Truth Waves

ရွှေကုက္ကိုလ်နယ်မြေအတွင်း အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သည့် တရားမဝင် ၈ ထပ်အဆောက်အအုံ ၁ လုံး အား စနစ်တကျ ထပ်မံ ဖောက်ခွဲဖျက်ဆီး၊ တရားမဝင်လူနေအဆောက်အအုံ ၇၁ လုံး ဖြိုချဖျက်ဆီးပြီးဖြစ် #SN

ဤသည်မှာ စစ်ပွဲထက် ငြိမ်းချမ်းရေးနှင့် စည်းလုံးမှုကို ရွေးချယ်ခဲ့၍ ရရှိလာသည့် ရလဒ်ပင် ဖြစ်သည်။သို့ဖြစ်ရာ စစ်ပွဲကြောင့် ဆုံးရှုံးခဲ့ရသည့် သွေး၊ ချွေးနှင့် အသက်ပေါင်းများစွာသည် တိုင်းပြည်အနာဂတ် အတွက် ကြီးမားလှသည့်နစ်နာမှုများ ဖြစ်ပါသည်။ စစ်ပွဲကြောင့် ရရှိလာမည့် အကျိုးဆက်မှာ အလုံးစုံပျက်စီးခြင်းမှတစ်ပါး အခြားမရှိနိုင်ပါ။ ထို့ကြောင့် ကျွန်ုပ်တို့ မြန်မာတိုင်းရင်းသားအားလုံးသည် အတိတ်နှင့် ပစ္စုပ္ပန် စစ်ပွဲ၏ အနိဋ္ဌာရုံများမှ သင်ခန်းစာယူတတ်ရန် လိုအပ်လှပါသည်။ ဗီယက်နက်နိုင်ငံကဲ့သို့ သားစဉ်မြေးဆက် အနာဂတ်အရေးကို မျှော်တွေးပြီး မိမိတို့အချင်းချင်း အမုန်းတရားများကို ဘေးဖယ်ကာ စည်းစည်းလုံးလုံး ငြိမ်းငြိမ်းချမ်းချမ်းဖြင့် အတူယှဉ်တွဲ နေထိုင်သွားကြရန်လိုအပ်ပါသည်။ အပစ်အခတ်ရပ်စဲရေးနှင့် ငြိမ်းချမ်းရေးလမ်းစဉ်ကို အမြန်ဆုံး အကောင်အထည်ဖော်ကြရန်နလည်း တိုက်တွန်းလိုပါသည်။ မည်သို့ပင်ဆိုစေကာမူ ယနေ့ကာလ အစိုးရ၏ ရက် ၁၀၀ စီမံကိန်း အတွင်းမှာရော ရက် ၁၀၀ အလွန် မှာပါ နိုင်ငံတော် အစိုးရ က ငြိမ်းချမ်းရေး တံခါး ဖွင့်လှစ်ထားဆဲ ဖြစ်ကြောင်း တစ်နေ့က ပြုလုပ်သည့် သတင်းစာ ရှင်းလင်းပွဲ မှာ လည်း ထုတ်ပြန်ထားပြီး ဖြစ်ပါသည်။စစ်ကြောင့် ယခုထက် လူထု ကို ပိုမို ဒုက္ခ မရောက်စေချင်တော့ပါ၊ စစ်ကြောင့် တန်းဖိုးရှိလှသော လူသားအရင်းအမြစ်တွေ ထပ်မံ မရှူံးဆုံးစေချင်ပေ။ ဝမ်းနည်းစရာ အလွန်ကောင်းလှသည့် သေဆုံးသွားကြရရှာသော လူပေါင်း ၁၀၀,၁၁၄ ဦး ၏ အသက်ဝိညာဉ်များကို စာနာထောက်ရှုသောအားဖြင့်၊ "အဆုံးမဲ့စစ်ပွဲနှင့် ထာဝရငြိမ်းချမ်းရေး" မည်သည့်လမ်းကို ရွေးချယ်ကြမည်နည်းဆိုသည်ကို အားလုံး အလေးအနက် ဆင်ခြင်စဥ်းစားကြရန် အချိန်တန်ပြီဖြစ်ကြောင်း အပြုသဘောဆောင် အကြံပြုလိုက် ရပါသည် ။ ​အောင်နိုင်သူ (ဇွဲကပင်)

