ABBA - Асацыяцыя беларускага бізнесу за мяжой

🫶 Час на добрыя справы: падорым дзецям палітвязняў летнія вакацыі! З нагоды Міжнароднага дня дзяцей праходзіць збор сродкаў для беларускіх дзетак, сем'і якіх сутыкаюцца з выклікамі і цяжкасцямі. Сабраныя грошы пойдуць на: ▫️Экскурсіі, паездкі, падарожжы, летнія дзіцячыя лагеры. ▫️Адукацыйныя гурткі па шахматах, маляванні і інш. ▫️Спартовыя секцыі і рыштунак для гульняў. €12 350 з запланаваных €20 000 ужо сабрана. Дзякуй вам за салідарнасць! 👉 Далучайцеся да збору! Хай кожны маленькі беларус і беларуска адчуюць радасць шчаслівага і бяспечнага дзяцінства. Увага! Не выкарыстоўвайце BY/RU метады аплаты. Падвядзенне вынікаў збору пройдзе ў Вільні 1 чэрвеня. Акцыя арганізаваная: BYSOL, Краіна для Жыцця, By_Help, Dissidentby, АВВА.

⭐️ А вы ўжо падалі заяўку на конкурс беларускіх бізнесаў за мяжой III Free Belarus Business Award? Застаўся месяц — не прапусціце магчымасць выйграць грашовы прыз! У гэты раз міжнароднае журы абярэ 3 пераможцы ў намінацыях: ▫️Бізнес-лэдзі — намінацыя закліканая адзначыць жанчын-лідарак, чые прадпрымальніцкія дасягненні і ўнёсак у бізнэс-супольнасць заслугоўваюць прызнання. Узнагарода падкрэсліць як асабісты поспех беларусак, так і ўнёсак у развіццё кампаній, якімі яны кіруюць, а таксама ў кіраванне бізнэс-працэсамі і стратэгічнымі аспектамі дзейнасці. ▫️Арт-бізнес — намінацыя заклікана адзначыць прадпрымальнікаў і кампаніі, якія ажыццяўляюць сваю дзейнасць у сферы культуры і забаваў ці задзейнічаюць якія-небудзь віды мастацтва і творчасці ў сваёй прафесійнай, камерцыйнай дзейнасці. ▫️Эка-бізнес — намінацыя заклікана адзначыць прадпрыемствы і прадпрымальнікаў, чыя дзейнасць арыентавана на садзейнічанне экалагічнай устойлівасці і ахове навакольнага асяроддзя. Гэта прадпрыемствы, якія імкнуцца не толькі да фінансавага поспеху, але і да выканання прынцыпаў экалагічнай адказнасці ў сваёй дзейнасці. Падрабязней пра намінацыі і крытэры ацэньвання глядзіце на сайце. 👉 Дасылайце заяўкі на ўдзел у III Free Belarus Business Award да 10.06.2024, 23.59 (СЕТ). Заяўка павінна быць запоўнена па-ангельску. У другі этап пройдуць удзельнікі, якія падалі заяўку з улікам усіх патрабаванняў. Заяўкі адбіраюць і ацэньваюць незалежныя міжнародныя бізнес-эксперты. За ходам конкурсу сачыце ў: Instagram/ Facebook. #FreeBelarusBusinessAward рэалізуецца @abbabusiness пры фінансаванні Еўрапейскага Cаюза. #EUforBelarus #ЕСдляБеларусі.

