BBA | Sirdaryo viloyati (rasmiy kanal)

🤩🤩🤩🤩 Profilaktika inspektorlari Huquqiy asosi: O‘zbekiston Respublikasi Prezidentining “Ichki ishlar organlari profilaktika inspektorlarining yuridik yo‘nalishdagi bilimlarini oshirish bo‘yicha qo‘shimcha chora-tadbirlar to‘g‘risida” 2021-yil 30-noyabrdagi PQ-23-son qarori. Qo‘llanishi: 2022-2023-o‘quv yilidan boshlab ichki ishlar organlarida uch yildan ortiq ish stajiga ega bo‘lgan, kasbiga fidoyi, tashabbuskor profilaktika (katta) inspektorlari Jamoat xavfsizligi universiteti, Toshkent davlat yuridik universiteti hamda yurisprudensiya sohasida bakalavriat ta’lim yo‘nalishi mavjud bo‘lgan boshqa davlat oliy ta’lim muassasalariga (Jahon iqtisodiyoti va diplomatiya universiteti, Ichki ishlar vazirligi akademiyasi hamda Davlat bojxona qo‘mitasining Bojxona instituti bundan mustasno) kirish imtihonlarisiz sirtqi ta’lim shakliga o‘qishga qabul qilinadi. Bunda tavsiyanoma berilgan profilaktika (katta) inspektorlari ro‘yxati Ichki ishlar vaziri tomonidan har yili iyun oyida test imtihonlari natijalari va komissiya xulosasi bilan birgalikda, tavsiya etilayotgan oliy ta’lim muassasalari kesimida O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasiga taqdim etiladi. O‘qishga qabul qilish Davlat komissiyasining qarori bilan to‘lov-kontrakt asosida amalga oshiriladi hamda kontrakt mablag‘lari respublika budjeti mablag‘lari hisobidan Ichki ishlar vazirligi orqali to‘lab beriladi. Tavsiyanomaga ega profilaktika (katta) inspektorlari oliy ta’lim muassasalarining sirtqi ta’lim shakliga qabul parametrlaridan tashqari o‘qishga qabul qilinadi. Mas’ul vakolatli davlat organi: Ichki ishlar vazirligi. ✍️ @BBAXorazm

🤩🤩🤩🤩 Respublika fan olimpiadalari g‘oliblari Huquqiy asosi: 1.O‘zbekiston Respublikasi Prezidentining “Iqtidorli yoshlarnianiqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida” 2019-yil 3-maydagi PQ-4306-son qarori. 2.Vazirlar Mahkamasining 2021-yil 9-sentabrdagi 562-sonqarori bilan tasdiqlangan “Umumiy o‘rta ta’lim tashkilotlari, akademik litsey va kasb-hunar maktablari o‘quvchilari o‘rtasida fan olimpiadalarini tashkil etish, o‘tkazish hamda xalqaro olimpiadalar ishtirokchilarini saralash va g‘oliblarni rag‘batlantirish tartibi to‘g‘risida” nizom. Qo‘llanishi: Asosiy olimpiadalarning to‘rtinchi (respublika) bosqichida 1-, 2-, 3-o‘rinlarni egallagan o‘quvchilarga ixtisoslik fani bo‘yicha davlat oliy ta’lim muassasalariga kirish imtihonlarida maksimal ball olish huquqini beruvchi va uch yil muddat davomida amal qiluvchi elektron sertifikatlar beriladi. Informatika va axborot texnologiyalari fani bo‘yicha mazkur sertifikatni olgan o‘quvchilarga ixtisoslik fan sifatida matematika fanidan davlat oliy ta’lim muassasalariga kirish imtihonlarida maksimal ball olish huquqi beriladi. Tegishli fandan beriladigan maksimal ball fanlar majmuasida mazkur fan mavjud bo‘lgan abituriyent tanlagan barcha ta’lim yo‘nalishlari uchun o‘rinli hisoblanadi. Mas’ul vakolatli davlat organi: O‘zbekiston Respublikasi maktabgacha va maktab ta'limi vazirligi. ✍️ @BBAXorazm