​လက်ရှိ မြန်မာနိုင်ငံ၏ အခြေအနေကို ကြည့်မည်ဆိုလျှင် သောင်းကျန်းသူများသည် မိမိတို့အခြေစိုက်ရာ နယ်မြေမဟုတ်ဘဲ နယ်မြေကျော်လွန်ကာ နယ်ချဲ့လာကြသည့်အပြင်၊ အရပ်ဘက် နိုင်ငံ့ဝန်ထမ်းများနှင့် အပြစ်မဲ့အရပ်သားများကိုပါ ပစ်မှတ်ထားတိုက်ခိုက် လုပ်ကြံသတ်ဖြတ်နေကြသဖြင့် ကန့်သတ်စစ် (Limited War) ဘောင်ကိုပင် ကျော်လွန်နေပြီ ဖြစ်ပါသည်။ကန့်သတ်စစ်ထက် ပိုမိုမြင့်မားပြီး ပြင်းထန်သည့်စစ်ပွဲကို "အလုံးစုံစစ် (Total War)" ဟု ခေါ်ကြသည်။ ဤစစ်ပွဲအဆင့်တွင်မူ "စစ်နိုင်ရင်ပြီးရော" ဆိုသည့် စိတ်ဓာတ်ဖြင့် ရက်စက်ကြမ်းကြုတ်မှုများ ပါဝင်လာသည်။ နျူကလီးယားလက်နက် အသုံးမပြုတာတစ်ခုကလွဲ၍ စစ်နိုင်ရေးအတွက် ဘာမဆိုလုပ်ဆောင်လာကြသဖြင့် အလွန်တရာ ရက်စက်မှုအပေါင်း သရဖူဆောင်းသည့် စစ်ပွဲမျိုး ဖြစ်ပါသည်။ အားမနာတမ်း အမှန်အတိုင်း ပြောရလျှင် လက်ရှိ မြန်မာပြည်တွင် ကြုံတွေ့နေရသည့် စစ်ပွဲအခြေအနေမှာ အချိန် ၅ နှစ်အတွင်း လူပေါင်းတစ်သိန်းကျော် သေဆုံးခဲ့ပြီးဖြစ်၍ ဤ "အလုံးစုံစစ် (Total War)" အဆင့်သို့ ရောက်ရှိနေပြီဟု ဆိုလျှင် မှားမည် မထင်ပေ။ စစ်ပွဲ၏ နောက်ဆုံးနှင့် အမြင့်ဆုံးအဆင့်မှာ နျူကလီးယားလက်နက်များပါ အသုံးပြုပြီး အပြန်အလှန် အကြွင်းမဲ့ချေမှုန်းကြသည့် "ဥဿုံစစ် သို့မဟုတ် အကြွင်းမဲ့စစ် (Absolute War)" ဖြစ်ပြီး၊ ၎င်းအတွက် ဥပမာမှာ ဒုတိယကမ္ဘာစစ်ကြီးသာ ရှိပါတော့သည်။ဆိုလိုသည်မှာ ၅ နှစ်အတွင်း မိမိတို့ သွေးချင်းများ၊ ပြည်သူများ လူပေါင်းတစ်သိန်းကျော် သေဆုံးခဲ့ရပြီးဖြစ်သည့် ဤပြည်တွင်းလကက်နက်ကိုင် ပဋိပက္ခ သည် ဒုတိယအဆိုးဆုံးအဆင့်ရှိသော "အလုံးစုံစစ်" ၏ သရုပ်သဏ္ဍန်ကို ဆောင်နေပြီဖြစ်ကြောင်း စာရေးသူတို့ မြန်မာတိုင်းရင်းသား တိုင်းရင်းသူများ၊ မြန်မာပြည်သူအားလုံး နားလည်သဘောပေါက်ကြရန် အထူးလိုအပ်နေပြီ ဖြစ်ပါသည်။ ​စာရေးသူ အထက်တွင် တင်ပြခဲ့သလို ငြိမ်းချမ်းရေးနှင့် ပတ်သက်လာလျှင် နိုင်ငံတော်အစိုးရ၏ သဘောထားမှာ အလွန်ရိုးရှင်းပြီး သည်းခံစိတ်အပြည့် ရှိနေသည်ကို တွေ့ရသည်။ အလုံးစုံစစ် (Total War) အဆင့်သို့ ရောက်ရှိနေသည့် စစ်ပွဲအခြေအနေကိုပင် အနိမ့်ဆုံးအဆင့်ဖြစ်သော "လက်နက်ကိုင်ပဋိပက္ခ" အဖြစ်သာ သတ်မှတ်ကာ စိတ်ရှည်လက်ရှည်ဖြင့် နိုင်ငံရေးအရ ဖြေရှင်းရန် ကြိုးပမ်းနေဆဲ ဖြစ်ပါသည်။ ယနေ့အထိ အစိုးရအနေဖြင့် ရန်သူ့ဗဟိုဌာနချုပ်များကို အလုံးစုံချေမှုန်းသည့် ဗုံးကြဲမှုများ မလုပ်သေးခြင်း၊ အစ္စရေးနိုင်ငံကဲ့သို့ သူပုန်ခေါင်းဆောင်များကို လိုက်လံလုပ်ကြံ သုတ်သင်ခြင်းမျိုး မပြုလုပ်သေးခြင်းမှာ စစ်ရေးအရ နည်းဗျူဟာအဆင့်မျှဖြင့်သာ ထိန်းချုပ်ပြီး ဆုံးရှုံးနယ်မြေများကို တဖြည်းဖြည်း ပြန်လည်ရယူရန်သာ ရည်မှန်းထားပုံရပါသည်။ မဟာဗျူဟာမြောက် ရည်မှန်းချက်ကြီးများ ထားရှိကာ တစ်ဖက်အင်အားစုကို အလုံးစုံအမြစ်ပြတ် ချေမှုန်းပစ်ရန် အင်အားအပြည့်အဝ မသုံးစွဲသေးဟု မြင်မိပါသည်။ ​အစိုးရအနေဖြင့် ပြည်တွင်းငြိမ်းချမ်းရေးဟူသော မဟာဗျူဟာမြောက် နိုင်ငံရေးရည်မှန်းချက်ကို ပိုမိုအလေးထားနေခြင်းမှာ "ဒို့တာဝန်အရေးသုံးပါး" အရ တိုင်းရင်းသားစည်းလုံးညီညွတ်မှုကို ရှေးရှုငဲ့ညှာနေခြင်းကြောင့်လည်း ဖြစ်နိုင်ပါသည်။ ဤသည်ကို ဆန့်ကျင်ဘက် အင်အားစုများအနေဖြင့် နားမလည်ဘဲ ဆက်လက်၍ မာန်တက်နေဦးမည်၊ ငြိမ်းချမ်းရေးကို လစ်လျူရှုပြီး စစ်ပွဲများကိုသာ ဖော်ဆောင်နေဦးမည်ဆိုလျှင် အစိုးရဘက်က ပကတိအခြေအနေအတိုင်း အရှိန်အဟုန်မြှင့် တုံ့ပြန်လာသည့်အခါ စစ်ပွဲ၏ အကျိုးဆက်ကို ယခုထက် အဆပေါင်းများစွာ ပိုမိုခါးသီးစွာ ခံစားလာရနိုင်ပါသည်။ထိုသို့သော အခြေအနေမျိုးကို ရောက်ရှိမသွားစေရေး အတွက် နိုင်ငံတော် အစိုးရသည် ပြည်တွင်းငြိမ်းချမ်းရေး အရှည်မျှော်တွေးကာ လက်ကမ်းကြိုဆိုနေဆဲ ဖြစ်ပါသည်။နိုင်ငံတော်အစိုးရ က လက်ဖြန့်ကြိုဆိုနေခြင်းဖြစ်သဖြင့် လက်နက်ကိုင် အဖွဲ့များကလည်း တိုင်းရင်းသား ပြည်သူများအရေး ရှေ့ရှုကာ ကျစ်ကျစ်ပါအောင် ဆုပ်ကိုင်ထားသော လက်များကို ဖြေလျှော့ကာ လက်ကမ်းပေးဖို့ လိုမည် ဖြစ်ပါသည်။ ကမ္ဘာ့သမိုင်းကို ပြန်ကြည့်လျှင်လည်း ပြည်တွင်းစစ်မီး ခါးသီးစွာ တောက်လောင်ပြီးမှ သင်ခန်းစာယူကာ ပြန်လည်ရုန်းထွက်ပြီး တဟုန်ထိုး တိုးတက်သွားသည့် နိုင်ငံများ ရှိပါသည်။ အထင်ရှားဆုံးနှင့် အနီးစပ်ဆုံး သာဓကတစ်ခုမှာ အာဆီယံအဖွဲ့ဝင် ဗီယက်နက်နိုင်ငံ ပင် ဖြစ်သည်။ဗီယက်နက်နိုင်ငံသည် ဆယ်စုနှစ်ပေါင်းများစွာ အုပ်စုကွဲကာ ကမ္ဘာ့သမိုင်းတွင် အဆိုးရွားဆုံးနှင့် ရက်စက်မှုအပေါင်း သရဖူဆောင်းခဲ့သည့် ပြည်တွင်းစစ်ဒဏ်ကို ခါးစီးခံခဲ့ရပြီး တိုင်းပြည် အစုတ်စုတ်အပြဲပြဲ ဖြစ်ခဲ့ရသည်။ သို့သော် စစ်ပွဲပြီးဆုံးချိန်တွင် ပြည်သူများနှင့် ခေါင်းဆောင်များသည် အတိတ်က နာကျည်းချက်၊ အမုန်းတရားများနှင့် ဝါဒကွဲပြားမှုများကို ဘေးဖယ်ကာ "ဗီယက်နက် သွေးစည်းညီညွတ်ရေး" ကို အဓိက တည်ဆောက်ခဲ့ကြသည်။ စစ်ပွဲထက် ငြိမ်းချမ်းရေးကို တန်ဖိုးထားပြီး တိုင်းပြည်ပြန်လည်ထူထောင်ရေးကို စည်းလုံးစွာ လုပ်ဆောင်ခဲ့ကြသည့်အတွက် ယနေ့အချိန်တွင် ဗီယက်နက်နိုင်ငံသည် တစ်ဦးချင်း ဝင်ငွေ (GDP) မြင့်မားစွာဖြင့် ကမ္ဘာ့ထိပ်တန်း ကုန်ထုတ်လုပ်မှုအင်အားစုကြီး ဖြစ်လာခဲ့ပြီး ကမ္ဘာ့မျက်မှောက် အလယ်တွင် ပြာပုံထဲက ရုန်းထွက်ပြနိုင်ခဲ့ပါသည်။