⚡️Бясплатныя кансультацыі па бізнес-пытаннях ад акрэдытаваных экспертаў! Зарэгіструйцеся, каб атрымаць кваліфікаваную дапамогу. Мэта АВВА — перадаваць досвед экспертаў і найлепшыя практыкі для развіцця бізнесу з беларускімі каранямі за мяжой. Мы прапануем кансультацыі па: ▪️Юрыдычных пытаннях, якія тычацца працы, рэлакацыі, адкрыцця і развіцця бізнесу за мяжой. ▪️Падаткаабкладанні пры адкрыцці і/ці развіцці бізнесу. ▪️Кадравых і фінансавых пытаннях (працаўладкаванне, кадравае кіраванне, працоўныя ўзаемаадносіны і інш.). Асноўныя тэмы зваротаў да нас, працэс кансультавання, водгукі і адказы на больш частыя пытанні глядзіце на нашых картках. 🔴 Каб запісацца на онлайн-кансультацыю, калі ласка, запоўніце форму і мы звяжамся з вамі для ўзгаднення дэталяў. Плануйце працу за мяжой і запуск сваёй справы з падтрымкай АВВА! Далучайцеся да Асацыяцыі, каб мець доступ да лепшых магчымасцяў і сталую падтрымку вашага бізнесу. Засталіся пытанні — звяртайцеся да нас: +48797002890|@ABBA_telegram|[email protected] Рэалізуецца пры фінансавай падтрымцы Еўразвязу #EUforBelarus #ЕСдляБеларусі

📢 Запрашаем на бізнес-вячэру ABBA ў Рызе! Гэта сустрэча для беларускіх прадпрымальнікаў і прадпрымальніц з Латвіі і іншых краінаў, якія хочуць пашырыць свае дзелавыя кантакты, даведацца пра новыя магчымасці, а таксама разам сфармуляваць пазіцыю вырашэння праблем беларускага бізнесу ў ЕЗ. Супольна абмяркуем штодзённыя праблемы беларускага бізнесу ў Латвіі і стратэгічныя аспекты: ▪️Магчымасці пашырэння бізнесу на іншыя краіны. ▪️Патрэбы ў знешнім фінансаванні. ▪️Гранты на адукацыю ў ЕЗ. Спецыяльная тэма: В2B Marketing Strategies. Удзельнік праграмы INSEAD Executive Education Раман Цімафееў падзеліцца ведамі пра сучасны В2В маркетынг ад найлепшай бізнес-вучэльні Еўропы INSEAD. Раман — сябра АВВА, уладальнік кампаніі ва Уроцлаве ў галіне медычнага і касметалагічнага абсталявання Lasera Plus. 👉 Рэгістрацыя на бізнес-вячэру. 28 траўня, 18:00-21:00. Cпасылку на месца сустрэчы вы атрымаеце пасля рэгістрацыі. ⭐️ Нагадваем, што АВВА дапамагае бізнесоўцам праходзіць павышэнне кваліфікацыі: сябрам АВВА мы выдаем рэкамендацыйныя лісты для залічэння на адукацыйныя праграмы. Далучайцеся да АВВА, карыстайцеся лепшымі магчымасцямі для вашага бізнесу!

🔴 Маеце пытанні па вядзенні бізнесу за мяжой ці шукаеце падтрымку? Звяртайцеся ў АВВА! Асацыяцыя беларускага бізнесу за мяжой створана менавіта бізнесоўцамі і для бізнесоўцаў. Гэта супольнасць сумленных беларусаў, дзе вы самі вырашаеце свой лёс, вылучаеце свае патрэбы і накірункі развіцця, а Асацыяцыя з'яўляецца вашым голасам і дапамогай. Мэта АВВА — развіццё моцнай сусветнай бізнес-дыяспары, падтрымка і ўзмацненне адзін аднаго. Мы адкрыты да супрацы па ўсіх пытаннях, вы можаце звярнуцца ў Асацыяцыю па мэйлу [email protected], у Тэлеграм @ABBA_telegram, альбо напісаць асабіста борду і нашым прадстаўнікам і амбасадарам: ▫️Яўген Буры, прэзідэнт ABBA [email protected] ▫️Марына Гірын, віцэ-прэзідэнтка АВВА [email protected] ▫️Алесь Аляхновіч, віцэ-прэзідэнт, прадстаўнік АВВА ў ЗША [email protected] ▫️Серж Наўродскі, віцэ-прэзідэнт, прадстаўнік АВВА ў Літве, Латвіі і Эстоніі [email protected] ▫️Мікалай Мурзянкоў, дарадца і прадстаўнік АВВА ў Каліфорніі [email protected] ▫️Віктар Шаўчук, амбасадар АВВА ў штаце Мінесота, ЗША [email protected] ⭐️ Цяпер мы будуем інстытут амбасадарства АВВА, у планах — стварэнне Рады экспертаў з беларускімі каранямі, куды змогуць далучыцца прафесіяналы з розных сфер. Далучайцеся да АВВА, будзьце ў шэрагу найлепшых, актыўных і смелых бізнесоўцаў! Разам будуем моцную бізнес-дыяспару беларусаў свету!

