ፍኖተ-አማራ ሚዲያ (Finote Amhara Media)
Open in Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Show more4 388
Subscribers
-1424 hours
-737 days
-730 days
Posts Archive
የኢትዮጵያን የታሪክ አቅጣጫ በመቀየርና የነጻነት ተምሳሌትነቷን በመገንባት ረገድ እንደ አፄ ምኒልክ እና እቴጌ ጣይቱ ብጡል ዓይነት ጥምረት በታሪካችን ውስጥ አብሮ ታይቶ አይታወቅም። መሪዎቻችን የተወለዱበትን ቀን ስናስብ፣ ታላቅነታቸውን ብቻ ሳይሆን የአመራር ጥበባችሁንና ለሀገር ያበረከቱትን የማይጠፋ ውርስ እናስታውሳለን።
የአፄ ምኒልክ ገናናነትና ዘመናዊነት
አፄ ምኒልክ የኢትዮጵያን አንድነት ከመመለስ አልፈው ሀገሪቱን ወደ ዘመናዊነት ጎዳና የመሩ አርቆ አዋቂ መሪ ነበሩ።
~የአደዋ ድል መሐንዲስ፦ የተቀናጀ የጦር አመራርና ሕዝብን የመቀስቀስ ጥበባቸው የዓለምን የኃይል ሚዛን ያናወጠውን የታላቁን የአደዋ ድል አስኝቷል።
~የዘመናዊነት መሠረት ጣይ፦ ስልክ፣ ባቡር፣ ትምህርት ቤት፣ ሆስፒታልና ዘመናዊ የገንዘብ ሥርዓትን በማስተዋወቅ ኢትዮጵያን ከዘመኑ ጋር አያይዘዋል።
~የእርቅና የአንድነት መሪ፦ በጥበብና በትዕግሥት የተሞላው አመራራቸው የሀገሪቱን ወሰን በማስፋትና ሕዝቦችን በማስተሳሰር ረገድ ከፍተኛ አስተዋጽኦ አድርጓል።
የእቴጌ ጣይቱ የዲፕሎማሲ እውቀትና ሀገር ገንቢነት
እቴጌ ጣይቱ ብጡል በሀገር ፍቅር፣ በጽናትና በረቀቀ የዲፕሎማሲ እውቀታቸው የሚታወቁ ታላቅ ሴት ነበሩ።
• ~የዲፕሎማሲና የፖለቲካ ብልህነት፦ የውጭ ኃይሎችን ተንኮል ቀድመው በመረዳት፣ በተለይም በውጫሌ ውል አንቀጽ 17 ላይ የተሸረበውን ተንኮል በማጋለጥና "እኔ ሴት ነኝ፤ ጦርነት አልወድም፤ ነገር ግን ይህንን ውል ከመቀበል ይልቅ ጦርነትን እመርጣለሁ" በማለት የሀገርንሉዓላዊነት አስከብረዋል።
~የሀገርና የመዲና ግንባታ፦ የዛሬዋ ዋና ከተማችን አዲስ አበባ እድትቆረቆርና እንድታድግ ዋና አሳቢና መሐንዲስ ነበሩ።
~ጽናትና ቁርጠኝነት፦ በአደዋ ዘመቻ ወቅት በጦር ሜዳው ግንባር ድረስ በመገኘት፣ ምግብና የሕክምና እርዳታ በማስተባበር እንዲሁም ወታደሩን በማበራታት አርአያነት ያለው አመራር አሳይተዋል።
ዛሬ የልደት ቀናቸውን ስናስብ ያለፈውን ታሪክ ለማድነቅ ብቻ ሳይሆን፣ ለዛሬዋ ኢትዮጵያ የሚሆን ትምህርት ለመውሰድ ነው።
~ዲፕሎማሲና ሉዓላዊነት፦ የእቴጌ ጣይቱ የፅናትና የረቀቀ ዲፕሎማሲ ትምህርት ዛሬም ሀገራችን በዓለም አቀፍ መድረክ መብቷን እንድታስከብር መንገድ ያሳያል።
~አንድነትና ዘመናዊነት፦ የአፄ ምኒልክ አርቆ አስተዋይነትና ለዘመናዊነት የነበራቸው ፍላጎት፣ ዛሬ ለምናደርገው የሀገር ግንባታና የቴክኖሎጂ ዕድገት ትልቅ ማነቃቂያ ነው።
እነዚህን ሁለት ታላላቅ የሀገር ባለውለታዎች ስናስብ፣ የተዉልንን የነጻነት፣ የዲፕሎማሲ ብልህነትና የሀገር ፍቅር መሠረት በማድረግ ለተሻለች ሀገር ለማፅናት መሥራት ሊሆን ይገባል።
18 Aug, 04:06
ሰበር ዜና
1ኛ ምኒልክ ዕዝ አሃድ የሆኑት 12ኛ ኮር ፣ ልዩ ዘመቻ እና የ16ኛ ኮር በጋራ ባካሄዱት የተቀናጀ ኦፕሬሽን ታላቅ ድል ተጎናፀፉ!