ဒီအပတ်ဂျာနယ်ဆောင်းပါးတစ်ပုဒ်တော့ဖတ်စေချင်လို့ တင်ပေးလိုက်တယ်၊ #သတိပြုဝမ်းနည်းစရာ "၁၀၀,၁၁၄" ပြဿနာ ​ ​ဇူလိုင်လ (၂) ရက်က ဗြိတိသျှ အစိုးရပိုင် (BBC) သတင်းဌာနကနေ စိတ်မကောင်းစရာ သတင်းတစ်ပုဒ် နားထောင်လိုက်ရသည်။ အဆိုပါ သတင်း မှာ ၂၀၂၁ ခုနှစ်ကတည်းက စတင်ခဲ့သည့် ပြည်တွင်းလက်နက်ကိုင် ပဋိပက္ခကြောင့် မြန်မာနိုင်ငံတွင် သေဆုံးသူ စုစုပေါင်း ၁၀၀,၁၁၄ ဦး (တစ်သိန်းတစ်ရာတစ်ဆယ့်လေးယောက်) အထိ ရှိခဲ့ပြီဆိုသည့် သတင်း ဖြစ်ပါသည်။ ထိုသို့ သေဆုံးသူ တစ်သိန်းကျော်ဟူသော အရေအတွက်ထဲတွင် တပ်မတော်သားများ၊ လက်နက်ကိုင် သူပုန်အဖွဲ့များ ၊ အရပ်သားဝန်ထမ်းနှင့် သာမန်အရပ်သား ပြည်သူများပါ အားလုံး အကျုံးဝင် ပါဝင်နေသည်ဟုလည်း ဆိုထားပါသည်။ မည်သည့်အချက်အလက်ကို အခြေခံပြီး တွက်ချက်ထားသည်ကို မ​သိရသေးသော်လည်း ​ဤမျှ ကြီးမားလှသည့် ကိန်းဂဏန်းကို ကြားလိုက်ရသည့်အခါ သတင်း၏ ခိုင်မာမှုကို ပြန်လည်ဆန်းစစ်ကြည့်မိပါသည်။ အဆိုပါ သတင်းအချက်အလက်မှာ အမေရိကန်ပြည်ထောင်စု အခြေစိုက် ACLED (Armed Conflict Location & Event Data Project) အဖွဲ့က နိုင်ငံတကာပဋိပက္ခများနှင့် သတင်းမီဒီယာ အချက်အလက်များကို စနစ်တကျ သုတေသနပြုစုပြီး ၂၀၂၆ ခုနှစ် ဇူလိုင်လဆန်းတွင် နောက်ဆုံးထုတ်ပြန်ခဲ့သည့် အစီရင်ခံစာဖြစ်ကြောင်း တွေ့ရှိခဲ့ရသည်။ ဤအဖွဲ့အစည်းသည် ၂၀၀၅ ခုနှစ်ထဲက ကမ္ဘာတစ်ဝန်းက ပဋိပက္ခများကို အချက်အလက်အခြေပြု သုတေသနပြုလာခဲ့သည့် အကျိုးအမြတ်မယူသော သီးခြားလွတ်လပ်သည့် အဖွဲ့အစည်း (NGO) ဖြစ်သဖြင့် မြေပြင်အခြေအနေနှင့် အနီးစပ်ဆုံး မှန်ကန်လိမ့်မည်ဟု ယူဆရပါသည်။ဝမ်းနည်းစရာကောင်းလှသည်မှာ လူပေါင်းတစ်သိန်းကျော် အသက်အိုးအိမ်စည်းစိမ်များ ဆုံးရှုံးသွားခဲ့ရသည့်တိုင် မြန်မာပြည်၏ လက်နက်ကိုင်ပဋိပက္ခစစ်မီးသည် ယနေ့တိုင် အရှိန်အဟုန်ပြင်းစွာ တောက်လောင်နေဆဲ ဖြစ်ပါသည်။ တော်လှန်ရေးဟု ကြွေးကြော်နေကြသည့် အုပ်စုများဘက်ကလည်း "ဘယ်သူသေသေ ငတေ မာရင်ပြီးရော" ဆိုသည့် စိတ်ဓာတ်မျိုးဖြင့် စစ်ပွဲကို စိုင်းပြင်းနေကြဆဲ ဖြစ်ပါသည်။ တိုင်းရင်းသားလက်နက်ကိုင် (EAOs) အချို့ကို ကြည့်ပြန်လျှင်လည်း နိုင်ငံတော်အစိုးရက ငြိမ်းချမ်းရေးအတွက် လမ်းဖွင့်ဖိတ်ခေါ်နေသည့်တိုင် "ငြိမ်းချမ်းရေးစကားဝိုင်းကနေ ကျည်ဆန်ပဲ ရမယ်" ဆိုပြီး အစိုးရကို ပြန်လည်စိန်ခေါ်နေသည့် AAလို အကြမ်းဖက်သူပုန် အဖွဲ့မျိုးများ ရှိနေသည်ကိုလည်း စိတ်မသက်သာဖွယ်ရာ မြင်တွေ့နေရပါသည်။ ​ဤနေရာတွင် စာရေးသူ စိတ်ဝင်စားမိသည်မှာ ဤပြည်တွင်း လက်နက်ကိုင် ပဋိပက္ခ အပေါ် ထားရှိသည့် နိုင်ငံတော်အစိုးရ၏ မူဝါဒနှင့် သဘောထားပင် ဖြစ်ပါသည်။ အစိုးရအနေဖြင့် တိုင်းပြည်ကို ငြိမ်းချမ်းစေချင်သည့် မျှော်လင့်ချက်၊ အမြော်အမြင်ကြီးမားမှုတို့ဖြင့် ယခုထိ ပြည်တွင်းရှိ ပုံနှိပ်မီဒီယာများနှင့် တရားဝင်စာမျက်နှာများပေါ်တွင် "ပြည်တွင်းစစ်" ဟူသော အသုံးအနှုန်းကို သုံးခွင့်မပေးသေးဘဲ "ပြည်တွင်းလက်နက်ကိုင်ပဋိပက္ခ" ဟုသာ သုံးနှုန်းခွင့်ပြုထားပါသည်။ သဘောမှာ နိုင်ငံတော်အစိုးရ၏ သဘောထားသည် တော်တော်လေး ညင်သာပျော့ပြောင်းနေသလို၊ လက်နက်ကိုင်ပဋိပက္ခကို စစ်ရေးထက် နိုင်ငံရေးနည်းလမ်းဖြင့် ပြေလည်အောင် ဖြေရှင်းနိုင်လိမ့်မည်ဟု မျှော်လင့်ချက် ထားရှိဆဲဖြစ်ကြောင်း ထင်ဟပ်နေပါသည်။ ​သို့သော်လည်း မြန်မာပြည်၏ လက်ရှိအခြေအနေကို စစ်ပညာရှုထောင့် (Military Science Perspective) ကနေ ပြန်လည်ဆန်းစစ်ကြည့်လျှင်မူ ပကတိတရားနှင့် အနည်းငယ်ကင်းကွာနေသည်ကို တွေ့ရသည် ။ ဗိုလ်မှူးကြီးစံလွင် (ငြိမ်း) ရေးသားသည့် "စစ်နှင့်စစ်မှုရေးရာ" ဘာသာပြန်စာအုပ်တွင် စစ်ပွဲ၏ သရုပ်သဏ္ဍန်ကို အဆင့် (၄) ဆင့်ဖြင့် ခွဲခြားသတ်မှတ်ထားပါသည်။ ​အဆိုပါ စစ်ပွဲသရုပ်သဏ္ဍန်များ တွင် အနိမ့်ဆုံးအဆင့်အား တစ်နှစ်အတွင်း သေဆုံးသူ လူဦးရေ တစ်ထောင်အောက်သာရှိသည့် စစ်ပွဲမျိုးကို "လက်နက်ကိုင်ပဋိပက္ခ (Armed Conflict)" ဟု ခေါ်သည်ကို တွေ့ရသည် ။ ထို့ထက်ပို မြင့်သော အဆင့်ကို "ကန့်သတ်စစ်ပွဲ (Limited War)" ဟု ခေါ်ပြီး၊ ဤအဆင့်တွင် စစ်ပွဲကျယ်ပြန့်မလာစေရန် နယ်မြေပထဝီအရ ရည်မှန်းချက်များကို ကန့်သတ်ထားသလို၊ အရပ်သားပြည်သူများနှင့် အရပ်ဘက်ပစ်မှတ်များကို မတိုက်ခိုက်ရဟူသော တားမြစ်ချက် ကန့်သတ်ချက်များစွာ ရှိပါသည်။ ​ဤ "ကန့်သတ်စစ်" နှင့် ပတ်သက်၍ သမိုင်းမှတ်တိုင်တစ်ခုကို အမှတ်ရမိသည်။၁၉၅၀-၅၃ ခုနှစ်က ဖြစ်ပွားခဲ့သော ကိုရီးယားကျွန်းဆွယ်စစ်ပွဲအတွင်း မြောက်ကိုရီးယားဘက်က ကူညီတိုက်ခိုက်ပေးနေသည့် တရုတ်ပြည်ကို ဒေါသထွက်ပြီး အမေရိကန်ဗိုလ်ချုပ်ကြီး မက်အာသာက တရုတ်ပြည်မကြီးအတွင်း အနုမြူဗုံးကြဲချရန် ကြံစည်ခဲ့သည်။ ထိုအခါ အမေရိကန်အစိုးရက စစ်ပွဲကြီး ကျယ်ပြန့်မလာစေရန်နှင့် ကန့်သတ်စစ်ပွဲ (Limited War) စည်းကမ်းကို ကျော်လွန်သွားမည် စိုးရိမ်သဖြင့် ဗိုလ်ချုပ်ကြီးမက်အာသာကို စစ်မြေပြင်ကနေ ချက်ချင်းပြန်ခေါ်ပြီး ရာထူးကနေ အငြိမ်းစားပေးကာ ထိန်းသိမ်းခဲ့ရပါသည်။

