Uzdiplomat | Расмий канал

🔴Ўзбекистонда ота-оналар учун наркотестлар маҳаллий ишлаб чиқарилмоқда ✔️Тестлар дастлаб дорихоналарда сотилиши режалаштирилган, ҳозир эса клиник синов ва рўйхатдан ўтиш жараёни давом этмоқда. Президент ҳузуридаги Наркотиклар ва ўқотар қуролларни назорат қилиш агентлиги Ўзбекистонда наркотик ва психотроп моддаларни аниқловчи экспресс тестлар маҳаллий ишлаб чиқарилаётганини маълум қилди. Маълум қилинишича, Президент фармонининг 7-боби 25-бандига мувофиқ, агар ота-оналар фарзандида гиёҳванд моддалар истеъмол қилаётганига гумон қилса, улар ихтиёрий равишда текширув ўтказиши учун шарт-шароит яратилиши белгиланган. Шу мақсадда Соғлиқни сақлаш вазирлиги ва Наркотиклар ва ўқотар қуролларни назорат қилиш агентлиги Намангандаги «Novotest» корхонаси билан ҳамкорликда маҳаллий экспресс тестларни ишлаб чиқди. Таъкидланишича, тестлар сўлак ёки сийдик намунаси орқали энг кўп учрайдиган 18 турдаги наркотик ва психотроп моддани тезкор аниқлаш имконини беради. Улардан дастлабки текширув учун фойдаланилади ва келажакда дорихоналар орқали сотувга чиқарилиши режалаштирилган. Агар модданинг аниқ миқдори ёки суд-экспертиза учун расмий хулоса талаб этилса, намуналар алоҳида лабораторияларда хроматографик ва спектрофотометрик усуллар орқали чуқур таҳлил қилинади. Ҳозирда тестлар тажриба тариқасида ишлаб чиқарилган. Зарур хомашёлар хориждан келтирилган бўлиб, маҳсулот Соғлиқни сақлаш вазирлиги ҳузуридаги Фармацевтика маҳсулотлари хавфсизлиги марказига давлат рўйхатидан ўтказиш учун тақдим этилган. Айни пайтда маҳсулот клиник синов босқичида. Мутахассисларнинг таъкидлашича, синовлар муваффақиятли якунланиб, давлат рўйхатидан ўтгач, тестларни оммавий ишлаб чиқариш ва аҳоли учун сотувга чиқаришга рухсат берилади. Telegram | Instagram | You Tube | Facebook | X

🔴Марказий Осиё давлатларининг умумий давлат қарзи 140 млрд доллардан ошди - ExpressAsia ✔️Ушбу сумманинг асосий қисми Қозоғистон ва Ўзбекистон ҳиссасига тўғри келади Икки мамлакатнинг жами давлат қарзи қарийб 123,5 млрд долларни ташкил этмоқда, деб ёзмоқда ExpressAsia. Қозоғистон минтақадаги энг йирик қарздор давлат бўлиб қолмоқда. 2026 йил 1 апрель ҳолатига кўра, мамлакат давлат қарзи 76,5 млрд долларга етган. Бу ўтган йилга нисбатан 21 фоизга кўп. Қарзнинг 56,4 млрд доллари ёки 74 фоизи ички қарз, қолган қисми эса ташқи мажбуриятлар — еврооблигациялар ва халқаро молия институтлари кредитлари ҳиссасига тўғри келади. Давлат қарзининг ЯИМга нисбати 23 фоиз атрофида баҳоланмоқда. Ўзбекистоннинг давлат қарзи 47 млрд долларга етган. Бир йилда қарз ҳажми 4,4 млрд долларга ошган. Мажбуриятларнинг асосий қисми — 39,8 млрд доллари ёки 85 фоизи ташқи қарз ҳисобланади. Ўзбекистоннинг энг йирик кредиторлари Жаҳон банки — 9,04 млрд доллар ва Осиё тараққиёт банки — 8,3 млрд доллар. Мамлакат давлат қарзининг ЯИМга нисбати 26,6 фоизни ташкил этмоқда. Қирғизистонда давлат қарзи 9,8 млрд долларга етган. Бу ўтган йилга нисбатан 47 фоизга кўп. Шундан 5,2 млрд доллари ташқи, 4,6 млрд доллари ички қарз ҳисобланади. Давлат қарзининг ЯИМга нисбати 39,5 фоизга яқинлашган. Бу Марказий Осиё мамлакатлари орасида энг юқори кўрсаткичдир. Тожикистонда давлат қарзи 3,5 млрд доллар атрофида баҳоланмоқда. Унинг қарийб 3 млрд доллари ташқи қарзлар ҳиссасига тўғри келади. Мамлакатнинг энг йирик кредиторларидан бири Хитойнинг Экспорт-импорт банки бўлиб, ундан қарздорлик тахминан 700 млн долларни ташкил этади. Тожикистон давлат қарзи ЯИМнинг қарийб 25 фоизига тенг. Туркманистонда эса қарз юки минтақада энг паст даражада қолмоқда. Халқаро баҳолашларга кўра, мамлакат давлат қарзи тахминан 4 млрд доллар ёки ЯИМнинг 5,2 фоизини ташкил этади. Осиё тараққиёт банки прогнозларига кўра, 2027 йил охирига бориб бу кўрсаткич 3,3 фоизгача пасайиши мумкин. Telegram | Instagram | You Tube | Facebook | X

