Sirdaryo viloyati bojxona boshqarmasining rasmiy axborot kanali

Ўзбекистон Республикаси Президентининг “Тўқимачилик ва тикув-трикотаж саноатини ривожлантиришни янги босқичга олиб чиқиш чора-тадбирлари тўғрисида” 2024 йил 1 майдаги ПФ-71-сон Фармонига мувофиқ, хориждан импорт қилишда 2027 йил 1 январгача божхона божидан озод этиладиган тўқимачилик маҳсулотлари ишлаб чиқариш учун зарур бўлган ва республикада ишлаб чиқарилмайдиган хомашё ва бошқа материаллар, бутловчилар ва эҳтиёт қисмлар рўйхати тасдиқланди.

“Заковатли китобхон” танлови ўтказилди Сирдарё вилояти божхона бошқармасига бириктирилган Гулистон шаҳридаги 9-сонли мактабда китобхонликни кенг тарғиб қилиш мақсадида, “Беш ташаббус” лойиҳаси бўйича “Заковатли китобхон” танлови ташкил этилди.

“Заковатли китобхон” танлови ўтказилди Сирдарё вилояти божхона бошқармасига бириктирилган Гулистон шаҳридаги 9-сонли мактабда китобхонликни кенг тарғиб қилиш мақсадида, “Беш ташаббус” лойиҳаси бўйича “Заковатли китобхон” танлови ташкил этилди. Танловда Сирдарё вилояти Ички ишлар ва Божхона бошқармаси ходимлари ҳамда ушбу мактаб ўқитувчилари иштирокида бўлиб ўтди. Жамоаларга буюк ўзбек адиби Ўткир Ҳошимовнинг “Икки эшик ораси” асари бўйича саволлар берилди. Беллашув давомида ўқитувчилар, ички ишлар ва божхона ходимлари ўз билим ва иқтидорларини кўрсатишга ҳаракат қилишди. Қизиқарли ўтган беллашув якунида ғолиб ва совриндорлар ташаккурнома, эсдалик совғалар ва бадиий адабиёт китоблар билан тақдирланишди.

Ўтган ҳафтада Тошкент шаҳрида бўлиб ўтган МДҲга аъзо давлатлар божхона хизматлари раҳбарларининг 78-мажлиси бизга нима беради? “Божхонада” подкастининг 2-сони айни шу мавзуга бағишланди. Яқин соатларда каналимизда томоша қилинг!

Журналистика мутахассислигига эга бўлган фуқаролар диққатига! Божхона қўмитаси Жамоатчилик ва оммавий ахборот воситалари билан алоқалар хизматига номзодларни саралаш бўйича танлов эълон қилади. Номзодларга қўйилган талаблар: - журналистика соҳасида камида беш йил иш стажига эга бўлиши; - 35 ёшгача; - ўзбек ва рус тилларини яхши билиш; - сўнгги воқеликлардан хабардор бўлиш; - пунктуаллик; - муаллифлик материалларини ёзиш, ОАВларда эълон қилинадиган тезкор хабарлар, таҳлилий мақолалар, қизиқарли маълумотларни излаб топиш, лозим бўлганда таржима қилиш; - матбуот анжуманлари, брифинглар, турли халқаро ва маҳаллий доирадаги тадбирларда иштирок этиш, тадбирга оид тезкор хабарлар тақдим этиш; - оғзаки ва ёзма нутқ саводхонлиги; - мухбирлик фаолиятидаги иш тажрибаси; Танловда қатнашиш учун қуйидаги ҳужжатларни тақдим қилиш зарур: - ариза; - автобиография (батафсил кўрсатилсин); - касбий маълумоти, иш стажи ва малакасини тасдиқловчи ҳужжатлар, сертификатлар; - меҳнат дафтарчаси нусхаси; - фотосурат 3x4 - 4 дона Танлов ҳужжатларини топширишнинг охирги муддати 2024 йил 10 май. Ҳужжатлар қуйидаги манзил бўйича қабул қилинади: Тошкент шаҳри, Ислом Каримов кўчаси 3-уй. Божхона қўмитасининг Инсон ресурсларини ривожлантириш ва бошқариш бошқармаси. Боғланиш учун телефон: +998 55 502 55 48; +998 55 502 17 88; +998 55 502 71 57; +998 55 502 13 88; +998 55 502 70 47; +998 55 502 28 80

#qonunchilikdagi_yangiliklar Ўзбекистан Республикаси Ҳукуматининг айрим карорларига киритилган ўзгартириш ва қўшимчаларга мувофиқ, эндиликда - божхона ҳамроҳлигидаги кузатув учун божхона йиғимларини транспорт воситаси божхона ҳамроҳлигига олингандан сўнг хам тўлаш мумкин; - чегара ўтказиш пунктларида ундирилиши белгиланган чет давлатлар автотранспорт воситаларининг Ўзбекистан Республикаси ҳудудига кирганлиги ва унинг ҳудуди орқали транзити учун йиғимни божхона ҳудудида тўлаш имконияти яратилади.

