Myanmar Update News

#Local_News စာဆိုဗိမာန်ကိုအများပြည်သူအတွက် အခမဲ့ဖွင့်လှစ်ပြသမည် +++++++++++++++++++++++++ Published 23 July 2026 မြန်မာ့စာပေယဉ်ကျေးမှုအမွေအနှစ်များကို ထိန်းသိမ်းစောင့်ရှောက်ရန်နှင့် ပြည်သူများ လေ့လာသိရှိနိုင်စေရန် ရည်ရွယ်၍ ဖွင့်လှစ်ထားသည့် စာဆိုဗိမာန်ကို ဇူလိုင် ၂၅ ရက်မှစတင်ကာ အများပြည်သူအတွက် အခမဲ့ဖွင့်လှစ်ပြသသွားမည်ဖြစ်ကြောင်း သိရသည်။ စာဆိုဗိမာန်ကို အပတ်စဉ် အင်္ဂါ၊ ကြာသပတေးနှင့် စနေနေ့များတွင် ဖွင့်လှစ်သွားမည်ဖြစ်ပြီး နံနက် ၁၀ နာရီမှ ညနေ ၄ နာရီအထိ လာရောက်လေ့လာနိုင်မည်ဖြစ်သည်။ ______ ReadMore>>>https://www.facebook.com/share/p/1GK9856pkd/

မြန်မာနိုင်ငံတော်သမ္မတထံ ကိုရီးယားဒီမိုကရက်တစ်ပြည်သူ့သမ္မတနိုင်ငံ သံအမတ်ကြီး လာရောက်ဂါရဝပြုတွေ့ဆုံ နိုင်ငံတော်သမ္မတ ဦးမင်းအောင်လှိုင်သည် တာဝန်ပြီးဆုံး၍ ပြန်လည်ထွက်ခွာတော့မည့် ရန်ကုန်မြို့အခြေစိုက် ကိုရီးယားဒီမိုကရက်တစ်ပြည်သူ့သမ္မတနိုင်ငံ သံအမတ်ကြီး H.E. Mr. Jong Ho Bom အား ယနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံးတော်၌ လက်ခံတွေ့ဆုံခဲ့သည်။ တွေ့ဆုံစဉ် နှစ်နိုင်ငံအကြား ကောင်းမွန်လျက်ရှိသည့် သံတမန်ဆက်ဆံရေးနှင့် ချစ်ကြည်ရင်းနှီးမှုကို ဆက်လက်မြှင့်တင်ရေး၊ ပူးပေါင်းဆောင်ရွက်မှုများ ပိုမိုတိုးတက်ခိုင်မာစေရေးတို့ကို ဆွေးနွေးခဲ့ကြသည်။ ထို့ပြင် မြန်မာနိုင်ငံ၏ နိုင်ငံရေးဖြစ်ပေါ်တိုးတက်မှုများ၊ ကိုရီးယားဒီမိုကရက်တစ်ပြည်သူ့သမ္မတနိုင်ငံ၏ ဖွံ့ဖြိုးတိုးတက်ရေးဆောင်ရွက်မှုများ၊ နိုင်ငံတကာဆက်ဆံရေးဆိုင်ရာ မူဝါဒများနှင့် နှစ်နိုင်ငံအကျိုးတူ ပူးပေါင်းဆောင်ရွက်နိုင်မည့် ကဏ္ဍများကိုလည်း ရင်းရင်းနှီးနှီး အမြင်ချင်းဖလှယ်ဆွေးနွေးခဲ့ကြသည်။ တွေ့ဆုံပွဲအပြီးတွင် နိုင်ငံတော်သမ္မတနှင့် ကိုရီးယားဒီမိုကရက်တစ်ပြည်သူ့သမ္မတနိုင်ငံ သံအမတ်ကြီးတို့သည် တက်ရောက်လာသူများနှင့်အတူ စုပေါင်းမှတ်တမ်းတင်ဓာတ်ပုံ ရိုက်ကူးခဲ့ကြသည်။