በሰሜን ወሎ ዞን አውተገኝ፣ እዜትበር፣ ወልድያ፣ መርጦ፣ ሲሪንቃ እና ጋሸና አቅጣጫዎች መነሻቸውን አድርገው ተንቀሳቅሰው የነበሩ የአገዛዙ የ16ኛ እና 31ኛ ክፍለ ጦር ኃይሎች ላይ የተቀናጀ እርምጃ ተወስዶባቸዋል ።
የአማራ ፋኖ ብሔራዊ ንቅናቄ (አፋብን) 1ኛ ምኒልክ ዕዝ ልዩ ዘመቻ፣ የ16ኛ ኮር፣ 12ኛ ኮር በጋራ በወሰዱት የተቀናጀ ዉጊያ ጠላት ያቀደውን ዓላማ ሳያሳካ ከፍተኛ የስነ-ልቦና ስብራት እና የሰው ኃይል ጉዳት አስተናግዶ ተመልሷል።
በተረፌ፣ ኩረታ፣ ጠጠር መልቀሚያ፣ ድልበት ሚካኤል፣ ላም ድንጋይ እና ኩቤ ተራራ በተባሉ አካባቢዎች ለሁለት ቀናት የዘለቀ እልህ አስጨራሽ ውጊያ ተካሂዷል።
የአገዛዙ ሰራዊት ያለ የሌለ አቅሙን ቢጠቀምም፣በምኒልክ ዕዝ ፋኖ አባላት የበላይነት በተጠናቀቀው በዚህ ውጊያ በርካታ ሙትና ቁስለኛ ተሸክሞ ሽንፈትን ተከናንቦ ወደ መጣበት ፈርጥጧል።
በፋኖወች ክንድ ክፉኛ የተደቆሰዉ የአገዛዙ መከላከያ ህዝቡን "ለፋኖ መረጃ ትሰጣላችሁ" በሚል ምክንያት በመደብደብ እና በማስፈራራት እያፈሰ ወደ ጦር ግንባር እንደወሰዳቸው ከውስጥ የተገኙ መረጃዎች አመልክተዋል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
የአፋብን ወሎ ቤተአማራ 1ኛ ምኒልክ ዕዝ ህዝብ ግንኙነት መምሪያ
ነሃሴ 12/2018 ዓ.ም
18 Aug, 03:07
ከአፋብን ሸዋ ጠቅላይ ግዛት አሳምነው ዕዝ ሴቶች ጉዳይ መምሪያ የተላለፈ ወቅታዊ ጥሪ።
ነሃሴ 12/2018 ዓ.ም
የአማራ ፋኖ ብሔራዊ ንቅናቄ (አፋብን) ሸዋ ጠቅላይ ግዛት አሳምነው ዕዝ የሴት አርበኞቻችን ላሳዩት ተጋድሎ እውቅና የሚሰጥ እና የአማራ ህዝብ እያደረገ ባለው ቅዱስ ትግል የሴት አርበኞች ተሳትፎ በፖለቲካዊ ትጥቅ ትግሉ ያላቸውን ሚና እንዲያጠናክሩ የሚያበረታታ ከሴቶች ጉዳይ መምሪያ የቀረበ ወቅታዊ ጥሪ ነው።
የከበረ ሰላምታችን ይድረስ ለዘመናችን የእቴጌ ጣይቱ የመንፈስ ልጆች፣ለቁርጠኛዋ ሴት የነፃነት አርበኛ የሸዋረገድ ገድሌ የቃል ኪዳን አደራ ጀግኖቻችን።
እንደሚታወቀውና የታሪክ ድርሳናት እንደሚነግሩን አለም ስለ ፆታዊ እኩልነት በሚያወራበት ዘመን የኛ የሴት አርበኞች ሀገርን በመሪነት ደረጃ ይመሩ እንደነበረ አውቀን የእነሱን አርአያነት መከተልና ለአማራ ህዝብ ሰላም ፣ፍትህና እኩልነት (ህልውና) መረጋገጥ ሲባል በርካታ የሴት ገድሎችን እየፈፀሙ በደማቸው ወርቃማ አሻራቸውን እያሳረፉ በመሆኑ የአፋብን ሸዋ ጠቅላይ ግዛት አሳምነው ዕዝ የሴቶች ጉዳይ መምሪያ ታላቅ ክብርና ምስጋና በማቅረብ እንደሚከተለው መልዕክቱን ያስተላልፋል።
ክቡራት እህቶቻችን እና እናቶቻችን!
