Adolat SDP Farg'ona viloyati Kengashi (RASMIY KANAL)

Ўзбекистон “Адолат” СДП Сиёсий Кенгаши раиси, Олий Мажлис Қонунчилик палатасидаги партия фракцияси раҳбари лавозимида фаолият юритган Робахон Махмудова Олий суднинг янги раиси бўлди

Президент Олий Мажлис Сенатига Махмудова Робахон Анваровнани Ўзбекистон Олий суди раиси лавозимига сайлаш тўғрисида тақдимнома киритган эди.

Олий Мажлис Сенати Робахон Махмудовани беш йил муддатга Олий суд раиси лавозимига сайлаш тўғрисида қарор қабул қилди.

Олий Мажлис Сенати Кенгашининг мажлисида мазкур масала кўриб чиқилиб, Робахон Махмудовани муддатсиз муддатга судьялик лавозимига, беш йил муддатга эса Ўзбекистон Олий суди раиси лавозимига сайлаш тўғрисида қарор қабул қилинди.

Ўзбекистон “Адолат” СДП Робахон Махмудовани юксак масъулиятли лавозимга сайлангани билан табриклайди ҳамда келгуси фаолиятида муваффақиятлар тилайди. ⚖️ Расмий саҳифаларимиз

❇️Oltiariqda yoshlar kitobxonligini rivojlantirish va ma’naviy ishlarni kuchaytirish masalalari muhokama qilindi Oltiariq tumani “Adolat” SDP kengashi raisi Alijon Hamdamov tashabbusi bilan tasdiqlangan rejaga muvofiq "Eskiarab” MFY raisi va yettilik a’zolari ishtirokida yoshlarni kitobxonlikka keng jalb etish, har bir o‘quvchining yil davomida kamida 10 ta va undan ortiq kitob o‘qishini ta’minlash uchun mahalla hududida zarur sharoitlarni yaratish masalalari muhokama qilindi. Shuningdek, mavjud kutubxona fondini yangi badiiy va ilmiy adabiyotlar bilan boyitish bo‘yicha takliflar ilgari surildi. Uchrashuv ochiq muloqot shaklida o‘tib, ishtirokchilar tomonidan savol-javoblar orqali fikr almashildi va tegishli yo‘nalishlar bo‘yicha takliflar bildirildi.

🔴Deputat tashabbusi bilan elektr ta’minotidagi muammo o‘z yechimini topmoqda Xalq deputatlari Furqat tumani Kengashi deputati Nodirjon Olimov tashabbusi bilan “Qo‘qonboy” mahallasida yillar davomida aholini qiynab kelgan elektr ta’minoti muammosini hal etish bo‘yicha amaliy ishlar olib borilmoqda. Fuqarolar murojaatlari asosida o‘tkazilgan o‘rganishlar natijasida tegishli tashkilotlar bilan hamkorlikda elektr tarmoqlarini yaxshilash va aholini sifatli hamda barqaror elektr energiyasi bilan ta’minlash yuzasidan aniq choralar belgilandi. Natijada mahalla ahli uzoq kutgan ijobiy o‘zgarishlar amalga oshmoqda. Shu munosabat bilan aholi bilan uchrashuv o‘tkazilib, bajarilayotgan ishlar va kelgusi rejalar haqida ma’lumot berildi. Bugun mahalla fuqarolari o‘z murojaatlariga yechim topilayotganidan mamnun bo‘lib, deputatning sa’y-harakatlariga minnatdorlik bildirmoqdalar. Bu esa deputatning xalq manfaatlarini himoya qilish va joylardagi muammolarga amaliy yechim topishning yana bir yorqin namunasidir.

