አለ ሕግ

16 280

የህዝብ ተወካዮች ም/ቤት የፌዴራል መንግሥት አስፈፃሚ አካላትን፣ስያሜ፣ አደረጃጀት፣ ስልጣንና ተግባር ለመወሰን የቀረበ ረቂቅ አዋጅን መርምሮ አጸደቀ ----------------------- (ዜና ፓርላማ) መስከረም 27፣ 2019 ዓ.ም፤ የሕዝብ ተወካዮች ም/ቤት ፌዴራል መንግሥት አስፈፃሚ አካላትን ስያሜ፣ አደረጃጀት፣ ስልጣንና ተግባር ለመወሰን የቀረበ ረቂቅ አዋጅን መርምሮ በሙሉ ድምጽ አጽድቋል፡፡ ምክር ቤቱ ረቂቅ አዋጁን ዛሬ ባካሄደው 1ኛ ዓመት የስራ ዘመን 1ኛ ልዩ ስብሰባው ነው ያፀደቀው፡፡ የህዝብ ተወካዮች ምክር ቤት አባል የሆኑት የመንግሥት ተወካይ የተከበሩ አቶ ፍቃዱ ተሰማ ግልጽና ውጤታማ የሆነ የአስፈፃሚ አካላትን አደረጃጀት በመፍጠር የሚኒስቴር መስሪያ ቤቶች እና የተጠሪ ተቋማት የውልና የተናጠል ተግባር በግልጽ በማስቀመጥ ረገድ ረቂቅ አዋጁ ሚናው የጎላ መሆኑን አስረድተዋል፡፡ የረቂቅ አዋጁ አስፈላጊነት እና ዓላማ በተመለከተ አስረጂ ሆነው የቀረቡት የመንግሥት የስራ ኃላፊዎች የተከበሩ ፍፁም አሰፋ (ዶ/ር) እና ክብርት ወ/ሮ ሃና አርአያሥላሴ በዝርዝር ሪፖርት ለምክር ቤቱ አቅርበዋል፡፡ በመንግሥት አስፈጻሚ ተቋማት መስሪያ ቤቶች በአለፉት አምስት ዓመታት ውስጥ የታዩትን ውስንነቶች ለመቅረፍ ረቂቅ አዋጁ እንደሚያግዝ እና የዜጎችን ሰብአዊና ዲሞክራሲአዊ መብቶች እንዲከበሩና የህዝቡ የኑሮ ደረጃን ለማሻሻል እና የአገልግሎት ዘርፉን ለማሳለጥ እንደሚያግዝ ገልጸዋል፡፡ ረቂቅ አዋጁ ሰፊ ጥናት የተደረገበት እና ከሚኒስቴር መስሪያ ቤቶች እና ከተጠሪ ተቋማት ጋር ውይይት በማድረግ በቂ ግብአት ማግኘት መቻሉን አስረድተዋል፡፡ የተቋማትን አደረጃጀት በግልጽ ማስቀመጥ የመንግስትና የህዝብ ሃብት የስራ ኃላፊዎች በአግባብ እንዲጠቀሙ ለማስቻል ረቂቅ አዋጁ ትልቅ አቅም እንደሚፈጥር አስረድተዋል፡፡ የምክር ቤት አባላት በበኩላቸው፤ አንዳንድ የተጠሪ ተቋማት ለወጥ በደንብ የስራ ባህሪያቸውን እና ያላቸውን ፋይዳ ያገናዘበ መሆን እንዳለበት አስገንዝበዋል፡፡ ቀልጣፋና ውጤታማ አደረጃጀት በመፍጠር የተቋማትን የማስፈጸም አቅምን ለማሳደግ ረቂቅ አዋጁ ሚናው የጎላ መሆኑን የምክር ቤት አባላቱ አያይዘውም ገልጸዋል፡፡ ምክር ቤቱ ባካሄደው ልዩ ስብሰባው፤ የፌዴራል መንግሥት አስፈፃሚ አካላትን ስያሜ፣ አደረጃጀት ፣ ስልጣንና ተግባር ለመወሰን የቀረበ ረቂቅ አዋጅ፤ አዋጅ ቁጥር 1440/2019 አድርጎ በሙሉ ድምጽ አጽድቋል፡፡ (በ መኩሪያ ፈንታ) ተጨማሪ መረጃዎችን ለማግኘት፡- በፌስቡክ http://www.facebook.com/hoprparliament በዩቲዩብ https://www.youtube.com/@FDREHOPR በቴሌግራም https://t.me/ParlamaNews በትዊተር http://twitter.com/fdrehopr በዌብሳይት www.hopr.gov.et ይከታተሉ።

