|شعر اوجاغی|

📽️آنا تومروس حاضیرلایان اؤلکه: قزاقستان‌ ایل: ۲۰۱۹ دیل: فارس‌(چئویری) (آشاغا حجم ۴۷۰mb) #شعر_اوجاغی @SheirOcagi

‍ ▫️سئودیم سنی. قیسمتیمه دوشمه‌میش، دیله‌ییمده دایاندین، عشقین توفان قوپاردی، کۆله‌ییمده دایاندین. کوچه‌میزدن کئچنده، اوره‌ییمده دایاندین، کوچه‌ده سئودیم سنی. سن گؤیلردن ائنمه‌میش بو کائینات نئجه‌یدی؟! یئرده ماراقسیز ایدی، گؤیده حیات نئجه‌یدی؟! من سنه وورولاندا گؤرن ساعات نئچه‌یدی؟ نئچه‌ده سئودیم سنی؟ بۇزا دؤنموش حیسلریم بئله‌جه چیخدی قیشدان، میلیون آرزو دوغارمیش دئمه بیرجه باخیشدان. منه ائله گلیر کی سنی تانیمامیشدان، اؤنجه‌ ده سئودیم سنی. یاخشی بیلیر چیچک‌لر یازین خاصیّتینی، تئز سئونلر گئج بیلر قیزین خاصیّتینی، چوخو کشف ائدنمه‌دی قیزیل خاصیّتینی، کۆلچه‌ده سئودیم سنی. سن‌تک گۆلراۆزلونو، شنی سئودیریب منه، صاف عشقیمه، روحوما طعنی سئودیریب منه، قوربان اولوم آللاها، سنی سئودیریب منه! نئجه ده سئودیم سنی! #منصور_حسن‌زاده 🎙️سالار موغانلی #شعر_اوجاغی @SheirOcagi

▫️سئودیم سنی. قیسمتیمه دوشمه‌میش، دیله‌ییمده دایاندین، عشقین توفان قوپاردی، کۆله‌ییمده دایاندین. کوچه‌میزدن کئچنده، اوره‌ییمده دایاندین، کوچه‌ده سئودیم سنی. سن گؤیلردن ائنمه‌میش بو کائینات نئجه‌یدی؟! یئرده ماراقسیز ایدی، گؤیده حیات نئجه‌یدی؟! من سنه وورولاندا گؤرن ساعات نئچه‌یدی؟ نئچه‌ده سئودیم سنی؟ بۇزا دؤنموش حیسلریم بئله‌جه چیخدی قیشدان، میلیون آرزو دوغارمیش دئمه بیرجه باخیشدان. منه ائله گلیر کی سنی تانیمامیشدان، اؤنجه‌ ده سئودیم سنی. یاخشی بیلیر چیچک‌لر یازین خاصیّتینی، تئز سئونلر گئج بیلر قیزین خاصیّتینی، چوخو کشف ائدنمه‌دی قیزیل خاصیّتینی، کۆلچه‌ده سئودیم سنی. سن‌تک گۆلراۆزلونو، شنی سئودیریب منه، صاف عشقیمه، روحوما طعنی سئودیریب منه، قوربان اولوم آللاها، سنی سئودیریب منه! نئجه ده سئودیم سنی! #منصور_حسن‌زاده #شعر_اوجاغی @SheirOcagi

▫️یاشی قیرخ، جاوان‌لارین قوجاسی‌دیر، یاشی اللی، قوجالارین جاوانی‌! #آتا_آنالار_سؤزو @SheirOcagi "سیز ده بیر اونودولموش آتا-آنا سؤزونو آرتیرین👇"