📢 Далучайцеся да онлайн-курсу павышэння кваліфікацыі "Mini MPA – Уводзіны ў менеджмент дзяржаўных установаў". Гэтая праграма ад Вольнага Беларускага Ўніверсітэту прызначаная для тых, хто імкнецца пашырыць разуменне сучасных метадаў кіравання ў дзяржаўным сектары, і асабліва актуальная для тых, хто імкнецца зрабіць свой унёсак у развіццё і мадэрнізацыю дзяржаўнага сектару і грамадства ў цэлым. Курс цалкам адпавядае міжнародным стандартам адукацыі ў сферы дзяржаўнага кіравання. Мэта — паказаць беларускаму грамадству, у тым ліку менеджарам дзяржсектару і шырокай грамадскасці, эфектыўныя і сучасныя падыходы да вырашэння праблемаў кіравання дзяржавай і адказаў на сучасныя выклікі. ▫️Аўтарка і выкладчыца курсу — Паліна Прысмакова, доктарка адміністрацыйных навук, прафесарка кафедры грамадскай адміністрацыі (Атлантычны ўніверсітэт у Фларыдзе), сяброўка Альянсу беларускіх бізнес-лэдзі. Падрабязней пра тое, як будзе праходзіць навучанне. ⏰ Для ўдзелу запоўніце анкету да 5 траўня. Сябрам АВВА мы гатовыя выдаваць рэкамендацыйныя лісты для залічэння на праграму.

⚡️Пачынаем прыём заявак на конкурс беларускіх бізнесаў за мяжой III Free Belarus Business Award⚡️ Бізнесоўцы з беларускімі каранямі могуць прэтэндаваць на перамогу ў наступных намінацыях: ▫️Бізнес-лэдзі. ▫️Арт-бізнес. ▫️Эка-бізнес. Прызавы фонд III Free Belrus Business Award складае €15 000. Але ўдзел у конкурсе — гэта не толькі шанец выйграць грашовы прыз, але таксама магчымасць атрымаць інфармацыйную падтрымку і падвысіць пазнавальнасць вашага бізнесу. ➡️ Хто можа ўдзельнічаць у конкурсе? ▪️Камерцыйныя і некамерцыйныя арганізацыі, зарэгістраваныя ў любой краіне (акрамя РБ, РФ) не раней за жнівень 2020 г., з не менш за 50% беларускага статутнага капіталу; ▪️ІП, грамадзяне РБ, зарэгістраваныя ў любой краіне (акрамя РБ, РФ) не раней за жнівень 2020 г.; ▪️Стартапы на позняй стадыі развіцця, якія маюць не менш за 50% працаўнікоў-грамадзян РБ. ➡️ Як узяць удзел? ▪️Уважліва азнаёміцца з умовамі і крытэрамі ацэньвання намінацый. ▪️Даслаць заяўку да 10.06.2024, 23.59 (СЕТ). Заяўка павінна быць запоўнена па-ангельску. У другі этап пройдуць удзельнікі, якія падалі заяўку з улікам усіх патрабаванняў. Заяўкі адбіраюць і ацэньваюць незалежныя міжнародныя бізнес-эксперты. За ходам конкурсу сачыце ў: Telegram/ Instagram/ Facebook. #FreeBelarusBusinessAward рэалізуецца @abbabusiness пры фінансаванні Еўрапейскага Cаюза. #EUforBelarus #ЕСдляБеларусі.

