Free Belarus Center 🇺🇦

❗️Украінскі Кабмін пастанавіў, што дакументы, вырабленыя або завераныя на тэрыторыі Беларусі, не будуць патрабаваць прастаўлення апастыля і консульскай легалізацыі. Адпаведныя змены Кабінет міністраў унёс у пастанову нумар 1232 "Некаторыя пытанні аказання адміністрацыйных паслуг Дзяржаўнай міграцыйнай службай ва ўмовах ваеннага становішча", паведамляе sud.ua. Адпаведна са зменамі, пры ажыццяўленні вытворчасці па заявах аб прыёме ў грамадзянства і аказанні адміністрацыйных паслуг тэрытарыяльнымі органамі/тэрытарыяльнымі падраздзяленнямі ДМС у перыяд ваеннага становішча і на працягу шасці месяцаў пасля яго спынення або анулявання, дакументы, вырабленыя або завераныя на тэрыторыi Рэспублiкi Беларусь спецыяльна ўпаўнаважанай для гэтага ўстановай або асобай у межах iх кампетэнцыi па ўстаноўленай форме i змацаваныя гербаваю пячаткай, прымаюцца без спецыяльнай даведкi (консульская легалізацыя, прастаўленне апастыля і інш.).

Беларус, якога польскія спецслужбы прызналі пагрозай нацбяспецы, выйграў суд. Як піша Hrodna.life, адміністрацыйны суд у Варшаве ануляваў рашэнне Куява-Паморскага ваяводства аб пазбаўленні беларуса Паўла Юшкевіча віда на жыхарства. Таксама Агенцтва нацыянальнай бяспекі Польшчы цяпер не лічыць яго пагрозай. Нагадаем, беларус Павел Юшкевіч пражыў у Польшчы больш за 20 гадоў, атрымаў адукацыю ў польскім універсітэце, абараніў доктарскую, адкрыў бізнэс і стаў выкладчыкам. Павел з 2012 года спрабуе атрымаць польскае грамадзянства, а ў студзені 2024 года яго від на жыхарства анулявалі, прызнаўшы беларуса пагрозай нацыянальнай бяспецы.

🚫 З 9 ліпеня Польшча больш не пускае праз сваю мяжу аўтамабілі з беларускай рэгістрацыяй, калі ў салоне няма ўласніка аўто. Як піша "Наша Ніва" са спасылкай на ўдзельнікаў памежных Тэлеграм-чатаў, не прапускаюць нават пры наяўнасці даверанасці, у тым ліку генеральнай. Таксама пад забарону патрапілі транспартныя сродкі, якія належаць юрыдычным асобам. Гэта адбылося пасля ўвядзення новага пакета санкцый супраць Беларусі.

Photography 4 Humanity праводзіць міжнародны конкурс фатаграфіі на тэму правоў чалавека. Пераможца атрымае 5 000 долараў. Як піша БАЖ, сёлетні конкурс прысвечаны кліматычнай справядлівасці. Заяўкі прымаюцца да 1 жніўня 2024 года. На конкурс прымаюцца работы як прафесійных фатографаў, так і аматараў. Вітаюцца выявы людзей, якія пацярпелі ад кліматычнага крызісу, у тым ліку кліматычных бежанцаў, або абаронцаў клімату.

"Мы лічым, што змена клімату — гэта праблема правоў чалавека, таму мы шукаем выявы, якія паказваюць людзей, якія пацярпелі ад эскалацыі кліматычнага крызісу", — адзначаюць арганізатары.

Працы лаўрэатаў прэміі Photography 4 Humanity Global Prize 2024 года — 10 фіналістаў і 20 ганаровых удзельнікаў — будуць выстаўленыя ў штаб-кватэры ААН у Нью-Ёрку, а таксама на сайце UN.org. 👉 Падаць заяўку #магчымасці #возможности

28 чалавек загінулі сёння ва Украіне у выніку расійскіх удараў. Пра гэта паведаміў міністр унутраных спраў краіны Ігар Кліменка. 17 чалавек загінулі ў Кіеве, 11 — у Днепрапятроўскай вобласці. Раненні атрымалі 112 чалавек. У Кіеве расійскія ракеты зруйнавалі таксікалагічнае аддзяленнене дзіцячай лякарні "Ахматдзіт".

Некаторыя палітвязні адмовіліся выходзіць на волю 3 ліпеня, не пагадзіўшыся з умовамі вызвалення. Верагодна, гэта звязанае з тым, што палітвязням, якія выйшлі на волю па памілаванні прыйшлося пісаць прашэнне на імя Лукашэнкі, паведамляе "Вясна". Замест гэтых людзей выйсці на волю прапанавалі іншым палітзняволеным. Працэдура вызвалення адбывалася вельмі хутка — некаторым нават не далі сабраць свае рэчы. Нагадаем, праваабаронцам дакладна вядома пра 18 палітзняволеных, якія 3 ліпеня выйшлі на волю. Сярод іх — 4 жанчыны і 14 мужчын, у тым ліку асуджаны да 10 гадоў калоніі і хворы на анкалогію Рыгор Кастусёў. Імёны іншых палітвязняў пакуль не паведамляюцца ў мэтах бяспекі.

💔У NAVIBAND выйшла кранальная песня "Мама". Слухаць на ўсіх пляцоўках

Праваабаронцам дакладна вядома пра 16 палітзняволеных, якія выйшлі на волю 3 ліпеня Сярод іх — 3 жанчыны і 13 мужчын, у тым ліку асуджаны да 10 гадоў калоніі і хворы на анкалогію Рыгор Кастусёў. Праваабаронцы пакуль не публікуюць прозвішчы астатніх вызваленых у мэтах іх бяспекі. Па інфармацыі "Вясны", частка затрыманых выйшла на волю па амністыі, а частка — па памілаванні.

❗️Праваабаронцам дакладна вядома ўжо пра дзевяць палітзняволеных, якія ўчора выйшлі на волю. Сярод іх — тры жанчыны і шэсць мужчын, у тым ліку Рыгор Кастусёў. Па інфармацыі "Вясны", частка затрыманых выйшла на волю па амністыі, а частка — па памілаванні.

Палітвязень Рыгор Кастусёў выйшаў на волю, паведамляе Reformby.org.