16 280

+1

1434_2026_የታክስ_አስተዳደር_አወጅ_የተሻሻለው.pdf8.58 KB

16 280

1434_2026_የታክስ_አስተዳደር_አወጅ_የተሻሻለው.pdf8.58 KB

16 280

ምንም ነገር እስካልተነጻጸረ ድረስ ትንሽ አይደለም✍️✍️

16 280

+1

የትራፊክ ማኔጅመንት ባለስልጣን እንዲታጠፍ ተወሰነ። የከተማዋን የአስፈጻሚ አካላት ስልጣንና ተግባር ለመወሰን የተዘጋጀ አዋጅ በአዲስ አበባ ምክር ቤት ዛሬ ተሻሽሏል። በተሻሻለው አዋጅ መሰረት የተወሰኑ የከተማዋ አስፈጻሚ አካላት ስልጣን እና ተግባራቸው የተሻሻለ ሲሆን ፤ የታጠፉ እንዲሁም የተቋም ስያሜ ለውጥ የተደረገባቸውም አሉ። የከተማዋ የትራፊክ ማኔጅመንት ባለስልጣን ስልጣን እና ተግባሩ ለተለያዩ መስሪያ ቤቶች እንዲተላለፍ ተደርጎ ታጥፏል። በከተማዋ የትራፊክ ህግ ማስከበር ስራ ላይ የተለያዩ አካላት በተበታተነ መልኩ መሰመራታቸው የፈጠረውን የመልካም አስተዳደር ችግር እና የሚነሳውን ቅሬታ ለመፍታት ሲባል የተላለፈ ውሳኔ እንደሆነ በምክር ቤቱ ተብራርቷል። የከተማዋ ትራንስፖርት ቢሮ ፤ የመንገዶች ባለስልጣን እና አዲስ ይደራጃል የተባለው የትራንስፖርት ማኔጅመንት ማዕከል የታጠፈው የከተማዋ የትራፊክ ማኔጅመንት ባለስልጣን ስልጣን እና ተግባር የተላለፈላቸው መስሪያ ቤቶች ናቸው። በሌላ በኩል፤ የከተማዋ የስራ እና ክህሎት ቢሮ ለሁለት ተከፍሏል። የሠራተኛና የስራ ዕድል ቢሮ እንዲሁም የቴክኒክ እና ሞያ ስልጠና ቢሮ ሆኖ እንደሚደራጅ ተብራርቷል። ተለያይተው ይገኙ የነበሩት የባህል እና ስነ ጥበብ ቢሮ እና የቱሪዝም ኮሚሽን ደግሞ አንድ ላይ ተደራጅተው የባህልና ቱሪዝም እንዲሆኑ ተወስኗል። - የመስሪያ ቦታዎች ልማት አስተዳደር ኤጀንሲ ፤ - ምገባ ኤጀንሲ ፤ - አዲስ አበባ አመራር አካዳሚ እና የህዳሴ ግድብ ማስተባበሪያ ፅህፈት ቤትም የታጠፉ ተቋማት ናቸው። የእነዚህ ተቋማት ስልጣን እና ተግባር ለሚመለከታቸው ሌሎች አስፈጻሚ አካላት ተላልፏል። ቀደም ሲል በምግብና መድሃኒት አስተዳደር ይሰጥ የነበረው የጤና ተቋማት የብቃት ማረጋገጫ እና የጤና ባለሞያዎች ፍቃድ ለጤና ቢሮ ተላልፏል። የንብረት አስተዳደር እና ቁጥጥር ደግሞ ከመንግስት ንብረት አስተዳደር ባለስልጣን ወደ ፍትህ ቢሮ ተዘዋውሯራ። የከተማዋ የመንግሰት የልማት ድርጅቶች አስተዳደር ደግሞ በኢንቨስትመንት ሆልዲንግስ ተተክቷል፡፡ ይህ መረጃ ባለቤትነቱ የሸገር ኤፍ ኤም 102.1 ሬድዮ ጣቢያ ነው። መስከረም 20 ቀን 2019 ዓ/ም @tikvahethiopia

16 280

የድምጽ ብክለት ህግን ጥሰው በተገኙ ከ3 ሺህ በላይ አገልግሎት ሰጪ ተቋማት ላይ አስተዳደራዊ እርምጃ መውሰዱን የአዲስ አበባ አከባቢ ጥበቃ ባለሥልጣን አስታወቀ። ባለሥልጣኑ እርምጃውን የወሰደው የከተማዋን ሰላምና የኗሪዎችን ጤና ለመጠበቅ ባካሄደው ሰፊ የቁጥጥር ስራ ሲሆን፣ ከተወሰዱት እርምጃዎች መካከል የጽሁፍ ማስጠንቀቂያ፣ የእሽግ ማስተካከያ እና የገንዘብ ቅጣቶች ይገኙበታል። በከተማዋ በተለይም በማምሻ ሰዓታት የሚደረጉ የሙዚቃና የመዝናኛ እንቅስቃሴዎች ከፍተኛ የድምጽ ብክለት በመፍጠር በህብረተሰቡ ዘንድ ቅሬታ በማስከተላቸው በቀን ከ55 ዴሲበል፣ ማታ ደግሞ ከ45 ዴሲበል በላይ ድምጽ ማውጣት ህገ-ወጥ መሆኑ ተገልጻል። በድምጽ ብክለት በዋናነት የተጠቁት የላምበረት/ፊየል ቤት፣ ሲኤምሲ፣ ለቡ፣ ጀሞ፣ አደይ አበባ እና ኮልፌ አካባቢዎች በጥብቅ ክትትል ስር መሆናቸውን አሳውቋል ። አቤል እስጢፋኖስ መስከረም 21 ቀን 2019 ዓ.ም

16 280

የ2018_ግብር_ዘመን_ማሳወቂያ_ጊዜ_አሰራር_ስርዓት_1.pdf1.32 MB

16 280

©Ethiopian Ministry Of Trade (FB)