ဩဂုတ်လမှ ၂၀၂၇ ဖေဖော်ဝါရီလအထိ ရုပ်ရှင် ရုံတင်ကားကြီးများစာရင်း

ပြည်ထောင်စုသမ္မတမြန်မာနိုင်ငံတော်၊နိုင်ငံတော်သမ္မတ ဦးမင်းအောင်လှိုင်ထံ မြန်မာနိုင်ငံဆိုင်ရာ အထူးအာဏာကုန်လွှဲအပ်ခြင်း ခံရသော ဗီယက်နမ်ဆိုရှယ်လစ်သမ္မတနိုင်ငံ သံအမတ်ကြီးအဖြစ် ခန့်အပ်ရန် သဘော တူညီပြီးဖြစ်သော မစ္စတာ ငုယင်အန်းဒပ်ကင်း၏ သံအမတ် ခန့်အပ်လွှာပေးအပ်

ပြိုင်ပွဲဝင်လိုသူများအတွက် 🎬

Spain ! World Cup Champion

▫️▫️▫️▫️▫️ လျှပ်စစ်ဓါတ်အား ခိုးယူသုံးစွဲသည့် မှော်ဘီမြို့နယ်ရှိ ကော်စေ့လုပ်ငန်းတစ်ခုကို သက်ဆိုင်ရာက အရေးယူ ၁၉၊ဇူလိုင်၊၂၀၂၆ (ရန်ကုန်) မှော်ဘီမြိုနယ်အတွင်းရှိ ကော်စေ့လုပ်ငန်းတစ်ခုတွင် လျှပ်စစ်ဓါတ်အားခိုးယူသုံးစွဲထားကြောင်း သက်ဆိုင်ရာက စစ်ဆေးတွေ့ရှိသဖြင့် အရေးယူထားကြောင်း လျှပ်စစ်နှင့်စွမ်းအင်ဝန်ကြီးဌာနက ယနေ့ ဇူလိုင် ၁၉ရက်နေ့က သတင်းထုတ်ပြန်သည်။ ရန်ကုန်တိုင်းဒေသကြီး မှော်ဘီမြို့ယ်၊ ဝါးနက်ချောင်းကျေးရွာရှိ မီတာအမည်ပေါက် ဦးစန်းဦး၏ကော်စေ့ လုပ်ငန်းတွင် အသုံးပြုထားသော Transformer နှင့် တွဲဖက်တပ်ဆင်ထားသည့် Digital Meter ၏ Cover Seal ပြုပြင်ထားပြီး လျှပ်စစ်ဓာတ်အား ခိုးယူသုံးစွဲထားကြောင်း စစ်ဆေးတွေ့ရှိ ခဲ့ရသဖြင့် မီတာ အားချက်ချင်းဖြုတ်သိမ်းခဲ့ခြင်းဖြစ်သည်။ --------------------— ❗️❗️❗️❗️❗️ https://yangonmediagroup.com/index.php/myanmar/electricity-theft-mm

❗️❗️❗️❗️❗️ "ညီညွတ်တဲ့ပြည်ထောင်စုကို တည်ဆောက်ဖို့လိုတယ်" နိုင်ငံတော်သမ္မတ ဦးမင်းအောင်လှိုင် ရန်ကုန်-ဇူလိုင်၁၉၊၂၀၂၆ "အမျိုးမျိုးသော သွေးခွဲမှုတွေကြောင့် တိုင်းရင်းသား စည်းလုံးညီညွတ်မှုတွေ ပျက်ယွင်းခဲ့ရတယ်။ ဒါကို ကျွန်တော်တို့က ပြန်ပြီး စုစုစည်းစည်း ညီညွတ်တဲ့ ပြည်ထောင်စုကို တည်ဆောက်ဖို့ လိုတယ်"ဟု နိုင်ငံတော်သမ္မတ ဦးမင်းအောင်လှိုင်ကပြောသည်။ ၇၉နှစ်မြောက် (၇၉)နှစ်မြောက် အာဇာနည် နေ့အခမ်းအနားသို့တက်ရောက်၍ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများအား ဂါရဝပြုခဲ့သည့် နိုင်ငံတော်သမ္မတအား ပြည်တွင်းမီဒီယာအချို့၏ မေးမြန်းမှုအပေါ် နိုင်ငံတော်သမ္မတက ယင်းကဲ့သို့ပြောကြားခဲ့ခြင်းဖြစ်သည်။