📄uzdiplomat иқтибоси: 🖍 “Ҳукумат ўзини хавфсиз ҳисоблагандагина сўз эркинлиги мавжуд бўла олади» Бертран Рассел, Британиялик файласуф (1872-1970) Telegram | Instagram | You Tube | Facebook | X

🔴Шавкат Мирзиёев Дональд Трампни табриклаб, декабрда учрашишларини билдирди Ўзбекистон Президенти Шавкат Мирзиёев АҚШ Президенти Дональд Трампни Америка Қўшма Штатлари Мустақиллик куни ҳамда мамлакат мустақиллигининг 250 йиллиги муносабати билан табриклади. Президент матбуот хизмати маълумотига кўра, табрик мактубида Ўзбекистон ва АҚШ ўртасидаги муносабатлар ўзаро ҳурмат, ишонч ва стратегик шериклик руҳида изчил ривожланаётгани қайд этилган. Давлат раҳбари икки мамлакат ўртасидаги ҳамкорликни савдо-иқтисодий алоқалар, инвестициялар, муҳим минерал ресурслар, инновациялар ҳамда хавфсизлик каби устувор йўналишларда янада кенгайтириш муҳимлигини таъкидлаган. Шунингдек, Шавкат Мирзиёев жорий йилнинг декабрь ойида АҚШнинг Майами шаҳрида ўтказилиши режалаштирилган «Катта йигирмалик» (G20) саммити доирасида Дональд Трамп билан учрашувни интиқлик билан кутаётганини билдирган. Мактуб якунида Ўзбекистон Президенти Дональд Трампга мустаҳкам соғлиқ, фаолиятида улкан муваффақиятлар, Америка халқига эса тинчлик, фаровонлик ва равнақ тилаган. Эслатма, 2025 йилнинг декабрь ойида Трамп ўзининг Truth Social платформасида Шавкат Мирзиёев ва Қосим-Жомарт Тоқаевни 2026 йил Майамида бўлиб ўтадиган G20 саммитга меҳмон сифатида таклиф қилганини маълум қилган эди. Telegram | Instagram | You Tube | Facebook | X

Ўзбекистон паспорти Global Passport Index 2026 рейтингида 123-ўринни эгаллади Global Citizen Solutions компанияси эълон қилган Global Passport Index 2026 рейтингида Ўзбекистон паспорти дунё бўйича 123-ўринни эгаллади. Рейтингда паспортлар фақат визасиз сафар имконияти бўйича эмас, балки фуқароликнинг кенгроқ имкониятлари — халқаро мобиллик, инвестициявий жозибадорлик ва ҳаёт сифати мезонлари асосида ҳам баҳоланган. Маълумотга кўра, Ўзбекистон паспорти 30 та давлатга визасиз кириш имконини беради. Ўзбекистон фуқаролари Хитой, Андорра, Беларус, Бирлашган Араб Амирликлари, Антигуа ва Барбуда, Арманистон, Озарбайжон ва Барбадос каби давлатларга визасиз ёки виза борган жойида расмийлаштириладиган тартибда сафар қилиши мумкин. Шу билан бирга, Ўзбекистон паспорти эгалари 93 га яқин йўналиш бўйича олдиндан виза олиши талаб этилади. Улар қаторига АҚШ, Буюк Британия, Германия, Франция, Япония, Афғонистон ва Ангола каби давлатлар киради. Марказий Осиё давлатлари орасида энг юқори кўрсаткич Қозоғистонга тегишли — у 109-ўринда. Кейинги ўринларда Ўзбекистон — 123-ўрин, Қирғизистон — 127-ўрин, Тожикистон — 140-ўрин, Туркманистон — 144-ўринда қайд этилган. Рейтингда биринчи ўринни Швеция эгаллаган. Кейинги ўринларда Швейцария, Финляндия, Германия ва Нидерландия жойлашган. Энг қуйи поғоналарда эса Афғонистон, Сомали, Жанубий Судан, Яман ва Сурия қайд этилган. Telegram | Instagram | You Tube | Facebook | X