🔴“Hayotni tanla!” — yoshlar kelajagi va sog‘lom jamiyat uchun O‘zbekiston “Adolat” SDP Farg‘ona viloyati Kengashi tomonidan yoshlar o‘rtasida giyohvandlikning oldini olish, ularning huquqiy himoyasini kuchaytirish hamda sog‘lom turmush tarzini targ‘ib etish maqsadida “Hayotni tanla!” aksiyasi doirasida targ‘ibot tadbirlari davom ettirilmoqda. Navbatdagi tadbir Farg‘ona shahridagi “Simtepa” MFYda mahalla faollari, yoshlar va nuroniylar ishtirokida tashkil etildi. Tadbirda O‘zbekiston “Adolat” SDP Farg‘ona viloyati Kengashi mutaxassisi Abrormirzo Jo‘ramirzayev ma’ruza qilib, giyohvandlikning inson salomatligi, oilaviy muhit va jamiyat taraqqiyotiga salbiy ta’siri haqida batafsil to‘xtaldi. Shuningdek, yoshlarning huquqiy savodxonligini oshirish, ularni turli zararli illatlar va yot g‘oyalardan himoya qilish, qonunlarga hurmat ruhida tarbiyalash masalalari yuzasidan muhim tavsiyalar berildi.

❇️“Sahovat va ko‘mak” loyihasi doirasida amaliy yordam ko‘rsatildi “Adolat” SDPning inson manfaatlarini ta’minlash va ehtiyojmand oilalarni qo‘llab-quvvatlashga qaratilgan ezgu tashabbuslari izchil davom etmoqda. Beshariq tuman Kengashi deputati Sarvar Toshmatov tomonidan “Sahovat va ko‘mak” loyihasi doirasida “So‘ylabi” MFYda yashovchi, ijtimoiy reyestrda turuvchi fuqaro Muratova Rayhonaga kommunal to‘lovlari to‘lab berilib, uning ijtimoiy ahvolini yengillashtirishga ko‘maklashildi. “Adolat” SDP deputatlari tomonidan fuqarolarning murojaatlarini o‘rganish va ularni amaliy hal etish borasidagi ishlar davom etmoqda.

❇️Fuqarolar murojaatlari deputatlar e’tiborida Xalq deputatlari Furqat tumani Kengashi raisi R. Meliqo‘ziev, 16-Qo‘qonboy saylov okrugidan saylangan deputat N. Olimov hamda Kengash huzuridagi ekspert guruhi a’zosi T. Yo‘ldashev ishtirokida “Qo‘qonboy” MFYda sayyor qabul o‘tkazildi. Qabul davomida fuqarolar tomonidan ichki yo‘llarni ta’mirlash, ichimlik suvi, elektr ta’minoti, obodonlashtirish, bandlik va boshqa ijtimoiy masalalar yuzasidan murojaatlar bildirildi. Murojaatlar atroflicha o‘rganilib, ularni hal etish yuzasidan tegishli tashkilotlarga deputatlik so‘rovlari yuborildi hamda masalalar deputatlik nazoratiga olindi. Mazkur sayyor qabul aholini qiynayotgan muammolarni o‘rganish, ularning qonuniy yechimini ta’minlash va fuqarolar manfaatlarini himoya qilish borasidagi amaliy ishlarga xizmat qiladi.

🔴🔴🔴Fermerlar muammolari o‘rganildi

Xalq deputatlari Farg‘ona tuman Kengashi deputati Ozodaxon Dadajonova, Shuhratjon Rahimovlar tashabbusi bilan fermerlar murojaatlari asosida “Madad” NNT, Ekspertlar va Yoshlar maslahat guruhlari hamda tuman hokimligi vakillaridan iborat ishchi guruh tomonidan sug‘orish bilan bog‘liq muammolar joyiga chiqib o‘rganildi.

“Azamatjon-G‘ulomjon” fermer xo‘jaligi hududida ekin maydonlarining suv ta’minoti va sug‘orish tizimi holati ko‘zdan kechirildi. O‘rganish davomida 251-raqamli tik quduq faoliyati tahlil qilinib, undan uzluksiz foydalanish natijasida elektr energiyasi limiti oshib ketayotgani va bu sug‘orish jarayonida ayrim qiyinchiliklarni keltirib chiqarayotgani aniqlandi. Aniqlangan muammolar yuzasidan tegishli taklif va tavsiyalar ishlab chiqilib, masala doimiy komissiya muhokamasiga kiritilishi belgilandi. Deputatlik nazorati esa ushbu muammoning yechimi topilgunga qadar davom ettiriladi.