နေပြည်တော်၊ ဇူလိုင် ၁၀ ဗိုလ်ချုပ်အောင်ဆန်းရုပ်ထုတွေကို ဖယ်ရှားနေတာမဟုတ်ဘဲ အချိုးအစားမမှန်တဲ့ ရုပ်ထုများကိုသာ ဥပဒေနဲ့အညီ ပြန်လည်စိစစ် ဆောင်ရွက်နေတာလို့ သမ္မတရုံး ပြောရေးဆိုခွင့်ရှိသူ ဒေါက်တာခိုင်ခိုင်စိုးက ပြောကြားလိုက်ပါတယ်။ လက်ရှိအချိန်မှာ အချို့ဒေသများရှိ ဗိုလ်ချုပ်အောင်ဆန်း ရုပ်ထုများကို ဖယ်ရှားနေသည်ဟု မီဒီယာအချို့မှာ ဖော်ပြနေတာကို တွေ့ရှိရပြီး အမှန်မှာ ဗိုလ်ချုပ်အောင်ဆန်း၏ ရုပ်ထုအားလုံးကို ဖယ်ရှားနေခြင်းမဟုတ်ဘဲ အချိုးအစားနှင့် ပုံသဏ္ဍာန် မမှန်ကန်သည့် ရုပ်ထုများကိုသာ ဥပဒေနှင့်အညီ ပြန်လည်စိစစ် ဆောင်ရွက်နေခြင်းဖြစ်တယ်လို့ ပြောဆိုထားတာ ဖြစ်ပါတယ်။ ဒါ့အပြင် ဗိုလ်ချုပ်အောင်ဆန်းဟာ မြန်မာ့လွတ်လပ်ရေးကြိုးပမ်းမှုသမိုင်းမှာ အလွန်အရေးပါတဲ့ သမိုင်းဝင် ပုဂ္ဂိုလ်တစ်ဦး ဖြစ်တာကြောင့် ဗိုလ်ချုပ်ရဲ့ အထိမ်းအမှတ်ရုပ်ထုတွေကို ဂုဏ်သိက္ခာနဲ့ လျော်ညီစွာ ထားရှိနိုင်ရေး၊ နောင်လာနောက်သားတွေကလည်း သမိုင်းတန်ဖိုးနဲ့ အစဉ်အလာကို မှန်မှန်ကန်ကန် လေ့လာထိန်းသိမ်း နိုင်ရေးဆိုတဲ့ ရည်ရွယ်ချက်နဲ့ ၁၉၆၂ ခုနှစ် သမိုင်းဝင်ပုဂ္ဂိုလ်များ၏ အထိမ်းအမှတ်မော်ကွန်းဥပဒေအရ စိစစ်ဆောင်ရွက်နေတာ ဖြစ်တယ်လို့ ဒေါက်တာခိုင်ခိုင်စိုးက ပြောကြားခဲ့ပါတယ်။ ၂၀၁၆ ခုနှစ် ဧပြီလ ၁ ရက်နေ့ကနေ ယနေ့အထိ မြိုနယ်ပေါင်း ၁၀၀ ကျော်မှာရှိတဲ့ ဗိုလ်ချုပ်အောင်ဆန်း ရုပ်ထုတွေကို စိစစ်ခဲ့ရာမှာ အချို ရုပ်ထုများရဲ့ အချိုးအစား၊ ပုံသဏ္ဍာန်နဲ့ အနုပညာဖော်ပြမှုတွေဟာ သမိုင်းဝင်ပုဂ္ဂိုလ်တစ်ဦးရဲ့ ဂုဏ်သိက္ခာနဲ့ မလျော်ညီတဲ့ အနေအထားတွေကို တွေ့ရှိခဲ့ရတယ်လို့ ဒေါက်တာခိုင်ခိုင်စိုးက ထည့်သွင်းပြောကြားထားပါတယ်။ ယင်းအတွက်ကြောင့် ဗိုလ်ချုပ်အောင်ဆန်းရဲ့ သမိုင်းဝင်ဂုဏ်သိက္ခာကို ထိန်းသိမ်းမြှင့်တင်ဖို၊ အထိမ်းအမှတ်ရုပ်ထုတွေကို အရိုအသေမဲ့သလို မဖြစ်စေဖို့နဲ့ နောင်လာနောက်သားတွေ အနေနဲ့ မြန်မာ့သမိုင်းအမွေအနှစ်တွေကို မှန်ကန်သင့်လျော်တဲ့ ပုံစံနဲ့ ဆက်လက်လေ့လာနိုင်ဖို့ ရည်ရွယ်ချက်နဲ့ စနစ်တကျ ထိန်းသိမ်းဆောင်ရွက်နေတာ ဖြစ်တယ်လို့ ဒေါက်တာခိုင်ခိုင်စိုးက ထပ်မံပြောကြားထားပါတယ်။ #PeopleMedia

