|شعر اوجاغی|

▫️سئودالی شاعیر، شعرینی قوشاندان سونرا، اونا حسرت و قیسقانجلیق‌لا باخیب اؤزو-اؤزونه دئییر: «نییه بو کلمه‌لر بو قدر سئوگیلی‌یه یاخین‌دیر، آما من دئییلم؟!» #رضا_براهنی #شعر_اوجاغی ترجومه @SheirOcagi

▫️مین یاشاسین! دونیا مردلر دونیاسی‌دیر، ارن‌لری مین یاشاسین! سینه‌سینی توفان‌لارا- گرن‌لری مین یاشاسین! نه گؤزل‌دیر داغ غورورو! بولاق کیمی گؤزلر دورو. اینسان‌لارا حیات نورو- وئرن‌لری مین یاشاسین! اؤز آدی وار ائل یانیندا، یاخشینین دا، یامانین دا. هر بیر کسی اؤز دونوندا- گؤرن‌لری مین یاشاسین! ائل تانینار چؤره‌یی‌یله، تورپاق گولو، چیچه‌یی‌یله. نبضی خالقین اوره‌یی‌یله- ووران‌لاری مین یاشاسین! کؤنول گولر بئشیگینده، اؤز ائوینده، ائشیگینده. حقیقتین کئشیگینده- دوران‌لاری مین یاشاسین! #راسیم_کریملی #شعر_اوجاغی @SheirOcagi

▫️غمزه‌ن اوخو کؤنلومو ائتمیش هدف، دردینه جانیم اولوب، ای دورّ، صدف! گل گؤزومون نورو، گل ای سئوگیلیم، ائیله‌مه‌ییب تا منی دردین تلف! جمله‌ی عالم قالیب حسرت سنه، سن ده دؤنوب باخ، نه اولار، بیز طرف! جان سنه قوربان ائله‌مک عشقده، عاشیقینه بیل کی شرف‌دیر، شرف! گر سینه! دؤز مؤحنته «یاسین»، چالیش، صبر ایله هر دردی، غمی ائیله دفع! #یاسین_خلیل #شعر_اوجاغی @SheirOcagi

▫️بلکه ده بختینیزین اۆزونوزه گولمه‌سینی گؤزله‌ییرسینیز. گؤزله‌مه‌یین! دۆزگون قرارلار وئره‌رک، چالیشاراق بختینیزی آیاغا قالدیرین! 📚 استوئیکین گونده‌لیگی #رایان_هالیدی #شعر_اوجاغی @SheirOcagi

▫️اؤزومو آختاریرام. 2006'نین ایلک‌باهاری، و باهار آیلارینی قارشیلاییرام سوئیسده بو دفعه. اینسانا جانلیلیق وئرن خفیف بیر اسینتی، و ایچیمده‌کی فیرتینالار. یانیمدا اولمامانین یوخلوغونو حیسّ ائدیرم یانان قلبیمده. بیر آز ایستی، بیر آز سویوق، بیر آز ایلیق بیر سئودا. دؤنوب ده گئرییه باخدیغیمدا، گئدیلن یوللار نه قدر چوخموش، شاشیرام! اؤزلَمینی دویدوغوم او قدر چوخ شئی وار کی: کوچه‌لرده اوشاقجا ساواشمالار، اویونلار، گنجلیگیمده‌کی دوشوب قالخاراق یاشانان ایلک عشقلر. بلکه ده اوتاناراق یاپیلمیش ایلک اؤپوشلر، و آرخاسیندان فیرتینالار، بورانلار. گنجلیک باشلانغیجیم یاشام ایتیمیم اولدو. او قدر اوره‌ییم یانیر کی اؤزومه، چاره‌سیزلیگیمه! ایللرین یوکو وار اوموزلاریمدا: گنج یاشدا آلدیغیم سوروملولوق‌لار، بدل‌لرینی اؤده‌یه بیلمه‌یه‌جه‌ییم سؤزلر، اؤزلَمینی دویدوغوم کئچمیشیم، خاطیره‌لریم، یاریم قالان اومیدلریم. هر شئیدن اؤنجه، اؤزلَمینی دویدوغوم بیر «من» داها وار آرخامدا. من اؤزومو اؤزله‌ییرم. #ابراهیم_کنار #شعر_اوجاغی @SheirOcagi

