|شعر اوجاغی|
⚠کپی یالنیز قایناغیلا⚠ شعر اوجاغینین قوراللاری: ▫️آزربایجان ادبیاتی ▪️تورکیه ادبیاتی ▫️دونیا ادبیاتیندان چئویرمهلر ▪️ادبی بیلدیریشلر ▫️ادبی تانیتیملار ▪️اوشاق ادبیاتی ▫️دانیشان شکیللر ▪️دیالوق ▫️موسیقی. ایلگی: @memmed_pasha اینستاگرام: sheirocagi
Mostrar más2 363
Suscriptores
+824 horas
+317 días
+11030 días
Distribuciones de tiempo de publicación
Carga de datos en curso...
Find out who reads your channel
This graph will show you who besides your subscribers reads your channel and learn about other sources of traffic.Análisis de publicación
Mensajes | Vistas | Acciones | Ver dinámicas |
01 ▫️آنلایانا هئچ بیر آچیقلاما گرَکمز، آنلامایانا هر آچیقلاما آرتیقدیر.
#علی_شریعتی
#شعر_اوجاغی
@SheirOcagi | 114 | 4 | Loading... |
02 https://t.me/boost/SheirOcagi | 70 | 0 | Loading... |
03 ▫️آجیلار دنیزی
من آجیلار دنیزینده بوغولموشام،
ائشیتمهرم گمی فیتلرینی، قاغایی چیغلیقلارینی.
دالغالار هر گون بیر باشقا قییییا آتار منی،
آنلارام یوسونلارین منیم اوچون آغلادیقلارینی.
اؤلویَم چوخدان، بیر باخسانا گؤزلریمه!
گؤر ایچیندهکی او قانلی شوشه قیریقلارینی!
بو نه قارانلیق، بو نه زیندان گئجه بؤیله!
بوتون گمیلر سؤندورموش ایشیقلارینی.
من آجیلار دنیزی اولموشام، یاخینلاشما!
سولاریم دوزلو، سولاریم ایلان زهری.
باخسانا، هر کس ایچیمه تؤکموش آرتیقلارینی!
بو قارانلیق بیتسه آرتیق، بیر آی دوغسا!
بیر دلی کولک قوپسا،
آلیب گؤتورسه ایللرین ایچیمده بوراخدیقلارینی!
#اومید_یاشار_اوغوزجان
#شعر_اوجاغی
@SheirOcagi | 129 | 4 | Loading... |
04 ▫️بئلهجه اونلار حیاتین آجی گئرچکلری ایله باریشیب شیرین یالانلارلا دولو خیاللار قورماغا داوام ائدیردیلر.
📚 بیر میلیون دولاریم اولسایدی...
#قاراقان
#شعر_اوجاغی
@SheirOcagi | 109 | 2 | Loading... |
05 ▫️وَ
و بو آغ قارالار،
و قارا آغلار...
و بو آغ اۇرالار،¹
و قارا تاغلار...
و بو آغ سرچهلر،
و قارا داملار...
و بو آغ گئجهلر،
و قارا شاملار...
و بو آغ هالهلر،
و قارا اوتلار...
و بو آغ نالهلر،
و قارا نوتلار...
و بو آغ دورنالار،
و قارا گؤیلر...
و بو آغ زورنالار،
و قارا زۆیلر²...
و بو آغ قویونلار،
و قارا باغلار...
و بو آغ اویونلار،
و قاراباغلار...
و بو آغ مامیرلار،
و قارا داشلار...
و بو آغ چادیرلار،
و قارا قیشلار...
و بو آغ بازارلار،
و قارا غوللار...
و بو آغ مزارلار،
و قارا دۇللار...
و بو آغ تالانلار،
و قارا ایزلر...
و بو آغ یالانلار،
و قارا اۆزلر...
و بو آغ قانونلار،
و قارا گوجلر...
و بو آغ نادانلار،
و قارا بیجلر...
و بو آغ قضالار،
و قارا قوتو...
و بو آغ فضالار،
و قارا لۏتو...
و بو آغ ریاست،
و قارا کۆتله...
و بو آغ سیاست،
و قارا کۆتلر...
و بو آغ آشاغیلار،
و قارا اتک...
و بو آغ اوشاقلار،
و قارا چؤرک...
و بو آغ اولدوزلار،
و قارا سئییر...
و بو آغ کاغیذلار،
و قارا شئعیر...
#رامیز_قوسارچایلی
¹- ترهوزین، مئیوهنین ان آخیردا دریلَنی
²- چالینان هاوانی تکرار ائتمک
#شعر_اوجاغی
@SheirOcagi | 66 | 1 | Loading... |
06 ▫️«هئچ بیر شئی یئر اوزونده قالارغی دئییل، عشقدن باشقا.»
بونا اینانماق ایستهییرم.
#روبر_دسنوس
#شعر_اوجاغی
@SheirOcagi | 166 | 4 | Loading... |
07 ▫️وارلی، ان اوجوز شئیلردن لذّت آپارا بیلندیر.
