«Краіна для Жыцця»

У Варшаве памёр віцебскі праваабаронца Сёння ў Варшаве раптоўна пайшоў з жыцця віцебскі праваабаронца і сябра БАЖ Леанід Свецік. Яму было 59 гадоў. Ён неаднаразова назіраў за выбарамі ў Беларусі, цягам 20 гадоў прымаў удзел у праваабарончай дзейнасці. Леанід Свецкі вымушана пакінуў Беларусь на хвалі палітычных рэпрэсій. У эміграцыі ён працягваў праваабарончую дзейнасць. Каманда фонду «Краіна для Жыцця» выказвае шчырыя спачуванні родным і блізкім Леаніда Свеціка.

❗️«Важна казаць, каб гісторыі палітвязняў не згубіліся ў цішыні» Ілля Міронаў, Аліна Харысава і Святлана Ільяшэнка – вядомыя беларус ды беларускі, якія сталі апекунамі палітвязняў праз удзел у інфармацыйнай кампаніі «Пакуль усе не будуць вольныя». У яе межах чалавек абараняе інтарэсы падапечнага на розных медыя-пляцоўках, агучвае праблемы канкрэтнага палітвязня ды яго сямʼі. Чытайце на нашым сайце гісторыі палітвязняў ды іх апекуноў: 👉🏻 https://by.stranafund.org/blog/news Таксама станавіцеся апекунамі і вы. Гэта проста, але вельмі важна! Па ўсіх пытаннях на гэты конт звяртайцеся ў наш Telegram-bot 👉🏻 @StranafundPZ

❗️ Працягваецца рэгістрацыя для ўдзелу у канферэнцыі «Новая Беларусь» Лідарка дэмакратычнай Беларусі Святлана Ціханоўская заклікае прыняць удзел у канферэнцыі «Новая Беларусь», якая пройдзе ў Вільні 3-4 жніўня:

«Нашая салідарнасць – гэта тая каштоўнасць, якую мы захоўваем у сабе, не гледзячы на намаганні рэжыму аддаліць нас адно ад аднаго. І вельмі важна, каб такія мерапрыемствы, як канферэнцыя «Новая Беларусь» працягвалі заставацца пляцоўкамі для камунікацыі, якія нас аб’ядноўваць. Я спадзяюся, што падчас івэнту мы не толькі адрэфлексуем мінулыя выклікі і памылкі, але і адшукаем у дыскусіях супольнае разуменне таго, у якім кірунку працаваць беларускай дэмакратычнай супольнасці».

Галоўная мэта мерапрыемства – сабраць беларускія дэмакратычныя сілы, актывістаў і актывістак, грамадскія і культурніцкія ініцыятывы, дыяспару на адной пляцоўцы, каб абмеркаваць стратэгічныя прыярытэты дэмакратычнага руху на 2025 год, актуалізаваць выклікі супольнасці і разам знайсці шляхі іх вырашэння. Для удзелу ў канферэнцыі патрэбная рэгістрацыя: 🔺Рэгістрацыя для ўдзельнікаў. 🔺Рэгістрацыя для журналістаў і блогераў. Адказ па рэгістрацыі дашлюць да 19 ліпеня ўключна. Арганізатары таксама звяртаюць увагу, што ўся афіцыйная камунікацыя па канферэнцыі «Новай Беларусі» праходзіць праз пошту [email protected]. Калі ласка, дбайце пра сваю кібер-бяспеку і карыстайцеся толькі афіцыйнымі кантактамі! Дарэчы, першапачаткова планавалася, што канферэнцыя пройдзе ў Варшаве. Аднак у выніку арганізатары перанеслі яе ў Вільню. Як паведамілі прадстаўнікі Офісу Святлына Ціханоўскай, перанос звязаны з меркаваннямі бяспекі. Але на рашэнне таксама паўплывала і тое, што 2 жніўня ў Варшаве выступае амерыканская спявачка Тэйлар Свіфт. «Квіткі на гатэлі і самалёты або цягнікі для ўдзельнікаў з іншых краін каштавалі б непад’ёмна, гэта неабгрунтаваныя выдаткі для дэмакратычнага руху», – зазначылі арганізатары канферэнцыі.

