|شعر اوجاغی|

▫️آلیشقانلیق‌لارینی سیندیرماغا، وارلیغینی دَییشمه‌یه، گوجوم چاتمیر. نه کیتابلاریمین سنه یاراری وار، نه فرضیه‌لریم قانع ائدیر سنی، نه اؤیودلریم کارینا گلیر. سن قارغاشا، چیلغینلیق، باغیمسیزلیق کرالیچه‌سیسن. #نزار_قبانی #شعر_اوجاغی @SheirOcagi

▫️ساواشدیم من اؤزومله، سنی اونوتماق اوچون. تام اونوتدوم دئیرکن، رؤیامدا تاپدیم سنی. و نه اولدو، بیلیرسن‌؟ تکرار سنه وورولدوم. #صنم_سیوری #شعر_اوجاغی @SheirOcagi

دیالوق ▫️- بیلیرسن نمنه آتوم بومباسیندان داها ییخیجی‌دیر؟ کلمه‌لر. 🎬 The İnterview 2014 آمریکا #ایوان_گلدبرگ & #ست_روگن #شعر_اوجاغی @SheirOcagi

▫️داریخار. دنیزین دالغالی حالینی گؤروب گمی‌لر لیماندا قالیب داریخار. قارا بودلاری قوْوان کولک‌لر، یاغیشی یادینا سالیب داریخار. گئجه‌نین بیرینده اولایان ایت‌لر، سوکوتون سسینی پوْزوب داریخار. یوخوسو گلمه‌ین تنها بیر قوجا، هر شئیی خئییره یوْزوب داریخار. پاییزدا کؤچ ائدن غریب دورنالار، بیر قاتی دوماندا آزیب داریخار. دردینی کاغیذا کؤچورن آدام، آللاها بیر مکتوب یازیب داریخار. #تورال_جعفرلی #شعر_اوجاغی @SheirOcagi

▫️آنام دئییر گؤز دیمه‌دیر، دوکتور دئییر خسته‌لیک‌دیر، موللا دئییر ابلیس‌دیر، تکجه من بیلیرم... سنسن. #عبدالعظیم_فنجان #شعر_اوجاغی @SheirOcagi

▫️محنتِ عشق، ای دل «آسان‌دیر» دئییب، چوخ وورما لاف! عشق بیر یوک‌دور کی، خم اولموش اونون آلتیندا قاف. اولما غافل دُردکش‌لر صحبتیندن، ای کؤنول، گر دیلرسن ائده‌سن آئینه‌ی ادراکی صاف! صبحدم زُلفون داغیت، یا شام عرضِ عارض ائت، قویما صبح و شام آراسیندا طریقِ اختلاف! رشکِ رخسارین دلِ خورشیده سالمیش اضطراب، غیرتِ قدّین مزاجِ شمعه وئرمیش انحراف. خاکِ کویین کعبه‌یه‌ نسبت قیلان بیلمزمی کیم- بوندا هردم، اوندا بیر نوبت اولور واجب طواف؟ وهمیم اوندان‌دیر کی، ممکن اولمایا غمدن نجات، فرِّج اللهمَّ هَمّی، نَجِّنی مِمّا اخاف! ای فضولی، زاهد ار دعوای عقل ائیلر، نه سود؟! نفیِ ذوقِ عشق‌دیر جهلینه عینِ اعتراف. #حکیم‌_ملا‌محمد‌_فضولی #شعر_اوجاغی @SheirOcagi

▫️منه اوندان دانیش، آی سحر یئلی! سن کی سئودیگیمی گؤروب گلمیسن. اؤپوب سیغاللاییب هر بیر تئلینی، دن دوشموش ساچلارین هؤروب گلمیسن. آلیب قانادینا یانیما گؤتور یا دا هئچ اولماسا عطرینی گتیر قوربانین اولارام، یورغونسان، اوْتور، چوخ اۇزون یوللاری یوْروب گلمیسن. گؤزلری یول چکیر اؤلندن بری، گلیب گتیره‌سن بلکه خبرین. الین‌له دردیگین بنؤوشه‌لری سؤیله قبری اوسته سریب گلمیسن. بو دفعه گؤرنده، اؤپوب یاناغین، دئیَرسن آلیرام سندن سوراغین! سحرلری سنین، گئجه «اویاق»ین، دئ کی، خبرلرین وئریب گلمیسن! #علی_اویاق #شعر_اوجاغی @SheirOcagi