❇️Kitobxonlik – ma’naviy yuksalish va taraqqiyot poydevori Yoshlar o‘rtasida kitobxonlik madaniyatini yanada rivojlantirish, ularning ma’naviy dunyoqarashini boyitish hamda mutolaa orqali bilim va tafakkur salohiyatini oshirish maqsadida “Adolat” SDP Beshariq tumani Kengashi raisi Umidjon Yo‘ldoshev hamda tuman Markaziy kutubxonasi bo‘lim boshlig‘i Mahfiratxon Parpiyeva ishtirokida yoshlar bilan ochiq muloqot tashkil etildi. Tadbir davomida kitobning inson hayotidagi o‘rni, mutolaaning shaxs kamoloti va ma’naviy barkamollikdagi ahamiyati haqida atroflicha fikr almashildi. So‘zga chiqqanlar bugungi globallashuv davrida yoshlarni turli zararli illatlardan asrashda kitobning o‘rni beqiyos ekanini ta’kidladilar. Uchrashuvda yoshlar o‘zlarini qiziqtirgan savollarga javob oldilar, sevimli asarlari va mutolaa jarayonidagi tajribalari bilan o‘rtoqlashdilar.

🔴Saxovat va ko‘mak — inson qadri uchun xizmat qilmoqda Jamiyatimizda ehtiyojmand aholini har tomonlama qo‘llab-quvvatlash, ularning ijtimoiy muammolarini hal etish hamda munosib turmush sharoitini yaratishga qaratilgan ezgu ishlar izchil davom etmoqda. Rishton tumani “Dasht tegirmon” MFY, “Yangibog‘” ko‘chasida yashovchi, boquvchisini yo‘qotgan Ergasheva Gulbahor voyaga yetmagan farzandi bilan istiqomat qilib kelayotgan uy-joy sharoitini yaxshilash maqsadida Rishton tuman Kengashi deputati Muqaddasxon Ahmadaliyevaga yordam so‘rab murojaat qildi. Deputat tomonidan fuqaro murojaati atroflicha o‘rganildi va “Saxovat va ko‘mak” loyihasi doirasida homiylar ko‘magi bilan oila uchun xonali uy qurib berish ishlari boshlandi. Ergasheva Gulbahor bu e’tibor va amaliy yordamdan mamnun. Bunday savobli ishlar Yangi O‘zbekistonda ijtimoiy himoya va inson manfaatlari eng ustuvor vazifalardan biri ekanining yana bir amaliy ifodasidir.

🔴“Telov” MFYda ijtimoiy himoya ishlari o‘rganildi Xalq deputatlari tuman Kengashi deputati Muhammadjon Madrahimov tomonidan “Telov” MFYda aholining ijtimoiy himoyaga muhtoj qatlamlarini qo‘llab-quvvatlash borasida amalga oshirilayotgan ishlar o‘rganildi. Ma’lum bo‘lishicha, mahallada 103 nafar nogironligi bo‘lgan shaxs ro‘yxatga olingan. Mahalla ijtimoiy xodimi Abror Rajabov tashabbusi bilan 2026-yilning yanvar–iyun oylarida 21 nafar fuqaroga ijtimoiy yordam ko‘rsatildi. Jumladan, ehtiyojmand fuqarolar kiyim-kechak va oziq-ovqat mahsulotlari bilan ta’minlandi, 1 nafar fuqaroning uy-joyi ta’mirlandi. Shuningdek, joriy yilning birinchi yarmida 2 nafar fuqaroga nogironlik belgilandi, ehtiyojmand shaxslar protez-ortopediya vositalari bilan ta’minlandi hamda 11 nafar fuqaro sihatgohlarga yuborildi. Ota-ona qaramog‘isiz qolgan 4 nafar bolaga vasiy va homiy tayinlandi. O‘rganish yakunida deputat tomonidan ijtimoiy xizmatlar sifatini oshirish yuzasidan tegishli tavsiyalar berildi.