▫️یالواریرام گونده من مین دیل ایله شانه‌یه، توخونسون آهسته‌راق گیسوی جانانه‌یه. سینسا اگر بیر تئلی، رشته‌ی کؤنلوم سینار، اؤللم، آمان، دلبریم یار اولا بیگانه‌یه! عاشقِ صادق اودور، همیشه یکرنگ اولا، گونده سئویب بیر پری، دؤنمه‌یه دیوانه‌یه. شمعی گۆنوز ترک ائدیب، شمسه سالیب مئهرینی، باعث اوْدور شمع ده اوْد وورو پروانه‌یه. بولبول اولوب سئیر ائله گلشنِ عۆلویّتی مئهرینی بایقوش کیمی سالما بو ویرانه‌یه! ایللر ایله ائتدیگی سجده‌نی زاهد اگر- ساتسا منه، آلمارام بیر دولو پیمانه‌یه. عارف اولان شخص اوچون بیردی جمیعِ ملل، «اشرف»، اوتان، قویما فرق کعبه و بتخانه‌یه! #اشرف_نظرلی #شعر_اوجاغی @SheirOcagi

▫️صاباح اؤله‌جه‌ییمیزی بیلسک، بوتون قیرغینلیق‌لاری اونوداریق. لاکین بیز سونسوزا قدر یاشایاجاقمیش کیمی، قیریجی و غورورلویوق. #اوشو #شعر_اوجاغی @SheirOcagi

▫️«اؤزونوزو اؤلدورمه‌یینیزه مانع اولماق اوچون هر نه ائدیرسینیزسه» اودور حیاتینیزین گئرچک آنلامی. 📚 یاد #آلبر_کامو #شعر_اوجاغی @SheirOcagi

‍ ▫️قوربان اولوم! وطن، سنین تورپاغینین قودرتینه قوربان اولوم! «کوراوغلو»نون، «بابک»ینین غئیرتینه قوربان اولوم! نورلو یولو حاقّین یولو، بیر ساحیلسیز چایین قوْلو. دونیا دولو، تاریخ دولو، شؤهرتینه قوربان اولوم! دفینه وار دنیزینده، هر داغیندا، هر دۆزونده نه‌یین یوخدور یئر اۆزونده؟! ثروتینه قوربان اولوم! آشیب-داشان ایللرینین، نغمه قوشان دیللرینی، نور چشمه‌لی گؤللرینین، حکمتینه قوربان اولوم! یاز آرزولو، یاز دیلک‌لی، دوز-چؤرک‌لی، دۆز چؤرک‌لی، «راسیم» دئیر: داغ اورک‌لی- میلّتینه قوربان اولوم! #راسیم_کریملی #شعر_اوجاغی @SheirOcagi

▫️«سندن باشقاسیندان اومیدیمی کسمیشم، هرکسدن قورخورام» دئمک ایسته‌میشدیم سنه، آما بونو دئمه‌دن، سن ده اومیدیمی کسدین. #محمود_درویش #شعر_اوجاغی @SheirOcagi

▫️بیر نئچه دقیقه گئتدیکدن سونرا، بیر آز آیاق ساخلاییب سؤزه باشلادی: دئمک کی، دوشونمه‌مک اونوتماق دئمک دئییلمیش. #چنگیز_آیتماتوو #شعر_اوجاغی @SheirOcagi

▫️جاوانلیق اؤلونجه قالایدی منده، نه دؤولتیم، نه ده واریم اولایدی! دوشمزدیم دالینجا هر وفاسیزین، عهدیندن دؤنمه‌ین یاریم اولایدی! داغ باشینا دومان دوشه، چن دوشه، سئوینج، کدر هر اینسانا تن دوشه! من قویمازدیم قارا ساچا دن دوشه، اگر الده اختیاریم اولایدی. عؤمرون بره‌سینده گیزلَنیب پۇسدوم، نامرد اولانلاری وورماق‌دی قصدیم. منه خوش گونومده «جان» دئین دوستوم، چتین گونده هاواداریم اولایدی! وطنه باغلی‌دیر آرزوم، دیله‌ییم، وطنسیز دؤیونمز بیر آن اوره‌ییم. چمنده سولمایان گولوم، چیچه‌ییم، باغلاردا تۆکنمز باریم اولایدی! آی «گیلئیلی بَیلر» معنا وئر سؤزه، بؤهتان، گوله-گوله دئییرلر اۆزه. عؤمروموز قالایدی گول کیمی تزه، خزان‌بیلمز بیر باهاریم اولایدی! #گیلئیلی_بیلر #شعر_اوجاغی @SheirOcagi

▫️یالنیزلیق چوخ تهلوکه‌لی‌دیر، باغیملیلیق یارادار. چونکی اینسان او خوشبختلیگی یاشادیقدان سونرا، بیر داها اینسانلارلا اوغراشماق ایسته‌میر. #آلدوس_هاکسلی #شعر_اوجاغی @SheirOcagi

