ፍኖተ-አማራ ሚዲያ (Finote Amhara Media)
Kanalga Telegram’da o‘tish
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Ko'proq ko'rsatish4 394
Obunachilar
-1324 soatlar
-657 kun
+1430 kun
Postlar arxiv
+1
ነሐሴ 11/2018 ዓ.ም
አፋብን ጎንደር ጠቅላይ ግዛት በላይ ዘለቀ እዝ ዳግማዊ ቴዎድሮስ 5ኛ ኮር አካል የሆነው ጥቁር አንበሳ ክፍለ ጦር ድንዛዝ ላይ በጠላት ኃይል ላይ ጠንካራ ክንዳቸው አሳርፈውበታል።
ከደጎማና ከበለሳ በአፈሳ የሰበሰበውን ወጣት በበርካታ ተሽከርካሪዎች ጭኖ በማጀብ ላይ እያለ በአርበኛ ልባርግ ሙላት እየተመራ በእጀባ ላይ የነበረውን ከ20 በላይ ተሽከርካሪ እግር አውጭኝ ጥሎ የፈረጠጠ ሲሆን ከማክሰኝትና ከጠዳ እንዲሁም ከደጎማም የሚያግዝ ኃይል ወደ ፋና ድንዛዝ አቅጣጫ በማንቀሳቀስ እራሱን ለማትረፍ ጥረት አድርጓል።
ከተለያዩ ከተሞች በአፈሳ የሰበሰባቸው ወጣቶች ወዲያውኑ ሲበተኑ ከፍተኛ ሀይሉ ደግሞ ከባድና ቀላል ቁስለኛ አስተናግዷል።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዕዝ ሕዝብ ግንኙነት መምሪያ!
17 Avg, 06:17
ሰበር የድል ዜና:-
የመሃመድ ተሰማ የእብሪት ጎማ ጮቄ ላይ ተንፍሷል።
^^^^^^^^^^^^^^^^^^^^^^^^^^^^^^^^^^^
......ነሐሴ11/2018ዐዓ.ም
#ቢቡኝ_አባ_ደሞ_ሻለቃ
የአማራ ህዝብ የራሱን አሳልፎ የማይሰጥ የሌሎችን የማይነካ ኩሩ ህዝብ ነው። ነገር ግን ጊዜ የሰጠው ቅል ሆነና ነገሩ ብልፅግና መራሹ የአብይ አህመድ ስርዓት የአማራን ህዝብ እርፍት በመንሳት በትውልድ ቀዬው መታወቂያ እየተጠየቀ ሰራዊት አዝምቶበት በዕርስቱ እንዳይኖር ንብረቱን እየዘረፈ ድፍን 3ት ዓመት ሞልቶታል።
ይሁን እንጂ ይህንን የሚቀበል አማራዊ ማንነትና ስነልቦና በታሪክም ዛሬም የለም። ይህ እብሪተኛ ስርዓት 6 ክ/ጦር ሰራዊትና በሜካናይዝድ ታጅቦ ወደ ጎጃም ጮቄው ቀጠና አሰማርቷል። የጮቄዋን ከተማ ዋብርን መቀመጫ አድርጎ ወደ ደባይ ፤ሰዴና ስናን በሜካናይዝድ እየታጀበ እንቅስቃሴ ሲያደርግ ቆይቷል።
ይህንን የተመለከቱ ከቢቡኝ ወረዳ የወጡ ጀግኖች ስለጉዳዩ መነጋገርና ማቀድ ጀመሩ። ጠላት ወገን ላይ እያደረሰ ያለው በደል እጅግ አበሳጭቷቸዋል።
ጠላት ጠዋት ሞቶ እኔ ልሙት ማታ፤
ከሺ ቀን ይበልጣል የአንድ ቀን ደስታ።