#هنری_دیوید
#شعر_اوجاغی
@SheirOcagi | 187 | 4 | Loading... |
08 دیالوق
▫️- اینسان آغلایاراق دونیایا گلیر، یئترینجه آغلادیقدان سونرا دا دونیادان کؤچور.
🎬 Chaos
2005 آمریکا
#تونی_گیگلیو
#شعر_اوجاغی
@SheirOcagi | 237 | 3 | Loading... |
09 ▫️اونون سیخینتیسی او قدر اوزون سوردو کی، یاخینلاری بو دوروما آلیشیب اونون چوخ عذابدا اولدوغونو اونوتدولار.
📚 خوشبخت اؤلوم
#آلبر_کامو
#شعر_اوجاغی
@SheirOcagi | 262 | 7 | Loading... |
10 ▫️عاغیللی ایشینه باخار، عاغیلسیز دیشینه.
#آتا_آنالار_سؤزو
@SheirOcagi
"سیز ده بیر اونودولموش آتا-آنا سؤزونو آرتیرین👇" | 255 | 2 | Loading... |
11 ▫️هر گئدن گلمیش، منیم اول غمگساریم گلمهمیش،
ای گؤزوم، قان آغلا کیم، چشمی خماریم گلمهمیش!
گئتمیش ایدی اختیاریم بیلهسینجه یاریمین،
چونکی یاریم گلمهمیش، هم اختیاریم گلمهمیش.
من بو درد ایله اگر اؤلسم، مزارا قویمایین،
اوستومه اول طوطیدیللی شوخ نگاریم گلمهمیش!
حسرتیندن زعفرانه دؤنسه رویوم، یوخ عجب،
قویموش هجراندا منی بیر گلعذاریم، گلمهمیش.
دئمهسین «واقف» اجل کیم گلسه مندن جان آلار!
کیمدیر اونا جان وئرن، فرمانِ یاریم گلمهمیش؟
#موللاپناه_واقف
#شعر_اوجاغی
@SheirOcagi | 258 | 6 | Loading... |
12 ▫️عشقدن اؤنجه
گونلردن بیر گون،
یا بازار ائرتهسی، یا آراگون،
سون قوروشوما قدر ایچهجهیم؛
یئنه خاطیریمه سن گلهجکسن،
اوتوروب آغلایاجاغام.
#اومید_یاشار_اوغوزجان
#شعر_اوجاغی
@SheirOcagi | 246 | 5 | Loading... |
13 ▫️آ بنؤوشهم منیم!
او نه بویلانیشدی، دولموسان یئنه،
آ بنؤوشهم منیم، سۆسَنیم منیم!؟
اؤزو بو دونیانی سئودیریب منه،
اؤزو بو دونیادان کۆسَنیم منیم!
گؤر بولاق درهیه نه دیل آچدیریب!
تنها داشلارا دا کؤنول آچدیریب.
حسرتی گؤزومده گول-گول آچدیریب،
غؤنچه دوداغینی بۆزَنیم منیم.
گئجهلر رنگ آلیر قارا تئلیندن،
قارا منسیزلیگی دارا تئلیندن!
دوشوب اورهییمه یارا تئلیندن،
تئل-تئل اورهییمی اۆزَنیم منیم!
درده ده تک دؤزور جانیم، جان کئچیب،
غوروبا ائنیرسن دانیمدان کئچیب.
اۆز-اۆزه گلنده یانیمدان کئچیب
منی یوخولاردا گزَنیم منیم!
ائه... بو دا بیر عشقین آیری داغلاری،
اوشویور کؤلگهسی آیلی چاغلارین.
دۆزۆب ظولوم-ظولوم آیریلیقلاری،
اوستونده مئه کیمی اسَنیم منیم،
آ بنؤوشهم منیم، سۆسنیم منیم!
#رامیز_قوسارچایلی
#شعر_اوجاغی
@SheirOcagi | 287 | 10 | Loading... |
14 ▫️آتا-آناسیز دوغولمادیم گؤبهلک کیمی.
گؤبهلک کیمی بؤیودوم، آما گؤبهلک کیمی تئز ییخیلمادیم. هر یئرده بیر شئه وار ایدی، ایچیمه چکدیم؛ منی سوواران کیمسه اولمادی.
بؤیودوم... اییده آغاجی کیمی، اَیری-اویرو، آز سویا راضی و آزربایجان کندلرینین اؤیرتمنی اولدوم. آتام دئییر: ایرانی ایرانلیلار آراسیندا بؤلسهیدیلر، سنین پایینا بوندان آرتیق دوشمزدی.
#صمد_بهرنگی
#شعر_اوجاغی
@SheirOcagi | 323 | 4 | Loading... |
15 ▫️بعضاً بونو قبول ائتمهیه مجبوروق: بعضی آداملار یالنیز اورهییمیزده قالا بیلرلر، حیاتیمیزدا دئییل.