ဗိုလ်ချုပ်အောင်ဆန်းရုပ်ထုတွေအနက် အချိုးအစားမမှန်တဲ့ ရုပ်ထုများကိုသာ ဥပဒေနဲ့အညီ ပြန်လည်စိစစ် ဆောင်ရွက်နေတာလို့ သမ္မတရုံး ပြောရေးဆိုခွင့်ရှိသူပြောကြား

ရင်းနှီးမြှုပ်နှံသူနှင့် နိုင်ငံတော်၏ အကျိုးစီးပွားကို မျှတစွာ ထည့်သွင်းစဉ်းစား၍ သီလဝါ SEZ ကို ဆောင်ရွက်နေ သီလဝါအထူးစီးပွားရေးဇုန် (SEZ) နှင့်ပတ်သက်၍ လက်ရှိဆောင်ရွက်နေသည့် စီမံဆောင်ရွက်မှုများမှာ ရင်းနှီးမြှုပ်နှံသူများ၏ အကျိုးစီးပွားနှင့် နိုင်ငံတော်၏ အကျိုးစီးပွားကို မျှတစွာ ထည့်သွင်းစဉ်းစားကာ ဆောင်ရွက်လျက်ရှိပါတယ်။ သီလဝါအထူးစီးပွားရေးဇုန်ဟာ ဂျပန်အစိုးရနဲ့ ပုဂ္ဂလိကကဏ္ဍတို့ ပူးပေါင်းအကောင်အထည်ဖော်ထားတဲ့ မြန်မာနိုင်ငံရဲ့ အရေးပါတဲ့ ရင်းနှီးမြှုပ်နှံမှုစီမံကိန်းတစ်ခုဖြစ်ပါတယ်။ ဒါကြောင့် နိုင်ငံတော်အစိုးရအနေနဲ့လည်း အထူးအလေးထားပြီး ဆက်လက်ပံ့ပိုးဆောင်ရွက်ပေးလျက်ရှိပါတယ်။ သီလဝါ SEZ အတွင်းရှိ ဂျပန်အပါအဝင် နိုင်ငံတကာရင်းနှီးမြှုပ်နှံမှုလုပ်ငန်းများ ပုံမှန်လည်ပတ်နိုင်ရေးအတွက် လျှပ်စစ်ဓာတ်အား အဆက်မပြတ်ရရှိစေရေး၊ ကုန်ကြမ်းတင်သွင်းမှုလိုင်စင်များကို ဦးစားပေးစိစစ်ခွင့်ပြုပေးရေးနှင့် One-Stop Service (OSS) ကို အပြည့်အဝ ဆက်လက်လည်ပတ်ပေးနိုင်ရေးတို့ကို အလေးထား ဆောင်ရွက်နေပါတယ်။ SEZ အတွင်းရှိ ထုတ်လုပ်မှုနှင့် ရင်းနှီးမြှုပ်နှံမှုလုပ်ငန်းများ၏ ပို့ကုန်၊ သွင်းကုန်ကိစ္စရပ်များကိုလည်း လက်ရှိကုန်သွယ်မှုအခြေအနေနှင့် ရင်းနှီးမြှုပ်နှံသူကုမ္ပဏီများ ပုံမှန်လုပ်ငန်းလည်ပတ်နိုင်ရေးကို အခြေခံ၍ ဦးစားပေးကဏ္ဍနှင့် ပစ္စည်းအမျိုးအစားအလိုက် စိစစ်ဆောင်ရွက်ပေးလျက်ရှိပါတယ်။ အလားတူ လက်ရှိဆောင်ရွက်နေတဲ့ အစီအစဉ်တွေဟာ ကန့်သတ်ခြင်း၊ တားမြစ်ခြင်းဆိုတဲ့ သဘောမဟုတ်ဘဲ ရင်းနှီးမြှုပ်နှံသူတွေရဲ့ အကျိုးစီးပွားနဲ့ မြန်မာနိုင်ငံတော်ရဲ့ အကျိုးစီးပွား နှစ်ဖက်စလုံးကို မျှတစွာ ထည့်သွင်းစဉ်းစားပြီး ပူးပေါင်းဆောင်ရွက်နေခြင်း ဖြစ်ပါတယ်။

