أبجديّة

‏خل في صدرك على الدنيا قبــــول ‏واعرِف ان الشمس تشرق لو تغيب ‏وعــوّد لسـانـك ليـّا ضـاقـت يقول ‏الأمــاني في رجى ربنـا مـا تخــيـب

‏"كم ضحكةٍ ماكانت إلا لغز للشخص الفهيم ‏وكم كذبةٍ مشيتها من باب تفكير الكبار ‏وكم واحدٍ بعامله بالمثل لكنّي عظيم ‏وكم كلمةٍ بادلتها بالصمت وانهيت الحوار ‏ ‏وكم زلةٍ عديتها لو أنها جت بالصميم ‏وكم فعلةٍ خليتها للوقت لين الوقت دار .."

‏عاد لك فالبال ذكرى وفالخافق مكان ‏يابعد عمر السنين الشحاح الممحلة ‏ماتنسيني لياليك .. طيّات الزمان ‏وانت في يوم من الأيام ، سيّد مرحلة

‏"ما يلحق التقصير عزمي وباسي ‏لكن ظروف الوقت عيّت ترفّق ‏ما عاد أبي عقل الذكي والسياسي ‏اليوم أبي حظ — الغشيم الموفّق"

الهقوه الطيّبه فالله ما تخطي ‏الصابر من الفرج لا تندبل كبده ‏ ‏إن كان زانت فهو الواهب المعطي ‏وإن كان شانت فهو ربي وأنا عبده

‏أحلامنا واجد .. ومرغوب فيها ‏و يالله عساني في دنيّتي أتوّفق ‏في خاطري أشياء واجد وابيها ‏و مصيرها مـع الليالي تـحقـق

‏ثَمن كلامّـــك قَبل تنطق كلامّــك ‏الهرج مثل السيف والسيف له حدّ ‏لجل ما تخسَر قيمتك وإحترامّــك ‏فرّق ما بين الهزل والمزح والجــد

‏يارب انا راضي المقسوم ‏صابر ولو طاحت العبره ‏متأمل الجاي فيه غيوم ‏عبدك فلا ينتهي صبره ‏السيل لا ابطى وراه علوم ‏بطاية السيل من كبره

‏ما طاح من ثمر المكارم تركته ‏الله خلقنا نقطف اللي بذرنـاه

‏"الهروب أحيان نوع من أنواع النضال ‏لا وطت رجلك طريق الضياع السرمدي"