🔴«Биз Беҳзод Мусаев айтган “мрамор гўшт”ни кўрмаганмиз» ✔️ Бир тизимда ишлаган амалдорлар ички сирларни очмоқда: асосий жабрдийда эса оддий одамлар... ✔️«Имтиҳондан ўтдик, 10 минг доллар бердик, лекин Кореяга кетмадик» — фуқаролар Uzdiplomat’га мурожаат қилди. ✔️Имтиҳонни ҳамма топширади, нега яхши балл олганларни ҳам йиллаб навбати келмайди? 🎥 Батафсил видео Бир гуруҳ фуқаро Uzdiplomat таҳририятига мурожаат қилиб, Жанубий Кореяга ишга юбориш жараёнларида шаффофлик таъминланмаганини даъво қилди. Уларнинг айтишича, минглаб номзодлар корейс тили ва касбий имтиҳонлардан муваффақиятли ўтган бўлса-да, икки йилдан буён Кореяга ишга юборилмаган. Мурожаатчиларнинг таъкидлашича, ишга юборилган фуқаролар рўйхати очиқланмаётгани кўплаб саволларни келтириб чиқармоқда. «Имтиҳондан ўтган 15 мингга яқин одам ҳали ҳам кутиб турибди. Аммо Кореяга кетганлар кимлиги ҳақида очиқ маълумот берилмаяпти», — дейди мурожаатчилардан бири. Айрим фуқаролар эса базага киритиш ёки ишга юбориш ваъдаси билан ўзларидан 10 минг АҚШ доллари талаб қилинганини иддао қилди. Улар бу маблағни оиласи ҳисобидан топганини, аммо натижада Кореяга кетолмаганини айтмоқда. «Биз “мрамор гўшт”ни кўрмаганмиз. Болаларимиз ризқидан қисиб пул топдик. Имтиҳондан ҳам ўз кучимиз билан ўтдик. Аммо ҳалигача навбатимиз келмади», — дейди улар. Фуқаролар миграция тизимидаги аввалги давр учун масъулият масаласини ҳам кўтармоқда. «Аввалги йиллар учун “жавобгар эмасман” дейишяпти. Лекин ўша вақтда ҳам Беҳзод Мусаев агентлик фаолиятини мувофиқлаштирган вазирлик раҳбари эди. Шунинг учун бу саволларга ҳам жавоб берилиши керак», — дейди мурожаатчилардан яна бири. Батафсил ўқиш Telegram | Instagram | You Tube | Facebook | X

Самарқандда Зарафшон дарёси янги темир йўлнинг бир қисмини ювиб кетди Самарқанд вилояти Тойлоқ тумани Дўстлик МФЙ ҳудудида “Самарқанд — Ургут” темир йўл линиясининг бир қисми сув таъсирида шикастланди. Ҳодиса 2026 йил 3 июль куни содир бўлган. Бизга юртдошларимиз жўнатган видеоларда темир йўл излари остидаги тупроқ сув оқими натижасида ювилиб кетгани, рельслар эса таянчсиз ҳолатда қолгани кўринади. “Ўзбекистон темир йўллари” АЖ изоҳига кўра, бунга сўнгги кунларда Ўзбекистон ва Тожикистоннинг тоғли ҳудудларида кузатилган кучли ёғингарчилик сабаб бўлган. Натижада Зарафшон дарёсида сув сарфи меъёрдаги 80–100 м³/с ўрнига 300 м³/с гача ошган. Дарё ўзани темир йўлга яқин ҳудудларда 30–40 метргача кенгайиб, қирғоқ бўйидаги инфратузилмага зарар етказган. Компания бундай гидрологик ҳолат сўнгги 20 йилда кузатилмаганини билдирган. Айни пайтда ҳудудда дарё қирғоқларини харсангтошлар билан мустаҳкамлаш ишлари олиб борилмоқда. Расмий маълумотга кўра, жараёнга 15 та махсус техника жалб қилинган, 30 та думпкар вагон орқали харсанг тошлар етказилган, қурилиш материаллари ортилган яна 130 та думпкар вагон ҳудудга йўналтирилган. Маълумот учун, “Самарқанд — Ургут” темир йўл линияси 2025 йил охирида фойдаланишга топширилган. Линиянинг умумий узунлиги 55 километр бўлиб, лойиҳа доирасида вокзаллар, юк станциялари ва кўприклар қурилган. Аввалроқ ушбу йўналиш йилига 359 минг йўловчи ва 8,2 миллион тонна юк ташиш имконини бериши айтилган эди. Telegram | Instagram | You Tube | Facebook | X

📄uzdiplomat иқтибоси: 🖍 “Виждон ўлар экан, демак, руҳимиз маънавий қуввати сўнади. Шунинг баробарида фикримизга қувват берувчи манба ҳам йўқолади. Мен буни ақлдан озиш деб тушунаман. Ақлдан озган кимсагина ҳаром билан ҳалолнинг фарқига бормайди. Бўғзигача, ҳатто нафаси қайтиб, жони чиққунича ҳаром ботқоғига ботаверади. Буларни шунчаки «ноҳалол одам» дейилишига қаршиман. Аввало булар «одам» деган унвонга нолойиқ. Иккинчидан, ўзбек тилида «ноҳалол»га нисбатан жуда тўғри топиб айтилган «ҳаромхўр» деган ибора бор. Бунақаларни баралла «ҳаромхўр» деявериш керак». Тоҳир Малик, Ўзбекистон Халқ ёзувчиси Telegram | Instagram | You Tube | Facebook | X

