Eshet Pre-Primary,Primary and Middle school

የትኛው ደስታ ይቅደም? .........✍ ካለፈው የቀጠለ " ........ ሀድሰን በባህር ውስጥ ሰጥሞ ህይወቱን ከማጣቱ በፊት የእርዳታ ጩኸቱን አሰማ .... ከፊት ለፊቱ ቢያንስ በመቶ ሜትር ርቀት ላይ የህይወት አድን ጀልባ ትታየዋለች:: .... ጀልባዋ ላይ ያሉትም ሰዎች በጥንቃቄ ከሱ ርቀው እየሄዱ ነበር " ...... አላስቻለውም እርዱኝ ሲል የጣር ጩኸቱን አሰማ .... "እዚህ ጋር እባካችሁ እርዱኝ" ሲል ደጋግሞ ጮኸ። ሰዎቹ ጩኸቱን መደሰሙበት አቅጣጫ መብራታቸውን አበሩ፡፡ ይሄኔ ‹‹እባካችሁ ፍጠኑ እርዱኝ›› የሚል የእርዳታ ጥያቄ አቀረበ፡፡ አሁን ሀድሰን የህይወት አድን ሰራተኞችን ምልከት በማየቱ ትንሽ ተስፋ ስላገኘ ከበፊቱ በበለጠ ትንፋሹን ሰብስቦ "እባካችሁ ፍጠኑ እርዱኝ፣ ሲል ተጣራ፤ ዓይተውታል . . . መብራታቸውንም በእርሱ አቅጣጫ ቦግ እልም አድርገው አብርተውለታል። አሁንም በድጋሚ በሱ አቅጣጫ የሚለቀቀው መብራት አይኑን አጥበረበረው፡ ፡ ድምፁን ሰምተውታል፤ ታዲያ ለምን በፍጥነት አልደረሱለትም? "ኦ አምላኬ" ሀድሰን አጉረመረመ፡፡ ጀልባዋ በመጣችበት አቅጣጫ ተመልሳ ሄደች፡፡ .... በዚህን ጊዜ ሀድሰን ከአጠገቡ በጣም እየራቁ መሆናቸውን አስተዋለ፡፡ አሁንም ተስፋ አልቆረጠም .... ተከትሏቸው ለመሄድ ሞከረ . . . አልደረሰባቸውም!፡፡ . . . ለጥቂት ደቂቃዎች በዝምታ ተውጦ መጨረሻውን መጠበቅ ጀመረ፡፡ ከጀርባው ፀሀይ የእንቁላል አስኳል መስላ የአህያ ሆድ የመሰለውን ሰማይ እየገላመጠች ብቅ ማለት ጀምራለች .... ይህች ፀሀይ የቀኑን ጅማሬ ልታበስር የሀድሰንን የሙት እንጉርጉሮ ልታደምቅ ስራዋን ጀመረች፡፡ ሀድሰን በትንሽዋ ጀልባው የያዘውን ሻንጣ፤ የተዝረከረኩ ልብሶችን፣ ጫማውን ሲመለከት ዳግም የመኖር ፍላጎቱ ጨመረ፡፡ . . . እናም ተጣራ "እርዱኝ አባካችሁ ለሞት አሳልፋችሁ አትስጡኝ" እያለ ለመነ፡፡ በነፍስ አድን ጀልባ ላይ ያሉት ሰዎች ያዩታል ነገር ግን ለሰቆቃው ምላሽ አልሰጡትም፡፡ ተስፋ የቆረጠው ሀድሰን ለአንዴና ለመጨረሻ ጊዜ መራገም ፈለገ . . . እንደገና ፀለየ . . . ፀሎቱ ግን ለእግዚአብሄር ሳይሆን ለሰዎችና ለህይወት አድን ጀልባዋ ነበር . . . አለቀሰ ... እንደገና ለመነ ... ›› በፍልስፍና ታሪክ ውስጥ የዚህን ፍልስፍና እሳቤ በጣም እንዳጎሉት የሚነገርላቸው ጄርሚ ቤንትሀም (Jeremy Bentham) እና ጆን ስቱዋርት ሚል (John Stuar Mill) ሲሆኑ ቤንትሀም ደስታን በተመለከተ በጥራት