▫️▫️▫️▫️▫️ နိုင်ငံတော်သမ္မတဦးမင်းအောင်လှိုင် အာဇာနည်နေ့အခမ်းအနားတက်ရောက်ဂါရဝပြု ၁၉ ဇူလိုင်၊၂၀၂၆ (၇၉)နှစ်မြောက် အာဇာနည်နေ့အခမ်းအနားကို ယနေ့ဇူလိုင် ၁၉ရက် နံနက်ပိုင်းတွင် ရန်ကုန်မြိုံ၊ ဗဟန်း မြို့နယ်ရှိ အာဇာနည်ဗိမာန်၌ ကျင်းပပြုလုပ်ရာ ပြည်ထောင်စုသမ္မတမြန်မာနိုင်ငံတော် နိုင်ငံတော် သမ္မတ ဦးမင်းအောင်လှိုင် တက်ရောက်၍ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများအား ဂါရဝပြု သည်။   အခမ်းအနားသို့ နိုင်ငံတော်သမ္မတနှင့်အတူ ပြည်သူ့လွှတ်တော်ဥက္ကဋ္ဌ ဦးခင်ရီ၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေး၊ ပြည်ထောင်စုတရားသူကြီးချုပ် ဦးသာဌေး၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထောင်စုဝန်ကြီးများ၊ နှင့် တာဝန်ရှိသူများ တက်ရောက်၍ ကျဆုံးလေပြီးသော ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများအား လွမ်းသူ့ပန်းခွေချ အလေးပြုခဲ့ကြကြောင်း သတင်းရရှိသည်။

ဗိုလ်ချုပ်အောင်ဆန်းနှင့် ကျဆုံးလေပြီးသော အာဇာနည်ခေါင်းဆောင်ကြီးများ၏ ဈာပန အခမ်းအနား

▫️▫️▫️▫️▫️ နိုင်ငံရေးအရတည်ငြိမ်မှုရှိသည်ဆိုရာတွင် ပြည်သူလူထု၏ စားရေးနှင့်စီးပွားရေး အဆင်ပြေရန် အဓိက လိုအပ်ဟု နိုင်ငံတော်သမ္မတ ဦးမင်းအောင်လှိုင်ပြောကြား ၁၈ ဇူလိုင်၊၂၀၂၆ နိုင်ငံတော်တွင် နိုင်ငံရေးအရ တည်ငြိမ်မှုရှိသည်ဟုဆိုရာတွင် ပြည်သူလူထု၏ စားရေးအဆင်ပြေရန်၊ စီးပွားရေးအရ ပြေလည်ရန် အဓိကလိုအပ်မည်ဖြစ်ကြောင်း နိုင်ငံတော်သမ္မတ ဦးမင်းအောင်လှိုင်က ပြောသည်။ နိုင်ငံတော်သမ္မတ ဦးမင်းအောင်လှိုင်သည်ယနေ့ ဇူလိုင်၁၈ရက် နံနက်ပိုင်းတွင် ရန်ကုန်တိုင်းဒေသကြီး အတွင်းစိုက်ပျိုးမွေးမြူရေးဇုန်များ အကောင်အထည်ဖော်ဆောင်ရွက်ထားရှိမှု အခြေအနေများကိုကြည့်ရှု စစ်ဆေးစဉ် တာဝန်ရှိသူများကို ယင်းကဲ့သို့ မှာကြားခဲ့ခြင်းဖြစ်သည်။ ----------------— ❗️❗️❗️❗️❗️ https://yangonmediagroup.com/index.php/myanmar/president-livestock-inspection

အီရန်​၏ တိုက်ခိုက်မှုကြောင့် ကူဝိတ်နိုင်ငံရှိ အမေရိကန်​၏ မိုဘိုင်းဒုံးပစ်စင်စနစ် (HIMARS) ထိမှန်ပေါက်ကွဲပျက်ဆီး။ NOM

အားကောင်းသောလေဖိအားနည်းရပ်ဝန်းအခြေအနေ ======================== ၂၀၂၆ ခုနှစ်၊ ဇူလိုင်လ ၁၆ ရက်နေ့ မြန်မာစံတော်ချိန် ၁၅:၀၀ နာရီအချိန် ထုတ်ပြန်ချက် ======================= ယနေ့မြန်မာစံတော်ချိန် ၁၃:၃၀ နာရီအချိန် တိုင်းထွာချက်များအရ ဘင်္ဂလားပင်လယ်အော် အနောက်မြောက်ပိုင်းနှင့် ယင်းနှင့်ဆက်စပ်လျက်ရှိသော အိန္ဒိယနိုင်ငံ၊ ဩရိဿပြည်နယ်မြောက်ပိုင်း - အနောက်ဘင်္ဂလားပြည်နယ်ကမ်းခြေတို့တွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area) သည် ပိုမိုအားကောင်းလာပြီး အားကောင်းသောလေဖိအားနည်းရပ်ဝန်း (Well Marked Low Pressure Area) အဖြစ်သို့ ရောက်ရှိခဲ့ပါသည်။ အဆိုပါ အားကောင်းသောလေဖိအားနည်းရပ်ဝန်းသည် အနောက်မြောက်ဘက်သို့ ရွေ့လျားနိုင်ပြီး အိန္ဒိယနိုင်ငံ၊ ဩရိဿပြည်နယ်မြောက်ပိုင်းနှင့် အနောက် ဘင်္ဂလားပြည်နယ်တို့ကို ဖြတ်ကျော်နိုင်သည်ဟု ခန့်မှန်းရပါသည်။ Ref: မိုးလေဝသနှင့်ဇလဗေဒညွှန်ကြားမှုဦးစီးဌာန