በማለት 50ዓለቃ ስማቸው ቢሻው (ዝግባው) ፤ ፋኖ አይናዲስ ዓለሙ (የ54ኛ ክ/ጦር ወ/አዛዥ) ፤ አርበኛ እሱባለው ባምላክ፤ ፋኖ እንዳላማው ስለሽ (የሻለቃዋ ሰብሳቢ) ፤ ፋኖ ጌታው አያሌው(የሻ/ም/ሰብሳቢ) ፤ መቶ አለቃ አንሙት መርሻ (ዘመቻ) እና ፋኖ አስናቀው ስዬ (የሻለቃዋ ም/ዘመቻ) ፊትአውራሪነት የቢቡኝ አባደሞ ሻለቃን በመያዝ ዋብር ላይ ጀብድ መስራት ተችሏል።
በአውደ ውጊያ የተገኘ ድል
➺1ድሽቃ
➺1ብሬን
➺1ስናይፐር
➺5የሞርተር ቅንቡላ
➺42ክላሽ
➺1icom መገናኛ
➺18f1 ቦንብ
➺64የክላሽ ካዝና
➺32ወተደራዊ ሻንጣና በርካታ የድሽቃና የብሬን ጥይት እንዲሁም በርካታ የክላሽ አስቃጥላ ጥይትና ወታደራዊ ቁሳቁሶች #የተማረከ ሲሆን #የ10ኛ ክ/ጦር #4ኛ ሬጅመንት አመራር ከእነ ሙሉ አባሉ ሙሉ በሙሉ ተደ-ምስ_ሷል።
አንድነታችን በተባበረ ክንዳችን
ድል ለአማራ ህዝብ
አዲስ ትውልድ አዲስ አስተሳሰብ አዲስ ተስፋ
አፋብን ጎጃም ጠቅላይ ግዛት ቴወድሮስ ዕዝ
201ኛ ኮር ህዝብ ግንኙነት
17 Avg, 04:49
ሰበር ዜና!
በራያ ግንባር በግዳጅ ላይ የሚገኙት የጠላት ብልፅግና ሰራዊት ከስምሪት ቀጠና በመጥፋት የአማራ ፋኖ ብሔራዊ ንቅናቄ ወሎ ቤተ-አማራ ምኒልክ ዕዝ የ102ኛ ኮርን ተቀላቀሉ።
ዛሬ ነሐሴ 11/2018ዓ/ም በሰሜን ወሎ ዞን በራያ ቆቦ ወረዳ የጠላት የሰሜን ምስራቅ ዕዝ 802ኛ ኮር 48ኛ ክፍለጦር የ4ኛ ሻለቃ ኦፖ ከነ ሙሉ ትጥቁ ወደ ምኒልክ ዕዝ ምስራቅ አማራ የ102ኛ ኮርን ከጓዶቹ ጋር ተቀላቀለ።
ከተቀላቀሉት የጠላት የሰራዊት አባላት አማኑኤል ዳምጠው አዳነ እና ክንዱ ጌትነት ደመላሽ የሰሜን ምስራቅ ዕዝ 802ኛ ኮር 48ኛ ክፍለጦር 4ኛ ሬጅመንት ይገኙበታል።
በተጨማሪም ዋክሹም ተስፋየ ኦላና ፣ሸለማ ጌታቸው ሹማ የሰሜን ምስራቅ ዕዝ 802ኛ ኮር 58ኛ ክፍለጦር 6ኛ ሻለቃ 2ኛ ሻምበል አባል እና ክንዱ ጌትነት ደመላሽ 48ኛ ክፍለጦር የ4ኛ ሻለቃ ኦርድናንስ ትናንትና አመሻሹን በጀሌ(ያለመሳሪያ) የ102ኛ ኮር ፋኖን ተቀላቀሉ።
ወደ ፋኖ ከመጡት የብልፅግና 4 የሰራዊት አባላት መካከል 1 ጥቁር ክላንሽ ኮፍ መሳሪያ፣120 የክላሽ ጥይት ተተኳሽ እና 2 ኤፍ ዋን ቦንብ በመያዝ ተቀላቅለዋል።
ሰሞኑን ከራያ ግንባር እስከ ወልድያ፣ ደሴና ኮምቦልቻ ድረስ ከባድ ውጥረት መንገሱን ተከትሎ በየቀኑ ቢያንስ ከ35 በላይ የሚሆኑ ወታደሮች ከነ ሙሉ ትጥቃቸው በራያ ግንባር ከስምሪት ቀጠናቸው እየወጡ መሆኑን መረጃዎች ያመለክታሉ።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
"ክብር ለትግሉ ሰማዕታት"
ህልውናችን በተባበረ ክንዳችን!
