BAQ.kz

⚡️Су тасқынынан кейін 13 мыңнан астам қазақстандық отбасы мемлекеттік қолдауға ие болды Атырау, Батыс Қазақстан, Қостанай, Солтүстік Қазақстан және республиканың басқа да бірқатар облыстарының тұрғындары арнайы құрылған өңірлік комиссияларға тиісті өтініштер беріп келеді. Бүгінгі таңда 22 475 өтінім қабылданды. @baq_kz

❗️ СҚО-да бір үйдің екі баласы өзіне қол жұмсаған Жексенбіде кішкентай баласы бар 22 жастағы әйел жеке үйдің сарайында асылып қалған. Сұмдық оқиға 17 жастағы інісіне қатты әсер еткен. Салдарынан ол орманға қарай қашып кеткен. Кейіннен оның да асылып тұрған денесі табылған. Полиция аталмыш істі тергеп жатыр. @baq_kz

🔥Орал қаласында көппәтерлі тұрғын үйден өрт шықты Дереу оқиға орнына келген өрт сөндірушілер 53 адамды, оның ішінде 18 баланы эвакуациялады. Өрт сөндірушілердің үйлесімді жұмыстарының арқасында, өрт 18 ш.м алаңда сөндірілді. Зардап шеккендер мен құрбандар жоқ. Өрттің себебі анықталып жатыр. @baq_kz

🔴 Митталдың орнына келген адам не істеп жатыр? Өнеркәсіп министрі Қанат Шарлапев ақшаның қайда жұмсалатынын былай түсіндірді.

Андрей Лаврентьев 3,5 миллиард теңгеге инвестиция жасауға уәде берді. Осы инвестицияны қай бағытқа бағыттаймыз? Біріншіден, экологияға бағытталады. Мәселен қазіргі таңда домна пеші тек көмірмен жағылады, оны газбен жағуға болады. Мұндай жоспар бар. Келесі жылы жоспарды аяқтаймыз. Өз кезегінде, бұл экокологияға жақсы ықпал етеді. Екіншіден, тауар тізбегі өте аз. Мұны арттыруымыз керек, - деді Шарлапаев.

@baq_kz

💸Ислам даму банкі Қазақстанда су шаруашылығы жобаларын іске асыруға гранттар мен қаржы бөледі ҚР Премьер-Министрінің орынбасары – ұлттық экономика министрі Нұрлан Байбазаров жұмыс сапарымен Сауд Арабиясына барып, кездесулер өткізді. Келіссөздер қорытындысы бойынша ИДБ тобының ауқымды инвестицияларын ҚР су саласының жобаларына бағыттау, сондай-ақ жобалардың техникалық құрамдас бөлігін дайындауға гранттар бөлу туралы уағдаластыққа қол жеткізілді. Алғашқы транштар биыл жүзеге асырылмақ. @baq_kz

🚗 Елімізде автомобиль өндірісі артады 2026 жылғы 1 қаңтардан бастап дәнекерлеу және бояу жөніндегі операциялар Қазақстан аумағында өндірілетін әрбір автомобиль брендінде игерілетін болады. 2027 жылға қарай шағын торапты құрастыру әдісімен шамамен 200 мың бірлік автомобиль шығару жоспарлануда. Сонымен қатар, өндірілген автомобильдер желісі «СарыарқаАвтоПром» ЖШС Jetour (2024 ж.) маркасымен толықтырылып, чехиялық «Skoda» компаниясымен келіссөздер жүргізілуде. @baq_kz

🌦 Жамбыл облысының шығысында үсік жүреді Қазгидромет 29 сәуірге арналған ауа райы болжамын ұсынды.

Республика бойынша желдің күшеюі, батысы мен солтүстігінде бұршақ, оңтүстік-батысы мен оңтүстігінде дауыл, шаңды дауыл, оңтүстік-шығысында тұман болады.

@baq_kz

⏺Республика бойынша 38521 адам өз үйлеріне оралды. ⏺6726 адам эвакуациялау пункттерінде. ⏺Су тасқыны бастағалы бері 12,9 млн астам текше метр еріген қар суы сорып шығарылды. ⏺7 млн астам қапшық және 1,5 млн астам тонна инертті материал төселді. @baq_kz

⚡️ Жайықтың суы тағы көтеріле ме? Атырау облысының Жайық өзені бойынша өткен тәулікте БҚО аумағынан судың келуі есебінен деңгей өзгерді:

Жайық өзені – Индербор кентіндегі су бекетіндегі деңгейі 668 см., деңгейдің +23 см-ге көтерілуі, су тасқыны басталғаннан бері жалпы көтерілу 445 см. Жайық өзені - Махамбет кенті 754 см деңгейінде, тәулігіне + 11 см деңгейдің көтерілуі, су тасқыны басталғаннан бері жалпы көтерілу 437 см. Жайық өзені - Атырау қ. гидропостындағы деңгейі 442 см., тәулігіне +8 см. Су тасқыны басталғаннан бері жалпы көтерілуі 251 см.

Су деңгейінің одан әрі көтерілуі күтілуде. @baq_kz

❗️Қазақстан, Украина және Чехия полициясы интернет-алаяқтардың екі трансұлттық қылмыстық тобын жойды. Запорожье қаласында алаяқтардың екі call-орталығы жойылды. Қаскүнемдер өздерін банктер мен құқық қорғау органдарының қызметкерлері ретінде таныстырып, қазақстандықтарға қоңырау шалып, олардың шоттарының деректерін алуға тырысқан. 9 адам ұсталды. @baq_kz