ሳይሆን በብዛት ላይ እንድናተኩር ሲመክረን በአንፃሩ ሚል "ከብዛት ይልቅ ጥራት ይቀድማል" ይለናል፡፡ እስቲ ሁለቱንም በዝርዝር እንመልከት . . . የዩቲሊቴሪያኒዝምን ሀሳብ መጀመሪያ እንዳገኘ የሚነገርለት ጄርሚ ቤንታም "መልካም ስነምግባርን ለማሳየት ስትፈልግ በቅድሚያ ለአንተ የቀረቡልህንና ልትፈፅማቸው የምትፈልጋቸውን ተግባራት አጢን፡፡ ከዚያም ድርጊቴ እኔን ጨምሮ ምን ያህል ሰዎችን ሊያካትት ይችላል ብለህ አስብ ። ቀጥሎም በዚህ ድርጊቴ ምን ያህል ደስታን አልያም ምን ያህል ሀዘንን አተርፋለሁ የሚለውን ከግምት ውስጥ አስገባ፡፡ በስተመጨረሻም ደስታህ ከህመም በልጦ ካገኘኸው ያኔ መልካም ነገርን ሰርተሀል" ሲል ንፅፅራዊ እሳቤውን ይገልፃል፡፡ ቤንታም ይህንን ሲል ደሰታን በቁጥርና በሂሳብ ስሌት ቀመር ወስኖ እንዲያልፍ እያደረገው ነው፡፡ " አብላጫው ደስታ ለአብላጫው ቁጥር" ማለቱም ይህንኑ አያረጋገጠለት ነበር፡፡ "ለምሳሌ ማንኛውም አንተን ሊያዝናናህ የሚችል ጨዋታ (game) በመጀመሪያ ከሙዚቃ ፣ ከስዕልና ከግጥም ጋር እኩል ዋጋ አለው ነገር ግን ጥቅም ላይ ስናውለው ጨዋታው የበለጠ ደስታን ከሰጠን ዋጋውም ያንኑ ያህል ይጨምራል" ይለናል፡፡ ታዲያ እዚህ ጋር አብላጫ ደስታ የሚሰጠንን ነገር እንዴት ልናውቅ እንችላለን? ብለን መጠየቃችን አይቀሬ ነው፡፡ ቤንትሀም ለዚህ ምላሽ ሲሰጥ "አንድ ነገር አብላጫ ደስታን ልናገኝበት እንችላለን የምንለው በቅድሚያ ጥንካሬውን፣ የቱን ያህል ጊዜ መቆየቱን፣ እርግጠኛነቱን፣ ቅርበቱን፤ ሌላ ደስታን መጨመር መቻሉን፣ ከህመም ነፃ ማውጣቱን፣ አና ለምን ያህል ሰዎች ሊዳረስ መቻሉን ጠይቀን ካመዛዘንን በኋላ ነው" በማለት መስፈርቱን ይናገራል፡፡ ቤንትሀም በተጨማሪም "ምን ማድረግ እንዳለብን በማወቅና ተግባራዊ በማድረግ መካከል ከፍተኛ ልዩነት መኖሩን ልብ በሉ ምክንያቱም ይህንን ማወቅህ የሌላ ደስታ ምናልባትም ለአንተ መስዋዕትነት ሊያስከፍል አልያም ህመምን ሊያስከትል ስለሚያስችል ነው፡፡ በእርግጥም አንድ ነገር በምናደርግበት ጊዜ አራት ማዕቀቦች ሊያጋጥሙን ይችላሉ፡፡ እነዚህም ማዕቀቦች የተፈጥሮ ህግ ፣ የሰው ሰራሽ ህግ፣ ከሌሎች ሰዎች የሚመጡ አስተያየቶችና እግዚአብሄር ናቸው፡፡ እናም ድርጊታችንን ስንፈፅም ከእነዚህ አራት ነገሮች ጋር እያነፃፀርን ሊሆን ይገባል።"