▫️آخشام‌چاغی گؤروشه گل غفيلدن، باخيشين‌لا روحوما بير شعر اوخو! ايكی بارداق آجی چايا قوناق اول، دويغولارا آل‌قيرميزی دوْن توخو! بير پيالا ماهنی گتير گلنده، سپ سسيمه دامجی-دامجی الَنسين! نسيم كيمی ساچلاريمی تومارلا، قوينوما گير، روحوم سنه بلَنسين! كال آغاجين تئز يئتيرميش ناری اول، ياناغيمدان دريم سنی گولركن! موغايات اول كيمسه سنی گؤرمه‌سين، گيزلين-گيزلين كوچه‌ميزدن گلركن! داملا-داملا ياغيم سنه سئوگيمی، ياز ياغيشی قيسير قالسين اوتانسين! ناغيل-ناغيل دولو كتاب سئو منی، كلمه‌لر گؤزونده شعره بويانسين! سئويشيركن دوداغيميز، كؤنلوموز، سنين اولدوغومو كيمسه گؤرمه‌سين! تانرينی دا يوخويا وئر، ائله گل، سئوگيميزه قارا سئحير هؤرمه‌سين! سحر-سحر يئنه سنه وورولدوم، شعريم ده تامسينير سنی، بيليرسن. كاغيذ اوسته باخيش‌لارين اوينايير، سؤزلريمدن بوْيلانيرسان، گۆلورسن. #سحر_بارانی @SheirOcagi

دیالوق ▫️- شیطان، اونون فرقینده اولمادیغیمیز زامان، همیشه‌کیندن داها گوجلو اولور. باشقا پروقرام‌لارلا اوغراشدیغیمیز اوچون فرقینده اولمادیغیمیزدا سسسیزجه ران اولان بیر پروقرام کیمی. 📺 Mr. Robot 2015-2019 آمریکا #شعر_اوجاغی @SheirOcagi

▫️داغلار دردلی سینه‌نده‌کی اسکی جیغیرلار، اینسان ایزلرینه بنزر، آ داغلار! بو آغیر باشلیجا باخیشین منه، قانلی افسانه‌لر سؤیلر، آ داغلار! اوخونماز اولموشدور داشلاردا یازی، لال اولوب قالمیشدیر عاشیغین سازی. گئدردی دردینین بلکه بیر آزی، سؤیلَتسه‌یدی سنی بیر ار، آ داغلار! سینه‌نده حئسابسیز داستان دۆزولموش، چوخ آهلار چکیلمیش، گؤزلر سۆزولموش. یوللاردا بیر عاشیق یامان اۆزولموش، دردینه بیر درمان ایستر، آ داغلار! هاردان بیله‌ییم کی چیخارکن یولا، دئدین‌می اونلارا «اوغورلار اولا»؟ سن سؤیله او جوشغون تورکه، موغولا: «آرتیق قارا گونلر یئتر»، آ داغلار! من دینله‌ییم بؤیله، گل نیشان وئر سن، آلتین اوردولاردان، ایگید ارلردن! کاروانلار قوْنوغو کؤلگه‌لیک‌لردن، کیملر گلیب کئچمیش، کیم‌لر، آ داغلار؟! هر کئچن میلّتدن قالمیش بیر اۇلوس، سونرا ووروشمالار، غوغالار سوْنسوز. سن ایسترسن سؤیله، ایسترسن‌سه سۇس، بیلیرسن اونلاری ازبر، آ داغلار! کئچرکن ایگیدلر «کۆر»دن، «آراس»دان، چیخاردی سینه‌نده قیلینجلار پاسدان. فقط من آنلامام توتدوغوم یاسدان، یوخمودور اونلاردان اثر، آ داغلار؟! گؤردوم چارپیشارکن سوْی‌لار، اوْیماق‌لار، اویناردی گؤیلرده قانلی میزراق‌لار. صاحیبی غوغادا اؤلموش قیسراق‌لار، گؤردون‌مو نه یازیق کیشنر، آ داغلار؟! «قاف» دئیه آنارمیش سنی هر بنده، سینارمیش گوجونو ایگیدلر سنده. یئتیشمیش اولسایدیم او گون دربنده، بیلردین کیمده‌دیر هونر، آ داغلار! قولاق وئرن بیلیر اسکی داستانا، ایگیدلر سالدیریب هره بیر یانا. بوْیاندیقجا هر ایل قارلارین قانا، نه جانلار گئتمیشدیر هدر، آ داغلار! کئچرکن او جوشقون ائلخان اوردوسو، دۇیدومو اوره‌یین اؤلوم قورخوسو؟ اَییلمه‌میش باشین، سؤزون دوغروسو، اَییلن یاشاماز، اؤلر، آ داغلار! آلتین معدنی‌دیر بو یوخسول اؤلکه، نه‌یین سالدیرمیشدی عربی تۆرکه؟ خزر ایگیدینین سسی‌دیر بلکه، قالمیشدیر قوینوندا، گورلار، آ داغلار!؟ پوزولموش قالالار، تؤکولموش قانلار، یالچین قایالاردان دوشموش اینسانلار. مزار داشلاریندا اسکی داستانلار، سن وارکن، شاهیدی نئیلر، آ داغلار؟! کئچنلر سایغیسیز «سامور» چایینی، ایگیدلر الیندن آلدی پایینی. اؤلَنین، قالانین بیلمم سایینی، بلکه سن وئره‌سن خبر، آ داغلار! «سابوتای» آدیندا بیر کوماندانی، گؤندرمیشدی غربه گؤیلر سولطانی. ایگید الینده‌کی موغول فرمانی، گؤردون‌مو نه قوْللار بۆکر، آ داغلار؟! ایرانین آسلانی، تۆرکون هیلالی، هۆرکوتدو گؤیونده اوچان قارتالی. قانلی قارلار سنه دوشمن چیخالی، گؤرمه‌دیم اۆزونو گولر، آ داغلار! او زاماندان سنین دردلی‌دیر باشین، آغلار گؤرونوردو تورپاغین، داشین. او دردلی گونلرده یوخدو یولداشین، یالقیزلیق ان بؤیوک کدر، آ داغلار! بو یاخین گونلرده قوپدو بیر توفان، دئوریلدی آهین‌لا قورولموش دیوان. ان دار گونونده ده کیم ایدی قوْشان، کیم ایدی سینه‌سی سیپر، آ داغلار؟! گؤردوم قوینوندا وار یالقیز مزارلار، نه‌دیر بو غریبلیک اونلاردا کی وار؟ غریب تورک اوچون‌مو داشلارین آغلار دورماز، گؤز یاشینی تؤکر، آ داغلار! کؤیلو قیزلارینین چاتیق قاشیندا، نه‌دیر او قاینایان غم باخیشیندا؟ بو دارغینلیق نه‌دیر بو گنج یاشیندا، آچ دردلی قلبینی، گؤستر، آ داغلار! #احمد_جاواد #شعر_اوجاغی @SheirOcagi

