News Of Myanmar

တပ်မတော်စစ်ကြောင်းများက ကလေး- တမူးလမ်းကြောင်းပေါ်ရှိ  မြန်မာ-အိန္ဒိယ နှစ်နိုင်ငံနယ်စပ်ကုန်သွယ်ရေးအတွက် အရေးပါသည့် ခမ်းပါတ်မြို့အား ပြန်လည်သိမ်းပိုက်ရရှိ ဇွန် ၂၀၊ ၂၀၂၆

နိုင်ငံတော်သမ္မတ ဦးမင်းအောင်လှိုင် CCTV သတင်းရုပ်သံလှိုင်း၏ တွေ့ဆုံမေးမြန်းမှုများအား လက်ခံဖြေကြားခြင်း (အပိုင်း-၄)

အီရန်ရဲ့ ဖိအားပေးမှုတွေ ရှိလာပြီးနောက်မှာ လက်ဘနွန်နိုင်ငံအတွင်း ကျူးကျော်ဆင်နွှဲနေတဲ့ စစ်ဆင်ရေးအားလုံးကို ရပ်တန့်ဖို့ အစ္စရေးဝန်ကြီးချုပ် နေတန်ယာဟုက အစ္စရေးစစ်တပ် (IDF) ကို အမိန့်ပေးလိုက်ပြီဖြစ်ကြောင်း အစ္စရေးရဲ့ Channel 12၊ Walla News နဲ့ Yedioth Ahronoth သတင်းဌာနတွေက ဖော်ပြလာပါတယ်။ NOM

အစ္စရေးဘက်က လက်ဘနွန်အပစ်အခတ်ရပ်စဲရေး သဘောတူညီချက်ကို ချိုးဖောက်ခဲ့တာကြောင့် ဟော်မုဇ်ရေလက်ကြားကို ပိတ်ပစ်လိုက်ပြီဖြစ်ကြောင်း အီရန်တော်လှန်ရေးအစောင့်တပ်ဖွဲ့ (IRGC) က ကြေညာလိုက်ပြီး၊ အကယ်၍ အပစ်ရပ်သဘောတူညီချက်ကို ဆက်လက်အကောင်အထည်မဖော်ဘူးဆိုရင် နောက်ထပ်အရေးယူဆောင်ရွက်မှုတွေ ပြုလုပ်သွားမယ်လို့ သတိပေးထားပါတယ်။ NOM

နိုင်ငံတော်သမ္မတ ဦးမင်းအောင်လှိင် CCTV သတင်းရုပ်သံလိုင်း၏ တွေ့ဆုံမေးမြန်းမှုများအား လက်ခံဖြေကြားခြင်း (အပိုင်း -၃)