«Бу биз учун муҳим келишув» — Грузия Бош вазири Ўзбекистон билан стратегик шериклик ҳақида Президент Шавкат Мирзиёевнинг Грузияга давлат ташрифи якунланди. Грузия Бош вазири Ираклий Кобахидзе давлат раҳбарини аэропортда кузатиш вақтида журналист Жаҳонгир Олимовга интервью берар экан, ташриф натижаларини юқори баҳолади. “Дунёда раҳбарлар танқислиги бор, аммо Ўзбекистонда буюк бир етакчи бор. У Ўзбекистонни ривожлантиришга тўлиқ ўзини бағишлаган раҳбар”, — деди Грузия Бош вазири журналистнинг саволига жавобан. Ташрифнинг энг муҳим натижаси — Ўзбекистон ва Грузия муносабатлари стратегик шериклик даражасига кўтарилгани бўлди. Музокаралар якунида Шавкат Мирзиёев ва Ираклий Кобахидзе Стратегик шериклик муносабатларини ўрнатиш тўғрисидаги декларацияни имзолади. Президент матбуот хизмати маълумотига кўра, музокаралар якунида декларациядан ташқари 14 та икки томонлама ҳужжат алмашилди. Улар божхона, рақамлаштириш, таълим, фан ва инновациялар, иқтисодиёт ва молия, қишлоқ хўжалиги, атроф-муҳит, соғлиқни сақлаш, ядровий хавфсизлик, меҳнат миграцияси, туризм ҳамда мажбурий ижро соҳаларини қамраб олган. Telegram | Instagram | You Tube | Facebook | X

🔴 Жаҳон банки Ўзбекистонда хусусий секторни ривожланишига тўсқинлик қилаётган муаммоларни очиқлади Жаҳон банки гуруҳи Ўзбекистон бўйича Country Private Sector Diagnostic (CPSD) — мамлакат хусусий сектори ва инвестиция муҳитини баҳоловчи таҳлил натижаларини эълон қилди. Ҳисобот инвестор ва тадбиркор нуқтаи назаридан тайёрланган бўлиб, хусусий инвестициялар учун мавжуд имкониятлар ҳамда уларни чеклаб турган асосий муаммоларни таҳлил қилади. Ҳисоботда қайд этилишича, 2017 йилдан буён амалга оширилган иқтисодий ислоҳотлар — валюта ва савдо либераллашуви, солиқ тизими ислоҳоти, хусусийлаштириш жараёнлари ҳамда виза тартибининг соддалаштирилиши иқтисодий ўсиш учун муҳим асос яратган. Бироқ Жаҳон банкига кўра, хусусий секторнинг иқтисодиётдаги ролини янада кучайтириш учун қўшимча таркибий ислоҳотлар талаб этилади. Таҳлилга кўра, давлат корхоналари ҳали ҳам мамлакат ялпи ички маҳсулотининг 30 фоиздан ортиғини ташкил этади ва энергетика, транспорт ҳамда металлургия каби муҳим тармоқларда устун мавқени сақлаб қолмоқда. Шунингдек, тадбиркорлар юқори солиқ юки, молиялаштириш имкониятларининг чеклангани ва малакали кадрлар етишмаслигини бизнес ривожланишидаги асосий тўсиқлар сифатида баҳолаган. Ҳисоботда хусусий инвестициялар учун энг юқори салоҳиятга эга учта йўналиш ажратиб кўрсатилган. Булар — логистика (автомобиль юк ташиш ва омборлар), туризм ҳамда фармацевтика соҳаларидир. Шунингдек, Жаҳон банки Ўзбекистоннинг Жаҳон савдо ташкилотига (ЖСТ) аъзо бўлиши хусусий инвестицияларни рағбатлантириш, меъёрий базани халқаро талабларга яқинлаштириш ва инвесторлар ишончини оширишда муҳим омил бўлиши мумкинлигини таъкидлаган. Батафсил Telegram | Instagram | You Tube | Facebook | X

🔴Янги элчихона, Тбилисида Алишер Навоий боғи ва янги логистика йўналишлари... ✔️Грузия Ўзбекистоннинг стратегик шериклари рўйхатига қўшилган 18-давлат бўлди. Ўзбекистон Президенти Шавкат Мирзиёевнинг Грузияга давлат ташрифи доирасида икки мамлакат муносабатларини янги босқичга олиб чиқувчи қатор келишувларга эришилди. Асосий натижалар: — Ўзбекистон ва Грузия муносабатлари стратегик шериклик даражасига кўтарилди. Шавкат Мирзиёев ва Грузия Бош вазири Ираклий Кобахидзе Стратегик шериклик муносабатларини ўрнатиш тўғрисидаги декларацияни имзолади; — икки мамлакат ўртасидаги товар айирбошлаш ҳажмини яқин йилларда 1 миллиард долларга етказиш бўйича келишувга эришилди. Ўтган йили савдо ҳажми 270 миллион доллар, жорий йил бошидан буён эса 100 миллион доллардан ортиқни ташкил этган; — савдодаги номутаносибликни бартараф этиш ва талаб юқори маҳсулотлар етказиб беришни кўпайтириш учун “йўл харитаси” қабул қилинади; — Ўзбекистон юкларини ташишда Поти ва Батуми портлари инфратузилмасидан фаол фойдаланиш масаласига алоҳида эътибор қаратилди; — Грузияда логистика хаби, унинг таркибида саноат зонаси ва Ўзбекистон маҳсулотлари учун шоурум ташкил этиш режалари қўллаб-қувватланди; — “Боку — Тбилиси — Карс” темир йўлини қурилаётган “Хитой — Қирғизистон — Ўзбекистон” темир йўл магистрали билан боғлаш масаласини ўрганиш таклиф этилди; — саноат кооперацияси устувор йўналиш сифатида белгиланди. Қўшма бизнес форуми якунида 2027 йилгача мўлжалланган Кооперация дастури имзоланди; — қишлоқ хўжалиги, энергетика, электротехника, фармацевтика, озиқ-овқат ва енгил саноат, қурилиш материаллари, IT, рақамли банк ва туризм соҳаларида янги лойиҳаларни амалга ошириш бўйича келишувларга эришилди; — қўшма лойиҳаларни молиялаштириш учун Ўзбекистон — Грузия Инвестиция жамғармасини ташкил этиш таклиф қилинди; — Ўзбекистоннинг Грузиядаги элчихонасини таъсис этиш тўғрисида қарор қабул қилинди; — ташриф доирасида божхона, рақамлаштириш, таълим, фан ва инновациялар, қишлоқ хўжалиги, соғлиқни сақлаш, туризм, меҳнат миграцияси, атроф-муҳит, ядровий хавфсизлик ва мажбурий ижро соҳаларида қатор битим ва меморандумлар алмашилди; — Тбилисидаги боғлардан бирига Алишер Навоий номи берилади; — жорий йилда Ўзбекистонда қўшма таълим ва туризм форумларини ўтказиш режалаштирилди; — музокараларда эришилган келишувлар ижроси бўйича қўшма “йўл харитаси” тайёрланади. Telegram | Instagram | You Tube | Facebook | X