የአፋብን ወሎ(ቤተ-አማራ) ምኒልክ ዕዝ የ102ኛ ኮር ህዝብ ግንኙነት መምሪያ
ነሐሴ 11/2018 ዓ.ም
17 Avg, 03:46
በአገዛዙ ሚሊሻዎች ላይ እርምጃ ተወሰደ~~~~~~~~~~~
ሐምሌ 10/2018 ዓ.ም በአፋብን ጎጃም ጠቅላይ ግዛት ቴዎድሮስ ዕዝ 206ኛ ኮር 24ኛ ክ/ጦር በአገዛዙ ጋሻ ጃግሬዎች ላይ በደፈጣ ድል ተቀዳጅተዋል።ሐምሌ 10/2018 ዓ.ም መነሻውን ከደባይ ጥላት ግን ወረዳ በማድረግ ለዝርፊያና ለጥፋት እየከነፈ የነበረውን የአብይ አህመድ ዙፋን አስጠባቂ የእናት ጡት ነካሽ ባንዳዎች ላይ የ24ኛ ክ/ጦር ደባይ ጮቄ ተርቦች የባባት ከሚባል ቀበሌ ላይ ደፈጣ በመጣል አሸናፊ የተባለው ከዳተኛን ጨምሮ በሌሎች አባሎች ላይ መብረቃዊ እርምጃ ተወስዷል። አሸናፊ የተባለው ባንዳ በፋኖ መዋቅር ታቅፎ ድሽቃ ምድብተኛ ሆኖ ሳለ በወርሐ ጥር ወር ላይ ፋኖን በመክዳት ወደ ጠላት የተቀላቀለ የነበረ ሲሆን ዛሬ በራሱ አሐዶች እርምጃ ተውዶበት ሞቱ የውሻ ሞት ሆኗል።ሌላው ጠብደል የአገዛዙ ሎሌ የነበረው ባንዳ ምትኩ ቢያድግልኝ ባሳደገው ቀዬና በተወለደበት አካባቢ የፋኖ አልሞ ተኳሾች ቅልጥሙን በመሥበር የሀፍረት ማቅ ያለበሱት ሲሆን ሆስፒታል በመግባት በሞትና በህይወት መካከል እያጣጣረ ይገኛል።
የአገዛዙ የብርሐኑ ጁላ ጉጅሌ ጦር ከሰኔ 29/ 2018 ዓ.ም ጀምሮ ያለ የሌለ ሐይሉን አሟጦ በደባይ ጥላት ግን ወረዳ 2 መድፍ፣ 3 ዙ-23 ፣4 ኮሎኔል እና ለቁጥር የሚያታክት የቡድን መሳሪያ ይዞ ቢያሰልፍም ጀግኖቹን የበላይ ትንፋሾች ደባይ ጮቄ ሻለቃን አይደለም መደምሰስ ለማሰብ ከብዶት በንፁሃን ሐብት ዘረፋ ላይ ተሰማርቶ ይገኛል።
አዲስ ትውልድ አዲስ አስተሳሰብ አዲስ ተስፋ!!!!!!
24ኛ ክ/ጦር ሚዲያ ክፍል
17 Avg, 03:14
🔥 ሰበር የድል ዜና - ከጮቄ ማማ! 🔥
"የአንበሳ ግሣት ከዋብር የጮቄው አናት!" 🦁
ገና ሳይነጋ የጮቄዋ አናት ዋብር በድል ተንበሽብሻለች! የቁርጥ ቀን ልጆቻችሁ፣ የ54ኛው ክ/ጦር መዝገበ ዋለልኝ ሻለቃ ተርቦች፣ የብርሃኑ ጁላን ሰራዊት አይቀጡ ቅጣት ቀጥ*ተውታል። የጠላት ኃይል ጢባጢቤ ተጫውተውበት፣ መፈናፈኛ አሳጥተው ወደማይመለስበት ሸኝ*ተውታል።
🛡 የተማረኩ የጦር መሳሪያዎች፦
🔹 ድሽቃ
🔹 ብሬን
🔹 ስናይፐር
🔹 ቁጥሩ በውል ያልታወቀ ክላሽንኮቭ ጠመንጃዎች
የጠላት ሰራዊት የዝናብ ልብሱን እንኳ ሳይለብስ ተጨብጦ ተመትቷል። ዝርዝር መረጃዎችን የክላሽ ቆጠራው እንደተጠናቀቀ ይዘንላችሁ እንቀርባለን።
አዲስ ትውልድ፣ አዲስ አስተሳሰብ፣ አዲስ ተስፋ!
