Murad Tadesse (Official Channel)☪️🇪🇹

የማለዳ ስንቅ ለቀልብዎ❤️ [Part: ⓵⑤⑧⑦]👌 #ቁርኣን

የምሽት ስንቅ ለቀልብዎ❤️ [Part: ⓵⑤⑧⑥]👌 #ቁርኣን

ይነበብ‼ ======== በተለይም ነጋዴው ማኅበረሰብ አንብብ! * «የገቢና የወጪ ንግድን ጨምሮ በጅምላና በችርቻሮ የሚሳተፉ የውጭ ባለሀብቶች የሚያሟሉት የካፒታል መጠን ይፋ ተደረገ!» ይላል ከትናንት በፊት ሪፖርተር ጋዜጣ ይዞት የወጣው ዜና! ባይሆን በዋናነት ተጎጂ የሚሆኑት እነዚያ ከቻይና፣ ከዱባይ፣ ከቱርክ በርካሽ ዋጋ ያመጡትን እቃ በሁለትና ሦስት እጥፍ አትረፍው በብቸኝነት ሲሾፍሩን የነበሩ በጣት የሚቆጠሩ ፈላጭ ቆራጭ አምጪና ላኪዎች ናቸው። ተጠቃሚ እንኳ ልትጠቀም ትችላለህ። ለማንኛውም ኢኮኖሚስቶች ዕውቀት ተኮር አስተያየት ስጡበት። || ✍ ማንበብ ይጠቅማልና የካሳን አስተያየት ልጋብዛችሁ። «[ኢትዮጵያ] የውጭ ሀገር ዜጎች በገቢ ንግድ (import)፣ በጅምላና ችርቻሮ ንግድ እንዲሰማሩ የፈቀደች የመጀመሪያዋ አፍሪካዊት ሀገር ሆናለች፣ አዋጁ ተዘጋጅቷል፣ መፅደቅ ብቻ ይቀረዋል። ይህ ምን ማለት እንደሆነ ለማስረዳት መሞከር ይቻል ይሆናል፣ የሚገባውን ግዝፈትና ትኩረት እንዲያገኝ ማድረግ ግን አይቻልም፣ ውጤቱ ከቃላት በላይ ነው፣ bullet point ለማስቀመጥ ልሞክር፣ ⏺️ከማዳበሪያና ነዳጅ በስተቀር የፈለጉትን ምርት ወደ ሀገር ውስጥ ማስገባት ይችላሉ፣ ⏺️ይህ አዋጅ በፀደቀ ማግስት ኢትዮጵያ የቻይና፣ የህንድ፣ የቱርክ ምርቶች ማራገፊያ ሀገር ትሆናለች፣ ⏺️የትኛውም ኢትዮጵያዊ ከውጭ ዜጎቹ ጋር ተወዳድሮ ገበያ ውስጥ መቆየት አይችልም፣ የራሳቸው መርከብና የጭነት አውሮፕላን ካላቸው ነጋዴዋች ጋር እንዴት ብሎ ነው የሚወዳደረው? አንድ ኢትዮጵያዊ ከውጭ አምጥቶ ትርፋን ጨምሮበት 500 ብር የሚሸጠውን ጅንስ ሱሪ አንድ ቻይናዊ አስመጭ በ100 ብር ገበያ ውስጥ ያቀርበዋል፣ እነሱ የደረሱበት economy of scale ላይ የተጠጋ የለም። ⏺️ አንድ ቻይናዊ፣ ህንዳዊ ወይም የቱርክ ሰው ከአንድ ኢትዮጵያዊ እኩል መብት ይኖረዋል፣ እንደውም የዲፕሎማቲክ ከለላ ስላለው የውጭ ዜጎቹ የተሻለ ጥበቃና መብት ይኖራቸዋል፣ ⏺️ የውጭ አስመጪዋቹ፣ ጅምላ አከፋፋዬችና ቸርቻሪዋች ቢያንስ አምስት የመሸጫ ሱቅ እንዲከፍቱ በአዋጅ ስለሚገደዱ በየህንፃው ላይ 2×2 ሱቅ ይዘው የሚቸረችሩ ዜጎች ሱቁን ዘግተው፣ መብራት አጥፍተው፣ ቁልፋን አስረክበው ላይመለሱ ወደቤታቸው እንዲገቡ ይገደዳሉ፣ ⏺️ አደጋው የጅምላና