The service is also available in your language. For translation, pressEnglish
Best analytics service

Add your telegram channel for

  • get advanced analytics
  • get more advertisers
  • find out the gender of subscriber
دسته بندیمشخص نشده است
زبان جغرافیایی و کانال

audience statistics |شعر اوجاغی|

⚠کپی یالنیز قایناغی‌ایلا⚠ ‍ شعر اوجاغی‌نین قوراللاری: ▫️آزربایجان ادبیاتی ▪️تورکیه ادبیاتی ▫️دونیا ادبیاتیندان چئویرمه‌لر ▪️ادبی بیلدیریش‌لر ▫️ادبی تانیتیم‌لار ▪️اوشاق ادبیاتی ▫️دانیشان شکیل‌لر ایلگی یولو  @memmed_pasha  اینستاگرام Instagram.com/sheirocagi 
نمایش توضیحات
1 252-2
~278
~7
22.24%
رتبه کلی تلگرام
در جهان
1 697 653جایی
از 7 300 922
در کشور, ایران 
90 355جایی
از 398 339

جنسیت مشترکین

می توانید بفهمید که چند زن و مرد در این کانال مشترک هستند.
?%
?%

زبان مخاطب

از توزیع مشترکین کانال بر اساس زبان مطلع شوید
روسی?%انگلیسی?%عربی?%
تعداد مشترکین
چارت سازمانیجدول
D
W
M
Y
help

بارگیری داده

طول عمر کاربر در یک کانال

بدانید مشترکین چه مدت در کانال می مانند.
Up to a week?%Old Timers?%Up to a month?%
رشد مشترکین
چارت سازمانیجدول
D
W
M
Y
help

