Фонд «Краіна для Жыцця»

🌿 Белавежская пушча чакае... ...калі беларускія дзеці з сем'яў палітвязняў, добраахвотнікаў і актывістаў прыедуць ў лагер «Зубровыя сцежкі». ❗️Але каб летнік адбыўся, нам не стае яшчэ 10 000 еўра. Падтрымайце збор 👉 ТУТ Падарыце дзецям лета, напоўненае радасцю і беларускасцю 🤍 (відэа: © Aliaksandr Shnarou)

Праблема не ў спісах. Праблема ў сістэме. Што не так з гісторыяй пра 196 «былых палітвязняў»?   Што адбылося? У эфіры дзяржаўнага ТБ заявілі, што 196 чалавек са спісу палітвязняў знаходзяцца на волі. На гэтай падставе прагучалі абвінавачанні ў адрас праваабаронцаў, нібыта яны не валодаюць дакладнай інфармацыяй або свядома завышаюць колькасць палітвязняў. Але ёсць важны кантэкст.   Чаму праваабаронцы не ведалі пра вызваленне ўсіх гэтых людзей? Таму што ў Беларусі інфармацыя пра палітычныя справы мэтанакіравана хаваецца. Спісы судовых паседжанняў закрытыя. Інфармацыя пра дэталі судовай справы часам невядомая нават родным. Многія сем'і баяцца паведамляць праваабаронцам пра тое, што адбываецца. Адкуль праваабаронцы атрымліваюць інфармацыю? Ад родных, сяброў, былых палітвязняў і неабыякавых людзей. Людзі выкарыстоўваюць бяспечныя захады бяспекі. Ці азначае гэта, што спіс палітвязняў недакладны? Праваабаронцы рэгулярна актуалізуюць спісы. Але ў Беларусі ёсць мноства людзей, што знаходзяцца ў СІЗА або чакаюць суда, але пра іх пакуль нічога не вядома. Таму праблема ў тым, што дзяржава хавае інфармацыю пра рэпрэсіі. Чаму гэта важна для нас? Фонд «Краіна для Жыцця» дапамагае палітвязням і іх сем'ям унутры Беларусі. З кожным годам рабіць гэта становіцца ўсё цяжэй. Але мы не спыняемся. Як можна дапамагчы? Калі вам вядома пра чалавека, які апынуўся за кратамі або ўжо вызваліўся, паведамляйце пра гэта праваабаронцам. Гэта можна зрабіць бяспечна — праз людзей за мяжой. 🔸 @viasna_bot — праваабарончы цэнтр «Вясна»; 🔸 @Dahary_nahami — ініцыятыва DissidentBy.   Кожнае такое паведамленне дапамагае не даць чалавеку знікнуць у маўчанні. Свабоду ўсім палітвязням! 🕊

Ад сёння мы запускаем новы важны збор! Ад яго залежыць, як пройдзе лета ў 90 беларускіх дзяцей з сем'яў палітвязняў, добраахвотнікаў і грамадзянскіх актывістаў. 🌿 Мы збіраем сродкі на лагер «Зубровыя сцежкі» — унікальны летнік у Белавежскай пушчы. Ён — пра беларускасць, экалогію, сяброўства. Мінулі ўжо некалькі паспяховых сезонаў, пасля якіх дзеці працягваюць сябраваць і ўзгадваць час у летніку. Наперадзе: — 5 заездаў па 18 дзяцей у кожным — дзеці ўжо сабраныя і чакаюць сустрэчы ў Белавежскай пушчы 💰Большая частка фінансавання ажыццяўляецца праз дапамогу дабрачыннага фонду «Краіна для Жыцця» на сродкі Міжнароднага гуманітарнага фонду. Частку выдаткаў пакрываюць і бацькі ўдзельнікаў. ❗️Аднак для правядзення ўсіх пяці змен нам не стае яшчэ 10 000 еўра. 👉 ПАДТРЫМАЙЦЕ ЗБОР ❤️ Разам мы можам падарыць дзецям лета, напоўненае сяброўствам, радасцю і беларускасцю.