የችርቻሮ ንግድን ብቻ የሚያጠፋ ከመሰላችሁ ትሳሳታላችሁ፣ ኢትዮጵያ ውስጥ ሊመረት የሚችል ነገር አይኖርም፣ ጭቃ ጠፍጥፈህ ጀበና መስራት አትችልም፣ ለውቃቢ የሚስማማ ያሸበረቀ ጀበና በርካሽ ዋጋ ከቻይና ይመጣልሀል፣ ⏺️ በጀምላና የችርቻሮ ንግድ የሚሳተፋት የውጭ ባለብቶች ቁሳቁሱን የሚገዙት የውጭ ምንዛሬውን ከራሳቸው የውጭ አካውንት ከፍለው ነው፣ በሀገር ውስጥ በብር ይቀበላሉ፣ ብሩን ወደ ዶላር ቀይረው ትርፋቸውን ከሀገር የሚያወጡበት ቀጥተኛና ህጋዊ መንገድ እስካሁን የለም፣ ጥያቄው ከኢትዮጵያ ድንበር ውጭ የትም ቦታ ተቀባይነት የሌለውን ብር ምን ያደርጉታል? የሚል ነው፣ ከላይ ከተጠቀሰው አዋጅ ጋር አብሮ የሚፀድቅ ሌላ አዋጅ አለ፣ አዋጁ የውጭ ዜጎች በኢትዮጵያ ውስጥ ንብረት እንዲኖራቸው የሚፈቅድ ነው፣ ⏺️ የጅምላና በችርቻሮ ንግድ የተሰማሩት የውጭ ሀገር ዜጎች የሰበሰቡትን ብር ቤትና ቦታ ግዥ ላይ እንደሚያውሉት አይጠረጠርም፣ ቤትና ቦታ እንደ ኢትዮጵያ ባለ ሀገር ገንዘብን ከኢኮኖሚ አደጋ የምትከላከልበት መንገድ (hedge) ነው፣ ይህ የቤት ዋጋ ላይ የሚኖረውን ጫና አስታውሳችሁ የኢትዮጵያዊያኑን ዕጣ ፈንታ ገምቱት፣ ሲፈልጉ ንብረቱን ወደ ዶላር ቀይረው መውሰዱም አይከብዳቸውም፣ ⏺️ አንድ የቻይና ኩባንያ አምስት መርከብ ዕቃ አምጥቶ የኢኮኖሚ ጡንቻውን ማፈርጠም ይችላል፣ ኢኮኖሚው ላይ ቀላል የማይባል ተፅዕኖ የሚያስችል አቅም ያደረጃል፣ ⏺️ ብዙዋቻችሁ ግር ሊላችሁ እንደሚችል እገምታለሁ፣ የውጭ ባለሀብት [FDI] የሚፈለገው ገንዝበ ይዞ እንዲመጣ ነው፣ የጅምላ ነጋዴዋቹና ቸርቻሪሪዋቹ ደግሞ ሸቀጥ እንጂ ገንዘብ ይዘው አይመጡም፣ FDI የሚበረታታው ስራ ስለሚፈጥር ነው፣ ይህ (በተቃራኒው) በአስር ሚሊዬን የሚቆጠር ስራ በአንድ ሰሞን እምሽክ የሚያደርግ ነው፣ የታሰበው አንድ ነገር ነው፣ ⏺️ ኢትዮጵያዊያን አስምጭዋች የውጭ ምንዛሬ ከብሔራዊ ባንክ እያገኙ አይደለም፣ መንግስት የለውም፣ ያላቸው ብቸኛ አማራጭ ዶላር ከጥቁር ገበያ ገዝተው ዕቃዋችን ማስገባት ነው፣ የንግድ ዘርፋ ለውጭ ዜጎች ክፍት ከሆነ ኢትዮጵያዊያኑ ከውድድር ውጭ ይሆናሉ፣ ያ ደግሞ የዶላርን የጥቁር ገበያን ያዳክማል፣ የምንዛሬ መጠኑን ከፍ አድርገን ስናበቃ ዶላር እንዝቃለን የሚል ስንኩል ትንታኔ የካሊጉላ አማካሪዋች ሳይሰሩ አልቀሩም፣ እጅግ ከባድ ቀውስ እየጠመቁ መሆናቸው አልገባቸውም፣ …»

ካነበባችኋቸው መጽሐፍቶች ውስጥ የምንጊዜም ምርጥ የምትሏቸውንና የተመቿችሁን መጽሐፍቶች ጥቀሱ እስኪ?