📅 ነሐሴ 11/2018 ዓ.ም
📍 አፋብን | ቴዎድሮስ ዕዝ
17 Avg, 01:53
የአፋብን ሸዋ ጠቅላይ ግዛት አሳምነው ዕዝ በተቆጣጠራቸው ነፃ ቀጣናዎች ሕዝባዊ አስተዳደር መዋቅር በመዘረጋት ትግሉን እያፋጠነ መሆኑኑ ተገለፀ !!
ነሐሴ 10/2018 ዓ.ም
የአፋብን ሸዋ ጠቅላይ ግዛት አሳምነው ዕዝ በተቆጣጠራቸውና ነፃ ባወጣቸው አውራጃዎች ዘላቂና ጠንካራ አደረጃጀት የመመስረት ተግባር በከፍተኛ ወታደራዊና ፖለቲካዊ ቁርጠኝነት እያፋጠነ ይገኛል።
ይሕ ሕዝባዊ አደረጃጀት ኩታገጠም የሆኑ ቀበሌዎችን ያቀፈ የክላስተር አወቃቀር ለወታደራዊ ግብ ስኬትና ቀዳሚ ከመሆናቸውም ባሻገር፣ የሕዝቡን የዕለት ተዕለት የአስተዳደርና የደህንነት ጥያቄዎች በባለቤትነት ለመመለስ አልሞ የተካሄደ ነው ሲል የኮሩ ሕዝብ ግንኙነት አስታወቀ።
የክላስተር ጊዜያዊ አስተዳደር፣ የሕዝቡን ነፃ ፍላጎት መሠረት በማድረግ የተከናወነ ሲሆን፣ ጊዜያዊ አስተዳደሩን የሚመሩ ስራ አስፈፃሚዎች በመመደብና ግልጽ የአስፈፃሚዎች መምሪያ በማዘጋጀት ሕዝባዊ መዋቅሩ ሙሉ በሙሉ ሥራውን እንዲጀምር ተደርጓል ብሏል።
ይህ የተቀናጀ ህዝባዊና ወታደራዊ እርምጃ የትጥቅ ትግሉ ከወታደራዊ ድል ባለፈ የሕዝብን ስልጣን ባለቤት የሚያረጋግጥና የነፃ አውጪነቱን ዓላማ በተግባር የሚያሳይ ትልቅ ምዕራፍ መሆኑ ተረጋግጧል ሲል አክሎ ገልጿል።
በስነ-ስርዓቱ ማጠናቀቂያ ላይም የተመደቡት አመራሮች የተጣለባቸውን የትግልና የሕዝብ አደራ በቅንነት፣ በታማኝነት፣ በእኩልነትና በነፃነት ለማገልገል በቁርጠኝነት ቃለ-መሀላ ፈፅመዋል ሲል አጠቃሎ ገልጿል።
"ክብር ለትግሉ ሠማዕታት!
"ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው ዕዝ ሕዝብ ግንኙነት መምሪያ
17 Avg, 01:39
ሰበር ዜና በቅርቡ ያስመረቅናቸው የጮቄው ነብርርርር 201ኛ ኮር 54ኛ ክ/ጦር በጥዋት ዲሽቃ፣ብሬን፣ ስናይፐር፣ክላሽ በገፍ ተማርኳ በዝርዝር እንመለሳለን #Dave #Amhara
17 Avg, 01:39
17 Avg, ~01:53
በአፋብን 1ኛ ምኒልክ ዕዝ እና 5ኛ ሸዋ ጠቅላይ ግዛት አሳምነው ዕዝ ለአምስት ወር በጋራ ሲስለጥኑ የነበሩ ምልምል የሰራዊት አባላት በዛሬዉ ዕለት ተመረቁ!