#سیلویا_پلات
#شعر_اوجاغی
@SheirOcagi | 327 | 6 | Loading... |
16 ▫️آییل ای کارگر!
آییل، ائی کارگر، بسدیر، گوز آچ بیر خواب غفلتدن!
جهاندا مرحمت اومما بو قانوندان، بو دؤولتدن!
سارالدین گول کیمی، سولدون، ازیلدین، پایمال اولدون،
بوکولدو قامتین غمدن، قوجالدین درد و مؤحنتدن.
همیشه گؤزلرین گریان، سویوقدا آج-سوسوز، عوریان،
داش اولسا دیللنر اینسان، گلر جانه بو ذیلّتدن.
الین بوش، ائوده اؤولادین-عیالین هر شئیه حسرت،
سنی دیندیرسهلر دینمه، قیزار شرم و خجالتدن!
سنین سایهنده ظالیملر توتوب کاشانهده مسکن،
آلیر اؤز کامینی هر گون ملَکمنظر بیر آفتدن.
ایچر مئی، مست اولار دائیم، خیاباندا وورار وولتا،
قیزارمیش گؤزلری هردم شیشر افراطِ شهوتدن.
دئییلسن کیمسهدن اسکیک، دئمک اولماز بونا دیرلیک،
سنی آزاد ائدر «بیرلیک» بو زنجیرِ اسارتدن.
#محمد_بیریا
#شعر_اوجاغی
@SheirOcsgi | 496 | 18 | Loading... |
17 ▫️عشق ایدی او.
عشق ایدی او، دَییشدیرن بوتون گئجهلریمی.
عشق ایدی او، منی دوروب یئنیلهین.
او ایدی، دویغولو ائدن سرت اللریمی.
او ایدی، دؤرد نالا گئدیشیمه «دور!» دئین.
بیر بیچاغین کسکین اوزونده قان لکهسییدیم،
عشق ایدی یئنه منی یویوب آریدان سو.
بؤیله آغ، پاک اولاجاغیمی بیلیرمییدیم-
ایچیمده آچماسایدی او سئومک دویغوسو؟!
من بیر دوستاغام ایندی سئوگییه، کؤنوللو.
چؤزمهیین اللریمی، زنجیرلریم قالسین!
گؤرسون پرانقالاریم* او دوغاجاق گونو،
و بو دونیایا عشق دولو شعرلریم قالسین!
سنینله هر یئرده گؤزل، هر زامان یئنی،
ایستهمم... سنسیز خاطیرلاماسینلار منی!
#اومید_یاشار_اوغوزجان
* آغیر جزا وئریلمیش توتوقلولارین آیاقلارینا تاخیلان قالین زنجیر
#شعر_اوجاغی
@SheirOcagi | 264 | 3 | Loading... |
18 ▫️هئچ بیر ایلیشگی یالنیزلیغی آرادان آپارا بیلمز.
هر بیریمیز دونیادا یالنیزیق.
#اروین_یالوم
#شعر_اوجاغی
@SheirOcagi | 297 | 6 | Loading... |
19 #اطلاعیهی_ادبی
ادبای عزیز و سروران گرامی، اولین جلسه شعرخوانی و نقد شعر، #چهارشنبه ۴۰۳٫۲٫۱۲ راس ساعت: ۴:۰۰ بعد از ظهر در سالن اجتماعات ادارهی فرهنگ و ارشاد اسلامی برگزار خواهد شد.
حضور اساتید و دوستان مایه دلگرمی ماست.
لطفا اطلاعرسانی کنید.
روابط عمومی انجمن شعر و ادب استاد شهریار شهرستان پارساباد مغان
#شعر_مغان
@sher_mughan | 284 | 1 | Loading... |
20 ▫️چای کناریندا بیر نفر عابد،
حقّه اولموشدو شوق ایله ساجد.
گؤردو بیر کلّه سو اوزونده عیان،
آپاریر چای آشاغی سیلِ روان.
دوروب عابد او کلّهیه یئتدی،
کلّهنین حالینی سؤال ائتدی.
او قورو کلّه نیطقه گلدی روان،
دئدی: «ای عابدِ فرشتهنشان!
شاه ایدیم من جهاندا عزّت ایله،
روزگاریم کئچیردی شوکت ایله.
تاج ایله تخت و دولتیم وار ایدی،
گنج و زرّ و رعیّتیم وار ایدی.
هر طرف ایشلر ایدی فرمانیم،
خوش کئچردی همیشه دورانیم.
مجلسیمده مدام جامِ شراب،
ساقی و باده، چنگ و تار و رباب.
نئچه زرّینکمر غلاملاریم،
حاصل ایدی جهاندا کاملاریم.
مجلیسیم خُلد، باده کوثر ایدی،
هر مراد ایستهسم- میسّر ایدی.
ائیلهدی دهر عیشیمی برباد،
مرغِ روحه اجل اولوب صیّاد.