ታሪክ እንደሚመሰክረው የአማራ ሴት አርበኞች የጥንካሬ፣ የጥበብ እና የጀግንነት ተምሳሌቶች ናቸው። በጦር ሜዳ ካሳዩት ሀገርን በማፅናት፣ ቤተሰብን በማክበርና በማስከበር እና ባህልን ጠብቆ በማቆየት ረገድ የተጫወቱት ሚና የሀገራችን የጀርባ አጥንት ሆነው ቆይቷል።
ውድ የሴት አርበኞቻችን! ዛሬ ላይ ሆነን ወደ ኋላ ስንመለከት እንደ እነ እቴጌ ጣይቱ ብጡል፣ አርበኛ ሸዋረገድ ገድሌ፣ አርበኛ ተናኘወርቅ ኃ/ስላሴ፣ አርበኛ አየለች እሸቴ እና አርበኛ እቴጌ መነን አስፋው ያሉ ሴት እናት አርበኞች የከፈሉት መስዋዕትነት የእኛ ኩራትና የመንፈስ ጥንካሬ ምንጭ እንድሁም አሁን ላለንበት ህልውናን ለማቆዬት በሚደረገው ትግል የ50% ድርሻ የኛ የሴቶችም መሆን እንዳለበት የሚያሳይ መሆኑን ነው። አገዛዙ በአማራ ህዝብ ላይ ከሚያደርሰው መጠነ ሰፊ ጭፍጨፋ ባለፈ በሴቶች ላይ የሚያደርሰው ደፈራ እና ግድያ የከፋ መሆኑ ፀሀይ የሞቀው ሀገር ያወቀው የአደባባይ ምስጥር መሆኑ እየታወቀ እኛ ሴቶች ይህን ማንነትን፣ታሪክ ባህልን፣እውቀትን እንድሁም ጤናን ጭምር የሚያጠፋ የብልፅግና አገዛዝ በጦር ሜዳው አውድማ ተሰልፈን ልንታገለው ይገባል፣በፅናት እየታገልነውም እንገኛለን።
በትግል ሜዳው ያላችሁ የኔ ዘመን ጀግኖች እየሰራችሁት ያላችሁት ታሪክ ለዛሬ ኩራታችሁ ለነገ ታሪካችሁ ነውና በርቱ ፤ጠላታችን የወደቀና የደቀቀ ነው እናሸንፋለን። ለምታደርጉት ዘርፈ ብዙ ተጋድሎ በሰፊው የአማራ ህዝብ እና በመላው የሴት አርበኞቻችን ስም ላመሰግናችሁ እወዳለሁ ሁልጊዜም በአካልም በመንፈስም ከጎናችሁ ነኝ ።
ውድ አርበኞቻችን! እኛ ሴቶች!