❤️ Справаздача за «Дзіцячы збор» і падзяка ад дзяцей палітвязняў Сябры, каманда службы «Хуткай гуманітарнай дапамогі» падводзіць канчатковыя вынікі дабрачыннага летняга збору для дзяцей палітвязняў. Традыцыйная дзіцячая акцыя была арганізаваная сёлета праектам служба «Хуткай гуманітарнай дапамогі». У яго ўваходзяць Фонды BYSOL і «Краіна для Жыцця», грамадская кампанія ByHelp, ініцыятыва Dissidentby. Да акцыі таксама прыядналіся «Асацыяцыя беларускага бізнесу за мяжой» і «Асацыяцыя беларусаў Амерыкі» Дзякуючы неабыякавым беларусам удалося сабраць амаль 32 тысячы еўра! На платформе BYSOL мы зафіксавалі ахвяраванні ад 246 чалавек. Дзякуй вам вялікі – ад службы «Хуткай гуманітарнай дапамогі» і ад імя дзяцей палітвязняў! Мы таксама ўдзячны за значны ўдзел музыке Папе Бо, які на сваім канцэрце ў Варшаве сабраў на карысць дзяцей амаль 1700 еўра, а таксама Асацыяцыі беларусаў у Даніі «Талака». Іх унёсак склаў больш за тысячу еўра! Усяго дапамогу атрымалі 250 дзяцей палітвязняў. Сабраныя для іх грошы пайшлі на: • экскурсіі, паездкі, падарожжы, летнія дзіцячыя лагеры; • адукацыйныя гурткі па шахматах, маляванні і інш.; • спартовыя секцыі: басейн, тэніс, футбол; • экіпіроўку для гульняў: мячы, красоўкі, самакаты, веласіпеды, ролікі, пэндзлі, ватманы. Усё, каб зрабіць лета для дзяцей незабыўным. Пасля збору і пералічэння сродкаў дзецям палітвязняў (кожнае з 250 дзяцей атрымала па 100 еўра), у распараджэнні службы «Хуткай гуманітарнай дапамогі» засталося 6842 еўра. Гэтыя грошы пойдуць на наступны «Дзіцячы збор», з дапамогай якога мы дапаможам сабраць у школу дзяцей палітвязняў. Запрашаем далучыцца да гэтай акцыі, ужо хутка служба «Хуткай гуманітарнай дапамогі» апублікуе падрабязнасці яе правядзення.

Тыдзень супраць катаванняў 2024: змагаемся за справядлівасць! Стартаваў шосты па ліку Тыдзень супраць катаванняў – акцыя, арганізаваная «Прававой ініцыятывай» і «Міжнародным камітэтам па расследаванні катаванняў у Беларусі». Мэта акцыі – прыцягнуць увагу да праблемы катаванняў, якія да гэтага часу прымяняюцца ў Беларусі. Разнастайная праграма чакае вас на працягу тыдня: мерапрыемствы пройдуць у Вільні, Варшаве, Познані, Львове, а таксама анлайн. 👉🏻 https://by.stranafund.org/blog/news/tyzdzen_suprats_katavannyau_2024_zmagajmsya_za_spravyadlivasc Далучайцеся! Разам мы можам зрабіць пратэст супраць катаванняў гучней!

Прапагандыст Тур прыгразіў канфіскацыяй маёмасці блізу 1000 беларусаў. Як абараніць сябе? Літаратурны герой Астап Бэндэр ведаў 400 адносна сумленных спосабаў адбору грошай у насельніцтва. У дзяржавы ж арсенал гэткіх метадаў увогуле не абмежаваны, бо ў яе руках законатворчасць. Якім чынам дзяржава можа пазбаўляць уласнасці? Як абараніць сябе? Ці можа дзяржава прадаць жыллё з зарэгістраванымі ў ім жыхарамі? - на гэтыя і іншыя пытанні адказваюць юрысты Фонда: 👉🏻 https://by.stranafund.org/blog/news/prapagandyst-tur-prigraziu-kanfiskaciyay-majomasci-blizu-1000-belarusau-yak-abaranic-siabie Спойлер: калі дзяржава захоча адабраць вашую маёмасць - яна яе адбярэ.

#dissidentby 🗓 20 чэрвеня - Сусветны дзень бежанцаў. Гэты дзень быў абвешчаны Генеральнай Асмблеяй ААН 4 снежня 2000 года.