በአፋብን 1ኛ ምኒልክ ዕዝ (15ኛ ኮር 45ኛ መብረቅ ክፍለጦር) እና በ5ኛ ሸዋ ጠቅላይ ግዛት አሳምነው ዕዝ (1ኛ አፄ ዘርያቆብ ኮር በፍቃዱ በላይ ክፍለጦር) አዘጋጅነት ለተከታታይ አምስት ወራት የቆየውን ወታደራዊ ሥልጠና ሲከታተሉ የነበሩ ምልምል የፋኖ አባላት በዛሬው ዕለት ነሐሴ 10 ቀን 2018 ዓ.ም. በደማቅ ሥነ-ሥርዓት ተመርቀዋል።
በዚሁ የምረቃ መርሐግብር ላይ የምኒልክ ዕዝ ከፍተኛ አመራር አርበኛ አማረ አያሌው፣ የዕዙ ማሕበራዊ ጉዳዮች መምሪያ ኃላፊ አርበኛ ሐጅ ኑረዲን አበበ ሐሰን፣ የሸዋ ጠቅላይ ግዛት አሳምነው ዕዝ የአፄ ዘርያቆብ ኮር ሎጀስቲክስ መምሪያ ኃላፊ አርበኛ ጌታሁን ቦጋለ፣ በፍቃዱ በላይ ክፍለጦር ወታደራዊ አዛዥ አርበኛ በላቸው እሸቴ፣ የ45ኛ መብረቅ ክፍለጦር አዛዥ አርበኛ ሃጂ ንጉሴ ሃሚድ፣ የ45ኛ ክፍለጦር ወታደራዊ አዛዥ አርበኛ በቃሉ አስማማው (ቼኩቬራ) ጨምሮ ሌሎች የኮርና የክፍለጦር አመራሮች እንዲሁም ጥሪ የተደረገላቸው እንግዶች በተገኙበት በደማቅ ሁኔታ ተከናውኗል።
በመርሐግብሩ ወቅት ንግግር ያደረጉት ተጋባዥ እንግዶች ተመራቂዎች የተሸከሙትን የትግል አደራ እና የተሰው ጓዶቻቸውን መስመር ጠብቀው፣ በቀጣይ ለሚገጥሟቸው ማንኛውም ዓይነት ተግዳሮቶች ሙሉ በሙሉ ዝግጁ እንዲሆኑ አሳስበዋል።
ተመራቂዎቹ በበኩላቸው ላለፉት አምስት ወራት ከቀሰሙት ተግባራዊና ፅንሰ-ሀሳባዊ ወታደራዊ ትምህርት በመነሳት ለክብር እንግዶቹ የሚመጥን ወታደራዊ ትርኢት አቅርበዋል።
በተጨማሪም የተሰው ጓዶቻቸውን አደራ በመጠበቅ፣ ለአማራ ሕዝብ ሕልውና መከበርና ከተጋረጠበት አደጋ ለመታደግ የተጣለባቸውን ማንኛውንም ግዳጅ በብቃት ለመወጣት ቃል-መሐላ በመፈጸም መርሐግብሩ በደማቅ ሁኔታ ተጠናቋል።
መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
የአፋብን ወሎ ቤተአማራ ምኒልክ ዕዝ ሚዲያና ኮሙኒኬሽን መምሪያ!
ነሐሴ 10/2018 ዓ.ም
16 Avg, 15:44
ለፈረንሳዩ ጋዜጣ፤ የአፋብን ሊቀመንበር አርበኛ ዘመነ ካሴ ካነሷቸው ነጥቦች መካከል፦
1ኛ, የፋኖ የትጥቅ ትግል ዓላማን ሲያብራሩ፦ የአማራ ህዝብን ህልውናን ማስከበር፤ የኢትዮጵያን አንድነት መጠበቅና አገሪቱን ከውድቀትና ብተና መታደግ ነው።
2ኛ, ከዚህ ቀደም በየ ጠቅላይ ግዛቱ፣ ዕዝ መስርተው አገዛዙን ሲታገሉ የነበሩ የፋኖ ኃይላት፣ አሁን በአንድ በተዋሃደ ዕዝ እንድ ማዕከላዊ ድርጅት ስር መሰባሰባቸውን ገልፀዋል።
3ኛ, አገዛዙ በድሮን፣ በከባድና በቡድን መሳሪያዎች ንፁሃን አማራዎችን፣ የእምነት ተቋማትን፣ ትምህርት ቤቶችን፣ የጤና ተቋማትንና የአርሶ አደሩን መጠለያና ሀብት ንብረት እያወደመ እንደሚገኝ ገልፀዋል።