▫️ساقی گتیریب باده‌نی، مجلسده دولاندی، یاتمیشدی جماعت دئیه‌سن، بیردن اویاندی. گؤزلر تکیلیب ساقی‌یه یانغی سۆد امر تک، «وئر-وئر» سسی باشلاندی، هیاهو اوجالاندی. فریاد ائله‌دیم ساقی‌یه: «رحم ائیله، قوتارما، عؤمروم قوتاریر، ایچمه‌میشم باده، آمان‌دی!» قییقاجی باخیب حالِ پریشانیمی گؤردو، یاندی اوره‌یی، گلدی موقابیلده دایاندی. قالخیزدی یوخاری کوزه‌نی، ساغَری سوزدو، بیر جورعه وئریب سؤیله‌دی: «لاپ تکده قالان‌دی.» بیر عؤمر دؤزندن سورا، مئی جامین آلاندا، ال تیتره‌دی، پیمانه چؤنوب باده جالاندی. باخدیم جالانان باده‌یه، بیر ده گؤیه باخدیم، حسرتله دئدیم: «دوغروسو، قسمت ده یالان‌دی. قسمت منیم عؤمرومده منه اولمادی قسمت، من آرتدیقجا، اوجالدیقجا، او مندن آرالاندی. هر کوزه‌‌یه ال قویدوم، اونون قولپو قیریلدی، هر چشمه‌یه گئتدیم سو ایچم، چشمه بولاندی.» ساقی دئدی: «بسدیر، بو قدر تانبورا چالما، قسمت یازیسی انسانی بوش فیکره‌سالان‌دی. دونیانی کی گئندن بو گؤزللیکده گؤرورسن، ظاهرده گوزل، باطنی بیر کؤهنه دالان‌دی. هرکس بو دالاندا قومار اوینار کی آپارسین، بیلمیر اوشاق اویناغی دئییل بو، پاپالان‌دی. اونلار کی اونون چوخ‌دو واری، یۆک‌دو چاتیبلار، آلتیندا یۆکون گؤرسنن ائششک‌دی، پالان‌دی.» ساقی قوتاریب سوزلرین آخیرده بویوردو: «دونیاده فقط یاخچیلیق اینسانه قالان‌دی.» #حمید_سخامهر @SheirOcagi

