قناة أبي العباس Abul abas

ልክ ነህ፣ የኔና ያንተ ወሎ ይለያያሉ ~ "የሙነወር ልጅን በተመለከተ ግን የሚመለከታቸው የመንግስት አካላት በሰውየው ዙሪያ የሚፈልጉት ሙሉ መረጃ (የፃፋቸውን መርዛማ መፅሃፍት ጨምሮ) ለመስጠት ፈቃደኛ ነኝ።" ይህንን ያለው መንግስቱ ዘገየ ነው። ይሄ ብቻም አይደለም። በተጨማሪም፦ "የሙነወር ልጅ የወሎን ሙስሊም እና ክርስቲያን ማህበረሰብ ራስ በራሱ ለማባላት ከቦረና እስከ ደሴ ድረስ የዘረጋውን ኔትወርክ ..." ብሏል። ይሄ ዘገM :ተኛ ለወሎ ሙስሊም የደገሰው ተንኮል አለ ያልኩትም እንዲህ አይነቱን እየቀጣጠሉ የመክሰስ መሰሪ አካሄዱን ረዘም ላለ ጊዜ ስላስተዋልኩ ነው። እንዴት እየፈጣጠረ ሀሰተኛ ክስ እንደሚያቀናብር ተመልከቱት። እንዲህ እያደረገ የፈጠራ ክስ ሊቀምም ነው የተዘጋጀው። ጭራሽ ስለ ሃይማኖታችን የምናዘጋጃቸውን መፃህፍትም ሳንሱር ሊያደርግ ይዳዳዋል። ደግሞም በርግጠኝነት ብቻውን አይሆንም። ለሆዱ ሲል የለመደውን ሀሰተኛ ክስ በማቀናበር ማወናበድ፣ ሙስሊሞች ላይ ልቦለድ ድርሰት እያዘጋጀ ሊለጥፍ ነው የተነሳው። ስም እያጠፋ በፅንፈኝነት በመክሰስ ክፋት ላረገዙ ሹማምንት በማቃጠር ማስመታት ነው ዓላማው። ምናልባትም የመንግስት መዋቅር ውስጥ ያደፈጠ የውስጥ አርበኛ የሆነ ፋኖ ባለስልጣን ከጀርባው ይኖር ይሆናል። ዙሪያ ገባችሁን በሚገባ አጢኑ። ነገሮችን በአንክሮ ተከታተሉ። አብዛኛው የወሎ ሙስሊም ፋኖ ለሚባል የዘራፊ ስብስብ ጀርባ መስጠቱ ህመም የፈጠረባቸው ብዙ የውስጥ አርበኞች አሉ። * ደግሞ "ፅንፈኛ፣ ፀረ ወሎ ሰው" ብሎኛል። አስቡት እንግዲህ የፋኖ ደጋፊ የሆነ ሰው ስለ ፅንፈኝነት ሲናገር። "የቀበሮ ባህታዊ ከበግ መሀል ይፀልያል" ማለት እዚህ ላይ ነው። ሌላውን መክሰስ እንጂ ወደራሳቸው መመልከት የሚባል ነገር ስለማያውቁ መጮሃቸው እንጂ የራሳቸው መፅነፍ አይታያቸውም። "ወንድሜ በጣም ደነz ከመሆኑ የተነሳ የቤት ስራውን እኔ ሰርቼለት ራሱ ዜሮ ነው የሚያገኘው" ያለውን ሰው ነው ያስታወሰኝ። የወንድሙ ውጤት ማለት የሱ ውጤት እንደሆነ አልገባውም። በርግጥ "ፅንፈኛ" ያለኝ ንግግሩ ውስጥ የሆነ እውነት አለው። እንደሱ አይነቱ አካሉ እንጂ አእምሮው ያላደገ የትልቅ ትንሽ የሚሸርበውን ሴራ እስከነካሁ ድረስ ሌላ ስም ሊሰጠኝ አይችልም። እንደሱ አይነቱ ተንከ" ሲስ እንዲርረዳኝ ብዬ "ኧረ እኔ በመቻቻል የማምን ነኝ፣ ... " እያልኩ ድንጋY ላይ ውሃ አላፈስም። "ፀረ ወሎ" ያለኝም በሱ የወሎ framing መሰረት ልክ ነው። ምክንያቱም የወሎየነት አከፋፋዮቹ እነሱ ናቸው። እነሱን ያልመሰለን ወሎዬ ሁሉ ኦነግ እያሉ ማስደንገጥ ለምደዋል። ዘመዶቹ ራሳቸውን የኢትዮጵያዊነት ሰጪ ነሺ አድርገው ሲጮሁ አይቶ እሱም በሚመጥነው ልክ በሰፈር practice ማድረጉ ነው። መስጂድ እየገባ ጥቃት የሚፈጽመው፣ መስጂድ ላይ ጥይት የሚተኩሰው፣ የኡስታዞችን ነፍስ የሚያጠፋውና እያገተ ገንዘብ የሚቀበለው፣ ደካሞችን እየያዘ እጅና ጆሮ በመጥረቢያ የሚቆርጠው ነው ለሱ ወሎዬ። ይህንን የሚቃወመው ደግሞ የወሎ ስነ ልቦና የለውም። እንዲህ ነው የሱ የወሎ ቅኝት። እውነቱን ነው የኔና የሱ ወሎ ይለያያሉ። እሱ ማለት እራሱ እንደገለጸው "ትግሉ ለዘመናት አያት ቅድመ አያቶቻችን ያፀኑትን የወሎየነት ህያው አሻራ ለማስቀጠል የሚታገል ወርጅናሌ" የአባቶቹ ልጅ ነው። እሱ ምን ጎደለበት? የኔ አባቶች በኬ፣ ቃሉ፣ ቦሩ ሜዳ ላይ በጉልበት ካልተጠመቃችሁ ተብለው በአስር ሺዎች የሚቆጠሩት ወድቀዋል። እኔ የነዚያ ልጅ ነኝ። እትብታቸው የተቀበረበትን ምድር በግፍ ጥለው ባሌ፣ ስልጤ፣ ጉራጌ፣ ጂማ፣ ሀረርጌ፣ ሱዳን ድረስ የተሰደዱት፤ በየመንገዱ በረሀብና በሽፍታ ያለቁት፤ ህይወታቸውን ለማትረፍ ብለው አንገታቸውን ቢደፉ "ወሎ ሌት እስላም፣ ቀን ክርስቲያን" ተብሎ የተተረተባቸው። ቀን ከግፈኛው ሰይፍ ለመትረፍ ብለው ክርስቲያን መስለው ይውሉ የነበሩት። እኔ የነዚያ ልጅ ነኝ። እንዲህ አይነቱ ድርብርብ የመከራ ዶፍ ሲፈራረቅባቸው "አልሐምዱ ሊላህ ታቦታችን ገባ" የሚሉ፣ ቡሄ፣ ጥምቀትና መስቀል የሚያከብሩ፣ ታቦት የሚሸኙ፣ በመስቀል የሚያጌጡ፣ ... ዝብርቅርቅ ያለ የማንነት ቀውስ ሰለባ ሆነዋል። ዛሬ ልጆቻቸው ይህን ለማስተካከል ሲሞክሩ ነው ፅንፈኛ እየተባሉ ያሉት። ለምን በተዘበራረቀ ማንነታቸው አይቀጥሉም ነው ከጩኸቱ ጀርባ ያለው እንድምታ? * እርሱ "የሚጓዘው ሰንጋ፣ የተነዳው ሽህር፣ ለልደት ባይደርስ፣ እስላም አር #ዶ ዋለ የሸዋው ንጉስ!" ብላ ለባሏ የገጠመችው የምኒሊክ ሚስት የጣይቱ ብጡል ልጅ ነው። * እኔ፡ በጭንቀት ተውጣ ከአራ {ጆች ህይወቷን ለማትረፍ "ወላሂ ክርስቲያን ነኝ" እያለች ስትርበተበት የነበረችዋ የምስኪን አያቴ ልጅ ነኝ። እሱ ምን አየ? * እርሱ፡ "የእስላም አገሩ መካ፣ የአሞራ አገሩ ዋርካ" እያሉ የተረቱት ልጅ ነው። * እኔ፡ አካላቸው ብቻ ሳይሆን ልባቸውም ቆስሎ፡ "እራሴን ወገቤን ብሎ ሳይናገር፣ እንዲህ ሆኖ ቀረ የወሎማ ነገር" እያሉ ከነሀዘን ብሶታቸው የቀሩት፣ የተዳፈነ እሳት ይዘው ያለፉት፣ በገዛ ምድራቸው ላይ ባይተዋር የተደረጉት የብሶተኞቹ ልጅ ነኝ። የዘገየ ልጅ የወሎ አሻራ ይሄ ነው። የሚናፍቀውም ይህንን ነው። ታሪኩን የማያውቅ አያቶቹን እጅ እግራቸውን እየቆረጡ በገደል የለቀቁትን እነ ቴዎድሮስን፣ አጋድመው በስለት ያረduaቸውን እነ ዮሐንስን የሚያወድስ ወሎዬ ነው የሚፈልጉት። "የትናንቱ ይበቃል ተውኝ" የሚለውን "ፅንፈኛ ወሃብያ" እያሉ መምታት ማስመታት፣ ማሸማቀቅ ነው ህልማቸው። የሱ ብጤ ትናንትናውያን የሃይለ ስላሴ መንግስት ከወደቀ ጊዜ ጀምሮ ሙስሊሙን የብስጭታቸው ማራገፊያ ከማድረግ ቦዝነው አያውቁም። ደርግ ሲመጣ የኦሮሞ እና የእስላም መንግስት መጣብህ ብለው በመቀስቀስ ሰሜን ሸዋ እና ጎጃም ውስጥ ሙስሊሞችን መኖሪያቸውን በማውደምና ከብቶቻቸውን በመዝረፍ ሰፊ ጥቃት ፈፅመው ነበር። የችግሩ ስፋት የደርጉን መንግስት ጊዜያዊ መጠለያ ካምፖችን እስከሚያቋቁም አድርሶት ነበር። ኢህአዴግ ሲመጣም ለሙስሊሞች ቦታ በመስጠቱ ቁጥራቸው ጨመረ፣ አክራሪነት ተስፋፋ ብለው ለአሜሪካ መንግስት ጭምር ደብዳቤ ሲልኩ ነበር። ለኮንዶሊዛ ራይስ የፃፉትን አስታውሳለሁ። ብልፅግና ከመጣ ጀምሮም ከእስልምና ጋር እያያያዙ መክሰሱን አጠናክረው ቀጥለዋል። የሚያደርሱት አልበቃ ብሎ ጭራሽ በፅንፈኝነት የሚፈርጁትም እነሱው ናቸው። የሚገርመው አምርረው በሚቃወሙት መንግስት ተጠቅመው ሙስሊሙን ለማስመታት ሁሉ ሴራ ከመሸረብ የማይቦዝኑ መሆናቸው ነው። ዛሬ ትናንት አይደለም። ከዛሬ ጋር ራሳቸውን ከማስታረቅ ይልቅ በትናንት ናፍቆት እየቆዘሙ ዛሬን ሰላም አጥተው ሰላም ይነሳሉ። የነጋበት ጅብ! = የቴሌግራም ቻናል:- https://t.me/IbnuMunewor https://t.me/IbnuMunewor