🔴 “Ҳокимлик ва тадбиркор ўртасидаги қурилиш можаролари 20 август Президент йиғилишида ҳам кўтарилади” Даврон Ваҳобов Қурилиш соҳасида рухсат бериш тартиблари қисқартирилганига қарамай, ҳокимликлар ва тадбиркорлар ўртасидаги келишмовчиликлар ҳамон давом этмоқда. Бу ҳақда Ўзбекистон Савдо-саноат палатаси раиси Даврон Ваҳобов Uzdiplomat мухбирига маълум қилди. Унинг айтишича, тадбиркорлар инвестиция тўловларини амалга оширган бўлса-да, шартномада назарда тутилган ташқи инфратузилма ва бошқа зарур рухсатномаларнинг ўз вақтида таъминланмаётганидан норози. «Пул олинганми, демак хизмат ҳам тўлиқ кўрсатилиши керак. Тадбиркор ерни олгач, барча рухсат ва ташқи инфратузилма тайёр бўлишини хоҳлаяпти», — деди Ваҳобов. Аввалроқ, қурилиш ва уй-жой коммунал хўжалиги вазири Шерзод Ҳидоятов қурилиш соҳасида бюрократик тўсиқларни камайтириш мақсадида рухсат бериш жараёни сезиларли даражада соддалаштирилганини маълум қилган эди. Унга кўра, қурилиш учун талаб қилинадиган келишувлар сони 27 тадан 11 тага қисқартирилган, Миллий гвардия эса мазкур жараёндан чиқарилган. Шунингдек, қатор идоралар мажбурий келишувлар рўйхатидан олиб ташланиб, жараён тўлиқ рақамлаштирилган. Бироқ, Савдо-саноат палатаси раиси Даврон Ваҳобовнинг таъкидлашича, амалий муаммолар ҳали ҳам сақланиб қолмоқда. Палата раиси мазкур муаммо 20 август куни Президент иштирокида ўтказилиши режалаштирилган йиғилишда ҳам муҳокама қилиниши ва тадбиркорлар кўтараётган масалалар давлат раҳбарига етказилишини маълум қилди. Telegram |Instagram |  You Tube | Facebook | X

🔴Навоийда масъуллар тил бириктириб 34,8 млрд сўмлик “кешбэк”ни ўзлаштирди ✔️105 524 нафар фуқаро номига “Soliq Mobile” иловаси орқали “кешбэк” ҳисоблаганларнинг 13 таси МЧЖ вакили, бошқалар ким эканлигига аниқлик киритилмаган Навоий шаҳрида сохта электрон ҳисоб-фактуралар орқали давлат бюджети маблағларини “кешбэк” сифатида ўзлаштириш ҳолати фош этилди. Бош прокуратура ҳузуридаги Департаментнинг Навоий шаҳри бўлими томонидан ўтказилган терговга қадар текширувда 13 та МЧЖ масъуллари ва бошқа шахслар ўзаро тил бириктиргани аниқланган. Хабарда бошқалар қайси тармоқ ходимлари эканлигига аниқлик киритилмаган. Маълум қилинишича, улар 4,5 трлн сўмлик маҳсулотлар етказиб берилгандек қилиб сохта электрон ҳисоб-фактуралар расмийлаштирган. Кейин гўёки ушбу савдолардан тушган маблағлар назорат-касса машиналари орқали кирим қилингани ва маҳсулотлар фуқароларга сотилгани ҳақида харид чеклари чиқарилган. Шу йўл билан 105 524 нафар фуқаро номига “Soliq Mobile” иловаси орқали 34,8 млрд сўм “кешбэк” ҳисобланиб, ўзлаштирилгани айтилмоқда. Ҳолат юзасидан Жиноят кодексининг 168-моддаси — фирибгарлик ҳамда 228-моддаси — ҳужжатларни қалбакилаштириш ва улардан фойдаланиш моддалари билан жиноят иши қўзғатилган. Тергов ҳаракатлари олиб борилмоқда. Telegram | Instagram | You Tube | Facebook | X