🔴PROFILAKTIKA INSPEKTORI FAOLIYATI O‘RGANILDI Xalq deputatlari Yozyovon tuman Kengashining 6-Ittifoq saylov Korrupsiyaga saylangan deputati Adhamjon Qo‘chqorov tomonidan Navro‘z mahalla fuqarolar yig‘inida o‘rganish ishlari olib borildi. O‘rganish davomida profilaktika inspektori tomonidan hududda huquqbuzarlik va jinoyatchilikning oldini olish, jamoat tartibini saqlash, fuqarolar xavfsizligini ta’minlash hamda mahalladagi ijtimoiy muhit barqarorligini mustahkamlash borasida amalga Korrupsiyaga ishlar tahlil qilindi. Shuningdek, mahallada kriminogen vaziyatni barqaror saqlash, aholi o‘rtasida huquqiy madaniyatni yuksaltirish, profilaktik tadbirlar samaradorligini oshirish hamda fuqarolar bilan hamkorlikni yanada kuchaytirish masalalari yuzasidan fikr almashildi. O‘rganish yakunida hududda huquqbuzarliklarning oldini olish, aholining huquqiy ongi va madaniyatini oshirish hamda jamoat xavfsizligini ta’minlashga qaratilgan ishlarni izchil davom ettirish bo‘yicha tegishli tavsiyalar bildirildi.

❇️O‘rganishlar davom etmoqda Mahalla aholisining yashash sharoitlarini yaxshilash hamda hududlarda amalga oshirilayotgan bunyodkorlik ishlarining samaradorligini o‘rganish maqsadida xalq deputatlari Uchko‘prik tumani Kengashi kotibiyat mudiri Laziz Turanov tomonidan “21-Oq oltin” saylov okrugi hududida navbatdagi o‘rganish ishlari olib borildi. O‘rganish jarayonida Uchko‘prik MFY hududida joylashgan 28-sonli umumiy o‘rta ta’lim maktabida davom etayotgan qurilish ishlari ko‘zdan kechirildi. Xususan, qurilish-montaj ishlari sifati, obyektning belgilangan muddatlarda foydalanishga topshirilishi hamda yaratilayotgan shart-sharoitlar yuzasidan mas’ullar bilan fikr almashildi. Shuningdek, o‘rganish davomida aniqlangan ayrim kamchiliklarni bartaraf etish, qurilish ishlarining sifatini yanada oshirish va belgilangan muddatlarga rioya etish bo‘yicha tegishli tavsiyalar hamda topshiriqlar berildi.

🔴DEPUTATLIK SO‘ROVI YUBORILDi Xalq deputatlari Farg‘ona tuman Kengashi deputati Ozodaxon Dadajonova tomonidan hududlarda olib borilgan o‘rganishlar davomida aniqlangan muammolar yuzasidan tegishli mas’ul tashkilotga deputatlik so‘rovi yuborildi. So‘rovida Farg‘ona tumanidagi 3-son umumiy o‘rta ta’lim maktabida olib borilayotgan rekonstruksiya ishlari doirasida isitish tizimini yangilash, loyiha-smeta hujjatlariga zarur o‘zgartirishlar kiritish, qo‘shimcha moliyaviy mablag‘ ajratish hamda qurilish-ta’mirlash ishlarini belgilangan muddatlarda yakunlash masalalari yuzasidan batafsil ma’lumot taqdim etish so‘ralgan. Ta’kidlanishicha, deputatlik nazorati doirasida ta’lim muassasalarida aniqlangan muammolarni o‘z vaqtida bartaraf etish, o‘quvchilar uchun xavfsiz va qulay shart-sharoitlarni yaratish hamda ta’lim infratuzilmasini yaxshilash masalalari doimiy e’tiborda bo‘lib qolmoqda. Mazkur deputatlik so‘rovi hududdagi ta’lim sifatini oshirish va mavjud muammolarni tizimli hal etishga xizmat qiladi.