🤩🤩🤩🤩 “Mard o‘g‘lon” davlat mukofoti sohiblari Huquqiy asosi: 1. O‘zbekiston Respublikasi Prezidentining “Mard o‘g‘lon” davlat mukofotini ta’sis etish to‘g‘risida” 2017-yil 21-noyabrdagi PQ-3402-son qarori. 2. O‘zbekiston Respublikasi Prezidentining “2021-2022-o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2021-yil 22-iyundagi PQ-5157-son qarori. Qo‘llanishi: “Mard o‘g‘lon” davlat mukofoti sohiblari bo‘lgan umumta’lim va o‘rta maxsus, kasb-hunar ta’limi muassasalarining o‘quvchilari oliy ta’lim muassasalarining bakalavriat bosqichiga, oliy o‘quv yurtlari talabalari yoki bakalavr darajasiga ega yoshlar esa magistratura bosqichiga tegishli yo‘nalish bo‘yicha kirish imtihonlarisiz davlat grantlari asosida qabul qilinadilar. Bunda “Mard o‘g‘lon” davlat mukofoti sohiblari bo‘lgan umumta’lim va o‘rta maxsus, kasb-hunar ta’limi muassasalarining o‘quvchilari O‘zbekiston Respublikasi Prezidentining 2021-yil 22-iyundagi PQ-5157-son qaroriga asosan oliy ta’lim muassasalarining bakalavriat bosqichiga qo‘shimcha davlat grantlari asosida qabul qilinadi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: O‘zbekiston yoshlar ittifoqi. ✍️ @BBAXorazm

🤩🤩🤩🤩 Xalqaro olimpiadalar g‘oliblari Huquqiy asosi: 1.O‘zbekiston Respublikasi Prezidentining “Iqtidorli yoshlarnianiqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida” 2019-yil 3-maydagi PQ-4306-son qarori. 2.O‘zbekiston Respublikasi Prezidentining “2021-2022-o‘quvyilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2021-yil 22-iyundagi PQ-5157-son qarori. Qo‘llanishi: Xalqaro olimpiadalarda 1-3-o‘rinni egallagan abituriyentlar oliy ta’lim muassasalariga test sinovisiz va imtihonlarsiz qo‘shimcha davlat granti asosida qabul qilinadi. Bular: —Xalqaro matematika olimpiadasi – International Mathematical Olympiad (IMO); —Xalqaro fizika olimpiadasi – International Physics Olympiad(IPhO); —Xalqaro kimyo olimpiadasi – International Chemistry Olympiad (IChO); —Xalqaro biologiya olimpiadasi – International Biology Olympiad (IBO); —Xalqaro informatika olimpiadasi – International Olympiad inInformatics (IOI). Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: O‘zbekiston Respublikasi maktabgacha va maktab ta'limi vazirligi

🤩🤩🤩🤩 O‘zbekiston yoshlar ittifoqining faol a’zolari Huquqiy asosi: 1.Vazirlar Mahkamasining “O‘zbekiston yoshlar ittifoqining faola’zolariga oliy ta’lim muassasalariga kirishda imtiyozlar berish to‘g‘risida” 2017-yil 14-noyabrdagi 914-son qarori. 2.O‘zbekiston Respublikasi Prezidentining “2021-2022-o‘quvyilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2021-yil 22-iyundagi PQ-5157-son qarori. Qo‘llanishi: O‘zbekiston yoshlar ittifoqining faol a’zolariga, ya’ni O‘zbekiston yoshlar ittifoqi tizimidagi sardorlarga, boshlang‘ich tashkilotlardagi yo‘nalish yetakchilariga, ikki yillik mehnat stajiga ega bo‘lgan fidoyi yoshlarga oliy ta’lim muassasalariga imtiyozli qabul qilish bo‘yicha tavsiyanomalar beriladi. Bunda respublika komissiyasi tanlov natijalariga ko‘ra Qoraqalpog‘iston Respublikasi, viloyatlar va Toshkent shahrining bir nafardan (jami 14 nafar) eng munosib yoshlari tanlab olinadi. Tavsiyanomaga ega O‘zbekiston yoshlar ittifoqining faol a’zolari Davlat komissiyasining qarori bilan doimiy yashash joyidagi oliy ta’lim muassasalarining pedagogika ta’lim yo‘nalishlariga tanlovdan tashqari kirish imtihonlari (test sinovlari, kasbiy (ijodiy) imtihon, yozma imtihon)siz qo‘shimcha davlat granti asosida o‘qishga qabul qilinadi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: O‘zbekiston yoshlar ittifoqi. ✍️ @BBAXorazm