በማይበገር ማንነት፣ በፈተናዎች ውስጥ ተስፋ አለመቁረጥና ለፍትህ መቆም የሴት አርበኞች መለያ ባህሪ በማድረግ መታመንን በማሳዬት አርበኝነትን ወደ ላቀ ደረጃ እናሸጋግራለን።
ዛሬም እንደ ትላንቱ አማራን ከዘር መጥፋት መታደግና ፣ታሪክና ባህል ከውድመት እና ሀገራችን ኢትዮጵያ ከመበተን የእኛን ብርታት ትሻለች። አሁናዊው "ትግል" የአማራን ህልውና የማስከበር እንደ ህዝብ ከመጥፋት በህይዎት ለመኖር ሲባል በጀግናው የአማራ ፋኖ ፊትአውራሪነት እንደ ህዝብ የምናደርገው ህዝባዊ ትግል ነው።
በመሆኑም እያንዳንዳችሁ ሴቶች በዚህ የአማራ ብሔርተኝነት ትግል፤ በፖለቲካዊ ትጥቅ ትግል ውስጥ ግንባር ቀደም ተሰላፊ ትሆኑ ዘንድ የሚከተለውን ጥሪያችንን እናቀርባለን።
➛እናቶች እና እህቶች ራስን በማብቃት እና ወሳኝ አካል በመሆን ለገዳይሽና ለሚደፍርሽ አገዛዝ ብልፅግና ያደረ ፍቅረኛን፣ ወንድምን ፣ባልን(የትዳር አጋርን)፣ልጅን ከድርጊቱ እንዲቆጠብ በማድረግ ትግሉን ከቤት በመጀመር የዕይታ አድማሳችሁን በማስፋት ትግሉን ተቀላቀሉ።
➛በትግል ሜዳውም በአመራርነት በመሳተፍ በውሳኔ ሰጪነት ቦታዎች ላይ በመገኘት ሴቶች የምንችል መሆናችንን ለማሳዬት በተመደብንበት ኃላፊነት ሁሉ በብቃት እንወጣ።
➛እህትማማችነትን እና ከወንድሞች ጋር ወንድማዊ ትስስርን በማጠናከር፡ አንዷ/ዱን፣ ሌላዋን /ውን በማንሳት የጋራ ጥንካሬን መገንባት ላይ እንስራ።
"አንዲት ሴት ስትበረታ ቤተሰብ ይበረታል፣ ቤተሰብ ሲበረታ ደግሞ አማራ ያሸንፋል፣ አማራ ሲያሸንፍ ሀገር ትጸናለች።"
ውድ አርበኞቻችን! እኛ የጥንት አርበኞች ልጆች፣ የዛሬ የአማራ ህዝብ አደራ ያለብን የቁርጥ ቀን ጀግኖች በመሆናችን ታሪክ የጣለብንን አደራ በተሰጠን መክሊት በብቃት እንድንወጣ። በሀገር ውስጥ ከሀገር ውጭም ያላችሁ ውድ የአማራ ህዝብ በሙሉ የትግሉ አካል በመሆን ብዙዎች የወደቁለትን ፅኑ ዓላማ በጋራ ከዳር እናደርስ ዘንድ የከበረ ጥሪዬን እያቀረብኩ በመራሩ የትግል ጉዞ በማለፍ ለተቀደሰው ትግላችን በፅናት እንድንቆም በድጋሚ የጓዳዊ እና የእህትነት መልዕክቴን በመምሪያው ስም አስተላልፋለሁ።
ክብርለትግሉ ሰማዕታት!
ህልውናችን በተባበረ ክንዳችን!
ከከበረ ሰላምታ ጋር
አርበኛ ቀኝአዝማች ትንቢት ኃ/ማሪያም
ከአፋብን ሸዋ ጠቅላይ ግዛት አሳምነው ዕዝ ሴቶች ጉዳይ መምሪያ
ነሃሴ 12/2018 ዓ.ም
18 Aug, 00:39
#ክተት_መክት_አንክት ምኒልክ ዕዝ ክተት ብሎ የግል መሣሪያ ያላቸው ታጣቂዎችን ጠረነ
የዕዙ ሰብሳቢ አርበኛ ድርሳን ብርሃኔ በተገኘበት የግል ባለመሣሪያዎች ጋር ውይይት ተካሂዶ ነው እንዲጠረነፉ የተደረጉት።
11/12/2018 ዓ.ም
17 Aug, 13:19
በግሸን ደብረከርቤ አምባሰል ወረዳ 023 ቀበሌ ማህበረሰብ ጋር ህዝባዊ መድረክ ተካሄደ!