🔴Зўравонликка учраган аёлларга нафақа, судга божсиз мурожаат ва «больничный» ✔️Бола ҳуқуқлари ва зўравонликдан жабрланганларни ҳимоя тизими кучайтирилмоқда Ўзбекистонда бола ҳуқуқларини кафолатлаш ҳамда тазйиқ ва зўравонликдан жабрланган хотин-қизларни ҳимоя қилиш тизимини такомиллаштиришга қаратилган янги қонун имзоланди. Қонун билан 2 та кодекс ва 4 та қонунга ўзгартириш ва қўшимчалар киритилди. Асосий янгиликлар: — Оила кодекси, Фуқаролик процессуал кодекси, “Бола ҳуқуқларининг кафолатлари тўғрисида”ги ҳамда “Васийлик ва ҳомийлик тўғрисида”ги қонунларга “боланинг энг устун манфаатлари” тушунчаси киритилди. Бу дегани, бола билан боғлиқ ҳар қандай қарорда — васийлик, ҳомийлик, суд иши ёки бошқа ҳуқуқий жараёнларда — аввало боланинг хавфсизлиги, соғлиғи, тарбияси ва келажаги ҳисобга олинади. — Ижтимоий ҳимоя миллий агентлиги ҳамда Аёлларни реабилитация қилиш ва мослаштириш марказларига жабрланган шахслар манфаатини кўзлаб судга давлат божи тўламасдан мурожаат қилиш ҳуқуқи берилади. — Ушбу ташкилотлар жабрланганларнинг манфаатларини судда ваколатли вакил орқали ҳимоя қилиши мумкин бўлади. — Тазйиқ ва зўравонликдан жабрланган шахс реабилитация марказига жойлаштирилса, унинг иш жойи ва лавозими сақлаб қолинади. — Шунингдек, бундай ҳолатда бир ойдан ошмаган муддатга меҳнатга лаёқатсизлик варақаси расмийлаштириш учун ҳуқуқий асос яратилади. Бу жабрланган аёллар оғир вазиятда ишсиз ёки даромадсиз қолиб кетмаслиги учун муҳим. Улар давлат ижтимоий суғуртаси орқали тегишли нафақа олиши мумкин бўлади. Давлат божи бўйича имтиёзлар ҳам кенгайтирилди. Эндиликда Ижтимоий ҳимоя миллий агентлиги тизимидаги ташкилотлар фуқаролик ишлари бўйича судларга мурожаат қилганда давлат божини тўлашдан озод этилади. Маълумотга кўра, 2024–2025 йиллар ва 2026 йилнинг дастлабки 4 ойида реабилитация марказларига жойлаштирилган хотин-қизлар манфаатини ҳимоя қилиш мақсадида “Инсон” марказлари томонидан судларга 1 413 та ариза киритилган. Telegram | Instagram | You Tube | Facebook | X

🔴Қонун йирик порахўрларни қўллайдими? «200 минг сўмлик пора учун — 2 йил, 285 миллион сўмлик пора учун эса — 3 йил» Собиқ депутат, Экология қўмитаси раиси маслаҳатчиси Расул Кушербаев ижтимоий тармоқда суд қарорларини таққослаб, улар жамоатчиликда саволлар уйғотаётганини таъкидлади. У келтирган мисолларга кўра, Урганч тумани ИИБ профилактика инспектори 200 минг сўм пора олгани учун 2 йилга озодлиги чекланган. Тошкент вилоятидаги банк офиси бошлиғи эса имтиёзли кредитлар учун жами 285 миллион сўмдан ортиқ пора олгани учун 3 йилга озодликдан маҳрум қилинган. Расул Кушербаев ҳар бир жиноят иши алоҳида ҳолатлар ва қонун талаблари асосида кўриб чиқилишини қайд этар экан, пора миқдори ўртасидаги катта фарққа қарамай, тайинланган жазолар ўртасидаги фарқнинг атиги бир йил эканини танқид қилмоқда. Бу каби масалалар коррупцияга қарши кураш агентлиги томонидан ҳам ўрганилиши ва ташкилот раҳбариятини ҳавотирга солиши керакдек. Мазкур масалага нисбатан тегишли идоралар ҳозиргача баёнот берган эмас. Telegram | Instagram | You Tube | Facebook | X