ရန်ကုန် - မှော်ဘီ ရထားလမ်းပိုင်း ဘေးအန္တရာယ်ကင်းရှင်းရေးနှင့် လမ်းပိုင်းအဆင့်မြှင့်တင်မှုလုပ်ငန်းများ လုပ်နေ ရန်ကုန် - ပြည် ရထားလမ်းပိုင်းအတွင်း ခရီးသွားပြည်သူများ ဘေးအန္တရာယ်ကင်းရှင်းစွာဖြင့် သွားလာနိုင်ရေးနှင့် ရထားလမ်းပိုင်း အဆင့်မြှင့်တင်မှုလုပ်ငန်းများအား ကွင်းဆင်းကြပ်မတ်နိုင်ရန်အတွက် ရန်ကုန်တိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဒေါက်တာမျိုးသော်သည် တာဝန်ရှိသူများနှင့်အတူ ဇူလိုင်လ ၁၆ ရက်နေ့တွင် ရန်ကုန်မှ မှော်ဘီဘူတာအထိ RBE ရထားဖြင့် လိုက်ပါစီးနင်းကာ ကွင်းဆင်းကြည့်ရှုစစ်ဆေးခဲ့ကြောင်း သိရသည်။ သတင်းအပြည့်အစုံဖတ်ရန်>> https://www.popularmyanmar.com/ရန်ကုန်-မှော်ဘီ-ရထားလမ်/

မြန်မာနိုင်ငံရုပ်ရှင်အစည်းအရုံး သီးခြားရန်ပုံငွေထဲမှ နာမကျန်းဖြစ်သူ ရုပ်ရှင်လောကသား အောက်ပါ (၆)ဦးအား တစ်ဦးလျှင် ထောက်ပံ့ငွေ ကျပ် ( ၂ )သိန်း ကူညီပံ့ပိုးပေးခဲ့သည်။ ၁။ဒေါက်တာငွေစိုး ၂။အသံ ဦးဆန်းဦး ၃။အလွမ်းသီချင်းရေးသည့် မောင်ကျော်ဇော ၄။ပဉ္စမံဒီရိုင်း ၅။သတင်းစာဆရာကြီး ဦးမြတ်ဆွေ ၆။သရုပ်ဆောင် မွန်ကြီး

ဒုတိယသမ္မတ ဒေါ်နန်းနီနီအေး ဦးဆောင်သည့် မြန်မာကိုယ်စားလှယ်အဖွဲ့ တရုတ်ပြည်သူ့သမ္မတနိုင်ငံသို့ ထွက်ခွာသည်။ ရန်ကုန် ဇူလိုင် ၁၅