በታሪካዊቷ ግሸን ደብረከርቤ "የአማራ ህዝብ የሀገር ህልውና በመጠበቅ የነበረው ሚና እና አሁን የገጠመው የህልውና አደጋ መውጫ መንገድ" በሚል መሪ ርዕስ ከአካባቢው ማህበረሰብ ጋር ሰፊ ህዝባዊ መድረክ ተካሂዷል።
ነሐሴ 11/2018ዓ.ም በአምባሰል ወረዳ 023 ቀበሌ በተካሄደው በዚህ ህዝባዊ መድረክ ላይ የምኒልክ ዕዝ ትምህርትና ስልጠና መምሪያ አርበኛ መምህር ፍቅሩ ፈንታው፣ የዕዙ ህዝብ አስተዳደር መምሪያ አርበኛ አበበ ቀዮ፣ የዕዙ ም/ትል ት/ት እና ስልጠና መምሪይ አርበኛ ዘሪሁን ደምሴ፣ የዕዙ ምክትል ፖለቲካ ጉዳዮች መምሪያ አርበኛ ስንታየሁ ተስፋው እና የ104ኛ ኮር አመራሮች ተገኝተው ከነዋሪቹ ጋር በወቅታዊ ፣አገራዊና አካባቢያዊ ጉዳዮች ላይ በጥልቀት ተወያይተዋል።
በመድረኩ ላይ ንግግር ያደረጉት አመራሮቹ ግሸን ተተኪ የኢትዮጵያ ነገስታት የሚቀመጡባትና በሀገረ መንግስት ግንባታ ታሪክ ውስጥ ከፍተኛ ስፍራ ያላት ታሪካዊ ቦታ መሆኗን አውስተዉ አሁንም ቢሆን የህዝቡን ህልውና በማስጠበቅና ወቅታዊውን አደጋ በመመከት ረገድ ከአካባቢው ታሪካዊ ገጽታ ጋር ተመጣጣኝ የሆነ ከፍተኛ አስተዋጽኦ ማድረግ እንደሚገባ አስምረውበታል።
በተጨማሪም ለአማራ ህዝብ ህልውና አደጋ የዳረጉ ዋና ዋና ምክንያቶችና ከዚህ ፈታኝ ሁኔታ ለመውጣት ህዝቡ ሊጫወተው የሚገባው ሚና ላይ ሰፊ ማብራሪያ ተሰጥቷል።
አመራሮቹ አክለውም፦ "ትግላችን ፍትህና ዲሞክራሲን ለማምጣት እንዲሁም የራሳችንን ህልውናና ጥቅም ለማስከበር እንጂ የማንንም ጥቅም ለመጋፋት አይደለም" ሲሉ የትግሉን መሰረታዊ አላማና ፍትሃዊነት አብራርተዋል።
በውይይቱ ወቅት ከአካባቢው ህዝብ የተለያዩ አስተያየቶችና ስጋቶች የቀረቡ ሲሆን፣ ነዋሪዎቹ ከዚህ ቀደም የአካባቢው ጥበቃ በመላላቱ ቀበሌያቸው ለሌቦችና ለዘራፊዎች ተጋልጦ መቆየቱን ገልጸዉ አሁን በይፋ የተጀመረው ስርዓት የማስያዝ ስራ ተጠናክሮ እንዲቀጥልና አካባቢው ሙሉ በሙሉ ከአጸያፊ ድርጊቶች እንዲጸዳ ጠይቀዋል።
በመጨረሻም ነዋሪዎቹ ከመካከላቸው የበቀሉ የጠላት ተላላኪዎችንና ባንዳዎችን በጋራ በመታገል ለማስወገድ፣ እንዲሁም ጠባቂ አጥታ የማንም መጫወቻ ሆና የቆየችውን ግሸን ደብረከርቤ ወደ ሙሉ ሰላምና ስርዓት ለመመለስ ከሰራዊቱ ጋር በቅንጅት ለመስራት መወሰናቸውን አስታውቀዋል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
የአፋብን ወሎ ቤተአማራ ምኒልክ ዕዝ ሚዲያና ኮሙኒኬሽን መምሪያ!
ነሃሴ 11/2018 ዓ.ም
17 Aug, 12:46
ለከበባ የመጣው የብልፅግና ጥምር ጦር፤ በከበባ ድባቅ ተመታ!!
ነሐሴ 11/2018 ዓ.ም
ራሱን አየር ወለድ ኮማንዶ ነኝ ብሎ የሚጠራው የብልፅግና ወንበር ጠባቂ ጥምር ጦር መነሻውን ከአረርቲ ከተማ፣ በተላላኪው ሚሊሻ እየተመራ ወደ ፋኖ ቀጣና እንቅስቃሴ ያደረገ ቢሆንም በነበልባል ክፍለ ጦር ድባቅ መመታቱ ታወቀ።
ለከበባ የመጣው የጠላት ኃይል በአፋብን ሸዋ ጠቅላይ ግዛት አሳምነው ዕዝ ከሠም ፪ኛ ኮር ነበልባል ክፍለ ጦር መመታቱን የኮሩ ሕዝብ ግንኙነት አስታወቀ።