▫️هادیر اول، عشقدن ریاضی فورمولو یاراتمایاسان! چونکی ان بؤیوک عشق حساب-کتاب بیلمه‌ین عشق‌دیر. #نزار_قبانی #شعر_اوجاغی @SheirOcagi

▫️اصلا واز کئچمه، اونوتما کی آچارلیقداکی سون کیلید هر زامان قاپینی آچان کیلیددیر! #پائولو_کوئیلو #شعر_اوجاغی @SheirOcagi

▫️عشق، محبّت یاشاییرسا نه زامان‌ کی، راست گلیرم بیر-بیر قوشا گزن‌لره، بیر-بیری‌یچون یئردن چیچک، گؤیدن اولدوز اۆزن‌لره، سئوگی اوچون هر جفایا، هر عذابا دؤزن‌لره، دوشونورم بو جهاندا موقدّسلیک یاشار هله، عشق، محبّت یاشاییرسا، تۆکَنمه‌ییب بشر هله. قوجا اولسون، جاوان اولسون، ذرّه قدر فرقی یوخدور، کیم کی تنها یاشاییرسا، روحو یوخدور، قلبی یوخدور، خلقت اوچون عشقدن بؤیوک هیمْن یوخدور، شرقی یوخدور. کافری ده سئون اولسا، آچار، گؤزل‌لشر هله، عشق، محبّت یاشاییرسا، توکنمه‌ییب بشر هله. اونون اوچون نه میلّت وار، نه قانون وار، نه سرحد وار، آیاقلاری سایالی‌*دیر، اوندا خئییر-برکت وار. او جهاندا حؤکمران‌سا، عدالت وار، حوریّت وار، او یوخ ایسه، مۆدریک شخصلر لیاقتدن دوشر هله، عشق، محبّت یاشاییرسا، توکنمه‌ییب بشر هله. اونون آدی چکیلنده اصلی، کرم یادا دوشور، لیلی، مجنون یادا دوشور، درد و الم یادا دوشور، فضولی تک یانار اورک، سیرلی عالم یادا دوشور. اونو مغلوب ائتمه‌ییبلر نه بیر ظولوم، نه شر هله، عشق، محبّت یاشاییرسا، توکنمه‌ییب بشر هله. اونو نه وار، نه ده زینت عوض ائدیر بو دونیادا، نه بیر ثروت، نه بیر قودرت عوض ائدیر بو دونیادا، محبّتی تک محبّت عوض ائدیر بو دونیادا. اوندان غئیری دیَرسیزدیر مین جور لعل و گوهر هله، عشق، محبّت یاشاییرسا، توکنمه‌ییب بشر هله. سن اونا جان وئرمیسن‌سه، وئره‌جکدیر او سنه جان، قانیمیزدا، جانیمیزدا چاغلاییر او اؤله‌نه‌جن، آخیرینجی نفسه‌جن، عزرائیلی گؤره‌نه‌جن. بیزلر گلدی-گئدری‌ییک، او ابدی یاشار هله، عشق، محبّت یاشاییرسا، توکنمه‌ییب بشر هله. #جابر_نوروز * خئییرلی- برکت‌لی #شعر_اوجاغی @SheirOcagi

▫️29 یاشین شعری اوّل بئله اولموردو آد گونو قوناقلیغی، ان یاخشی ساغلیق ایدی آتامین جان‌ساغلیغی. آتام اؤلدو بؤیودوم، بؤیودوم آتام اؤلدو، قوجالتدیم اللریندن توتدوغوم اوشاقلیغی. بیر آز آنام بؤیوتدو، بیر آز دا آتام منی، آتام کی اؤلدو گئتدی، آناما دا قالمادیم. بیر آز آللاهدان قورخدوم، بیر آز آتامدان قورخدوم، پیغمبره داش آتان اوشاقلاردان اولمادیم. عؤمروم شاعیر عؤمرودو، یاشیم دا «موشفیق» یاشی، کاغیذدان‌دی اوره‌ییم، نه پامبیق‌دی، نه دمیر. ان خوشبخت گونلریمی اوست-اوسته توپلایاندا، بئش ائدیر، اون بئش ائدیر، اییرمی دوققوز ائله‌میر. #رشاد_ناغی_مصطفی #شعر_اوجاغی @SheirOcagi