በማለት ሀሳቡን በዝርዝር ያስቀምጣል፡፡ ከዚህ ፈላስፋ ቀጥሎ በስራው በጣም እውቅናን ያተረፈው ጆን ስቱዋርት ሚል ሲሆን እንደሱም አገላለፅ "የጄርሚ ቤንታም ሀሳብ ደስታን ከማስተዋወቅ ጋር ሲነፃጸር ምናልባትም ትክክል ሊሆን ይችላል ግን ተግባራዊ ስናደርገው የደስታን ተቃራኒ ልናገኝበት እንችላለን" በማለት ለምሳሌ "የወሲብ ደስታ ከነፍስ ደስታ ጋር ሊነፃፀር ይችላል?" ሲል ጥያቄን ይሰነዝራል፡፡ ልክ እንደ ቤንታም ሁሉ ሚልም አብላጫ ደስታ ለአብላጫ ቁጥር በሚለው ቢያምንም ለቤንታም አብሳጫ የሚለው ቃል ብዛትን ሲያመለክት ለሚል ግን ጥራት የሚለውን ይተካል፡፡ ታዲያ የደስታ ጥራት(quality) እንዴት ያለው ነው? የደስታን ጥራት መለየት የሚችለውስ ማን ነው? ብለን ብንጠይቅ "ሁለት ደስታዎች በብቃት ሊለያዩ ይችላሉ ፤ ያንን ሊናገር የሚችለው ሰው ደግሞ ሁለቱንም አይቶ ወይም በድርጊቱ ተፈትኖ ያለፈው ብቻ ነው፡፡ ስለዚህም ዓይተውት ያለፉት እነሱ ከፍተኛውንና በጣም ጥራት ያለውን ደስታ መመዘን ወይም መምረጥ ይችላሉ" ብሎ ይናገራል፡፡ እናም እንደ ሚል አባባል ከሆነ 'የጠገበ አሳማ ከመሆን ይልቅ የራበው ሶቅራጠስ መሆን ይሻላል። (better be a starved Socrates than a satisfied pig)::' ስለዚህም "ደስታን መሻት ከግላዊ ጥቅም አንፃር ብቻ ከታየ ሀድሰን ባዶውን ይጮሀል፡፡ በመከራ ጊዜም አብዝቶ ይጣራል . . . " እንደ ዩቲሊቴሪያኒስቶች አባባል፡፡ ምንጭ ፦ ፍልስፍናና ዘላለማዊ ጥያቄዎቹ ፀሀፊ ፦ ቤተልሔም ለገሠ @Zephilosophy @Zephilosophy

የትኛው ደስታ ይቅደም? የግለሠብ ወይስ የማህበረሠብ? አንድ ሰው መልካም ነገርን የሚያደርገው ገሀነምን በመፍራት እና ገነት ለመግባት ካለው ጉጉት? ወይስ ግዴታ ስለሆነ? ውጤትን አስቀድሞ አያሰበ ወይስ ዝም ብሎ? ወይስ መልካም ነገር መስራት በራሱ ደስታን ስለሚሰጥ? የሰው ልጅ ሁሌም - በእነዚህ ሁለት የተለያዩ አመለካከቶች ተጠምዶ የሚገኘው የበጎ አመለካከት አሳቤዎች (morality) ወደ ምድር ወርደው በእያንዳንዳችን የዕለት ተዕለት ክንውኖች ውስጥ ጣልቃ መግባት ሲጀምሩ ቋሚ የሆነ መገለጫ ላይኖራቸው በመቻሉ ነው፡፡ ለዚህም ነው አንዱ መልካም ብሎ ያሰበውን ሌላው መጥፎ ብሎ የሚፈርጀው፡፡ ይህም ፅሁፍ የሚያጠነጥነው ሔዶኒዝም (Hedonism) ተብሎ በሚጠራው የፍልስፍና ዘርፍ ሲሆን የዚህ ፍልስፍና ተከታይ የሆኑት ‹‹አንድ ሰው መልካም ነገር የሚያደርገው ደስታን ለማግኘት ነው፡፡ ድርጊቱም ጥሩ ወይም መጥፎ ተብሎ የሚመዘነው በውጤቱ ሲሆን ውጤቱም የደስታው ምንጭ ሊሆን ይገባል” ብለው ያምናሉ፡፡ የዚህ ፍልስፍና አራማጆች ሲቀጥሉም ‹‹ደስታ ስራህ ትክክልና መልካም መሆኑን መመዘኛ ነው፡፡ ስለሆነም አንድ ሰው አንድን ድርጊት ሲፈፅም ስጋውንና ነፍሱን ማስደሰት ከቻለ የሰራው