Sputnik Қазақстан

«Отау» және «Наурыз» бағдарламасымен биыл 20 мыңға жуық отбасы баспаналы болады «Отау» бойынша үй ала алмағандар «Наурыз» бағдарламасына қатыса алады. «Наурыз» бағдарламасының қорытындысы маусым айының соңында белгілі болады. Бағдарлама шарттары туралы видеода толығырақ. @sputnik_aitady

Үйдің шатырына тығылған: Астанада 20 жыл іздеуде жүрген қылмыскер ұсталды 53 жастағы ресейлік алаяқтық жасағаны үшін 20 жылдан астам уақыт мемлекетаралық іздеуде болған. Күдікті алдымен Қырғызстанға қашып, кейін Астанадағы туыстарына келген. Ер адам үйдің шатырынан табылды. Қазір оны экстрадициялау мәселесі шешілуде. @sputnik_aitady

20 жылға жуық жөндеу көрмеген жолдар жөнделеді – Көлік министрлігі Ведомство 2024 жылы жолдарды жөндеудің рекордтық көлемі туралы хабарлады. Биыл 12 мың шақырым жол құрылыс жұмыстарымен қамтылмақ. «Бұл – рекордтық көрсеткіш», - делінген хабарламада.

«Алдағы 2 жыл ішінде отандық жолдардың жағдайы туралы теріс пікірлерді өзгертуге ниеттіміз. Мысалы, 4 облыстың аумағы арқылы өтетін «Жезқазған-Петропавл» автожолы орташа жөндеумен қамтылады. Ақтөбе облысындағы «Қандыағаш-Ембі-Шалқар-Ырғыз» тас жолын, Өскемен мен Семей арасындағы автомобиль жолын жөндейміз», - деп атап өтті көлік министрі.

@sputnik_aitady

«Кәсібі бойынша үздік» атағы бар медицина қызметкерлеріне 2 млн теңгеге жуық сыйақы төленеді Денсаулық сақтау министрлігі арнайы жоба дайындады. Атақтар мына номинациялар бойынша беріледі: «Үздік ауыл дәрігері», «Үздік жедел жәрдем дәрігері», «Үздік акушер», «Үздік фельдшер» және т.б. Атақ он жыл ішінде бір реттен артық берілмейді. Жеңімпаздарға 500 АЕК (1 млн 846 мың теңге) мөлшерінде біржолғы төлем төленеді. @sputnik_aitady

Астанада подъезд шатыры баланың үстіне құлап кетті 12 мамырда болған оқиға ғимараттың бейнебақылау камерасына түсіп қалған. Әкімдік мәлімдеуінше, жасөспірімнің басының самай бөлігі жарылған. Жағдайы қанағаттанарлық. Сапасыз шатырдың мәселесін Sputnik Қазақстан тілшісі құрылысты салған «SatNS» компаниясынан сұрап көрді. «Құлаған шатыр қалпына келтірілді. Шатырлардың сапасы тексеріліп жатыр. Бала ауыр жарақат алмаған, бірақ қорқып қалған. Ата-анасы құрылыс компаниясына наразылық білдірген жоқ», - дейді компания. Видео: myastanacity @sputnik_aitady

🏡 Жұмыссыз жүргендерге судан зардап шеккен адамдар үшін үй салуды ұсынды Еңбек министрлігі жұмыссыздарды тасқыннан зардап шеккен аймақтарда инфрақұрылымды қалпына келтіруге қатысуға шақырады. Осы мақсатта министрлік «Бірге салайық!» атты жаңа жобаны іске қосты. @sputnik_aitady

✈️🇰🇿🇺🇿 Алматы-Нөкіс бағыты бойынша тұрақты әуе рейстері ашылады 1 маусымнан бастап қарақалпақстан астанасына сәрсенбі және сенбі күндері ұшуға болады. 121 әуе бағыты бойынша елімізден ұшатын халықаралық рейстердің жалпы саны аптасына 567-ге жетті. Қазақстаннан 28 елге қатынауға болады. @sputnik_aitady

Бишімбаев ісі бойынша сот отырысы Судья мен алқабилер шешім шығару үшін кеңесу бөлмесіне кетті @sputnik_aitady

Белгородта Украина шабуылынан опырылған үйде қаза тапқандар саны он бес адамға жетті Үйінді астынан 17 адам құтқарылды. Құтқару операциясы аяқталды. @sputnik_aitady

Атырау облысы Индербор кентінде жерасты құбырынан су кетті Жедел штабтың мәліметінше, судың шығуына бөгет астындағы ескі құбыр себеп болған. Қазіргі уақытта суды қауіпсіз аймаққа айдау және бөгет тұрғызу жұмыстары жүргізіліп жатыр. Қазір Индербор кентіндегі Жайық өзенінің деңгейі – 1036 см, қауіпті деңгей – 845 см. @sputnik_aitady