▫️قادین اوره‌یی نئجه رحملی‌دی، نئجه آمانسیز، نئجه مهربان‌دی قادین اوره‌یی! سن اونو سیندیرسان، بیل کی، آ قانسیز! آغلایان کاماندی قادین اوره‌یی. گولدورسن، عؤمورلوک سعادتین‌دی سؤندورسن، یانماغی بیر ده چتین‌دی او، ظریف دویغونون، محبّتین‌دی سئوگیسیز، زیندان‌دی قادین اوره‌یی. داشی دا اریدر، داش دا اولار او، اریییب گؤزلرده یاش دا اولار او، باهار دا اولار او، قیش دا اولار او، داملادی، عومّاندی قادین اوره‌یی. اونونلا دونیادی سنه قفس ده، اونسوز هئچ یاشاما بو تورپاق اوسته! سئون بیر اوره‌یه، آخیر نفسده ان شیرین درمان‌دی قادین اوره‌یی. اونو آلچالدان دا، اوجالدان دا بیز، درد وئریب وعده‌سیز قوجالدان دا بیز. بیلنده قدرینی بو جهاندا بیز، همیشه جاوان‌دی قادین اوره‌یی. بعضاً گول‌تک سولار آجی بیر سؤزدن، آغلایار خلوتی، گولسه ده اوزدن. بعضاً اوشاق کیمی، ان اورکسیزدن- محبّت اوماندی قادین اوره‌یی. بیر نامرد الیندن زهر ایچنده، چورودر عؤمرونو او یاس ایچینده. بعضاً ده قیمتلی لیباس ایچینده ناله‌دی، فغان‌دی قادین اوره‌یی. عؤمره زینت وئرن، سعادت قوران، سئوینن قلبینی نورلا دولدوران، عیصمتی بیر نسلی گؤیه قالدیران، عشقه حؤکمران‌دی قادین اوره‌یی. سنسیز ال چکه‌رم آرزودان، کامدان نه چیخار سئوگیسیز، سنسیز ایلهامدان؟ اینجیتسن دؤزه‌رم... ، «توفیق بایرام»دان- اینجیمه، آماندی، قادین اوره‌یی! #توفیق_بایرام @SheirOcagi

▫️سنی، کؤکسومدن قلبیمی سؤکر کیمی سؤکه‌رک بوراخدیم. #صباح‌الدین_علی #شعر_اوجاغی @SheirOcagi

▫️هئچ کیم کئچمیشینی گئری قایتاراجاق قدر زنگین دئییل. 📚 اینامین سونو #اوسکار_وایلد #شعر_اوجاغی @SheirOcagi

▫️آرایؽش بیر تاس زهَر وئرین منه ایچه‌ییم، تک اونوتماق اوچون آجیلاریمی! باخسانا، قیردیلار قاپیلاریمی، یاغمالاندی قلبیم، عؤمروم، هر شئییم! قورشونا دوزدولر آنی‌لاریمی، یئنیک دوشدوم بو ساواشدا، نئیله‌ییم؟ بیر مزار نئجه‌سه، ایشده، اؤیله‌یم، اونوتدوم ان گؤزل شارقیلاریمی. گوندوزو یوخ، اوپ‌اوزون بیر گئجه‌یم، ایتیردیم اومید قیرینتی‌لاریمی، سئوگیمی، نشه‌می، بوتون واریمی. چاره‌سیز بیر یوخلوغون ایچینده‌یم گؤمدوم ایچیمه ییخینتی‌لار‌یمی آراییر بیر یاریم اوْبیر یاریمی.  #اومید_یاشار_اوغوزجان #شعر_اوجاغی @SheirOcagi

▫️مندن اوخوماق اوچون کیتاب تؤوصیه ائتمه‌ییمی ایسته‌ین‌لرین، قلبیمی ده ایسته‌دیکلرینی ظنّ ائدیردیم، ایندی ده ائله‌دیر. اوخودوغوموز کیتابلار قلبیمیزین آیناسی‌دیر. #میراچ_چاغری_آکتاش #شعر_اوجاغی @SheirOcagi

▫️نه فایدا؟! ائلینه، گونونه یانمایان بیر کس توتاق کی سولطان‌دی، خان‌دی؛ نه فایدا؟! گنجلیکده اؤزونو خار ائیله‌ین‌لر، چال'لاشان واختیندا قاندی، نه فایدا؟! یئری آیریجادیر دونیا اۆزونده، قلبی خائینین ده، کؤنلو دۆزون ده. هامینین عکسی وار ائلین گؤزونده، آلچاقلار آدینی داندی، نه فایدا؟! «راسیم»ام، دار گونده اینسانا دایاق، اینامین یوخدورسا امتحان ائت، باخ! ظولمت گئجه‌لرده یانمایان چیراق، گونشلی گونلرده یاندی، نه فایدا؟! #راسیم_کریملی #شعر_اوجاغی @SheirOcagi

▫️اینسان اؤله‌جه‌یینی بیله-بیله نئجه یاشایار؟! یا دلی اولار، یا دا اؤله‌جه‌یینی اونودار. #ناظیم_حیکمت #شعر_اوجاغی @SheirOcagi