ሳይኮሎጂ | Psychology

🧠 የAsch Conformity Experiment — ሰው ለምን ከብዙሀኑ ጋር ይስማማል? “እውነቱን እያወቅን እንኳን ከሌሎች ጋር ተሳስተን ልንመልስ እንችላለን?” በ1951 ፖላንዳዊ-አሜሪካዊው ሳይኮሎጂስት Solomon Asch ይህንን ጥያቄ ለመመለስ ታዋቂውን የConformity Experiment አደረገ። ጥናቱም Effects of Group Pressure upon the Modification and Distortion of Judgments በሚል ርዕስ ታትሞ ወጣ። 🔬 ሙከራው እንዴት ነበር? ተሳታፊዎች አንድ ረጅም መስመር እና ሶስት የተለያዩ መስመሮች ይመለከቱ ነበር። ከሶስቱ ውስጥ ከመጀመሪያው ጋር በትክክል የሚመሳሰለውን መስመር መምረጥ ነበረባቸው። በመጀመሪያ ሲመለከቱት በጣም ቀላል ጥያቄ ነው። ትክክለኛው መልስ በግልጽ ይታያል ግን እዚህ ላይ የሙከራው ዋና ነገር ይጀምራል። ተሳታፊው ከሌሎች ሰዎች ጋር አብሮ ይቀመጣል። እነዚህ ሰዎች ግን በሙከራው ውስጥ ከተመራማሪው ጋር የተባበሩ ሰዎች ናቸው። በአንዳንድ ዙሮች ሁሉም ሆን ብለው በግልጽ የተሳሳተውን መልስ ይሰጣሉ። ከዚያ የእውነተኛው ተሳታፊ ተራ ይመጣል። አሁን ሁለት ነገሮች ይጋጫሉ፦ “የራሴ ዓይን የሚነግረኝን እከተል?” ወይስ “ሁሉም ሰዎች እንዲህ እያሉ እኔ ብቻ ልሳሳት እችላለሁ?” 🔬 ውጤቱ ምን ነበር? 🔬 ይህ ነው ጥናቱን አስገራሚ ያደረገው። ተሳታፊዎች ትክክለኛውን መልስ በግልጽ ማየት ቢችሉም፣ ከቡድኑ የተሳሳተ መልስ ጋር ብዙ ጊዜ ተስማሙ። በአስፈላጊዎቹ የሙከራ ዙሮች ላይ ተሳታፊዎች በአማካይ ወደ አንድ ሶስተኛ የሚጠጋ ጊዜ ከግልጽ የተሳሳተ የቡድን መልስ ጋር ተስማሙ። ወደ 75% የሚጠጉትም ቢያንስ አንድ ጊዜ ለቡድኑ ግፊት ተስማምተዋል። ይህ ማለት ግን ሁሉም ሰዎች ሁልጊዜ ተጽዕኖ ይደርስባቸዋል ማለት አይደለም። በAsch ጥናት ውስጥ የተሳታፊዎቹ ምላሽ በጣም የተለያየ ነበር፤ አንዳንዶቹ ከቡድኑ ጋር በተደጋጋሚ ሲስማሙ፣ ሌሎች ግን ነፃ የሆነ ፍርዳቸውን ጠብቀዋል። ከዚህ በላይ የሚያስገርመው... አንዳንድ ተሳታፊዎች ከሙከራው በኋላ ሲጠየቁ፣ “መልሱ የተሳሳተ መሆኑን አውቄ ነበር” የሚል ምላሽ ሰጥተዋል። ስለዚህ ችግሩ ሁልጊዜ “ሰውየው እውነቱን አላየም” የሚል አልነበረም። አንዳንዶቹ “እኔ ብቻ ልሳሳት እችላለሁ” ብለው ራሳቸውን መጠራጠር ጀመሩ። ሌሎች ደግሞ “ከሁሉም ጋር መለየት አልፈልግም” ብለው የቡድኑን መልስ ተከተሉ። Asch ይህንን የቡድን ግፊት በፍርድ ላይ የሚያመጣው ለውጥ እና መዛባት በሚል መርምሯል። 🧠 ታዲያ ሰዎች ለምን ይስማማሉ? 1️⃣. ከሌሎች መለየትን መፍራት ሰው በቡድን ውስጥ ሲሆን “እኔ ብቻ ለምን እለያለሁ?” የሚል ስሜት ሊፈጠርበት ይችላል። 🔢. ራስን መጠራጠር ሰባት ሰዎች አንድ ነገር እያሉ እኔ ብቻ ሌላ ነገር ካየሁ፣ “ምናልባት እኔ ነኝ የተሳሳትኩት” ብሎ ራስን መጠራጠር ይጀምራል። 🔢. ተቀባይነትን መፈለግ ሰዎች በቡድን ውስጥ መቀበል፣ መወደድ እና ከሌሎች ጋር መስማማት ይፈልጋሉ።

«“ሁሉም እንዲህ እያሉ ነው” የሚለው ነገር፣ “ሁሉም ትክክል ናቸው” ማለት አይደለም።»

📚 ጥናቱ: Solomon E. Asch (1951), Effects of Group Pressure upon the Modification and Distortion of Judgments. 🔗 የጥናቱ መረጃ: click click

@PsychologyCentral✅