📚 حکمدار اودیپ یازانی: سوفوکل چئویرنی: عوض صادق کؤچورنی: محمد پاشاپور رئداکتور: معصومه سلیمی‌نسب نشر: طغرل/دنیزچین، ۱۴۰۵ مشخصات نشر: ۸۳ ص، رقعی، شومیز دسته‌بندی/بؤلوم: اویون/نمایشنامه 🔻سوفوکل قدیم یونان دیراماتورقیاسینین ایکینجی بؤیوک سیماسیدیر. آلتمیش ایکی ایللیک ادبی فعالیتی مدتینده سوفوکل، روایته گؤره ۱۲۳ اثر یازمیشدیر. بونلاردان بیزه آنجاق یئددی تاماملانمیش فاجعه گلیب چیخمیشدیر. “حکمدار اودیپ”، “اودیپ کولوندا”، “آنتی-گونا”، “ائلئکترا”، “فیلوکتئت”، “آیاکس”، “تیراخینییا قادینلاری”. “تیران ائدیپ” فاجعه‌سینین اساس اوبرازی یونان قهرمانلارینین ان تیراژیک پرسوناژی کادما نسلینده اولان اودیپدیر. اثر آتاسینی اؤلدوره‌رک آناسییلا ائوله‌نن اودیپ آدلی گنجین حئکایه‌سیندن بحث ائدیر. 📌برای سفارش این اثر به دایرکت مراجعه نمایید. #طغرل #دنیزچین

دیالوق ▫️- حیاتیمدا هئچ بیر سوْرون یوخدور، من‌سه سئوینمه‌لی‌یم نوْرمالدا. آما بیر اۆزونتو وار ایچیمده، هاردان گلدیگینی بیلمیرم. 🎬 Blue Jay 2016 آمریکا # الکس_لمان #شعر_اوجاغی @SheirOcagi

▫️جمالین فتنه‌سی توتدو جهانی، چیخاردیب پرده‌دن رازِ نهانی. نئدَر عاشق جهان و جانی سنسیز؟! کی سنسن عاشقین جان و جهانی. لبین‌دیر چشمه‌ی حیوان، ولی شُکر کی هر حیوان‌طبیعت بیلمز آنی. لبِ لعلین شرابین ایچَنه سوْر، کی کیمدیر ایچن آبِ زندگانی! «سوسامیش قانیما لعلین» ائشیتدیم، بو دولت عاشقِ مسکینه هانی؟! گؤرون کیم غمزه‌سی‌یله، یوخوسوندان- اوْیاردی فتنه‌ی آخرزمانی! اگرچی بی‌نشانسان، کیمسه هرگز نشانسیز بۇلمامیشدیر بی‌نشانی. وصالین‌دیر، وصالین‌دیر، وصالین، نعیمِ خُلد و عمرِ جاودانی. «نسیمی»نین مکانی لامکان‌دیر، مکانسیز عاشقین حق‌دیر مکانی. #سیدعمادالدین_نسیمی #شعر_اوجاغی @SheirOcagi

دیالوق ▫️- بیلیرسن بیر پولیس هر شئیدن چوخ نه‌دن قورخار؟ حبس اولماقدان. اؤزونون حبسه آتدیغی آداملارلا بیر یئرده حبس اولماقدان. 🎬 Better Call Saul 2015-022 #شعر_اوجاغی @SheirOcagi

▫️سنی، بوتون اؤزونو ایتیرمیش‌لرین، بوتون غربچی‌لرین یئرینه سئویرم. سنی، سئومه‌دیگیم بوتون او وطن ساتقین‌لارینین یئرینه سئویرم. #غسان_کنفانی #شعر_اوجاغی @SheirOcagi

▫️خیال یارانیشین باشلانغیجی‌دیر. اینسان آرزولادیغینی خیال ائدیر، خیال ائتدیگینی ایسته‌ییر، سونوندا ایسته‌دیگینی یارادیر. #جورج_برنارد_شاو #شعر_اوجاغی @SheirOcagi