منزلیم تا که بیر مغاک اولدو،
بدنیم دؤندو تیره خاک اولدو.
قبریمی سیل هم فنا قیلدی،
منی بو حالا مبتلا قیلدی»...
«سیّد»ا، بیر دیاردیر بو فنا،
که برابردیر اوندا شاه و گدا!
#سیدعظیم_شیروانلی
#شعر_اوجاغی
@SheirOcagi | 288 | 5 | Loading... |
21 ▫️بیری بویوروق ائتمک اوچون دونیایا گلیب، بیری بویوروقلارا بویون اَیمک اوچون؛
منسه عوصیان ائتمک اوچون دونیایا گلمیشم.
#ارنستو_چگوارا
#شعر_اوجاغی
@SheirOcagi | 287 | 8 | Loading... |
22 ▫️سئون کیشینین ویجدانی، سئویلن قادینین قورویوجو ملهییدیر.
📚 گولن کیشی
#ویکتور_هوگو
#شعر_اوجاغی
@SheirOcagi | 294 | 5 | Loading... |
23 ▫️آغلاما!
آغلاییرسان، ایندی آغلا،
منی اؤلنده آغلاما!
قبریم اوسته گوللر سولوب-
خزان گلنده آغلاما!
سیخیلما یاس ساخلایاندا،
گئییب قارا باغلایاندا!
آغلا دوشمن آغلایاندا،
دوستلار گولنده آغلاما!
گؤزل داوران، گؤزل اینله،
داریلما درد گؤزَلینله!
گؤز یاشینی اؤز الینله،
اؤزگه سیلنده آغلاما!
اؤز طامی وار، اؤز تهَری،
اؤلوم عؤمروم سون بهَری.
گیزله گؤزوندن قهَری،
گؤزون بیلنده آغلاما!
آخشام شری، سحر دانی،
سنینله بؤلدوم هر آنی.
سونونجو دفعه دونیانی،
یاری بؤلنده آغلاما!
#رامیز_قوسارچایلی
#شعر_اوجاغی
@SheirOcagi | 337 | 8 | Loading... |
24 ▫️ایچینده داشیدیغین او اومید قیرینتیلاریندان باشقا، نه وار الینده؟!
📚 گؤزل ایتیردیک
#جانار_یامان
#شعر_اوجاغی
@SheirOcagi | 362 | 7 | Loading... |
25 ▫️۲۹ آپریل، #دونیا_رقص_گونودور.
بو پُستدا آزربایجان بلکه ده دونیا میلّتینین اناسکی رقصلریندن بیرینی تانیتدیریریق:
«یاللی رقص» آزربایجانین اناسکی فولکلور رقصلریندن بیریدیر.
بو ویدیودا گؤردویونوز داش، اورژینالی آزربایجانین «قوبوستان» بؤلگهسینده یئرلشن «قاوال داشی»نین، ماکئتی دیر. بو مکاندا «توپلو یاللی رقص داشیازماسی» واردیر. بو داشین اسکیلییینی ۱۵مین ایل اؤنجهیه عایید بیلیرلر. آرخئولوقلار، «قاوالداشی، رقص ائدنلره سس یاراتماق اوچون قوللانیلیرمیش» دئیه اینانیرلار. بالاجا داشلارلا بو بؤیوک داشا ضربه وورولاندا گورولتولو و درین بیر سس یارانیر.
یاللی رقصینین ایلکین و ان ساده شکلی، ایشیق و ایستی قایناغی اولان اود شؤعلهسینین اطرافیندا، شنلیک و مراسیم شکلینده اولارمیش. بئله بیر مراسیمده، تانریچایا دؤنوشن اودا تاپینارمیشلار. یاللی، آستا و آغیر باشلانیب قاچماغا بنزر یئگین آددیملارلا، سورعتله سونا چاتیر.
یاللی رقص، قالارغی بیر گلهنک اولاراق، آزربایجان میلّتی آدینا یونسکودا قئیده آلینمیشدیر. یاللی رقص بیرلیک، مینّتدارلیق، سئوینج و گوجدن بیر سیمگهدیر...
#شعر_اوجاغی
@SheirOcagi | 349 | 4 | Loading... |
26 🔹تحکییه ادبی درنهیی(457-جی جلسه)
🔹اوخوناجاق اثر: آتابهیین دفنی – خئیرالددین سولطان
🔹اؤزبک ادبییاتی
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 11 اردیبهشت ماه 1403
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو #خئیرالددین_سولطان #اؤزبک_نثری #حئکایه | 291 | 0 | Loading... |
27 ▫️ایمکانسیز عشق
فالچی قادین یالان سؤیلهییر، یالان:
«بیزی بیر-بیریمیز اوچون یاراتمیش تانریمیز.»
نئجه مومکون دئییلسه اولدوزلاری گؤیاوزوندن توپلاماق،
اؤیلهسینه ایمکانسیز بیر شئیدیر عشقیمیز.