ስራ ከጅምሩም መልካም አንደነበር ማረጋገጥ ይቻላል” ይሉናል። ታዲያ የዚህ ፍልስፍና አራማጆች ራሳቸው ደስታን መፈለግ (መሻትን) በተመለከተ የራስን ደስታ መሻት (egoistic hedonism) እና የህብረተሰብን ደስታ መሻት (social hedonism) በማለት በሁለት ጎራ ተከፍለው እናገኛቸዋለን፡፡ በእርግጥም እነዚህ ሁለት ተቃራኒ የሆኑ ሀሳቦችን በመያዝ በተለያየ ጎራ የምናገኛቸው የተቃርኖ ሀሳብ ፈላስፎች ግባቸው ደስታን ማግኘት ቢሆንም ‹‹የማን ደስታ?›› ብለን በጠየቅን ጊዜ ግን ሁለቱም የተለያየ ምላሽ ይሰጡናል፡፡ በቅድሚያ እስቲ የራስን ደስታ ብቻ መሻት (egoistic hedonism) ወይም ቅድሚያ ለራስህ ቦታ መስጠት አለብህ የሚሉንን ፈላስፎች እንመልከት፡፡ ይህንን ሀሳብ ይዘው የሚራመዱ ፈላስፎች ‹‹ሰው በቅድሚያ የራሱን ፍላጎት ማሟላት አለበት፡፡ አንድ ነገር መልካም ነው ብለን የምንናገረው በቅድሚያ የራሳችንን ደስታ ማሟላት ስንችል ብቻ ነው›› በማለት ይከራከራሉ፡፡ ቀጥሎም ደስታው የነፍስ ወይም የስጋ? ብለን ስንጠይቅ በሲሬኒሲዝም (cyrenisism) ጎራ ተሰልፈው የምናገኛቸው “ደስታማ የስጋ ነዉ!፡፡ አናም ብሉ፣ ጠጡ፣ ጨፍሩ፣ አግቡ፤ ለነገ አታስቡ . . . ነገ ምናልባትም ልትሞቱ ትችላላችሁ፡፡ በተጨማሪም የምትሰሩት ስራ ደስታችሁን እጥፍ ድርብ የሚያደርግላችሁ ሊሆን ይገባል›› በሚለት “በትንሹ ልንረካ የምንችልበትንና በተቻለ አቅም ቶሎ ልናገኘው የምንችለውን ደስታ ልንፈልግ ይገባል» ብለው አበክረው ያስተምራሉ። በአንፃሩ የኢፒኩሪያኒዝም (epicurianism) ሀሳብ አራማጆች የዚህ ዓይነት ደስታ ‹‹የአሳማ ፍልስፍና›› (pig's philosophy) ነው ይሉናል። በእርግጥ የኢፒኩሪያኒዝም አስተሳሰብ አራማጆች ደስታ የግል ሊሆን ይገባል ብለው ቢያምኑም ደስታ ሰውነትን ለማርካት ሳይሆን ለዓዕምሮ ሰላም ልንጠቀምበት እንደሚገባ አበክረው ይገልፃሉ፡፡ ሲቀጥሉም ‹‹አንድ ሰው ደስታን መሻት የሚገባው ለአጭር ጊዜ ብቻ ሳይሆን ለብዙ ጊዜ የሚቆየውን ሊሆን ይገባል፡፡ ለምሳሌ ለአንድ ሰው ወደ ጥርስ ሃኪም መሄድ በራሱ ህመም ሊሆንበት ይችላል፡፡ ግን እንደምንም ሄዶ ጥርሱን ቢታከምና ከጥርስ ህመም ነፃ ቢወጣ ለረጅም ጊዜ ሰላምን የሚያገኝበትን ዋነኛ መንገድ ተጎናፀፈ ማለት ነው፡፡ እናም ሰው ትኩረቱን መብላትና መጠጣት ላይ ካደረገና የአካሉ ጤንነት ካላሳሰበው አንድ ቀን ህመሙ ይህን የአጭር ጊዜ ደስታውን ደብዛውን ሲያጠፋበት ይችላል፡፡ በሌላ በኩል ዓዕምሮ በጭንቀትና በፍርሀት ከተሸበረ በሽተኛ መሆኑ አይቀርም፡፡ አዕምሮ ሰላም ከሌለው ሰው በትክክል ሲያስብና የዘላለም ደስታን ሊጎናፀፍ አይችልም፡፡ ስለዚህም ደስታን መሻትት ከሰውነት ጤንነትና ከዓዕምሮ ሰላም ጋር ሊስተካከል ይገባዋል " ይሉናል፡፡ እነዚህ የኢፒኩሪያኒዝም አስተሳሰብ አራማጆች ዋነኛ ግባቸው ህመምን ከማስወገድ ጋር የተያያዘ በመሆኑ ጋብቻ ፣ ቤተሰብ ፣ ፖለቲካ አልያም ጓደኝነት ከዓዕምሮ ደስታ በኋላ ሊመጡ የሚችሉ ነገሮች ናቸው ብለው ያምናሉ ። ለምን ቢባል እነዚህ ነገሮች ለጨጓራ ህመም ለአዕምሮ ጭንቀትና ለመሳሰሉ ህመሞች ሊዳርጉ ስሰሚችሉ በተቻለ አቅም ልናርቃቸውና ልናስወግዳቸው ይገባል የሚል ምላሽ አያይዘው ይሰጣሉ ፡፡ በሌላ በኩል እነዚህ ፈላስፎች ‹‹የአጭር ጊዜ ፍላጎትን ለማሟላት ከመሮጥ የሚመጣ ህመም ሊወገድ ይገባል» ይሉናል፡፡ ይህንንም ሲያብራሩ «እርግጥ ነው ዳቦና ውሀ ሰው በጣም በተራበና በተጠማ ጊዜ ከፍተኛ የደስታ ምንጭ ሊፈጥሩለት ይችላሉ፡፡ ነገር ግን እህልን አብዝተን ስንወድ ቁንጣን እንዳያመጣብን ልንጠነቀቅ ደግሞ ይገባል። እናም ደስታን ለመፍጠር ብለን ለህመም ሳንዳረግ ለመጨረሻ ግባችን ልንሮጥ ይገባል፡፡ ይህ የመጨረሻው ግባችን ታዲያ ከስሜት ህዋሶቻችን የመነጨ ብሎም የስሜት ህዋሶቻችንን ብቻ ለማርካት መሆን የለበትም:: ሳያቋርጡ መጠጣት፣ መጨፈር ፣ ማመንዘር ፣ ከምግቦች ሁሉ ለቅንጦት ስጋን መምረጥ፣ ወዘተ እነዚህ ለጊዜው ደስታ ሰጥተው ... ምክንያታችንን ግን ሊያከሽፉ፣ ምርጫችንን አስተካክለን እንዳንመርጥ ሊከለክሱ፣ አስተያየታችንን ሊያጨናገሩ ስለሚችሉና ነፍሳችንንም አቆሽሸው ዘላቂ ሰላማችንን ስለሚያደፈርሱ በተቻለን አቅም ቅንጦትን ልናስወገድ ይገባናል በማለት አበክረው ይመክራሉ:: አንደ ኤጎይስቲክ ሄዶኒዝም (egoistic hedonism) ሁሉ የዩቲሊቴሪያኒዝም (utilitarianism) አስተሳሰብ አራማጆች ‹‹አንድ ሰው ስራው ትክክል መሆኑን ለማረጋገጥ የስራውን ውጤት ሊመለከት ይገባል፡ ፡ ወይም የሰራው ስራ መልካምነቱን ማረጋገጥ የሚቻለው በፍሬው ነው በሚለው ሀሳብ ቢስማሙም ‹‹አንድ ሰው ሊጨነቅ የሚገባው ለራስ ደስታ አልያም ከራስ ወዳድነት ለመነጨ ስሜት ሳይሆን ለማህበረሰቡ ( ለብዙሀን ደስታ) ነው›› በሚለው ሀሳብ ላይ ልዩነታቸው ይጀምራል፡፡ በዚህም « አብላጫው ደስታ ለአብላጫው ቁጥር›› (the greatest happiness for the greatest number) የሚል መፈክርን አንግበው ይጓዛሉ፡፡ እስቲ ወደ ዝርዝር ሀሳባቸው ከመግባታችን በፊት የዚህን ፍልስፍና እሳቤ በደንብ ይገልፀዋል የተባለውን ታሪክ እናንብ፡- ምንጭ ፦ ፍልስፍናና ዘላለማዊ ጥያቄዎቹ ፀሀፊ ፦ ቤተልሔም ለገሠ ✍ ይቀጥላል ✍ @Zephilosophy @Zephilosophy