▫️یانینا گلمیشم. یانینا گلمیشم، تزه‌دن کۆسَک- تزه‌دن باریشاق، گؤرک اولورمو؟ ساعات گؤر نئچه‌دی، بیر آز تله‌سک، گئدک، یاشیل سؤیود گؤرک دۇرورمو؟! یاغیشلار ایسلاتسین، قاچاق ال-اله، سئوین، گۆلوشونه بال قاتا-قاتا! گلمیشم قاییداق اون ایل اوّله، ساچینا دن دۆشوب، قارالسین او دا. یئنه من دانیشیم، منه قولاق آس، شیرین سؤزلریم‌له جیلوه‌لن، بزَن! بیر آز کؤکَلیبسن، آریقلا بیر آز، بیر آز دَییشیبسن، دَییش تزه‌دن! قاشلارین تاریما چکیلیب یئنه، گیر منیم قوْلوما، یئنه چاش بیر آز! گؤزوم گؤزلرینه دیکیلیب یئنه، بیر آز یادلاشیبسان، دوغمالاش بیر آز! سن منیم سؤزومدن اینجیمه، کۆسمه، ایللری حسرت‌له یاشاییب اورک! یانینا گلمیشم... ائوه تلَسمه، گئدک، یاشیل سؤیود دۇرورمو گؤرک؟! #نریمان_حسن‌زاده #شعر_اوجاغی @SheirOcagi

▫️نه قارانلیق، نه ده قورخو، نه اسارت، نه اؤلوم من او قوردام کی یولومدا آیی ایلهام آلارام! #لاله_اشکیه @SheirOcagi

▫️نه قارانلیق، نه ده قورخو، نه اسارت، نه اؤلوم من او قوردام کی یولومدا آیی ایلهام آلارام! #لاله_اشقیه @SheirOcagi

▫️اثرسیز آهیمه سن وئرگینن اثر، یارب، بو نخلی قویماگینن بؤیله بی‌ثمر، یارب! اگرچه زنگِ کدورت باسیبدیر آیینه‌می، اونا توجّه ایله ائیله بیر نظر، یارب! بیر اؤزگه معنیِ پنهانه واقف اولماق اوچون، اؤزومدن ائت منی بیهوش و بیخبر، یارب! همین که منزله مجنون یئتیشدی، من گلدیم، طریقِ عشقده اولمازمی همسفر، یارب؟! وصالِ شمع ایله پروانه‌لر یانان یئرده، دؤزرمی آتشِ هجرانه بال و پر، یارب؟! جهاندا هر کیمی گؤردوم، اونوتدوم اؤز-اؤزومو، کیمین مُرادی ایله بس فلک دؤنر، یارب؟! فتاده‌لیک منی خوار ائتدی خلق آراسیندا، نه ننگ ایمیش، نه یامان عیب ایمیش هنر، یارب! بو رنگ، اگر اریدیر تابِ شعله‌ی غم اونو، قالیرمی «قوسیِ» بی‌تابدن اثر، یارب؟! #قوسی_تبریزی #شعر_اوجاغی @SheirOcagi

▫️یاراشیر. ساچینین تئللری کؤکسونده پریشان یاراشیر، اؤیله سونبول‌لره بیر بؤیله گولوستان یاراشیر. تاج اولور آی‌لا گونش آلنینا هر آن، یاراشیر، کؤنلومون تختینه بیر سن کیمی سولطان یاراشیر. #فاروق_نافیذ_چاملی‌بئل #شعر_اوجاغی @SheirOcagi

▫️دونیا بیر چؤپون اوسته‌دی. یئنه سویوقلار قاییدیر، بولودلاردان کولک گلیر. اوره‌ییم غوبارلا دولوب، قانادیما للک گلیر. یانیب قارالار بیر آزدان، اوجاقلار کولون اوستونده آغاجلار یامان اوشویور، یارپاقلار اؤلوم اوستونده. گونش هاردا گئجه‌له‌ییر، باتان سولار هاردان چیخیر؟ سن اوزومه خوش باخاندا، کؤنلوم انتظاردان چیخیر. دئییرلر دونیا بئش گون‌دو، هر گونه بیر ناخیش دوشور. ایسته‌ییرم یولا چیخام، یوللاریما یاغیش دوشور. بیز سئویریک، سئویلیریک، بیر حسرتین سیناغی‌ییق. دونیا بیزیم دوستوموزدو، بیز ده اونون قوناغی‌ییق. زامان قووور، بیز قاچیریق، آرزو-ایستک قوجاق-قوجاق. دونیا بیر چؤپون اوسته‌دی، توخونسان، دۆشوب سیناجاق. #ناظم_احمدلی #شعر_اوجاغی @SheirOcagi