BBA | Sirdaryo viloyati (rasmiy kanal)

🎙EduPodcastning 31-sonida Bilim va Malakalarni Baholash Agentligi rasmiylari bilan quyidagi mavzarda ochiq suhbat qurdik: — Abituriyentlar o'rtacha bali nega pasayib ketdi? — Imtihonni faqat Avgust oyida topshirish shart emas — Testlar qanday tuziladi, nega savollar qiyin tuziladi? — Xalqaro va milliy sertifikatlar olish tartibi haqida haqiqatlarni gaplashdik ✅ Ko'rsatuvimiz mehmonlari: — Test texnologiyalarini rivojlantirish boshqarmasi boshlig‘i Zafarbek Olimbekov — Test sinovlarini tashkil etish va nazorat qilish bo‘limi boshlig‘i Jamshid Odilov — Bilimni baholash agentligi mutaxassisi Nasimbek Lutfiyev 🌐 TOʻLIQ SUHBATNI KOʻRING 🕊 Videoni doʻstlaringizga joʻnating: Telegram | Instagram | YouTube

#abituriyentlar_uchun_foydali ⚡️ 2024-2025-o‘quv yili uchun fanlar majmuasi bilan yuqoridagi jpg fayllarda tanishib chiqishingiz mumkin👆 Kanalga a'zo bo'lish👉 @bbasirdaryo

#abituriyentlar_uchun_foydali ⚡️ 2024-2025-o‘quv yili uchun fanlar majmuasi bilan yuqoridagi jpg fayllarda tanishib chiqishingiz mumkin (davomi keyingi postda)👆 Kanalga a'zo bo'lish👉 @bbasirdaryo

#abituriyentlar_uchun_foydali ⚡️ 2024-2025-o‘quv yili uchun fanlar majmuasi bilan yuqoridagi jpg fayllarda tanishib chiqishingiz mumkin (davomi keyingi postlarda)👆 Kanalga a'zo bo'lish👉 @bbasirdaryo

#qabul2024 ⚡️ 8 ta OTMda chet tilidan ijodiy imtihon bekor boʻldi ✅ Yana bir katta yangilik chet tili yoʻnalishlariga topshiruvchi abituriyentlarga aloqador. Maʼlumki, 8 ta OTMning chet tili birinchi mutaxassislik fan boʻlgan yoʻnalishlarida abituriyentlardan test emas, ijodiy imtihon olinardi. Bu yilgi qabulda mana shu OTMlarda ham ijodiy imtihon oʻrniga test boʻladi. Va bu OTMlarga topshiradigan abituriyentlar ham oʻtgan yildagi kabi faqat shu OTMlar doirasida emas, respublikadagi barcha OTMlardan oʻz yoʻnalishiga toʻgʻri kelgan 5tasini tanlashi mumkin boʻladi. 2024-yilda ushbu roʻyxatdagi OTMlarda ham boshqa chet tili yoʻnalishi bor OTMlar kabi test imtihoni oʻtkaziladi: 1️⃣ Oʻzbekiston davlat jahon tillari universiteti; 2️⃣ Samarqand davlat chet tillar instituti; 3️⃣ Toshkent davlat sharqshunoslik universiteti; 4️⃣ Toshkent davlat pedagogika universiteti; 5️⃣ Qoʻqon davlat pedagogika instituti; 6️⃣ Nukus davlat pedagogika instituti; 7️⃣ Andijon davlat chet tillar instituti; 8️⃣ Namangan davlat chet tillar institutining xorijiy tillar boʻyicha pedagoglarni tayyorlovchi bakalavriat taʼlim yoʻnalishlari. “Prezident farmonida 2025/2026 oʻquv yili qabulidan boshlab fanlar majmuasida chet tili birinchi fan sifatida belgilangan taʼlim yoʻnalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi, deyilgan. ☝️Bu keyingi yildan chet tili birinchi fan boʻlgan barcha yoʻnalishlarga hujjat topshiruvchi abituriyentlar uchun sertifikat majburiy boʻlishini anglatadi. Agar keyinchalik qaysidir yoʻnalishga chet tili birinchi fanga aylantirilsa ham, shu yoʻnalishga topshiruvchi abituriyent uchun sertifikat talabi majburiy boʻladi. Bu haqida bir yil oldindan abituriyentlarni ogohlantiryapmiz: keyingi yildan chet tili birinchi fan boʻlgan yoʻnalishlarga topshiruvchi abituriyentlar hozirdan harakat boshlashi kerak”, deb tushuntirdi Abduvali Xoliqov.