#ያንብቡ #ኢትዮጵያ ከተጨማሪ እሴት ታክስ ነጻ የሚሆኑ እቃዎችን ለመወሰን የወጣው መመሪያ ፤ ' መመሪያ ቁጥር 1006/2016 ' ተግባራዊ እየተደረገ ይገኛል። መመሪያው ተግባራዊ የተደረገው ዝቅተኛ ገቢ ያለው የህብረተሰብ ክፍል መሰረታዊ የሆኑ የምግብ አቅርቦቶችን ከተጨማሪ እሴት ታክስ ነጻ ሆኖ እንዲገዛ ለማድረግና የወጪ ጫናውን ለማርገብ ጠቀሜታ ስላለው መሆኑ ተገልጿል። ከተጨማሪ እሴት ታክስ ነጻ የሆኑ እቃዎች እና አገልግሎቶች ዝርዝር ምንድናቸው ? ከዚህ በታች የተዘረዘሩ በአገር ውስጥ የሚመረቱ እና ከውጭ አገር የሚገቡ እቃዎች እንዲሁም በአገር ውስጥ የሚሰጡ አገልግሎቶች ከተጨማሪ እሴት ታክስ ነጻ ናቸው። 1ኛ. እህልና ጥራጥሬ ➡ ጤፍ ➡ ስንዴ ➡ ገብስ ➡ በቆሎ ➡ ማሽላ ➡ ዘንጋዳ ➡ ዳጉሳ ➡ አጃ ➡ አተር ፣ ባቄላ ፣ ምስር፣ አኩሪ አተር፥ ሽምብራ፣ ግብጦ፥ ጓያ እና የመሳሰሉት ጥራጥሬዎች፤ ➡ የእነዚህ ዱቄት 2ኛ. የግብርና ግብአቶች ☑ ማዳበሪያ ☑ ጸረ-ተባይ ኬሚካል ☑ የእንስሣት መድሃኒት ☑ የመድሃኒት መርጫ 3ኛ. የበሰሉ ወይም የተዘጋጁ ምግቦች / መጠጦች 👉 እንጀራ 👉 ዳቦ 👉 ወተት 4ኛ. በካፒታል ሊዝ ስምምነት የሚቀርቡ የካፒታል እቃዎች 5ኛ. የወባ መከላከያ አጎበር ፤ ኮንዶም እና ለውሃ ማከሚያ የሚሆኑ ኬሚካሎች @Addis_Reporter

የንግግር ሕክምና-Psychotherapy የንግግር ሕክምና(Psychotherapy) የሰለጠነ ቴራፒስት ሰዎችን የአእምሮ ጤንነታቸውን እና ደህንነታቸውን ለማሻሻል ሀሳባቸውን፣ ስሜታቸውን እና ባህሪያቸውን እንዲመረምሩ የሚረዳ የሕክምና ዓይነት ነው። የስነ-ልቦና ጉዳዮችን ለመፍታት፣ ግጭቶችን ለመፍታት እና የግል እድገትን ለማስፋፋት በማቀድ በዘርፉ ባለሞያ እና በታካሚው መካከል የሚደረግ የህክምና ሂደት ነው። የሳይኮቴራፒ(የንግግር ህክምና) አስፈላጊነት የሳይኮቴራፒ አስፈላጊነት ግለሰቦች ስሜታዊ እና ስነልቦናዊ ተግዳሮቶቻቸውን ለመፍታት ግለሰቦች በአስተሳሰባቸው እና በባህሪያቸው ላይ ግንዛቤ እንዲኖራቸው፣ የመቋቋሚያ ስልቶችን እንዲያዳብሩ፣ የመግባቢያ ክህሎቶችን እንዲያሻሽሉ እና ለራሳቸው ያላቸውን ግምት እንዲያሳድጉ ሊረዳቸው ይችላል። የሚከተሉትን ጨምሮ የተለያዩ የስነ-ልቦና ሕክምና ዓይነቶች አሉ- 1. Cognitive behavioral therapy(CBT) 2. Psychodynamic therapy 3. የቤተሰብ ሕክምና(Family therapy) 4. የቡድን ቴራፒ(Group therapy) 5. Interpersonal therapy 6. Motivational intervention እና ወዘተ..... ሳይኮቴራፒ ብዙ አይነት የአእምሮ ጤና ጉዳዮች እና ተግዳሮቶች ላጋጠማቸው ግለሰቦች ጠቃሚ ነው። የሥነ ልቦና ሕክምናን ለምን ያስፈልጋል? 