بارگیری داده

Since the beginning of the war, more than 2000 civilians have been killed by Russian missiles, according to official data. Help us protect Ukrainians from missiles - provide max military assisstance to Ukraine #Ukraine. #StandWithUkraine
▫️باهار یاغیشیندا چیمر قایالار. بورادا ذیروه‌لر دلر گؤیلری، بورادا قایالار هاچالانیبدی. چیخیب عصرلرین سرت سیناغیندان، یاغیشدان، کولکدن جیلالانیبدی. بو اولو‌ داغلاردا کئشیک چکرلر، گؤیلرین نورونو امَر قایالار. آخار شلاله‌لر سینه‌سی اوستن، باهار یاغیشیندا چیمر قایالار.
97
2
▫️قورخاقسان! آرادا قالماق ایسته‌ییرسن، نه سئویرسن منی، نه ده یوخلوغومو ایسته‌ییرسن.
99
5
▫️یئرده منم، گؤیده منم، حاقدا من، سارایدایام داخمادایام، دامدایام. ایشیغیملا، یاغیشیملا، اودوملا، توخومدایام، تورپاقدایام، تومدایام. باهار واختی آنا چؤلون هاواسی، هر قادانی باشیمیزدان سوواسی. بیر سارایدی هر قاریشقا یوواسی، اکینده‌یم، سپینده‌یم، شومدایام. شاعیر اولان نئیلر ائوی-ائشیگی؟ باشی اوسته تانری چکر کئشیگی. من اؤزومم مجنونلارین بئشیگی، ذرّه‌ده‌یم، صحرادایام، قومدایام. یاغان یاغیش گوناهلاری یویورموش، شوکور حاقّا، تانری منی دویورموش. آللاه اؤزو منه بئله بویورموش، یانمیشدایام، بیشمیشده‌یم، خامدایام. هم سئوینجم، همی تویام، هم قهَر، هم کومایام، همی کندم، هم شهر. گونش اؤزو مندن دوغور هر سحر، قندیلده‌یم، چیراقدایام، شامدایام. هئچ اولمادی حاق یولوندان ساپدیغیم، سازدی، سؤزدو یوغوردوغوم، یاپدیغیم. «گل-گل!» دئدی اولو شئیخیم، تاپدیغیم، «یونوس» کیمی بوتؤوده‌یم، تامدایام. یووا منم، اوجاق منم، یورد منم، «نسیمی» تک دؤنمز منم، سرت منم، «فضولی»نین اؤزو بویدا درد منم، «بایات»دایام، «باغداد»دایام، «شام»دایام. سئللر کیمی آخ، منده گؤر دونیانی! شیمشک کیمی چاخ، منده گؤر دونیانی! گؤزون وارسا، باخ، منده گؤر دونیانی! جاهاندایام، جمشیدده‌یم، جامدایام.
ادامه مطلب ...
115
9
▫️هه، کسین‌لیک‌له سئویرم سنی. یوخسا غملی و تالانمیش بیر وطنده، نه ایش گؤره بیلردیم؟!
164
7
▫️سن گلمه‌دین کی. قاییتدی یوردونا کؤچن دورنالار، یاز عطری یاییلدی، سن گلمه‌دین کی. دالینجا سو آتدیم گله‌سن باری، گونلریم ساییلدی، سن گلمه‌دین کی. دئمیشدین: «قاپینی چالارام بیر گون، قادانی-بالانی آلارام بیر گون. وطن تورپاغینی یالارام بیر گون.» گؤزوم یولدا قالدی، سن گلمه‌دین کی. سنسیز یئتیم قالدی آرزومون گؤزو، یامان درین اولدو یارامین ایزی. دومانلار بورودو قوجا تبریزی، سئوگی ساچین یولدو، سن گلمه‌دین کی. قارالتدی بو فلک آل اته‌ییمی، داغیتدی روزیگار بال پته‌ییمی. اووودا بیلمه‌دیم گؤز ببه‌ییمی، یاشین اؤزگه‌ سیلدی، سن گلمه‌دین کی...