Ijodiy imtihonlarda, chet tili yo‘nalishlarida yangilik – Oliy ta’lim vazirligi mas’uli bilan suhbat “Bu yilgi qabulda ijodiy imtihon topshiradigan abituriyentlar ham 5 ta OTM tanlashi mumkin. Chet tilidan ijodiy imtihon bo‘ladigan 8 ta OTMda test bo‘ladi”. Qabulga va yangi o‘quv yiliga oid muhim ma’lumotlarni Oliy ta’lim, fan va innovatsiyalar vazirligi departament boshlig‘i Abduvali Xoliqov Kun.uz bilan suhbatda aytib o‘tdi. 📹 VIDEONI TOMOSHA QILING

🌎“Yoshlar kuni”da dunyo yoshlari O‘zbekistonda jamlanadi 📑 Butunjahon yoshlar festivali ilk bor 26-30-iyun kunlari O‘zbekistonda 150 ta davlat yoshlariga o’zaro fikr va tajriba almashish imkonini yaratadi. Festival taʼlim, innovatsiya, IT, biznes, media, madaniyat, sanʼat, sport kabi yo‘nalishlarda nufuzli spikerlarni Sizlarga taqdim etadi. 📍Festival Samarqand, Buxoro, Jizzax, Xorazm viloyatlari va Toshkent shahrida bir vaqtda oʼtkaziladi. 📝Ishtirok etish uchun gyf2024.uz saytidan ro‘yxatdan o‘ting. Arizalar 15-iyun kuniga qadar qabul qilinadi.

Ta’lim, taraqqiyot, tashabbus, tenglik va tinchlik uchun birlashaylik!

Savol va takliflaringizni [email protected] elektron manzili yoki 1093 qisqa raqami orqali yo’llashingiz mumkin. Bizning sahifalarimiz: 🔹Telegram 🔹Instagram 🔹Facebook 🔹YouTube

🤩🤩🤩🤩 Profilaktika inspektorlari Huquqiy asosi: O‘zbekiston Respublikasi Prezidentining “Ichki ishlar organlari profilaktika inspektorlarining yuridik yo‘nalishdagi bilimlarini oshirish bo‘yicha qo‘shimcha chora-tadbirlar to‘g‘risida” 2021-yil 30-noyabrdagi PQ-23-son qarori. Qo‘llanishi: 2022-2023-o‘quv yilidan boshlab ichki ishlar organlarida uch yildan ortiq ish stajiga ega bo‘lgan, kasbiga fidoyi, tashabbuskor profilaktika (katta) inspektorlari Jamoat xavfsizligi universiteti, Toshkent davlat yuridik universiteti hamda yurisprudensiya sohasida bakalavriat ta’lim yo‘nalishi mavjud bo‘lgan boshqa davlat oliy ta’lim muassasalariga (Jahon iqtisodiyoti va diplomatiya universiteti, Ichki ishlar vazirligi akademiyasi hamda Davlat bojxona qo‘mitasining Bojxona instituti bundan mustasno) kirish imtihonlarisiz sirtqi ta’lim shakliga o‘qishga qabul qilinadi. Bunda tavsiyanoma berilgan profilaktika (katta) inspektorlari ro‘yxati Ichki ishlar vaziri tomonidan har yili iyun oyida test imtihonlari natijalari va komissiya xulosasi bilan birgalikda, tavsiya etilayotgan oliy ta’lim muassasalari kesimida O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasiga taqdim etiladi. O‘qishga qabul qilish Davlat komissiyasining qarori bilan to‘lov-kontrakt asosida amalga oshiriladi hamda kontrakt mablag‘lari respublika budjeti mablag‘lari hisobidan Ichki ishlar vazirligi orqali to‘lab beriladi. Tavsiyanomaga ega profilaktika (katta) inspektorlari oliy ta’lim muassasalarining sirtqi ta’lim shakliga qabul parametrlaridan tashqari o‘qishga qabul qilinadi. Mas’ul vakolatli davlat organi: Ichki ishlar vazirligi. ✍️ @BBAXorazm