Ноқонуний ўрнатилган қурилмани бузмаслик учун 2 минг доллар, давлат захирасидаги ерни олиб бериш 160 минг Давлат хавфсизлик хизмати, Иқтисодий жиноятларга қарши курашиш департаменти ва ички ишлар органлари ҳамкорлигида ўтказилган тезкор тадбирларда ер ва кадастр соҳаси билан боғлиқ икки ҳолат фош этилди. Тошкент шаҳрида ўтказилган тадбирда Кадастр агентлигининг Яшнобод тумани бўлими бош инспектори учинчи шахс орқали 2 минг АҚШ доллари олган вақтда ушланди. Маълум қилинишича, у хизмат мавқеидан фойдаланиб, фуқаро томонидан ноқонуний ўрнатилган енгил конструкцияли қурилмаларни буздирмаслик ва унга жарима қўлламаслик эвазига пул талаб қилган. Яна бир ҳолат Андижонда қайд этилди. 1984 йилда туғилган фуқаро харидорга Андижон туманидаги Хакан саноат ҳудудида жойлашган, давлат захирасида бўлган 40 сотих ер майдонини гўёки “E-auksion” орқали ютиб олганини айтган. У ерни кадастр тизимидаги танишлари орқали харидор номига расмийлаштириб бериш эвазига 160 минг АҚШ доллари талаб қилгани айтилмоқда. ДХХ, ИИБ ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда у олдиндан 80 минг АҚШ доллари олган вақтда ушланди. Ҳар икки ҳолат юзасидан жиноят ишлари қўзғатилган, тергов ҳаракатлари олиб борилмоқда. Telegram | Instagram | You Tube | Facebook | X

uzdiplomat иқтибоси: 🖍 “Сиёсат адолат ва додхоҳлик асосига қурилгандагина давлат мустаҳкамланади. Мазлумлар ҳимоя қилинса, ёмонлар, талончи ва фирибгар-фитначилар жазоланса, бу бошқаларга ибрат бўлади”. Алишер Навоий Буюк шоир ва мутаффаккир (1441-1501) Telegram | Instagram | You Tube | Facebook | X

Мирзиёевнинг Грузияга давлат ташрифи: музокараларнинг асосий натижалари қандай бўлди? Тбилисидаги Орбелиани саройида Шавкат Мирзиёев ва Грузия Президенти Михаил Кавелашвили ўртасида музокаралар бўлиб ўтди. Унда асосий эътибор сиёсий мулоқотни мустаҳкамлаш, парламентлараро ва ҳудудлараро алоқаларни кенгайтириш, савдо-иқтисодий ҳамкорликни чуқурлаштириш ҳамда маданий-гуманитар алмашинувларни фаоллаштиришга қаратилди. Грузия матбуоти ҳам ташрифни, асосан, тарихий илк ташриф ва икки томонлама ҳамкорликни янги босқичга олиб чиқиш имконияти сифатида ёритди. Биринчи натижа — савдо ҳажмини ошириш мақсади аниқ белгиланди. Расмий маълумотга кўра, ўтган йил якунида Ўзбекистон ва Грузия ўртасидаги товар айирбошлаш ҳажми 270 миллион долларга етган. Бизнес-форум доирасида эса икки томон савдони 1 миллиард долларгача етказиш ниятини билдиргани қайд этилди. Иккинчи натижа — транспорт ва логистика музокараларнинг марказий мавзусига айланди. Томонлар Поти ва Батуми портлари имкониятларидан самарали фойдаланиш орқали савдони ошириш масаласини муҳокама қилди. Бу Ўзбекистон учун Қора денгиз ва Европа бозорларига чиқишнинг муқобил йўналишларини кенгайтириш нуқтаи назаридан муҳим. Учинчи натижа — ҳамкорлик фақат савдо билан чекланмаслиги кераклиги таъкидланди. Тбилисидаги Ўзбекистон — Грузия бизнес-форумида муносабатлар оддий савдодан қўшма ишлаб чиқариш, логистика, инвестиция ва биргаликда экспорт қилиш босқичига ўтиши зарурлигини айтилди. Форумда Ўзбекистондан 70 га яқин компания, Грузиядан эса 250 атрофида бизнес вакиллари қатнашгани маълум қилинди. Тўртинчи натижа — устувор соҳалар белгиланди. Музокараларда фармацевтика, кимё саноати, қишлоқ хўжалиги, транспорт, энергетика, рақамли технологиялар, туризм ва IT соҳаларида қўшма лойиҳаларни илгари суриш имкониятлари кўриб чиқилди. Бизнес-форум материалларида саноат кооперацияси, қўшма инвестициялар ва учинчи мамлакатлар бозорларига биргаликда чиқиш масалалари ҳам тилга олинган. Бешинчи натижа — банк, авиация ва маданий алоқалар амалий ҳамкорлик белгиси сифатида қайд этилди. Ўзбекистонда Грузиянинг “TBC” банки фаолият юритаётгани, Тошкент — Тбилиси ва Тошкент — Батуми йўналишларида тўғридан-тўғри авиақатновлар амалга оширилаётгани, шунингдек, Тошкентда Грузия маданияти кунлари ўтказилгани икки томонлама алоқаларнинг фаоллашаётгани сифатида кўрсатилди. Олтинчи натижа — муносабатларга рамзий сиёсий даража берилди. Ташриф доирасида Шавкат Мирзиёев Грузиянинг олий давлат мукофотларидан бири — “Олтин мўйна” ордени билан тақдирланди. Мукофот Ўзбекистон — Грузия муносабатларини ривожлантиришга қўшган ҳиссаси учун топширилди. Умуман, Тбилиси музокараларининг асосий маъноси шундаки, Ўзбекистон ва Грузия муносабатлари протокол даражасидан амалий иқтисодий кун тартибига ўтмоқда. Савдо, портлар, логистика, қўшма ишлаб чиқариш, инвестиция ва экспорт йўналишлари икки томонлама ҳамкорликнинг янги асосий устунлари сифатида кўрилмоқда. Telegram | Instagram | You Tube | Facebook | X

