Dal Xoreeye TV 🇸🇴

Degmada Wisil Waxa ka Socda Diyaar Garow Ciidan taas Oo U jeedadu Tahay Sidii Dhamaan Deeganada Galmudug looga Saari Lahaa khawaarijta. Dagaalkan Wuu Soconaya ee Haka Hadhin.

Isagoo nolol fiican ku heysyo qurbaha ayuu dalkiisa yimid si uu uga qeyb qaato xoreynta dalka,Korneyl Yoonis Xasan sabriye oo saaka ku shahiiday Ceeldheer.

Mid kamid ah cadawgi saakay so weeraray ceeldheer kuwa badanaa jidka kuso jiro

Ciidanka Sida Gaarka u Tababar kumaandooska Danab XDS ayaa Xalay Saqdii dhexe howlgal qorsheysan Ka Fuliyeen Deegaanka Kaamjiroon oo 75KM Dhanka Galbeed Kaga beegan magaalada kismaayo ee Gobolka Jubada Hoose. Howlgalkan ayaa lagu Qaarijiyey Hoorjooge khawaariijta u qaabilsana waxa ay ugu yeeraan Zakawaadka iyo Qeybta Sirdoonka. Ciidanka Kumaandooska Danab XDS ayaa ah kuwa hurdada u diida Horjoogayaasha iyo maleeshiyaadka Khawaariijta.

Ciidamada Hey’adda Sirdoonka iyo Nabad Sugidda Qaranka ee NISA ayaa fashiliyey isku day dil oo labo dhagarqabe oo ka tirsan Khawaarijta ay ka fuli rabeen degmada Dharkenley ee gobolka Banaadir. Ciidamada ayaa helay xogta labada dhagarqabe, kadibna waxaa lagu sameeyey dabagal inta aysan gaarin bartilmaameedkoodii, waxaana halkaas lagu dilay mid kamid ah dhagarqabayaashii, iyadoo kii kale nolosha lagu qabtay, isagoo dhaawac ah. Ciidamada NISA ayaa soo bandhigay meydka dhagarqabaha la dilay, dhaawaca kan nolosha lagu hayo iyo labo bistooladood oo ay ku hubeysnaayeen, isla markaana ay qorsheynayeen inay dil ku geystaan.

Ciidanka xoogga dalka, gaar ahaan guutada 8-aad ee qeybta 60-aad ayaa howlgal ay xalay ka fuliyeen deegaano ka tirsan gobolka Bay waxay ku dileen Cabdullaahi Caliyow iyo Najiib Cabdisalaan oo ka tirsanaa Khawaarijta, kuna howlanaa uruurinta baad ay ka qaadayeen dad shacab ah. Howlgalkaas ayaa ka dhacay deegaanada Sarmaan-dheere iyo Mooro-busbus ee gobolka Bay, waxayna saraakiisha hoggaamineysay warbaahinta qaranka u xaqiijiyeen inay ku guuleysteen dilka dhagarqabayaashii bartilmaameedka u ahaa ee shacabka dhibaateyn jiray.

Ceelasha Biyaha: Dhagarqabe ka tirsanaa Khawaarijta oo Miino ku dhex sameynayay Gurigiisa ayaa qaraxii uu maleegayay wuxuu ku qarxay isaga iyo reerkiisa. Labo carruur ah oo uu dhalay iyo isagii ayaa qaraxaas ku geeriyooday, waxaana dhaawac ah hooyadii qoyska, sida uu noo xaqiijiyey Taliska ciidanka Boliiska Soomaaliyeed.

Bakhtigii khawaarijta oo daadasan degaanka baar sanguuni ee Gobolka Jubada hoose

Cutub Ciidan ah oo ay hogaaminayaan Taliyaha Guutada Gurmad L/xle:- Maxamed C/qadir Dagal iyo Abaandulaha ururka 1-aad ee Gurmad Cabdi Gurey iyo Saraakiil ka tirsan Ciidamada Daraawiishta ayaa Galabtay gaaray magaalada Xarar-dheere ee Koonfurta Gobolka Mudug, kuwaas oo gurmad ahaan uga Baxay Degmada Wisil. Gurmadaan ayay beesha sacad ugu talogashay inay ku garab istaagto Beelaha walaalaha ah ee reer Xarar-dheere iyo Ciidamada Qalabka sida oo shalay Dagaal adag khawaarijta kula galay Duleedka Xarar-dheere.