دیالوق ▫️- آدام آغزینی باغلی توتسا، چوخلو اوغورلار قازانار. 🎬 Bridge of Spies 2015 #استیون_اسپیلبرگ #شعر_اوجاغی @SheirOcagi

▫️سنسیزلیکده‌یم. یئریمی بیلیرسن، سنسیزلیکده‌یم، دَییشکن بولودلو هاوالاردایام. اومیدیم قوش اولوب اوچوبدو چوخدان، ویرانه، بوش قالان یووالاردایام. یئریمی بیلیرسن، سنسیزلیکده‌یم، چوخ واخت حاقسیز اولان قؽناق‌لاردایام. امتحان ائدیرم صبریمی هر گون، یورغونام، چوخ آغیر سیناق‌لاردایام. یئریمی بیلیرسن، سنسیزلیکده‌یم، دورنا کؤچونده‌یم، بیر-بیر آزیرام. قافیه توتورام، سؤز اوولاییرام، باشینا گلمه‌سین، شعیر یازیرام! #تورال_جعفرلی #شعر_اوجاغی @SheirOcagi

▫️سن یاخشیسان‌سا، هر کس یاخشیدیر ذاتاً. مسئله سن پیس‌کن سنه یاخشی اولان‌دیر. اونو الدن وئرمه! 📚 یابانجی #آلبر_کامو #شعر_اوجاغی @SheirOcagi

▫️گولنار خانیما ...آی ائویم-ائشیگیم، آی عؤمروم-گونوم، آی منیم کؤنلومون یاشاماق یئری! سن منیم زحمتیم، آلنیمین تری، عؤمرومون ان دیری خاطیره‌لری. بیرجه سن اوزولمه، آغرییار آخی- منیم آتام یاتان تورپاق اوره‌ییم، یاریم‌جان اوره‌ییم، یومشاق اوره‌ییم! #رشاد_ناغی_مصطفی #شعر_اوجاغی @SheirOcagi

▫️یئرین معلوم دۆزموشم کدری، غمی اؤنومه، قیشا تداروکوم وار، یئرین معلوم. هارداسا آدینی چاشیب دئمیشم، او گوندن اولموشام خوار، یئرین معلوم. دئییرسن، بو دردین نه‌دیر کامالی؟ بو دونیا باشیما دار، یئرین معلوم. سن دئییب-گولورسن، نه خوشدور حالین! من ایسه ائدیرم عار، یئرین معلوم. سسیمی دینله‌میر، ائشیتمیر هئچ کیم، یئرین ده قولاغی کار، یئرین معلوم. سن سیغال چکمه‌ین ساچلاریما دا، یاغیر آرام-آرام قار، یئرین معلوم. #تورال_جعفرلی #شعر_اوجاغی @SheieOcagi

دیالوق ▫️- ساواش یالانلارین بیتدیگی زامان باشلار . 🎬 Hacksaw Ridge 2016 آمریکا-استرالیا #مل_گیبسون #شعر_اوجاغی @SheirOcagi

▫️بو سن دئییلسن. قاییدیب گلیبسن گؤزلری یاشلی، دئییرسن بیر داها کۆسن دئییلسن. هانی او ووقارین، او سایمازلیغین؟ یوخ، بو سن دئییلسن، بو سن دئییلسن! دئییرسن واخت كئچیر، زامان گؤزله‌میر، دیلین دئینلری اوره‌یین دئمیر، بو یالواران گؤزل سنه بنزه‌میر، یوخ، بو سن دئییلسن، بو سن دئییلسن! گئتدیگیم هر یئری گۆدن سن‌ ایدین، کۆسنده آیلارلا  ایتن سن ایدین، چیرپیب قاپیلاری گئدن سن ایدین، یوخ، بو سن دئییلسن، بو سن دئییلسن! دئییرسن کۆسن‌لر باریشار یئنه، نه تئز بویون اَیدین بئش گونلوک غمه! اؤزوندن راضیلیق یاراشیر سنه، یوخ، بو سن دئییلسن، بو سن دئییلسن! دردلیسن، دردینی گئت دانیش سویا! ال آچما، آلچالما من وئرن پایا! ائله بیل دیلنچی گلیب قاپییا، یوخ، بو سن دئییلسن، بو سن دئییلسن! #نوصرت_کسمنلی @SheirOcagi