ክፉኛ የተመታው የጠላት ኃይል መውጫ ቀዳዳ በማጣቱ ሽፋን እዲደረግለት ጠይቆ፣ በዙ-23 ታግዞ ከባልጭ ወደ ክርስቶስ ሳምራ ያቀናውን አባዳሌ በተባለ ቦታ በተዘጋጀለት ቦታ ገብቶ በተናዳፊወቹ ፋኖዎች በተወሰደበት የደፈጣ እርምጃ ክፉኛ መመታቱ ተረጋግጧል።
ከ300 በላይ የሚሆነው የአገዛዙ ጥምር ጦር ለከበባ ቢንቀሳቀስም ራሱ ከበባ ውስጥ ገብቶ በርካታ ኃይሉ ወደ ማይመለስበት ተሸኝቷል ።
በዚሕም አውደ ውጊያ ድንቅ የተባለ የደፈጣ ኦፕሬሽን የተካኑት ነበልባሎቹ የፊት ማጥቃታቸውን እንደቀጠሉ ይገኛሉ። ሙትና ቁስለኛውን በአንቡላስና አይሱዚ መኪና ጭኖ መመለሱ ሲረጋገጥ፣ ሙትና ቁስለኞች ቁጥራቸው በውል አልታወቀም ሲል የግንባር መረጃችን አክሎ ገልጿል።
" ክብር ለትግሉ ሠማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው ዕዝ ሕዝብ ግንኙነት መምሪያ
17 Aug, 11:44
ነሐሴ 11/2018
አፋብን ጎንደር ጠቅላይ ግዛት በላይ ዕዝ ጀነራል ኃይሌ ዘ-ወባንተ ክፍለ ጦር የዕዝና የክፍለ ጦር አመራሮች በተገኙበት ከሰዴ ሙጃ ወረዳ ህዝብ ጋር በሮቢት ከተማ ውይይት አደረጉ።
የአፋብን ጎንደር ጠቅላይ ግዛት በላይ ዕዝ አንድነት ሂደት፣ የፋኖን ወቅታዊ ቁመናና የትግል ስኬት፣ ቀጣይ የትግል አቅጣጫዎች፣ እንዲሁም ከማህበረሰቡ ጋር ስላለው የደጀንነትና የትግሉ አጠቃላይ ሂደት በተመለከተ ጥልቅ ውይይት ተደርጎል ።
በህዝባዊ የውይይት መድረኩ የሮቢት ከተማ ነዋሪዎች፣ ማህበረሰብ ተወካዮች፣ የሀይማኖት አባቶችና የሀገር ሽማግሌዎች በተገኙበት የጎንደር ፋኖ ወደ አንድነት መምጣቱን አስመልክቶ ደስታቸውን የገለፁ ሲሆን፣ በቀጣይም ዕዙ ሁሉንም ኮሮችና ክፍለ ጦሮች በማዋሀድ በጋራ ጠላታቸው ላይ እንዲዘምቱ ፖለቲካዊና ወታደራዊ ስትራቴጂዎችን መንደፍ አስፈላጊ ነው ብለዋል።
ባለፉት ጊዜዓት በርካታ የአደረጃጀት ክፍተት የነበረበት ቀጣናው አሁን ላይ በሽሎ ሬጅመንት እራሱን ካለፉት ስህተቶቹ በመማር እራሱን ለተሻለ ወታደራዊ ግዳጅ አዘጋጅቶ የወረዳውን ማህበረሰብ በቅንነትና በሀቀኝነት እያገለገለ እንደሚገኝም ተጠቁሟል።
በተጨማሪም ዘረኛውንና ጨፍጫፊውን ሥርዓት እድሜ ለማሳጠር ትግሉን ህዝባዊ ማድረግና በአጭር ጊዜ መቋጨት በሚያስችሉ ሁለተናዊ ዝግጁነቶች መገኘት እንዳለበት የከተማዋ ነዋሪዎች አሳስበዋል ።
በህዝባዊ ውይይቱን የመሩት የአፋብን ጎንደር ጠቅላይ ግዛት በላይ ዕዝ አደረጃጀት መምሪያ ኃላፊ አርበኛ አበበ መልኬን ጨምሮ ሌሎች የዕዙና የክፍለ ጦር አመራሮች እንዲሁም ከበሽሎ ሬጅመንት አመራሮች ጋር በጥምረት ጠንካራና ገንቢ ሀሳቦች ተነስተው የትግሉ ደጀንና ባለቤት ህዝቡ መሆኑን በማረጋገጥ አስተያየት ተሰጥቶበት መግባባት ላይ ተደርሶ ውይይቱ በስኬት ተጠናቋል ሲል መረጃውን ያደረሰን የክፍለ ጦሩ ህዝብ ግንኙነት ነው።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዕዝ ሕዝብ ግንኙነት መምሪያ!
17 Aug, 10:26
ለመቄት ወረዳ ጊዚያዊ ህዝብ አስተዳደር አመራሮች ሲሰጥ የነበረዉ ስልጠና በስኬት ተጠናቀቀ!