📍Працягваем знаёміць вас з жыхарамі нашага шэлтара. Сёння на пытанні адказвае Сяргей (імя змянілі з мэт бяспекі), беларус, якога прымусова вывезлі з Беларусі ў Літву 19 сакавіка 2026 года. У яго сціплых адказах — удзячнасць людзям, якія былі побач пасля вызвалення, і надзея на лепшае. Калі вы хочаце дапамагчы тым, хто толькі пачынае свой свабодны шлях пасля турмы, — падтрымайце наш шэлтар па спасылцы: www.stranafund.org/kampanii/shelter-campaign Дзякуй, што поруч! ❤️

«Пэўнае непаразуменне». Офіс Ціханоўскай абверг паведамленні пра тое, што вызваленне палітвязняў «адкладзенае на некаторы час». Святлану Ціханоўскую не зусім дакладна зразумелі, паведаміў «Люстэрку» яе дыпламатычны дарадца Дзяніс Кучынскі.

⚡️ Вызваленне палітвязняў «адкладаецца на некаторы час». Аб гэтым адміністрацыя Дональда Трампа паведаміла Святлане Ціханоўскай, піша «Радыё Свабода» са спасылкай на Reuters. https://t.me/radiosvaboda/87164

Тэма псіхалагічнага здароўя пасля турмы ў Беларусі вельмі важная і далікатная. У кожнага чалавека свой досвед і свой тып нервовай сістэмы, але адно зразумела: такія выпрабаванні не праходзяць бясследна. Мы сабралі цытаты былых палітвязняў пра іх псіхалагічны стан за кратамі і пасля вызвалення. Гартайце карткі. 📢 Нагадваем, што ў фонда «Краіна для Жыцця» ёсць праект «Псіхолаг побач». Нашыя спецыялісты дапамагаюць палітвязням і іх блізкім справіцца з наступствамі перажытага і пачаць новы этап жыцця. Атрымаць дапамогу: t.me/stranafund_psy_Bot Падтрымаць праект можна тут

Сёння — Дзень клопату 🤍 Больш за 5 гадоў фонд «Краіна для Жыцця» клапоціцца пра палітвязняў і іх сем’і. Дык чым ёсць клопат з нашага боку? 🏠 шэлтары ў Вільні; 🧡 псіхалагічная дапамога; ⚖️ юрыдычныя кансультацыі; 📱кансультацыі па лічбавай бяспецы. Мы побач, каб ніхто не заставаўся сам-насам са сваімі цяжкасцямі. Але гэтая праца была б немагчымая без вас. Кожны данат, кожны рэпост, кожнае слова падтрымкі дапамагаюць нам працягваць дзейнасць і падтрымліваць тых, каму сёння асабліва цяжка. Дзякуй за вашу салідарнасць, давер і клопат 🤍

Стан некаторых беларускіх палітвязняў выклікае сур'ёзную занепакоенасць. Эксперты ААН заклікалі ўлады забяспечыць ім незалежную медыцынскую дапамогу. У звароце асобна згадваюцца шэсць чалавек. Гэта Вячаслаў Арэшка, які цалкам страціў зрок за кратамі, Сцяпан Латыпаў, што перажыў цынгу і некалькі спробаў суіцыду, Вольга Маёрава, якая амаль згубіла зрок у калоніі, а таксама Ягор Волкаў, чыё здароўе значна пагоршылася ў няволі. Асобна эксперты звярнулі ўвагу на жорсткае абыходжанне і адзіночную ізаляцыю Аляксандры Пуліновіч, а таксама на пераслед Сяргея Салаша за яго культурніцкую дзейнасць. Кожны дзень у няволі можа мець незваротныя наступствы. Свабоду ўсім палітвязням Беларусі 🕊

Як і чакалася, на ўсіх, хто мае дачыненне да ЕГУ, пачалі ціснуць. Студэнтаў, выкладчыкаў, — былых і цяперашніх — выклікаюць "на размовы ў КДБ". Ідуць ператрусы. Мы заклікаем усіх, хто мае інфармацыю пра гэта, паведамляць яе праваабаронцам. Гэта можна рабіць бяспечна — праз тых, хто за мяжой. 🔸@viasna_bot — праваабарончы цэнтр «Вясна»; 🔸@Dahary_nahami — ініцыятыва DissidentBy.