ስሙ'ማ ቅመሞች… የአንብብ ትውልድ ሆነን ማንበብ ቢያቅተን ወደ ማቃጠል'ማ መሄድ የለብንም። ስለዚህ እነዚህን ስሜታዊ ወንድሞች ያቃጠሏቸውን መጽሐፍቶች በስፋት ታትመው በየቦታው እንዲነበቡ አናሰራጫቸውም? ለምሳሌ፦ የኢብኑ ሙነወርን አልበያን፣ ተውሒድ የሁለት ሃገር የስኬት ቁልፍ፣ ኢብኑ ተይሚያ የሱንናው አንበሳ፣ ከዐርሹ በላይ፤ እንዲሁም የሳዳት ከማልን አሏህን ማወቅ፣ መንዙማ እና ተውሒድ የሚሉትን መጽሐፍቶች በብዛት ለማሳተም ስፖንሰር ለመሆን ፈቃደኞች ካላችሁ አናግረናቸው በስፋት ታትመው ይሰራጫሉ። ዝግጁ?

ዛሬ የመጽሐፍ ቀን ነው አሉ መሰል። አላማዬ ስለቀኑ ሳይሆን ኢስላማዊ መጽሐፍ ስለሚያቃጥሉት ጉዶች ነው። ያቃጠሏቸውና ለማቃጠል ያዘጋጇቸው እንዲሁም በውሃ ሊዘፈዝፏቸው ያሰቧቸው መጽሐፍት "መንዙማ" የሚለው የሳዳት ከማል መፅሐፍ፣ "መውሊድ!፣ ኢብኑ ተይሚይያህ… ወዘተ የሚሉትን የኢብኑ ሙነወርን መጽሐፍቶች ነው። ለማቃጠል ያነሳሳቸው ከመጽሐፍቶቹ ጸሐፊዎች ጋር አለመግባባታቸው እንጂ መጽሐፍቶቹ ውስጥ ለመቃጠል የሚዳርግ መጥፎ መልዕክት ኖሮ አይደለም። ይህን የፈጸሙት ሰዎች ሙስሊሞች ናቸው። ከሙስሊምም አልፈው ብቸኛና እውነተኛ "ሰለፊይ" ነን ብለው የሚሞግቱ ናቸው። እኔ እነዚህን ፌክ ሰለፊያ ነው የምላቸው። እነዚህ ትክክለኛውን የሰለፎች ጎዳና እና ትክክለኛ ሰለፊዮችን የሚያሰድቡና መንገዱን ሌሎች እንዲጠሉት የሚያደርጉ፣ የሚያወሩትንና የሚተገብሩትን የማያውቁ ጉዶች እንጂ ሰለፊይ ናቸው ማለት ይከብደኛል። "መውሊድ" የሚለውን መጽሐፍ መውሊድ አክባሪ የሆኑ አሕባሾችና መሰል ቡድኖች እንኳ አቃጥለው ጀብዱ እንደሠራ ሰው አላሳዩንም። "መንዙማ" የሚለውን መጽሐፍ መንዙማ ወዳጆች አቃጥለው አላሳዩንም። ታዲያ መውሊድና መንዙማን እቃወማለሁ የሚል ሰው ደራሲውን በመጥላት ብቻ ተነሳስቶ መውሊድና መንዙማ የሚቃወሙ መጽሐፍትን ያቃጥላልን? እኔ እንዲህ አይነት ሰለፊይ ነኝ ባይ ሰምቼም አይቼም አላውቅም። እነዚህ ስሜታቸውን ያላሸነፉ በእውር ድንበር የሚጓዙ ያልተገራ አንደበት ያላቸው ናቸው፤ አላህ ይምራቸው። ምክንያቱም ባቃጠሏቸው መጽሐፍቶች ውስጥ ያለን ሐዲሥና ቁርኣን አቃጥለዋል። ሐሰን ታጁን ጠላሁ ብዬ የተረጎመውን የኢማሙ ነወዊይ ሪያዱ-ስ'ሷሊሒን ወይም የኢብኑ ሐጀርን ቡሉጙ-ል-መራም ወይም የሸይኽ ፈውዛንን አል-ኢርሻድ… በእሳት አላቃጥልም። በዚህ አካሄዳቸው ሳዳትና ኢብኑ ሙነወር አላህ አግርቶላቸው ቁርኣንን ቢተረጉሙም ሊያቃጥሉት ነው