ادامه مطلب ...
209
6
▫️بیلمزلیکدن گلمه‌ییم، آخماق رولو اویناماغیم، ایتیرمه قورخومدان دئییل؛ قارشیمداکی‌لارین یالان دانیشما پوتانسیئل‌لرینه اولان ماراغیمدان‌دیر.
190
3
▫️بیر تیکه‌نی بیلمه‌ین، مین تیکه‌نی هئچ بیلمز.
185
10
▫️من عشقی ساتین آلدیم. من عشقی بیر قومرودان ساتین آلدیم، یاشیم اون آلتی. او زامانلار میس رنگینده‌یدی داغلار، داها شیوَن دوشمه‌میشدی بؤیرومه، داها دلی‌-دلی اسمه‌میشدی کولک، قلبیم درده دوشمه‌میشدی. سانیردیم بوتون چایلاردان قاچاجاقدیم، هالایدا دلی‌قانلی‌باشی¹ اولاجاقدیم. بیغلاریم یئنی ترله‌میشدی. غوربتی، اسماعیل داییمین گؤندردیگی قورو اوزوم و یئر بادامیندان، بیر ده استانبول شکیل‌لریندن تانیمیشدیم. هئی، دلی یانیم، ماهنی‌لاریم، اینجه گول بوداغیم، کؤنول گؤزوم، وئردیگیم سؤزوم! نه زامان دومان اولسا، «مونزور»ون ذیروه‌لرینده قالاردی گؤزوم. آرادا بیر دوروب «فیرات»ا باخیشیم، و یانیمدان هئچ آییرمادیغیم، بیر قومرودان ساتین آلدیغیم خالیص عشقیم. یانی آخیرت‌لیک، گولوردوم، ایستانبولو شکیلدن، وورغونو قومرودان بیلیردیم. او سازاق آخشامیندا، اوتوردوب اوجاغین قارشیسیندا بابام، «اوغول یورو!» دئدی. یورودوم. توپاق اولدو بابام، آجیدان یویولدو گؤزلری. یالنیز بیر آه ائتدی آنام، سس‌سیزجه چایا دوشدو سؤزلری. یورودوم. ترله‌ین بیغلاریم، شاهین باخیشیم، و اولدوزلو گئجه‌لریمدن بیرینده، جانیم، بیر قومرودان ساتین آلدیغیم خالیص عشقیم گئریده قالدی. مئشه‌لر گؤردوم، آغاجلار گؤردوم، بوداقلاریندا آداملار آسیلی‌یدی. ایپ‌اینجه فیدانلار، پاریلدایاراق قان سیزیردی دوداقلاریندان. بایقوشلار، گئجه‌نین درین آل باسماسی قارانلیغینا قارشی، نئجه ده گولورلر، نئجه ده گولوردولر! هانی منیم اولدوزوم؟ هانی شهلا باخیشیم؟ هانی سازیم و خالیص عشقیم؟ داغلاردان گلیرم من، «فیرات»ین دوغدوغو یئردن، کؤنلو آخدیغی یئردن، سرین گؤزه باشیندان، سویوق بولغور آشیندان. داغلاردان گلیرم من، عشقین دوغدوغو یئردن، هئی! «یوسوف»ون قویوسوندان، «ایّوب»ون صبریندن گلیرم. ائتمه‌یین، ائله‌مه‌یین! من استانبولو شکیلدن، وورغونو قومرودان آنلاییرام. هانی منیم اولدوزوم؟ هانی شهلا باخیشیم؟ هانی سازیم؟ و بیر قومرودان ساتین آلدیغیم خالیص عشقیم؟ هئی، آنام! نه آینام، نه داراغیم، نه جیب بیچاغیم، نه تسبئحیم، نه کؤینه‌ییم... بیر موسافیرخانا اوتاغیندا، آخشام آلاقارانلیغی دَییب کئچرکن بؤیرومه، یاواشجا اؤنومه دوشدو آلین‌یازیم. کیم توتوب قالدیرار باشیمی یئردن، کیم دینلر تورکولریمی، ماهنیمی، سازیمی؟ بیر دوعان اولایدی، آه، یانیمدا! ایکی جوت سؤزون، بیر تاس آیرانین، بیر داغ نفسین، پالتارینا یاپیشیب قالمیش بیر یایلاق چمَنین، بیر تسبئح بؤجه‌یین²، بیر اوووج تورپاغین، بیر کیچیک داشین، بیر تئل ساچین قیرمیزی یایلیغینین آلتیندا. هئی، آنام! آخشام ائندی، قیریلدی سازیم، استانبولدا حرامی‌لر کوچه‌سینده، بیر موسافیرخانا اوتاغیندا، یاواشجا اؤنومه دوشدو آلین‌یازیم. هانی منیم اولدوزوم؟ هانی شهلا باخیشیم؟ هانی داغلارا وئردیگیم عشقیم؟ آخشام دئدیگیم، آنا! ایستانبولدا آی قارانلیق، اورک دومانلیق‌دیر. بیر ده حئکایه‌سی وار، قانادی قیریق قاغاییدان: چوخ اؤنجه‌دن، جهنّم قوروقچولاری یاندیریب کئچرکن شهری، اوچ دامجی بالدیرقان زهری، اوچ دامجی خیانت تؤکموشلر ماوی دنیزه. اوچ قاغایینی بوغموشلار، هر شئیی گؤردولر دئیه. آخشام دئدیگیم، دام آرالاریندان، موسافیرخانا باجالاریندان قاچیب گئدن گونشین وورماسی دئییل می تاا داغلارا، داغلاریما، دئییل می، آنا؟! یانی آخشام دئدیگیم هیسلی موسافیرخانا اوتاغیندا، بیر من، بیر «ویران‌شهر»لی یعقوب، بیر ده «چای‌کارا»لی موسی، اوچ بارداق چای خاطیرینه، اوچ غوربت ماهنیسی دئییل می اوچوردوغوموز؟ اوچ دامجی بالدیرقان زهری دئییل می، آنا! آخشام دئدیگیم؟ بورادان، بو خالیص عشقیمی، بیر موسافیرخانا کیرایه‌سینه ساتدیغیم، عیّاش استانبولدان، آختاریلان بوتون تیکیشچی‌لر، سیرا اوتوچولر آدینا، بودور حوادیثیم، خاطیرلادیغیم. نه بولغور دادی، نه بیر چیچک، نه بیر آد. من گوندوزلری «موسلوم گورسس» دینله‌مه‌یه، گئجه‌لری موسافیرخانا اوتاغیندا آلین یازیمی گؤرمه‌یه حؤکوم گئیمیشم. یئنه ده، آنا! آنا! یئنه ده، اؤپه‌رم گؤزلریندن. داغلاریمین، چمن‌لریمین، و قانایان گنج‌لیگیمین، اؤپه‌رم هامیسینین تام گؤزلریندن، بیغلاری یئنی ترله‌ین، گنج‌لیگیمین آدینا. آنا! جان، آنا! جانان آنا! یاران آنا! اووی آنا! هانی منیم اولدوزوم، هانی شهلا باخیشیم، هانی سازیم، بیر قومرودان ساتین آلدیغیم خالیص عشقیم؟ من عشقی بیر قومرودان ساتین آلدیم، یاشیم اون آلتی. او زامانلار میس رنگینده‌یدی داغلار، داها شیوَن دوشمه‌میشدی بؤیرومه، داها دلی-دلی اسمه‌میشدی کولک، قلبیم آغرییا دوشمه‌میشدی. سانیردیم بوتون چایلاردان قاچاجاقدیم، هالایدا دلی‌قانلی‌باشی اولاجاقدیم. بیغلاریم یئنی ترله‌میشدی... ¹- آنکارانین کندلرینده، تویلاردا، هالای اوچون گنج‌لری سئچیب توپارلاییب دوزَنه سالان آدام. ²- نملی یئرلرده یاشایان بیر چئشید بؤجک (خرخاکی)
ادامه مطلب ...
201
2
ابراهیم صدری شعرلری

