እየተጠቀሙ በር እና መስኮት አለመዝጋት፣ በከሰል ምግብ አብስለው ሲጨርሱ በውኃ ማጥፋትና በር እና መስኮት በመክፈት ቤቱን ማናፈስ እንዲሁም ከሰል ቤት ውስጥ አለማቀጣጠልን ባለሙያዎች ይመክራሉ፡፡ ከዚህ ባለፈም ከሰል ቤት ውስጥ አቀጣጥሎ ማሸለብ ወይም መተኛት አደጋው የከፋ በመሆኑ ከእነዚህ ድርጊቶች መቆጠብ ይገባል።

🆕 የት/ቤቱ መገለጫ የኦንላይን አድሚሽን (Online Admission) ገፆች(URL) መዝጋቢዎች እና ተማሪዎች ለመመዝገብ የሚጠቀሙባቸው የድር አሳሽ “ብራውዘር” ማስፈንጠሪያዎች ለቅድመ አንደኛ ደረጃ -➡️ https://eshetpri.sims.addislearning.edu.et/frontend/page/online-admission ⬅️ ለአንደኛና መካከለኛ ደረጃ - ➡️ https://eshet.sims.addislearning.edu.et/frontend/page/online-admission ⬅️ እነዚህን ማስፈንጠሪያዎች በመጠቀም ከቤትዎ ሆነው መመዝገብ ይችላሉ ነገር ግን በስልክዎ የምዝገባ ማረጋገጫ መልዕክት ካልደረሰ ግዴታ ወደ ት/ቤቱ በመቅረብ ሙሉ መረጃዎችን በመያዝ ማረጋገጥ ይኖርባችኋል። 📣

✅ቤታቸው በመሆን ከነሙሉ መረጃ በጥራት የተመዘገበችና ወደ ኦንላይን የምዝገባ ሲስተም የገባች የመጀመሪያዋ ተማሪ 👏

በትምህርት ቤታችን አጠቃላይ የተጓዳኝ ትምህርት ክበባት  የስራ አፈፃፀም ተገመገመ። በትምህርት ዘመኑ በተቋሙ ውስጥ የተቋቋሙ ክበባት ዕቅድ አፈፃፀም እና በእያንዳንዱ ክበባት የተሰሩ ስራዎችን ከክበባት ተጠሪዎች ጋር የአመቱ አፈፃፀም ግምገማ ተካሄደ።                                     ሰኔ 2016ዓ.ም

በአዲስ ከተማ ክፍለ ከተማ ወረዳ 09 ት/ጽ/ቤት የእሸት ቅድመ አንደኛ፣ አንደኛና መካከለኛ ደረጃ ት/ቤት በ2016ዓ.ም  የትምህርት ዘመን የተሰሩ ስራዎችን ከስርዓተ ትምህርት ኮሚቴ እና ከትምህርት ክፍል ተጠሪዎች ጋር የማጠቃለያ ግምገማ አካሄደ።    ✍በውይይቱ ላይ የቀረቡ አጀንዳዎች                            1. የ2016ዓ.ም  አጠቃላይ የመማር  ማስተማር የ9ወር ዕቅድ  አፈፃፀም ሪፖርት 2. በትምህርት ዘመኑ                             የተማሪዎችን ውጤት እና  ስነምግባር ለማሻሻል የተሰሩ ስራዎች መገምገም።      3.ከ4ዮሽ ዕቅድ አንፃር  የተማሪዎች     ውጤት ያለበትን ደረጃ መገምገም።                                      4.የተቋሙን ውጤታማነት ከማረጋገጥ አንፃር የነበረው ሚና ከትምህርት አመራሮች ጋር ተገመገመ ።                                              ሰኔ 2016ዓ.ም

በአዲስ ከተማ ክ/ከ/ወረዳ 09 ት/ጽ/ቤት እሸት ቅድመ አንደኛ፣አንደኛና መካከለኛ ደረጃ ት/ቤት የ2017 ዓ.ም የተማሪዎች ምዝገባ መረጃ መሙያ ቅፅ

ማስታወሻ (አስታውሱ)                                         ለተማሪ ወላጆች በሙሉ     የ2016ዓ.ም ከ1ኛ _8ኛ ክፍል የተማሪዎች ውጤት መግለጫ ሰርተፊኬት የሚሰጠው እና የወላጆች ጉባኤ እእንዲሁም የአመቱ ማጠቃለያ ኘሮግራም የሚካሄደው ሰኔ 30/2016ዓ.ም መሆኑን ማስታወቃችን ይታወቃል። ስለሆነም አጠቃላይ የተማሪ ወላጆች ከጧቱ 2:30 ሰዓት በት/ቤቱ እንድትገኙ እናሳስባለን። ት/ቤቱ