1. የመንፈስ ጭንቀት፡- ሳይኮቴራፒ ግለሰቦች የድብርት መንስኤዎቻቸውን እንዲመረምሩ እና ምልክቶቻቸውን ለመቆጣጠር የሚያስችሉ ዘዴዎችን እንዲያዘጋጁ ይረዳቸዋል። 2. ለጭንቀት፡- ቴራፒ ግለሰቦች የጭንቀት መንስኤዎችን በመለየት እና ለመፍታት እንዲሁም ጭንቀትን የሚያስከትሉ አስተሳሰቦችን እና ባህሪያትን ለመቆጣጠር እና ለመቀነስ የሚረዱ ዘዴዎችን ለመማር ይረዳል። 3. አሰቃቂ ሁኔታዎች ላጋጠማቸው፡ ሳይኮቴራፒ እንደ በደል ወይም ጥቃት ያሉ አሰቃቂ ሁኔታዎች ላጋጠማቸው ግለሰቦች ሊጠቅም ይችላል። በአሰቃቂ ሁኔታ ከሚያስከትለው ጉዳት ለማዳን ደህንነቱ የተጠበቀ ቦታ ሊሰጥ ይችላል። 4. የግንኙነቶች ጉዳዮች(Relationship issue)፡ ቴራፒ ግለሰቦች የመግባቢያ ክህሎቶችን እንዲያሻሽሉ፣ ግጭቶችን በመፍታት እና ከአጋሮች፣ የቤተሰብ አባላት ወይም ጓደኞች ጋር ያላቸውን ግንኙነት ለማጠናከር ሊረዳቸው ይችላል። 5. ሀዘን እና ኪሳራ ላጋጠማችው፡ ሳይኮቴራፒ ሀዘን እያጋጠማቸው እና የሚወዱትን ሰው በሞት በማጣት ለሚታገሉ ግለሰቦች ድጋፍ እና መመሪያ ሊሰጥ ይችላል። 6. የንጥረ ነገር አላግባብ መጠቀም(Substance abuse)፡- ቴራፒ ግለሰቦች ለአደንዛዥ እፅ ሱስ አላግባብ መጠቀምን አስተዋፅኦ የሚያደርጉ ችግሮችን እንዲፈቱ እና ጤናማ የመቋቋም ዘዴዎችን እንዲያዳብሩ በመርዳት የሱስ ህክምና አስፈላጊ አካል ሊሆን ይችላል። 7. የአመጋገብ ችግር፡- ሳይኮቴራፒ ግለሰቦች ለተዘበራረቀ የአመጋገብ ባህሪያቸው አስተዋፅዖ የሚያደርጉትን ምክንያቶች በመመርመር ከምግብ እና ከአካሎቻቸው ጋር ጤናማ ግንኙነት እንዲፈጥሩ ይረዳቸዋል። 8. ውጥረት(stress)፡- ቴራፒ ግለሰቦች ውጥረትን እንዲቆጣጠሩ፣ ውጤታማ የውጥረት ቅነሳ ዘዴዎችን እንዲማሩ እና ማቃጠልን ለመከላከል ያስችላል። የሳይኮቴራፒ ሕክምናን መፈለግ የግል ውሳኔ መሆኑን ማስታወስ አስፈላጊ ነው እና አስፈላጊ ሆኖ ሲገኝ ድጋፍ ለማግኘት ምንም ዓይነት አሳፋሪ አይሆንም። ነብዩ ጃግሶ (ስነ አእምሮ ባለሙያ) ነብዩ ስነ አእምሮ E-CLINIC የባለሞያ እርዳታ ለማግኘት 👇👇👇 📞 +251922077637 📞 +251712299056 ይደዉሉልን ቴሌግራም👉 @Mentalhealth_NJ ከውደዱት ይቀላቀሉን 👇👇 @Psychiatry1 @Psychiatry1 @Psychiatry1 @Psychiatry1

