Hasen Injamo

የምኖረው በጉራጌ ባሕል ነው:: መሆን የምፈልገው ከአባቴ ወይም ከአያቴ አሕመድ 1/10ኛ ጸባይ ለመያዝ እንጂ ማንንም ሮል ሞዴል አላደርግም:: ያላየሁትና ያልተኗኗርኩትን ሰው ሞዴል ባደርግ መበጣጠስ እንጂ አልሆነውም:: ለእኔም አይሆኑም:: 11 ልጆችን ለፍተው አሳድገው ሲሞቱ ዱዲ ዕዳ የሌለባቸው, ለቅሶ የማያመልጣቸው, አራስ እና ሕመምተኛ የሚጠይቁ, የተሰበረ ላም ሳይቀር የሚያክሙ, ጅብን የሚያናግሩና ቃልኪዳን (Treaty) የሚዋዋሉ, ሶላት የማያመልጣቸው, ረመዷንን ቆጮ በጎመን በልተው ጹመው ውለው ሌሊቱን የሚሰግዱ, የሰው ሐቅ በፍጹም የማይነኩ ብቻ ሳይሆን ወደ ሗላ ሰባት ትውልድ ኦዲት የሚያደርጉ ሰዎችን 1/10ኛ ባገኝ በምን ዕድሌ!! ድሮ ገጠር ላም ገደል ከገባ, ወይም ገንዘብ ከጠፋን ቀጥታ ወደ ኦዲት ነው የሚገባው:: ላሚቷ ላይ የሰው ሐቅ አለባት ወይ? ነው የሚባለው:: ቤት በሰውም ይሁን በመብረቅ ከተቃጠለ መጀመሪያ ስህተት ኦዲት ይደረጋል:: ከቤቱ ጋር ሊቃጠሉ ይችሉ ይሆናል በሚል የእንሽላሊት, የጉንዳን ሐቅ ለደሃ, ለቆ^ማጣ ወይም ከፍተኛ ችግር ላለበት ሰው ይሰጣል:: ከኤኮሲስተሙ ጋር ያላቸው መግባባት አጃዒብ ነው:: ዛሬ ከእህቴ ጋር ኦዲት እያደረግን ነበር:: ኦዲቱ በአባትም በእናትም በኩል ነው የሚሠራው:: በርቸ ማለቅ አለበት:: በርቸ ማለት Karma ማለት ነው:: ወላጅ ቁሳዊም መንፈሳዊም ውርስ ያወርሳል:: ቁሳዊም ላይ ዕዳ ካለ ይከፈላል:: መንፈሳዊም ላይ ዕዳ ካለ ይወራረዳል:: የቁሳዊውን ከፍለህ የመንፈሳዊው ከቀረ ይበላብሃል:: ውርሱን የሚያሸጥ ዕዳ ይመጣብሃል:: የአባትህን ስም በመልካም እንዳታስጠራ ነገሮች ይሰነካከሉብሃል:: የዲኤንኤ ኦዲትና ኤዲት የግድ ይላል:: ልጆችህ በፍጹም ሀራም መብላት የለባቸውም:: ይመ^ረዛሉ:: ዕዳ በሌለበት ሰው ቅኑ:: ሰላም ውሎ ያድራል:: ሰላም ኖሮ ይሞ^ታል:: መክፈል ላትችሉ ትችላላችሁ:: ጻፉትና ለወራሽ ስጡ:: ዕዳ እያለበት የሞተ ነፍሱ ትንጠለጠላለች:: አታርፍም:: የሞቱ ወላጆቻችሁ ካለባቸው አሳርፉዋቸው:: በሞት ተቆርጠን እናበቃለን ብለን እንዳንሸወድ:: በአፈጣጠር ሞት ከሕይወት ይቀድማል:: እናቱ ማኅጸን ያለ ልጅ ስለፈረስና መኪና, ስለ ፀሐይና ጨረቃ ብትነግረው እንደ እብድ ሊያይህ ይችላል:: ዓለሙ የእናቱ ሆድ ነበር:: በስንጥቕ በኩል ይወጣል:: ልክ እንደዚሁ የሞተን ሰው በስንጥቅ አፈር ወደ ቀብር ስንልከው ጠባብ ዓለም ይመስለናል:: ከውልደት አልተማርንም:: የዚያኛው ዓለም sophistication እንዲህ ቀላል አይደለም:: ላንተ ብስባሽ አጥንት የሚታይህ ሳታይ እንድታምን ብቻ ነው እንጂ ጉዱ ሌላ ነው:: ሳይንሱን ሌላ ጊዜ እናወራዋለን:: ሮል ሞዴሎቻችንን ወላጆቻችን እናድርግ:: ለሞዴልነት በፍጹም ላንተ ክፉ የማይሆን እጅግ ርኅሩህ የሆኑት ወላጆችህ ይሻሉሃል ወይስ ባንተ ቢዝነስ የሚሠራ ሴሌብሪቲ?