DEPUTATLIK SO‘ROVI YUBORILDI 🔹 Xalq deputatlari Farg‘ona tuman Kengashi deputati Ozodaxon Dadajonova tomonidan hududlarda o‘tkazilgan o‘rganishlar davomida aniqlangan muammolar yuzasidan tegishli mas’ul tashkilotga deputatlik so‘rovi yuborildi. 📄 Deputatlik so‘rovida Farg‘ona tumanidagi 3-son umumiy o‘rta ta’lim maktabida amalga oshirilayotgan rekonstruksiya ishlari doirasida isitish tizimini yangilash, loyiha-smeta hujjatlariga tegishli o‘zgartirishlar kiritish imkoniyatlari, qo‘shimcha mablag‘ ajratish masalalari hamda rekonstruksiya ishlarini yakunlash muddatlari yuzasidan batafsil ma’lumot taqdim etish so‘raldi. 🤝 Deputatlik nazorati doirasida ta’lim muassasalarida mavjud muammolarni bartaraf etish va o‘quvchilar uchun munosib shart-sharoitlar yaratish masalalari doimiy e’tiborda bo‘lib qolmoqda.

KENGASH ISH REJASIGA MUVOFIQ DOIMIY KOMISSIYA O‘RGANISHI O‘TKAZILDI Xalq deputatlari Quvasoy shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan ish rejasiga muvofiq Quvasoy shahar Adliya bo‘limida o‘rganish ishlari olib borildi. O‘rganish jarayonida komissiya raisi Mo‘ysinjon Mehmonov, komissiya a’zolari hamda Kengash kotibiyati xodimlari ishtirok etdi. Tashrif davomida bo‘lim faoliyati, fuqarolarning huquqiy madaniyatini oshirish bo‘yicha ishlar, normativ-huquqiy hujjatlar ijrosi, qonuniylikni ta’minlash hamda murojaatlar bilan ishlash holati yuzasidan ma’lumotlar tinglandi. Shuningdek, mavjud muammolar muhokama qilinib, ularni bartaraf etish bo‘yicha taklif va tavsiyalar ishlab chiqildi. Aniqlangan masalalar yuzasidan takliflar tayyorlanib, Kengash sessiyasi kun tartibiga kiritish bo‘yicha chora-tadbirlar belgilandi.

Xalq deputatlari Farg‘ona shahar Kengashi deputati Bunyod Axmadaliyev Farg‘ona shahridagi “Istiqbol” MFY faollari bilan uchrashdi.

📃 Uchrashuv davomida deputat nomiga kelib tushgan murojaat atroflicha muhokama qilindi. Xususan, So‘lim ko‘chasi 20 “V” hamda 20 “G” ko‘p qavatli uylar oralig‘ida tashkil etilgan “Yashil makon” hududi tadbirkor tomonidan o‘rab olinib, ushbu hududda 7 qavatli turar joy binosi qurilishi rejalashtirilayotgani yuzasidan mahalla aholisi o‘z e’tirozlarini bildirdi. ◼️Fuqarolar mazkur hudud yashil maydon sifatida saqlanib qolishi va aholi manfaatlari inobatga olinishi lozimligini ta’kidladilar.

⚖️ Deputat tomonidan ushbu masala belgilangan tartibda tegishli doimiy komissiya yig‘ilishida, soha mutaxassislari ishtirokida atroflicha ko‘rib chiqilishi hamda qonuniy va adolatli qaror qabul qilinishi ta’kidlandi.