❗️❗️❗️❗️❗️❗️ ဟော်မုဇ်ရေလက်ကြားမှ ဒေသတွင်းစစ်ပွဲအထိ အီရန်–အမေရိကန် ပဋိပက္ခ၏ အန္တရာယ်အရှိဆုံးအဆင့် ကောင်းမြတ်ကျော်သုံးသပ်ရေးသားသည် အီရန်နှင့် အမေရိကန်တို့အကြား ဖြစ်ပွားနေသော ပဋိပက္ခသည် နှစ်နိုင်ငံအကြား စစ်ရေးအင်အား ပြိုင်ဆိုင်မှုအဆင့်မှ ကျော်လွန်ကာ အရှေ့အလယ်ပိုင်းဒေသတစ်ခုလုံးကို ဖြန့်ကြက်ထိခိုက်လာနိုင်သည့် အန္တရာယ်အရှိဆုံးအဆင့်သို့ ရောက်ရှိနေပြီဖြစ်သည်။ ၂၀၂၆ ခုနှစ် ဇူလိုင် ၁၄ ရက်တွင် အီရန်တော်လှန်ရေးအစောင့်တပ်က ဂျော်ဒန်နိုင်ငံရှိ အမေရိကန် လေတပ်အခြေစိုက်စခန်းတစ်ခုကို ပဲ့ထိန်းဒုံးကျည်များဖြင့် ပစ်ခတ်ခဲ့ကြောင်း ကြေညာခဲ့သည်။ ဂျော်ဒန် တပ်မတော်ကမူ အီရန်ဘက်မှ ဝင်ရောက်လာသော ဒုံးကျည်လေးစင်းကို ကြားဖြတ် ပစ်ချနိုင်ခဲ့ကြောင်း ထုတ်ပြန်ခဲ့သည်။ တစ်ချိန်တည်း၌ပင် အမေရိကန်တပ်ဖွဲ့များက အီရန်နိုင်ငံအတွင်း ငါးနာရီခန့်ကြာ စစ်ဆင်ရေးပြုလုပ်ခဲ့ပြီး ယင်းသည် သုံးညဆက်တိုက် ပြုလုပ်သည့် တိုက်ခိုက်မှုဖြစ်ကြောင်း Reuters က ဖော်ပြထားသည်။ ထိုအခြေအနေကို သီးခြားစစ်ဆင်ရေးနှစ်ခုအဖြစ်သာ မြင်၍မရတော့ပေ။ ဂျော်ဒန်၊ ဆော်ဒီအာရေဗျ၊ ယီမင်၊ အိုမန်ရေပိုင်နက်နှင့် ဟော်မုဇ်ရေလက်ကြားတို့ တစ်ပြိုင်နက်တည်း ပဋိပက္ခ၏ မြေပုံပေါ်သို့ ရောက်ရှိလာခြင်းသည် စစ်ပွဲ၏ နယ်ပယ်နှင့် ပါဝင်ပတ်သက်သူများ ပို၍ကျယ်ပြန့်လာနေပြီဖြစ်ကြောင်း ပြသနေသည်။ စစ်ပွဲ၏ဗဟိုချက်သည် အီရန်မြေပေါ်တွင်သာ မရှိတော့ အမေရိကန်နှင့် အီရန်တို့က မိမိတို့၏ စစ်ရေးလုပ်ဆောင်ချက်များကို တစ်ဖက်၏ တိုက်ခိုက်မှုအပေါ် တုံ့ပြန်ခြင်း၊ ကာကွယ်ရေးဆောင်ရွက်ခြင်း သို့မဟုတ် ရေကြောင်းလွတ်လပ်စွာသွားလာရေးကို ထိန်း သိမ်းခြင်းဟု အသီးသီး အကြောင်းပြနေကြသည်။ သို့သော် လက်တွေ့တွင် တုံ့ပြန်မှုတစ်ခုစီသည် နောက်ထပ်တုံ့ပြန်မှုတစ်ခုကို ဖိတ်ခေါ်နေသလိုဖြစ်နေသည်။ ---------— ❗️❗️❗️❗️❗️ https://yangonmediagroup.com/index.php/local-news/world/us-iran-the-most-dangerous-level

ရန်ကုန် – ပြည် ရထားလမ်းပိုင်းတွင် DEMU ရထားတွဲဆိုင်းများ မကြာမီ ပြေးဆွဲမည်ဖြစ်၍ တရားမဝင်ကျူးကျော်များအား ဖယ်ရှားရှင်းလင်းမည် MT News ၁၄. ၇. ၂၀၂၆ ရန်ကုန် – ပြည် ရထားလမ်းပိုင်းတွင် DEMU ရထားတွဲဆိုင်းများ မကြာမီပြေးဆွဲမည်ဖြစ်၍ တရားမဝင်ကျူးကျော်များအား ဖယ်ရှားရှင်းလင်းမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့မှ သိရသည်။ ရန်ကုန် – ပြည် ရထားလမ်းပိုင်းတွင် DEMU ရထားတွဲဆိုင်းများ မကြာမီ စတင်ပြေးဆွဲတော့မည်ဖြစ်ရာ အများပြည်သူ ဘေးအန္တရာယ်ကင်းရှင်းရေးအတွက် အဆိုပါရထားလမ်းဘေးတစ်လျှောက် နေထိုင်ကြသူများ၊ Level Crossing ဖြတ်သန်းအသုံးပြုသူများ ဘေးအန္တရာယ် ကင်းရှင်းမှုရှိစေရန်အတွက် မြို့နယ်၊ ရပ်ကွက်၊ ကျေးရွာများရှိ ပိတ်သိမ်းသင့်သည့် တရားမဝင် (Level Crossing) ကားလမ်းကူးနေရာများကို ပိတ်သိမ်းနိုင်ရေးနှင့် ဒါးပိန်-အင်းတိုင်-လှေလှော်အင်း ရထားလမ်းပိုင်းရှိ မြန်မာ့မီးရထားပိုင်မြေ Right Of Way ဧရိယာအတွင်း ဝင်ရောက်လျက်ရှိသော တရားမဝင်ကျူးကျော်များအား... ◾️ Website တွင် ဆက်လက် ဖတ်ရှုရန် https://www.mtnewstoday.com/archives/140825 #ရန်ကုန် #ပြည် #ရထားလမ်းပိုင်း #DEMU #တွဲဆိုင်းများ #ပြေးဆွဲ#ကျူးကျော် #ဖယ်ရှား #MT #mtnews