ရေပြင်ကျယ်၏ အခြားတစ်ဖက် ===================           “သူတို့တွေ မလာတော့ဘူးလားဟင် ဘွားဘွား”           မြေးငယ်ရဲ့ အမေးစကားအတွက် အဘွားအိုမှာ ဖြေစရာ စကားမရှိခဲ့လေဘူး။ အားကိုးတကြီး ကြည့်နေ့တဲ့ မြေးငယ်နဲ့ မျက်နှာချင်းမဆိုင်ဝံ့တော့လို့ အဝေးကို ငေးမောကြည့်လိုက်တယ်။ မည်းမှောင်နေတဲ့ မိုးရိပ်တွေက အဘွားအိုကို လှောင်ပြောင်နေသလိုပဲ။ လှောင်ရယ်သံတွေက နားထဲ ကို တိုးဝင်လာသလိုရှိရဲ့။ ကျလုလုမျက်ရက်စတွေကို လက်ဖမိုးနဲ့ ခပ်ကြမ်းကြမ်း သုတ်လိုက်တယ်။ အိမ်အောက်မှာ စီးဝင်လာနေတဲ့ ရေတွေက ပိုပြီးတော့ တိုးလာနေသလိုပဲ။           “ဘွားဘွား… ရေတွေက ပိုများလာသလိုပဲနော်… မြေး ကြောက်လာပြီ”           မြေးငယ်ကို ဖြေသိမ့်နိုင်တဲ့ခွန်အား အဘွားအိုမှာ မရှိခဲ့လေဘူး။ မကြာခင် သူတို့တွေ ရောက်လာလိမ့်မယ်ဆိုတဲ့ မျှော်လင့်ချက်စကားလဲ အဘွားအို ပြောမထွက်ခဲ့လေဘူး။ မဖြစ်နိုင်တော့ တဲ့ မျှော်လင့်ချက်ကြီးကို အဘွားအိုကိုယ်တိုင် မမျှော်လင့်ချင်တော့ဘူးလေ။ မြေးငယ်ကို ရင်ခွင်ထဲ ဆွဲသွင်းလိုက်ပေမယ့် အဘွားအိုကိုယ်တိုင် အားအင်တွေ ချည့်နဲ့နေခဲ့ပေါ့။           “အတ္တတွေ… အတ္တတွေကြောင့်ပေါ့ မြေးလေးရယ်”           ခပ်တိုးတိုး ညည်းထွက်သွားတဲ့ အဘွားအိုရဲ့စကားကို မြေးငယ်ဟာ နားလည်ပုံ မပေါ်ခဲ့လေ ဘူး။ ရင်ခွင်ထဲကနေ အသာထွက်ပြီး အဘွားအိုကို ကြည့်နေတယ်။ အဘွားအိုရင်ထဲ ခံစားချက်တွေ ပြည့်နှက်နေပေမယ့် မြေးငယ်နားလည်အောင် ရှင်းမပြနိုင်လေဘူး။ ရှင်းပြလိုစိတ်လဲမရှိလေတော့ မြေးငယ်ကို ကျော်လွန်ပြီး ဝန်းကျင်တစ်ခွင်က ရေပြင်ကျယ်ကြီးကိုသာ ငေးမောနေမိတယ်။ ရင်တွေလေးလိုက်တာ ဆိုတာ။ နွေရာသီဆိုရင်လဲ နွေရာသီမို့လို့ မီးဘေးကြောင့် စားရေးသောက်ရေး ကြပ်တည်းခဲ့ရ၊ အခုလို မိုးရာသီရောက်ပြန်တော့လဲ ရေဘေးကို ပြေးရှောင်နေရတာနဲ့ တစ်ဒုက္ခ။ အခါ တိုင်းဆိုရင်တော့ ဒီလိုရေပြင်ဖွေးဖွေးမှာ ကယ်ဆယ်ရေးလှေတွေ အလုံးအရင်းနဲ့ ရောက်လာခဲ့ကြတာ၊ စားရေးသောက်ရေးလဲ မပူပန်ခဲ့ရ၊ အသက်ဘေးလဲ မစိုးရိမ်ရလေတော့ ဒီလိုရေကြီးတာကို အဘွားအို မမှုခဲ့ပါဘူး။ မြေးငယ်ဆိုရင် မုန့်တွေမျိုးစုံ စားရလို့ ပျော်တောင်နေပါသေးရဲ့။ ဒါကြောင့်ပဲ မြေးငယ် ဟာ ရေပြင်ကျယ်ကြီးကို ကြည့်ပြီး သူတို့တွေ မလာတော့ဘူးလားလို့ မေးနေတာပေါ့။ ကိုယ့်နယ်မြေ ကိုယ့်လူမျိုးတွေကို ရင်းပြီး ကိုယ့်အတ္တအတွက် စစ်ခင်းနေမှတော့ ကူကယ်မယ့်သူတွေ ဘယ်လာပါ တော့မလဲလေ။ ဒါတွေကိုတော့ နုနယ်သေးတဲ့ မြေးငယ်တစ်ယောက် နားလည်မှာမဟုတ်ပါဘူး။ နားမလည်တာပဲ ကောင်းပါတယ်လေ။ မြေးငယ်တို့ လက်ထက်ရောက်ရင်တော့ ဒီလိုအဖြစ်ဆိုးမျိုးနဲ့ မကြုံပါစေနဲ့လို့ အဘွားအို ဆုတောင်းမိလေရဲ့။           “သူတို့တွေ ရောက်လာကြတော့မှာ မဟုတ်ဘူး”           “ဘာလို့လဲဟင်”           “မျိုးချစ်တွေကြောင့်ပေါ့ကွယ်”           အဘွားအိုဟာ ပြောဆိုပြီး သက်ပြင်းမောကို ခပ်လေးလေး မှုတ်ထုတ်လိုက်ပါတယ်။           “မျိုးချစ်ဆိုတာ ဘာကိုပြောတာလဲဟင် ဘွားဘွား”           “ကိုယ့်ဒေသ ကိုယ့်လူမျိုးအတွက်ဆိုပြီး ကိုယ့်ဒေသ၊ ကိုယ့်လူမျိုးတွေ ဒုက္ခရောက်အောင် နည်းမျိုးစုံနဲ့ စစ်မီးမွှေးနေတဲ့သူတွေပေါ့၊ တိုက်ပွဲတွေ တိုက်နေတဲ့ သူတွေပေါ့ကွယ်”           “ဒါဆို ဖေဖေတို့ကို ပြောတာပေါ့နော်”           ဝန်းကျင်တစ်ခွင်မှာ အလင်းရောင်တောင် မရတော့လောက်အောင် မည်းမှောင်လာပြီး မိုးရေ စက်တွေဟာလဲ အဆက်မပြတ်ရွာသွန်းလို့နေပါတော့တယ်။   ကိုလူပျို (၁၀-၇-၂၀၂၆)

ရေပြင်ကျယ်၏ အခြားတစ်ဖက် ===================           “သူတို့တွေ မလာတော့ဘူးလားဟင် ဘွားဘွား”           မြေးငယ်ရဲ့ အမေးစကားအတွက် အဘွားအိုမှာ ဖြေစရာ စကားမရှိခဲ့လေဘူး။ အားကိုးတကြီး ကြည့်နေ့တဲ့ မြေးငယ်နဲ့ မျက်နှာချင်းမဆိုင်ဝံ့တော့လို့ အဝေးကို ငေးမောကြည့်လိုက်တယ်။ မည်းမှောင်နေတဲ့ မိုးရိပ်တွေက အဘွားအိုကို လှောင်ပြောင်နေသလိုပဲ။ လှောင်ရယ်သံတွေက နားထဲ ကို တိုးဝင်လာသလိုရှိရဲ့။ ကျလုလုမျက်ရက်စတွေကို လက်ဖမိုးနဲ့ ခပ်ကြမ်းကြမ်း သုတ်လိုက်တယ်။ အိမ်အောက်မှာ စီးဝင်လာနေတဲ့ ရေတွေက ပိုပြီးတော့ တိုးလာနေသလိုပဲ။ ဆက်လက်ဖတ်ရှုရန်

အောင်ပွဲရ ရှေ့တန်းပြန်တပ်မတော်သားများအား ဂုဏ်ပြုကြိုဆို ၁၀-၇-၂၀၂၆ တောင်ပိုင်းတိုင်းစစ်ဌာနချုပ်နယ်မြေအတွင်းရှိ အကြမ်းဖက် သမားတွေကိုချေမှုန်းသုတ်သင်ပြီး အောင်ပွဲနဲအတူပြန်လာကြတဲ့ အောင်ပွဲရရှေ့တန်းပြန်တပ်မတော်သားများအား ဒုစကခမှူးနှင့်တာဝန်ရှိသူများ၊ ဌာနဆိုင်ရာဝန်ထမ်းများ၊ ဒေသခံတိုင်းရင်းသားပြည်သူများနှင့် တပ်မတော်သားမိသားစုဝင်များက သောင်းသောင်းဖြဖြဂုဏ်ပြုကြိုဆို။