#DeputatFaoliyati #FuqarolarMurojaati #YashilMakon #Adolat #Fargona 📝@deputataxmadaliyev

🔴MAKTABDAGI QURILISH VA REKONSTRUKSIYA ISHLARI O‘RGANILDI O‘zbekiston Respublikasi Prezidentining tashabbusi hamda Farg‘ona tuman Kengashi qarorlari ijrosi doirasida “Obod” MFY hududida joylashgan 3-sonli maktabda olib borilayotgan qurilish va rekonstruksiya ishlari tuman Kengashi deputati Ozodaxon Dadajonova va mas’ullar ishtirokida o‘rganildi. 620 o‘quvchi o‘rniga mo‘ljallangan maktabda bugungi kunda 1600 nafardan ortiq o‘quvchi tahsil olmoqda. O‘quvchilar sonining keskin ortishi natijasida ta’lim muassasasida qo‘shimcha o‘quv o‘rinlari va sharoitlarni yaratish zarurati yuzaga kelgan. Shu munosabat 600 o‘rinli yangi o‘quv bino qurilishi jadal sur’atlarda davom etmoqda. Biroq, binoda isitish tizimini yangilash loyihaga kiritilmagani sababli ta’lim muassasasining to‘liq quvvatda va qulay sharoitlarda faoliyat yuritishiga salbiy ta’sir ko‘rsatishi mumkinligi qayd etildi. O‘rganish davomida aniqlangan masalalarni xal etish yuzasidan tegishli chora-tadbirlar belgilandi.

👍👍👍👍👍👍👍👍👍

◾️Xalq deputatlari Farg‘ona shahar Kengashi deputati Bunyod Axmadaliyev o‘z saylov okrugi hududida amalga oshirilishi rejalashtirilgan yangi loyiha bilan yaqindan tanishdi.

😑Jumladan, “Sovurbuloq” MFY hududidagi Sanoat ko‘chasida barpo etilishi ko‘zda tutilgan bolalar maydonchasi, bekat, ochiq dam olish maskani, basseyn, mini futbol maydonchalari, muzqaymoqxona hamda elektr dvigatelli avtomobillar uchun zaryadlash shahobchasi loyihasi bilan tanishildi.

Deputat loyiha tashabbuskori bo‘lgan tadbirkor bilan suhbatlashib, amalga oshirilayotgan ishlar va kelgusidagi rejalar yuzasidan fikr almashdi. Mazkur loyiha to‘liq amalga oshirilgach, hududda qariyb 50 ta yangi ish o‘rni yaratilishi kutilmoqda.

✅ Shuningdek, deputat hudud infratuzilmasini yaxshilash, aholi uchun qulayliklar yaratish va yoshlarning bo‘sh vaqtini mazmunli tashkil etishga xizmat qiladigan ushbu loyihani qo‘llab-quvvatlashini bildirib, uni amalga oshirishda zarur amaliy ko‘mak ko‘rsatilishini ta’kidladi. ______________________________________ #DeputatFaoliyati #YangiLoyihalar #Tadbirkorlik #Bandlik #Fargona 📝 @deputataxmadaliyev

❇️Sayyor qabulda ko‘tarilgan murojaatlar ijobiy hal etildi Xalq deputatlari viloyat Kengashi deputati D. Mexmonova, Xalq deputatlari Quvasoy shahar Kengashi raisi Sh. Dadaboyev, hudud deputati S. Xolmirzayev hamda Kengash kotibiyati xodimlari ishtirokida o‘tkazilgan sayyor qabul davomida fuqarolar tomonidan bildirilgan murojaatlar yuzasidan amaliy ishlar amalga oshirildi. Jumladan, “Arsif” mahallasida joylashgan madaniyat markazida mavjud muammolar o‘rganilib, suv ta’minotini yaxshilash bo‘yicha zarur choralar ko‘rildi. Shuningdek, markaz hududi obodonlashtirilib, sanitariya holatini yaxshilashga qaratilgan ishlar bajarildi. Fuqarolar murojaatlarining o‘z vaqtida ko‘rib chiqilishi va amaliy yechim topishi aholi manfaatlarini ta’minlash, hududdagi mavjud muammolarni bartaraf etish hamda deputatlik nazoratining samaradorligini oshirishga xizmat qilmoqda. Mazkur yo‘nalishdagi ishlar izchil davom ettiriladi.