🤩🤩🤩🤩 Madaniyat vazirligining respublika ko‘rik-tanlovlari g‘oliblari Huquqiy asosi: O‘zbekiston Respublikasi Prezidentining “O‘zbekiston Respublikasida milliy madaniyatni yanada rivojlantirish konsepsiyasini tasdiqlash to‘g‘risida” 2018-yil 28-noyabrdagi PQ-4038-son qarori. Qo‘llanishi: Madaniyat vazirligining “Xalq cholg‘ulari ijrochilari”, Mukarrama Turg‘unboyeva nomidagi “Milliy raqs ijrochilari” va Yunus Rajabiy nomidagi “Yosh maqom ijrochilari” respublika ko‘rik-tanlovlari g‘oliblarining bir nafardan yakka ijrochilari tegishli yo‘nalishi bo‘yicha oliy ta’lim muassasasining bakalavriat bosqichiga qabul kvotasiga qo‘shimcha davlat granti asosida qabul qilinadi. Ushbu respublika ko‘rik-tanlovlari: –Xalq cholg‘ulari ijrochilari” ko‘rik-tanlovi ikki yilda bir marta,dastlab 2019-yilning iyun oyida; –Mukarrama Turg‘unboyeva nomidagi “Milliy raqs ijrochilari”ko‘rik-tanlovi ikki yilda bir marta, dastlab 2019-yilning oktabr oyida; –Yunus Rajabiy nomidagi “Yosh maqom ijrochilari” ko‘rik-tanlovi ikki yilda bir marta, dastlab 2020-yilning aprel oyida o‘tkaziladi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: Madaniyat vazirligi. ✍️ @BBAXorazm

🤩🤩🤩🤩 Prezident maktablari bitiruvchilari Huquqiy asosi: O‘zbekiston Respublikasi Prezidentining “Prezident, ijod va ixtisoslashtirilgan maktablar faoliyatini yanada takomillashtirish bo‘yicha qo‘shimcha chora-tadbirlar to‘g‘risida” 2021-yil 19-iyuldagi PQ-5188-son qarori. Qo‘llanishi: Prezident maktablari bitiruvchilari davlat oliy ta’lim tashkilotlariga umumiy belgilangan davlat granti asosidagi qabul ko‘rsatkichlariga nisbatan qo‘shimcha davlat granti asosida test sinovlarisiz va qo‘shimcha imtihonlarsiz o‘qishga qabul qilinadi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: Prezident ta’lim muassasalari agentligi. ✍️ @BBAXorazm