በአማራ ፋኖ ብሄራዊ ሃይል (አፋብን) ወሎ ቤተ አማራ ምኒልክ ዕዝ አደረጃጀት ዘርፍ መምሪያ እና በዕዙ ህዝብ አስተዳደር መምሪያ አማካኝነት ዉክልና በተሰጣቸዉ የ303ኛ አሳምነዉ ኮር ፖለቲካ ዘርፍ እና አደረጃጀት ዘርፍ አማካኝነት ለመቄት ወረዳ ጊዚያዊ ህዝብ አስተዳደር አመራሮች ሲሰጥ የቆየው የአቅም መገንቢያ ስልጠና በስኬት በዛሬዉ ዕለት ተጠናቋል።
ስልጠናው በወረዳው የሚገኙ የጊዚያዊ አስተዳደሩ አመራሮች የወቅቱን የትግል ሁኔታ በመረዳት፣ ህዝባዊ አገልግሎትን በብቃት እና በስነ-ምግባር ማቅረብ የሚያስችላቸውን ግንዛቤ ለማስጨበጥ ያለመ እንደሆነ ተመላክቷል።
በስልጠናው ወቅት በርካታ ዋና ዋና ርዕሰ ጉዳዮች የተዳሰሱ ሲሆን፣ ከእነዚህም መካከል
*የህዝብ አስተዳደሩ ተግባር እና ኃላፊነት፡- ጊዚያዊ አስተዳደሩ በአካባቢው ሰላምና ጸጥታን ከማስከበር ባሻገር የህዝቡን ዕለታዊ እንቅስቃሴዎች የመምራት ድርሻ፤
* የአማራ ትግል መሰረታዊ መነሻዎች እና የደረሰበት ደረጃ የትግሉ ታሪካዊና ወቅታዊ ምክንያቶች እንዲሁም አሁን የደረሰበት ምዕራፍ፤
*ተቋማዊ ዲሲፕሊን፡ -ህዝባዊ አገልግሎት በሚሰጥበት ወቅት አመራሩ ማሳየት የሚገባው ከፍተኛ ስነ-ምግባር፣ ታማኝነት እና ተቋማዊ አሰራር
*ከወታደራዊ ክንፉ ጋር ያለው ግንኙነት፡ በስቪል አስተዳደሩ እና በሰራዊቱ መካከል ሊኖር የሚገባው የተቀናጀ አሰራር እና የስራ ክፍፍል በስፋት ተዳሰዋል።
ይህን የአቅም ማጎልበቻ ስልጠና የሰጡት የአፋብን ወሎ ቤተ አማራ ምኒልክ ዕዝ 303ኛ አሳምነው ኮር የፖለቲካ ዘርፍ ኃላፊ አርበኛ በሪሁን ደምሌ እና የኮሩ አደረጃጀት መምሪያ ኃላፊ አርበኛ ጋሻው አበበ ናቸው።
አሰልጣኞቹ በመልእክታቸው አመራሩ ከህዝቡ የተጣለበትን አደራ በግንባር ቀደምትነት ለመወጣት ተቋማዊ ዲሲፕሊንን መጠበቅ እና ከወታደራዊ ክንፉ ጋር ያለውን ቅንጅት ማጠናከር አስፈላጊ እንደሆን አሳስበዋል።
ሰልጣኝ አመራሮቹ በበኩላቸው ያገኙት ግንዛቤ በቀጣይ ስራዎቻቸው ህዝቡን በቅንነት እና በብቃት ለማገልገል ትልቅ አቅም እንደሚሆናቸው ገልጸዋል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
የአፋብን ወሎ ቤተአማራ ምኒልክ ዕዝ ህዝብ ግንኙነት መምሪያ
ነሃሴ 11/2018 ዓ.ም
17 Aug, 10:25
+1
ነሐሴ 11/2018 ዓ.ም
አፋብን ጎንደር ጠቅላይ ግዛት በላይ ዘለቀ እዝ ዳግማዊ ቴዎድሮስ 5ኛ ኮር አካል የሆነው ጥቁር አንበሳ ክፍለ ጦር ድንዛዝ ላይ በጠላት ኃይል ላይ ጠንካራ ክንዳቸው አሳርፈውበታል።
ከደጎማና ከበለሳ በአፈሳ የሰበሰበውን ወጣት በበርካታ ተሽከርካሪዎች ጭኖ በማጀብ ላይ እያለ በአርበኛ ልባርግ ሙላት እየተመራ በእጀባ ላይ የነበረውን ከ20 በላይ ተሽከርካሪ እግር አውጭኝ ጥሎ የፈረጠጠ ሲሆን ከማክሰኝትና ከጠዳ እንዲሁም ከደጎማም የሚያግዝ ኃይል ወደ ፋና ድንዛዝ አቅጣጫ በማንቀሳቀስ እራሱን ለማትረፍ ጥረት አድርጓል።
ከተለያዩ ከተሞች በአፈሳ የሰበሰባቸው ወጣቶች ወዲያውኑ ሲበተኑ ከፍተኛ ሀይሉ ደግሞ ከባድና ቀላል ቁስለኛ አስተናግዷል።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዕዝ ሕዝብ ግንኙነት መምሪያ!