У Літве змяніліся правілы для замежнікаў з ВНЖ. На фоне гэтых зменаў многія беларусы сутыкнуліся са складанасцямі падчас працы з міграцыйнай сістэмай MIGRIS. Гэта звязана з маштабным абнаўленнем сістэмы: змяніўся інтэрфейс сайта, па-іншаму працуе аўтарызацыя, не заўсёды атрымліваецца знайсці патрэбныя функцыі або падаць заяўку з першага разу і інш. Важна разумець: гэта не азначае, што з вашымі дакументамі штосьці не так або працэсы легалізацыі спыніліся. Зараз ідзе перыяд адаптацыі новай сістэмы, і гэтыя недахопы паступова выпраўляюцца. Калі штосьці не працуе: ▪️ паспрабуйце ўвайсці ў кабінет яшчэ раз; ▪️ абнавіце старонку; ▪️ паўтарыце запыт крыху пазней; ▪️ не панікуйце, калі сістэма не адказала з першага разу. Мы разумеем, што гэта можа раздражняць. Але не раскапушчвайце крылы! Такія тэхнічныя перабоі — часовая з'ява. 📌 Калі ў вас узнікаюць пытанні па легалізацыі ў Літве, звяртайцеся ў наш праект «Дапамога мігранту». Мы дапаможам разабрацца ў сітуацыі і падкажам, што рабіць далей.

Добрая нагода запытацца: ад чаго сёння трэба абараняць дзяцей у Беларусі? Пасля 2020 года беларуская сістэма адукацыі ўсё больш становіцца не толькі месцам навучання, але і інструментам дзяржаўнай ідэалогіі. Улады паслядоўна ўкараняюць вайскова-патрыятычнае выхаванне, прапаганду і кантроль над адукацыйнай прасторай паўсюль — ад дзіцячых садкоў да ўніверсітэтаў. Пра гэта гаворыцца ў адным з апошніх даследаванняў «Банка Ідэй»: «Дзеці дыктатуры: як улады Беларусі ідэалагізуюць і мілітарызуюць моладзь пасля 2020 года». Перапісваецца гістарычная памяць. На настаўнікаў і вучняў ціснуць. Замест развіцця крытычнага мыслення моладзь усё часцей сутыкаецца з навязваннем адзіна правільных меркаванняў і адказаў. Дзеці не могуць быць інструментам палітыкі. Яны маюць задаваць пытанні, думаць самастойна, памыляцца, марыць і абіраць свой шлях. І на гэтым шляху не мусіць быць гвалту і страху.

На волю выйшаў Аляксандр Арановіч. У 2020 годзе ён быў кіроўцам у камандзе Сяргея Ціханоўскага. Агулам у няволі ён прабыў 6,5 гадоў. Выйшаў, цалкам адбыўшы тэрмін. Вітаем Аляксандра на волі і зычым хуткага аднаўлення.

#ЖЫВЫЯЛЮДЗІ Мы працягваем расказваць пра тых, хто стаіць за працай фонду. Кожны тыдзень у нас адбываюцца важныя падзеі. Але не менш важна — як пражываюць гэтыя дні людзі з каманды. Сёння на пытанні адказвае Яна (імя зменена), PR-менеджэрка фонду «Краіна для Жыцця». Гартайце карткі, каб даведацца, як прайшоў ейны тыдзень. Падтрымаць нашу каманду можна тут: ☕️ Buy Me a Coffee 🎁 Patreon

Шэсьць гадоў таму ў Горадні на перадвыбарчай акцыі затрымалі Сяргея Ціханоўскага. З гэтай нагоды Ігар Лосік расказаў «Радыё Свабода» пра суд па «справе Ціханоўскага». https://www.svaboda.org/a/33767528.html