ရန်ကုန်တိုင်းဒေသကြီး၊ လှိုင်မြို့နယ်၌ ခိုးမှုကျူးလွန်ရန် နေအိမ်အတွင်း ဝင်ရောက်၍ အမျိုးသမီးငယ်တစ်ဦးအား အဓမ္မပြုကျင့်သတ်ဖြတ်မှုကျူးလွန်ခဲ့သူ အမျိုးသားတစ်ဦးအား ဖော်ထုတ်ဖမ်းဆီးရမိ NOM ဇွန် ၂၀၊ ၂၀၂၆ ရန်ကုန်တိုင်းဒေသကြီး၊ လှိုင်မြို့နယ်၌ ခိုးမှုကျူးလွန်ရန်နေအိမ်အတွင်း ဝင်ရောက်၍ ၎င်းနေအိမ်အတွင်းရှိ အမျိုးသမီးငယ်တစ်ဦးအား အဓမ္မပြုကျင့်သတ်ဖြတ်မှုကျူးလွန်ခဲ့သူ အမျိုးသား တစ်ဦးအား ဖော်ထုတ်ဖမ်းဆီးရမိခဲ့သည်။ ၂၀၂၆ ခုနှစ်၊ ဇွန်လ ၁၉ ရက်နေ့ နံနက်ပိုင်းတွင် ရန်ကုန်တိုင်းဒေသကြီး၊ လှိုင်မြို့နယ်၊ အမှတ် (၁၂)ရပ်ကွက်နေ ဒေါ်xxxxx (၄၇) နှစ်သည် ၎င်း၏နေအိမ်အပေါ်ထပ် အိမ်ခန်းအတွင်း အိပ်ယာ ကုတင်ပေါ်၌ သမီးဖြစ်သူ မ xxxxxxxxxx (၁၅) နှစ်အား မိန်းမအင်္ဂါတွင် သုတ်ရည်တွေ့ရှိရပြီး လည်ပင်း ယာဘက်တွင် ဓားဒဏ်ရာတစ်ချက်ဖြင့် သေဆုံးနေသည်ကိုတွေ့ရှိရသဖြင့် အဓမ္မပြုကျင့်၍ သတ်ဖြတ် သွားသူအား အရေးယူပေးရန် တိုင်တန်းချက်အရ လှိုင်မြို့မရဲစခန်း (ပ) ၁၅၁/၂၀၂၆၊ ရာဇသတ်ကြီး ပုဒ်မ ၃၀၂/၃၇၆ ဖြင့် အမှုဖွင့်လှစ်ပြီး တရားခံဖမ်းဆီးရမိရေးဆောင်ရွက်ခဲ့သည်။ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် နယ်မြေအတွင်း သတင်းရယူစုံစမ်း ခြင်းနှင့် ဒုစရိုက်မှုများကို မလိုလားသည့် ပြည်သူများ၏ပူးပေါင်းပါဝင်မှုဖြင့် တရားခံအား ဖမ်းဆီး ရမိရေးဆောင်ရွက်ခဲ့ရာ အမျိုးသမီးငယ်အား အဓမ္မပြုကျင့်၍ သတ်ဖြတ်မှုကျူးလွန်ခဲ့သူ တွံတေး မြို့နယ်၊ သရက်နှစ်ပင်ကျေးရွာနေ အောင်ကျော်စိုး (ခ) အင်ဂျင်ဝိုင် (၃၈) နှစ်၊ (ဘ) ဦးသိန်းထွန်းအား ယင်းနေ့ ညနေပိုင်းတွင် အဆိုပါကျေးရွာထိပ်၌ ဖမ်းဆီးရမိခဲ့သည်။ ဖမ်းဆီးရမိတရားခံ အောင်ကျော်စိုး (ခ) အင်ဂျင်ဝိုင်အား စစ်ဆေးချက်အရ ၎င်းသည် ဇွန်လ ၁၉ ရက်နေ့ နံနက် ၁ နာရီခန့်တွင် လှိုင်မြို့နယ်၊ အမှတ် (၁၂) ရပ်ကွက်ရှိ နေအိမ်တစ်လုံးအတွင်းသို့ ဝင်ရောက်ကာ iPhone 15 အမျိုးအစား လက်ကိုင်ဖုန်းတစ်လုံးနှင့် ငွေနှစ်သိန်းကျပ်တို့အား ခိုးယူခဲ့ပြီး အဆိုပါနေအိမ်မှ နှစ်အိမ်ကျော်ရှိ နေအိမ်အတွင်းသို့ ခိုးမှုကျူးလွန်ရန် ထပ်မံဝင်ရောက်စဉ် နေအိမ်အပေါ်ထပ်အိပ်ခန်းအတွင်း အိပ်ပျော်နေသည့် အမျိုးသမီးငယ်တစ်ဦးအား တွေ့ရှိရသဖြင့် အဓမ္မပြုကျင့်၍ ၎င်းယူဆောင်လာသည့် ခဲတံချွန်ခေါက်ဓားဖြင့် လည်ပင်းအား လှီး၍ သတ်ဖြတ်ခဲ့ကာ နေအိမ်မှ ပြန်လည်ထွက်ခွာလာခဲ့ပြီး ၎င်းခိုးယူလာခဲ့သည့် လက်ကိုင်ဖုန်းအား ငွေနှစ်သိန်းကျပ်ဖြင့် ရောင်းချ၍ ရရှိလာသော ငွေများအား အရက်သောက်စားသုံးစွဲခဲ့ပြီးနောက် ၎င်းနေထိုင်ရာ တွံတေးမြို့နယ်၊ သရက်နှစ်ပင်ကျေးရွာသို့ ပြန်လာခဲ့ခြင်းဖြစ်ကြောင်း စစ်ဆေးသိရှိရသည်။ အထက်ပါဖြစ်စဉ်မှ ဖမ်းဆီးရမိသူ တရားခံ အောင်ကျော်စိုး (ခ) အင်ဂျင်ဝိုင်အား ဥပဒေနှင့် အညီ ထိရောက်စွာ အရေးယူနိုင်ရေး ဆက်လက်ဆောင်ရွက်လျက်ရှိကြောင်း သတင်းရရှိသည်။ NOM