🔴 Хусусий секторда бир нечта жойда ишлайдиганларга давлат қанча миқдорда «больничный» тўлайди? ❗️2026 йилнинг 1 июлидан йил охирига қадар бу тўловларга 864 миллиард сўмдан ортиқ маблағ ажратилган Uzdiplomat.uz мухбири Давлат ижтимоий суғурта жамғармаси раҳбари Нодир Муслиддиновдан бир нечта иш жойида меҳнат қилаётган ходимларга вақтинча меҳнатга лаёқатсизлик нафақаси қандай ҳисобланиши ҳақида сўради. 2026 йил 1 июлдан бошлаб Ўзбекистонда вақтинча меҳнатга лаёқатсизлик (касаллик варақаси) бўйича нафақалар Давлат ижтимоий суғурта жамғармаси томонидан тўланмоқда. Янги тартибга кўра, фуқаролар нафақани олиш учун алоҳида мурожаат қилиши ёки ҳужжат тақдим этиши шарт эмас. Нодир Муслиддиновнинг айтишича, тиббиёт муассасаси томонидан расмийлаштирилган касаллик варақаси Жамғарма ахборот тизимига автоматик тарзда келиб тушади. Шундан сўнг барча зарур маълумотлар давлат ахборот тизимлари орқали текширилиб, нафақа проактив шаклда тайинланади ва фуқаронинг ижтимоий картасига ўтказиб берилади. Жамғарма раҳбарига кўра, агар ходим икки ёки ундан ортиқ жойда расмий ишласа, барча иш жойларидаги иш ҳақи тўғрисидаги маълумотлар автоматик равишда йиғилади. Нафақа айнан шу умумий даромаддан келиб чиқиб ҳисобланади. Бироқ муҳим чеклов ҳам мавжуд. Агар ходимнинг умумий ойлик даромади 12 миллион 710 минг сўмдан ошиб кетса, нафақа ҳисоблашда фақат шу миқдор ҳисобга олинади. Ундан юқори қисми давлат томонидан қоплаб берилмайди. Шу билан бирга, Вазирлар Маҳкамаси қарорига мувофиқ, иш берувчи ички тартиб-қоидалари асосида ходимга қўшимча тўлов амалга ошириши мумкин. Бироқ бу унинг ҳуқуқи ҳисобланади, мажбурияти эмас. «Шу пайтгача хусусий сектор касаллик нафақасини тўлиқ ўз маблағи ҳисобидан тўлаб келган. Энди эса давлат томонидан белгиланган миқдор қопланади, иш берувчи эса истаса қўшимча қисмини тўлаши мумкин», — деди Нодир Муслиддинов. Муслиддиновнинг маълум қилишича, 2026 йилнинг 1 июлидан йил охирига қадар вақтинча меҳнатга лаёқатсизлик нафақаларини молиялаштириш учун Давлат ижтимоий суғурта жамғармаси сметасида 864 миллиард сўмдан ортиқ маблағ назарда тутилган. Telegram | Instagram | You Tube | Facebook | X

🔴 “Кредит, кадастр ва солиқ - Ўзбекистонда тадбиркорларни қийнаётган энг асосий муаммолардан” Даврон Ваҳобов Ўзбекистон Савдо-саноат палатаси раиси Даврон Ваҳобовнинг айтишича, республика бўйлаб тадбиркорлардан келиб тушаётган мурожаатларнинг асосий қисми учта йўналишга тўғри келади. Унинг сўзларига кўра, энг кўп мурожаатлар банклар ва молиялаштириш масалалари билан боғлиқ. Тадбиркорлар асосан кредит олиш, қўшимча маблағ жалб қилиш ҳамда гаров талаблари юзасидан шикоят қилади. «Пул масаласи ҳар доим биринчи ўринда туради. Тадбиркорларга кредит керак бўлади, аммо банклар қайтарилмаслик хавфини ҳисобга олади. Биз эса уларга Президент белгилаган гаров тартиблари асосида ишлашни тавсия қиламиз», — деди Ваҳобов. Унинг таъкидлашича, иккинчи йирик муаммо — қишлоқ хўжалиги ерлари ва кадастр масалалари. Айрим тадбиркорлар аукцион орқали ёки чорвачилик лойиҳалари учун ер олишда турли тўсиқларга дуч келмоқда. Учинчи ўринда эса солиқ соҳаси, хусусан, қўшилган қиймат солиғи (ҚҚС)ни қайтариш билан боғлиқ муаммолар турибди. Тадбиркорлар рейтинг тизимида талаб этилган балларни тўплай олмаётгани сабабли ҚҚСни қайтаришда қийинчиликларга учраётганини билдирмоқда. Telegram | Instagram | You Tube | Facebook | X