قۇرۇدو کؤلگهسینده اوتوردوغوموز آغاجلار،
باغچالاردا سئودیگین چیچکلر قالمادی.
سادهجه خاطیرهلردهدیر ابدی اولان.
واز کئچه بیلمهدیگیمیز،
اونودا بیلمهدیگیمیز...
اونلار بئله، بیزه یار اولمادی.
اونوت مندن قالان نه وارسا!
اونوتماق یالنیزلیغین تسلّی'سیدیر.
گونشی بیر قدح شراب کیمی ایچیب-
دلیجهسینه سرخوش اولماق،
ان گؤزل طرفیدیر ایمکانسیزلیغین.
اومیدلریمیز فیرتینالی دنیزلر اورتاسیندا بیر لیماندا قاییقدیر ایندی.
دالغالار دونَنکیندن داها ظالیم،
کولک داها آجیماسیز.
نه بولود وار اوفوقلرده، نه گمی.
مؤوسوملر توز پمبه دئییل،
گوندوزلر گئجهدیر، گئجهلر زیندان.
گونشین چیخماسینی گؤزلهمک، بوشونا.
بوشونا آرتیق، مدد اومماق داش قلبلی زمانهدن.
اینان کی، قیریلمیش بیر آینا کیمی پارامپارچا، قیریق-تؤکوکدور عشقیمیز!
چارهسیزلیگیم، اومیدسیزلیگین ماهنیسی.
ماهنیلارین ان ایچلیسی، ان حوزونلوسودور
بؤیوک عشقیمیز.
#اومید_یاشار_اوغوزجان
#شعر_اوجاغی
SheirOcagi | 333 | 4 | Loading... |
28 ▫️بو یاز چیچکلمه، اریک آغاجیم!
نه گؤیَرت بو دردی، نه لکدن کئچیر،
سیلکهله، چالخالا، الکدن کئچیر!
داها گولدن کئچیب، چیچکدن کئچیب،
بو یاز چیچکلمه، اریک آغاجیم!
اویاتما، قوی یاتسین یاتان دردلری،
کؤز-کؤز اورهییمی چاتان دردلری.
گؤردوم چیچهیینی آتام، دردلرین!
بو یاز چیچکلمه، اریک آغاجیم!
بو درد قایا-قایا، داش-داش گوللنیر،
داش-قایا اوستونده ساواش گوللنیر،
یییهسیز یورد یئری یاواش گوللنیر،
بو یاز چیچکلمه، اریک آغاجیم!
#رامیز_قوسارچایلی
#شعر_اوجاغی
@SheirOcagi | 348 | 8 | Loading... |
29 ▫️سن اویونچوسان، لازیم اولاندا گؤز یاشلارینی شن قهقههلرله دییشه بیلیرسن.
📚 سؤیودلو آرخ
#الیاس_افندییئو
#شعر_اوجاغی
@SheirOcagi | 339 | 5 | Loading... |
30 ▫️او، منه باخیب گولومسهمهیی اؤیرنمیشدی، من ده اونا باخیب ناغیللارا اینانماغا باشلامیشدیم.
📚 ملَک
#قاراقان
#شعر_اوجاغی
@SheirOcagi | 349 | 6 | Loading... |
31 ▫️سئومک «موبالیغه صنعتی»دیر،
موبالیغه ائدین!
#عصمت_اؤزل
#شعر_اوجاغی
@SheirOcagi | 400 | 3 | Loading... |
32 ▫️اعتراف
سنی تانیدیغیم او ایلک گونلری،
یادیما سالاندا غوصّهلنیرم.
یالانچی باخیشا، ساختا سؤزلره،
نئجه آلدانمیشام، دونوب قالیرام!
حقیقی کیملیگین، معنویّتین،
کاش بللی اولایدی او واختلار منه!
سنینتک غورورسوز قادینلا بیرگه،
ایتیرمیش اولمازدیم هئچ بیر ثانیه.
ایندی وارلیغین دا بیر خیال کیمی،
اؤتور گؤزلریمدن، یادا دوشنده.
او کئچن گونلرین خاطیرهلری،
یانیب کوله دؤنموش غمده-کدرده.
بعضاً قلبیمدهکی صاف محبّتی،
دۇیماق ایستهییرم سانکی یئنیدن.
اؤتن ایللردهکی عولوی حیسلری،
گئرییه قایتارماق کئچیر کؤنلومدن.
او آن عقلیم ایله حیسلر آراسی،
بیر ساواش باشلاییر داخیلده، اینان!
قلبیم سنه دوغرو آددیملاسا دا،
سوورولور غضبله، کین چووغونوندان.
#علی_احمدوو
#شعر_اوجاغی
@SheirOcagi | 425 | 6 | Loading... |
33 ▫️دنیزه قارشی بیر اوتوراجاقدا،
چیینینه باشیمی سؤیکهییب-
سسیندن شعرلر دینلهمک کیمی،
اوشاقجا ایستکلریم اولدو.
باغیشلا!