သဲကုန်းမြို့နယ်၊ ပန်းတင်ကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က ဖမ်းဆီးခေါ်ဆောင်သွား NOM ဇွန် ၂၀၊ ၂၀၂၆ ပဲခူးတိုင်းဒေသကြီး၊ သဲကုန်းမြို့နယ်၊ ပန်းတင်ကျေးရွာနေ ဦးမျိုးမင်းအောင် (၄၅) နှစ်သည် ဇွန်လ ၁၉ ရက်နေ့ နံနက် ၁၀ နာရီခွဲအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်အဖွဲ့ အင်အား (စိစစ်ဆဲ) ရောက်ရှိလာပြီး အကြမ်းဖက် ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်း သိရသည်။ NOM

လုံခြုံရေးတပ်ဖွဲ့ဝင်များက မကွေးတိုင်းဒေသကြီး၊ မြိုင်မြို့နယ်၊ နှမ်းဆီကန်ကျေးရွာနှင့် သရက်ကန်ကျေးရွာကြားရှိ ကမ္မ-မြိုင်သွားကားလမ်းမပေါ်၌ PDF အကြမ်းဖက်သောင်းကျန်းသူပူးပေါင်းအဖွဲ့များ ထောင်ထားသည့်လက်လုပ်မိုင်းမျိုးစုံ ၈၀ လုံးအား ထပ်မံဖယ်ရှားရှင်းလင်း ဇွန် ၂၀၊ ၂၀၂၆ PDF အကြမ်းဖက်သောင်းကျန်းသူပူးပေါင်းအဖွဲ့များသည် မကွေးတိုင်းဒေသကြီး အတွင်းရှိ ပခုက္ကူမြို့နယ်၊ ကမ္မမြို့နှင့် မြိုင်မြို့နယ်သို့ ဆက်သွယ်ထားသည့် ကမ္မ-မြိုင်သွားကားလမ်း တစ်လျှောက်တွင် အများပြည်သူဖြတ်သန်းသွားလာရေးခက်ခဲစေရန် ရည်ရွယ်၍ ကတ္တရာလမ်းအားကျင်းတူးပြီး ဆီပေပါခွံများဖြင့် ကားမိုင်းအဖြစ်ပြုလုပ်ကာမိုင်းထောင်ပိတ်ဆို့ထားရှိကြောင်း တာဝန်သိ ဒေသခံပြည်သူများ၏ သတင်းပေးပို့ချက်အရ လုံခြုံရေးတပ်ဖွဲ့ဝင်များကနယ်မြေရှင်းလင်းရေးလုပ်ငန်း များဆောင်ရွက်ခြင်းနှင့်အဆိုပါကားလမ်းတစ်လျှောက် မိုင်းရှင်းလင်းခြင်းများဆက်လက်ဆောင်ရွက် လျက်ရှိရာ ဇွန်လ ၁၉ ရက်နေ့တွင် မြိုင်မြို့နယ်၊ နှမ်းဆီကန်ကျေးရွာနှင့် သရက်ကန်ကျေးရွာကြားရှိ ကမ္မ-မြိုင်သွားကားလမ်းဘေးဝဲ/ယာဘက်များ၌ PDF အကြမ်းဖက်သောင်းကျန်းသူ ပူးပေါင်းအဖွဲ့ထောင်ထားသည့် ဆီပေပါဖြင့် ပြုလုပ်ထားသည့် ကားမိုင်းကြီး ၂၀ လုံး၊ လက်လုပ် ရှေ့ထွက်မိုင်း ၁၇ လုံး၊ လက်လုပ်ကားနင်းမိုင်း ၁၅ လုံး၊ လက်လုပ်တိုက်မိုင်း ၈ လုံး၊ PVC ပိုက်ဖြင့် ပြုလုပ်ထားသည့် လက်လုပ်မိုင်း ၆ လုံး၊ ဒေသန္တရလက်လုပ်နင်းမိုင်း ၁၂ လုံး၊ အမ်-၁၄ နင်းမိုင်း ၂ လုံး၊ စုစုပေါင်း လက်လုပ်မိုင်းမျိုးစုံ ၁၈ လုံးတို့ကို တွေ့ရှိခဲ့ပြီး အဆိုပါမိုင်းများအား ဒေသခံပြည်သူ များနှင့် ခရီးသွားပြည်သူများဘေးအန္တရာယ်မဖြစ်စေရေးအတွက် သက်မဲ့ပြုလုပ်ကာစနစ်တကျ ဖယ်ရှားရှင်းလင်းနိုင်ခဲ့ပြီး သရက်ကန်ကျေးရွာအနီးရှိ အကျယ် ၂၈ ပေ၊ အရှည် ၁၂ ပေခန့်ရှိ ပျက်စီး နေသည့် တံတားတစ်စင်းအား မိုင်းရှင်းလင်းကာ ကျောက်၊ သစ်တုံး၊ သဲအိတ်များဖို့၍ ပြန်လည် ပြုပြင်ဆောင်ရွက်ခဲ့၍ ဒေသခံပြည်သူများ အန္တရာယ်ကင်းစွာ အသုံးပြုဖြတ်သန်းသွားလာနိုင်ပြီဖြစ်ကြောင်းသိရသည်။ NOM