16 280

የትምህርት ሚኒስቴር የአጠቃላይ ትምህርት መምህራን የደረጃ እድገት አፈጻጸም መመሪያን ይፋ አደረገ። የትምህርት ሚኒስቴር በመንግሥት ትምህርት ቤቶች ከቅድመ አንደኛ እስከ ሁለተኛ ደረጃ በሚያስተምሩ መምህራን ላይ ተፈጻሚ የሚሆን "የአጠቃላይ ትምህርት መምህራን የደረጃ እድገት አፈጻጸም መመሪያ ቁጥር 1148/2018" አውጥቷል። ሚኒስቴሩ በአጠቃላይ ትምህርት አዋጅ ቁጥር 1368/2017 በተሰጠው ሥልጣን መሠረት ያዘጋጀው ይህ መመሪያ፣ በማስተማር ሥራቸው የላቀ ውጤት የሚያስመዘግቡ መምህራንን ለማበረታታት፣ የሥራ ተነሳሽነታቸውን ለማሳደግ እንዲሁም አጠቃላይ የትምህርት ጥራትን ለማረጋገጥ ያለመ መሆኑ ተገልጿል። በመመሪያው ድንጋጌ መሠረት የአጠቃላይ ትምህርት መምህራን የእድገት መሰላል በሰባት ደረጃዎች የተከፋፈለ ሲሆን፤ እነሱም ፦ - ጀማሪ መምህር፣ - መለስተኛ መምህር፣ - መምህር፣ - ከፍተኛ መምህር፣ - ተባባሪ መሪ መምህር፣ - መሪ መምህር እና ከፍተኛ መሪ መምህር ናቸው። በመመሪያው የተቀመጠው የቆይታ ጊዜም ከጀማሪ ወደ መለስተኛ መምህርነት ለመሸጋገር 2 ዓመት፣ በቀጣዮቹ ደረጃዎች ደግሞ በእያንዳንዱ እርከን የ3 ዓመታት ቆይታ የሚጠይቅ ነው። ይሁን እንጂ አንድ መምህር በተከታታይ ወይም በተለያየ ጊዜ በውድድር ሁለት ጊዜ እድገት ማግኘት ካልቻለ ለሦስተኛ ጊዜ የመወዳደር ዕድል እንደማይኖረው በመመሪያው ተደንግጓል። መምህራን ለደረጃ እድገት ውድድር ብቁ ለመሆን ማሟላት ከሚገባቸው የጋራ መስፈርቶች መካከል በመምህርነት ሙያ ዕውቅና ካለው ተቋም የተመረቁ መሆን፣ የሙያ ፈቃድ ምስክር ወረቀት መያዝ፣ እንዲሁም ለጀማሪ መምህራን የመውጫ ምዘና ማለፍ በዋናነት ተቀምጠዋል። ከዚህ በተጨማሪም አንድ መምህር ለደረጃ እድገት ለመብቃት ከሚያስተምራቸው ተማሪዎች ውስጥ ቢያንስ 75 በመቶ የሚሆኑት 50 በመቶ እና ከዚያ በላይ ውጤት ማስመዝገባቸው በገለልተኛ አካል መረጋገጥ እንዳለበት ሰነዱ ያትታል። በተጨማሪም ጀማሪ መምህራን ቢያንስ የ40 ሰዓታት፣ ከመለስተኛ መምህር ጀምሮ ያሉት ደግሞ የ60 ሰዓታት ሙያ ተኮር አጫጭር ሥልጠናዎችን መከታተልና የተከታታይ ሙያ ማሻሻያ (CPD) ዕቅዳቸውን በአግባቡ መፈጸም ይጠበቅባቸዋል። ወደ ከፍተኛ የእድገት እርከኖች ለመሸጋገር የተቀመጡት መመዘኛዎች የማስተማር ብቃትን ብቻ ሳይሆን የምርምርና የማኅበረሰብ አገልግሎት ተሳትፎንም ያካተቱ ናቸው። በዚህም መሠረት መምህራን ከደረጃ ወደ ደረጃ ሲሸጋገሩ ከ70 እስከ 90 በመቶ የሚደርስ የሥራ አፈጻጸም ውጤት ማስመዝገብ፣ የተደራጀ ማኅደረ-ተግባር (Portfolio) መያዝ፣ ጀማሪ መምህራንን በአማካሪነት መደገፍ እንዲሁም ልዩ ፍላጎት ያላቸውንና ተጋላጭ ተማሪዎችን መርዳት ግዴታ ተጥሎባቸዋል። በተለይም ከመካከለኛ ደረጃ ጀምሮ ባሉት ከፍተኛ እርከኖች ለመወዳደር የመማሪያና የመምሪያ መጻሕፍትን መገምገም፣ አጋዥ የትምህርት ጽሑፎችን ማዘጋጀት እና በመማር ማስተማር ችግሮች ዙሪያ ተግባራዊ ጥናትና ምርምሮችን (Action Research) ማካሄድ የግድ እንደሚል ሰነዱ በዝርዝር አስቀምጧል። አዲሱ መመሪያ የላቀ አፈጻጸም ላስመዘገቡ መምህራን የተፋጠነ የደረጃ እድገት የሚሰጥበትን አሠራርም አስተዋውቋል። በዚህም መሠረት ከመምህርነት እስከ መሪ መምህርነት ባለው እርከን የሚገኝ ማንኛውም መምህር የሚያስተምራቸው ተማሪዎች በሙሉ 85 በመቶ እና ከዚያ በላይ ውጤት በተከታታይ ሁለት ዓመታት እንዲያስመዘግቡ ካደረገ እና ይህም በገለልተኛ አካል ሲረጋገጥ፣ የሦስት ዓመት የቆይታ ጊዜውን ሳይጠብቅ በሁለት ዓመት ውስጥ እንዲያድግ ይደረጋል። በተመሳሳይም የተማሪዎቹን ውጤት 90 በመቶ እና ከዚያ በላይ ለተከታታይ ሦስት ዓመታት ያደረሰ መምህር አንድ የደረጃ መሰላል ዘሎ እንዲያድግ የሚፈቀድ ሲሆን፤ በከፍተኛ መሪ መምህርነት ደረጃ ላሉት ደግሞ የሁለት እርከን ደመወዝ ጭማሪ እንደሚሰጥ ተመላክቷል። በሌላ በኩል መመሪያው የወሊድ ፈቃድ ላይ ያሉ መምህራንን፣ በጤና እክል ምክንያት በቦርድ ውሳኔ ከክፍል የተገለሉ ባለሙያዎችን እና በመምህራን ማኅበራት በአመራርነት የሚያገለግሉ አባላትን የደረጃ እድገት አፈጻጸም በልዩ ሁኔታ አካቷል። የደረጃ እድገቱ በየዓመቱ በሁለት ዙር ማለትም በጥር አንድ እና በሐምሌ አንድ ቀን ተግባራዊ የሚደረግ ሲሆን፣ ሂደቱም በትምህርት ቤት ቴክኒክ ኮሚቴና በደረጃ እድገት ኮሚቴ ተጣርቶ በወረዳ ትምህርት ጽሕፈት ቤት አማካይነት ይጸድቃል። አሠራሩ ፍትሐዊና ገለልተኛ እንዲሆን የጥቅም ግጭትን የሚከላከሉ ድንጋጌዎች የተካተቱበት ሲሆን፣ በውሳኔው ላይ ቅሬታ ያላቸው መምህራንም ደብዳቤው በደረሳቸው በ10 የሥራ ቀናት ውስጥ አቤቱታ ማቅረብ እንደሚችሉ ተደንግጓል። ቲክቫህ ኢትዮጵያ አዲስ አበባ መስከረም 17 ቀን 2019 ዓ/ም @tikvahethiopia

