Sputnik Қазақстан

Баспананы су тасқынынан сақтандырған жағдайда қанша ақша алуға болады? Тасқыннан баспанасыз қалғандарға жаңадан үйлер салынып, мүліктің шығындары да жабылады. Үкімет бірінші кезекте қажетті заттарға өтемақыны таратуға кірісті. Бірақ су тасқынынан зардап шеккен отбасылар ол ақшаның тым аз болатынын айтып отыр. Дамыған елдерде апаттан келген шығынның басым бөлігін үкімет емес, сақтандыру компаниялары төлейді. Баспана мен мүлікті сақтандырған жағдайда қанша ақша ала аласыз? Мүлікті неден сақтандыруға болады? Қандай құжаттар қажет? Толығырақ Sputnik Қазақстан материалынан оқи аласыздар. @sputnik_aitady

Солтүстікке су тасқынымен күресуге көмектескен құтқарушыларды салтанатты түрде шығарып салды Дереккөз: ТЖМ @sputnik_aitady

Астанада дзюдодан әлемдік Qazaqstan Barysy Grand Slam турнирі өтеді Бұл Париж Олимпиадасына ұпай беретін соңғы рейтингілік турнир.  Өтетін уақыты - 10-12 мамыр Өтетін орны - Жақсылық Үшкемпіров атындағы жекпе-жек сарайы. Жарыс жеңімпаздары мен жүлдегерлері арасында Әлемдік және олимпиадалық рейтингтерде ұпайлар бөлінеді. І орын үшін 1000 ІІ орын үшін 700 ІІІ орын үшін 500 ұпай. Дереккөз: olympickz

Араб, парсы және шағатай тілдеріндегі көне қолжазбалар көрмесі Бүгін Астанада «Ғасырлар руханияты» көрмесі ашылды. Шығыс мәдениетінің бірегей жәдігерлері: XVIII-XX ғасырларда жарық көрген 30 сирек кітап пен 50 қолжазба, тарихи тұлғалардың мөрі ұсынылды. Экспонаттар арасында белгілі ақындар ойнаған сегіз музыкалық аспап бар.

✈️Алматы мен Кабул арасында тікелей әуе қатынасы болады Ауғанстан астанасында келіссөз өтті. Премьер-министр орынбасары Жұманғариннің айтуынша, сауда және транзит саласындағы ынтымақ нығаяды. Сондай-ақ Қазақстан Ауғанстан экономикасына инвестиция салып, республикадағы ауған студенттеріне шәкіртақы беруді жоспарлап отыр, деп хабарлайды @sputnikaf.

Атырау облысы су тасқынының екінші толқынына дайындалып жатыр Жайық өзеніндегі су көтерілуде. Облыс орталығында өзен жағалауын нығайту жұмыстары үздіксіз жүріп жатыр. Жылжымалы сорғы станциялары су басқан жерлерден суды сорып жатыр.

Титаниктегі ең бай адамның сағаты Ұлыбританиядағы аукционда шамамен 1,5 млн долларға сатылды Миллионер Джон Астор батып бара жатқан кемеде қалған. Ол әйелі Мадленді қайыққа отырғызып жіберген. Оның мәйіті апаттан бір аптадан кейін табылды. Қолында Waltham 14 карат алтын сағаты болған, деп хабарлайды Sky News.

Су тасқыны: соңғы ақпарат 37 324 адам үйіне оралды. 6 817 тұрғын эвакуациялау пунктінде. Дереккөз: ТЖМ @sputnik_aitady

Қазақстан Украинаға қолданыстан шыққан әскери ұшақтарды сатты – жалған ▪️Әлеуметтік желілерде Қазақстанда қолданыстан шыққан әскери ұшақтарды Украинаға беру үшін бір бай адамның сатып алғаны туралы ақпарат тараған болатын. 117 кеңестік жойғыш және бомбалаушы ұшақ саудаға шығарылған. «Ұшақтардың барлығы кесу (шабу, ұсақтау) әдісімен кәдеге жаратылады және тек түсті металл сынықтары түрінде шығарылады», - делінген «Қазарнаулыэкспорт» хабарламасында. Сауда-саттыққа шетелдік компаниялар жіберілген жоқ, деп атап өтті «Қазарнаулыэкспорт». «Қазспецэкспорт» - Қазақстанның әскерилерін қару-жарақ пен әскери техникамен қамтамасыз етуге және олардың елге әкелінуі мен шығарылуына жауапты мекеме. @sputnik_aitady

🚧 Ресеймен шекарадағы "Желқуар" өткізу пункті жұмысын қайта бастады Бұл туралы Қазақстанның ұлттық қауіпсіздік комитеті хабарлады. Қостанай облысындағы "Желқуар" өткізу пункті 1 ай бұрын су тасқынына байланысты уақытша жабылған еді. @sputnik_aitady