နိုင်ငံတော်သမ္မတ ဦးမင်းအောင်လှိင် CCTV သတင်းရုပ်သံလိုင်း၏ တွေ့ဆုံမေးမြန်းမှုများအား လက်ခံဖြေကြားခြင်း (အပိုင်း -၂)

နိုင်ငံတော်သမ္မတ ဦးမင်းအောင်လှိုင် CCTV သတင်းရုပ်သံလိုင်း၏တွေ့ဆုံမေးမြန်းမှုများအား လက်ခံဖြေကြားခြင်း (အပိုင်း -၁)

ဘားအံမြို့နယ်တွင် ရပ်ထားသည့်ကားနှစ်စီးမီးလောင်မှုဖြစ်ပွား ယာဉ်ပိုင်ရှင်မှာထွက်ပြေးနေ NOM၊ဇွန်၂၀၊၂၀၂၆ ကရင်ပြည်နယ်၊ ဘားအံမြို့နယ်၊ လှာကမြင်ကျေးရွာ၊ ဘားအံ-နောင်ပလိန်လမ်းမကြီးဘေး၊ ကံကော် (၇)လမ်းထိပ်တွင်ယမန်နေ့ဇွန်၁၉ရက်ည၇ နာရီ၄၅မိနစ်ခန့်က ရပ်ထားသည့် ကားနှစ်စီးမီးလောင်မှုဖြစ်ပွားခဲ့ကြောင်းမီးသတ်မှသတင်းထုတ် ပြန်ထားကြောင်းသိရသည်။ ဖြစ်စဉ်မှာ ဘားအံမြို့နယ်၊ လှာကမြင်ကျေးရွာ၊ ဘားအံ-နောင်ပလိန်လမ်းမကြီးဘေး၊ ကံကော် (၇)လမ်းထိပ်၊ ခြံအမှတ် ၁/၁၂၄၇ ခြံဝန်းအတွင်းတွင် ရပ်ထားသော Toyota Noah ယာဉ် တစ်စီး၊ Hyundai Sterex ယာဉ်တစ်စီး မီးလောင်ခဲ့ခြင်းဖြစ်သည်။ "မီးလောင်မှုအကြောင်းရင်တော့မသိသေးပါဘူး ယာဉ်ပိုင် ရှင်ကလည်းထွက်ပြေးနေပါတယ် မီးလောင်မှုကြောင့် ဆုံးရှုံး မှုတန်ဖိုးကတော့ Toyota Noah ယာဉ်တစ်စီး၊ Hyundai Sterex ယာဉ်တစ်စီး၊ ယာဉ်ပေါ်ပါဓာတ်ဆီ (၅)ဂါလံပုံး(၈)ပုံးတို့တင်ထားတဲ့အတွက် မီးလောင်ခံခဲ့ရ​ပါတယ်" ဟု ကရင်ပြည်နယ် မီးသတ်ဦးစီးမှူးရုံးမှတာဝန်ရှိသူတစ်ဦးက ပြောသည်။