🎸🔥 Падстаўку для гітары нам яшчэ не перадавалі!.. Але гэта вельмі дарэчна — у нашым шэлтары ёсць гітара. А калі сур'ёзна — то вельмі добры і чуллівы чалавек перыядычна падвозіць нам гуманітарную дапамогу — ад талерак і побытавых рэчаў да вопраткі. Мы дзякуем за дапамогу і заклікаем кожнага падтрымліваць дзейнасць нашых шэлтараў. Вашая ўвага да людзей, што пацярпелі праз рэпрэсіі, — вельмі важная! 👉 Падтрымаць шэлтары

📷 Фота, што нясуць у сабе боль і несправядлівасць. Гэта "магшоты" палітычных зняволеных. Што адчувалі людзі, калі ім загадвалі глядзець "вось менавіта сюды" ці "павярнуцца менавіта так"? На гэтых фота мы бачым вочы, якія назіралі за несправядлівасцю знутры карнай сістэмы і стрымлівалі слёзы. Гэтая калекцыя няспынна папаўняецца. А мы тым часам дапамагаем былым палітвязням аднавіцца пасля вызвалення. Мы робім усё, каб вярнуць іх да звычайнага жыцця. Каб у людзей хутчэй з'явіліся новыя фота - дзе яны вольныя і шчаслівыя 🤍 Фота з праекта ПЦ «Вясна»: mugshots.spring96.org

Каб рабіць штосьці якасна і на сталай аснове — патрэбны падмурак. Кожны ваш данат — частка фундамента, на якім мы стаім. Усё, што мы робім для палітвязняў і іх сем'яў — праз вашу падтрымку. Любы ўнёсак мае вялікае значэнне: няспынная, магутная салідарнасць складаецца з асабістага "Я магу дапамагчы!" Выбірайце любы зручны варыянт: ☕️ Buy Me a Coffee 🎁 Patreon Каб быць у курсе нашай дзейнасці — падпісвайцеся! stranafund.org instagram facebook tiktok Дзякуй, што поруч! 🤍

Па слядах ІІІ Кангрэса па палітзняволеных у Беларусі #WithoutJustCause. Ірына Маклейн, псіхалагіня, медыятарка і сябра папячыцельскай рады нашага фонда, напісала пост, дзе закранула важныя тэмы (гартайце карткі) Пасля турмы, эвакуацыі, вымушанай эміграцыі і гадоў жыцця ў стрэсе людзям часта прапануюць гатовыя тлумачэнні іх стану і нават гатовыя сцэнары таго, «як трэба» адчуваць сябе пасля перажытага. Але вельмі важна памятаць простую рэч: за кожнай такой гісторыяй — жывы чалавек. Са сваім досведам, сваёй псіхікай, сваімі межамі і правам самастойна вырашаць, як жыць далей. 🤍 Нагадваем, што ў фонда «Краіна для Жыцця» ёсць праект «Псіхолаг побач». Нашыя спецыялісты гатовыя дапамагчы вам і гарантуюць індывідуальны падыход. Атрымаць дапамогу: t.me/stranafund_psy_Bot Падтрымаць праект можна тут

У Вільні працягваецца III Кангрэс па палітзняволеных у Беларусі #WithoutJustCause. Сёння ўдзельнікі абмяркоўваюць стратэгіі падтрымкі, міжнародны ціск на рэжым, этыку дапамогі і ролю беларускай супольнасці за мяжой. Падчас Кангрэса BelPol прэзентаваў даклад пра рэальны маштаб палітычных рэпрэсій у Беларусі. Паводле даследавання, з траўня 2020 года рэпрэсіі закранулі ўжо каля паўмільёна чалавек. І гэтая лічба можа быць значна большай, калі ўлічываць сем’і і блізкіх, чые жыцці таксама разбурыла рэпрэсіўная сістэма. Шмат хто са спікераў сёння гаворыць пра тое, што падтрымка палітвязняў і іх родных павінна заставацца прыярытэтам. Пра тое кажа і Марфа Рабкова, былая палітзняволеная і праваабаронца "Вясны" (відэа @viasna96). Салідарнасць — тое, што неабходна ў гэтыя няпростыя для нашай нацыі часы 🤍