🤩🤩🤩🤩 Bojxona organlari xodimlarining farzandlari Huquqiy asosi: 1. O‘zbekiston Respublikasi Prezidentining “Bojxona ma’muriyatchiligini yanada takomillashtirishga doir qo‘shimcha chora-tadbirlar to‘g‘risida” 2022-yil 27-apreldagi PF-122-son Farmoni. 2.O‘zbekiston Respublikasi Prezidentining 2018-yil 12-apreldagiPQ-3665-son qarori bilan tasdiqlangan “O‘zbekiston Respublikasi davlat bojxona xizmati organlarida xizmatni o‘tash to‘g‘risida” nizom. Qo‘llanishi: Xizmat majburiyatini bajarish chog‘ida halok bo‘lgan, shuningdek, xizmat majburiyatini bajarishda olgan jarohati tufayli nogiron bo‘lib qolgan bojxona organlari xodimlarining farzandlari Davlat bojxona qo‘mitasi raisining tavsiyanomasi asosida belgilangan qabul parametrlaridan tashqari davlat granti asosida O‘zbekiston Respublikasi davlat oliy ta’lim muassasalari bakalavriatining kunduzgi ta’lim shakliga tanlovsiz qabul qilinadi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Shuningdek, DBQ raisi xizmat majburiyatlarini bajarish chog‘ida halok bo‘lgan bojxona organlari xodimlarining to‘lov-kontrakt asosida ta’lim olayotgan farzandlariga – qolgan o‘quv davri to‘lov-kontrakt mablag‘lari miqdorining to‘liq hajmini, xizmat majburiyatlarini bajarish chog‘ida olgan jarohati tufayli nogiron bo‘lib qolgan bojxona organlari xodimlarining to‘lov-kontrakt asosida ta’lim olayotgan farzandlariga – to‘lov-kontrakt mablag‘lari miqdorining ellik foizi miqdorini Davlat bojxona qo‘mitasining budjetdan tashqari mablag‘lari hisobidan to‘lab berish huquqiga ega. Mas’ul vakolatli davlat organi: Davlat bojxona qo‘mitasi. ✍️ @BBAXorazm

🤩🤩🤩🤩 “Nihol” mukofoti sohiblari Huquqiy asosi: 1.Vazirlar Mahkamasining 2006-yil 9-avgustdagi 169-son qaroribilan tasdiqlangan “O‘zbekiston Respublikasi Prezidentining yosh iste’dodlar uchun “Nihol” mukofoti to‘g‘risida” nizom. 2.Vazirlar Mahkamasining 2017-yil 20-iyundagi 393-son qaroribilan tasdiqlangan “Oliy ta’lim muassasalarining bakalavriatiga talabalarni o‘qishga qabul qilish tartibi to‘g‘risida” nizom. 3.O‘zbekiston Respublikasi Prezidentining “2021-2022-o‘quvyilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2021-yil 22-iyundagi PQ-5157-son qarori. Qo‘llanishi: “Nihol” mukofoti sovrindorlari Madaniyat vazirligining taqdimnomalariga muvofiq Davlat komissiyasining qarori bilan madaniyat, san’at yo‘nalishidagi oliy va o‘rta maxsus o‘quv yurtlarining mos ta’lim yo‘nalishlariga tanlovdan tashqari kirish imtihonlarisiz qo‘shimcha davlat granti asosida o‘qishga qabul qilinadilar (ansambl, jamoa sifatida ishtirok etganlar bundan mustasno). Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: Madaniyat vazirligi. ✍️ @BBAXorazm

🤩🤩🤩🤩 “Tarbiyachi” respublika tanlovi g‘oliblari Huquqiy asosi: 1.Vazirlar Mahkamasining 2017-yil 20-iyundagi 393-son qaroribilan tasdiqlangan “Oliy ta’lim muassasalarining bakalavriatiga talabalarni o‘qishga qabul qilish tartibi to‘g‘risida” nizom. 2.O‘zbekiston Respublikasi Prezidentining “2021-2022-o‘quvyilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” 2021-yil 22-iyundagi PQ-5157-son qarori. Qo‘llanishi: Maktabgacha ta’lim vazirligi tomonidan har yili o‘tkaziladigan “Tarbiyachi” respublika tanlovi g‘oliblari Davlat komissiyasining qarori bilan tegishli oliy ta’lim muassasalarining mos ta’lim yo‘nalishlariga tanlovdan tashqari kirish imtihonlari (test sinovlari, kasbiy (ijodiy) imtihon, yozma imtihon)siz qo‘shimcha davlat granti asosida o‘qishga qabul qilinadi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: O‘zbekiston Respublikasi maktabgacha va maktab ta'limi vazirligi ✍️ @BBAXorazm