የንግግር ሕክምና-Psychotherapy @PSYCHIATRY1

ቀን 19/10/2016ዓ.ም                       ለትምህርት ቤቱ መ/ራን በሙሉ                    ነገ ማለትም ሐሙስ በ20/10/2016ዓ.ም 3:00 ሰዓት ላይ የ2016ዓ.ም አጠቃላይ የመማር ማስተማር ስራዎች አፈፃፀም እና የማጠቃለያ ስራዎችን በተመለከተ በየትምህርት ክፍሉ አጠቃላይ ውይይት ስለሚደረግ ሁሉም መምህር እና የት/ት ጥራት አሃድ ሰብሳቢዎች በተጠቀሰው ሰዓት በመገኘት ስራዎችን እንድትገመግሙ እናሳስባለን።                                        ማሳሰቢያ:- ሁሉም የት/ት ክፍል ተጠሪ በተሰጠው አቅጣጫ መሠረት ተግባራትን በመገምገም በቀን 21/10/2016ዓ.ም 6:00 ሰዓት ድረስ ለት/ቤቱ በጽሑፍ ሪፖርት እንድታደርጉ በጥብቅ እናሳስባለን።                                                       ትምህርት ቤቱ

ለ2016ዓ.ም የ6ኛ ክፍል ከተማ አቀፍ ፈተና የመልስ መስጫ ወረቀት

የ2017 የትምህርት ዘመን የተከለሰ የትምህርት ካላንደር

የሚኒስትሪ መልስ መስጫ ወረቀት አጠቃቀም መመሪያ ለተማሪዎች ➊ የተማሪዎች መለያ ቁጥር እና የትምህርት ዓይነት መለያ ቁጥር ለእያንዳንዳቸው በተቀመጠው ሳጥን ውስጥ ከላይ ወደ ታች መፃፍ አለበት፡፡ ❷ በተፃፈው መለያ ቁጥር ፊት ለፊት የተፃፈውን ቁጥር የያዘውን ክብ ብቻ መጠቆር አለበት፡፡ ➌ ተማሪዎች የመረጡትን መልስ ትይዩ በተሰጠው ክብ ላይ በትክክል ማጥቆር አለባቸው፡፡ ❹ ተማሪዎች ያጠቆሩትን መልስ መቀየር ቢፈልጉ መጀመሪያ ያጠቆሩትን ክብ በደንብ ማጥፋት አለባቸው፡፡ ❺ በአንድ ረድፍ ከአንድ በላይ ክብ ማጥቆር የተከለከለ ነው፡፡ ❻ ለመፃፍ እና ለማጥቆር ከተፈቀደው ቦታ ውጭ ምንም አይነት ፅሁፍም ሆነ ጭረት ማድረግ የተከለከለ ነው፡፡ ❼ ለመፃፍ ከተፈቀደው ቦታ ውጭ ተፅፎ ወይም ትንሽ ጭረት እና ነጥብ ከተገኘ የመልስ መስጫ ወረቀቱ ሙሉ  በሙሉ ተቀባይነት አይኖረውም፡፡ ❽ መልስ በሚጠቆርበት ጊዜ እርሳሱ ከተሰጠው የክብ ሳጥን መውጣት የለበትም። ከወጣም በማጥፊያ (Eraser/Rubber) ማጥፋት ይጠበቅባችኋል። ❾ መልስ መስጫ ኮርነር ላይ ያሉትን አራት ጠርዞች መንካትም ፈጽሞ የተከለከለ ነው፡፡ ➓ ተፈታኞች የመልስ መስጫ ወረቀታቸውን በንፅህና መያዝ አለባቸው ማለትም እንዳይቆሽሽ፣ እርጥበት  እንዳይነካው፤ እንዳይቀደድ እና እንዳይታጠፍ መጠንቀቅና ሙሉ ኃላፊነት መውሰድ አለባቸው፡፡