4ኛ, የተባበሩት ዓረብ ኢምሬትስን (UAE ) የመሳሰሉ የውጭ አገራት፤ ለአገዛዙ የድሮንና የተተኳሽ ድጋፎችን ከማድረግ ባሻገር የቴክኒክ ድጋፍ የሚሰጡ የሰው ኃይላትን ጭምር ለአገዛዙ ድጋፍ እያደረጉ እንደሆነ አጋልጠዋል።
5ኛ, በአገር ውስጥ ከሚገኙ ፀረ አገዛዙ የታጠቁ ኃይሎች ጋር አብሮ ለመስራት ንግግሮች መኖራቸውንና በሩ ክፍት መሆኑን አንስተዋል።
6ኛ, የትጥቅ ትግሉ የመጨረሻ ግብ፣ የአገዛዙን ቁንጮ ከስልጣን በማውረድ ስር ነቀል የአስተዳደር ስርዓት በመገንባት፣ ለሁሉም ኢትዮጵያዊያን ፍትህ፣ የሕግ የበላይነትና እኩልነትን የሚያሰፍን መንግስታዊ ስርዓት መትከል እንደሆነ ጠቁመዋል።
ነሐሴ 10/2018 ዓ.ም
16 Avg, 15:02
አርበኛ ዘመነ ካሴ ፋኖ የተባበረ ዕዝ መመስረቱን እና መንግስትን ለመጣል አዳዲስ ጥምረቶችን መፍጠሩን አስታወቁ::
በስዊዘርላንድ ለሚታተመው «ሌ ቴምፕስ» (Le Temps) ጋዜጣ ሰፊ ቃለ ምልልስ የሰጡት የፋኖ ንቅናቄ መሪ አርበኛ ዘመነ ካሴ፣ ቡድናቸው የተባበረ ማዕከላዊ ዕዝ መመስረቱን ይፋ አድርገዋል።
«የምንታገለው ለነጻነት እና ለእኩልነት ነው» በሚል ርዕስ በወጣው የጋዜጣው ዘገባ መሠረት፣ የንቅናቄው ዋነኛ ዓላማ የጠቅላይ ሚኒስትር አብይ አህመድን መንግስት ከስልጣን ማስወገድ፣ የአማራን ህዝብ ህልውና ማስጠበቅ እና የኢትዮጵያን መበታተን መከላከል መሆኑን አርበኛ ዘመነ አስታውቀዋል።
አርበኛ ዘመነ ካሴ በማብራሪያቸው ከዚህ ቀደም በሸዋ፣ ወሎ፣ ጎንደር ፣ በጎጃም እንዲሁም በኦሮሚያ ክልል በወለጋ አቅራቢያ በተናጠል ሲንቀሳቀሱ የነበሩ የፋኖ ኃይሎች አሁን ላይ በአንድ ማዕከላዊ ዕዝ ሥር መሰባሰባቸውን ገልፀዋል።
ከዚህም በተጨማሪ፣ ፌደራል መንግስቱን ለመጣል በማሰብ በሰሜን ኢትዮጵያው ጦርነት ወቅት ይዋጓቸው ከነበሩት የትግራይ ኃይሎች ጋር መወያየታቸውን እና ጥምረት መፍጠራቸውን ገልጸዋል። ይህ ትብብር ከትግራይ ኃይሎች ባሻገር ከጉሙዝ፣ ቤርታ፣ ሶማሌ እና ኦሮሞ ኃይሎች ጋርም መደረጉን መሪው በቃለ ምልልሳቸው አብራርተዋል።
በጦር ሜዳው ስላለው የኃይል ሚዛን የተናገሩት አርበኛ ዘመነ ካሴ፣ የፋኖ ኃይሎች በአሁኑ ወቅት ከ80 በመቶ በላይ የሚሆነውን የገጠር አካባቢ እና በርካታ ትናንሽ ከተሞችን መቆጣጠራቸውን ተናግረዋል። አያይዘውም መንግስት ወደ ክልሉ ካሰማራቸው 13 የጦር እዞች ውስጥ አሥሩን በውጊያ ገጥመዋቸው ማሸነፋቸውን ገልጸዋል።
በሌላ በኩል፣ መንግስት በንፁሃን ዜጎች፣ ትምህርት ቤቶች፣ ገበያዎች እና የአባይ ጊዮርጊስ ቅድስት አርሴማን ጨምሮ በገዳማት ላይ ያለምንም ልዩነት የድሮን ጥቃት እየፈፀመ ነው ሲሉ ከሰዋል። ለዚህም የተባበሩት አረብ ኤሚሬቶች የቱርክ ሰራሽ ድሮኖችን ለመንግስት በማቅረብ እንዲሁም እስራኤላውያን የቴክኒክ ድጋፍ በማድረግ በኢትዮጵያ ጉዳይ ጣልቃ እየገቡ መሆኑን አርበኛ ዘመነ ካሴ በብርቱ ተችተዋል።
16 Avg, 14:03
16 Avg, ~15:02