ထိုက်စံ (NP News) - ဇူလိုင် ၁၀ အမျိုးသားစာပေတစ်သက်တာဆုရ စာရေးဆရာမကြီး ဒေါက်တာဒေါ်တင်ဝင်းသည် ယနေ့ (ဇူလိုင် ၁၀ ရက်) နံနက် (၇)နာရီအချိန်တွင် ကွယ်လွန်ခဲ့ကြောင်း သိရသည်။ ဒေါက်တာဒေါ်တင်ဝင်းသည် ကွယ်လွန်ချိန်တွင် အသက်(၈၆)နှစ်ရှိပြီး ၎င်း၏ ကြွင်းကျန်ရစ်သည့် ဥတုဇရုပ်ကလပ်အား လာမည့်(ဇူလိုင် ၁၂ ရက်)၊ နေ့လည် (၁) နာရီတွင် ရန်ကုန်မြို့ မင်္ဂလာဒုံ ကုတင်တစ်ထောင် စစ်ဆေးရုံ ငြိမ်းအေးဇရပ်မှ ရန်ကုန်မြို့ မင်္ဂလာဒုံစစ်သင်္ချိုင်းသို့ ပို့ဆောင်၍ မီးင်္သဂြိုဟ်မည်ဖြစ်ကာ အရိုးပြာကို ပုဂံညောင်ဦး၌ ဂူသွင်းမည်ဖြစ်ကြောင်း သိရသည်။ ဒေါက်တာဒေါ်တင်ဝင်းသည် စာပေဖြင့် နိုင်ငံကိုချစ်တတ်ရန်၊ လူမျိုးကိုချစ်တတ်ရန် နှင့် ရိုးရာယဉ်ကျေးမှုကို လေးစားစွာထိန်းသိမ်းရန်စသည်တို့ကို အသိပေးရေးသားခဲ့သူဖြစ်ကြောင်း သိရသည်။ ထို့ပြင် အမျိုးသားစာပေဆု (၃) ဆု ၊(၂၀၂၁) ခုနှစ် အမျိုးသားစာပေတစ်သက်ဆု၊ အလင်္ကာကျော်စွာ ဒေါက်တာ မတင်ဝင်း(၂၀၂၂) ခုနှစ် စွမ်းဆောင်မှု့ဆိုင်ရာဂုဏ်ထူးဆောင်ဆုတို့ကို ရရှိခဲ့သူလည်း ဖြစ်ကြောင်း သိရသည်။ ၎င်းသည် ပညာရေးတက္ကသိုလ် သင်ပြနည်းပညာဌာနတွင် ပါမောက္ခအဖြစ် တာဝန်ထမ်းဆောင်ခဲ့သူဖြစ်ကြောင်း သိရသည်။

အမျိုးသားစာပေတစ်သက်တာဆုရ စာရေးဆရာမကြီး ဒေါက်တာဒေါ်တင်ဝင်း ကွယ်လွန် 10 Jul 2026

စလေမြို့နယ် တောင်သာရွာအနီးက တပ်မတော်နှင့် ရဲကွန်မန်ဒိုပူးပေါင်းအဖွဲ့ အောင်ပွဲ -အကြမ်းဖက် PDF  ၂၀ လောင်းကျော် -သေနတ်မျိုးစုံ ၂၀ လက် -ခဲယမ်းများနှင့် စစ်အသုံးအဆောင်များ သိမ်းဆည်းရမိ။ Truth Waves TikTok ၊ Telegram

ဘယ်လိုကိုင်တွယ်ဖြေရှင်းကြမလဲ သမ္မတကြီးရဲ့ ဒီစကားကို သဘောကျသလို ဒီစကားကြောင့်လည်းအချို့အုပ်စု တွေအရှိုက်ထိသွားပုံရပါတယ်။ ဆက်စပ်ပြီးစဥ်းစားကြည့်ရင် မနေ့ကလားရှိူးမြို့ ​ရှော့တိုက်ဒုန်း အပစ်ခံရတဲ့ဖြစ်စဥ် က ဒီစကားနဲ့များ ဆက်စပ်နေ မလား တွေးစရာ ဖြစ်မိတယ်။ စစ်ဘုရင်တွေ ၊ တရားမဝင် လက်နက်ကိုင်တပ်ဖွဲ့၊ သူပုန် တွေပေါ်လွန်းတဲ့ဒီတိုင်းပြည်မှာ နယ်စပ်ဒေသ ကုန်သွယ်မှု ဟာ အလွန်အရေးကြီးတယ်။ သူပုန် ဆီငွေမရောက်ဖို့ နည်းလမ်းမျိုးစုံနဲ့ ပိတ်ပင်ဖို့ လိုသလို ခြေဥအတိုင်းမူလ နေရာ ကို သောင်းကျန်းသူတွေ ပြန်မရောက် သေးသရွေ့ကတော့ မည်သည့်နယ်စပ် ကုန်သွယ်မှု မဆို အဆိပ်ပင် ရေလောင်း သလို ဖြစ်နေမှာပဲ။ ဒါ့ကြောင့် နယ်စပ်ကုန်သွယ်မှု မှန်သမျှ ကို G to G အဆင့်ရောက်မှသာ တိုင်းပြည် အတွက် အကျိုးရှိလိမ့်မယ်။ ဒီလို ဆောင်ရွက်ဖို့ကြိုးပမ်းတဲ့ နေရာမှာ မဖြစ်မနေ စဥ်စားဖို့လိုတာက ဒီသူပုန် တွေရဲ့ နောက်ကွယ်က​နေ ကြိုးကိုင်နေ ကြတဲ့ လက်မဲကြီးတွေ ရဲ့ အရေးပဲ။ ဒီလက်မဲကြီးတွေကို မဟာဗျူဟာမြောက် ဘယ်လို ကိုင်တွယ်ဖြေရှင်းကြမလဲ ၊ ဘယ်လိုနည်းနဲ့ ဖြေရှင်းကြမလဲ ဆိုတာကို ပညာရှင်တွေနဲ့ တိုင်ပင်ဖို့ လိုသလို စီမံချက်တွေ ဆွဲပြီး အဖြေရှာ ထားဖို့ လိုမယ်လို့ ထင်ပါတယ်။ မင်းသုန္ဒရ

အကြမ်းဖက်AA ယာယီထိန်းချုပ်တဲ့ရခိုင်ဒေသမှာ ရေကြီးရေလျှံ ဖြစ်ပေါ်နေတာကို AAအဖွဲက ရေဘေးကယ်ဆယ်ခြင်း မပြုလုပ်တာကြောင့် ဒေသခံတွေ စိတ်ပျက်နေ ဇူလိုင် ၁၀ ၊ ၂၀၂၆ ရခိုင်ပြည်အနှံ မိုးသည်းထန်စွာ ဆက်လက်ရွာသွန်းနေမှုကြောင့် မြစ်ရေမြင့်တက်ကာ ကျေးရွာအများအပြား ရေလွှမ်းမိုးခံနေပါသည်။ မြိုနယ် ၈ ခုထက်မနည်းက ရပ်ကွက်/ကျေးရွာ ၁၀၀ နီးပါးတွင် ရေလွှမ်းမိုးခံရပြီး လူ ၇ သောင်းကျော် ရေဘေးသင့် ဒုက္ခရောက်နေကြကြောင်း သိရသည်။ မိုးဆက်လက်ရွာပါက အခြေအနေ ပိုမိုဆိုးရွားလာနိုင်ကြောင်းနဲ့ ရေဘေးသင့်သူဦးရေလည်း ပိုမိုများပြားလာနိုင်ကြောင်းလည်းသိရသည်။ အဆိုပါရေဘေးသင့် ရခိုင်ပြည်သူများကို အကြမ်းဖက်AA အဖွဲက ရေဘေးကယ်ဆယ်ပေးခြင်း ပြုလုပ်မှု မရှိတာကြောင့် ဒေသခံတွေ စိတ်ပျက်နေရတယ်လို သိရပါတယ်။ Truth Waves