မြဝတီမြို့နေအိမ်တစ်လုံးမီးလောင်မှုဖြစ်၊ကလေးငယ် နှစ်ဦးသေဆုံး NOM၊ဇွန်၂၀၊၂၀၂၆ ကရင်ပြည်နယ်၊ မြဝတီမြို့နေအိမ်တစ်လုံးစက်သုံးဆီများ သိုလှောင်ရောင်းချသော သုံးထပ်တိုက် မြေညီထပ် အခန်းတစ်ခု၌ မီးလောင်မှုဖြစ်ပွားခဲ့‌ရာအိမ်တွင်ကလေးငယ် နှစ် ဦး မီးလောင် သေဆုံးပြီးအသက် ၇၅နှစ်အရွယ် အမျိုးသားတစ်ဦးထိခိုက်ဒဏ်ရာရသွားကြောင်းမီးသတ်အဖွဲ့မှ သိရသည်။ ဖြစ်စဉ်မှာ ဇွန်လ၁၉ ရက် ညနေ ၄ နာရီ‌ခန့်မြဝတီမြို့၊ အမှတ် (၅) ရပ်ကွက်၊ ခေါက်မလိလမ်းရှိ၊သုံးထပ်တိုက် နေအိမ်တစ်လုံး၏မြေညီထပ်အခန်း၌ဂတ်စ်အိုးနှင့် ချက်ပြုတ်ရာမှတစ်ဆင့် အနီးရှိဓာတ်ဆီပုံးများကို မီးကူးစက်ပြီး စတင်လောင်ကျွမ်းခဲ့သည်။ မီးလောင်မှုကြောင့် အခန်းထဲတွင်အိပ်ပျော်နေသည့်အသက် ၁၃ နှစ်အရွယ် ကလေးငယ်တစ်ဦး၊ အသက် ၉ လအရွယ် ကလေးငယ်တစ်ဦးတို့သည်မီးလောင်ပြင်ထဲ ပိတ်မိပြီးသေဆုံးခဲ့ရ၍ အသက် ၇၅ နှစ်အရွယ် အမျိုးသားတစ်ဦးလည်း မီးလောင်ဒဏ်ရာများ ရခဲ့‌ေကြာင်းသိရသည်။

လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံနှင့်သဘာဝဓာတ်ငွေ့လုပ်ငန်းသည် ရန်ကုန်မြို့တွင်း သဘာဝဓာတ်ငွေ့ယိုစိမ့်မှုများ စစ်ဆေးခြင်း၊ ပြည်သူအများ ဘေးအန္တရာယ်ကင်းစွာသွားလာနိုင်ရေး ပိုက်လိုင်းပြုပြင်ထိန်းသိမ်းခြင်းလုပ်ငန်းများ ဆောင်ရွက်   ဇွန် ၁၉၊ ၂၀၂၆   လျှပ်စစ်နှင့်စွမ်းအင်ဝန်ကြီးဌာန မြန်မာ့ရေနံနှင့်သဘာဝဓာတ်ငွေ့လုပ်ငန်းသည် ကုန်းတွင်းနှင့် ကမ်းလွန်လုပ်ကွက်များမှထွက်ရှိသော သဘာဝဓာတ်ငွေ့များကို ပြည်တွင်းသုံးစွဲနိုင်ရန်အတွက် နိုင်ငံအတွင်း ပိုက်လိုင်းကွန်ရက်များတည်ဆောက်၍ ပေးပို့ဖြန့်ဖြူးလျက်ရှိသည်။ တည်ဆောက်ခဲ့ သည့် ပိုက်လိုင်းများ၏ အမျိုးအစားကြောင့်လည်းကောင်း၊ သက်တမ်းကာလကြာမြင့်မှု ကြောင့်လည်းကောင်း၊ မတော်တဆထိခိုက်မှုများကြောင့်လည်းကောင်း ပေါက်ကွဲခြင်း၊ ကျိုးပြတ်ခြင်း၊ သံချေးစားယိုစိမ့်ခြင်းများဖြစ်ပေါ်တတ်ရာ ပိုက်လိုင်းများပြင်ဆင်ခြင်း၊ အစားထိုးခြင်းများကို ပြုပြင်ထိန်းသိမ်း‌ရေး အစီအမံများချ၍ နှစ်စဉ်ပြုပြင်ထိန်းသိမ်းလျက်ရှိသည်။   ရန်ကုန်ဧရိယာအတွင်းရှိ လျှပ်စစ်ဓာတ်အားပေးစက်ရုံများ၊ မော်တော်ယာဉ်သုံး သဘာဝ ဓာတ်ငွေ့အရောင်းဆိုင်များ၊ အစိုးရနှင့်ပုဂ္ဂလိက စက်ရုံအလုပ်ရုံများသို့ သဘာဝဓာတ်ငွေ့များကို ပိုက်လိုင်းများဖြင့် ပေးပို့လျက်ရှိရာ ၂၀၂၆ ခုနှစ် ဇွန် ၁၇ ရက်‌တွင် ရန်ကုန်တိုင်းဒေသကြီး၊ မင်္ဂလာတောင်ညွန့် မော်တော်ယာဉ်သုံးသဘာဝဓာတ် ငွေ့အ‌ရောင်းဆိုင်ဆိုင်အမှတ် (၀၂၀) သို့ ဆက်သွယ်ထားသော ၄ လက်မ သဘာဝဓာတ်ငွေ့ပိုက်လိုင်းသည် သာကေတမြို့နယ်၊ (၁) ရပ်ကွက်၊ ဧရာဝဏ်လမ်းမကြီးအောက်တွင် ယိုစိမ့်မှုဖြစ်ပွားနေကြောင်း သတင်းပေးပို့ချက်များ အရ မြန်မာ့ရေနံနှင့် သဘာဝဓာတ်ငွေ့လုပ်ငန်း၊ ပိုက်လိုင်းပြုပြင်ထိန်းသိမ်းရေးအဖွဲ့သည် ပြည်သူများဘေးအန္တရာယ်ကင်းရှင်းစေရန် ဓာတ်ငွေ့ပို့လွှတ်မှုအား နံနက် ၁၀ နာရီခွဲတွင် ခေတ္တ ရပ်ဆိုင်းပြီး အစားထိုးလဲလှယ်ခြင်းလုပ်ငန်းများကို ဆောင်ရွက်လျက်ရှိသည်။ ပြုပြင်မှုလုပ်ငန်း များကို ဇွန်၂၂ ရက်‌ထိ ဆောင်ရွက်သွားရမည်ဖြစ်ပါသဖြင့် မော်တော်ယာဉ်သုံး သဘာဝဓာတ်ငွေ့ အရောင်းဆိုင် အမှတ် (၀၂၀) ၏ ဓာတ်ငွေ့ရောင်းချမှုကို ခေတ္တရပ်ဆိုင်းထားမည်ဖြစ်ပါကြောင်းနှင့် အလားတူ ပိုက်လိုင်းယိုစိမ့်မှုများကို တွေ့ရှိရပါက မြန်မာ့‌ရေနံနှင့်သဘာဝဓာတ်ငွေ့လုပ်ငန်း၊ ရွာမသဘာဝဓာတ်ငွေ့ထိန်းဖြန့် စခန်းတာဝန်ခံ ဖုန်းနံပါတ် - ၀၉၇၉၅၅၀၃၈၂၈ သို့ ဆက်သွယ်အကြောင်းကြားပေးနိုင်ပါရန် အသိပေးမေတ္တာရပ်ခံထားကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။