အွန်လိုင်းစနစ်ဖြင့် ယာဉ်မောင်းလိုင်စင် သက်တမ်းတိုးခြင်းနှင့် Digital Payment စနစ်ကို ဇူလိုင် ၁၇ ရက်တွင် စတင်မည် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနသည် ယာဉ်မောင်းလိုင်စင် ဝန်ဆောင်မှုလုပ်ငန်းများ၏ ကျသင့်ငွေများကို Digital Payment စနစ်ဖြင့် ပေးချေခြင်းနှင့် အွန်လိုင်းစနစ်ဖြင့် လိုင်စင်သက်တမ်းတိုးခြင်းလုပ်ငန်းများကို လာမည့် ၂၀၂၆ ခုနှစ်၊ ဇူလိုင်လ ၁၇ ရက် (သောကြာနေ့) မှစတင်၍ အကောင်အထည်ဖော် ဆောင်ရွက်ပေးသွားမည်ဖြစ်ကြောင်း အသိပေးထုတ်ပြန်ထားသည်။ အဆိုပါစနစ်အရ “ခ”၊ “ဂ”၊ “ဃ”၊ “င” ယာဉ်မောင်းလိုင်စင် အမျိုးအစားများကို မိမိတို့လိုင်စင် သက်တမ်းမကုန်ဆုံးမီ ရက်ပေါင်း ၉၀ အတွင်း ကြိုတင်၍ အွန်လိုင်းစနစ်ဖြင့် သက်တမ်းတိုး ဆောင်ရွက်နိုင်မည်ဖြစ်သည်။ အဆိုပါ ဝန်ဆောင်မှုကို နေပြည်တော်ရုံးချုပ်နှင့် နေပြည်တော်ရုံး၊ ရန်ကုန်တိုင်းဒေသကြီး - အရှေ့ပိုင်း၊ အနောက်ပိုင်း၊ တောင်ပိုင်းနှင့် မြောက်ပိုင်း ခရိုင်ရုံးများ၊ မန္တလေးတိုင်းဒေသကြီး - မန္တလေးတောင်ပိုင်းနှင့် မြောက်ပိုင်း ခရိုင်ရုံးများအတွက် လုပ်ဆောင်မည်ဖြစ်ကြောင်း သိရသည်။ အွန်လိုင်းမှတစ်ဆင့် ဝန်ဆောင်မှုရယူလိုသည့် အများပြည်သူအနေဖြင့် မိမိတို့၏ မိုဘိုင်းဖုန်း သို့မဟုတ် တက်ဘလက်များတွင် "MM Driver License E-Payment Mobile Application" ကို Google Play Store မှတစ်ဆင့် ဒေါင်းလုဒ်ရယူ၍ လွယ်ကူစွာ လျှောက်ထားနိုင်မည်ဖြစ်သည်။ အဆိုပါစနစ်နှင့်ပတ်သက်၍ အသေးစိတ်အချက်အလက်များကို ကုန်းလမ်းပို့ဆောင်ရေးညွှန်ကြားမှုဦးစီးဌာန၏ တရားဝင်ဝက်ဘ်ဆိုက်များဖြစ်သော www.rtad.gov.mm၊ myanmarrtad.com နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန ဝက်ဘ်ဆိုက် www.mot.gov.mm တို့တွင် ဝင်ရောက်ကြည့်ရှုနိုင်မည်လည်း ဖြစ်သည်။