#ناظیم_حیکمت
#شعر_اوجاغی
@SheirOcagi | 390 | 10 | Loading... |
34 ▫️دل عاشق اولوب زولفونه، سئودالارا دوشدو،
مجنون کیمی زنجیر ایله صحرالارا دوشدو.
تا جام'ه اوزون عکسی دوشوب، ای لبی مِیگون!
چوخ خامطمع غیر تمنّالارا دوشدو.
سرِّ دهنین سؤیلهدیلر رمز ایله مردم،
بو مبهم اولان نکته معمّالارا دوشدو.
زولفون ائلهدی خاطرِ عشّاقی نشیمن،
اول شکلِ چلیپا بو کلیسالارا دوشدو.
تا قطرهی نِیسان اولا دندانینه نسبت،
ال ابردن اوزدو، دلِ دریالارا دوشدو.
گه سرزنشِ خلق، گهی کینهی گردون،
عشقینده باشیم گؤر که نه غوغالارا دوشدو.
یاندیردی منی شعشعهی نورِ جمالین،
موسا کیمی «سیّد» بو تجلّالارا دوشدو.
#سیدعظیم_شیروانلی
🎙 یوسف انصاری
#شعر_اوجاغی
@SheirOcagi | 419 | 7 | Loading... |
35 .
▫️کئچمیش دیلکلرین آراسیندان بوشالمیشام،
ییرتیق-یاماقلی، آج-یالاواج یولدا قالمیشام.
آرتیق الیمدهدیر داها آغ تئللرین سایی،
تئز-تئز گتیرمهیین اۆزومه کی قوجالمیشام!
واللاه نهقدری آختاریرام گونده، بئینیمه-
گلمیر، قولومداکی گوجومو هاردا سالمیشام.
بیر کیمسهلردن آددامیشام، یولدا قویموشام،
نهم کیمسهسین آیاقلامیشام، هن؛ یاهالمیشام.
داغدان قاچیرلار اوستومه بیر کلمه کسمهدن،
بیلمم کی هانسینین نهیینی الدن آلمیشام.
بو شاعیری ایتلر یئتیریبدیر بو گؤرکمه،
زیندان قارانقولوقلاری قدری قارالمیشام.
بیر باخ؛ بو اؤلکهده خیاوانلار کیلیدلیدیر،
گؤر کیملرین موحاصرهسیندن دارالمیشام!
آنجاق یئریمدهیم، آما آرتیق یئریمدهیم،
هر یئرده اولموشام، وارام هاردان قوولموشام.
سئوگیم، نه گؤردون اویما، ائشیتدین اینانما کی،
عاصیلرین یولوندان آزیب عاقیل اولموشام!
ایللر بویوندا نه دالی چکدیم، نه قورخموشام،
یالنیز سیزین موجادیلهلردن یورولموشام.
#آتیلا_حاجیزاده
@Atilla_hacizade
@SheirOcagi | 340 | 3 | Loading... |
36 ▫️داغ کولهیی
قدَرده سندن آیری دوشمک ده وار ایمیش؛
دوغروسو بونو هئچ دوشونمهمیشدیم.
سنی تانیمادان،
هله سنی بؤیله دلی-دیوانه سئومهدن،
«یالنیزلیق گؤزلدیر» دئییردیم.
«آل باشینی قاچ بو شهردن!
اوفوقده بیر جیزگی کیمی گؤردویون داغلارا،
کولهیین یۏد قوخولارینی داشیدیغی دنیزلره گئت!
گئت، گئده بیلدیگین یئره گئت!» دئییردیم.
اویسا کی، سندن قاچیلمازمیش؛
یوخلوغونا بیر گون بئله دایانیلمازمیش، بیلمیردیم.
یئنه ده دایانماغا چالیشیرام ایشده،
گؤزلرینه بنزهین بیر چؤل چیچهیی قوپاریرام؛
کئچن بولودلارا سسلنیرم اللرین دئیه.
کولک گؤزل بیر قوخو گتیرمیشسه،
«ساچلارینی اوخشاییب گلمیشدیر» دئیهرک، اووونورام.
سنینله بیر باشقا زامانی یاشاماق،
بیر باشقا زاماندا سنی یاشاماق...
هر شئیدن اؤنجه سن،
البتّه سن،
موطلقا سن!
ایستر اوزاقلاردا اول،
ایستر یانیمدا دور!
سن اول یئتر کی بو زامان ایچینده.
من اولماسام دا اولار.
سنی بیر یوماغا ساریییرام ایللردیر، بیتمیرسن.
چارهسیزلیگیم گون کیمی آشیکار.
سو اولوب چئشمهلردن آخان گؤزللیگین،
اینجهلیگین اوزومه ووران ایشیق.
سن گونش قدر ایستی،
طبیعت قدر گئرچک.
سن باغچالاردا چیچکلر آچدیران،
سودان، هاوادان، گونَشدن بؤیوک وارلیق.