ibrahim_sadri_ben_aski_bir_üveyikten_satin_aldim_PFqHnHN_00_140.mp3

165
5
▫️یوللار اوزانیب، دؤنگه‌لر دومانا باتیب. ندن سسین گلمیر؟ منی هانکی بوداقلارین سینیغیندا بوراخدی، یازین اینجه آددیم‌لاری؟ الیمده دردیگیم گوللری، دوزورم خیالیمدا، سن گئدن آددیملارین ایزینه. ایچیمده موسیقی‌لر، ایچیمده سس، ایچیمده، آه! بیر اونودولماز سئوگی آغلاییر. پنجره‌نین آرخاسیندان باخیرام، یاغیش یاغیر، ایچیمدن ترلر آخیب گؤزلریمده یاشا دؤنور. «شمس»ین کوچه‌لرینده، کؤلگه‌میز یالنیز قالیب، گل! قفقازین داغلاریندان بیر گوز اول! منه باخ!
206
4
▫️کؤکسومه، بیلینمز بیر قیشین سویوغو سیزیب. من، سنین گئتدیگین گونون صاباحی‌یام.
181
5
▫️منیم اوتوز یاشیم اولارکن جاوان، نادان ایدیم. آنجاق یئتمیش یاشیندا مین جور خسته‌لیکلرله دوققوز یاشیندا قیزی آلانلاری سؤیله! اوشاق، تویون نه اولدوغونو هارادان آنلایاجاق؟ اؤز-اؤزونه پایئتلی (پولَک) چارقات گئیمه‌یینی، یئنی پالتارلار گئیمه‌یینی، آتاسینین ائوینده قاپاز یئدییی، ائشیتدییی سؤیوشلری داها اَری ائوینده ائشیتمه‌ییب اَرینین نوازیشینی اؤیره‌نیب، اَری اونو باشینا تاج ائتدییینی دوشونور. آمما اَرینین ائوینده اونا بیشیریلن یاس حالواسینی بیلمیر. 📚 اوچ داملا قان چئویرن:
ادامه مطلب ...
181
1
▫️هئچ بیر یئرده، هر یئرده‌سن. بو نه آجی بیر غئیب اولوش؟! هئچ بیر یئرده، هر یئرده‌سن. سانکی کؤلگه‌ن کؤلگه‌م اولموش، هئچ بیر یئرده، هر یئرده‌سن. بیاض بیر موم تام قارشیمدا، اریییر، باخ! گؤز یاشیمدا. دون کیمی، آه! بو آخشام دا، هئچ بیر یئرده، هر یئرده‌سن. ائشیکده بیر اینجه یاغمور، پنجره‌مه گلیب وورور. ایمکانسیز بو...، نئجه اولور؟: هئچ بیر یئرده، هر یئرده‌سن. تنده‌میسن، جاندامیسان، داماریمدا، قاندامیسان؟ هله او سون آندامیسان؟ هئچ بیر یئرده، هر یئرده‌سن. یئنی بیر عشق یولوندامی؟ موتلولوغون قوینوندامی؟ باشقاسینین قولوندامی؟ هئچ بیر یئرده، هر یئرده‌سن.. اینان، هله قلبیمده‌سن!
ادامه مطلب ...
228
3
▫️باهار گلیب، آمّا هله، سنسیز اسیر اوره‌ییمده، پاییز یئللری...
242
12
▫️دئمه‌سین «دلی‌دی» هوش‌سوز گؤرنده، یئرسیز قیناماسین باخانلار منی! قالارمی باشیمدا عاغلیم، کامالیم، آزدیرمی یاندیریب یاخانلار منی؟ عاشیقین ایسته‌یی، گؤزَلین نازی، گتیرَر هر عؤمره باهاری، یازی. بیلر نه دئمک‌دی عاشیقین سازی، دویار سئله دؤنوب آخانلار منی. روحلار جرگه‌سینده چکر سانیمی، ائل دئیر: ایتیردیم «زلیمخان»یمی. خاللاری، گوللری آلیب جانیمی، یا ساز اؤلدوره‌جک، یا خانلار منی.
223
1
▫️حیات همیشه بیر نئچه پارچاسی چاتیشمایان پازئلی خاطیرلادیردی. اؤزو ده اؤنملی پارچالاری. 📚 اؤلوم قدر ساده
225
5
▫️حیات همیشه بیر نئچه پارچاسی چاتیشمایان پازئلی خاطیرلادیردی. اؤزو ده اؤنملی پارچالاری. 📚 اؤلوم قدر ساده
1
0
▫️ائی حیات! دارگؤز اولما سئوینج کیمی! الی‌آچیق اول، غم کیمی، قیش کیمی، انتظار کیمی!
265
5
▫️مندن منیم حالیمی سوروشما بیر داها من ده بیلمیرم هئچ منیم اؤز حالیمی!! منده، چوخ (من‌لر) ایتیب‌دیر چوخدان‌دیر آرتیق خاطیرلایانمیرام هیچ بیر (من)ی   هئچ بیر داها!! چرچی کیمی، دوشوب کوشه- کوشه گزیب‌ ده دولانیرام او ایتمیش (من‌)لریمی... تاپانمیرام اون‌لاری!! بو ایچیمده کی، ایتیک‌لر بو بئیینیمده کی، تؤر- تؤکونتولر قالاغی اولان سهمان‌سیزجاسینا دیکلمیش اولان بو بیتیک‌لر یوروب منی چوخدان‌دیر بو آختاریش! یوروب منی بو ایتیک‌لرین آراسینداکی، آرا- سیرا بو آلدانیش سوروشما مندن منی اولارمی؟ ماراقلانما هئچ، منی مندن آراماقدان ماراقلانما (من)ی منده دوشونمه هئچ چؤزمه‌یه ده چالیشما منی!!! بونلاری اونوت، (من)ی اونوت - (من)لری اونوت... دئ گؤروم سن اؤزون نئجه‌سن؟
ادامه مطلب ...
206
3
Fazıl Say (Genco Erkal) - Ben İçeri Düştüğümden Beri