ဇူလိုင်လ၁ရက်မှစ၍မလေးရှားနိုင်ငံမြန်မာသံရုံးတွင်ပတ်စ်ပို့သက်တမ်းတိုးကသုံးရက်ကြာမည်ဟုကြေညာ NOM

အမေရိကန်-အီရန် နားလည်မှုစာချွန်လွှာ (MoU) ကို အစ္စရေးက ဖျက်လိုဖျက်ဆီးလုပ်ဖို့ ကြိုးပမ်းနေတယ်လို့ အမေရိကန် ထောက်လှမ်းရေးက သတိပေး — ဝါရှင်တန်ပို့စ် (Washington Post) NOM

အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီနှင့် အမျိုးသားဒီမိုကရက်တစ်မဟာမိတ်အဖွဲ့(NDAA)၊ “ဝ”ပြည်သွေးစည်းညီညွတ်ရေးပါတီ (UWSP)တို့ ငြိမ်းချမ်းရေး တွေ့ဆုံဆွေးနွေး ဇွန် ၁၉၊ ၂၀၂၆

နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့်   PDF အမည်ခံအဖွဲ့ဝင် အမျိုးသား ၃၃၈ ဦးနှင့် အမျိုးသမီး ၃၈ ဦးတို့သည် လက်နက်၊ ခဲယမ်းများနှင့်အတူ ဉပဒေဘောင်အတွင်းသို့ ဝင်ရောက် ဇွန် ၁၉၊ ၂၀၂၆

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ် ကျိုင်းလပ်မြို့၊ ဝမ်လန်းကျေးရွာအနီး၌ တရားမဝင် တရုတ်နိုင်ငံသား အမျိုးသား ၁၇ ဦး၊ လာအိုနိုင်ငံသား အမျိုးသား ၂ ဦး  စုစုပေါင်း ၁၉ ဦးတို့အား တရားမဝင် ရွှေတူးဖော်ခြင်းတွင်အသုံးပြုသည့်ယာဉ်များ၊ ဆက်စပ်ပစ္စည်းများနှင့်အတူ ဖမ်းဆီးရမိ

မကွေးတိုင်းဒေသကြီး၊ အောင်လံမြို့နှင့် မန္တလေးတိုင်းဒေသကြီး၊ အောင်မြေသာစံမြို့ တို့တွင် ၁၁ ဒသမ ၆၅ ဘီလီယံခန့်တန်ဖိုးရှိ မူးယစ်ဆေးဝါးများ ဖမ်းဆီးရမိ ဇွန် ၁၉၊ ၂၀၂၆

ရွာငံမြို့နယ်၊ တံတားဖြူကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့ကဓါးဖြင့် ထိုးခုတ်သတ်ဖြတ် NOM ဇွန် ၁၉၊ ၂၀၂၆ ရှမ်းပြည်နယ် (တောင်ပိုင်း)၊ ရွာငံမြို့နယ်၊ တံတားဖြူကျေးရွာနေ ဦးကျော်တင့် (၆၁) နှစ်သည် ဇွန်လ ၁၈ ရက်နေ့ နံနက် ၂ နာရီအချိန်၌ ၎င်း၏ နေအိမ်တွင်ရှိနေစဉ် PDF အကြမ်းဖက်သမားလေးဦးက ဆိုင်ကယ်နှစ်စီးဖြင့် ရောက်ရှိလာပြီး ဓားဖြင့် ထိုးခုတ်သတ်ဖြတ်သွားခဲ့သဖြင့် ဦးကျော်တင့်တွင် ဓားဒဏ်ရာများရရှိကာ သေဆုံးသွားခဲ့ကြောင်းသိရသည်။ NOM