ማለት ነው። አሁን ይሄ እብደት ምን አይነት ሰለፊይነት ነው? ወላሂ ትክክለኛ የደጋግ ሰለፎች መንገድ ከነዚህ ስሜት ከጋለባቸው ሰዎች አካሄድ የጠራ ነው። አላህ ወደ ትክክለኛው ሐዲድ ይመልሳቸው። ሚዛናዊነትን ያላብሳቸው፣ ካሉበት ጡዘትና እልህ ያብርዳቸው። እኛንም ወደ ቀጥተኛው ጎዳና ይምራን። || t.me/MuradTadesse

በሐቅ ላይ ከሆነ መቀራረብና አንድነት ሸሪዓው የሚደግፈውና የሚበረታታ ነው። በሱንና ኢኒስቲትዩት ስር የሚገኘው የሱንና ኢኒስቲትዩት መስራችና ዋና ፕሬዝደንት ሸይኽ ሙሐመድ ሓሚዲን (ዶ/ር) ተቋማቸው በሰሞኑ ያዘጋጀውን የምሩቃን ኮንፈረንስ የመዝጊያ ፕሮግራም ከኢብን መስዑድ ኢስላሚክ ሴንተር ጋር የልምድ ልዉዉጥ ያደረጉ ሲሆን አብረዉ መሥራት የሚያስችሏቸው ጉዳዮች ላይ ዉይይት አድርገዋል። ፕሬዝዳንቱ "እዉቀትን በማስፋፋት ዘርፍ ኢስለምን ለማገልገል  እየሰራን እንደመሆኑ ይህን አላማችንን ከግብ ለማድረስ ከመሰል ተቋማት ጋር ህብረት እንደሚያሻ እናምናለን!" ብለዋል። ሸይኽ ኢልያስ አሕመድ በበኩላቸው "የአንድነት መገለጫ በአንድ ተቋም ዉስጥ በመሰብሰብ ብቻ አለመሆኑን ገልፀው ከዚህ በፊት ኢስላምን በማገልገል ረገድ ከፍተኛ ሚና ሲጫወቱ እንደ ነበረዉ ሁሉ ወደፊት እንደ ተቋም ተጋግዘን  #የሰለፎችን_ጎዳና ሕያዉ እንደምናደርግ ተስፋ አለኝ!" ሲሉ ገልፀዋል። ጥሩ ነው! አሁንም ውስጣዊና ውጫዊ መከፋፈሎች ቀርተው፤ ሁሉም ኢጎውንና ዱንያዊ ነገርን ወደ ጎን በመተው ነፍስያውን አሸንፎ በሰለፎች ጎዳና ላይ አንድ ቢሆን በአላህ ፈቃድ ብዙ መጥቀምና መጠቀም እንችላለን። ♠ ©: Photo Crdeit: ዳዕዋ ቲቪ || t.me/MuradTadesse

ገራሚ ታሪክ‼ ========== (በተለይ ወላጆች ይህን ሸይኽ ፕሮፌሰር ዐብዱ-ር'ረዛቅ አል-በድር የሚነግሩንን ታሪክ በደንብ አዳምጡት!) || ✍ ከሆነ ሃገር ለዑምራ የመጣ አንድ ሰው ጠዋፉን ጨርሶ በካዕባ ዙሪያ ሐጀረ-ል-አስወድ አካባቢ ዱዓእ እያደረገ ነበር። አስተውላችሁ ከሆነ ሐጀረ-ል-አስወድ ጋር ከፍተኛ የህዝብ መገፋፋት ስላለ እጃቸውን በሆነ መያዣ ላይ አስደግፈው የሚቆሙ ወታደሮች አሉ። በዚያ አጋጣሚ እዛ ጋ ቆሞ የነበረው ወታደር ገጠመኙን እንዲህ ይተርከዋል። "በጣም ለቅሶው የበረታ ሰው ድምፅ ሰማሁ። ምንድን ነው ብዬ ዘወር ሲል አንድ ሰው ከባድ ለቅሶ እያለቀሰ አላህን ይለምናል። ለቅሶው ስለሳበኝ ምን እያለ ይሆን ብዬ ሳዳምጠው በዱዓቅ መሃል «ያ ረብ! (ጌታዬ ሆይ!) ሰዎች