Вясна / Правы чалавека ў Беларусі
Тэлеграм-канал Праваабарончага цэнтру «Вясна». Актуальныя навіны ў галіне правоў чалавека ў Беларусі. Пра затрыманні пісаць на @viasna_bot, для кансультацый - @ViasnaSOS. Сувязь з інфармацыйнай службай: @Viasnainfo Юрыдычная служба: @zvarot96
Mostrar más- Suscriptores
- Cobertura postal
- ER - ratio de compromiso
Carga de datos en curso...
Carga de datos en curso...
Выпуск падкаста “Вясна прыйдзе” прысвечаны людзям з досведам бяздомнасці. За што бяздомныя траплюць у месцы зняволення? Як яны там прымусова працуюць? Як людзі, якія сядзелі па палітычных матывах, сустракаліся з бяздомнымі? Як сілавікі ставяцца да бяздомных? І як яны рэпрэсавалі тых, хто бяздомным дапамагаў? І якія ў бяздомных вершы? У выпуску пачуем праваабаронцу “Вясны” Яны Галаган, якая цікавіцца лёсамі бяздомных; былога палітвязня Аляксандра Бабко, які сустракаў бяздомных за кратамі; актывісткі “Ежы замест бомбаў” Марыны, якая карміла бяздомных (за што ініцыятыву рэпрэсавалі), і, канешне, галасы саміх бяздомных, і нават іх верш. Пішыце нам на пошту [email protected] і запаўняйце анкету bit.ly/4anWK94 Музыка: Kata Bitowt 1:34 “Сілавікі стыгматызуюць людзей з досведам бяздомнасці” Як зняволеныя па палітычных матывах сустракалі бяздомных і як бяздомных выкарыстоўвалі сілавікі як метад ціску. 4:08 Былы палітвязень пра ціск праз бяздомных 5:12 Голас бяздомнага з Мінску 5:39 Бяздомных не выводзяць у душ, як і палітычных арыштантаў. Меддапамога не аказваецца 8:37 “Я жыў на вакзале”. “Бяздомныя крадуць спецыяльна, каб патрапіць у турму на зіму” За што бядомныя трапляюць у зняволенне? Пратаколы складаюцца па надуманых прычынах 10:01 Як міліцыянты выкарыстоўваюць бяздомных для сваёй працы 10:41 Сілавікі да бяздомных ставяцца дрэнна, а палітычныя арыштанты — з павагай. Адкуль гэта ідзе? “Улады Беларусі імкнуцца бяздомных схаваць, не вырашаючы гэтую праблему” 13:25 Чаму бяздомны адмовіўся жыць у доме 14:40 Рэпрэсіі ў дачыненні да актывістаў, якія дапамагалі бяздомным: “Ежа замест бомбаў”. “Бяздомных вывозілі з Мінску, каб яны не былі бачныя” 20:00 Чаму арыштаваных бяздомных адпраўляюць на прымусовую працу і як яна выглядае 21:38 “Мы не ведаем больш выпадкаў, калі бяздомнага судзілі за несанкцыянаванае пікетаванне”. Гісторыя бяздомнага Аляксандра Кутаса і суды над ім. “У яго няма грошай на адваката” 26:56 “Подвал — это дом мой, я в нем обитаю”. Верш бяздомнага пра досвед бяздомнасці 28:00 Як палітзняволеная Наста Лойка заступілася за бяздомных 29:08 “Рэжым Лукашэнкі спачатку набіваў сваю руку на бяздомных — і потым у гэтую варонку трапляюць і палітычныя зняволеныя”
«Новая адвакатка, якая прыйшла замест майго адваката, папрасіла ў следчай на закрыцці справы некалькі хвілін сам-насам са мной. Яна мне паведаміла, што мой адвакат цяпер знаходзіцца там, дзе была я [на Акрэсціна]. Яна адзначыла, што "гэта выдаткі прафесіі ў Беларусі". Ад іншых дзяўчатак я даведалася, што затрымліваюць адвакатаў, якія абараняюць палітвязняў. Па чутках, якія там хадзілі так затрымлівалі да 12 адвакатаў. І мой адвакат быў адным з тых, хто трапіў пад рэйд. Праз некаторы час ён прыйшоў сам да мяне і я даведалася, што да яго дадому ноччу ўварваліся і затрымалі за "непадпарадкаванне пры затрыманні", а менавіта тое, што "доўга адчыняў дзверы". Яму прызначылі 15 сутак. Адвакат мне сказаў пры сустрэчы: "Калі я прыходзіў да цябе ў ІЧУ і бачыў, што ты плакала, не разумеў, чаму. А калі сам там апынуўся, зразумеў, бо сам плакаў».🔹«Яны імкнуцца зрабіць усё, каб людзі больш не ўсміхаліся», — былая палітзняволеная
«Пасля таго, як я адмовіўся падпісаць другі пратакол і на судзе заявіў, што не згодны з ім, адразу пасля таго, як мне вынеслі пастанову, прыйшоў супрацоўнік ГУБАЗіК, надзеў на мяне кайданкі, завёў у пусты кабінет і збіў мяне са словамі: "Што ты ўзнімаешся?" Абураўся, што маю права пратэставаць і адцягваю важных людзей ад працы — гэта ён пра сведку ў масцы».Чытаць па спасылцы 👉 https://spring96.org/be/news/115062 💵Дапамога шматдзетнай сям'і Сергія ўладкавацца ў Польшчы