سن، ایچیمده او تک سئوگی،
سن، گؤره بیلدیگیم تک آیدینلیق.
بیر نفس ده منیم اوچون آل
هاواسیزلیقدان اؤلدورمه منی!
بولودلارا، اولدوزلارا منیم اوچون ده باخ!
«سوسادیم» دئییرمسه، بیر اودوم سو ایچمهلیسن!
من یورولدومسا، سن اویومالیسان!
اللریم سئویلمک ایستهییر،
ساچلاریم اوخشانماق ایستهییر،
دوداقلاریم اؤپولمک ایستهییر، آنلامالیسان!
آغاجلارین یاشیلی قالمادی،
گؤیاوزونون ماویسی یوخ.
بو داغلار، او داغلار دئییل،
کولهیینده ککلیکاوتو قوخوسو یوخ.
کیم بو چارهسیز آدام؟
بو قان چاناغی گؤزلر کیمین؟
نئچه گئجهدیر یوخوسو یوخ، گوندوزو یوخ،
گئجهسی یوخ،
یوخ،
یوخ!
آنلادیم:
سنسیز یاشانماز بو دونیادا،
ایمکانی یوخ!
#اومید_یاشار_اوغوزجان
#شعر_اوجاغی
@SheirOcagi | 350 | 3 | Loading... |
37 ▫️دل عاشق اولوب زولفونه، سودالارا دوشدو،
مجنون کیمی زنجیر ایله صحرالارا دوشدو.
تا جام'ه اوزون عکسی دوشوب، ای لبی مِیگون!
چوخ خامطمع غیر تمنّالارا دوشدو.
سرِّ دهنین سؤیلهدیلر رمز ایله مردم،
بو مبهم اولان نکته معمّالارا دوشدو.
زولفون ائلهدی خاطرِ عشّاقی نشیمن،
اول شکلِ چلیپا بو کلیسالارا دوشدو.
تا قطرهی نِیسان اولا دندانینه نسبت،
ال ابردن اوزدو، دلِ دریالارا دوشدو.
گه سرزنشِ خلق، گهی کینهی گردون،
عشقینده باشیم، گؤر که نه غوغالارا دوشدو!
یاندیردی منی شعشعهی نورِ جمالین،
موسا کیمی «سیّد» بو تجلّالارا دوشدو.
#سیدعظیم_شیروانلی
🎙 یوسف انصاری
#شعر_اوجاغی
@SheirOcagi | 208 | 5 | Loading... |
38 ▫️دل عاشق اولوب زولفونه، سودالارا دوشدو،
مجنون کیمی زنجیر ایله صحرالارا دوشدو.
تا جام'ه اوزون عکسی دوشوب، ای لبی مِیگون!
چوخ خامطمع غیر تمنّالارا دوشدو.
سرِّ دهنین سؤیلهدیلر رمز ایله مردم،
بو مبهم اولان نکته معمّالارا دوشدو.
زولفون ائلهدی خاطرِ عشّاقی نشیمن،
اول شکلِ چلیپا بو کلیسالارا دوشدو.
تا قطرهی نِیسان اولا دندانینه نسبت،
ال ابردن اوزدو، دلِ دریالارا دوشدو.
گه سرزنشِ خلق، گهی کینهی گردون
عشقینده باشیم، گؤر که نه غوغالارا دوشدو.
یاندیردی منی شعشعهی نورِ جمالین،
موسا کیمی «سیّد» بو تجلّالارا دوشدو.
#سیدعظیم_شیروانلی
🎙 یوسف انصاری
#شعر_اوجاغی
@SheirOcagi | 9 | 0 | Loading... |
39 ▫️هر دؤورده و هر یئرده خالق کۆتلهلری صبرلی اولماغا مجبور ائدیلیب. چتینلیکلره دؤزمک ائله بیل خالقین آلنینا یازیلیب.
📚 آغ زانباقلار اؤلکهسی
#گریگوری_پئتروو
#شعر_اوجاغی
@SheirOcagi | 441 | 2 | Loading... |
40 ▫️قوجالدیر اینسانی؛ قوجالدیر زامان
اورهیین آتشی، کؤزو قوجالمیر.
داغلاری_داشلاری قوجالدان زامان،
بیلمیرم بس نَدَن اؤزو قوجالمیر.
کئچدی باهاریمیز؛ یای، قیشا قالدی
داغلار قارا قالدی، یاغیشا قالدی
بیزیمکی بیر قورو باخیشا قالدی
نئیلهییم؛ آرزونون گؤزو قوجالمیر.
"بختیار"! دوشونَک بیز درین-درین
آرزولار مؤحتشم، دویغولار شیرین
اصیل صنعتکارین، اصیل شاعیرین،
اؤزو قوجالسا دا، سؤزو قوجالمیر.
#بختیار_واهابزاده
@SheirOcagi | 464 | 20 | Loading... |
▫️آنلایانا هئچ بیر آچیقلاما گرَکمز، آنلامایانا هر آچیقلاما آرتیقدیر.