ልጆች አሏቸው። እኔ ልጅ የለኝም!» ይህን ቃል እየደጋገመ በጣም በብርቱው ያለቅሳል። ሲደጋግመው ስለነበር በጆሮዬ ይህንን ድምፁን ሸምደጀዋለሁ። ከዚያም ከ18 ወይም 20 አመታት በኋላ በዚሁ በሐጀረ-ል-አስወድ ቦታ ሳለሁ፤ ራሱኑ ያኔ የሰማሁትን ድምፅ ሰማሁ። ግለሰቡን አስታወስኩና ፊቱን ለመመልከት ዞርኩ። ራሱ የያኔው ሰውዬ ነበር። ልክ እንደዛው በብርቱው እያለቀሰ አላህን ይለምናል። ምንድን ይሆን የሚለምነው ብዬ ማዳመጥ ጀመርኩ። "ያ ረቢ! (ጌታዬ ሆይ!) ይህንን ልጅ አጥፋልኝ!" ይላል። እዛ ዱዓእ ማድረጊያው ዘንድ ሆኖ ልጄን አጥፋልኝ እያለ አላህን ይማፀናል። ከቆምኩበት ቦታ ወረድኩና ከዚያ ከካዕባው ዙሪያ ይዠው ወደ ውጭ (ወደ ዳር) ወጣን። እንዲህም አልኩት፦ «ከዛሬ 18 አመታት በፊት በዚሁ ቦታ አላህ ልጅ እንዲሰጥህ ስትለምን የነበርከው ሰው አይደለህምን?» «አዎ!» አለኝ። እኔም «አንተ በዚህ ቦታ ልጅህን ሁለት ጊዜ በድለኸዋል። የመጀመሪያው በደልህ፤ እኔ ያኔ ሰምቸሃለሁ፣ ዱዓህን ሐፍዤዋለሁ፣ ዝም ብለህ "ልጅ ስጠኝ!" ነበር እንጂ ስትል የነበረው "መልካም ልጅ ስጠኝ!" አልነበረም ያልከው። አሁን ደግሞ ሁለተኛው በደልህ ራሱ ቦታ መጥተህ አላህ እንዲያጠፋው ትለምናለህ። በመጀመሪያውም በመጨረሻውም አላሳመርክለትም። አሁንም ወደዛው ቦታ ተመለስና አላህ እንዲመራው ዱዓእ አድርግለት። ልክ እንደበፊቱ ራሱኑ ለቅሶ እያለቀስክ ቀልቡን እንዲመራለት ዱዓእ አድርግለት። ይህን አስረዳሁትና ይዤው መልሼ ወደዛው ቦታ ወሰድኩት።  ከዚያም ለቅሶውን ጀመረና ለልጁ ሂዳያ እንዲሰጠው አላህን መለመን ጀመረ። ከዚያም ከአንድ አመት በኋላ ከልጁ ጋር መጣ። ሰላምታ አቀረቡልኝና ለልጁ ታሪክህን ንገረው አለው። ከዚያም ልጁ መሃላ እየማለ፤ ያኔ አባቴ በዚያ ቦታ እያለቀሰ አላህ ሂዳያ እንዲሰጠኝ በሚማፀንበት ሰዓት ተነስቼ ውዱእ አድርጌ ሶላት ጀመርኩ። ከዚያም በኋላ ሁኔታዬ ተስተካከለ። በብዙ መልኩ ወላጆቹን አዛ የሚያደርግና በሐራም ነገሮች ላይ ሲያሳልፍ የነበረ ልጅ ነው።» ከዚህ የምንማረው፤ ወላጆች አላህ ልጅ እንዲሰጣችሁ ስትፈልጉ፣ ልጅ ብቻ ሳይሆን ማንኛውንም ነገር ስትጠይቁት መልካሙን (ሷሊሑን) ጠይቁት። አንዳንዱ ፊትና ይሆናል። አይበለውና መጥፎ ካጋጠማችሁ ለውሳኔ ቸኩላችሁ በንደት አትራገሙ፤ በምትራገሙበት ምትክ አላህ እንዲያስተካክለው ዱዓእ ብታደርጉበት የበለጠ ነው። አላህ መልካምን ሁሉ ይወፍቀን። || t.me/MuradTadesse