Навіны для бізнесоўцаў у Еўразвязе. Саветам Еўропы будуць прынятыя новыя правілы, якія могуць даць магчымасць арганізацыям грамадзянскай супольнасці, кампетэнтным і кантралюючым органам, журналістам і прафесіяналам СМІ доступ да інфармацыі пра бенефіцыяраў, якая захоўваецца ў нацыянальных рэестрах і ўзаемазвязаная на ўзроўні ЕЗ. У рэестры таксама будуць уключаныя дадзеныя за апошнія 5 год. Поўнае апісанне закона чытайце тут. ▪️ Нагадваем, што ўсе кандыдаты на ўступленне ў АВВА праходзяць працэдуру акрэдытацыі, каб забяспечыць надзейнасць кантактаў у бізнес-супольнасці. 🔴 Як працуе і для чаго патрэбная акрэдытацыя — глядзіце ў відэа. Далучайцеся да АВВА! З намі — надзейна! Узніклі пытанні па дзейнасці ці далучэнню да АВВА? Калі ласка, звяртайцеся да нас: +48797002890|@ABBA_telegram| [email protected]

🔥 Бізнес з беларускімі каранямі з Мінеапаліса далучыўся да АВВА! Сябрам Асацыяцыі стала кампанія Real Estate Liquidators, заснаваная Паўлам Сакурцом, бізнесоўцам і заснавальнікам non-profit арганізацыі BelarusianAmericans.Org. Бізнес спецыялізуецца на аперацыях з нерухомасцю. "We create win-win transactions!" — дывіз Real Estate Liquidators. ▫️Па спасылцы глядзіце інтэрв'ю з Паўлам Сакурцом на @euroradio, дзе ён дзеліцца думкамі пра салідарнасць беларускай дыяспары і планамі па стварэнні Беларускага дома ў Мінеапалісе. Будынак для першага ў штаце Мінесота Беларускага Культурніцкага Хабу Павал набыў часткова за свае грошы, астатняе — фінансаванне на 5 год. Там плануюць стварыць апартаменты для часовага пражывання ўцекачоў з Беларусі, канферэнц-залю, каворкінг, офісы. Памяшканне патрабуе рамонту, які каштуе каля $400 000. Падтрымайце годную справу данатам! Сачыць за працэсам стварэння хабу можна ў канале @BelarusianAmericans. 🔴 Далучайцеся да АВВА! З намі — выбітныя бізнесоўцы з беларускімі каранямі. Разам будуем моцную бізнес-дыяспару беларусаў свету! Маеце пытанні? Звяртайцеся да нас: +48797002890 | @ABBA_telegram| [email protected]

📢 Запрашаем сяброў АВВА на нэтворкінг-сустрэчу ў Варшаве! Да нас завітае фінансавы эксперт, можна будзе атрымаць практычныя парады юрыста па дамовам з контрагентамі, пачуць фідбэк пра навучанне на бясплатнай праграме міні-МВА і, безумоўна, будзе нэтворкінг-сесія! У праграме: 🔴 Speed Networking: вы пашырыце сваё прафесійнае кола з дапамогай інструменту хуткіх знаёмстваў, распавядзеце пра вашыя запыты і прапановы па супрацы. 🔴 Дагаворная праца для бізнесоўцы: асноўныя моманты ад юрыста простымі словамі (праверка контрагента, падрыхтоўка і заключэнне дамовы, выкананне, змены і скасаванне дамовы). 🔴 Фінансавы эксперт: атрыманне крэдытаў і лізінг для бізнесу ў Польшчы. 🔴 Навучанне на праграме міні-MBA: асабісты досвед сябра АВВА. 🔴 Прэзентацыя сяброў ABBA (па папярэдняму запісу): распавядзіце пра сваю кампанію, прапануйце далучыцца да супрацы, падзяліцеся карысным досведам. 27 красавіка. Пачатак у 11:00, працягласць сустрэчы да 2 гадзін. ✔️Калі ласка, зарэгіструйцеся на ўдзел па спасылцы на вашых мэйлах да 25 красавіка. Каб забяспечыць прыватнасць і камфорт для ўсіх удзельнікаў, сустрэча будзе непублічнай. Далучайцеся да АВВА! Сяброўства ў АВВА — гэта доступ да лепшых магчымасцяў, падтрымка нацыянальнай бізнес-дыяспары, кансультацыі спецыялістаў сусветнага ўзроўню, гарантыі сумленнасці вашага бізнесу і давер па ўсім свеце. Падрабязна пра тарыфы для сяброў АВВА глядзіце тут. Маеце пытанні? Звяртайцеся да нас: +48797002890 | @ABBA_telegram | [email protected].