16 280

#እንድታውቁት: የቀድሞ የይዞታ ካርታ እያለ አዲስ ሕጋዊ የካዳስተር ምዝገባ ለምን ያስፈልጋል? የአዲስ አበባ ከተማ አስተዳደር የመሬት ይዞታ ምዝገባና መረጃ ኤጀንሲ የቀድሞ የይዞታ ካርታ ያላቸው ባለይዞታዎች አዲሱን ሕጋዊ የካዳስተር ምዝገባ ማካሄድ ለምን እንደሚያስፈልጋቸው በሚል በገጹ ያቀረበውን መረጃ እንናጋራችሁ። ኤጀንሲው እንዳስታወቀው አዲሱ ምዝገባ የቀድሞውን ሰነድ ለመሻር ወይም ተመሳሳይ መብትን ለሁለተኛ ጊዜ ለመስጠት ሳይሆን፣ ያለውን የይዞታ መረጃ በዘመናዊና በተደራጀ የካዳስተር ሥርዓት ማረጋገጥን ዓላማ ያደረገ ነው። የመብት ሰጪ እና የመዝጋቢ ተቋማት ልዩነት ነባሩ ካርታ የመሬት ልማትና አስተዳደር ቢሮ የመሬት ተጠቃሚነት መብት ሲፈቅድ የሚሰጠው የፈቃድ ሰነድ ሲሆን፤ በአዋጅ ቁጥር 1381/2017 መሠረት የመሬት ይዞታ ምዝገባና መረጃ ኤጀንሲ የሚሰጠው የካዳስተር ሰርተፊኬት ደግሞ የመሬቱ ወሰን በጂፒኤስ (GPS) እና በኦርቶ ፎቶ ቴክኖሎጂ ተለክቶ የመሬቱና የንብረቱ ባለቤትነት በሕግ መረጋገጡን የሚያሳይ የዋስትና ሰነድ ነው። አዲሱ የካዳስተር ምዝገባ የሚያካትታቸው ዝርዝሮች አዲሱ ሥርዓት የመሬት መብት፣ ክልከላ እና ኃላፊነትን በአንድ ላይ የሚያደራጅ ሲሆን የሚከተሉትን ያካትታል፦ ⚫ የቁራሽ መሬቱ ትክክለኛ ወሰን፣ ስፋት፣ ርዝመት፣ ቅርጽና የኮኦርዲኔት መረጃ ⚫ የወሰን መገናኛ ነጥቦች፣ የአጎራባች ይዞታዎች፣ የመንገድና የአድራሻ መረጃ ⚫ የቁራሽ መሬቱ ልዩ መለያ ኮድ (Unique Identification Code) ⚫ በመሬቱ ላይ ያለው ሕንፃ ወይም ሌላ ቋሚ ንብረት መረጃ የቀድሞ ካርታ ብቻውን የሚያስከትላቸው ችግሮች የቀድሞ ካርታ ብቻ መጠቀም የመሬት ስፋት በተለያዩ ሰነዶች ላይ በተለያየ መጠን የመመዝገብ፣ የአጎራባች ወሰን የመደራረብ፣ ትክክለኛ ኮኦርዲኔት የመጣት እና በሽያጭ፣ ውርስ፣ ሞርጌጅ ወይም ካሳ ወቅት የሕግ ክርክር የመፈጠር ችግሮችን ያስከትላል። በተጨማሪም በወረቀት ላይ ያለ መረጃ ለዲጂታል አሰራር አይመችም። የቀድሞ ሰነድ ህልውናና የካዳስተር ጥቅም የቀድሞ ሰነድ በምዝገባ ሂደት ወቅት እንደ ዋና ማስረጃነት የሚያገለግል እንጂ በግድ የለሽነት የሚሰረዝ አይደለም። አዲሱ አሰራር አዲስ መሬት ለመስጠት ወይም ባለይዞታውን ለማስጨነቅ ሳይሆን፣ የይዞታ ዋስትናን በማጠናከር የመሬት መረጃን ከአንድ ልዩ መለያ ኮድ ጋር ለማስተሳሰር የተዘጋጀ ነው። የከተማ አስተዳደሩ የመሬት ይዞታ ምዝገባና መረጃ ኤጀንሲ ነባሩ ካርታ የመሬት መጠቀሚያ ፈቃድ ሲሆን፣ በአዋጅ ቁጥር 1381/2017 መሠረት የሚሰጠው የካዳስተር ምዝገባ ሰርተፊኬት ግን የሀብትና የቤት የመጨረሻ ሕጋዊ ማረጋገጫ በመሆኑ ባለይዞታዎች ይዞታቸውን በወቅቱ እንዲያስመዘግቡ ጥሪ አቅርቧል። @TikvahethMagazine