file

216
1
▫️من حبسه دوشدوگومدن بری من حبسه دوشدوگومدن بری، گونشین اطرافیندا اون دفعه دؤندو دونیا، اوندان سوروشسانیز: «سؤزو بئله، دانیشیلماز، میکروسکوبیک بیر زامان» مندن سوروشسانیز: «عؤمرومون اون ایلی.» بیر قلمیم وار ایدی، من حبسه دوشدوگوم ایل، بیر هفته‌ده یازا-یازا توکَندی. اوندان سوروشسانیز: «بوتون بیر حیات‌» مندن سوروشسانیز: «آدام، سن ده!... بیر-ایکی هفته». قاتیل‌لیکدن حبس اولان عوثمان، من حبسه دوشدویومدن بری، یئددی یاریم ایلی قوتاریب چیخدی، دولاشدی دیشاریدا بیر واخت، سونرا قاچاقچیلیق‌دان تکرار دوشدو حبسه، آلتی آیی قوتاریب چیخدی تکرار؛ دونن مکتوب گلدی: ائولنمیش، بیر اوشاغی دوغولاجاقمیش باهاردا. ایندی اون یاشینا چاتدی، من حبسه دوشدویوم ایل آنا رحمینه دوشن اوشاقلار. و او ایلین تیترک، اینجه، اوزون قیچلی دایلاری،¹ هر بیریسی راحات، گئنیش اومبالی بیر قیسراق² اولدولار چوخدان. فقط زیتون فیدانلاری هله فیدان، هله اوشاق‌دیر. یئنی-یئنی مئیدانلار آچیلمیش اوزاقداکی شهریمده، من حبسه دوشدوگومدن بری. و بیزیم ائوین اهلی، بیلمه‌دیگیم بیر کوچه‌ده، گؤرمه‌دیگیم بیر ائوده اوتورور. پامبیق کیمی‌یدی، بم‌بیاض ایدی چؤرک من حبسه دوشدوگوم ایل؛ سونرا وثیقه‌یه میندی³ بیزیم بورادا، حبسده بیر-بیرینی ووردو میلّت، یومروق قدر، سیم‌سیاه بیر ارزاق اوچون. ایندی قورتولدو یئنه، فقط اسمر و دادسیز. من حبسه دوشدوگوم ایل، ایکینجیسی باشلامامیشدی هله. «داخائو کمپی»نده⁴ کوره‌لر یاندیریلمامیش، آتوم بومباسی آتیلمامیشدی «هیروشیما»یا. بوغازی کسیلمیش بیر اوشاغین قانی کیمی آخدی زامان، سونرا رسماً قاپاندی او فصل. ایندی اوچونجودن بحث ائدیر آمئریکان دولاری. فقط گون ایشیلدادی هر شئیه رغماً، من حبسه دوشدوگومدن بری. و قارانلیغین کنارلاریندان اونلار آغیر اللرینی تورپاغا باسیب- قالخدیلار یاری-یارییا. من حبسه دوشدوگومدن بری، گونشین اطرافیندا اون دفعه دؤندو دونیا. و عئینی حریصلیکله تکرار ائدیرم یئنه، من حبسه دوشدوگوم ایل، اونلار اوچون یازدیغیمی. اونلار کی تورپاقدا قاریشقا، سودا بالیق، هاوادا قوش قدر چوخدورلار، قورخاق، جسور، جاهیل، حاکیم و اوشاق‌‌دیرلار، و غضب ائدن یارادان کی اونلاردیر. ناغیلیمیزدا یالنیز اونلارین ماجرالاری وار ایدی. و غئیری‌سی، مثلا، منیم اون ایل حبسده یاتماغیم، لافِ گزاف... ¹- آت بالاسی (Day) ²- دیشی آت ³-سند قارشیلیغیندا وئریلمک ⁴- نازی رژیمی طرفیندن آلمانین داخائو شهرینین یاخینلیغیندا قورولان اجباری ایش کمپی. نازیلر بو کمپده، اوتوز میندن آرتیق اینسانی اؤلدوردولر.
ادامه مطلب ...
attach 📎
215
1
▫️قادینلار غریبه وارلیقلاردیر. گؤزلَنیلمه‌یه‌جک درجه‌ده سئوگی دولو، عئینی زاماندا دا ظالیم اولا بیلیرلر. 📚 جینایت الیفباسی
219
6
▫️نه زیندانی داش دیوارلار زیندان ائدر، نه ده قفسی دمیر میل‌لر یارادار... 📚 اؤلومسوز عائیله
221
6
▫️شاعیر شاعیر داغ چایی‌دی، باشی بلالی، اؤزونو او داشا، بو داشا چیرپار. اولماقچون دونیانین دردیندن حالی، باشینی تاریخه، یادداشا چیرپار. وطن مجنونودو، صاف‌دی، دلی‌دی، میلّتین بایراق‌تک قالخان الی‌دی، شاعیره اؤز خالقی «جان» دئمه‌لی‌دی، یاخین ایسته‌مه‌سه، یاد داشا چیرپار. سئوینیر یئتیریب، بیتیرنده خالق، آغلاییر چیینینه گؤتورنده خالق. بؤیوک استعدادی ایتیرنده خالق، بیر دیزه چیرپاندا، بئش باشا چیرپار.
208
4
▫️آتام منیم آتامین اللری یاشام گتیریر، آلنیندا قیریشلار غمله یازیلمیش. آتام بیر قیبله‌دیر دار گونلریمده، نامازی پوزولموش، سوزو پوزولموش. درین دوشوننده ایچیم آلیشیر، قابارلی اللرین اؤپورم اونون. اوره‌ییم آسیلیر سئوگی باغیندا، یانیقلی یازیرام بو عشقین سونون. داغ کیمی اوجادیر، باشیندا قاری، آتامین گؤزونده اومودوم قالیب. آتا سئوگیسینده بوغولمایانی، تانری بیر یاش کیمی گؤزوندن سالیب. یاشام دؤیوشونده ووقارلا دوران، قدّینی اَیمه‌ین آتام‌دیر منیم. سئوگی باغچاسیندا، گولون عشقینه، غورورلا دَیمه‌ین آتام‌دیر منیم.
ادامه مطلب ...
234
7
▫️دایاغی داغ اولانین، باشی گؤیلره چاتار!
229
16
▫️هامیمیز بیلیریک کی، خاطا ائتمک احتمالیمیز وار؛ دای دئمیرم عئیب‌سیز، قوصورسوز آنلاییشا ایناناجاق قدر جاهیل اولاق. 📚 مامان و حیاتین آنلامی
242
1
▫️حیاتدا هر کسین اؤز قیمتی وار، هر باش زینت اولماز تاجا دونیادا. آلچاقلیق اینسانا بیر صنعت دئییل، اوجالیق یاخشیدی اوجا دونیادا. دوشسه یوز عمله، گیرسه مین دونا، اولارمی قارغادان یاشیل‌باش سونا؟ «کوراوغلو» دئییلمز کورون اوغلونا، اولماز هر «عزیز»دن خوجا دونیادا. اوجاغی، آلووو- کؤزو یاشادار، بولاغی، سویونون گؤزو یاشادار. یاشاتسا، صؤحبتی- سؤزو یاشادار جاوان «زلیمخان»ی قوجا دونیادا.
287
8
دیالوق ▫️- من چیرکینم می، بابا؟! + سن چیرکین دئییلسن، اوغلوم! دونیا چیرکین‌دیر... 📽 Wonder 2017 آمریکا
292
7
▫️کئچمیشده سانسور، بیلگی جریانینی باغلاماقلا گئرچک‌لشیردی. ییرمی بیرینجی عصرده ایسه، اینسانلاری اؤنم‌سیز و علاقه‌سیز بیلگی‌لرله چئوره‌له‌مک‌له اولور. 📚 تانریسال اینسان
228
1
Last updated: ۱۰.۱۱.۲۲
Privacy Policy Telemetrio