17 Aug, 06:17
ሰበር የድል ዜና:-
የመሃመድ ተሰማ የእብሪት ጎማ ጮቄ ላይ ተንፍሷል።
^^^^^^^^^^^^^^^^^^^^^^^^^^^^^^^^^^^
......ነሐሴ11/2018ዐዓ.ም
#ቢቡኝ_አባ_ደሞ_ሻለቃ
የአማራ ህዝብ የራሱን አሳልፎ የማይሰጥ የሌሎችን የማይነካ ኩሩ ህዝብ ነው። ነገር ግን ጊዜ የሰጠው ቅል ሆነና ነገሩ ብልፅግና መራሹ የአብይ አህመድ ስርዓት የአማራን ህዝብ እርፍት በመንሳት በትውልድ ቀዬው መታወቂያ እየተጠየቀ ሰራዊት አዝምቶበት በዕርስቱ እንዳይኖር ንብረቱን እየዘረፈ ድፍን 3ት ዓመት ሞልቶታል።
ይሁን እንጂ ይህንን የሚቀበል አማራዊ ማንነትና ስነልቦና በታሪክም ዛሬም የለም። ይህ እብሪተኛ ስርዓት 6 ክ/ጦር ሰራዊትና በሜካናይዝድ ታጅቦ ወደ ጎጃም ጮቄው ቀጠና አሰማርቷል። የጮቄዋን ከተማ ዋብርን መቀመጫ አድርጎ ወደ ደባይ ፤ሰዴና ስናን በሜካናይዝድ እየታጀበ እንቅስቃሴ ሲያደርግ ቆይቷል።
ይህንን የተመለከቱ ከቢቡኝ ወረዳ የወጡ ጀግኖች ስለጉዳዩ መነጋገርና ማቀድ ጀመሩ። ጠላት ወገን ላይ እያደረሰ ያለው በደል እጅግ አበሳጭቷቸዋል።
ጠላት ጠዋት ሞቶ እኔ ልሙት ማታ፤
ከሺ ቀን ይበልጣል የአንድ ቀን ደስታ።
በማለት 50ዓለቃ ስማቸው ቢሻው (ዝግባው) ፤ ፋኖ አይናዲስ ዓለሙ (የ54ኛ ክ/ጦር ወ/አዛዥ) ፤ አርበኛ እሱባለው ባምላክ፤ ፋኖ እንዳላማው ስለሽ (የሻለቃዋ ሰብሳቢ) ፤ ፋኖ ጌታው አያሌው(የሻ/ም/ሰብሳቢ) ፤ መቶ አለቃ አንሙት መርሻ (ዘመቻ) እና ፋኖ አስናቀው ስዬ (የሻለቃዋ ም/ዘመቻ) ፊትአውራሪነት የቢቡኝ አባደሞ ሻለቃን በመያዝ ዋብር ላይ ጀብድ መስራት ተችሏል።
በአውደ ውጊያ የተገኘ ድል
➺1ድሽቃ
➺1ብሬን
➺1ስናይፐር
➺5የሞርተር ቅንቡላ
➺42ክላሽ
➺1icom መገናኛ
➺18f1 ቦንብ
➺64የክላሽ ካዝና
➺32ወተደራዊ ሻንጣና በርካታ የድሽቃና የብሬን ጥይት እንዲሁም በርካታ የክላሽ አስቃጥላ ጥይትና ወታደራዊ ቁሳቁሶች #የተማረከ ሲሆን #የ10ኛ ክ/ጦር #4ኛ ሬጅመንት አመራር ከእነ ሙሉ አባሉ ሙሉ በሙሉ ተደ-ምስ_ሷል።
አንድነታችን በተባበረ ክንዳችን
ድል ለአማራ ህዝብ
አዲስ ትውልድ አዲስ አስተሳሰብ አዲስ ተስፋ
አፋብን ጎጃም ጠቅላይ ግዛት ቴወድሮስ ዕዝ
201ኛ ኮር ህዝብ ግንኙነት
17 Aug, 04:49