16 280

የኢትዮጵያ የካፒታል ገበያ ባለስልጣን ያዘጋጀው የክራውድ ፈንዲንግ ረቂቅ መመሪያ ምን ይዟል ? የኢትዮጵያ የካፒታል ገበያ ባለስልጣን፣ ኢንቨስትመንት ክራውድ ፈንዲንግን ለመጀመሪያ ጊዜ በሕግ ለመቆጣጠር የሚያስችል ረቂቅ መመሪያ አዘጋጅቶ ለሕዝብ ውይይት አቅርቧል። መመሪያው ጥቃቅን፣ አነስተኛና መካከለኛ ድርጅቶች እንዲሁም ስታርትአፖች ካፒታል ለማሰባሰብ አዲስ አማራጭ እንዲያገኙ ያለመ ነው ተብሏል። ክራውድ ፈንዲንግ ማለት ምን ማለት ነው ? ክራውድ ፈንዲንግ ማለት አንድ ድርጅት ካፒታሉን ለማሳደግ ወይም የዕዳ ሰነድ (ወለድ ያለው ብድር) በማቅረብ ገንዘብ ለማሰባሰብ ባለሥልጣኑ ፈቃድ በሰጠው ኦንላይን መድረክ በኩል ገንዘብ የሚያሰባስብበት ስልት ነው። ይህንን የኦላይን ገንዘብ ማሰባሰቢያ መድረክ የሚያንቀሳቅሰው "የክራውድ ፈንዲንግ አገናኝ" ተብሎ የሚጠራ፣ ባለሥልጣኑ ፈቃድ የሰጠው አካል ይሆናል። በረቂቁ መሰረት በክራውድ ፈንዲንግ ገንዘብ ማሰባሰብ የሚችሉት እነማን ናቸው ? በዚህ መድረክ ገንዘብ ማሰባሰብ የሚችሉት በኢትዮጵያ የንግድ ሕግ መሰረት የተመዘገቡ አክሲዮን ማህበራት (Share Company) መሆን ይጠበቅባቸዋል። በተጨማሪ፣ ከሚከተሉት ሦስት መስፈርቶች ቢያንስ ሁለቱን ማሟላት ይኖርባቸዋል ፦ ⚫ ጠቅላላ የተከፈለ ካፒታል ከ50 ሚሊዮን ብር ያልበለጠ፣ ⚫ ጠቅላላ የተጣራ ሀብት ከ100 ሚሊዮን ብር ያልበለጠ፣ ⚫ዓመታዊ የተጣራ ሽያጭ ከ100 ሚሊዮን ብር ያልበለጠ መሆን ይጠበቅበታል በተጨማሪም የፋይናንስ ተቋማት፣ የካፒታል ገበያ አገልግሎት ሰጪዎችና የመንግሥት የልማት ድርጅቶች በክራውድ ፈንዲንግ ገንዘብ ማሰባሰብ እንደማይችሉ ተቀምጧል። ድርጅቶች የክራውድ ፈንዲንግ አገናኝ በኩል ለመመዝገብ ስለ ኩባንያው ምስረታ፣ ስለ ዳይሬክተሮችና ቁልፍ ኢንቨስተሮች ማንነትና የወንጀል ክስ አለመኖር ማረጋገጫ፣ ከ5% በላይ ድርሻ ያላቸው ባለአክሲዮኖች ዝርዝር፣ የንግድ ገለጻና ፈቃዶች ማሟላት ይጠበቅባቸዋል። ለትልልቅ ምድብ ኩባንያዎች ደግሞ ኦዲት የተደረገ የሒሳብ መግለጫ፣ የንግድ ዕቅድ፣ የፋይናንስ ትንበያና የስጋት ጉዳዮች ዝርዝር ተጨማሪ ይጠየቃል። ድርጅቶች በዋናነት የአክሲዮን ድርሻን ሲያቀርቡ ጠንካራ የፋይናንስ ታሪክ (3 ዓመታት ኦዲት፣ ትርፋማነት፣ አዎንታዊ የገንዘብ ፍሰት) ያላቸው ደግሞ የዕዳ ሰነድ ማቅረብ ይችላሉ። ምን ያህል ገንዘብ ማሰባሰብ ይቻላል ? በረቂቅ መመሪያው መሰረት ገንዘብ ማሰባሰብ ላይ ጣሪያ ተቀምጧል። በዚህም፦ ⚫ ለምድብ አንድ እስከ 10 ሚሊዮን ብር፣ ⚫ ለምድብ ሁለት እስከ 25 ሚሊዮን ብር፣ ⚫ ለምድብ ሦስት እስከ 50 ሚሊዮን ብር ጣሪያ ሲቀመጥ በጠቅላላ ደግሞ ከ50 ሚሊዮን ብር መብለጥ የለበትም ይላል። አንድ ሽያጭ አቅርቦት ክፍት ሆኖ የሚቆይበት ጠቅላላ ጊዜ (የአቅርቦት ጊዜ) ከ120 ቀናት እንደማይበልጥ ሲጠቀስ በባለሥልጣኑ ፈቃድ ለ30 ተጨማሪ ቀናት ሊራዘም ይችላል። በዚህ ጊዜ ውስጥ ከታቀደው መጠን ከ50% በታች ከተሰበሰበ ማሰባሰቡ ይቋረጥና ገንዘቡ ለኢንቨስተሮች ተመላሽ ሆኖ ኩባንያውም ለ6 ወራት አዲስ ጥያቄ ማቅረብ አይችልም። እነማን ኢንቨስት ማድረግ ይችላሉ ? መመሪያው ኢንቨስተሮችን በሁለት ይከፍላል፦ ⚫ ብቁ ኢንቨስተሮች - ተቋማዊ ኢንቨስተሮችና ከፍተኛ ጥሪት ያላቸው ግለሰቦች፤ እና ⚫ መደበኛ ኢንቨስተሮች - ለራሳቸው ጥቅም ኢንቨስት የሚያደርጉ፣ ከፍ ያለ ጥበቃ የሚያስፈልጋቸው ተራ ግለሰቦች። መደበኛ ኢንቨስተሮች በአንድ አቅርቦት ከዓመታዊ ገቢያቸው 5%፣ በጠቅላላ ደግሞ 10% ብቻ ኢንቨስት እንዲያደርጉ ተገድበው፣ ከዚያ በፊት የስጋት ማረጋገጫ ቅጽ መሙላት ይጠበቅባቸዋል። አገናኞቹ ገንዘብ አሰባሳቢውን ከመመዝገባቸው በፊት የተገቢነት ቁመና ጥናት አካሂደው በ45 ቀናት ውስጥ ውሳኔ መስጠት፣ ለእያንዳንዱ ሽያጭ የአደራ ዝግ የባንክ ሒሳብ መክፈት፣ ከሚሰበሰበው ገንዘብ ከ2% በላይ ክፍያ ያለመቀበል ይጠበቅባቸዋል። ማስታወቂያዎችን በተመለከተም "የላቀ"፣ "አስተማማኝ"፣ "ትርፋማ" የመሳሰሉ አሳሳች ማስታወቂያዎች የተከለከሉ ሲሆን፣ ኢንቨስተሮች የግዢ ቃል ኪዳን ከሰጡ በኋላ፣ ያለ ምንም ቅጣት ውሳኔውን የሚሰርዙበት የ 48 ሰዓታት የጥሞና ጊዜ ተሰጥቷቸዋል። የኢትዮጵያ የካፒታል ገበያ ባለስልጣን የክራውድ ፈንዲንግ በኢትዮጵያ ውስጥ ላሉ ጥቃቅን፣ አነስተኛና መካከለኛ ድርጅቶች እና ስታርትአፖች አማራጭ የፋይናንስ ማግኛ ዘዴዎችን የሚያቀርብ በመሆኑ መመሪያውን ማዘጋጀቱን ገልጿል። ቲክቫህ ኢትዮጵያ መስከረም 16 ቀን 2019 ዓ.ም @TikvahethMagazine

