Advokat G’aniyev

Мазкур жиноят иши бўйича навбатдаги суд муҳокамаси ўтказилмоқда. А.Т.га нисбатан қўлланилган қамоққа олиш тарзидаги эҳтиёт чораси муносиб хулқ-атворда бўлиш ҳақидаги тилхат эҳтиёт чорасига ўзгартирилди. А.Т. суд залида қамоқдан озод қилинди. Суд мажлиси давом этмоқда. Advokat G‘aniyev

“Док-1 Макс” иши: Апеллация инстанцияси дастлабки инстанция ҳукмини ўзгаришсиз қолдирди Тошкент шаҳар суди, Жиноят ишлари бўйича апелляция инстанцияси жиноят ишлари бўйича Тошкент шаҳар суди Жиноят ишлари бўйича судлов ҳайъатининг 2024 йил 26 февралдаги ҳукмини ўзгаришсиз қолдирди. 7 нафар судланувчи томонидан киритилган апелляция шикояти қаноатлантирилмади. Сардор Кариевнинг онаси Мунира Кариева томонидан суднинг депозит ҳисоб рақамига тўланган 2,5 миллиард сўм маблағ жабрланувчиларнинг қонуний вакилларига тенг миқдорда тақсимланиши белгиланди. Advokat G‘aniyev

Натижа олдиндан англаганимиздек бўлди😔

10 дақиқалик терговдан яширинади деб қўлланилган қамоқ... Иловадаги суд ажрими билан айбланувчи У.Т.га нисбатан унинг келгусида дастлабки терговдан бўйин товлаши ва ҳақиқатни аниқлашга халал бериши инобатга олиниб, қамоққа олиш тарзидаги эҳтиёт чораси қўлланилган. У.Т. 2024 йил 28 июнь куни соат 19.30да қамоққа олинган бўлиб, дастлабки терговнинг тамомланганлиги ҳақида унга ва ҳимоячисига шу куни соат 19.40да эълон қилинган. Иш бўйича айблов хулосаси 2024 йил 29 июнь куни тузилган. ЖПКнинг 375-моддаси 1-қисмига кўра, терговчи тўпланган далилларни айблов хулосасини тузиш учун етарли деб топганидан кейин айбланувчи ва ҳимоячига дастлабки тергов тамомланганлигини эълон қилади, уларга ишдаги барча материаллар билан танишиб чиқишга доир ҳуқуқларини тушунтиради ва танишиб чиқиш учун ишни тақдим этади. Дастлабки тергов тамомланган ва тўпланган далиллар айблов хулосасини тузиш учун етарли деб топилган бўлса, суднинг ажримида бўйин товланиши мумкин бўлган қайси “дастлабки тергов” назарда тутилмоқда!? Тўпланган далиллар айблов хулосасини тузишга етарли деб хулоса қилинса ва жиноят иши барча ҳақиқатлар аниқланиб, судга юборилаётган бўлса, суд ажримида ёзилган “аниқланишига халал берилиши мумкин бўлган” яна қандай ҳақиқат бор!? Бу каби шаблон қамоққа олишлардан қачон воз кечамиз!? Балки 2025 йил 1 январдан иш бошлайдиган тергов судьялари шундай нотўғри амалиётларга барҳам беришар!? У.Т.ни қамоққа олиш ҳақидаги суд ажрими ўзгаришсиз қолдирилишини олдиндан яхши англасакда, “ноумид шайтон” дея апелляция шикояти берганмиз ва бу шикоят 2024 йил 3 июль куни кўрилади. Кўрамиз: суд ажримидан сўнг атиги 10 дақиқа давом этган тергов учун қўлланилган қамоқ эҳтиёт чораси вилоят судини ҳайратда қолдира олармикан? Каналга уланиш Advokat G’aniyev

Илтимоснома муҳокамаси кейинга қолдирилдими, демак жиноят ишининг “назоратда”лиги эҳтимоли юқори! “Шаффоф” бренди остидаги тадбиркорлик субъектлари таъсисчиларини айблаш ҳақидаги жиноят иши Андижон вилоят судининг жиноят ишлари бўйича судлов ҳайъатида апелляция тартибида кўриб чиқилмоқда. Мазкур иш доирасида 3 йил муддатга ОМҚ тайинланиб, суд залидан қамоққа олинган бир судланувчининг жинояти (ЖКнинг 184-моддаси – “Солиқларни тўлашдан қасддан бўйин товлаш) оқибатида етказилган моддий зарар тўлиқ бартараф этилган. 2024 йил 26 июнь кунги суд муҳокамасида ўша судланувчига нисбатан қўлланилган қамоққа олиш эҳтиёт чорасини очиқдаги бошқа чорага ўзгартириш тўғрисида илтимоснома киритилди (зарар тўланганини тасдиқловчи тўлов қоғозлари билан бирга). Олий суд Пленумининг 2004 йил 21 май кунги 4-сонли қарорининг 9-банди 4-хатбошисида, моддий зарар қайси судлов босқичида қопланганлигидан қатъи назар, қамоқда сақланаётган шахсларга нисбатан эҳтиёт чораси турини ўзгартириш масаласи дарҳол ҳал этилиши керак, деб тушунтириш берилган. Жиноят иши “назоратда” бўлганлиги учунми ёки Пленум қароридаги “дарҳол” тушунчаси “бир ҳафта” деган маънони англатадими – суд мажлиси ҳам, илтимоснома муҳокамаси ҳам 3 июль кунига қолдирилди. Каналга уланиш Advokat G’aniyev

Мана бу ерда диний материални аккаунт саҳифасига (аватаркасига) жойлаш – уни тарқатиш ҳисобланмаслигига оид 1-босқич суди қарори ҳақида маълумот берган эдик. Обуначиларимиз орасида диний муҳитни соғломлаштиришга масъуллар ҳам бор шекилли, постимизда эълон қилинган масала уларни унчалик қувонтирмаган кўринади. Яъни, маъмурий ҳуқуқбузарлик тўғрисидаги ишни тугатиш ҳақидаги 1-инстанция судининг қарори прокурорнинг кассация протести асосида кўриб чиқилиб, Фарғона вилоят суди жиноят ишлари бўйича судлов ҳайъатининг 2024 йил 28 июнь кунги қарори билан бекор қилинган. Олий суд интерактив хизматлар порталининг “суд қарорлари бўлими”дан эса кассация инстанциясининг қарорини топиш имкони бўлмади. Каналга уланиш Advokat G’aniyev

Ҳукумат қарори билан Ўзбекистондаги оммавий тадбирларга фуқароларни реклама, акция ва бошқа мақсадларда озиқ-овқат, буюмлар ҳамда бошқа маҳсулот ва товар-моддий бойликларни бепул тарқатиш ёки ҳаддан ташқари арзонлаштирилган нархда сотиш орқали жалб қилиш тақиқланди.