#qonunchilikdagi_yangiliklar Ўзбекистон Республикаси Президентининг 2024 йил 30 апрелдаги “2024 йилда ипотека кредитларини ажратиш механизмларини такомиллаштириш ва аҳолининг уй-жой шароитларини яхшилашга оид қўшимча чора-тадбирлар тўғрисида” ПФ-70-сон Фармони билан 2025 йил 1 январга қадар қуйидаги янги қурилиш ва махсус техникалар импортида божхона божининг ноль ставкаси қўлланилади. - электр двигатель орқали бошқариладиган тельфер (лебедка) – ТИФ ТН коди: 8425110000 - кўтариш мосламаси (домкрат) – ТИФ ТН коди: 8425490000.

Ўқувчилар билан навбатдаги тўгарак ўқув машғулоти ўтказилди Сирдарё вилояти божхона бошқармасига бириктирилган Гулистон шаҳридаги 9-сонли умумтаълим мактаб ўқувчилари билан “Божхона тўғрисидаги қонун ҳужжатлари” мавзусида навбатдаги тўгарак машғулоти бўлиб ўтди. Машғулотда ўқувчиларга божхона чегараси орқали товар ва транспорт воситаларини ноқонуний олиб ўтилишининг олдини олиш бўйича олиб борилаётган ишлар ва қонунбузилиши ҳолатларини ҳуқуқий асослари ҳамда жавобгарлик турлари бўйича тушунчалар берилди. Машғулот давомида ўқувчилар маъмурий ва жиноий жавобгарлик ҳақида маълумотларга эга бўлишиб, ўзларини қизиқтирган саволларига жавоблар олишди. Telegram | Facebook

9 май — Хотира ва қадрлаш куни муносабати билан Божхона қўмитасининг “Тошкент АЭРО” ихтисослаштирилган божхона комплексида “Устозлар насиҳати – ютуқлар калити” мавзусида “Уч авлод учрашуви” ташкил этилди. Тадбирда Божхона қўмитаси раис ўринбосари О.Чориев, Ўзбекистон божхона хизмати Фахрийлар уюшмаси раиси Д.Қудриддинов, тизимда узоқ йиллар фидокорона хизмат қилган божхона фахрийлари, комплекс шахсий таркиби ва кенг жамоатчилик вакиллари иштирок этишди. Тадбирни Раис ўринбосари О.Чориев очиб берар экан, давлатимиз раҳбари Ш.М.Мирзиёев томонидан кексаларга, нуроний фахрийларга юксак эътибор ва ғамхўрлик кўрсатиш – давлат сиёсатининг устувор йўналишларидан бири сифатида белгиланганлигини айтиб ўтди. Шунингдек, тадбирда юртимиз тинчлиги ва иқтисодий хавфсизлигини таъминлашда муносиб ҳисса қўшган, жамият равнақи, халқ фаровонлиги йўлида узоқ йиллар давомида фидокорона божхона тизимида раҳбарлик қилган устоз ҳамда мураббийларнинг ўрни ниҳоятда беқиёс эканлиги таъкидланди. Сўзга чиққан божхона фахрийлари ўтмишнинг машаққатларини эслаб, бугунги фаровон кунларга шукроналик келтиришди. Шунингдек, бугунги кунда божхона ходимларининг хизмат олиб боришлари учун яратилган шароитлар ва уларни қадрлаш хусусида тўхталиб, адолат ва ҳалоллик мезонлари асосида иш олиб боришлари лозимлигини уқтиришди. Учрашувда сўз олган Д.Қудриддинов мамлакатимизда мустақилликнинг дастлабки йилларида давлат божхона хизмати органларининг шаклланиш босқичи, ривожланиш даври ва бугунги кундаги туб ислоҳотларга тўхталиб ўтди. Тадбир якунида божхона фахрийлари ёшларга яратилаётган имкониятлардан самарали фойдаланиб, юрт равнақига, мамлакатимиз сарҳадларининг дахлсизлиги ҳамда иқтисодий манфаатларини ҳимоя қилишга бор куч имкониятларни сафарбар қилишлари лозимлиги тўғрисида насиҳатлар қилишди. Ҳозирда соҳада эришилаётган ютуқларни эътироф этиб, ёш божхоначиларни ватанпарварлик руҳида тарбиялашда ўз кўмакларини аямасликларини таъкидлашди.