16 280

#Crowdfunding የኢትዮጵያ የካፒታል ገበያ ባለስልጣን፣ በአገሪቱ ኢንቨስትመንት ክራውድ ፈንዲንግን ለመቆጣጠር የሚያስችል ረቂቅ መመሪያ አዘጋጅቶ ለውይይት አቅርቧል። ባለሥልጣኑ ባወጣው ማስታወቂያ መሠረት፣ ፍላጎት ያለው ማንኛውም ሰው ጽሑፋዊ አስተያየት እስከ ጥቅምት 04፣ 2019 ድረስ ወደ crowdfundingfeedback@ecma.gov.et መላክ ይችላል ብሏል። በተጨማሪም ባለሥልጣኑ የሕዝብ ውይይት መድረክና ማብራሪያ ጥቅምት 05 ቀን 2019 ከጠዋቱ 2፡30 ጀምሮ በስካይላይት ሆቴል ማዘጋጀቱን የገለጸ ሲሆን ፍላጎት ያለው ማንኛውም ሰው በአካል ተገኝቶ አስተያየት መስጠት እንደሚችል አስታውቋል። @TikvahethMagazine

16 280

የኢትዮጵያ የካፒታል ገበያ ባለስልጣን ያዘጋጀው የክራውድ ፈንዲንግ ረቂቅ መመሪያ ምን ይዟል ? የኢትዮጵያ የካፒታል ገበያ ባለስልጣን፣ ኢንቨስትመንት ክራውድ ፈንዲንግን ለመጀመሪያ ጊዜ በሕግ ለመቆጣጠር የሚያስችል ረቂቅ መመሪያ አዘጋጅቶ ለሕዝብ ውይይት አቅርቧል። መመሪያው ጥቃቅን፣ አነስተኛና መካከለኛ ድርጅቶች እንዲሁም ስታርትአፖች ካፒታል ለማሰባሰብ አዲስ አማራጭ እንዲያገኙ ያለመ ነው ተብሏል። ክራውድ ፈንዲንግ ማለት ምን ማለት ነው ? ክራውድ ፈንዲንግ ማለት አንድ ድርጅት ካፒታሉን ለማሳደግ ወይም የዕዳ ሰነድ (ወለድ ያለው ብድር) በማቅረብ ገንዘብ ለማሰባሰብ ባለሥልጣኑ ፈቃድ በሰጠው ኦንላይን መድረክ በኩል ገንዘብ የሚያሰባስብበት ስልት ነው። ይህንን የኦላይን ገንዘብ ማሰባሰቢያ መድረክ የሚያንቀሳቅሰው "የክራውድ ፈንዲንግ አገናኝ" ተብሎ የሚጠራ፣ ባለሥልጣኑ ፈቃድ የሰጠው አካል ይሆናል። በረቂቁ መሰረት በክራውድ ፈንዲንግ ገንዘብ ማሰባሰብ የሚችሉት እነማን ናቸው ? በዚህ መድረክ ገንዘብ ማሰባሰብ የሚችሉት በኢትዮጵያ የንግድ ሕግ መሰረት የተመዘገቡ አክሲዮን ማህበራት (Share Company) መሆን ይጠበቅባቸዋል። በተጨማሪ፣ ከሚከተሉት ሦስት መስፈርቶች ቢያንስ ሁለቱን ማሟላት ይኖርባቸዋል ፦ ⚫ ጠቅላላ የተከፈለ ካፒታል ከ50 ሚሊዮን ብር ያልበለጠ፣ ⚫ ጠቅላላ የተጣራ ሀብት ከ100 ሚሊዮን ብር ያልበለጠ፣ ⚫ዓመታዊ የተጣራ ሽያጭ ከ100 ሚሊዮን ብር ያልበለጠ መሆን ይጠበቅበታል በተጨማሪም የፋይናንስ ተቋማት፣ የካፒታል ገበያ አገልግሎት ሰጪዎችና የመንግሥት የልማት ድርጅቶች በክራውድ ፈንዲንግ ገንዘብ ማሰባሰብ እንደማይችሉ ተቀምጧል። ድርጅቶች የክራውድ ፈንዲንግ አገናኝ በኩል ለመመዝገብ ስለ ኩባንያው ምስረታ፣ ስለ ዳይሬክተሮችና ቁልፍ ኢንቨስተሮች ማንነትና የወንጀል ክስ አለመኖር ማረጋገጫ፣ ከ5% በላይ ድርሻ ያላቸው ባለአክሲዮኖች ዝርዝር፣ የንግድ ገለጻና ፈቃዶች ማሟላት ይጠበቅባቸዋል። ለትልልቅ ምድብ ኩባንያዎች ደግሞ ኦዲት የተደረገ የሒሳብ መግለጫ፣ የንግድ ዕቅድ፣ የፋይናንስ ትንበያና የስጋት ጉዳዮች ዝርዝር ተጨማሪ ይጠየቃል። ድርጅቶች በዋናነት የአክሲዮን ድርሻን ሲያቀርቡ ጠንካራ የፋይናንስ ታሪክ (3 ዓመታት ኦዲት፣ ትርፋማነት፣ አዎንታዊ የገንዘብ ፍሰት) ያላቸው ደግሞ የዕዳ ሰነድ ማቅረብ ይችላሉ። ምን ያህል ገንዘብ ማሰባሰብ ይቻላል ? በረቂቅ መመሪያው መሰረት ገንዘብ ማሰባሰብ ላይ ጣሪያ ተቀምጧል። በዚህም፦ ⚫ ለምድብ አንድ እስከ 10 ሚሊዮን ብር፣ ⚫ ለምድብ ሁለት እስከ 25 ሚሊዮን ብር፣ ⚫ ለምድብ ሦስት እስከ 50 ሚሊዮን ብር ጣሪያ ሲቀመጥ በጠቅላላ ደግሞ ከ50 ሚሊዮን ብር መብለጥ የለበትም ይላል። አንድ ሽያጭ አቅርቦት ክፍት ሆኖ የሚቆይበት ጠቅላላ ጊዜ (የአቅርቦት ጊዜ) ከ120 ቀናት እንደማይበልጥ ሲጠቀስ በባለሥልጣኑ ፈቃድ ለ30 ተጨማሪ ቀናት ሊራዘም ይችላል። በዚህ ጊዜ ውስጥ ከታቀደው መጠን ከ50% በታች ከተሰበሰበ ማሰባሰቡ ይቋረጥና ገንዘቡ ለኢንቨስተሮች ተመላሽ ሆኖ ኩባንያውም ለ6 ወራት አዲስ ጥያቄ ማቅረብ አይችልም። እነማን ኢንቨስት ማድረግ ይችላሉ ? መመሪያው ኢንቨስተሮችን በሁለት ይከፍላል፦ ⚫ ብቁ ኢንቨስተሮች - ተቋማዊ ኢንቨስተሮችና ከፍተኛ ጥሪት ያላቸው ግለሰቦች፤ እና ⚫ መደበኛ ኢንቨስተሮች - ለራሳቸው ጥቅም ኢንቨስት የሚያደርጉ፣ ከፍ ያለ ጥበቃ የሚያስፈልጋቸው ተራ ግለሰቦች። መደበኛ ኢንቨስተሮች በአንድ አቅርቦት ከዓመታዊ ገቢያቸው 5%፣ በጠቅላላ ደግሞ 10% ብቻ ኢንቨስት እንዲያደርጉ ተገድበው፣ ከዚያ በፊት የስጋት ማረጋገጫ ቅጽ መሙላት ይጠበቅባቸዋል። አገናኞቹ ገንዘብ አሰባሳቢውን ከመመዝገባቸው በፊት የተገቢነት ቁመና ጥናት አካሂደው በ45 ቀናት ውስጥ ውሳኔ መስጠት፣ ለእያንዳንዱ ሽያጭ የአደራ ዝግ የባንክ ሒሳብ መክፈት፣ ከሚሰበሰበው ገንዘብ ከ2% በላይ ክፍያ ያለመቀበል ይጠበቅባቸዋል። ማስታወቂያዎችን በተመለከተም "የላቀ"፣ "አስተማማኝ"፣ "ትርፋማ" የመሳሰሉ አሳሳች ማስታወቂያዎች የተከለከሉ ሲሆን፣ ኢንቨስተሮች የግዢ ቃል ኪዳን ከሰጡ በኋላ፣ ያለ ምንም ቅጣት ውሳኔውን የሚሰርዙበት የ 48 ሰዓታት የጥሞና ጊዜ ተሰጥቷቸዋል። የኢትዮጵያ የካፒታል ገበያ ባለስልጣን የክራውድ ፈንዲንግ በኢትዮጵያ ውስጥ ላሉ ጥቃቅን፣ አነስተኛና መካከለኛ ድርጅቶች እና ስታርትአፖች አማራጭ የፋይናንስ ማግኛ ዘዴዎችን የሚያቀርብ በመሆኑ መመሪያውን ማዘጋጀቱን ገልጿል። ቲክቫህ ኢትዮጵያ መስከረም 16 ቀን 2019 ዓ.ም @TikvahethMagazine