#علی_شریعتی
#شعر_اوجاغی
@SheirOcagi
👍 5❤ 1
Mostrar todo...
|شعر اوجاغی|
Boost this channel to help it unlock additional features.
👍 1
▫️آجیلار دنیزی
من آجیلار دنیزینده بوغولموشام،
ائشیتمهرم گمی فیتلرینی، قاغایی چیغلیقلارینی.
دالغالار هر گون بیر باشقا قییییا آتار منی،
آنلارام یوسونلارین منیم اوچون آغلادیقلارینی.
اؤلویَم چوخدان، بیر باخسانا گؤزلریمه!
گؤر ایچیندهکی او قانلی شوشه قیریقلارینی!
بو نه قارانلیق، بو نه زیندان گئجه بؤیله!
بوتون گمیلر سؤندورموش ایشیقلارینی.
من آجیلار دنیزی اولموشام، یاخینلاشما!
سولاریم دوزلو، سولاریم ایلان زهری.
باخسانا، هر کس ایچیمه تؤکموش آرتیقلارینی!
بو قارانلیق بیتسه آرتیق، بیر آی دوغسا!
بیر دلی کولک قوپسا،
آلیب گؤتورسه ایللرین ایچیمده بوراخدیقلارینی!
#اومید_یاشار_اوغوزجان
#شعر_اوجاغی
@SheirOcagi
❤ 1
Photo unavailableShow in Telegram
▫️بئلهجه اونلار حیاتین آجی گئرچکلری ایله باریشیب شیرین یالانلارلا دولو خیاللار قورماغا داوام ائدیردیلر.
📚 بیر میلیون دولاریم اولسایدی...
#قاراقان
#شعر_اوجاغی
@SheirOcagi
👍 2
▫️وَ
و بو آغ قارالار،
و قارا آغلار...
و بو آغ اۇرالار،¹
و قارا تاغلار...
و بو آغ سرچهلر،
و قارا داملار...
و بو آغ گئجهلر،
و قارا شاملار...
و بو آغ هالهلر،
و قارا اوتلار...
و بو آغ نالهلر،
و قارا نوتلار...
و بو آغ دورنالار،
و قارا گؤیلر...
و بو آغ زورنالار،
و قارا زۆیلر²...
و بو آغ قویونلار،
و قارا باغلار...
و بو آغ اویونلار،
و قاراباغلار...
و بو آغ مامیرلار،
و قارا داشلار...
و بو آغ چادیرلار،
و قارا قیشلار...
و بو آغ بازارلار،
و قارا غوللار...
و بو آغ مزارلار،
و قارا دۇللار...
و بو آغ تالانلار،
و قارا ایزلر...
و بو آغ یالانلار،
و قارا اۆزلر...
و بو آغ قانونلار،
و قارا گوجلر...
و بو آغ نادانلار،
و قارا بیجلر...
و بو آغ قضالار،
و قارا قوتو...
و بو آغ فضالار،
و قارا لۏتو...
و بو آغ ریاست،
و قارا کۆتله...
و بو آغ سیاست،
و قارا کۆتلر...
و بو آغ آشاغیلار،
و قارا اتک...
و بو آغ اوشاقلار،
و قارا چؤرک...
و بو آغ اولدوزلار،
و قارا سئییر...
و بو آغ کاغیذلار،
و قارا شئعیر...
#رامیز_قوسارچایلی
¹- ترهوزین، مئیوهنین ان آخیردا دریلَنی
²- چالینان هاوانی تکرار ائتمک
#شعر_اوجاغی
@SheirOcagi
▫️«هئچ بیر شئی یئر اوزونده قالارغی دئییل، عشقدن باشقا.»
بونا اینانماق ایستهییرم.
#روبر_دسنوس
#شعر_اوجاغی
@SheirOcagi
👏 5
▫️وارلی، ان اوجوز شئیلردن لذّت آپارا بیلندیر.
#هنری_دیوید
#شعر_اوجاغی
@SheirOcagi
👏 8👍 1
Photo unavailableShow in Telegram
دیالوق
▫️- اینسان آغلایاراق دونیایا گلیر، یئترینجه آغلادیقدان سونرا دا دونیادان کؤچور.
🎬 Chaos
2005 آمریکا
#تونی_گیگلیو
#شعر_اوجاغی
@SheirOcagi
👍 10❤ 1
▫️اونون سیخینتیسی او قدر اوزون سوردو کی، یاخینلاری بو دوروما آلیشیب اونون چوخ عذابدا اولدوغونو اونوتدولار.
📚 خوشبخت اؤلوم
#آلبر_کامو
#شعر_اوجاغی
@SheirOcagi
😢 3🔥 1
▫️عاغیللی ایشینه باخار، عاغیلسیز دیشینه.
#آتا_آنالار_سؤزو
@SheirOcagi
"سیز ده بیر اونودولموش آتا-آنا سؤزونو آرتیرین👇"
👍 1