🤩🤩🤩🤩 Respublika fan olimpiadalari g‘oliblari Huquqiy asosi: 1.O‘zbekiston Respublikasi Prezidentining “Iqtidorli yoshlarnianiqlash va yuqori malakali kadrlar tayyorlashning uzluksiz tizimini tashkil etish chora-tadbirlari to‘g‘risida” 2019-yil 3-maydagi PQ-4306-son qarori. 2.Vazirlar Mahkamasining 2021-yil 9-sentabrdagi 562-sonqarori bilan tasdiqlangan “Umumiy o‘rta ta’lim tashkilotlari, akademik litsey va kasb-hunar maktablari o‘quvchilari o‘rtasida fan olimpiadalarini tashkil etish, o‘tkazish hamda xalqaro olimpiadalar ishtirokchilarini saralash va g‘oliblarni rag‘batlantirish tartibi to‘g‘risida” nizom. Qo‘llanishi: Asosiy olimpiadalarning to‘rtinchi (respublika) bosqichida 1-, 2-, 3-o‘rinlarni egallagan o‘quvchilarga ixtisoslik fani bo‘yicha davlat oliy ta’lim muassasalariga kirish imtihonlarida maksimal ball olish huquqini beruvchi va uch yil muddat davomida amal qiluvchi elektron sertifikatlar beriladi. Informatika va axborot texnologiyalari fani bo‘yicha mazkur sertifikatni olgan o‘quvchilarga ixtisoslik fan sifatida matematika fanidan davlat oliy ta’lim muassasalariga kirish imtihonlarida maksimal ball olish huquqi beriladi. Tegishli fandan beriladigan maksimal ball fanlar majmuasida mazkur fan mavjud bo‘lgan abituriyent tanlagan barcha ta’lim yo‘nalishlari uchun o‘rinli hisoblanadi. Mas’ul vakolatli davlat organi: O‘zbekiston Respublikasi maktabgacha va maktab ta'limi vazirligi. ✍️ @BBAXorazm

🤩🤩🤩🤩 Madaniyat vazirligining respublika ko‘rik-tanlovlari g‘oliblari Huquqiy asosi: O‘zbekiston Respublikasi Prezidentining “O‘zbekiston Respublikasida milliy madaniyatni yanada rivojlantirish konsepsiyasini tasdiqlash to‘g‘risida” 2018-yil 28-noyabrdagi PQ-4038-son qarori. Qo‘llanishi: Madaniyat vazirligining “Xalq cholg‘ulari ijrochilari”, Mukarrama Turg‘unboyeva nomidagi “Milliy raqs ijrochilari” va Yunus Rajabiy nomidagi “Yosh maqom ijrochilari” respublika ko‘rik-tanlovlari g‘oliblarining bir nafardan yakka ijrochilari tegishli yo‘nalishi bo‘yicha oliy ta’lim muassasasining bakalavriat bosqichiga qabul kvotasiga qo‘shimcha davlat granti asosida qabul qilinadi. Ushbu respublika ko‘rik-tanlovlari: –Xalq cholg‘ulari ijrochilari” ko‘rik-tanlovi ikki yilda bir marta,dastlab 2019-yilning iyun oyida; –Mukarrama Turg‘unboyeva nomidagi “Milliy raqs ijrochilari”ko‘rik-tanlovi ikki yilda bir marta, dastlab 2019-yilning oktabr oyida; –Yunus Rajabiy nomidagi “Yosh maqom ijrochilari” ko‘rik-tanlovi ikki yilda bir marta, dastlab 2020-yilning aprel oyida o‘tkaziladi. Mazkur imtiyozga ega abituriyentlar oliy ta’lim muassasalarining bakalavriat ta’lim yo‘nalishlariga ro‘yxatdan o‘tishda o‘zlari tanlagan birinchi oliy ta’lim muassasasiga talabalikka tavsiya etiladi. Mas’ul vakolatli davlat organi: Madaniyat vazirligi. ✍️ @BBAXorazm