《 ئارام بە 》

رَبَّنَا وَلَا تُحَمِّلْنَا مَا لَا طَاقَةَ لَنَا بِهِ

تێدەپەڕێت…

هەندێك ونبوون سەرەتای دۆزینەوەی خۆتە..

یەکێك لە جوانترین شتەکان کە لە جەنابی مامۆستاوە فێربووم، ئەوەیە کە لە کاتە بەتاڵەکانی دەوامیشم سوود وەربگرم و خۆم بە عیلمەوە سەرقاڵ بکەم، بەڕاستی لەوەتەی ئەم عیلمە موبارەکەم دەست پێکردووە، هەست دەکەم بەرەکەتێکی زۆر کەوتووەتە ناو کاتمدا؛ تەنانەت لە نێوان کار و دەوامیشدا هەلی فێربوونم هەیە، هیوادارم هەموو تاڵب عیلمێك ئەوە بزانێت کەوا کارەکەی نابێتە هۆی ئەوەی واز لە فێربوون و خۆ بنیادنان بهێنێت.

بۆ قەدرگرتن و چێژبینین لەوەی هەتە چـاوت دابـخـە لـەوەی نیتە. - مامۆستا ڕەوەند

﴿وَإِن تَعُدُّوا نِعْمَتَ اللَّهِ لَا تُحْصُوهَا﴾ ئەگەر هەوڵ بدەن نیعمەت و بەخششەکانی خوای گەورە بژمێرن، ئەوا هەرگیز بۆتان ناژمێردرێت. کێ دەزانێت؟ لەوانەیە ئەو ژیانەی ئێمە بە «سادە» ناوی دەهێنین، هەمان ئەو ژیانە بێت کە کەسێکی تر هەموو ڕۆژێك دوعای بۆ دەکات. بۆیە… سەیری ئەوە مەکە کە چیت نییە، بەڵکو هەمیشە سەیری ئەوە بکە کە خودای گەورە چی پێ بەخشیویت، چونکە کاتێك دڵ فێری سوپاسکردن دەبێت، سادەترین ڕۆژەکانیش دەبن بە پڕماناترین ڕۆژەکان. « لَئِن شَكَرۡتُمۡ لَأَزِيدَنَّكُمۡۖ » واتە: سوێند به‌خوا ئه‌گه‌ر سوپاسگوزارو شوکرانه بژێر بن، ڕزق و ڕۆزی و نازو نیعمه‌تتان به‌سه‌ردا ده‌ڕێژێنم و زیادی ده‌که‌م.

هەموو جار کە سەیری ئاسمان دەکەم ئێژم؛ بەس نییە تـۆم هـەیـە خـودایـە.

هەموو جار کە سەیری ئاسمان دەکەم ئێژم؛ بەس نییە تۆم هەیە خودایە !

دەتەوێت یەکێک بەڕێوەببەیت و لە قسەت دەرنەچێت؟ پێویست بەو هەموو خۆسوورکردنەوە، و هاوار هاوارە ناکات! مەرج نییە توڕەبوون سام و هەیبەتت زیاد بکات! بەسادەیی، وابکە خۆشی بوێیت ئیتر تەواو، لەوێ بیت یان لەوێ نەبیت، داواکەت ئاسان بێت یان زەحمەت، قسەت ناشکێنێت. وابکە چواردەورەت (خێزانەکەت، خوشکەکانت، برا بچووکەکەت، دراوسێت، قوتابییەکانت) خۆشیان بوێیت، ئنجا دەرەنجامەکەی دەبینیتەوە! زەقترین ڕێگای بەڕێوەبردنی دۆستانیش لە ژیانی پێغەمبەری خوادا ـ صلی الله علیە وسلم ـ بریتییە لە: بەڕێوەبردنی بە خۆشەویستی (نەک بە دار، و بە پارە).

يَا اللهُ، لَا تَحْرِمْنَا مِنَ الْعِلْمِ بِأَيِّ حَاجِزٍ وَلَا تَقْـطَـعْنَا عَـنِ الْعِلْـمِ بِـأَيِّ قَاطِـعٍ. خودایە، بە هیچ ڕێگریەك ڕێگریمان لێ مەکە لە عیلم، و بە هیچ دابڕێنەرێك دامان مەبڕە لە عیلم. 🌻

دونیا چاوەڕوانییە…

دەست بکە بە بنیادنان پاشان ڕێگە بدە کات تێپەڕێت. - مامۆستا ڕەوەند

لە کۆتایدا ئێژین؛ خێری تێدایە ئازیزم..

لە زۆرێك لە ڕۆژەکانی ژیانماندا، تەنها یەکترمان هەبوو، خۆشییەکانمان پێکەوە دابەش کرد و خەمەکانمان پێکەوە هەڵگرت، و لە هەموو ئەو ڕۆژانەی کە ژیان قورس بوو، لە پشتی یەکتر بووین. هەرکاتێك کێشەیەکمان هەبا بە دانیشتنێکی دوو سەعاتی خەمەکانمان سووک دەبوون، هەمیشە بێ ئەوەی بۆ یەکتری ڕۆنبکەینەوە لەیەکتر تێگەیشتووین.. تۆ بۆ من تەنها خۆشك نییت، تۆ ئەو کەسەی کە لەهەموو کاتە سەختەکان لەگەڵم بوویت.

جوانی مانگ..

بۆچی دڵ بدەین بەم کاروان سەرایە کە یاران ڕۆشتن و ئێمەش دەڕۆین.. - سەعدی

ئەو کەسەی کە لە ژیاندا زۆرترین ئازاری چەشتووە، زۆرترین لێبوردەیی هەیە. نەک لەبەر ئەوەی لاوازە بەڵکو لەبەر ئەوەی دەزانێت ئازار چی دەکات بە ناخی مرۆڤ. ئەو کەسەی کە شکاوە، دەزانێت شکاندن چییە، بۆیە نایشکێنێت. ئەو کەسەی کە گریاوە، دەزانێت فرمێسک چەند قورسە، بۆیە نایگرێنێت. ئەو کەسەی کە خیانەتی لێ کراوە، دەزانێت خیانەت چۆن دڵ دەسوتێنێت، بۆیە خیانەت ناکات... بەسە ئازار گەورەترین مامۆستات بێت، و باشترن نوسخەت لێ بنیاد بنێت، ئەوەندە دڵت بشکێنە تا وات لێ دێت کێشەکانیش وەک بەشێک لە نیعمەت دەبینیت، و لە هەموو کێشەیەک دەیان وانە فێر دەبیت...

ئایە خودای گەورە نیعمەتی لەشساغی و گەنجی پێداوی و تۆش بە سەرپێچی و تـاوان وەڵامـی ئەدەیتـەوە؟!. 🌻

ئێوە واز لەوە بێنن.. بەدەم ئیشکردنەوە گوێ بۆ ئەم ڤیدیوانەی مامۆستا محمد ملا فائق بگرن بەڕاستی زۆۆۆر زۆر تایبەتە. هەر حەزناکەی ئیشەکە تەواوبێ😅 https://youtube.com/playlist?list=PLVqS_irQp1MdMrAxAFxDuxUeML39b3V-d&si=8Dbkys-Br7FWG51s

جا ئەمە پێکەنینی دەوێ؟؟🙂