သန့်မင်းအိမ် (NP News) - ဇူလိုင် ၁၀ မွန်ပြည်နယ်၊ ရေးမြို့နယ်၊ ကုလားကုတ်ကျွန်း အနောက်ဘက် အက်ဒမန်ပင်လယ်အတွင်း ပြီးခဲ့သည့် ဇူလိုင်လ ၈ ရက်၊ နံနက် ၁၁ နာရီက ကုန်တန်ချိန် (၉၀၀) နီးပါးပါ လှေနှစ်မြုပ်ရာမှ ယင်းလှေမှ လှေလုပ်သား အားလုံးကို တပ်မတော် (ရေ) က ကယ်တင်ခဲ့ကြောင်း လုံခြုံရေးတပ်ဖွဲ့နှင့် နီးစပ်သူများထံမှ သိရသည်။ MV ATK Nyein အမည်ရှိ ကုန်တင်ရေယာဉ်သည် ဇူလိုင်လ (၇) ရက် နံနက် ၈ နာရီကစတင်ကာ လှေလုပ်သား (၁၂) ဦးဖြင့် ရန်ကုန်မြို့မှ စုစုပေါင်းကုန်စုံတန်ချိန် (၈၇၅ ဒသမ ၇ )တန်ခန့်ကို တင်ဆောင်၍ မြိတ်မြို့သို့ ထွက်ခွာခဲ့ခြင်းဖြစ်ကြောင်း သိရသည်။ ထို့နောက် ဇူလိုင်လ ၈ ရက်တွင် ရေးမြို့နယ်၊ ကုလားကုတ်ကျွန်း အနောက်ဘက် ရေမိုင် ၂၇ ဒသမ ၅ မိုင်ခန့် အကွာအရောက်တွင် ရာသီဥတုဆိုးဝါးကာ လှေ၏ ညာဘက် အခြမ်း ရေဝင်၍နစ်မြုပ်ခဲ့ခြင်းဖြစ်ကြောင်း သိရသည်။ ထို့ကြောင့် ရေယာဉ်နစ်မြုပ်သို့ စစ်ရေယာဉ် အမှတ်(၅၆၅) က သွားရောက်ကာ လှေပေါ်ပါ လှေလုပ်သား (၁၂) ဦး ကို ကယ်ဆယ်ခဲ့ပြီး ဇူလိုင်လ ၉ ရက်၊ နံနက်ပိုင်းတွင် မုဒုံမြို့နယ်၊ ကတုံးပေါ် ကျေးရွာ အနီး ရာဇာမင်း ဆိပ်ကမ်းသို့ လာရောက်ပို့ဆောင်ပေးခဲ့ကြောင်း သိရသည်။ ထို့နောက် မော်လမြိုင်ခရိုင် စီမံခန့်ခွဲရေးနှင့်အုပ်ချုပ်ရေးကော်မတီအပါအဝင် သက်ဆိုင်ရာအဖွဲ့များက လာရောက် ကြိုဆိုလွှဲပြောင်း လက်ခံပြီးနောက် မော်လမြိုင်သို့ထပ်မံလွှဲပြောင်းကာ လိုအပ်သည့် ကျန်းမာရေးစစ်ဆေးမှုများ ပြုလုပ်ပေးခဲ့ပြီး အသုံးအဆောင်ပစ္စည်း များအား ထောက်ပံ့ပေးအပ်ခဲ့ကြောင်း သိရသည်။

ထိုက်စံ (NP News)-ဇူလိုင် ၁၀ အမျိုးသမီးငယ်ကို တရုတ်ဇနီးမယားအဖြစ် တရုတ်နိုင်ငံသို့ပို့ဆောင်၍ ငွေကြေးအကျိုးအမြတ်ရယူရန် ဆောင်ရွက်ခဲ့ကြသူများကို လူကုန်ကူးမှုဖြင့် အလုပ်နှင့် ထောင်ဒဏ် နှစ်(၂၀)ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။ ဖြစ်စဉ်မှာ ရန်ကုန်တိုင်းဒေသကြီး လှိုင်သာယာမြို့နယ်၊ ရိုးလေး(ငြိမ်းချမ်း)ကျေးရွာနေ (၂၁)နှစ်အရွယ်အမျိုးသမီးငယ်တစ်ဦးသည် ပြီးခဲ့သည့်(၂၀၂၅) ခုနှစ်၊ ဇွန်လခန့်က ၎င်းသည်ညီမဖြစ်သူတွင် မျက်စိတိမ်စွဲရောဂါရှိသဖြင့် ရေမန်း ဖြင့်ကုသရန် တစ်ရွာတည်းနေသူ မြသန္တာခိုင်ထံတွင် ကုသခဲ့ရာမှ ခင်မင်ရင်းနှီးခဲ့ပြီး အမျိုးသမီးငယ်မှ မိသားစုအခက်အခဲနှင့် အကြွေးများရှိကြောင်း ပြောပြခဲ့ရာ မြသန္တာခိုင်က တရုတ်ဇနီးမယား အဖြစ် လုပ်ကိုင်ပါက ငွေကျပ်သိန်း (၁၀၀) ရမည်၊ လမ်းစရိတ် ကုန်ကျခံပို့ပေးမည်၊ တစ်နှစ်ပေါင်းသင်းနေထိုင်ရမည်ဟု ပြောဆိုစည်းရုံးခဲ့ကြောင်း သိရသည်။ ထို့နောက် မြသန္တာခိုင်က တစ်ရွာတည်းနေသူ ခင်မြကျော်နှင့်အတူ အမျိုးသမီးငယ်၏ နေအိမ်သို့ရောက်ရှိလာပြီး မနန်း (စိစစ်ဆဲ)ဆိုသူကို ငွေကျပ်သိန်း (၁၅၀) ပေးရန် ပြောထားကြောင်း၊ အမျိုးသမီးငယ်၏ဓာတ်ပုံအား မနန်းထံသို့ပို့ခဲ့ကြောင်း၊ အမျိုးသမီးငယ်က ညီမဖြစ်သူ ဆေးကုသရန်အတွက် ခင်မြကျော်ထံမှ ငွေကျပ်(၆)သိန်း ထုတ်ယူခဲ့ကြောင်း သိရသည်။ ယင်းအမျိုးသမီးငယ်က ရန်ကုန်မှ မန္တလေးသို့ မြသန္တာခိုင်၊ ခင်မြကျော်တို့နှင့်အတူ သွားရောက်ခဲ့ပြီး မန္တလေးမှ မူဆယ်သို့ တစ်ဦးတည်းသွားရောက်ရန် ၎င်းတို့စီစဉ်ပေးသည့် အငှားယာဉ်ဖြင့် လိုက်ပါလာခဲ့ခြင်းဖြစ်ကြောင်း စိစစ်ပေါ်ပေါက်ခဲ့ကြောင်း သိရသည်။ ထိုသို့ ကျူးလွန်ကြောင်း စစ်ဆေးပေါ်ပေါက်သဖြင့် မြသန္တာခိုင်နှင့်ခင်မြကျော်တို့အား အမှတ်(၁၁) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု (မန္တလေး) မှ တရားလိုပြုလုပ်တိုင်တန်းခဲ့ရာ ပုသိမ်ကြီးမြို့နယ် အုန်းချောနယ်မြေရဲစခန်း(ပ)၃၆/၂၀၂၆၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲတင်ခဲ့ကာ ပြီးခဲ့သည့်(ဇူလိုင် ၇ရက်)က အောင်မြေသာစံခရိုင်တရားရုံးမှလူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)ဖြင့် အလုပ်နှင့်ထောင်ဒဏ် နှစ်(၂၀)စီ ကျခံစေရန် အမိန့်ချမှတ်ခဲ့ကြောင်း သိရသည်။

အမျိုးသမီးငယ်တစ်ဦးကို တရုတ်ဇနီးမယားအဖြစ်ရောင်းစား၍ ရရှိသည့် အကျိုးအမြတ်များအားခေါင်းပုံဖြတ်သူများကို အလုပ်နှင့် ထောင်ဒဏ်(၂၀)နှစ်ချမှတ်