Уцекач_кі зараз, як ніколі, маюць патрэбу ў нашай салідарнасці. Салідарнасць азначае трымаць нашы дзверы адчыненымі, адзначаць іх моцныя бакі і дасягненні, а таксама разважаць аб праблемах, з якімі яны сутыкаюцца. Салідарнасць з людзьмі, змушанымі бегчы, таксама азначае пошук рашэнняў іх бядотнага становішча - спыненне канфліктаў, каб яны маглі вярнуцца дадому ў бяспецы, забеспячэнне ім магчымасцяў для росквіту ў супольнасцях, якія іх прынялі, і падаванне краінам рэсурсаў, неабходных для ўключэння бежан_ак у жыццё і аказання ім падтрымкі.

Па дадзеных UNHCR на канец 2023 у свеце налічваецца 117,3 мільёна асобаў, якія былі гвалтоўна перамешчаны ў выніку пераследу, канфліктаў, гвалту, парушэнняў правоў чалавека ці падзей, якія сур'ёзна парушаюць грамадскі парадак: 68,3 мільёна з'яўляюцца ўнутрана перамешчанымі асобамі, 37,6 мільёна - бежанцы, 6,9 мільёна - прасіцелі прытулку, 5,8 мільёна іншых людзей, якія маюць патрэбу ў міжнароднай абароне. 40% ад агульнай лічбы - дзеці; 4,4 мільёна асобаў - не маюць грамадзянства; 75% людзей размешчаны ў краінах з нізкім або сярэднім узроўня даходу.

Кампенсацыя медычных выдаткаў Гэты праект прадугледжвае дапамогу палітвязням і іх родным, якія маюць сур'ёзныя захворванні і патрабуюць медычнага лячэння і догляду. Хто можа атрымаць дапамогу? 🔺Палітвязні і члены іх семʼяў. Як атрымаць дапамогу? 🔺Карэктна запоўніце форму і прымацуйце неабходныя дакументы. Калі чакаць адказу? 🔺Пакіньце запыт у форме на нашым сайце і з вамі звяжуцца на працягу 7 дзён з моманту звароту. Падзяліцеся гэтай інфармацыяй з тымі, каму яна можа быць неабходна, але памятайце пра сваю бяспеку!

❗️Дзень нараджэння Васіля Быкава 19 чэрвеня спаўняецца 100 гадоў з дня нараджэння славутага беларускага пісьменніка Васіля Быкава. Ён быў не проста адным з многіх аўтараў, што пісалі пра Другую Сусветную вайну ў жанры так званай «лейтэнанцкай прозы». Ён быў сярод пачынальнікаў гэтага жанру. Асноўная тэма апавяданняў Быкава – псіхалагічная драма героя ў найскладанейшых жыццёвых абставінах. Васіль Быкаў быў патрыётам Беларусі і шчыра вітаў дэмакратычныя перамены і здабыццё незалежнасці напачатку 90-ых гадоў мінулага стагоддзя. Падрабязней на нашым сайце і далучайцеся да імпрэзаў, прысвечаных да дня народзінаў Васіля Быкава. 👉🏻 https://by.stranafund.org/blog/news/dzien-naradzennia-vasilia-bykava

❤️Працягваем аказваць матэрыяльную дапамогу семʼям палітвязняў Важна! Сябры, нагадваем: для кожнай сямʼі палітвязняў, якая раней не атрымлівала разавыя ці рэгулярныя плацяжы ад нашага Фонду, прадугледжваецца грашовая дапамога ў памеры 300 еўра. Сродкі будуць выплачвацца пры прадастаўленні ўсіх неабходных дакументаў і ў парадку чарговасці. Для атрымання дапамогі, калі ласка, запоўніце форму па спасылцы: 👉🏻 https://forms.gle/52Wmk8yxFL5A2kGY6 Таксама, калі гэта бяспечна для вас, просім працягваць падтрымліваць семʼі палітвязняў. Зрабіць гэта можна як разавым плацяжом, так і аформіўшы падпіску на рэгулярны плацёж па спасылцы: 👉🏻 https://by.stranafund.org/article/donate Разам мы можам многае! Давайце будзем працягваць праяўляць сапраўдную беларускую салідарнасць✊🏻