16 280

EFAA Job Vacancy September 2026.pdf3.25 KB

16 280

+8

የኢትዮጵያ ፌዴራል ጠበቆች ማህበር 7 ክፍት የስራ መደቦችን አውጥቷል። ማህበራችን የጽሕፈት ቤቱን አቅም ለማጠናከር ብቁና ተነሳሽነት ያላቸው ባለሙያዎችን ይፈልጋል፦ -ዋና ጸሐፊ -የአስተዳደር፣ የሕግ ጉዳዮች እና የኮሚቴ ጽሕፈት ቤት ኦፊሰር -የተከታታይ ሕግ ትምህርት (CLE)፣ ጥናትና ስልጠና ኦፊሰር -የኮሙኒኬሽን፣ የሕዝብ ግንኙነት እና ዲጂታል ሲስተም ኦፊሰር -የሒሳብ ሹም -የሕግ ባለሙያ -የውስጥ ኦዲተር የስራ ቦታ፦ አዲስ አበባ ደመወዝ፦ በማህበሩ የደመወዝ ስኬል መሰረት የሚቀርቡ ሰነዶች፦ CV፣ የትምህርት ማስረጃ እና የስራ ልምድ ማስረጃ (ኮፒ) ማመልከቻ የሚላክበት ኢሜል ፦ info@efaa.et (Subject ላይ የሚያመለክቱበትን የስራ መደብ ስም ይጥቀሱ) ቀነ ገደብ፦ መስከረም 20 ቀን 2019 ዓ.ም.

16 280

https://forms.cloud.microsoft/r/2TEu2dWyDn

📈 تحلیل کانال تلگرام አለ ሕግ

📊 شاخص‌های مخاطب و پویایی

📝 توضیح و سیاست محتوایی